{Part8}
..........................................
بعد ماوصل محمد مطار دبي نزل صوب الباركنات عسب ياخذ سيارتة وهو رايح صوب سيارتة كان محطي الجاكيت الازرق فايدة وفاتح اول فصمتين من القميص والعامل ورا شال الجنطة وصل صوب سيارتة مد ايدة لجيبة وخذ السويج وشغل السيارة فتح الباب ويلس ع السيت وفر الجاكيت الي كان فايدة ع السيت الي حذالة فتح الدبة عسب العامل يدخل الجنطة وتم يطالع العامل من المراية الصغيرة الموجودة داخل السيارة فهل الحضة فونة رن مد ايدة لجيبة وطلع الفونين وجاف ان البيبي هو الي يرن ففر الايفون ع السيت الي حذالة حط السماعة فاذنة ورد ع الفون
محمد:"وهو بعدة يطالع العامل وبصوت كلة تعب " الو
ام محمد" ابتسمت" هلا ولدي جيف حالك عساك مرتاح
محمد:"جاف العامل لما صج الدبة نزل المراية الي تكون فوق سيت السايق عدل شعرة باصابعه " يسرج الحال اميه
ام محمد:متى وصلت فديتك
محمد:"كان يدور فالسدة الي ع يمينة ع اللبان " لبان اكسترا الي فعلبة خذ منة حبة وحطاه فحلجة وهو يعض اللبان قال " توي واصل اميه
ام محمد:"عقدت حايبها " تاكل
محمد:"كان يطالع الناس الي يمرون صوب الباركنات " هي اميه
ام محمد: شو تاكل فديتك
محمد:"فتح السدة الي تكون جدام السيت الي حذالة وطلع نضارتة الشمسة ولبسهم "" لون نضارتة سلفر " البان
ام محمد: هاذا اكل حد ياكلة
محمد:"حرك السيارة وبدى يسوق عسب يطلع من الباركنات " ماعليج اميه مب يوعان انا
ام محمد: خلاص فديتك ع راحتك الا اختك مريوم حاشرتني تبيت رمسك " وعطت الفون لمريوم"
محمد:"وقف وهو يتضر السيارة الي جدامة تمشي ابتسم "هلا باحلا اخت بالدنيا
مريوم:"استغربت" ليش كل هالرسميات " حطت ايدها ع خصرها وقالت " من عندك
محمد:"ضحك ع الخفيف وحرك السيارة لانة السيارة الي جدامة مشت " مافي حد عندي الا جني سمعت انج تبين اليفون فايف
مريوم:"ابتسمت وقالت بصوت عالي " هيييي غلوي خبرتك ؟
محمد:"رفع حايبة وبسوط عالي شوي " لا تصارخين
مريوم:"بوزت وبسوط عادي " انزين اشتريت لي شي
محمد:"مسك راسة حس انة الصداع بدا يزيد عندة " بس خلاص يلا باي " بند الفون ووخوز السماعة من اذنة وفرهم ع السيت الي حذالة
..............
فبيت ام محمد من بعد ماصج محمد الخط
مريوم : " بصوت عالي " اووووووف
ام محمد: "طالعتها بنضرة " شحقة تصارخين ؟
مريووم" محمد صج علي الخط وعطت الفون ل امها الي كانت يالسة حذالها وراحت فوق "
ام محمد:بنات اخر زمن
............................
فبيت قوم صفة ومروة
كانو فالمطبخ يسو سويتات بخصوص انة اليوم عندهم عزيمة عازمين عايلة حمد و قومحم ام محمد بس طبعا حمد وهيا وغلوي ما بيون عسب هم فلندن
صفى:" وهي تحطي الكريمة ع الكب كيك " مراوي هاتي الككاو هاذاك
مروة:" وهي تصب الكاراميل ع الكيكة الثانية " اوك ويت "وتمت تصب الكاراميل "
دخلت عليهم حرمة اخوهم ميثة وهي شالة ملوكة : السلام عليكم
صفى:"طالعت ميثة وابتسمت" وعليكم السلام
مروة:"هد الكاراميل الي كانت تصبة ع الكيك وراحت عند ميثة وشلت ملوكة وباستها ع خدها " حبيبتي
ميثة:"طالعت مروة وابتسمت" اساعدكم فشي
صفى:"وهي رايحة عسب تاحذ الككاو " لا مايحتاي امي قبل شوي مخلصة
ميثة:" وهي اطالعهم " خلاص انتو روحو اتجهزو وانا بخر الشغالة تكمل عنكم
مروة:"عقدت حيبها " ليش الحين الساعة جم .؟
ميثة:"ابتسمت" الساعة 12
مروة:"علت صوتها" اويي مافي وقت " عت ملوكة لاامها وطلعت من المطبخ
صفى:"وهي اطالع ميثة" متى بيون
ميثة:" وهي اطالع صفى " ترا المفروض بعد الصلاة علا طول بس ماادري ليش تاخرو
.......................
انرد لندن صوب قوم غلوي
غلوي كانت يالسة فالصالة فوق الكرسي الي يجابل التلفزيون وحذالها جبس وفونها والايباد
من الملل مدت ايدها وخذت الايباد ودخلت الكيك دخلت بروفايل اخها هيا /// طبعا حمد وهيا راحو الشغل "" شركة ابوهم ""//// دخلت ع الي هيا اتابعهم جافت محمد " فتحت عيونها وقالت " محمد !! دخلت بروفايلة وجافت انه عندة كيك واحد فتحت الفيديو وتمت تجوفة
.............................
اما محمد فنص الخط سفط السيارة ع ينب وتم ماسك راسة من العوار عقب تذكر انة عندة بنادول فالست الي ورة عوة راسة ع ورا تم يجلب الاوراق عسب يدور البنادول مس ماشي فايدة ماحصل البنادول
محمد:"بدا يدور فالسدة الي عندة بس ماحصل تعصب وقال بصوت عالي " اوووف " فتح باب سيارتة علا طول بدون ماينتبه للشاحنة الي كانت ياية صوب السيارة بس فهل لحضة فونة رن
" خذ له نفس صج باب السيارة وجاف الشاحنة الي مارة بسرعة وقال " : الله ستر " خذ فونة الي كان يرن ورد
محمد:"وهو يتنفس بصعوبة وراسة كل دقيقة يعورة اكثر " الو
ابو محمد:وعليكم السلام جيف حالك
محمد:" ابتسم بس راسة يعورة اكثر " الحمد الله ابخير ااا فطريج انا ياينكم لا تحاتون
ابومحمد: الله يحفظك في امان الله
محمد:" حط ايدة الثانية ع راسة " امين مع السلامة " صج الخط وقفل الفون وفرا ع السيت الي ورة ودق ريز بسرعة وبدا يمشي بسرعة جنونية
.............
فبيت قوم صفى ومروة
كان الحريم ياكلون الغدى ومايا يالسة حذال مروة ومروة تلقمها
مريم:" اخت غلوي" مروة حبيبتي لاتعبين عمرج تعرف تاكل بروحها
مروة:"وهي تعطي مايا الماي" لا عادي " ابتسمت" انا اكل وااكلها
مريوم:"اخت غلوي وهي تتطالع مروة" خلصتي تجهيزات ؟
مروة:"ابتسمت ونزلت راسها تحت وتخرك القبشة " هي الحمدالله
مريوم:"اخت غلوي " الله يتمم لكم ع خير
مروة:"وهي تلقم مايا" امين
حصة:"وهي تعطي ملوك قطعة من الكيك" مروة شريتيلج فستان
مروة:"وهي اطالع حصة " حجزت لي فستان
حصة:" وهي تمسح بتيشو حلج ملوك " اها " طالعت مروة " اهم شي عيبج
مروة:"وهي اطالع حصة "هي الحمدالله عيبني واايد
حصة:"وهي تاخذ فونها " الحمدالله
....................................
صوب محمد كان توة واصل شيشة البترول ويعبي سيارتة بترول بعد ماعباها فل بكن سيارتة ونزل السوبر ماركت شرالة بندول وماي وهو طالع فتح البنادول وخذالة 3 حبات من كثر ماراسة يعورة فتح السيارة وفر البندول والماي فالسيت الي جدام وصج الباب راح صوب الباب الي ورا وفتح الباب وطلع كندورتة الي كان معلقنها ورة وخذ ويا جيسة راح الحمام مال الشيشة بدل ثيابة الي كان لابسنهم الي هو " دريس الطيران " ولبس له كندورة وحط دريس الطيران فالجيسة الي يابهة راح صوب المغاسل توضا ونشف ويهة من الماي وصلا فالمسيد و سار صوب سيارتة وفتحها خذ منها عطر وتعطر عقب فتح الباب الي ورا ويلس ع اليت وفصخ الجوتي ولبس نعال ولبس له ساعة طلع وتم يدر المشط لين حصلة وطلع من السيارة وفايدة المشط تم يمشط شعرة وهو يجوف انعكاسة من الجامة ولبس له نضارات شمسية "" الحين رح اقولكم االلوك كيف كان كان لابس كندورة بيضة قطرية وفاتح اول فصمتين ورافع الكم شوي ومطلع ساعتة ساعتة لونها اسود ونعالة لونة اسود ونضارتة الشمسية سودة ومسوي شعرة سبايكي ركب السيارة وهو مرتاح شل فونة واتصل لامة
محمد:"وهو مبتسم" هلا والله
ام محمد:"ابتسمت" اهلين انتة وين الحين
محمد:"وهو ياخذ الماي من الجيسة " عند الشيشة بعد شوي بيكم
ام محمد:"عقدت حايبها " كيف تينة وانتة جي
محمد:"بعد ماخذالة رشفة من الماي ضحك ضحكة خفيفة " لا تحاتين
ام محمد:يعني مافيك شي
محمد:"دق هرن للسيارة الي جدامة لانها لفت بدون مادق الاشارة وقال" اكيد بنت
ام محمد:"عقدت حايبها" منو الي اكيد بنت
محمد:"وهو يطالع الشارع ويسوق بايد وحدة والايد الثانية ماسك فيها الفون " وحدة شوي و تدعمني
ام محمد:الله يحفك الا انت متى بتوصل
محمد:"وقف السيارة جدام البيت" طرشي حد يدخلني داخل انا مااعرف شي فهل بيت
ام محمد : بطرش لك مريوم
محمد:"وهو يتعطر مرة ثانية " اي حد بس ابسرعة
ام محمد: ان شاء الله
..............................
