منتدى استراحات زايد - ¯`·.» بنت المزروعي «.·`¯

أم فطوم: أول قم ودني عند خالتك وخلاف بقولك..
سعيد: أوديج بنكوك بس قولي..
أم فطوم: حشى عليه...بنكوك مخليتنها الكم...
سعيد: هههههه انزين قولي..
أم فطوم: وافقوا..بخلي ابوك..يرمس حارب إلا وبتنقص حيتكم...
سعيد: قومي لبسي عباتج عيل..
أم فطوم: يالله يالمكر..من وين بييبوونه..*واطالع ابو فطوم..
أبو فطوم: هاه هاه...شياكم...وأنا إلا الخياس اتعقونه عليه...
فطوم+سعيد+مهروه+حمدووه: هههههههههههههههههههه
حاضر قام....
فطوم: وين ساير...
حاضر: طفران باسير....
بو فطوم: الحينه...
حاضر: هيه باسير الحينه عشان ارد من وقت...
بو فطوم: ما بتودي حد من خواتك وياك..جاد يبن شي..
فطوم: هيه حاضر ودني وياك..
حاضر: قومي بس بعدلج..دقايق...
مهروه: هيه هيه بس فطوم...
حاضر: هوب فاضلج
حمدوه: وانا..
سعيد: قومن قومن بوديكن أنا...بخطف أميه وبسيربكن...
حمدوه+مهروه:هيييييه...
بو فطوم: عيل أنا باسير اسلم على اميه..ومناك بلحق بمك......
في بيت حارب بن ضاحي (ابو لطوف)....
لطوف: قولي والله
أم لطوف: وابوي.. أشوفيني جذوب..
لطوف: هههه لالا اميه...ههههههه
أم لطوف: أنا أباهم عرب طيبين وزينين...إنتي شو رايج..عشان أبلغ أبوج..
لطوف مستحيه: والله الشور شوركم..
أم لطوف: يا مكركن يالبنات...*وتقوم..
وفي بيت ميثوه.....
حصه: هاذا وقته...بنتعدل في السياره بس أهم شي تيبين العده..هههه
ميثه: لا توصين هههههههه يالله.....
ويضهرن....وفي السياره..
ميثه: وين الكحال..
حصه: صدق بقره...أغراضها ولا أدل وينهن..
ميثه: ههههههه
حصه: أنا خلصت..
ميثه: محمد دخل تيب...حط هاذا جديد انا يشتري..
ويحط الدريول شريط هندي..
ميثه+حصه:هههههههههههههههههههههه
الدريول: ماما هاذا تمام...مافي شريط كولش ودي عزبه...مافي معلوم وين..
ميثه: صكر صكر...يا مال الشوزن عسى....
وفي سيارة سعيد
سعيد: وين تبن أسيرن...أي مول..
مهروه: نبا المارينا...
حمدوه: لالا بوظبي مول..المارينا زحمه شباب..
سعيد: شو رايكن انسير ناكل في الشوكه وعقب نسير جمعية بوظبي..
حمدوه: هيه
مهروه: لالا نبا نشتري ثياب..تعالو قرب العيييييد..
حمدوه: هممم...سعيد..ودنا أول المول..عقب بنتعشى
سعيد: خلاص...
وفي سيارة حاضر...
حاضر:فطوم تحيدين هاذيك البنيه الي قتلج عنها يوم نحن في رديم
فطوم: هيه هيه..أذكرها..هيه صح ما رمستها..
حاضر: أصلاً ودرتني...
فطوم: وليييش زعلان...
حاضر: زعلان لأنه صدق دخلت خاطريه...وهوب أنا الي مودرنها هي الي ودرتني..
فطوم: هييييييه زعلان عشان شي بنيه كسرت خشمك..هههههههه
حاضر: تهبي إلا هي تكسر خشمي..بعدها ما يابتها امها الي تييب راسي....
فطوم: والله حيرتني...تعال انته متى بتعرس...ههههه
حاضر: سخيفه...
فطوم: حاضر...يوم بتعرس خلني انا أختارها لك...ياويلك إن خذت وحده ما أحبها..
حاضر: هيه مخبووق راسي أنا آخذ وحده بشورج..
فطوم: هههههههههههههههه...
وعقب نص ساعه .....
في المول...
.البنات متغشيات..
ميثه: هلا اميه
أم ميثه: وين إنتي...
ميثه: ويا حصوه في المركز..إنتي وين..
أم ميثه: هييييه..برايج عيل...أنا عند خالتج...
ميثه: هيه مع السلامه
أم ميثه: عندج بيزات..
ميثه: هيه هيه..عندي بطاقتج...اميه برايج شكلي غلط يالسه ارمس في التلفووون..
أم ميثه: مالله..سلمي عليها
ميثه: اسلم عليت.
حصه:الله يسلمها...تعالي ميثووه...بنسير الجمعيه ..
ميثه: اوكي...
فطوم: حاضر...أنا بدخل شويه هاذا المحل إحتمال اطول..ايلس أي مكان...
حاضر: مسكي تلفوني..يوم اتخلصين سوي رنه على هاذا الرقم..
فطوم: اوكي..
حاضر سار صوب الجمعيه اشترى حلاوه وايد.. ..
وحاسب..وسوت فطوم له...وطلع بسرعه وهو شال الأكياس..
وهو مستعيل
يندعم في بنيه متغشيه ويطيح على ويهه....والبنيه اطيح واطير غشاتها..
ميثه بصوت عالي: حصووووووه...شو سويتي...
حصه يالسه تتخشع من الصياح...نزف خشمه بسرعه مع أنه ظربه خفيفه...بس لأنه كان منكسر خشمه من الدراجه ومسوله عمليه..
فك الحمدانيه وتلثم بها....
حاضر: ماصار إلا الخير...أنا الغلطان
وفطوم يالسه تتصل بحاضر...
حاضر ما عرف شو يسوي..موقفه محرج: ..أنا في الجمعيه تعالي..تعالي..
فطوم..يت بسرعه خايفه على اخوها...
فطوم شهقت...: حاضر...شو فيييييييك...
وعرفت السالفه...ويلست تشل الأغراض
..وعقب اعتذرت ميثوه حق فطوم على الي صار..وتعرفن على بعض..ويوم هدت حصوه وصكتت..حاضر شل بعمره وطلع والأغراض في يده.. ...
فطوم: بس حصه ما صار إلا كل خير...
حصه: أنا آسفه..ما كان قصدي..
فطوم: لا حبوبه..قومي قومي...
...وتسير فطوم صوب حاضر...
فطوم:هاه شي تآنس......
حاضر: لالا ماشي...برايج انا بنزل يوم بتخلصين اتصلي..
وعقب المغرب...
فطوم: حاضر...إنت وين..
حاضر: أنا في الصيدليه..
فطوم: اخبرك أنا في المسيد ويا البنات اوكي...
حاضر: خذي راحتج..أنا بيلس شويه في السياره..
فطوم: أوكي...
حصه: فطوم شو صار له اخوج..عسى ما تعور..
فطوم: لا ما عليه شر ..
حصه *في خاطرها...: حاضر......!!!!!!!!!!..
ميثه: اششششششهد أن لا إله إلا الله وأشهد أن محمد عبده ورسوله
حصه: ههه..ظارب الطوع اليوم...
ميثه: هههههههه
فطوم: ههههه
حصه: يايه اتشرين حق العيد
فطوم: هيه يايه ويا اخويه اتشرى وهو ياي ايغير جو..اون مضيج..
ميثه: يا حيكم والله فرصه سعيده اتعرفنا عليج يا فاطمه..
فطوم: أنا أسعد..ههه..برايكن أنا أترخص عيل.....
ميثه: عندج تلفون.... فطامي..
فطوم: لا والله اخواني بيقصبوني لو عندي هههههه ...بعطيج رقم بيتنا متى ما تبين اتصلي...
ميثه:أوكي كم...
فطوم:**********************#
ميثه:سيفته (فاطمه المزروعي..)
فطوم:هههههه....يالله عيل مع السلامه..
ويقومن يتوايهن...
وتطلع فطوم...وتسير حق اخوها حاضر.. الي رقد في السياره..
أول ما بطلت فطوم الباب...واحد يا من وراها..
:الحلو*********************#
حاضر قام والتفت وبطل الباب..
ويوم شاف حاضر فل..
حاضر معصب: إمف..حيواان....
فطوم: إقلعه عنك...شو قالك راعي الصيدليه..
حاضر: ماشي عطاني بخاخ..يعور يغربله..
فطوم:ههههههه سو أشعه..يمكن تعورت..
حاضر: لا ما عليج...أبطيتي إنتي وين كنتي....
فطوم: تعرفت على البنات ويلست أسولف وياهن...الين ما تفججت غصب..
حاضر: هيه..*ويحرك السياره
فطوم: وحده اسمها ميثه والثانيه اسمها حصه......
حاضر: يايات رواحهن...
فطوم: ما سألتهن..
حاضر: مشالله عليها..حلوه طرر...
فطوم: هيه..وايد..إنت لو شفت ميثه عيل....بس هوب أحلا عني..
حاضر: هههههههههه
فطوم: اخبرك...خذن رقم البيت...
حاضر: هيه..زين...
ويردون ...وفطوم اسولف عشان ما يرقد حاضر من التعب...وتقوله عن سوالفهن..
.... الساعه 8 ونص في بيت قوم فطوم...
حمدوه: فطوم شي اشتريتيلي..
فطوم: لا ماشي..أصلا أنا ما اشتريت شي غير شباصات عيبني...
مهروه: هيه طبعن حقج...
حمدوه: أكيد..
فطوم: ذلفن خذن الي تبنه..أنا باسير عقب..اشتري..
*حمدوه+مهروه قامن..
حاضر: برايكم أنا بسبح وبرقد لحد يدق..
أم فطوم: ايسلمون عليج عيال خالتج..وعمومتج..سرنالهم أنا وأبوج..
فطوم: الله يسلمهم... أنا بحدر أرقد تعبانه.....هيه صح..باجر عندي موعد في العياده عشان يفكون الخياطه...الصبح يعني لا توعوني للمدرسه...
أبو فطوم: شو قلنا..
فطوم: خلاص وعوووني..نفاد ....
وتوقف...
فطوم تتحرطم: متى باموت وبفتك...
أبو فطوم: هههه ياهل..
يوم الأثنين...الصبح......
تنش فطوم ومهروه وحمدوه وحاضر...أما سعيد راقد كالعاده..
فطوم: أميه تعالو شلوني الساعه 9 ونص...انزين..
أم فطوم: انشالله..متى موعدج هوه..
