|
البارت طرر .. بس غامض شوي ... المهم نتريا البارت الي بعده |
اقتباس:
ان شاء الله بينزل الأسبوع الياي يا الثلاثه يا الأثنين واحد من هالإيام مشغوله هالإيام فعشان جي ماقدر احطي بارت نورني دووم تحياتي دانه |
كيف كنت تمثل الدور المثير و أن قلبك هايم و فيني أسير انجل ليلك بفجر مستنير وشمس غيرك بينت بإشراقها البارت السادس: . مر هذا اليوم كئيب على الكل روحوا قوم ميثه من الشاليه وراحوا البيت بيقررون شو بسوا بالمصيبه اللي استوت لهمم . بعرفكم على الشخصيات والأبطال اليداد . هزاع:عمره 25 سنه ميثه:عمرها 18 سنه مايد:عمره26 سنه سهيل:عمره27 سنه مناير:عمرها 19 سنه منوي:عمرها 18 سنه . اشرقت نور الصباح في وجوه لم تذق طعم النوم تفكر فالمستقبل ماذا سيحل فيه يخطونن لزواج واللذي يخطون لطموحن كبيره واللذي يخططون لإنتقام لم يذقوا النوم ابطالي بكوا ألمن بكوا قهر لا يعرفوا ماذا يفعولون . قامت من على فراشها وتحس بتعب فكل اطرافها مجافيها النوم بس مستغربه من شي واحد (ليش هالحقد كله فقلب مايد معقوله انا اذيته ولا نسى وش سوى اخوه) تألمت من هذي الذكره ونفظت راسها بألم وتعب رن فونها طالعت الرقم ميره ميثه ردت:الو ميره:ميثه ميثه بحقد:قولي لإخوج الحقير بيلقى اللي يبغيه ميره بحنان:ميثه انا عمري مابغيت إذيجج ميثه سكتت وهي مستغربه من ميره هي اللي كانت تلومها على موت منصور ميثه:شو انتي تقولين هالكلام ميره:هي ياميثه انا ندمانه انا عرفت كل شي استغالل هم وكل شي ميثه وذكرى تألمها بعذاب قالت:ميره خلاص ماتحمل ميره سكتت وقالت والدموع يطفرن من عيونها:سامحني ميثه بألم:مسموحه حبيبتي سمعت ميثه صوت صياح امها ميثه تفز:امم ميره بعدين برمسج ميره وهي خيفان:باي بندت ميثه وبسرعه ركضت تحت شافت حمد يالس فزاويه ويصارخ ويصيح ميثه وقفت وهي تطالع اخوها حبيبها اللي انقذها جي حالته صرخت:حسبي الله ونعم الوكيل حسبي الله ورصت على شفايفها ودموعها نزلت وأخيران كانت دموعها تعذبها مااتنزل ابد ميثه ربعت صوب اخوها ويلست تحت وهي تمسح دموعه كأنه طفل:حمد اوعدك ياحمد انا مابيصير لك شي سلطان مات برجعه زايدهه من المخدرات حمد لاتخاف انت ماقتلته انت دافعت عن اختك حمد حبيبي بس قلبي يعورني عليك حمد حظنها بقوه وإجهش ببكاء عالي وصاح من كل قلبهه وهو يقول:صدق صدق ميثه انتي اللي تقوليه ميثه تمسح دموعه:هي لاتصيح لاتخاف انا وياك انا اعرف انك مظلوم وخلاص بومايد تنازل حمد وهو يبلع ريقه وعيونه حمره وخشمه احمر:تنازل ميثه:هي تنازل خلاص حمد تنهد بتعب وشويه بدن دموعه تنزل:بس انا اللي قتلته انا وقام يصارخ مره ثانيه ميثه اجزمت انه الإنسان تعبان نفسين قامت من عنده وطالعت ابوها اللي دمعته على خده ميثه بقوه مشت صوبه ويلست جدامه:انا موافقه يابوي انا ماهمني شي لاتخبر حد وان شاء الله برجع انا مايهمني شو اللي بيصير لي بوهزاع طالعها بضياع:تبين تتخلين عني يابنتي ميثه:مايهمني شي خبر بومايد ان موافقين على الشرط وباجر بنروح ومشت بقوه وهي مقرره خلاص بتروح ويا مايد واللي فيها فيها مايهمها شي ماعاد لها شي تخسره لبست شيلتها وراحت بيت عمها دقت الجرس فتح الباب غيث غيث طالعها بهدوء مب عادته:شحالج الميث ميثه:بخير وينه محمد غيث:داخل ميثه مشت بسرعه ودخلت عند محمد ميثه:طلبتك ياولد عمي محمد:عطيتج ميثه:ابغيك تسفر حمد وتروحون العمره وخلاص تنازلوا عن حمد محمد مصدوم:اوكي خلاص ميثه:الحين تحجز لين العمره بعدين وديه مكان يسترخي فيه وييبه السموحه منك ماخليناك تتهنى وسويت الملكه اعرف ان خربنا عليك بس اسمحلنا محمد:لا لا افا يابنت عمي انتي اختي وحمد اخوي ميثه بعذاب (اختي):مشكور ياولد عمي ونردها لك ان شاء الله وطلعت بسرعه وهي تلملم شتات انثى ركضت بسرعه دخلت غرفتها اجهشت بالبكاء على حظها المؤلم على حياتها اللي تدمرت فالصغر وقالت هانت والحين ردت من اول ويديد ميثه:عسى الله لايوفقك يامايد . يالس ويلعب بالحجر فإييده وكوب القهوه يطلع منه الدخان معروف ان توه يديد يطالع برع ويطالع نفاف اللي يطيح بدى موسم الشتى ابتسم بعمق وهو يتذكر ميثه قبل يوم كانت وياهم يتذكر منصور يتذكر اهات منصور ظغط بقووه على الحجر وتفتت فإييده تذكر عجرفت سلطان تذكر المآسي اللي رموها فيها ميثه قال بغرور وعجرفه:والله ياميثه بخليج تحبينيي وتموتين فيني انتي لي مابخلي حد فالهدنيا لجج انتي مااحد بيشاركني فيج بوديج ابعد مكان فالهدنيا ماهمني صياح منصور اللي قبل كان يتعذب ولا همني قلت ادب سلطان بس يهمني انتي بس انتي اطهر ذنب شفته فحياتي انت طاهره عمري شفت فيج الغلط انتي ياميثه لي بدمرج وبزرعج من اول ويديد وبدمرج وبردج وبعدين بخليج بإحظاني بس انا انا ياميثه وطالع برع وهو يتذكر اول موقف تعرف فيه ميثه من ذكريات الماضي ,, كان مايد طالع بيروح الجامعه عمره كان 23 سنه طلع يركض بسرعه بس دز شي خفيف حس بيطيحه بس مسكه بقوه طالع البنت الملاك الصغير عمرها يبين عليه 15 ارتجفت بخوف والبراءه تنطق من عيونها كان شكلها رث شعرها متلوث وشفايفها منطره مايد بحنان:حبيبي بلاج جي منو ضاربنج هي ترتجف وخيفانه وتصيح مايد خاف عليها:بلاج حبيبتي انتي منو شو تسوي فبيتنا تصيح:منصور منصور مايد عقد حواجبه:منصور وينه وهي تأشر على الغرفه الصغيره مايد:منو معاه :سلطان مايد:انزين تعالي حبيبي ويلسها فاليلسه الللي برع وقال للخدامه تييب لها عصير فرش برتقال مايد يلس:شو اسمج تطالعه بعيونها الوساع والبريئه:ميثه مايد:شو يبغونج منصور وسلطان كانت بترد بس سمعت صوت من وراها خلها ترتجف منصور:وانت اشلك اقول يالياهل روح الجامعه ولا تبي ابوي يضربك مايد طلع بقهره:ترى من بينا فرق العمر يامحترم منصور:عطاني بقفاك احسن لك لا أكوفنك هني طلع مايد وهو معصب يعرف ان اخوه مجنون وعادي يطلع غيضه فالياهله ,, تنهد من هالذكرهه وطالع كوب قهوته كانت بارده مثل برودت مشاعره :ادري انج عانتي ياميثه لكن الحين بخليج تعانين اكثر واكثر . مارقدت طول الليل وهي تراقب لايعفد عليها عقرب ولاضب قام سهيل من الفير:يالله قومي يبي ماي بتوضى مناير حطت اييدها على خصرها:نعم حبيبي نعم مشاء الله ....