منتدى استراحات زايد - روايتي الاولى لا تخاف من جور المفارق والايام بكره يجيب الله صدف ونتلاقى

البارت السابع
,ربما الأقدار تأتينا بما لا نشتهي لكنها محاطة بهالة من الخيرة سنبصرها بعد حين,
بعد الاحداث الي صارت وضرب حمود لفواغي وعقب ماطردني من البيت عقب كل هالمشاكل انا تعهدت ما ادش بيت عمي طول حياتي وفواغي حبيبتي المسكينه ماشفتها طول فتره الامتحانات وسمعت انها ماتطلع من غرفتها ابد حابسه روحها وشكلها تعبان والهالات السودا معبيه ويهها من الصياح والسهر وحمود قلت لهم مابا اسمع عنه أي معلومهه ولاحد ايب طاريه جدامي ابد وقلت لأمي لا تسأل عن الموضوع ويسكرونه للأبد .
آآميهه : هاه مبروك بنتي خلصتي امتحاناتج
انا : الله يبارك فيج اميه هي الحمدالله
اميه : شو سويتي فالامتحان اليوم
انا : الحمدالله كان اوكي ومشيت اموري فاالتجويد يمين ويسار
اميهه : ههه ماتيوزين انتي
انا : شنسوي بعد لازم شوي
اميه : الله يوفقج بنشوف النتايج ان شاء الله متى بينزلن
انا : عقب اسبوعين يمكن
اميه : ان شاء الله خير
انا *شكلي تعبان بالقو هالفتره ابد ما ارتحت كل تفكيري عند فواغي وبالشي الي صار وايبين ويهي ذبلان*
أميهه : بنتي عليا
انا : امي لاتحاولين تفتحين الموضوع ابد قلت لج سكري الموضوع نهائيا وبيت عمي مب طايحتنه لو تنطبق السما ع الارض ولحد يحاول وياي
اميهه : انزين هدي هدي ماقلت شي قومي وكفخيني بعد
انا: لا محشومه امي بس تدرين بس ماحب هالطاري ابد , وروحي قلت لأبوي يدور لنا بيت غير ها وقال ان شاء الله يالله سمحي لي بسير ارقد تعبانه
اميهه *مبهته ماتدري شتقول*: نوم العوافي بنتي نوم العوافي
وانا توني بروح صوب غرفتي دخل اخوي محمد
محمد : ها مبروك العيوز خلصتي امتحاناتج عيدتي اليوم
انا*ومالي بارض*: يبارك فيك
محمد : اوه لأ لأ ما اصدق انتي عليا اختي لا اقولج عيوز وماترادين زين استويتي ..
انا*قاطعته*: اخلص محمد عندك شي !!
محمد*طالعني بأستغراب*:لا سلامتج
انا:زين بسير ارقد
وروحت عنهم وبعدها امي مبهته واخوي مستغرب
محمد : اميه بلاها عليا جي ما احيدها جي ليش ماتضحك وتسولف شرات قبل
امميه : علمي علمك ي ولدي
محمد : مستغرب منها اكيد فيها شي
اميه : بزيدك بعد قالت لأبوك يدور بيت ثاني
محمد: ليش بلاه بيتنا ها
اميه : مابلاه شي بس تدري تراها حالفه ما اطب بيت عمك وماتبا تسير صوبه وله تشوفه
محمد : يالله ليش كل ها عاد اله هو عم واحد لنا
*للعلم ترا محمد مايدري عن الي صار فبيت عمي ذاك اليوم ولا امي تدري بس امي اتعرف انه فواغي حابسه روحها لسبب مجهول وتدري اني حالفه ماادش بيت عمي*
اميه : ما اتوقع عشان عمك احس شي مستوي ومحد راضي يقولنا
محمد: شو تتوقعين صاير ؟
اميه : مادري لكن بعد فواغي حاسبه عمرها حتى ولاطلعت ابد حتى ولا داومت
محمد:الله يستر بسأل حمود عيل
اميه : أن شاء الله خير , بس لا تيب طاري جدام عليا بتعصب سرعه ترا وشكلها روحها تعبان
محمد : عندي فكرره سمعيني
اميه / اطربنا بو الافكار
محمد : بنسير العزبه مناك بنتم يومين نريح ونغير جو دام الجو بارد واوكي ولان علايه وحمود خلصو امتحانات
اميه : انا ماعندي مانع شوف اختك وابوك اكيد بيوافق الموضوع في عزبه
وفجأأه سمعووو صرااااخ وصياااااح

عند نوف وعبدالله
*طبعا فالنبذه التعريفيه للعايله انا ما قلت فعايله بو سيف عن نوف الي هي حرمه عبدالله اكتفيت بالتعريف انه حرمته وماعندها عيال *
عبدالله : بلاج حبيبي جي حزينه وماطه بوزج
نوف: هاه حبيبي لا ولا شي
عبدالله : نسير صوب البحر شوي !
نوف: هي خاطري اروح البحر
عبدالله : زين عيل شرايج اخذ كرك ع الدرب انا خاطري تبين انتي وله ؟
نوف : عادي بشرب وياك
خطف عبدالله عند ملك الكرك وعقبها سار صوب البحر وكان فاضي ويلاحظ على نوف انها من طلعنا من المستشفى وهي هاديه وساكته
عبدالله : تبين عزيمه ع النزله شو
نوف : أوه وصلنا مانتبهت
ونزلو سوا وتمو يمشون
نوف : عبدالله
عبدالله : عيون عبدالله انتي
نوف : حبيبي بسألك سؤال قولي الصج
عبدالله : افا عليج ماروم اجذذب ع نوفوتي انا
نوف :عبدالله انت مابتخليني مهما صار صح ؟
عبدالله : وليش اخليج وانا احبج
نوف : مادري لأي سبب كان
عبدالله : شوفي حبيبي انا لو كنت بخليج مابخذج بالبدايه
نوف والدمعه فعينها :عبدالله ابا اقولك شي عرفته اليوم
عبدالله: قولي خوفتيني نوف وليش هالدموع فعينج
نوف : عبدالله انا هاي ثاني مره اسوي كشف واطلع مب حامل
عبدالله: انزين عادي بعدنا مب مستعيل ع شي انا
نوف ودموعها نازله: احسني انا ما ايب عيال
عبدالله : حبيبي نوف مابا اشوف دموعج انا ماخذتج عشان عبال خذتج لاني احبج واباج يمكن ماقلت لج شكثر احبج قبل واني خذتج عن حب وما قلت لحد اني احبج ولا قربت صوبج ولا لمستج لاني اباج بالحلال ولو مايبتي عيال مب معناته ماباج خلاص وبخليج الي الله كاتبه بيصير
نوف خلاص تمت تصييح من كلاام عبدالله تأثرت فيه : الله لا يحرمني منك
عبدالله : ولامنج بس عاد ليش الصياح اللحين مسحي هالدموع مابا اشوفهن مره ثانيه
نوف : ان شاء الله
عبدالله : عندي فكره بنرد البيت تكشخى وتزهبي وتعدلي وبنسير نحوط فليل وبنتعشى برا وبنرد
نوف : ي ويل حالي شو هالدلع أن شاء الله حبيبي
عبدالله : ي العياره اونه ما ادلعج انا قومي يالله نرد البيت
نوف: خلنا ننزل بيت ماماه
عبدالله : من عيوني

بيت بو سيف
ام سيف : هلا ببنتي هلا بعصافير الحب
عبدالله : أهلين فيج عموه
نوف : اهلين ماماه شحالج
ام سيف : طيبه شحالج انتي وشحالك ولدي عبدالله
نوف وعبدالله : طيبين الحمدالله
ام سيف : الله لا يفرقكم ودوم يخليكم سوا ويحفظكم
نوف و عبدالله : امين
ام سيف : بس تعالو غريبه ياين هالوقت
عبدالله : نوف قالت تبا تنزل عندج لانه بنطلع نتعشا برا اليوم وقالت بكشخ من بيت امي
عبدالله : يالله بترخص منج عموه بشوفج المغرب
ام سيف : يحفظك ربي ي ولدي اشوفك ع خير
عبدالله :حطي حرمتي فعيونج عموه
ام سيف : جي بويه ترها فبيت ابوها وامها انا اككيد بحطها فعيوني
عبدالله : يالله في فحفظه
نوف : ماماه فوااغي وين؟
ام سيف نزلت راسها : فواغي فغرفتها
نوف : ماماه فواغي فيها شي ؟؟ صاااير شي
ام سيف روحي شوفيها
نوف طيرااان ع غرفهه فوواغي
نووف : فووااغي حبيبي ليش قافله الباب فتحيه
فواغي : ....
نووف : فواغي لا تخوفيني بطلي الباب انا نوفوتج اختج
فواغي : ..
نوف : يالله عااد بطلي الباب من متى ماشفتج انا
وتقرب نوف راسها للباب ماتسمع ولا حركهه
نوووف : اددق الببااب بالقوووو مااشي صوت اببد
نووف : رااااانني هاااتي سويجاات البيت كااامل بسررعههه يالله

عند حمود الي مختفي من يوم صارت السالفه قال اونه بيروح بيت ربيعه يدرس ع اساس كل يوم ايهم المدرس ويدرسون وجي واللين اليوم مارد البيت ابد

علي : حمود العود ماسرت تسلم ع امك انت ابد
حمود : هاه لا لا دقيت لها ورمستها
علي : مب ناوي ترد البيت يعني
حمود : علوه تطردني من بيتكم شو
علي : لا حشى عليهه البيت بيتك , بتخبرك ليش ماترمس حمد اانت
حمود : امبلا ارمسه بس تدري انشلغنا بالامتحانات
علي : زين شرايك نسافر خلصنا امتحانات
حمود : هي والله فوقه بس وين
علي : شو رايك نعمر اول شي وعقب نسير دوله اوربيه
حمود : زين حلو
علي : زين بنخبر الشباب كلهم عيل وبنسير شلهه
حمود : اوك , انا برد البيت المغرب وبشوف الاحاول
علي : ماعليه عيل نتشاوف عقب

ككككتتتتتتتتت

وخلص البارت الساابع طبعاا تعبت ع هالباارت ههههه من الساعه 3 وانا انحت فييه ان شاء الله يعيبكم وحااولت انووع فالاحدااث واييد واطول البارت قد ما اقدر كتبت 7 صفحات تقريبا وتعبت وعطوني رايكم فهالبارت وتواقعاتكم للبارت الياي وشو بيصير ؟
اشوفكم ع خير وكل ما اشوف تعليقاتكم اتحمس اكتب زياده