فطوم: الساعه 10 يمكن..المهم...تعالو شلوني قبل..
أبو فطوم: لالا أنا باييج الساعه 10 ...إلا دقيقتين الدرب..
فطوم *وتحيس فجها: انزين
مهروه: يالله تأخرت أنا عندي حصه صباحيه..
فطوم: أوني عاد...لو أنا ما بتستعيلين هالكثر..
مهروه: والله أشوفج هوب مال دراسه..عيل هاذا ويه دراسه..
حمدوه: حدرن حدرن قدامي حتى الصبح بتضاربن..
أم فطوم: الله يحفظكم..
ويا حاضر وحب أمه وأبوه على روسهم..ويروح..
عقب ساعه...تقريباً..نش سعيد...
سعيد: صباح الخير...
أبو فطوم: صباح النور..
ويقوم يوايه ابوه ويحب امه..
سعيد:شو أصبحتوا..
أم فطوم: شرات ما أصبحت...عنبوه من متى خوانك اسرحو..وانت راقد..وأون يبا يعرس..
سعيد: أبويه قولها...طايحتبي
أبو فطوم: صدقها...الي يبا يعرس يكد ..إنت كيف يتعيش حرمتك...يوم إنه كل يوم خصم من راتبك...وأنا هوب دايم الكو...محد بيدوملك..ولحد بينفعك...
سعيد: فديتك أنا...دمت وسلمت بو الشجاع الأقرع
أم فطوم: ياويييييلي بيذبحني هالولد...*وتروح عنهم
سعيد: ههههههههه...
أبو فطوم: قم ..قم...يالله ..
سعيد: انشالله ...
ميثوه وحصوه سرحن بعد المدرسه...وكان عليهم إمتحان ...ولا درسن.....
والساع 10 راح أبو فطوم..وشل فطوم من المدرسه ووداها عشان الموعد...وفي المستشفي...كان زحمه عوايل...وشباب ويهال..
السستر: فاطمه حمد...
وتقوم فطوم ووحده ثانيه وياها..
السستر: فاطمه حمد...مين فيكو..
فطوم: أنا أنا..
فاطمه: أنا بعد...
السستر: طيب مين فيكو فاطمه حمد بنت مزروعي..
فطوم: وصلتي..أنا...
بو فطوم: هاه...
فطوم: ابويه تعال احدر ويايه..
ويثور بو فطوم..
وعقب دقايق..يطلعون من داخل ويروحون..ويوقف بو فطوم يسلم على رياييل...وتسبقه فطوم السياره....
وردو البيت .....
أم فطوم: مرحبا مرحبا..
بو فطوم: مرحبتين الساع...
فطوم: اميه عورني حشى اول مره اشوف ابو يحب يعذبون بنته..
بو فطوم: عن البزا..إلا مطوا منج كمن خويط...وتمت تنشغ ونقع الصايح ..
أم فطوم: ههههههههههه ..
فطوم معصبه: انا بسير غرفتيه..يوم بيون اخواني خبروني..
وفي غرفة فطوم...
فطوم ماسكه المنظره تتخيل حمد قدامها..وتبتسم
فطوم: ههههه حمد بطلت يديه..هههههه عورني بس هوب وايد...يمكن كنت اتبزا على قولت ابويه..تعرف انا وايد فرحانه لأنها خلت أثر في يديه..كل ما بشوفها بذكرك..اتريا يوم الأربعا
ما تتخيل كيف افتقدتك...
.ويمر الإسبوع وإيي يوم الأربعاء..
في مدرسة فطوم
فطوم: متى بيدق الجرس تأخر ما دق..يعل يدقون مسرطه..انشالله..
الأبله: فطمه..
فطوم: طاعوون بارد...
الأبله :إيه دا الي بارد..
فطوم: الثلج بارد..
البنات: هههههههههههههههههههههههههه
ويدق الجرس..
فطوم: هاذوها البارد دق....هههه
وتلبس عباتها فطوم في الصف..واطير تنزل من الدري..وعقب إتغشا وتطلع برا..طبعاً حاضر كان يترياها...
فطوم وهي فرحانه: يا سلام عليكوووم..
حاضر صد صوبها : وعليكم السلام...
فطوم شهقت: حاضر شو فيك..
حاضر: ماشي ماشي...
فطوم: لا شي شو فيه خشمك...ككككككككككككككك
حاضر: ماشي سرت العياده ولزقوه لي..
فطوم: ههههههههه أنا أقووول...ليش هوب منزل الجامه اليوم..
حاضر: هههههه حيوانه..عايبي.....
فطوم: بنسير البحر صح..
حاضر: هيه انتو..هوب أنا..
فطوم: ليش..
حاضر: الدكتور قالي لا تقرب البحر..عشان الرطوبه..
فطوم: ششششششت ....
حاضر: هههههه كان ودي..
وصلت البيت فطوم وهي طايره من الفرح..
وتغدوا..وعزموا عقب صلاة العصر يطلعون من البيت...
سعيد وياه فطوم..في نيسان فتك..
بو فطوم وأمها وحمدوه ومهروه... في اللكزس استيشن...
وفي الخط....
فطوم: سعدنه عطني تلفونك شويه..
سعيد: دوج..
فطوم اتصلت بحاضر..
فطوم: هلا حوبي...كيفااااك...
حاضر: بخير..حوبي
فطوم: اقولك خليتلك غرفتيه مبطله إذا تبا شي منها..اوكي...
حاضر:تمام...برايج أنا بطلع..
فطوم: هههههههه حاضر يوم بترقم ارفع الجامه الين خشمك فشله
حاضر: ههههه انزين.. امممموح برايج..
فطوم: طنكيوووو..باي..
وتتصل بيت لطوف..*وسعيد مكيف...
فطوم: هلا الغبيه كيفييك..
لطوف: منوه؟؟؟؟ منوه..
فطوم: أنا فطوم.. ويا هالراس...
سعيد اطالع فطوم يبا يعرف منوه تكلم..
فطوم بصوت عالي: أخبرج لطوف...نحن سايرين البحر...
لطوف: وليش متصله تقهريبي يعني..
فطوم: لا بس كنت أقول يعني..
لطوف: حد عندج..
فطوم فرحانه: هيه هيه..
لطوف: سسسس..سعيد..
فطوم: هيه بعينه بعد..هاذوه ما عليه شر يالس يسمع أغاني ويفكر بحبيبته..
ويدحها سعيد قو..
فطوم: هاهاهاهاها...فقتك...عورتني...انزين برايج بكلمج عقب..باي..
لطوف: اوكي سلمي
فطوم: انشااااالله..
فطوم: اسلم عليك..
سعيد: قولي والله.... قالت سلمي على سعيد..
فطوم: والله قالت..
سعيد:...
وشوي ويرن تلفون سعيد...
سعيد: مرحب بو شهاب..
حمد: مرحب لا هان...وين دارك..
سعيد: والله دون رديم...باقيلي عشرين كيلو وأوصل
حمد: أنا وراك...
سعيد: وين ..ويطالع ورا بالجامه.....هيه هيه..شفتك...حد وياك..
حمد: هيه والله بوحمد وعيونه......
سعيد: ههههه ..يدلعهم بعد..شعليك بن منصور..
حمد: هههههههههههه..
سعيد: يالله ظحكتك قبل لا نوصل مقدمات شو تبا زود...
حمد: ما تقصر بو عسكور...
سعيد: يالله برايك عيل..انتلاقا
حمد: تم..
فطوم ماكلنها الفضول..
فطوم: منوه وياه...
سعيد: يوم بنوصل بتعرفين..
فطوم:..............
وفي رديم...
نزل سعيد ويلس يساعد فطوم ينزلون الأغراض..
وصل راعي ليوا..
سعيد:..روحي داخل...
فطوم: وليش انشالله..اميه محد منوه بيقرب بالحرمه....
واتغشى فطوم وتقرب بالحرمه...وصوت حمد في ذنها خاطرها تلتفت لكن الكل موجود..
فطوم في خاطرها: حمد وأخيراً شفتك... مالت عليك ..والله تولهت عليك هههههههههه.
وعقب عشرين دقيقه
سوت قهوه وجاهي فطوم ويابتهن..خاري ...ويلست تسولف وياها أم حمد..
أم حمد:هييه..سلمتي سلمتي..بنت حمد..شو اسمج انتي..
فطوم: فاطمه
أم حمد: ونعم الساع..بنت حمد...
فطوم ثارت : اسمحيليه خالتيه دقايق..
أم حمد: مسموحه الغاليه..
أم حمد عيبتها فطوم الي قالها عنها ولدها...وقررت ترمس امها فيها..
..فطوم تغشت...: سعيد...
التفت الكل يطالعها..شو عندها..
حمد عرفها وتم يطالعها ولا شل عينه عنها..وقام الها سعيد..
فطوم: سعيد ابويه..وين..
سعيد: صبري بنتصلبه..*ويتصل وهو واقف حذاها..
سعيد:مغلق..
فطوم خايفه: رد رد دق..
سعيد:..................... محد يشله..
فطوم: يا ويلي...
سعيد : صأ...مافيهم إلا الخير..توني مكلمنهم..
ويتصل ابوه..
سعيد: بس بس هاذوه اتصل..
سعيد: مرحبا..
: أخوي انت اتعرف راعي هالتلفون..
سعيد مرتبك: هيه منوه وياي
: اخوي مسوين حادث وظروري حد من الأهل ايي...
سعيد بصوت عالي: شووووووووووو....
*عقب يضحك...هههههه
"ياخي توني مرمس ابويه شو هالحركات البايخه عطني عطني اياه"
فطوم طاحت يالسه وقبضت راسها..
*سعيد حط سبيك...
الضابط: أخوي أبوك مسوي حادث وفي حالة وفاه وحلات خطره خطره يعني لازم من الأهل ضروري ايي..
سعيد قبض راسه...
حمد وأبو حمد وأمه قامو....سعيد فر التلفون وراح يربع صوب السياره..
فطوم راحت تربع وراه...وتمسكه : لا لا تروح لا تخلوني لالا..وتصيح..
وسعيد ركب ااالسياره وياه بو حمد وراحو...فطوم يلست تربع ورا السياره وتصيح..
فطوم قبضت في كندورة حمد ويلست تقطع في الرمسه: قو.. قوله لا يسير ....
ويقبظونها حمد وأمه وهي منهاره...دخلوها السياره وراحو المستشفى..
....وفي الحوادث...
سعيد طايح على الأرض يصيح...مثل اليهال.....قالوله مهروه توفت..وامه في حاله خطيره...وابوه فاقد الوعي وحمدوه بعد...وأبو حمد يالس يتصل بأهل سعيد...
...أول ما وصل حمد وفطوم وأم حمد الحوادث...
دخلت فطوم ادور مثل الهبلا اخوانها واهلها..
أول ما شافت سعيد طايح عل الأرض ربعتله..
فطوم ازاعج: سعيد وين ابوي وين امي..خواااااااتي..وينهم..
سعيد قام ولوا على اخته وتموا يصايحون.. قدام العالم
سعيد: مهروه زالت يا فطوم...مهروه خلاص ماتت ..
فطوم تضحك: لا لاجذابين هه...مهروه هني..* وتبتسم وتهز راسها...( لالا يجذبون..صح سعيد..يجذبون
وتقوم فطوم ويمطها سعيد...
فطوم اصيح: اصلن مهروه ما عطتني الدين الي عليها..ما تقدر تقدر تخلييني لا ....
الدكتور ظهر وقام سعيد يكلمه...قاله إنه إمه في حالة خطيره...
فطوم: جذابين...اميه بخير...اميه مافيها شي لا لاتقول كذيه..
أم حمد مسكت فطوم ...وزقرت حمد...
أم حمد: لازم انظهرها بتين... لاحول ولا قوة إلا بالله..
فطوم لوت على أم حمد...وتمت اصيح..
فطوم: مهروه قالتلي بتعطيني العشر...كيف تخليني...كذبت عليه...ليش ليش...مهرووه ليش ......
أم حمد وحمد شلو فطوم وودوها السياره..وقال حمد حق أمه اتم عندها
وعقب نص ساعه كان المستشفى مثل القبر ..الكل يصيح...حاضر وصل..وكان يدور فيهم فطوم...
حاضر يزاعق: وين فطوم..سعيد وين فطوم...
سعيد ما رد عليه لأنه مكفنه الي فيه..وقابض عمره
حاضر قام وواسد اخوه وهو يصيح: فطوم وين..
حمد: حاضر اختك في سيارتيه..ويا اميه..
طلع حاضر بسرعه وهو ميت مب قادر يشل عمره..مسكه حمد لكنه دفره...
حاضر طلع يدور سيارة حمد ولقاها...سار ومط ام حمد ولوا على اخته..
فطوم: حاضر...مهرووه...
حاضر وهو يصيح: بس حبيبتي بس ...بس..
فطوم: مهروه ما ماتت يكذبون يكذبون...
حاضر: آآآآآه يا فطوم..
قام وشل فطوم ووداها سيارته..ويلس وياها الين ما رقدت وهي تهاذي بمهره..
وفي المستشفى ...يابو الجثه عشان يتعرف عليها اخوها سعيد...
ويوم طالعها...يلس مبهت فيها..............
ضحك...ضحك بصوت عالي...عقب تم يصيح..وقبض الدكتور...
سعيد: وين وديتوا اختي..وين...تكلم...
قبضوه الضباط وهو يدفرهم...
سعيد: هاذي هوب اختي..هاذي الخدامه...وين اختي..وين...
الدكتور: اختك في العنايه..ازا الي بتؤولو صحيح..
سعيد طلع من المستشفى ولقى حاضر...
سعيد: حاضر اختك ماماتت..اختك حيه...حيه...الي توفت الخدامه..
وعقب تلاوا ويا اخوه...
وعقب ثلاث شهور من الحادث
سافروا علاج حمدوه ومهروه والأم ويا سعيد...وردوا بالسلامه الأم صابها ثقب في الرئه وحمدوه ما ياها شي اما مهروه حطولها في يدها اليسرى حديده..لأنه غظمتها
راحت...
كانت امتحانات الثنويه العامه
...آخر يوم في الإمتحان...طلعت فطوم من الإمتحان فرحااانه لأنه كان سهل على كلامها..وسارت ركبت السياره..عند حاضر..
حاضر: هاه بشري...
فطوم:انا اصلن لو السنه لي طافت يايبيلي هالإمتحان جان نجحت وانا مغمظه..
حاضر: يعني ناجحه..
فطوم: اكيد...
ويوم وصلوا البيت...
كانوا توهم يايين اهلها من السفر..ومحولين من السياره...فطوم هوب مستوعبه..ويوم شافت امها..بطلت الباب وخطفت تربع...
فطوم: اميه اميه ...........
ولوت على امها ويلست اصيح..
فطوم: الحمد الله على السلامه..
شافت حمدوه ومهروه..ولوت عليهو..
فطوم تدمع عينها: حمارات تولهت عليكو..
ودخلوا...وفطوم اول ما دخلت...
فطوم بصوت عالي : كلولووللوولولوووووش الف الصلاه والسلام عليييييييييك يا حبيب الله محمد...وهلا هلا هلا.وامباركين عرس الأثنين وليلة اثنين بين قلبين.هههههههههههه
بو فطوم: ام سعيد...مرحبا مرحبا ملايين...
ام فطوم: مرحبتين الغالي شحالك ..عساك بخير..
بو فطوم: بخييييييييييير يعلج في خير..
ام فطوم: فديتك يالغالي...
وعرف ابو فطوم انه اصتصابن من الحادث...وام فطوم ياها ثقب في الرئه....يلس شال همومه...
وباليوم الي عقبه الصبح....دروا اهل لطوف الرميثي بنهم وصلوا..واتصلت ام لطوف تتحمد الهم بالسلامه...
ام فطوم: مشكوره على اتصالج..الغاليه..
ام لطوف: مرحبا مرحبا..
فطوم: هييييييييييه يالخراريف بدت..
ام فطوم: ههههههههههههه
*وعقب الغدا...
الكل كان يالس في الصاله ويسوولفوون عن السفر..أما سعيد كان راقد...معفن رقاد..
ويالسين مندمجين وهم يقولون السوالف...قامت فطوم ويابت تكيه من الميلس..وحطتها قدامهم...
وركبت عليها...
فطوم: احم....ابويه امي اخواتي الزينات اخواني المحترمين..(اشك..هههههههههههههههه
ام فطوم: هاه شعندج...
بو فطوم: صأ خلونا نسمع...
فطوم: بس عاده يالسه اسويلكم ندوه بعد..هاذا الي يعطيكو ويه..
حاضر: كملي كملي..
فطوم: .....احم.....اما بعد...فإنه يسرني أن ......اقول الكو..بأنني ارييييييد ...الذهاب في ...كشته...والله ملينا من يلست البيت...
حاضر: وتقولي ناجحه وهي كلمتين على بعظها ما تعرف تركبها...
ام فطوم: بس بس...
حاضر: كملي
فطوم: شو بعد...اريد اسير كشته ..شو هاذا...
ام فطوم: عزموا.
بو فطوم: بس تراني هوب سايق...
حاضر: عليه مره لا تحاتي..
فطووم: ابويه تعااال ذاك اليوم يوم عزمنا قوم المنصوري استوى الحادث...شو رايك تعزمهوا مره ثانيه..
مهرووه: اففففففففففففف
فطوم: بس بس.ييتن عاد بحشرتكن.تفاقدتن.هيه صح.ذكرتيني.ردي العشر.يالله يالله.الحينه لو متي؟.بيتم دين في رقبج.وبتعذبين.
ام فطوم: عووووووووذبالله يا فالج..
فطوم: صدق اميه الحينه وعد الحر..دين...وهي وعدتني بالدين يعني عليها عشرين هوب إلا عشر...
مهروه: فقتها ما تنسا.......
وافقوا انه يسيرون البحر الأربعا....وقبل اتصل سعيد بحمد المنصوري..
حمد: مرحبا الساااااااااع والله..
سعيد: مرحبتين الغالي شحالك
حمد: بخير يعلك في خير...الحمدالله على السلامه
سعيد: يسلمك....انت وين غطيت عنا من شهرين..
حمد: والله انشغلت شويه....بخطبت بنت عميه..
سعيد: هيه مبرووك..
حمد: وين مبرووك..على شو تباركلي..
سعيد: وليه......... عيل ليه خطبتها..؟؟
حمد: ياخوك بلوني فيها..مابغيتها لكنهو لزموني ابها
سعيد: ياخي بنت عمك سترك وغطاك..منك وفيك
حمد: هيه........ يعين الله..
سعيد: ما بتقرب صوبنا..
حمد: وين...
سعيد: البحر..شي غير..
حمد: متى
سعيد: باكر...
حمد: تم الغالي...
سعيد: نحن بنطلع الصبح...
حمد: مره انا خويك..
سعيد: يالله مرحب..
حمد: حياك..
..والصبح...تقفظوا..وحملوا الأغراض...وكل شي...
وفطوم ميته من الفرحه وتقول في خاطرها..: الله وأخيراً بنتشاوف مالت عليك تولهت عليك.........
بو فطوم وامها وحمدوه في سيارة حاضر...
مهروه وحمدوه ويا سعيد...
وفي الخط...
سعيد: هلا..
حمد: بالمهلي ...وين انت
سعيد: انا توني طالع..
حمد: يالله انا الحينه بطلع...
سعيد: اترياك..
حمد: لالا بنتلاقى في الخط..
سعيد: يالله مرحب..
حمد: حياك..
حمد حاط شريط ويالس يسمع امه وابوه..
نويت مرباع الغظي سيد لحباب ...قصدي يزول الجرح زاد التهابه
جيت وبقايا نارهم حول الأطناب...بيت الشعر مطوي وباقي زهابه
بو حمد: هيه يا حمد...ذكرتنيه بياام..
حمد مضيق: شو ذكرت
بو حمد: ذكرت خويمت يدك الله يرحمه...يومنه يقفظها من مكان الغيره..
حمد: ثركو رحاله ...زين ما كتب عنك التاريخ..كان ابتليت بالصحافه
بو حمد: هههههههه راعي عليمات..
حمد فز وقال: اميه اقبظي البرقع...بنلف اخافه يفتر وايغشي عويناتج
ام حمد: ويه بسم الله عليه...*وتقبظ البرقع
حمد +ابوه:ههههههههههههههههههه
سعيد حاط اغاني ميحد...
فطوم: سعوود...انا يايبه شريط حط هاذا..
سعيد: شو هاذا..
فطوم: منوعات..
سعيد دخل الشريط...
وينك حبيبي وينك طول بنا لفراق...تعال وشوف بعينك...مشتاااق لك مشتاااق..
يبهر الناظر زينك والروح والخفاق....شوفك فرحت ظنينك..يا راحت الأشوااق..
سعيد: فدييييييييييييييييييت الغالي يا ربيه..
مهروه: منوه منوه..
فطوم: وانتي ليش تتدخلين..
مهروه: ادري ادي منوه..ههههههههههههههههههههه
فطوم: هههههههههههههههههههههههه
سعيد قصر على المسجل..وقال : ايه..*بصوت عالي
وووووووووو
*طاحبه خواته*
فطوم: مهرووه...اتعرفين والله وايد واااايد احبج...فقتج..
مهروه: حتى انا اصدقين...متى بعرس يا ربيه..
سعيد فهم..وابتسم وهو يقول: انتن بتسكتن شوه...
فطوم: مهروه مهروه شفتي...هههههههههههههههه
مهروه: عنتر .....متى ستتزوج يا عنتر
فطوم: ههههههههههههههههههههههه
سعيد: يعلني فارقكن..انا شو ابا اييبكو ويايه..
مهروه: غصبن عنك..هوب بشورك..
فطوم: والله انا لو رايحه ويا حاضر حبيبي ابركلي...
مهروه: هي والله مسكين حاضر ما يقول شي ...
سعيد: خليه عاد الدلع حاضر..
مهروه: من زينك انت عاد...
فطوم: والله سعدنه وبعد يتفلسف علينا...
سعيد قبظها من ذنها ويلس يقولها: عيدي..شو قلتي..
فطوم: ماشي ماشي...ماشي...ااااي..ماشي..
مهرووه: ههههههههههههههههههههههههههههههههه
*وفي سيارة حاضر...
حاضر: ابويه ابا سياره يديده..
بو فطوم: اتخرج اول..
حاضر: ابويه انا كل ما اقولك شي قتلي يوم بتخرج..حشى ما يخلصني...
بو فطوم: اشوفك...بطراان...عيل شو بلاها سيارتك نظيفه..وموديل 2004...بعدها ما طاحت جيمتها....
ام فطوم: هيه هيه...عندك اياه...
حمده: هههههههههههههههههههههههههه ...ابويه ابويه...انت وعدتني بكمبيوتر..بعد يوم بتخرج بتاخذلي اياه..؟؟
بو فطوم: لا بنتي يوم بنوصل بعطيج ...امحنايه على اضهرج...بخليها اتواسدج ...
حمده+حاضر+ام فطوم: ههههههههههههههههههههههههههههههههه
*وعقب نص ساعه على الخط...اتلاقى سعيد وحمد...لأنه سعيد كان يساير....
سعيد اول ما شافه..دز فطوم اتوخي راسها...ونزل الجامه وظرب هرن..
حمد عاق المخفي عن السياره.وشكله جنااان لابس كاب...ونظاره.....وكانت عينه على فطوم...وهي موخيه.....
حمد في خاطره: كم تمنيتج يالغاليه...
حمد يالس يرمس..ابوه...
حمد: ابويه..
بو حمد: سم..
حمد: آه يا بويه من قلب كفخ بين الضلوع ظاق به الصدر وتسبب في عناه
وآه يا بويه من حب قبض الروح صارع الموت وتسبب في فناه...
بو حمد: سلمت يا ربيه..
*وصلوا رديم...
وفطوم يالسه تساعد امها وتنزل الأغراض وياها...مهروه وحمدوه داخل الغرفه...حاضر وسعيد ويا ابوهم وبو حمد...
حمد يالس ينظف سيارته من ورا..وسيارته موقفه حذا سيارة حاضر..
ام فطوم عيزت من الأغراض وخلت الباقي على فطوم...ودخلت اتعدل الغرفه..
حمد ينظف السياره وعينه على فطوم.....فطوم حست انه يطالعها واتجاهلته...
عقب نزلت كرتون الطماط..وكان ثقيل ما قدرت اتشله..يلست اتحاول اتشله اتحاول اتشله...وحمد يالس يطالع..و شافته يضحك عليها..
عقب غيضت عليه وقفت وحطت يدها على خاصرتها وقالت..
: ليش تضحك..خبل
حمد تقرب منها وشله..ووداه داخل...ورد عندها..وهي يالسه اتصكر السياره...قام وصكرها عنها...
فطوم استحت وسارت داخل...
حمد وقف يطالعها...وهب قادر يقولها اي شي......
على الغدا كانت فطوم اتساعد امها...أما مهروه وحمدوه يالسات في الصاله...
فطوم: وين بناتج...عنج..
ام فطوم: داخل..
فطوم: انا براويهن...
ودخلت فطوم عليهن..وهن يالسات يطالعن التلفزيوون..ويا ام حمد..
فطوم: بدال لا اتساعدن امكن..يالسات هني..تم ورثكن..قمن..
مهرووه تتثاوب..: مافيه تعباانه..
حمده: حتى انا...
فطوم: اووووووووكي بشوووفن..
فطوم طلعت وسارت صوب سعيد اتخبره...وسعيد كان يالس يغسل يده خاري..
فطوم: سعيد...شوف خواتك...بزيات يالسات يطالعن التلفزيون وانا يالسه اكرف ويا اميه
سعيد: هههههههه والله محد ابزي غيرج...تعلمي انزين الطبيخ وعن هالنفيخ...باجر بتعرسين محد يباج بزيوووه..
فطوم اتغيضت: يا ربيه...اتفورون بالأعصااب..
سعيد: ههههههههههههههههههههههههه...
فطوم: هيه اضحك اضحك...والله عيل ما اشتغل..تسمع...
وسارت فرشت قدام الميلس ويلست...وهي منتفخه..واتحرطم...
*حمد كان كل ما يطالعها في خاطره يذبح نفسه من الندم على شي هوه ماله ذنب فيه...لزموووووه اهله يخطب وحده من بنات عمه لأنهن يتامى واقرب الهو........وحمد ما يحب يكسر بخاطر اهله ...جاملهم وهو في كل لحظه ياكل عمره من الندم...
مهروه يت ويلست عند فطوم...وفطوم يالسه اطالع البحر..وناسيه عمرها ..مهروه يت ويلست حذاها..وهي ولا حاسه بها...
مهروه: وين وصلتي..قريب ولا بعيد..
فطوم: اففففففففف بيف باف...يا قاتلة الأحلام البريئه شو تبين...
مهروه: ماشي بس قلت باي ايلس شويه خاري ضيق..داخل...
فطوم اطالعت البحر..: اصدقين مهروه...ما اعرف شوه كنت بسوي لو صارلج شي...
مهروه: الله تحبوني يعني...ههههههههههههههه معقدين بس يحبوني..
فطوم اطالعتها: فقتج حماره .....................
*ويا وقت الغدا...
ام حمد: هيه عاد نحن نسترخص...
ام فطوم: يالله بالستر وين ..
ام حمد: والله نحن قايليله الصبي نبا انزهب عمارنا مسوين خطوبه له باجر...
ام فطوم: هيه ماشلله...
فطوم اول ما طاحت في ذنها خطوبه......قالت: منوه ماشلله خاطبيله
ام حمد: بنت عمه...يباها...ولا رمنا انخالفه...
فطوم انصدمت....وثارت عنهو..
فطوم سارت شلت تلفون امها...وراحت ورا الكراج...واتصلت بلطووف..ويلست تبكي
لطوف: شوووووووووووووووووه فيج...فطوووم شو يصيحج..
فطوم: بموووووووووووووووووت يا لطوف..بامووووووووووووووووت...
لطوف: عوووذبالله شو فيج فلختيني..
فطوم: يا ربيه ليه ليه ايصيرلي كذي...
لطوف: فطوم تراج عصبتيبي ان ماقلتي والله اصكر..
فطوم: لطوف بيعرس...بيعرس...
لطوف: منوووووووووووووووووه
فطوم: حمد...حمد...
لطوف: وانتي شدراج...
فطوم اتقطع في الكلام..وهي تبكي...: و والله امه توها...توها قايله...انا سمعتا...
حمد طلع من الغرفه ساير اييب تلفونه من السياره...وانتبه انها يالسه ورا...وقف
يسمع...
فطوم: لطوف...ليتني ما حبيته ...حيوان..شو سوابي..والله توني اعرف اني احبه احبه....لطوف كنت اقول اهليه فوق كل شي...صح...لكن والله ما تعرفين كيف خذا قلبي وعقلي...ما افكر الا به..ما اسرح إلافيه...ولا يطري على بالي حد غيره...هوب لأنه منصوري والله هوب عشان كذي ...والله اني احبه..لطووف قوليلي شو اسوي..
لطوف: فطوم الي تسوينه عيب...بنت العرب ما اسويه...واستهدي بالله..وتراه ان كان من نصيبج كان خذاج...وهوه تراه هوب نصيبج..لا اصيحين شي هوب لج..
فطوم: لطوف بامووووت..ما اتخيل.......... انتي ما تفهمين...والله حتى كيف ....... ما.... ما اعرف...
لطوف: لا إله إلا الله...خلاص فطوم بخليج اميه تباني...سيري غسلي ويهج...ولا تبينين حق حد...تسمعين ولا انتي الي بتتوهقين..
فطوم: ما اقدر لطوف كيف اخفي شي فيه..اكثر عن كذيه..
لطوف: برايج فطوم..
فطوم: ..........
صكرت.....
فطوم حطت يدها على ويهها ويلست تبكي...وهي يالسه...وعقب قامت...ومرت وشافت حمد واقد..مرة حذا ه وكأنها ما تشوفه...وهي تمسح دموعها...
حمد يالس يطالعها وفي خاطره ميت من الي قالته ...
فطوم بطلت الباب على حاضر في الغرفه..وقالتله تعال اباك...
*وخاري...
فطوم: الحينه تردني الحينه
حاضر: ليه تبكين...شو غادي عليج..
فطوم: الحينه تردني تسمع..مابا اتم هنيه ولا دقيقه..
حاضر: ليه..؟؟
فطوم: حاضر كانك تحبني والله توديني البيت..دخيلك..قولهم حبيبتي ماتت قولهم حد نفد اي شي بس الحينه تردني...ورحمة يدي يا حاضر تردني..
حاضر: انزين قوليلي ليه تبين اسيرين..
فطوم: بس كذي ..مضيقه..
حاضر: اوكي لحظه...
*حاضر دخل غرفته وشل تلفونه وطلع يخبرهم انهم بيسيرون البيت..
طبعاً الكل كان يسأل عن السبب والأبو ما طاع لكن حاضر قال انه لازم ربيعه مرقد في المستشفى...
وعقب...فطوم حدرت السياره.....وطلع بو فطوم من داخل..و سعيد وبو حمد وحمد... سايرين الميلس عشان الغدا....وحمد اول ما طلع اطالع فطوم..ويوم شافته لفت بويهها الصوب الثاني......وعقب ركب حاضر وحرك السياره...
وعلى طول الخط يالسه تنشغ من الصايح..
حاضر: اموووت واعرف ليه تبين تردين وانتي تبكين..؟؟
فطوم: بس حاضر اصكت عني...يكفيني الي فيه..
حاضر: على هواج..
وعقب الغدا...الكل قالوا انهم بيردوون لأنه فطوم بتم بروحها في البيت...
ركب حمد وهو ماله خاطر يعيش لحظه عقب نظرتها...وكلامها عنه
ركب ويا يبا يصكر الباب
..عند المقبظ..حس انه شي...فيده..
.(ورقه)
بطلها...
ما طلبت اتظوي لي من كدريه اعياد
...ولا طلبت اتقول في اقصى الصحاري احبه
جدت وقلبك اشهد انه ما خلا بي جاد
...كانه يبي يعرف انه ما يخاف ربه
جرحتني وجرح سكينك بقاصي فوادي حاد
... شف طمي الثرا ذاك تركتني اندفن قربه
والله ما ارتجيك بعزاي مات حبي وموته نفاد
... و هاذا قدريه مكتوب و تراني راضبه
لا يغرك ترا حياتنا فيها موت وفيها ميلاد
....باكر يجي من يحب قلبيه ويرميك بوسط غبه
بحفظ من يثيب هاك خذ ماضيه ورفقتك ماينعاد
... بن منصور منك ما ياني وزود تراني اكتفيتبه
(بنت المزروعي)
حمد عصب..والتفت وراه لقى امه يالسه في السيت الوراني..
حمد: اميه..انتي شو قايله الهم....قايله انه نحن بنرد لخطوبتيه
ام حمد: هيه حبيبي..وليه تسأل
حمد قبظ الكاب: يا ويلي يا اميه...وانتي ليه تتكلمين..يعني لازم يعرفون..
ام حمد: وبلاك اتناطر..
حمد: اميه انا مابا بنت عميه انتوا ما تفهمون..
بو حمد توه ياي..: وليه ما تباها...يعيبها شي..ولا ناكر عليها شي...تكلم..
حمد يأشر بيده..: يابووويه انا ماباها...بنات عميه مثل خواتي كيف اخذ وحده من خواتي..
بو حمد: استغفر ربك..
حمد هز راسه:.......................لا حوووووول
بو حمد: ماعليه يوم بنوصل بنتفاهم...
*حمد لف بالسياره وهوه معصب..ومضيق...وعلى طول الخط مبوز..ومساند راسه على الجامه...يفكر بكل كلمه قالتها فطوم..
حمد في خاطره: صدق اتحبني...يا ربيه شو اسوي...اهليه ولا قلبيه...
ويوم وصلوا اهل حمد...اتصلتبهم حرمت عمهم.(ام العروس*
ام حمد: هيه والله يا خويتي...مدريبه شياه...
ام العروس: البنيه بعد معزره ما تباه..وين بتلقا احسن عنه...
ام حمد: شو انسوي عين وصابتنا..يبوج الناس ما تعطي خير..
ام العروس..: الناس برزاقها..ونحن هوب غاصبينها على شي تكرهه..
ام حمد: عوذبالله..شو هالرمسه...
ام العروس..: لا الله يهديج بس اقول يعني نحن ما نجبرها على شي ما تباه..
ام حمد حاست فجها..هوب عايبنها الوضع: هيه يا مرحبا.... اخليج فديتت..
ام العروس: مرحبا..مرحبا..
ام حمد: يعلني ماشوفها يا ربيه...هيه...ظنايه اسير اعقبه عند هاي العقرب..لا يابوويه
بو حمد: هاه شعندت..
ام حمد: فاشت الخطوبه..ولا شي عرس...والعروس ما تبا...
بوحمد: هيه يا فرحتك يا بو شهاب...
.*وفي بيت فطوووم...
فطوم هوب عارفه شو اتسوي من ظيقتها.....يلست اتذكر رقم ميثووه وحصووه...اذكرت رقم حصوه واتصلتبها...
فطوم: مرحبا..
ام حصه: مرحبتين الغاليه منييه؟؟
فطوم: خالتيه موجوده حصه
ام حصه: لا اميه حصه راقده...يوم بتنش بتتصلبج..
فطوم: هيه قوليلها فطوم المزروعي..
ام حصه: ونعم.. يا مرحبا مرحبا..
فطوم: مع السلامه
ام حصه: ربي يحفظج..
*وسارت فطوم تتسبح...
وشوي ويرن التلفوون...وكان حاضر مار وشله..
حاضر: مرحبا..
حصه: مرحبتين...موجوده فطيم..
حاضر..يلس يستوعب الصوت...: منوه اقولها..
حصه: حصه ...
حاضر: حصووووه....
حصه: آمر
حاضر: انتي حصه...تذكريني..
حصه ارتبكت: من؟..؟؟
حاضر: تذكرين حمد وميثوه...
حصه ما عرفت شو تقول..: خلاص حبوب يوم بتي فطيم انا ارقبها تراني..مع السلامه
حاضر: ...لا تتهربين
حصه:.................
حاضر: خاطريه بس اسألج ليه ما اتصلتي...؟؟
حصه ما كان قدامها إلا انها اتجاريه في الكلام..:... عزيت اهليه
حاضر: ونعم.....يالله شي في خاطرج..
حصه: سلامت راسك..
حصه صكرت: يا ربيه شو سوييت..بيقول لفطووم...
واتصلت بميثاني اتخبرها..
فطوم اول ما طلعت من السبوح ...ياها حاضر وخبرها..
فطوم حاطه يدها على راسها: هيييييييييييييييييييييييييه
حاضر: فطيم..قوليلها انها والله في خاطريه...والله ولا عاد اضايقها..
فطوم: هيه يا حصوووه الحينه فهمت...قتلي اتحبها هاه..
حاضر ضربها على راسها: غبيه قتلج قوليلها انها في خاطريه واريد اخطبها
فطوم: انزين انزين..اضهر الحينه عقب بتصلبها...قوم انقلع
حاضر: فديتج..يا ربيه..انا اقوووووووووووووووول محد يفهمني غير فطيم..
فطوم: اونك عاده..وقت الحايه بس...
حاضر وهو طالع: اوص عاده عطيناج ويه ..
...وهي يالسه تمشط شعرها..طرى على بالها حمد..ويلست تبكي..وهي اطالع عمرها في المنظره..
فطوم: .....مافيه دم......كم احبه...ليته يفهم...ليته فكر بس شو بيحل بي.............
فطوم معصبه:هه عمره ما بيفهم..ماخذه عقله اكيد.......اتفاقدوا يا ربيه...
ونست سالفة حاضر...
وصلوا اهل فطوم من البحر...وهي يالسه في غرفتها...اتعدلها وادخنها...
مهروه اول ما دخلت بصووت عالي..: فطوووووووووووووووووووووووووووووم وصلناااااا وصلنا.إذا تغازلين استعيلي يودي التلفون تراه ابويه معصب
ام فطوم: ايه...شو هالرمسه انتي بعد..
مهروه: هههههههههههههههههههههههههههههههههههه
حمده: هههههههههههههههههههههههههههه
مهروه: اميه ليه تزعلون انا اسولف..
ام فطوم: هالسوالف خليهن حقج..
مهروه: يوم اقوووووووووول معقدين ما يعيبكو...
بو فطوم توه حادر..: هاه شي تبون...تراني استرخص..
ام فطوم: لا سلامتك..
بو فطوم: مع السلامه..ما ببطي..
ام فطوم: الله يحفظك...
الساعه 12 ونص الفليل....في بيت قوم فطوووم
حمدوه ومهروه...كالعاده...يالسات يطالعن فلم...
ويدخل عليهم ابوهم..
ابو فطوم: سلم اعليهو..
حمدوه: وعليهو.......................
حمده ومهروه يلسن يطالعنه وايد...عقب قالت حمدوه: وين كنت..ابويه
ابو فطوم: ايها ...بتحاسبيني..
*وقام ومط عقاله وغسلهن به...وتشاردن...
مهروه سارت غرفت فطوم تبكي..
فطوم مب مستوعبه..: شوه...شوه صاير..
مهروه: ابويه ابويه...هوب صاحي..غسلنا انا وحمدوه..
فطوم..: وليه شو سويتن..
مهروه: ماشي...بس قلناله وين كنت وظربنا..
فطوم قامت وطلعت اشوفه...لقته راقد في الصاله...وتمت اطالع ابوها..ومستغربه من الي يصير..
مهروه: ابويه سكراان...حتى شمي ريحته
فطوم: لالا شو اتقولين انتي ..مستحيل..ابويه مودر هالسوالف قبل لا اييبج واييبني
مهروه: سكراان انا متأكده ...تعرفين في الخط كان يقول (يبالنا سكره) بلمزح...
فطوم فكت عيونها ولوت على اختها : لالا...يوم بيصبح بنتأكد..
والصبح... الساعه 8 ..
نشت فطوم من الرقاد ومهروه راقده في غرفتها... يلست تذكر كلام ام حمد...اليوم خطبت حمد...
دمعت عينها وقامت غسلت ويهها..واسبحت..وطلعت..
لقت امها وابوها يالسين في الصاله..
بو فطوم: هلا هلا بنتي..
ام فطوم: مرحبا...تعالي بنتي..
بو فطوم اطالع حرمته: والله آنس راسي يعورني ...باسير الدختر..
فطوم: سلامات ابويه ..بلاك..
بو فطوم: ما اشكي باس...لكن صداع من البارحه هوب مفارقنيه..لااعببي لعبه
فطوم: هيه زين اسير اجيك على عمرك..
*وقام ابوها...
فطوم صكتت ولا خبرت امها بالسالفه...وابوها طلع من الساعه 8 ...اليييين الغدا..
وعلى الغدا..
بو فطوم: انا مواعد ربعي..
ام فطوم: هوب عوايدك..
بو فطوم: مليت من يلست البيت...
ام فطوم: هيه برايك...
سعيد: ابويه انا شو سويتوا في حيتيه..تراني بعنس والسبه انتوا..
بو فطوم: خلاص انتي رمسي الحرمات..وانشالله الخميس الياي ملجته..شو قلتي..
ام فطوم: مره تم..انا الحينه بشرخهم بتلفون..
حاضر: هييييييييييه يا سعيد ...سوف تتزوج...
مهروه وحمدوه مضيقات..وفطوم يالسه مستهمه من ابوها..
*وعقب الغدا......
ام لطوف: مره تم لا تكثرين رمسه..تراها بنتكو....
ام فطوم: تسلمين الغاليه...ردي السلام عليهو
ام لطوف: الله يسلمج..مالله
سعيد يالس يتسمع..: هاه شو قالت..
ام فطوم: شو بعد..قالت البنت بنتكو..
سعيد: حشى...الله لا يقوله..شو باخذ اختي..
ام فطوم: هههههههههههههه لا... اتعني البنت مره في اليدين
سعيد: هيه ...
فطوم: مشكله الي ما يفهم..
سعيد: انتي لمي ثمج..
فطوم: بتشووف..والله لقولها..
سعيد: هههههههههههههههههه
فطوم: تتحراني امزح..والله لقولها..
سعيد: لا ما تسوينها..
فطوم: بنت المزروعي اسويها
سعيد: هيه نسينا منوه اهلج..
حاضر: انتوا اتعرفون مسيلمه الكذاب يوم مات شو قال..
سعيد+فطوم:...؟؟؟؟
حاضر: قال سأورث الكذب من بعدي إلى فطوم..بنت منوه عاد ما حدد
فطوم: سخيف...والله لو يسمع ابويه هالرمسه بتشوف انته وياه....
سعيد يضحك: ووووووووووووووووووو سبووها..
حاضر: هيه صح فطيم...انتي اتصلتي..
فطوم: شو ........بمنوه
حاضر: منوه بعد..
فطوم: منوووووووه
حاضر: يا ربيه..صدق طالعه على سعيد..
سعيد: ايه شعندك..
حاضر: ههههههههههههه ماشي ماشي..
فطوم: اف منك حاضر شو فيك..
حاضر: هيه صح اتصلتبج حصووه ردي اتصليبها..
فطوم: اهااااااااااااااااااااااااااااااااااااااااااا ا
حاضر يدزها: اقولج...ردي اتصليبها
فطوم: انزين انزين...
وتقوم فطوم وتتصل بها من غرفت سعيد
حصه: مرحبا..
فطوم: هلا حصوصه..شحالج..
حصه: بخير وفي نعمه شحالت انتي..
فطوم: بخير ربي يسلمج..
حصه: وعلومج..
فطوم: والله ماشي من صووبج..
حصه: لا ما عنديه علوم..
فطوم: هيه..صدق الي سمعته..
حصه: شوه..
فطوم: مدريبج..
حصه وهي خايفه: هيه صح..
فطوم: انزين شوفي حبوبه..انا صدق ابا اساعدج..النج مثل اختي..وووو تراه اخويه هوب لعاب..وهوب مال مغازل..هوه انسان حبوب ودايماً يسولف...ووو ذاك اليوم خبرني عنج..قاليه انه زعلان لنج ما كلمتيه...ويوم قتله اتحبها قاليه لا قوليلها انها في خاطريه
حصه: فطوم اتعرفين لو اهليه دروا بالي صار بيقصون ارقبتيه
فطوم: انا اوعدج ما يصير اي..شي إلا الي تبينه..ولا حد بيدري غيري..
حصه: والله ما اعرف شو ارد عليج..احس انه سواد ويه
فطوم: لالا حبوبه انتي فاهمتني غلط يمكن...اخويه يريد يخطبج..
حصه: شوه...يخطبني انا
فطوم: هيه نعم انتي..
حصه: وليه ما ياخذ بنت عمه..
فطوم: حبوبه نحن وعيال عمنا عداوه بينا..هههههههههه الله يسامح الأهل..لي فرقونا..المهم..شو قلتي..
حصه: ما ادري..فطوووووم لا تتمصخرين
فطوم: والله انيه ارمس جد..
حصه: ما اعرف..
فطوم: ههههههههههههههه يالمكر...برايج برايج...بروح اكلمه..
حصه: لالا ....
فطوم: شو لالا..بعد..؟؟
حصه: انزين شو بتقوليله..
فطوم: بقوله انج ما تبينه
حصه: لالالالالالالالالا
فطوم: هاااااااااااااااااااا كشفتج..
حصه: هههههههههههههههههه

فطوم: خلاص برايج..
حصه: الله يحفظج..
فطوم: ويحفظ غاليج..
.................فطوم: حاااااااضر اخي العزيز...تعال اباك..* وتسير غرفته وحاضر يتبعها..
مهروه: شوفي الوغده...تبا اتغايضني...
سعيد: وانتي ليه دايماً تحسين عمرج المعنيه...فيج انفصام في الشخصيه..
حمده: هههههههههههههههههههه يمكن..
سعيد: هوب يمكن اكيد..
مهروه: اميه شوفيهوووووووووووووووووووووووم
ام فطوم: يا ربيه بتيننوبي انتوا..
سعيد: انتي لا تحشرين اميه خليها اتفكر كيف بتزهب لعرسي..
ام فطوم: هيه والله ...مستهمه منك..يعلنيه فداك..
سعيد يضحك: سمعتوا..
مهروه: اميه...بشووفين..
حمدوه+سعيد+ام فطوم: هههههههههههههههههههههههههههههههههه
*وفي غرفة حضوووري...
فطوم: والله هاذا الي قالته بالحرف...شو قلت...نَخْلصْ..
حاضر: اااااااه يا فطوومه...والله انيه مغرووووم فيها..
فطوم اذكرت حمد....: يا حظك يا حاضر..
حاضر: شو بعد يا حضي..ايه والله لو تفكرين بس تفكير..قصيت ارقبج..
فطوم: ههههههههههههههههههههههه لالا لا تخاف..احنا بناتك يا ابله..
حاضر: ههههههههههههههههههههه
فطوم: برايك بخليك..*وتظهر..
*فطوم سارت غرفتها وقفلت على عمرها ويلست تبكي...
فطوم: آه يا حمد ليت طيفك يهجرني...شو سويتبي.....
*وفي بيت المنصوري..
حمد مضيق..ويالس يلعب ورقه بروحه..
بو حمد: سلم اعليهو..
حمد: مرحبا..وعليكو..
بو حمد: هاه...اشوفك يالس..ما ظهرت..
حمد: لا والله يالس...مالي بارض على حد..
بو حمد: رب ما شر..
حمد: ماشي يا بويه...
بو حمد: يابويه يلتقع العرس وغيره..نفاد...مره ما نباك تعرس..
حمد: ومنوه قالك انيه ماريد اعرس..
بو حمد: اشوفك..
حمد: يابويه انا قتلكو بنت عميه ماباها..
بو حمد: بتخبرني انت شعندك..منوه لاعب بك..
حمد: .......*وفر الورقه وقام...
بو حمد: لا حوووول ولا قوه..
ام حمد: هاه شعندك..
بو حمد: حمد..هوب قابظ طبع منه...مدريبه شحال به..
ام حمد: الله يهديه...خله عنك...
بو حمد: انا تراني هوب قابظ منه طرف....
ام حمد: ....................................
والفليل الساعه 10 وكسرتين...
بو فطوم توه ياي..وحمدوه يالسه بروحها في الصاله اتابع المسلسل..
دخل بو فطوم هوب صاحي..: هاه حمدوه تبين تنظربين..
حمدوه:لالا..مابا..
بو فطوم: هيه..غدي حرمه..*ويا ويلس حذاها...
قامت حمدوه وسارت تخبر فطوم..
فطوم يالسه في غرفتها.. تذكر حمد...
حمدوه: الحقي الحقي..
فطوم انتبهت: هاه..
حمدوه: اليوم ياي مررررررره..طيطو غادي...
فطوم: تجذبين..
حمدوه: ما اتصدقين سيري اطالعيه..رايح هوب الا في عينها...في خشمها وحياتج...
فطوم: لا يبويه مافيه انا على المشاكل..ان سرت بظارب وياه..
حمدوه: عيل يلسي ابرك لج في غرفتج..وباجر بنخبر اخواني..
فطوم مغفيه: حمد...
حمدوه: شوه فيه حمد..ابويه؟؟؟!!
فطوم انتبهت: هيه ابويه ...اصدقين كدرني..
حمدوه: برايج تصبحين على خير..
فطوم: وانتي من اهله...صكري عليج الباب زين..لا اييج ايواسدج وانتي راقده..
حمدوه: سخيفه
فطوم: هههههههههههههههههههههههههههه*لفت بويها...اوف...
يوم السبت الصبح... في بيت حمد المنصوووري...
حمد: صباح الخير ابويه..
بو حمد: صباح النور.
ام حمد: تعال حبيبي تريق..
حمد: مالي خاطر...يالله شي في خطاركو..
ام حمد: شي تأنس...شي يعورك..
حمد: لا اميه..بخير ومابي غير الخير..بس مستعيل ..
بو حمد: شو اتلاحق..تراه المال مالك...والحلال لك..لا بينخصم عليك ولا شي..
حمد اطالع ابوه بجديه: والحلال مايباله قبال...
بو حمد :..................
حمد: يالله مالله...وطلع..
ام حمد: يالله يبوك..شحل..به....جما مسويله حرز...
بو حمد: الله يهديج شو حرزه بعد...الولد مشتط علينا وانتي يالسه تفاولين عليه..
ام حمد: كيفك كيفك...*وتأشر بيدها..
حمد دق سيارته سلف وراح الشغل..وهو يسرع وفي خاطره يعق عمره من السياره وهي تمشي..
وفي بيت قوم فطوم...
مهروه: فطوووووووووووووووووووووم فطووووووووووووووووووم قووومي نتايج الثنويه قوومي..
فطوم: افففففففففففف خليني ارقد عقب عقب..
مهروه: انزين عطيني رقم الجلوس مالج..
فطوم: هكوه بتلقينه في تلفون اميه..اذلفي.*واتلحفت..
مهروه وحمدوه وحاضر...: يالسين على الكمبيوتر يطالعون نتيجتها...
مهروه: هاذيها...فاطمه حمد حاضر ال مزززززرووووعييي .....شو هااااااااااذا..راسبه
حاضر: هوب قايلكم..
مهروه: هههههههههههههههههههههههههههههههههههه
حمدوه: ههههههههههههههههههههههههههههه
فطوم توها يايه..بقميص النوم واتثاوب..
فطوم: الله يغربلكم ما خليتوني ارقد..
مهروه: تعالي تعالي شوفي علامتج..
سعيد توه ياي..: هاه بشري..
مهروه: فشلتنا نفس كل مره...
حمدوه: ههههههههههه راسبه
حاضر يعايب عليها ويضرب بيده على الثانيه : اون لو يايبيلي هالإمتحان السنه الماضيه جان نجحت وانا مغمضه...وعلامتها اقل من القبليه..
فطوم: افففففففففففففففف *وطلعت..
حاضر: والله اني قلت إذا النسبه من 100 بتيب 300 على كلامها..هههههههههههه
سعيد: ههههههههههههههههههههههه يالفضايح انا لو منها ما براوي اهليه ويهي..
مهروه: لالا لا تخاف هاذي لوح..ههههههههه عيل راسبه سنتين وبعدها ما يهزها ريح
حاضر +سعيد+حمدوه= هههههههههههههههههههههههههههههههه
فطوم دخلت غرفتها اتغسلت وشوي صاحت وردت طلعت وهي تضحك..
*حاضر وسعيد ومهروه وحمدوه وامهم يالسين في الصاله..
فطوم: هههههههههههههههههه
سعيد: هاه...الناجحه..
حاضر: ههههههههههههههههههههه
سعيد: شو تبين عاد هديه...تسافرين وإلا تنظربين
فطوم: هاهاهااا...ما يضحك..
سعيد: والله محد يضحك غيرج...
ام فطوم: بس بس عاد..اقطعوها رمسه...
فطوم: شو يعني انا اول مره ارسب عادي..
سعيد: خلاص ماشي دراسه...فشلتينا...حتى الي يصححون الإمتحان يقولون هذي كيف ويهها ترد تمتحن
فطوم: والله.... الله يطول بعمر الحكوومه موفره الهم قلامه..يصححون..... ومعاشات التربيه ما تقصر...عاطيتنهم الي يستاهلونه وزوود....
سعيد: قوات عين بعد..
فطوم اذكرت سالفة ابوها..: سعيد قوم اباك شويه..
سعيد: شو تبين سمعي إذا بتناقشيني عسب المدرسه انسي..
فطوم: لالا موضوع اهم..قوم..
*********************** وفي غرفة سعيد..
فطوم: سعود والله انه هاذا الي صار...وحتى ما اصدقني اترياه اليوم وبشوف..
سعيد حط يده على راسه: لا حووول ولا قوه...رد على شربه..هالمشوب ما يتوب..
فطوم: سعيد لا تقوله شي..تراه ابويه يشرب يمكن عشان ينسى الي استوى حق مهروه واميه...
سعيد: يا فطيم انتي اتفكرين الخمر ينسي...بالعكس هاذا يذكرج بأشياء وايده تبين تنسينها..هاذا مرض ما تعرفين آخر مره شو حل به...كبده رايحه..
فطوم: سعود اتصرف..والله لو اميه درت لتسويلنا مشكله..
سعيد: تمام...اليوم بيرد وبنتفاهم..متى يرد هوه..
فطوم: على الغدا ما يسكر...... الفليل بس..
سعيد: خلاص. انا الحينه بطلع مواعد ربيعي وو.اول ما يوصل دقيلي تلفون اوكي..
فطوم: خلاص تم...
في بيت قوم حمد المنصوري..*الساعه 8 ونص...
حمد: يالله شي في خطاركو..
ام حمد: وين تبى..؟؟
حمد: ضايق..
بو حمد: يحفظك الرحمن..
طلع حمد...وهو يتهرب من أسألة اهله..وحدر سيارته...وودقها سلف..ووقفها بعيد عن البيت...وعقب سدح السيت..وحط يده على راسه..ويلس يفكر بكلام فطوم يوم تبكي...مادرى إلا بالجامه تندق عليه...
قام وبطل...لقى ريال...
حمد: مرحبا..
: اخوي سيارتيه اختربت واباك اتوصلني..ضرووري
حمد: اركب..
وفي الطريج...
الريال: آسف عطلتك خويه..
حمد: افا عليك ما عندي شغله يالس تراني..
حمد وصله بيت ربيعه ونزل كان في حاره بعيده شويه ..
وحمد توه طالع من الحاره...شاف سيارة بو فطوم...ووقف حذاه...ونزل الجامه..
لقى بو فطوم شال كرتون بيره ومودنه داخل بيت..
حمد يلس يبا يستوعب الي يصير..وعقب روح...
وهو راد اتصل ب سعيد..
سعيد: مرحبا الغالي
حمد: مرحبتين شحالك
سعيد: بخييير والمعوونه
حمد: يعينك على ما بلاك..
سعيد: رب ما شر
حمد: ابوك وين..؟؟
سعيد: ابويه مدريبه طالع..
حمد: ابوك توه منزل كرتون بير وحادر بيت..........سعيد ابوك يسكر..؟؟؟
سعيد: انت متأكد..
حمد: هيه نعم..توني شايفنه شوف العين ..كنت اوصل واحد من الشباب..
سعيد: خلاص تمام..انا بصرف..
حمد: مرحب....
سعيد اتأكد من كلام فطوم له..ويلس يفكر شو يسوي دون لا تدري امه..
واول ما وصل ابو فطوم دقت فطوم لسعيد..ووصل سعيد..
سعيد: السلام عليكو..*وأشر لفطوم عشان تدخل..
بو فطوم: وعليكو..
سعيد: شحالك ابويه..
بو فطوم: بخير ربيه يعافيك..شحالك انت..
سعيد: بلاك ابويه..
بو فطوم: ما بلاني من الله شين..بلاني..
سعيد: لا اقول يعني شكلك تعبان..
بو فطوم: هوب تعبان ولا شي..هاب ريح..
سعيد: خل عنك هالسوالف انت...سكران..
بو فطوم: عقااااب...شو سكران بعد..
سعيد يلس وأشر بيده: قم طالع ويهك في الجامه..
بو فطوم: انت ما يخصك...هوب ولي امري اتحكمني
سعيد: ابويه انت هوب ياهل...وتعرف الزين من الشين..ما شفت آخر مره شو صابك منه هالسم...ابويه ودر هالطبع عنك..
بو فطوم: لا قم قم صفعني بعد..قم..
سعيد قبظ راسه: يابووويه انا ولدك..عمري في الثلاثين ولا اسوي سواتك...والله لو درت اميه لتخليلك البيت بلي فيه..زين يومنك تلايا عمرك اتحصل الشميته من عمومتيه وتحصل السمعه الخايسه
*بو فطوم يلس يسمع كلامه وصاكت...
بو فطوم: بقوم ارقد انا.....لا يوصل لمك الي قلته..
سعيد:.....................
بو فطوم حس انه غلطان في حق عمره و عياله بعد.....وذاك اليوم ما رقد يلس يفكر بكلام سعيد..
*سعيد قام صوب فطوم....لقاها اتصيوخ..
وضربها على راسها..
فطوم: هههههههههههههه
سعيد: انا هوب قايل اتسيرين غرفتج..
فطوم: هههههههههههههه لا تخاف انا ما اواشي حد..
سعيد: هيه باين..يالله سيري انخمدي..
فطوم: انشالله..
سعيد: سار غرفته وهوه مضيج ورقد...ونسى تلفونه في الصاله..
فطوم سارت تبا تشرب ماي..ولقت تلفون سعيد مفرور ..قامت شلته...وطبعاً فطوم فظوليه قامت ويلست اطالع المسجات...
لقت مسج..( قبل لا ترقد اتصلبي.هوب تنسى) نزلت السهم تحت..مكتووب..حمد راعي ليوا
فطوم يلست اطالع رقمه وحفظته...وعقب حطت التلفون فوق التلفزيون..وراحت ترقد..وهي تردد الرقم عسبت ما تنساه..
يوم الأحد في بيت المزروعي..
بو فطوم: مرحبا مرحبا..
ام فطوم: منيه هاي..
*فطوم لابسه برقع امها وعباتها...ومتلثمه ويايه ..تقلد امها..
بو فطوم: قربي...*وقام..
فطوم تقلد صوت العيايز: جريب جريب طوليه بعمرك,...شحالج بنت خليفه..
ام فطوم: بخير ربج بخير...
فطوم: بخير ونعمه...
ام فطوم: منيه الحرمه ما عرفتج..
فطوم: جيه انا راعية البدع..
ام فطوم: منيه عاده..
فطوم يوم سمعت امها يلست تضحك وتضحك..
ام فطوم: سود ويه اشاربج يالحماره..
فطوم: ههههههههههههههههههههههههههههههههههههههههههههه ه
ام فطوم شلت الغسول وجبته عليها
فطوم: هههههههههههههههههههههههههههههههههههههههههه
بو فطوم: هههههههههههههههههههههههههههههههههههههههههههه
*وفي بيت حمد المنصوري..
بو حمد: يا بويه بلاك..
حمد: ما بلاني شي ..الله لا بلاني..
بو حمد: انا ابوك..خبرني...والله يغير ما يدريبه مخلوق...ارمس..
حمد هوب قادر يقبض عمره..: ابويه انا احب بنيه وفي خاطريه
بو حمد: بنت من..؟؟
حمد: بنت المزروعي..
بو حمد: هييييه...إن لك نصيب فيها بتاخذها..
حمد فرح من رد ابوه..وقام وحب راسه..: ابويه رمس اميه..تراها ماذيتني
بو حمد: ما عليك ازهلها عنك...ولا تضيق بعمرك
حمد: والله مابي ضيقه عقب اليوم يا بويه..
بو حمد: عساك دوم...
*نرد حق بيت فطوم..
ام فطوم معصبه من بنتها...وتشعن وتلعن..
فطوم: ههههههههههههههههههههههههههههههه اميه بس خلاص انزين سامحيني
ام فطوم: سامحتج ام الصروم عسى...يعلج ماادورين فيه بيت..وعساني ازفج قريب هوب بعيد يا ربيه
فطوم: هههههههههههههههههههههههه فديتج احبج..اميه زيدي كلمتين في الدعاء..قولي انشالله ازفج للمنصوري قريب هوب بعيد يا ربيه..
ام فطوم: قومي انقلعي عن ويهي..
فطوم:ههههههههههههههههههههههههههههه
وسارت الأم واتصلت بأم لطوف عشان يرتبون للخطبه.....
......حاضر توه ناش..
فطوم يالسه اصب لعمرها شاهي...
حاضر: صبي صبيلي..
فطوم : هاه تو الناس...تعال حضوور...انت متى بترمس اميه..
حاضر: اول خليهم يخلصوون من سعوود وعقب بتولاهم..
فطوم: تراها البنيه صدق على نياتها...وان كذبت والله لخبر اميه عليت تفهم..
حاضر: ايه انا ريال وكلمتيه ما ارد فيها..
فطوم تعايب: هيه هاذا الي شاطر فيه..( ريال وهوب ريال) يطلعون مرايلهم علينا..
حاضر مطها من شعرها.....
فطوم: خلاص ريال ريال غصبن عني ريال..
حاضر: هيه اتحريت بعد...
حمدوه توها ناشه...
فطوم: ما دريتي...
حمدوه: شوه...
فطوم: اسكتي اليوم سويت فلم ولا السنما..
حمدوه: شو صار..
فطوم: اسكتي سويت في اميه مقلب...وسويت عمريه عيوز..وآخر شي ضحكت..وجان اتقولي..
(سود الله ويه اشاربج..) هههههههههههههههههه
حمدوه: هههههههههههههههههههههههههههههههههه فقتج....
فطوم: جبت الغسول عليه..هههههههههههههههههههههه
حاضر: ايه فطوم بس خلي امج ترمس الحرمه..هوب عارفه تسمعج وإلا ترمس...
فطوم: هههههههههههههههههههه (مفتضحه لنها)ههههههههههه
حاضر يضحك: ههههههههههههههههه لا تخليني احرضها عليج..
فطوم: لالا والله وغلات حصووه ما تقولها شي...
حمدوه فجت عيونها..: منوه حصووه
فطوم: هاي يدتيه الخامسة عشر..اسمها حصووه صح حضوور البارحه ابويه قايلنا عنها..
حاضر: فقتج.....
فطوم: ههههههههههههههههههه
حمدوه: والله لعرف السالفه اتحروني هبلا.....
ام فطوم صكرت التلفون...وقالت..: كلولوولولوولولوووووووووووووش..
فطوم: شو شو صاير..
ام فطوم: مره قالت املجوا والعرس عقب شهرين..
فطوم: ياحظك يا سعيد بتفتك من هالعايله..
حاضر: والله محد بيفرح كثري يوم بيي خبرج انج عرستي..
فطوم: ههههههههههههههههههههههههههههههههه
مرت الأيام بسرعه ويا يووم الخميس...
وفطوم تفكر بحمد...في كل لحظه.....كانوا مسوين خيمه قدام باب بيت لطوف...وفيها الحريم ميتمعات...ويوم تم كل شي......طلع سعيد وقال بييب السياره عشان يوصل فطوم البيت لأنه حاضر ودا اهله كلهم...وطلعت فطوم وراه ادور السياره
والكل يلتفت الها من جمالها..وبالغلط كانت خصله من شعرها نازله ورا ضهرها وهي شعرها الين ركبها جناان كان شكلها.....
*وهي ماره لمحت حمد ....ولفت بويها.. ومشت...وتمت تمشي...ولا درت بعمرها إلا قدامها حمد.....في الظلام...اطالعت ويهه...وشهقت..
فطوم: حمد...
حمد: هيه حمد...ليه خايفه...هوب انا حبيبج...
فطوم حاولت تمر لكنه مسكها من يدها..ودزته
فطوم: فك يديه..
حمد: فطيم انا احبج...
فطوم بنص فجها:...هه..عقب شوه...
حمد: فطيم انا
فطوم ما عطته مجال وهي معصبه قالتله..: انت نذل...
ما درت إلا بحمد لاتنها كف.....
فطوم: طاحت شيلتها ويلست وهي حاطه يدها على خدها...واطالعت التراب..
حمد: فطيم...انا انا...
فطوم اطالعته وهي تبكي..: انت حيوان..اكرهك...
حمد: فطيم ليه تقولين هالكلام...انا احبج فطيم... والله لو تبين عمري لج...انا طبيت بنت عميه تراب عشانت...فطيم...
فطوم قامت وحطت صبعها على صدره وهي تبكي..: لو انت آخر ريال في هالدنيه ما خذتك..تسمع...................وبييك خبريه ...
وخطفت وهي تتلثم عن حد يشوفها...وشافت اخوها سعيد يترياها..بطلت الباب وحدرت السياره
سعيد: انزين عقي هالغشاه محد يشوفج..
فطوم كانت تبكي..
سعيد يتحراها تبكي عشانه..: ليه تبكين انا ما بطير..
فطوم زادت ..ويلست تنشغ من الصايح..
*وفي البيت...
ام فطوم: بلاها فطيم زعلانه ..وضايق خاطرها..
بو فطوم: ما عليها شر...يغير تبكي اخوها..
سعيد: هههههههههههههههههههههه عيل في العرس شو بتسوي..
بو فطوم: بس بس..اقطعوها رمسه...بترضى اروحها...
حاضر: ابويه انا مابعرس...
بو فطوم: خير الين عرسك..
حاضر قام وحب راس امه وابوه: اهم شي انكو ترضوون عليه..
بو فطوم: مره ما عليك اقصور عني فداك..
وفطوم يالسه في الغرفه تبكي من خاطرها...ومشغله المسجل ومطوله عليه عشان محد يسمعها...كانت حاطه شريط عاطنها اياه حاضر...وفيه شلة..أحمد الكيبالي..
مسافر عنك واعلنك وداعي..وبصوت الحب ارسل لك قصيده
واسجل لك صوتي للسماعي ...أمانه لا وصل صوتي تعيده..
تذكر من على قلبه يراعي..زمانك والهوى واشياء عديده..
تذكر إن غدا وقتك وضاعي..حنين الأمس من خل تريده..
عطاك الود بكل اندفاعي...حسب روحه لجل عينك زهيده..
هداك الي سكن بين الضلاعي...لجل تبقى ف هالدنيا وحيده..
وبعد كل الغلا حبه يباعي...وقلبه يحترق وانت تزيده..
ودنيا مابها غير الخداعي...عطاها الحب..واعطته المكيده..
بسافر عنك وبلمه متاعي....عسى ذكراي تبقى لك سعيده..
فطوم وهي تبكي: حمد اكرهك...اكرهك..*ورقدت
وفي سيارة حمد المنصوري.. كان حاط الشريط الي شله منهم في رديم...ويلس يسمعه..وغصبن عنه ..دمعت عينه..وهو حاط يده على راسه ويسووق...
ام حمد كانت تتصلبه ولا رد عليها...
رد اتصلبه ابوه...
ورد..
حمد: ..هاه
بو حمد: وينك بوشهاب..
حمد حط يده على ويهه..ونزل راسه..
بو حمد: الوه..
حمد صكر التلفون...ومغفي...
و على اللفه..
الضابط: اتصل اتصل بالإسعاف..
وفي المستشفى..
بو حمد معصب..: وينه..
الدكتور: ياعمي..حمد حاااااااااااالتوه خطيره ومش عاوزين دوشه الله يخليك...مافيش زيارات..
بو حمد اتساند على اليدار.: لا إله إلا الله..شو بقول للعيوز..
*حاضر وصله الخبر..واتصل بسعيد يخبره..
حاضر: سعود حمد حمد مسوي حادث..
سعيد: شوووه...منوه حمد..
حاضر: راعي ليوا..
سعيد: تجذب..
حاضر: انا سايرله في الطريق...
سعيد: باي باي..
سعيد بلغ اهله انه حمد صايرله حادث...
حاضر: شو قال الدكتور..
بو حمد: ااااااااااه شو بقولها..
حاضر: ابويه مافيه غير الخير...وانشالله الحين بيضهر..
*سعيد توه واصل...
سعيد: وينه...
حاضر: في العنايه...بين قدر بك والحياه..
سعيد قبظ راسه : شو سويت بعمرك يا حمد..
وفي بيت المزروعي..
ام فطوم: لالالالالالالالالاحووووووول ولا قوه...
حمده: بلاج اميه..بلاج..
ام فطوم: ولدنا حمد مستوي عليه حادث...والحينه ما يندرابه...بتصل بمه..بتخبرها..
وتتصل ام فطوم:هاه...ما عندج خبر..
ام حمد: عن شووه..
ام فطوم: ولج ولج..في العنايه يقولون..
ام حمد: اشوووووووووووووووه... (وتفر السماعه)
ام فطوم: يا ويلي ويلاه...قوم قوم..ودني الها..قوم..
بو فطوم: البسي عباتج..
*حمدوه سارت تخبر مهروه..ولقتها راقده..وعقب سارت تخبر فطوم..
حمدوه: فطووم بطلي بطلي...
فطوم: شو تبووون..
حمدوه: فطووووووووووووم بطلي حمد مات..
فطوم اول ما سمعت حمد قامت تربع..
فطوم مسكت حمده: شوه...شو تقولين..
حمدوه: حمد راعي ليوا مسوي حادث ويقولون بين الحياه والموت..
فطوم يلست: ياويييييييييييييييييييييييييييييييلي كم بشل في قلبيه...
حمدوه: بلاج فطووم
فطوم صكرت الباب وزاعقت: يااااااااااااااااااااااااااربي ليش يصير لي كذيه..وتضرب براسها على الباب...
حمدوه: فطوم فطوم...
فطوم: يااااااااااااااربي يااااااااااااااااااااااااربي..خذ اغلا شي عندي بس حمد لا...حمد لا...حمد لي انا...لي انا...
*وفي المستشفى...
بو حمد ما بقى فيه صبر: هااااااااه..
الدكتور..: واللهي مش عارف ايه النتايج بس 80 بالميه بخير.. انشالله بخير...
بو حمد لوا على سعيد: الحمممممممدالله الحمدالله..
حاضر: احس عمري مدوخ..بسير السياره ..
طلع حاضر وياه سعيد.....وحاضر يمشي.. يمشي...مادرى إلا بسياره تهفه...
سعيد فك عيونه..: حاااااااااااااااااااااااااااااااااااااااااااض ر..
وربع صوبه...وحاضر كده زايل مابقى فيه غير نصخه...ويطالع اخوه...
سعيد: حاضر رد علي..اخوي*وهو يبكي*.....رد علي..
حاضر يقطع في الكلام..: فطيم..سلم عليهم...
سعيد يزاعق: حااااااااااااااااااااااااااااااااااضر....اشاهد...ا شاهد..حضووور اشااااهد
حاضر : اشهد ان لا إله إلا الله واش..
*وغفت عين حاضر...
*سعيد حضن حاضر وهو يبكي...ليش ياخوووي ليش...
بو حمد اول ماشاف الوضع اتصل ببو فطوم..
بو فطوم: شو اتقول...ولديه حاضر...
بو حمد وهو يبكي: غاب يا بو سعيد..
فطوم: شوووووووووووووووووووه اخويه انا...*وتضرب حمدوه
حمدوه تبكي: اخوييييييييييه حاضر مات يا فطيم ..مات..
فطوم: لا...جذابين...اخويه...انا...كله مني...*وتضرب عمرها..كله مني...
وقامت فطيم ..بطلت الباب ولقت اهلها يالسين يسولفون..
شافت حاضر ولوت عليه وتمت تبكي...
فطوم: حاضر لا تموت...لا تموت..لا تخليني..
حاضر: بلاج فطيم...
سعيد: شو فيج..
فطوم: حاضر دعمته السياااره...

اتريا الردووود