فبيت صفى ومروة كانو الحريم والبنات يالسات فالصلاة من بعد الغدا ويسولفو مريوم وصفى يالسات حذال بعض ويسولفون ومروة وحصة بعد يسولفون ومريم كانت تصور بنتها بالكام
ام محمد:مريوم فديتج روحي حذال الباب دخلي محمد الميلس
مريوم:"وهي رافع حايبها " ليش مايعرف وين الميلس
ام محمد : اول مرة يي اهني
مريوم:"وهي اطالع امها : اوك " طالعت صفى وقالتلها" تعالي وياي
صفى:"وهي اطالع مريوم" لا فضيحة
مريوم:"رفعت حايبها وقالت" والله عادي انتي تمي بعيدة وانا بوديه صوب الميلس
صفى:"طالعت مريوم" اوك
وراحوا لحوي
مريوم:"وهي اطالع صوب الباب" وينة هاذا بعد
صفى"وهي اطالع مريوم" يمكن هو برع
مريوم:"حاست حلجها " يمكن " طلعت من المخورة فونها واتصلت لمحمد
محمد:"وهو يطالع شكلة من مراية السيارة " الو
مريوم"وهي اطالع الباب" انتنة وين
محمد:"خذ له نفس" فالسيارة
مريوم:"وهي اطالع السما " انا برع يلا انزل
محمد:"هز راسة وصج الفون"
مرويم"وهي حاطة الفون ع اذانها عقدت حايبها ونزلت الفون وجافتة مسكر عليها " اخييي رد لنذالتة
صفى :"وهي اطالع مريوم مستغربة " ليش يعني
مريوم:"وهي اطالع صفى " مب اول مرة يصج علي الفون
صفى :" ضحكت " عادي كلهم جي "ضربت مريوم ع جتفها ع الخفيف وقالت " اخوج وصل
مريوم" صدت ع ورة وجافتة وراحت صوبة سلمت مدت ايدها له "
محمد:"دخل ايدة فجيبة وطلع الفون جافها وابتسم "
مريوم:"مريوم بعدها مادة ايدها " سلم لا
محمد:"مد ايدة الي فيها الفون وبدال مايسلم عطاها الايفون 5 "
مريوم:"صارخت" حقيي شكرا ياحلا اخ فالدنيا
محمد:"اشر ع راسة " بوسي راسي "ونزل اسة لمستواها"
مريوم"باست راسة وعقب شدت شعرة " شكرا يا اغلا اخو فالدنيا
محمد:"زخ ايدها ع القو وقال" عدلي شعري
مريوم:"ابتسمت " افا عليك " وعدلت شعرة
محمد:"وهو يعدل الاسبايكي باصابع ايدة " و ما خفية كان اعضم
مريوم:"استانست" صج صج شكرا
محمد:"غمز ليها " افا عليج
مريوم"مسكت ايدة ووصلتة لين جدام الميلس وقالت "هاذا الميلس
محمد:"سحب ايدة منها وعدل وضعة شوي وقال " خلاص مشكورة يلا روحي
مريوم:"ابتسمت" انزين
"" راحت صوب صفى الي كانت تتضرها "
صفى:" وهي اطالع مريوم" اخوج طررر
مريوم:"ابتسمت " ادري " وروتها الايفون "
صفى:"هي اطالع مريوم" يصير تخطبينة لي
مريوم:"وهي اطالع صفى" لاطبعا
صفى:"عقدت حايبها" ليش ؟
مريوم:"وهي اطالع صفى " هو خطب غلا
صفى:"فتحت عيونها" حلفي
مريوم:والله العضيم بس ها لاتخبري حد محد يدري غير انا وهو وامي وخواتها
صفى: بس محد بين شي
مريوم:"ضربت غلا ع الخفيف ع راسها" يحلوة غلا بعدها ماتدري بشي
صفى:"رفعت حايبها " اونة
مريوم:والله