انا اروح اييب ل كماي ابوي مابطلع اخاف ياكلني ذيب سهيل طالعها بإستفزاز:انتي هبله مناير صرخت:شوو انا هبله سير اقولك سير بروحك سهيل بحزم:قومي ويبي لي ماي من البير يالله مناير طلعت وهي تتحرطم وكان ظلام بس في فنر فوق الخيم فالمكان مضيئ تسمي بالله وتهلل به وصلت للبير وخذت ماي شافت ثعلب صغير وصرخت صرخه شلت المكان ورفعت كم فستانها وقامت تركض بقووه والثعلب جنه مااصدق قام يركض وهو مستانس سهيل طلع وهو يشوفها تطير بقووه ووراها الثعلب ماقدر يمسك حاله وتجلب على الأرض من الضحك اليد واليده فزوا بفزع وهم يشوفها تصارخ وتركض بقووه والثعلب مستانس ركض وعفدت فوق سهيل وهي تتشبث فيه وتصارخ وتصيح من شاف الثعلب سهيل شرد مناير تصيح:سهيل خوذه خوذه ماتحمل اهى اهى سهيل يضحك والشواب يضحكون مناير حست عمرها مصخره انتبهت ان ماشي ثلعب نزلت بسرعه من عليه بحرج وضربته بغضب:حيوان ودخلت سهيل يصيح ويمسح دموعه اليد:مشاء الله على زوجتك مزوحيه سهيل:افا عليك الوالد بروح اييب لك ولي ماي بنتوضى راح سهيل وياب الماي وقامت العيوز توضيهم صلوا الثلاث برع ومشى سهيل وهو يسبح بإسم الله دخل شافها يالسه فووق وتكشش الضب الكبير وتصيح سهيل رص على شفايفه وراح وشل الضب وقام يحطي فويها وهي تصارخ وربعت برع وسهيل تقلب من الضحك :بصراحه هالإنسان تووحفه طلع سهيل وشافها:هي ماعندج الا الصراخ وصياح جان فيج فايده يالله روحي سوي الفطور مناير:انا اقوولك الحين توديني بوظبي يالله مابيلس عندك انا يايبن هني تبني اموت بجلطه سهيل يضحك:هي موتي ابركها من ساعه فكه من حشرتجج مناير:مابي مابي الحين توديني سهيل فر الضب اللي مصدق خبر وشرد قرب منها مناير:لاتلمسني وععععع سهيل ضحك وراح غياض ويمسكها وهي تصارخ وتصيح سهيل:يابنت الحلال ماشي فإيدي هدي خلاص مناير تصيح:مابي ايلس هني وديني بوظبي يالله سهيل:اصبري اسبوع وبنسافر ان شاء الله مناير:ليكون بررر ثاني مابي بتم عند الشواب ولا اسير بر ثاني ياخوفي فيه فعيان وتكتمل وراحت عنه ويلست عن يده سهيل ابتسم:هذا درس لي منج يامناير عشان تعرفين كيف تمسكين السانج وتعرفين شو ناس وشو قدرهم . تطالع المكان وهي مستغربه جميل بما تعنيه الكلمه المطر يطيح والدنيا ضباب والمطر يهطل فجأه شافت ولد لابس بدلت كاو بوي ولابس القباعه ومسكر على ويهه ومايبين ويغني بصوت رائع وماسك بإييده قيتار ويغني بصوت روعه ماتدري ليش انجذبت له قامت تمشي وراه وهو يتحرك يمين هي تتحرك وراهه فجأه دخلت مكان ابيض وشافت بعدين سلطان تفجات واقف مثل عادته وضحكته القذره تشع على شفايفه وصوب الثاني منصور واقف والحزن مرتسم على ملامحه منصور يمد اييدهه والولد اللي يعزف وسلطان بعد ماد اييده احتارت وين تروح مشت واختارت تروح للي يعزف قربت منه مسكت اييده وفجأه ضمها وهمس فإذنها :انتي لي مب لغيري.... طالعته كان مايد اللي ابتسم بخبث وبعدين تحول لشيطان يخوف فزت من الرقاد والعرق يتصبب من جبينها ودموعها مليناهه على ويها قامت بسرعه وتسبحت وصلت ولبست جلابيه مريحه مال البيت مسكت تلفون الغرفه واتصلت لتحت ردت الخدامه:الو ميثه:في حد تحت الخدامه:بابا بوهزاع وبابا بومحمد ميثه:اوكي وبندت ميثه طالعت شكلها الذبلان سمعت فونها وصلها مسج خذته ووصلنها مسج من مايد . احبك يعني اغليك اشتقالك يعني اعشقك اكرهك يعني اموت فيك نسيتك يعني ماقدرت انساك اهواك يعني اتنفسك (حبيبي ميثه...انا وايد حزين عليج تدرين ليش...لأن قلبي يعورني يوم اشوفج خدامه عندي... انا وايد احبج وماحب اني أذيج...بس زعلان قلبي عليج ....ههه جاو حياتي...متشوق لليوم اشوفه فيج ببيتي وتحت ريلي) طالعت المسج ببرود مستفز طرشت لهه مسج ومشت وهي تبتسم بإنتصار نزلت تحت وسلمت على عمها اللي يطالعها بنظره حزينه ميثه بهدوء وقوه:انا مايهمني شي انا اخوي ابغيه انتوا اذا ماتبغونه كيفكم بس انا بروح ويا بومايد بوهزاع طالعها بألم:باجر بنروح ميثه طالعت الساعه كانت الساعه 7:30 الفليل رقدت لأن ماراقده الفليل ميثه:بروح اتجهز بوهزاع طالعها بحزن وغبنه ميثه ماهمنها وراحت فوق . وصله المسج نط يشوفه طالع وقرأهه نزل الفون ضحك:هههه بعدين فر الفون بقوه وصرخ وهو يدز الطاوله:اووووف طالع برع بقهر سحب سويجه وركض برع وهو ناوي على ميثه نيه مايتنازل عنها بسرعه اتصل لها . ميثه رن فونها شافت مايد قالت:الو وهي ترتبت اغراضها بشنطه صغيره مايد:هلا هلا ميثه تعرف ان احترق من المسج:اهلين مايد:انزلي تحت بيعطيج سواقي شي ميثه:اوكي وبندت فويهه :وععع ارف هالإنسان نزلت تحت وراحت ورى الفله وقفت تتريا المدعو مايد فجأه سمعت صوت ألتفت يمين ويسار لفت:اووف هذا يجذب عليه فجأه حست حد يحطيي اييده على خصرها ويلصقها بظهره ويحطي اييده على شفايفها قال بهمس يموت:اشتقت لج ارتجفن اوصالها حاولت تخوذه عنها بس هو رص عليها وقال بهمس بالإيطالي:انتي لي ولست لغيري انتي اطهر ذنب انتي اطهر ذنب ميثه مافهمت عليه وعضت اييده اللي خوذها بسرعه وقالت:انت شوتبى ياحقير بهمس ميت:ابيج ابي كل شي فيج انتي لي ياميثه مابي حد فالهدنيا يعرفج بوديج لأخر نقطه فالهدنيا وبمسح من ذاكرتج كل ناس اللي عرفتيهم بس بحطي فمخج مايد وبس ياميثه ميثه حست كلامه يقع على صميم غمضت عيونها بقهر هو ابتعد عنها ميثه لفت تبي تكلمه اختفى لفتها ورده بيضاء (ياسيمن) محطايه على الكرسي مسكتها وفتحت الورقه :: ياليتَ الذي مضى يعود وياليتَ في حُضنَ حبيبتي موجود ويلمسُ خدي صدرها وخدي يزيلُ شيئاً من همها الشوقُ قتلني والهمُ أكلَ كلَ شيئاً في احشائي.. والحزنُ استوطنني والالمُ أصبحَ شيئاً معتادٌ في حياتي... ... المرحوم بإذن الله :غازي القصيبي . واقفه امام المرآه وتطالع عمرها تتذكر كلام هزاع الحمدالله ارتاحت هالفتره بس حزنها ميثه ماتقدر تقول شي لمايد لأن مهددنها ماتدخل فيه تذكرت حبيبها كيف يصيح ويصارخ مسكت دفترها وخطت بقلمها :: احيانا نحب اناس لم نتوقع اننا نحبهم عشقناهم ...لنصدم بأنهم ليسوا لنا ولكن الجرح الأكبر ان نأخذ اقرب الناس عليهم ...كيف اتحمل الجلوس وضحك معه وكأنني فيوم من الأيام...لم اعتبر هذا الإنسان شيء كبير بنسبت لي لماذا هذا العذاب.....لماذا هذه القسوه الست استحق ان اعيش مثل ما اريد لكن صدق القول ما كُل مـا يتمنَـاه المَرءُ يُدرِكهُ . انتهى البارت (6) أبُيً لآ مٍنٍ مٍشُيًتِ وٍطَحِتِ حِطَ يًدُيًهُ َفٍيً يًدُيًنٍـيً إلآمٍنٍ خٍآنٍنٍيً آلتِعُبُيًرٍ أبُيًـهُ يًگـوٍنٍ لـيً لسِـآنٍ أبُيً لآمٍنٍ سِگتِ ألَقِآهُ .يًفٍهُمٍ مٍـنٍ نٍظِـرٍ عُيًنٍـيً أبُيً لآ مٍنٍ تِعُبُتِ وٍضَقِتِ لمٍ آلرٍوٍحِ بُآلأحِضَـآنٍ |
البارت (7) مثل ما اقبلت لعيونك لزوم تلدلي باقبال و مثل ما قد حشمتك حس و احشم قلبي اشوالك انا محد بجابرني اساير معك هالمنوال ترى ماني تبيع لك و لاني اصغر عيالك . قامت وهي تلملم اغراضها ودتها الخدامه شنطه صغيره فسيارت ابوها نزلت وهي لابسه عباتها كان يالسين فالصاله امها وحمد ومهوي وهزاع وابوها بوهزاع:خلصتي يالله نروح هزاع مستغرب:وين بتروحون بوهزاع:بنروح بنودي اوراقها لمعهد البترول بتشتغل فيه هزاع:بس تقدر تطرش فاكس بوهزاع:مانقدر لازم نسير هزاع:انزين ابوي انا بوديها بوهزاع وهو شويه بيطيحن دموعه ميثه بهدوء:لازم ابوي يكون عندي وهزاع لاتكثر الحجي يالله الوالد راحت باستهم كلهم وقالت بهدوء:سامحوني الكل:مسموحه ام هزاع حست بنغزه فقلبها ميثه طلعت بسرعه وركبت السياره بومحمد راكب نزلن دموع بوهزاع وبوهزاع يمسح دموعه ويزيدن وهو يمسح دموعه ميثه ساكته ومتألمه على ابوها مشوا وميثه حست بأن الساعات طويله جدا وصلوا لقصر بومايد نزلوا بوهزاع وبومحمد بومحمد:دقايق ويايين ميثه ساكته وتفكر الدموع تبي تنزل بس هي ماسكه عمرها مرت نص ساعه كامله وبعدين طلعن حريم ضخمات وخوال وسحبوها بقوه وهي قامت تدزهم وتصارخ:قومممممم عني يحقيرات قوم عني الخالات مامسويات سالفه لها ويسحبوها بقوه وهي تصارخ:ابووووووووووووووووووووووي تكفىىىىىىىىى خذني مابي اروووووووووووووح ابوووووووووووووووووي طلع بوهزاع وبومحمد ركض بوهزاع يبي يسحبها وقف مايد فطريجه وابتسم وقال:خلاص هي لي مب لحد غيري وراح عنه بوهزاع بيموت يبغي يأخذ بنته مايقدر يخليها خله يروح حمد ويإخذون رقبته بس ميثه لاء هي وش ذنبها هي شوذنبها وهي صغيره تعذبت وبعد بالهعمر تتعذب الدنيا جارت عليها سحبوها بقوه وفروها فغرفه مظلمه وقفلوا الباب وهي تصارخ وتصيح:ابووووووووووووووووووووووووووووووي تعااااااااااااااااااااااااااااااااااااااااال ابوووووووووووووووووووووووووي مابغي ابقى هني ابوووووووووووي ابوووووي وقامت تصيح بصووت عالي ووتذكر الماضي تسمع صوتت سلطان:منصووووووووووووووووووووووووور منصوووووووووووووور اطلعععععععععععع ميثهههههههه ميثههههه شو صاير وهي تصيح بصوت عالي:لاااااااا دخيلكككككككككك لاتردددددد دخيلككككككككككككك وهي تصيح بهستريه وتسمع صريخ منصور من المصنع وهو يصارخ:سلطاااااااااااااااااااااااااااااااان ميثههههههههههههههه ميثه تزاعق وتضرب راسها باليدار سلطان يدزها بقوووه وفجأه تسمع رصاصه وتسمع صرخت سلطان اللي طاح على الأرض التفت تشووف حمد ميثه خلاص حست بتعب وانغمى عليها والإفكار تحووم براسها . بعد يومين . من يومين وهي راقده تعبانه تصيح والإفكار دووم تهاجمها انفتح الباب ودخلت نفس الحرمه الخاله وقالت:قومي ميثه وقفت بخوف:وين بتودونييييييي الخاله سحبتها بدون كلمه ميثه تصارخ وتدزها:ويننننننن بتوديييييييييين ياحيوانه الخاله عطتها كفف انطرن شفايف ميثه ميثه منقهره منها هذي الخاله ودها تدعسها فبطنها سحبتها الخاله وفرتها فالسياره وركبت عدالها ميثه منقهره وساكته مشت السياره مرت نص ساعه ميثه من شافت اللوحه (مطار دبي الدولي) بغت تموت وقامت تصارخ وفتحت الباب وركضت بس ماحست بالإييدين اللي فرتها بقووه على الزاويه واندق راسها باليدار وهي تشوف مايد ونار تشتعل من عينه مايد بحده:والله ياميثه اذا مالزمتي حدودج ومشيتي عدل بدفنج هني ومسك طرف الشيله وحطاها على ويها ومشت وياهه كأنها آلي ركبوا طيارته الخاصه وفرها على الكرسي اندق راسها بقووه صرخت متألم ودموعها تنزل وهي تتلوى من الألم ماسوى لها سالفه وراح فتح باب ودخل ميثه تمت يالسه وخشمها ينزف منه دمم وشفايفها وتصيح ميت من الصياح وشافت البودي قارد يالسين ورى والعملات تلوت على عمرها وشدت على عباتها كأنها تستر على نفسها وماحست بنفسها الا هي راقده سمعت صوت انوثي رائع:ميثا ميثا ميثه فتحت عيونها وتشوف بنت شقراء:قومي حبيبتي اربطي الحزام ماباقي شي على النزول ميثه وهي تمسك راسها بإلم:جمم ساعه مرت واحنا اصلا وين بنروح ابتسمت لها ومشت ميثه تحس عمرها فمتاهه تبي تعرف هو وين مودينها تذكرت كلامه (ابيج ابي كل شي فيج انتي لي ياميثه مابي حد فالهدنيا يعرفج بوديج لأخر نقطه فالهدنيا وبمسح من ذاكرتج كل ناس اللي عرفتيهم بس بحطي فمخج مايد وبس ياميثه) لفت الحزام وسمعت صوت الطيار اللي رمس عربي بعدين انجلزي بعدين لغه عجزت تفهمها نزلت الطياره وقفت ماحست الا العباه مفرورهه قامت تتحسس جسمها تبي تستر نفسها وحست بالجاكيت اللي ينفر عليها وهي غطت جسمها بسرعه وهي خيفانه وطالعته هو طالعها بجمود ومسك اييدها ونزلوا من الطياره ركبوا السياره وتحركت يلست تطالع الإمطار اللي تتساقط فهذي المدينه الغريبه للحين مب عارفه هي وين ودها تعرف بس محد يعطيها اي كلمه وهو يرمس ويا السواق بلغه غريبه اول مره تسمعها دخلوا مثل الغابه عاد هني دق قلب ميثه بقوه افترت صوب مايد تطالعه ماشافت اي ملامح برود وجمود طالعته بحيره وهو فاهم شو اللي فبالها وأول سؤال يخطر على البال هي وين؟؟ شويه شافت قصر كبير وعداله حظيرهه كبيره والدنيا خظراء والشلالات تنزل كان الجو ولا احلى روعه بس للحين مافيا جابه كل الإجابات مبهمه بنسبه لها وصلوا نزلوا من السياره ميثه سحبها بقوه مايد صرخت عليه:انت ايييي شوي شوي علي طالعها ببرود ورفع حاجب:ابعدي عن الشر وغنيلووه اقولج اشتري راحتج وابعدي عن الشر ميثه طالعته بقهر وتبي تاكلهه بإسنانها سكتت بعدين بتوريه مشى ومشت وراهه ودخلوا القصر طالعت القصر الكبير اللي كل زاويه فيه تنطق من جمالها من اثاثها الراقي من الثريات اللي يبين عليها غاليات يت فكره مجنونه وسخيفه فراس ميثه (بكسر كل ثرياتهه بينقهر) ضحكت على نفسها من بينها وبين نفسها مايد وقف فالصاله:تشوفين هالقصر تشوفين هالمكان الغريب هذا لج ياميثه قلت لج ببعدج عن كل الناس بطرد الخدم بنعيش انا وياج بس انا اهلج انا احبابج انا اللي تكرهيهم انا كل شي ياميثه انا بس اللي فحياتج انا مايد بس ضحكت بإستهزاء:انا لي اهل ومابيك انت انت اخر واحد افكر انه كل حياتي وتخسي احبك مسكها بقووه من زندها وقال بحده:اقصري الشر واشتري راحتج ميثه دزته بقرف وصرخت عليه:مثل مايبتني هني يامايد بترجعني مره ثانيه عند اهلي سامعع ضحك وهو يطالعها بنظرات حاده:شنو مااسمع انتي اللي تأخذتي قرار انج تيي هني ولا يدخل هالقصر مايطلع الا وهو وبحده ميتت ميثه طالعته بقهر وقالت:انت حقيرررررر فجأه انقض عليها مايد ضرب وفرها فالغرفه وصرخ فويها وهو معصب:قتلج اشتري براحتج بس انتي ماتسمعين الكلام ودز بالباب وطلع وميثه قامت تصيح تندب حظها السيء وحلفت لتخبل بالهمايد قال شوو قال انا كل حياتج ياعمي طير تمت على هالحالهه مرت لها ذكره مع منصور ,, يالسه وهي متوتره يبغيها ظروري منصور استغربت هو وعدها ان خلاص مابيتجرأ يقرب صوبها دخل منصور تفاجأت من شكله تعبان وضعفان والهلات السود تحت عينه خافت من شكله وارتعب جسمها الصغير منصور يلس تحت عدال ركبها وحط راسه فحظنها واجهش ببكاء مرير خافت ومستغربه بلاه منصور منصور يمسك اييدها:ميثه انا احبجججججججججججج اهى اهى اهى اهى ,, نفظت بسرعه هالذكرى المؤلم من بالها ويلست تتستغفر وتدعي ان الله يرحمهه ويغفر له كل اللي سوى على كثر ما اذنب فيها بس بعدين تعدل وصار زين نزلت دمعه يتيمه من عينها:الله يرحمك يامنصور . واقفه على واحد من العراقيب تبي ارسال فجأه حصلت ومستانسه ورمست صديقها الإمريكي وبدت تسوولف معاهه لفت وهي تضحك وتنصدم بسهيل اللي عيونه تقدح شرار خافت منه وبلعت ريقها قرب منها ومسكها بقوه:مامعناته اني مخلنج هالإيام وماخذت حقي تروحين وتلعبين بذيلج من وراي مناير منصدمه انهه يعرف انجلزي سحبها الفوون وفتت فإييده وسحبها بقووه وفرها فالخيمه مناير تصيح وتصارخ:اناااااااااااااا مااااااااااااااااااااااااااااااابيك تفهم ماعندييييييي حقوووووق لكك قال وعيونه دم:والله يوم تروحين تلعبين بذيلج وتسوين المنكر وبعدين تتطلقين بحسبون اني انا ماالاعبه ويا وااحد غيري بينخدعوا فيج ماحس الا بكف على ويهه انصدم وهو يطالعها جدامه تصيحح ومنقهره منه وخيفانهه جن جنونه وانقض عليها وضربها ضرب وهي تصارخ وتصيح تبي تطلع من رحمت هالمتوحشش وسهيل مثل المجنون يضربها ويصارخ:انــــــــــــــــــــــا يابنت الكلب تعطيني كف انا ماانخلقت امها اللي تضربني تفهمين ويضرب وفرها على الأرض وهي تون من الألم وطلع والكيج موصل الإلف راح ومسك السكتون وراح يصطاد . تصيح:ولدي هزا عابوك واختك وعمك من يومين مب موجودين هزاع وهو قلقان:ماعليه امايه الحين اتصلت لعيال عمومي وهم يدورنهم وهي تضرب نفسها:وااااااااااااحستري على ابوك واختك فجأه دخل بوهزاع وكان ملامحه ميته هزاع ركض وحظن ابوه:ابوي انت وينك من يومين ماشفناك وطلع يدور اخته ورجع هزاع بتساؤل:ميثه وين بوهزاع اجهش بالبكاء هزاع ويحس بخوف عظيم:ابوي وين ميثه بوهزاع:ميثه مـــــــــــــــــــــــــــا تت يا هزاع ماتت اهى اهى هزاع انصدم وماقدر يوقف يلس على الكرسي ومهوي قامت تصيح هي وامها ويصارخون محمد واقف برع ومصدوم يلس على الأرض وقام يمر شريط ذكرياته مع ميثه ضحكاتهه دفاشتها حزنها سخافتها قام يصيح مثل الرضيع الصغير الحين عرف قدر ميثه الحين عرف ان قلبه ينبظ لها الحين بس عرف وقام يصيح بألم كل العايله انصدمت بالخبر اللي سووه بومحمد وبوهزاع عشان يخفوا الفضيحه اللي صايرهه منوي دخلت بهدوء والكل مستغرب قربت من عمها:يا بوهزاع بوهزاع:هلا بنتي منوي:برمسك بوهزاع مشى هو وياها ودخلوا المكتب منوي بهمس:ميثه خذها مايد صح بوهزاع عرف انها تعرف عن الإتفاق هز راسهه:هي منوي بصياح:ليش ياعمي سويتها ميته وهي حيه تدري لو عرفت بتلومنا بتلومنا ياعمي بوهزاع رص على شفايفه:مافي حل ثاني غير هذا الحل منوي بإندفاع:في في قول لهم ان الجلب مايد خذ ميثه قول لههم وقامت تصيح حظنها بقوه بوهزاع واجهشوا بالبكاء اثنيناتهمم . قامت الفليل وسمعت تبطيل الباب :اووف الحمدالله فتحوا الباب قامت بسرعه وهي تطالع لبسها بنطلون جنز اسود وقميص طويل مستر حرير بيج ولبست شيلتها وطلعت وهي تمشي بهدوء وكان المكان كلهه ظلام مشت بسرعه بتشرد برع فجأه انفتح باب الصاله ودخل cute انتهى البارت (7) نصيحه و احتفظ فيها قصر معك الزمن او طال ابي تسمع كلامي زين و تحطه على بالك اذا حبك هبال اطفال لك عندي هبال اطفال و لا و ابشر بعد بهبال حب ما هو بهبالك و اذا قصدك تهين اسمي عشان تشمت العذال حشالا انته و لا غيرك و لا عشره من اشكالك تحياتي . دااانه غير |
باااارت يجننننن ❤👌 بس حزنت ع حال ميثو 😭 ليش جي يصير فيها وأبوها* ليش قال عنها ميته 💔💔 ان شاء الله تراوي ميود الويل وتادبه😡 اتوقع هو اللي دش ع ميثو ف نهايه *بارت سابع وغصبن عنهه بيوديها لبيت اهلها بس يوم بتأدبه😡👊 |
| الساعة الآن 04:22 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir