|
تسلم يدينك على هذا البارت الحلو.... بس انت قلت بارتين في اليوم و اشوف اليوم منزل بارت واحد يالله ماعليه و نتريا منك الاجزاء الياية |
لعيووونكمـ هع هذا هو البارت الثاامنـ .. 1 2 3 انطلااااااااااااااااااااااااق << شو سباااق هع هع البارت الثامن سيف و عزوز : مشكووور ابويه ,, خير شو مستوي ؟ بو سيف : الخير ف ويهكمـ ,, انا قررتـ ........................؟ نسير صوب ام ناصر <~ وينها هاي من زمان خخ بذكركم فيها .. هاي خالهـ قوم ميود .. يعني اخت ام مايد وام حمدان .. ناصر ظاهر من الحمام متسبح ويغني .. قمت اعيد الايام واتذكر بالوداع وشبك الايادي في بعاده كيف انا اتصبر << يسوي شرات عيضه يعني حركة ايده خخ ان صبرت الشوق بي زادي وتلبس الرياال وتعطر وتكشخ .. ( وينهـ ميوود .. مالت عليه ولا يسأل .. الحين بشوفهـ .. ) يتصل لميوود .. ميود : هلاااااا والله بنصوووور ياا حيكـ واللهـ ههه ناصر : اهلين والله .. الله يحييكـ ,, مالت عليك ما تسأل ما تقول ربيعي ولد خالتي ,, حي والا ميت ,, ما فيك خير ويا راسكـ ,, ميود : ههه بيزي يا رياال .. بيزنس محد قالكـ .. ناصر : اووه اذا ميود عنده بيزنس عيل نحن شو نسوي بعمارنا ههه ميود : اييه لاا تتمصخر ههه ناصر : انزين وين انته الحين .. بنتلاقى . ميود : انا الحين صووووب عوااافي .. ناصر : اهااا .. انزين تعال صووب شارع ....... ميود : اوكييه يوم بتوصل سولي رنه خخ ناصر: لا والله .. تتمصخر انته والا شوو ؟ ميود : لا يارياال بس استخف دمي هع ناصر : انته ما تيوز عن سوالفكـ .. يلا عيل سياه ميود : جااو ناصر نزل الصالهـ .. سار جدا امه وابوه.. السلام علييكمـ بو ناصر وام ناصر : وعليكم السلام بو ناصر : وينكـ انتهـ محد يشوفكـ ؟ ناصر : اسمحلي ابويه مشغول هالايام خخخ بو ناصر : ههه مادري ف شوو مشغوول .. وين ساير ؟ ناصر : متواعد وياا الربع .. بنسير نتكشت .. بو ناصر : اها تحمل على عمركـ .. ام ناصر : لا تسرع .. هالله هالله ف عمركـ .. ناصر : من عيوووني .. جاان ايي عمور اخوهـ .. : هااه نصووور على ويين ؟... (ويضربهـ على جتفهـ دفش مادري على منو ظاهر خخ ) ناصر : ياااربييه مادري على منو ظاهر دفش .. على حمرعيين عندك مانع ؟ عمور : لا عندي دواس ها ها هاي نااصر : جدييييييييييييمه ماال اوووول .. عمور : جب جب .. ناصر : لا تجبجبنييه هع يلا انا ظاهر جااو جااو عمور : والله عبييط يقهرر .. ناصر واقف عند الباب ويعلي صوته :.. سمعتكـــ .. عمور قفط .. نااصر : لقط ويهكـ ههه .. ....... ... .. سيف : ابويهـ بس انا مابا اعرس الحين ؟ بو سيف: متى ان شا الله تبا تعرس .. انا ابا اشوف عيال عيالي .. الواحد ما يدري متى بيموت .؟ سيف : ابوييه لاحقين على العرس والعيال .. وانا مافيني ع صدعه الراس .. بو سيف : انزين ماعلي انتهـ فكر ورد لي خبر ..واذا حاط عينكـ على وحدهـ عيبتكـ قولي وانا بخطبلك اياها .. بو سيف : وانته يا عبدالعزيز فكرت ف الموضوع ؟ عزوز : امم والله فكره المشروع حلوهـ بس يبالي افكر .. بو سيف : ماعلي انتو خذو وقتكمـ .. وردو علي خبر .. عزوز وسيف : ان شا الله ابويه يصير خير .. .................. ......... ... شمامي : اممم انزين شسوي ؟ .........: انتي ما تقولين انج موافقهـ علي .. وميروه تدري ؟ شمامي : هيه انزين .. ..........: انزين اوكيه خلاص .. قولي حق امج انج موافقهـ وخليهم يردون على قم امييه على اساس اني ماعرف خخخ شمامي : ههه لا والله .. اسميك لوتي .. .........: والله صدق ملييت اناا .. ابا املج عليج .. شمامي ( استحت ): انزين بلاك جييه مستعيل ؟ .............: شو بلاك مستعيل !! والله من متى صابر .. ابا اخذج اناا .. .................. ............ ... شواخي هاي بروحها ف وادي ,, تعالو نشوفها شو يالسهـ تسوي .. وهي شو سالفتها ويا النت ,, حياتها كلها علييهـ ,, 24 ساعهـ... بس شوي شوي لا تسوون حشره .. اششش .. شواخي ع المسن.. شواخي : هههه قوول والله سيفووه : والله .. جيه انتي محد قالج ؟ شواخي : لااا .. سيفووه : انتي وين عايشهـ خخ شواخي : جب جب .. سيفووه : حماارهـ ,, جب بعد تقول .. شواخي : انزين انا آسفهـ سيفووه : انا كم مره قايلج لا تتأسفين .. فديتج انا ما ازعل عاادي .. شواخي : سيفووو عااد سيفووه : عيوونهـ آمري << من متى شواخي ترمس سيف .. وشو سالفتهم؟؟ ............................. ............. ..... فطامي ( انا لازم ارمس ميروه واقولها انهـ ميود يرمس بناات و يظهر وياهم وووو...... امممم .. لا لا شوو ما بتصدقني .. انزين احااول ,, افف ,, بسأل شموه عن نكـ ميروه ف المنتدى .. وبرمسها ع المنتدى احسلي ,, ) يرن الفوون .. شمامي ( شو هالرقمـ ؟؟.. يمكن اعرفهـ برد .. وبتم ساكتهـ ) فطامي : الوو شمامي : اووه فطوووم شحالج ؟ فطامي : تماام انتي شحالج ؟ شمامي : بخير ربي يعافيج .. غريبه داقتلي ؟ فطامي : ههه ليش عااد .. لهدرجهـ مقصره وياكمـ .. شمامي : لا لا عادي فطامي : اممم اقوول شموه شو نكـ مياري ف المنتدى ؟ شمامي : طبعي شيوخي فطامي : ايوااااااه .. امم انزين شمامي اخليج انا الحين عزوز اخويه يزقرني << كله خرييط خخ شمامي : اوكييه فديتج .. يلا عيل مع السلامه فطامي : مع السلامهـ .......................... ............ ..... ميود : اووه محلوو الرياال .. شو مسوي بعمرك ؟ ناصر : ههه جب لااه .. شو سويت يعني ؟ ميود : مادريبكـ واللهـ ,, ناصر : حتى انتهـ محلوو .. سامت اليووم !! ميود : ههه افاا عليييكـ .. انزين وين نسير ؟ ناصر : اممم شو رايكـ نسير دبي .. بنسير الامارات مول .. وبعدين بنتعشى هناك ؟ ميود : اوكييييهـ .. وهم ف الدرب سايرين دبي .. رن فون ميود .. المتصل ( دفى روحي M ) ميود : هلاااا والله بالووردهـ مياري : اهليين .. انتهـ وين ؟ ميود : ساير دبي .. ويا نصوور ولد خالوو ؟ مياري : هاا !! وحليلهـ نصوور .. سلم عليهـ .. فجأه كح كح كح ومياري ع بالها انهـ ميود اللي كح لانه الصوت كان وايد قريب مياري : صحهـ صحهـ ميود : انزين هب انا اللي كحيت !! مياري : ههه لو يكون نصور ؟ ميود: هيه .. وحق شو تقوليله صحهـ .. تحونيني عيني عينكـ الله يسامحج بس .. ( كاتم ضحكته ) مياري : ههه اييه عااد شو تخونيني .. خلاص مب صحهـ ميود : لاا ما توقعتها الصراحهـ مياري :وبعدين ليش مب صحهـ !! .. صحهـ تراه ولد خالو بعد هب بس انتهـ خخخ ميود : لاا والله .. مياري :هيه والله .. انزين اخليك انا وياه الحين ميود : اوكييه .. مياري : تيك كير ميود : يو 2 حبيبي مياري :يلا عيل بااااي ميود : باايوو ...................... ............... ....... اليـوم الثاني :_ حمداان : ماما ابا حلاوه ؟ ام حمدان : ماما ماشي حلاوه الحين .. بعدين يوم بنسير دبي بوديك ادنوكـ .. انزين ؟ حمدان : انذيين .. ام مايد : ليش تسيرون اليوم .. بعدهـ بوحمدان مارجع وماشي مدارس .. ام حمدان : لا بيرجع باجر .. بنسير .. بخليهمـ ينظفوون ويعدلوون .. وانتي تدرين .. الفلهـ بروحها اشكبرها .. يبالهاا وقتـ .. ام مايد : هيه الله يعينج .. عيل متى بتظهرون ؟ ام حمدان : مادري .. بشوف العصر ان شا الله .. ام مايد : اهاا .. .................. ........ ... فطامي ( وينها هاي .. لين الحين ماحدرت .. اوه هذيه هذيه .. ان شا الله تدش صندوق المحادثات ,.. ابا ارمسها .. والا حق شو اترياها .. بكتبلها ف ملفها الشخصي .. احدري صندوق المحادثات بنسولف ) مياري ( منو هاي .؟... يلا بسوولف وياها .. شو وراي .. بروحي ملانهـ ) طبعي شيوخي : هلا .. ضحكتي ماركهـ : اهلييييييين ويينج فديتج من متى اترياج ؟ طبعي شيوخي ( مستغربه .. منو هاي ؟ ) ؛ خخ لييش شوو مستوي ؟ ضحكتي ماركهـ : مااشي بس خاطري اتعرف عليج .. طبعي شيوخي : اهاا قولي جيه ع بالي شي مستوي خخ ضحكتي ماركهـ : ههه انزين شحاالج ؟ طبعي شيوخي : والله تماام ربي يعافيج ومن صووبج ؟ ضحكتي ماركهـ : تماااااموو .. طبعي شوخي : انزييين عيل .. من وين انتي ؟ ضحكتي ماركهـ : من راكـ .. آند يو ؟ طبعي شيوخي : انا نص ونص خخ .. من راك ودبي .. ضحكتي ماركهـ : اهاا ههه .. انتي الحين وين ؟ طبعي شيوخي : الحين ف راك .. ضحكتي ماركهـ : اهاا .. في حد يقربلج من المنتدى ؟ طبعي شيوخي : اصلا نص المنتدى من الاهل خخ ضحكتي ماركهـ : اهاا خخ انا سمعت انه المدير يصير ولد خالتج ؟ طبعي شيوخي : هييه لييش ؟ ضحكتي ماركهـ : امسات .. سامعهـ عنهـ رمسهـ ؟ طبعي شيوخي : شو سمعتي ؟ ضحكتي ماركهـ : هو امس ظاهر ويا ربيعتي .. طبعي شيوخي ( متى!! اصلا امس هو كان ويا نصوور .. لو يكون يقص علي .. بس انا سمعت صوت نصور ) : متى امس ؟.. امس كان ف دبي ؟ ضحكتي ماركهـ ( توهقت ) : امم يمكن هب امس .. من كمن يوم .. لانه امس ربيعتي تقوولي ,, مادري نسيت .. طبعي شيوخي : اهاا .. ليش هو يعرفها ؟ ضحكتي ماركهـ : هيه .. طبعي شيوخي : ايوااه .. انزين ممكن ايميلج .. بضيفج .. لانه هب حلوه نسولف عن هالاشياء هنييه .. ضحكتي ماركهـ : اوكييه بطرشلج اياه ع الرسايل الخاصهـ .. طبعي شيوخي : اوكييه اترياج الغلا .. تيت ...................... ........... .... ميود يدق على مياري الباب .. مياري : منوووو ميود : رووم سيرفس ؟ مياري : ههه حسبي الله بليسك ويت شوي .. مياري ضافت ( ضحكتي ماركهـ ) عندها ع المسن.. وسكرت الاب .. ولبست شيلتها وافتحت الباب .. مياري تساندت ع الباب : نعم خيير شوو تباا ؟ ميود : بسم الله .. الناس يقولون صباح الخير .. مياري : ههه صبااح الخير والنور والسرور .. ميود : فديت هالضحكهـ اناا ,, بتسيرين عوافي ؟ مياري : قوول والله بتوديني ؟ ميود: افاا علييييج .. بس تلبسي وتعالي تحت .. ووعي شموه بعد .. عشان ما بيخلونا نسير بروحنا .. مياري ( مستانسهـ ) : اوكييه .. ميود : بسررعه ان تأخرتي .. بروح عنج .. مياري : اوكيييه .. ................ ......... ... عمور : ههههههههههههه مريووم : جب يالحماار .. ليش تزيغني ؟ عمور :كييييفي ههه انتي شفتي شكلج .. عافان الله خخ مريوم ( شوي وبتصيح ) : بخبر علييك .. عمور : وييه وييه الحين بتصييح .. ياليااااااااااهل .. ههه مريوم صاحت وسارت عند امها .. وقالتلها السالفهـ انه عمور زيغها ............ الخ ..هع ام ناصر : عموووووووووووور عمور : ياا هي حااله .. هاا امييه يااي يااي .. ام ناصر : انته شو مسوي باختك ؟ عمور يوم شاف مريوم وهي تصيح .. نقع من الضحك : ههه شوفي شكلها .. ياخي ما يليق عليج الدلع .. لا تدلعين .. ام ناصر : عمور بس .. احشمني ع الاقل .. عمور : انا آسف .. وبعدين انا كنت اسولف وياها .. هاي موول .. على كل شي بتصيح .. ....................... ........... ... مياري وميود وشمامي .. ظهرو من البيت سايرين عوافي .. مياري : ميوود حط اغنيه أول انسان احبه ميود : انتي ما تملين منها .. مياري : لااااااا .. ماا امل .. كيفي .. ميود : لا والله .. هب ع كيفج .. كيفي ما بحطها .. مياري : يلاا عااااد .. حطها .. ميود : كيفي ماباا مياري : كيفي انا .. وبتحطها يعني بتحطها ميود : قلتلج كيفي كيفي كيفي كيفي كيفي كيفي كيفي كيفي مياري : بس خلاااااااااااااص .. كيفي انا ههه ميود : كيفي كيفي كيفي كيفي كيفي كيفي كيفي كيفي كيفي مياري : بس خلااص .. اسكت .. بلاك معلق .. قلتلك كيفي .. <<< يا ربي كيف يعاندوون هالاثنين خخ ميود : اول شي قولي كيفك وبعدين بسكت .. كيفي كيفي كيفي كيفي كيفي كيفي كيفي كيفي كيفي مياري ( طفرت .. افف ها ما بيسكت ) : افف خلااص كيفك كيفك بس اسكت .. ميود : ههههههه انا ما قلتلج كيفي من البدايه هع مياري تسوي بايدها حق ميود ( شو فيها ساكته). . وتأشر على شمامي ... ميود قالها : مادري .. ميود : شمااااااامي .. شمووتي .. << لا حياه لمن تنادي .. مياري : شموووووووووووووووووه شمامي : خيييييبه .. اسمعكم .. ها شو تبوون ؟ ميود : ليش ساكتهـ ؟ شمامي : ماشي تعبانه ,, مياري : تبين بندول ؟ شمامي : سيري لااه .. ماباا ميود يقلدها : سيري لااه ههه شمامي : جب لا تقلد خخ ميود طاح فونهـ تحت صوب ريلهـ .. ونزل يبا ياخذهـ .. مياري : ميووووووووووووووووووووووووووووود شووف جداااااامكـ !!!!!!!!! St0o0o0o0o0o0o0o0o0o0o0oP افاا ليش تتحرطموون .. ما بكمل كيفي خخخ شمامي منو كانت ترمس ؟؟ وشواخي من متى ترمس سيف .. وشو سالفتهم ؟؟ وسيف تتوقعونه يخطب شواخي والا بس يتسلى وياها ؟؟ وشو المشروع اللي كانو يرمسون عنهـ بو سيف وعزوز ؟؟ وشو استوى لقوم ميود ؟؟ وتوقعاااااتكم بشكل عاام |
تسلم عيونك مشكوور ما شفته البارحة لاكن قريتها اليوم تسلم البارت صح انه طويل لاكنه غاوية هناك تطور في لاحداث<<>فلسفه هههههههه و يالله لاتتأخر علينا في باقي لاجزاء |
وين الاعضاء جنه القصه مب عايبتنهم . . ؟ ؟ |
البارت التاسع ميود طاح فونهـ تحت صوب ريلهـ .. ونزل يبا ياخذهـ .. مياري : ميووووووووووووووووووووووووووووود شووف جداااااامكـ !!!!!!!!! ولف ميوود السكاان بسرررعهـ .. ونزل تحت ع يانب الشارع .. ميرووه من الصدمه تمت ساكتهـ .. وشمووه صرخت .. وميوود ساااكت.. شمامي : ميوود يعني انته ما تشووف الشاحنه جدامك؟ ( انا بقولكم شو السالفهـ .. تره هالشارع .. السيايير فيه .. ساير .. راد .. يعني شارع واحد ..امم مادري اذا فهمتو والا خخ ) ميود ساااااااااااااااكت وميرووه ذا سييم .. وشموه الا طايحه تتحرطم .. وحليلها .. وعقب حرك السيارهـ .. وتم يمشي 80 بس من الزيغه خخ .. ميود : امم بعدكمـ تبون تسيرون عوافي ؟ ميروه طالعته بنظهره معناتها ( تستهبل انته شو .. عيل حق شو يايين !!) << ع كيفج انتي تفسرين هع .................................................. . .................................. ...................... فطوم .. ( اممم ادقلهـ الحين والا !؟! .. بدقلهـ والله تعبت .. فديت رووحهـ متولها علييهـ .. يعني هاا كله تغلي !! .. ) دقتلهـ أول مره وماارد .. وميود كل ما يشوف الرقم ما يرد .. وكل شوي تدقله .. آخر شي حط الفون صامت .. ويوم ما شافت فيه فايدهـ .. تمت تطرشله مسجاات .. وهو طفر منها .. جان يفر الفون جداام صوب الدريشهـ .. ميود : افففف .. ميروه : بلااك .. منو اللي يدقلك من متى وما ترد عليه ؟ ميود : محد .. ميروه : شوو محد !! تستهبل علي انته والا شو .؟ ميود : بعدين بعدين بقولج .. ميروه ( حست انها فطووم .. بس اسكتت ) .. .................................................. . .................................. ...................... عزوز : ههههههه فديييييتج اناا .........: حبيبي عزوز : هلاا آآمري ..........: اباا اشووفكـ !! عزوز : أمسات شايفتني .. شو ما تملين من شكلي خخ ...........: والله تخبل ما شا الله علييك .. عزوز : عن لا تتخبلين بس .. ...........(بدلع) : عزوووزي عزوز : أحبج ............: وانا بعد أحبكـ .. عزوز ياه خط ثاني .. : حبيبي ابويه على الخط .. بدقلج بعدين اوكيه .. .................: اوكييه ... باي عزوز رد ع الخط الثاني .. : هلاااا والله بالقلب .. وينج انتي تولهت عليج ؟ << شفتو اللواته على اصولها خخ ..............: اهلييين .. مي 2 تولهت عليك ..!! عزوز : فدييييتج ياا ربي .. ...............: اييه ترااني اثتحي << اونه شرات اليهال خخ عزوز : فدييت اللي تثتحي اناا .. << عزوز تاام على هالحاال .. اللي فالح فيه ,, يخرط على بنات خلق الله .. ويستانس ع قولته .. الله يهديه .. .................................................. . .................................. ...................... سيف ( ياا ربي .. شسوي الحين .. أنا لين الحين هب متأكد من شعوري اتجاها .. مادري انا احبهاا .. والا !! .. فديتج شيخووه .. بس المشكلهـ عزوز خااطب اختها .. ( شمامي ) ,, وهب شي اخوان ياخذون خوات .. اممم .. انزين عاادي شو فيها .. ترانا عيال عم .. امم يبالي افكر ف الموضوع ,, الزواج هب لعبهـ .. عااد اللي يسمع عزوز ويه زواج .. مالت عليه ,, اللي فالح فيهـ يرمس هاللووث اللي عندهـ ,, انزين وانا شلي فيه ؟؟.. خليه يولي .. انا الحين بفكر بسالفهـ شيخوه ابركلي .. من هالعزوز هذا ..!! ) ... .................................................. . .................................. ...................... قوم ميود .. دشو عوافي .. وسارو صوب الند .. ميود : هااه فيييكم هبهـ ؟.. هع ميرووه : اييه اخااف اناا .. شموه : افاا علييك ,, ميرووه شو تخافين .. والله ازقررت ,, ميوود : يلا تمسكوو .. وصعدو الند ,, ميرووه : اووه ازقرررت .. ميود بعد مرهـ !! ميود : توج تخافين .. اسميج لووتيه .. ميروه : هع ظاهره عليك ههه شموه و ميود : هههه .................................................. . .................................. ...................... ناصر : أقوول حموود ؟ حموود : هااه شوو ؟ ناصر : بلااك جييه دفش .. وانا اقول عمور على منو ظاهر !! حموود : هههه آآمر ؟ ناصر : ماا ياامر علييكـ عدو .. اممم ,, شو رايك نرتبلنا سفرة نسير كلنا .. يعني انا وانته وميوود والربع ؟.. حموود : هييه والله فكرتكـ كوول ياا رياال ,, بس وين نسير ؟ ناصر : اممم مادري والله .. بنتشااور بعدين .. حموود : اوكييه .. .................................................. . .................................. ...................... ردو قم مايد البيت .. وتغدو .. وكل واحد سار غرفته يريح .. مايد اتصل لميرووه ,, مايد : هلااا واللهـ مياري ( بتعب ) : أهليين واللهـ مايد : حبيبي تعبانه ؟ مياري : هيييه .. بس عاادي .. مايد : لا لا عادي اخليج الحين .. مياري : اقوولك عاادي .. مايد : امم اوكييه كيفج .. اقولج فطوم دقتلي ؟ مياري : هيه ادري .. يوم كنا ف السياره صح ؟ مايد : هيه شدرااج ؟ مياري : لاني شفتكـ معصب خخ مايد : ههه هييه .. مااداانييها الله يغربلها .. مياري : هب زيين تسب .. اسكت خلها تولي .. مايد : والله لسويلها شي .. بخليها ماا تنسااه طول عمرها .. مياري ( زاغت ) : اييه شو بتسوي ؟ مايد : بسويلها شي .. بخليه يطبع ف قلبها .. بخليها تندم طوول عمرها .. مياري : ايييه انتهـ ماا يخصك فيها .. خلها تولي .. لا تورط عمرك بمشااكل .. ماا فيينا .. مايد : تراها هي سوتلي حركهـ .. ما عيبتني .. والحين بتشووف .. مياري : انزين شو سوتلكـ ؟ مايد: ماشي ماشي .. مياري : قووول .. شو ماشي !! مايد : حبيبي والله احبج .. بس القهر يسوي بعد .. مياري : انزين انا قلتلك ما يخصك فيها .. خلها تولي .. مايد : لاا .. باجر هو اليووم الموعوود .. وبتشووف .. قسسسم بالله بخلييها تندمـ .. مياري ( تمت زايغه من رمسته اول مره تشوفه جيه يقول ) :.......... مايد : بلااج ساكته ؟ مياري : مااشي.. مايد : شوو فيج ؟ مياري : ميود انا اخاف عليك .. وماباك اطيح ف مشاكل مع هاي اللوث .. خلها تولي .. وبعدين هاي وين اهلها عنها .. ما يشوفونها شو تسوي .. مايد : انتي تدرين انه خالها يعرف عن سالفتها وياي ,, وهازبنها هاك اليوم ؟ مياري : واايد عليه .. هزبها بس .. لازم يشل الفون عنها بعد .. مايد : ماادرييبهم .. اممم ميااري ؟ مياري : هلاا مايد : بقولج شي بس لا تزعلين ؟ مياري : ماا بزعل .. قول ؟ مايد : قولي والله ما تزعلين .. مياري : والله ماا ازعل .. مايد : انا ظهرتها مرهـ .. مياري : شوووو!!! كييف!! ومتى !! مايد : من زماان اول ما رمستها .. مريت عليها .. فـ الليل .. وظهرتها .. مياري : ماا استوى شي ؟ مايد : شو بيستوي يعني خخ مياري : والله مااادري .. مايد : لا ما استوى شي .. وبعدين ما تأخرنا .. رديتها بسرعه .. مياري : اهاا .. مايد : زعلتي .؟ مياري : لاا ماا زعلت .. لانه هاا شي من الماضي .. شو بيتغير فيه يعني .. مايد : تصدقيين .. لو وحده غيرج .. كانت بتزعل وبتسويلي سالفه بعد .؟ مياري : هه انته قلتها بروحكـ ,, لو وحدهـ غيري .. .................................................. . .................................. ...................... فـ اليوم الثاني.. المغرب .. مايد اتصل لفطووم ... فطوم استانست يوم شافته يدقلها .. وردت .. فطوم : هلاا مايد : اهليين .. شحالج ؟ فطوم : تماام .. انته شحالك ؟ مايد : بخير ربي يعافيج .. اممم .. اقول فطامي ؟ فطوم : آمر حبيبي مايد : عاادي أمر عليج .. الحين .. و الا حد ف البيت ؟ فطوم : اممم .. امييه ف البيت .. شوف انا بسير الجمعيهـ وانتهـ تعال هناك .. وبسير وياك .. امم بس ليش بتمر علي ؟ مايد : متوله ع شوفتج شسوي .. فطوم << صدقت عمرها الاخت هع ) : فديتك والله .. يوم بوصل الجمعيه بدقلك .. اوكيك .. مايد : اوكيك .. باي فطوم : باي ... وساارت البنيهـ تلبست وتكشخت وما خلت شي ما حطته ف ويها .. ودقت حق الدريول ,, وسارت الجمعيهـ .. اول ما وصلت .. شافت سيارهـ ميود واقفهـ هناك .. ع اليانب .. ( رنج سبورت ) .. وسارت الاخت وركبت السياره .. طبعا بعد ما روح الدريول .. لانها قالتلهـ .. انها بتطول ف الجمعيهـ ويوم بتخلص بتدقلهـ .. مايد حرك السيارهـ .. فطوم : محلوو اليووم ؟ مايد : هه تسلميين .. فطوم : وين بتوديني ؟ مايد : بتشووفيين !! فطوم ( حست انه السالفهـ فيها شي .. وزاغت ) : نزلني .. مايد : ويين انزلج .. بوديج الحين مكاان .. فطوم ( بانفعاال ) : اقووولك نزلني .. مايد : انتي بلااج ما تفهميين .. ويين انزلج .. هنييه ف الشارع ..!! فطوم شافت من المنظره اللي ع اليانب .. انه سياره خالها وراهم .. فطوم : ميوود دخيلك نزلني .. خالي ورانا .. مايد وقف على يانب الشارع وخلاها تنزل وروح عنها .. وفي نفس الوقت .. مياري حست انه مستوي شي .. ودقت لميوود .. مياري : الوو .. شوو سوييت ؟ مايد : ههه ليش انتي حاسه اني سويت شي ؟ مياري : ميوود لا اتم تستهبل علي شو سوييت ؟ مايد : افف احس جسمييه حاار الحيين .. متوهق .. امم اقولج دقايق وبدقلج .. مياري : اوكييه .. باي مياري تمت تفكر .. ( لو يكوون سواااها !!!!..... لا ماا اعتقد !!.. بس ليش احس انه مستوي شي .. ياا هي حاالهـ ) .. وشوي يرن فونها .. وشلته بسرعهـ ,, مايد : هلاا .. مياري : اهلين .. ميود قولي شو استوى ؟ مايد : امم .. اصبري شوي ربيعي .. حذاي .. بنزل .. ويت .. ونزل من السيارهـ .. مايد : امم ماشي ما استوى شي .. مياري : لاا اتم تستهبل ,, ميوود انته قلت .. بتقول شو استوى .. مايد : انزين انا مابا اخسرج .. اخافج تزعليين !! لا تفكرين وايد !! مياري : لا والله .. ما بزعل .. اذا ما قلتلي ذييج الساعه .. بيي فـ بالي وايد اشيااء !! فـ احسن شي انكـ تقوول .. مايد فخاطره ( بقوول وامري لله ) : امم انزيين .. اول شي احلفي انج ما بتزعلين .. وعقب بقولج .؟ مياري : والله العظييم اني ما بزعل .. يلا عااد قوول .. مايد : انزيين .. امم .. مريت عليها .. وخذتها وياي .. وكنت متفق ويا واحد .. عشان اوديها عندهـ.. وامم بعدين تدرين !! مياري : ميووود ...!! هب حراام علييكـ ,, ما تخااف ربكـ انتهـ .. مايد : انزين ما استوى شي .. والله ماا استوى .. مياري : انزين لوو استوى ..!! انته شو بتستفييد .. مايد : انزين وخالها عرف انها ظهرت وياي .. وقبل شوي .. دقلي .. وقال .. بخبر الشرطهـ .. .. اصلا شو بيقول حق الشرطهـ .. غبي هذاا .. بتنفضح بنتهم ذيج الساعهـ .. مياري : اها .. شفت عناادكـ وين ودااك ؟!! .. عشان تعرف انا يوم انصحكـ واقولك خلها تولي ..اني اباا مصلحتكـ .. انتهـ اللي يقهرني فيكـ .. انه اللي في بالكـ بتسويهـ .. حتى لو كاان هالشي يضركـ .. وما تسمع النصيحهـ .. تره انا لو مااحبك ما بنصحكـ حط هالشي ف بالكـ .. مايد(متلوم) : انزين انا آآسف .. مياري : ولييش تتأسف ؟.. وبعدين بقولك شي عشان اريح بالكـ شوي .. انه خالها ما بيخبر الشرطهـ .. لانه ما يبا الفضيحهـ حق بنت اختهـ .. وهو قالك جيه .. عشان تبتعد عنها .. وبتشووف جان ما ظهر كلامي صح .. مايد : ان شا الله يظهر كلامج صح .. مياري : وان شا الله مره ثانيه .. ما تتهور وتسوي اللي سويته اليوم .. وبقولك شي بعد .. لا تقول حق اي حد عن هالسالفهـ .. لانكـ بتصغر فـ عينهمـ .. مايد : اصلاا انا صغرت ف عين الكل .. والله اني ندمان .. مياري : شفت الحيين .. انته ما سويت شي ولا وديتها عند الرياال .. ومتندم جييه .. عيل لو وديتها .. بشوو بتحس ؟.. الله يهدييكـ بس .. مايد : تعرفيين .. احس اني صغرت فـ عينج .. هب صغرت بعد .. الا طحت من عينج .. مياري : لاا تقول جييه .. اناا فاهمتنكـ وحااسهـ فيكـ واعرف انكـ ما بتعيدها .. والواحد لو ما يغلط ما بيتعلمـ .. وانا قلتلك لا تقول حق حد .. عشان مابااك تصغر فـ عين النااس .. مابااهم يتغيروون عليك .. وع فكرهـ .. هب شرط اذا انا فاهمتنكـ .. انهـ كل الناس يفهمونكـ .. تحمل .. مايد فخاطره ( فدييتج ياا ربي .. ربي لا يحرمني منج ) : والله مااعرف شو كنت بسوي لو انتي محد .. والله بمووت .. دوومج تنقذيني .. تظهريلي ف المواقف الصعبهـ ههه مياري : شفت عااد .. عشان تحس بقيمتي شوي خخ مايد : فدييتج والله .. مياري : امم انزيين اخليك انا الحين .. مايد : اوكييه .. مياري :يلاا بااي مايد : باي .................................................. . .................................. ...................... فطوم : آآآآآووج خاالي ماا سوييت شي .. والله ماا سوييت .. خالها اييرهاا من شعرهاا .. خالها : شوو ماا سويتي .. انتي ما تستحيين ع ويهج .. وتم يصفعها .. ويرها من شعرها .. شوهتي سمعت اهلج هب حراام علييج ,.. انتي شوو .. هاي المره الثانيهـ امسكج ظاهره ويااه .. انتي لاازم اذبحج ماا خلييج حيهـ .. بس مااعلي دوااج عند ابوووج واخواانج .. فطووم ( تصييح ) : خاالي دخييلك لا تقوولهم .. ما بعيدها .. خلااص ماا بعييدها .. خالها : جااااااااااااااااااااااااااب ولاا كلمهـ .. انا تعبت منج خلاص .. خلييهم يأدبوونج .. فطوم( تصيح ) : لااا تقوولهم .. خلااص ما بعييدهاا .. تووبهـ,,!!! Sto0o0o0o0o0o0o0o0o0o0oP آآوووج ليش تفلعووني ماا سوييت شي ههه يعوور .. الله يسامحكمـ هاا كله عشان اكمل الباارت .. كيييييفي ماا بكمل .. هع شو رايكمـ ف الباارت ؟... وتوقعااااااااتكمـ شو يصيير ف البارت الياي ؟؟... |
| الساعة الآن 01:39 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir