|
. . . البارت الـ 163 الجرس يندق بدون توقف . . مهره : بسم الله منو يدقدق جيه ؟ شوق : منو غيره ّ ! اكيد سيييييف . . مهره تتنهد . . شوق : افتح ؟ مهره : لا خلج انا بروح افتح . . مشت عنها مهره وسارت تبطل الباب وتفاجئت . . مهره : حممممد ! حمد بارتباك : مهره . . ! مابيني وبين شوق اي شي . . دخيييييييلج لا تحطين اي شي في بالج . . انا اكلمها بس جي . .كنت احس بفراااغ بوحده . . حتى اساليها . . عمرنا ما تجاااااوزنا الححد . . اصلا اساليها كله نرمس عنج . . كله تخبرني عنج وانا كله اتكلم عنج انتي وبسس . . ترى محد يعنيلي فهالدنيا الا انتي شوق واقفه تطالعه مصدومه . . حمد يطالع شوق : ما بيني وبينج اي شي شووق . . قسم بالله اني ما اكن لج اي مشاااعر . . انا قلبي لوحده وبسس . . مستحيل في يوم قلبي تدخله وحده ثانيه مستحيل . . شوق : انزين ادري . . " تبلع غصتها " انا عمري ما وهمت نفسي بانك تحبني . . وانا ما احبك اصلا ولا حبيتتتتتتك حمد يطالع مهره : شفتتتي . . شفتي بنفسج . . بروحها قالت بلسانها لا تفهمين اي شي ثاني مهره : حمد حمد يقاطعها : دخيلج صدقيني . . قسم بالله محد في قلبي الا انتي لا تزعلين علي . . لاتنصدمين مني . . مهره : حممممد اهدددددددددا . . حمد يطالعها وبعده مرتبك ويرجف . . مهره راحت صوب الثلاجه ويابتله ماي ومدتله . . حمد شل الكوب وحطاه ع الطاوله الجريبه منه : مابا شي . . بس خبريني انج مصدقتني . . مهره : حمد اشفيك ليش ترمس جيه . . حمد : خبريني قوليلي الي تحسينه وانا بشرح لج كل شي والله العظيم . . انتي اكثر وحده فالدنيا تعرفني . . مستحيل مستحيل احب غيرج مستحيييل . . مهره مسكت جتف حمد : حممممممد اسمعننننننني . . حمد سكت .. مهره : بحالة انك انت تحب شوق ولا ماتحبها هالشي عادي . . من حقك تحبببببب وتعيش حياتك حمد يقاطعها : انا مالي حيااااه عقبببببج مالي حياه . . " تتجمع دموعه " امي إلي راسها يابس اقتنعت اني لا يمكن اعطي قلبي لوحده غيرج . . امييي الله يرحمها " تنزل دموعه " يئست من قلبي والسبب عذاب حبج مهره ترص ع جتفه بالقو : حمددددددددد كافي . . دخييييلك كافي . . " تنزل دمعتها " لا تضر نفسك اكثر عن جيه .. كافي هالعذاب الي انت عايشنه . . كااااااافي حمد يطالعها بتمعن مهره : انت كنت حبي الاول الي استحليت كل قلبي لكن الله ماقدر نكون لبعض . . الله كتب لي اكون حرمت اخوووك . . الله كتب لي احب اخوك واحب عذابه واحب كل شي يسويه فيني حتى لو يعور . . انا اعرف ومتاكده من حبك . . ومتاكده انك اكثر انسان تبي تسعدني . . هالشي انا واثقه منه لكنننن . . أيئس مني حمود خلاص . . انا حتى لو ما صار نصيب اكمل مع سيف صعبه ترى ارد اجتمع فيك واحبك . . حمد : انا يائس من زمان . . مافيها شي لو يئست اكثر . . مهره : بس هالشي غلللللللللللللللللللط . . وانا ما ارضى حمد بهدوء مسح دموعه بظهر ايده : ليش ما ترضين ؟ مهره تطالعه . . حمد : جاوبيني ليش ما ترضين ؟ " بصوت خافت " تحبيني . . مهره : هيه حمد احبك . . واحبك واايد . . احبك شرات ما احب منصور وشرات ما احب ناصر . . حمد بلع ريجه . . مهره : والله اني احبك شراتهم واتمنالك الخير . . بس هالعذاب الي انت عايشنه ما يرضيني والله حمد : شلي تبينه ومستعد اسويه مهره : انت سو الي انت تبيه مش الي انا ابيه حمد يطالعها بحب : انا ابيج انتي مهره : بس انا شي مستحيييييييل يكون لك يا حمد مستحيل حمد تتجمع دموعه : نسيتي . . ؟ مهره تتجمع دموعها : حمد كاااااافي حمد : كلامج ووعودج وحبج لي ليش راح ليش مهره : حممممممممد هالموضوع سكرناه من زمان حمد : انا بعدني احبج " يمسح دموعه " قسم بالله بعدني احبج مهره تعطيه ظهرها وبغت تمشي بتروح بس مسك ايدها . . حمد : لاتروحين يرحم والدينج لاتروحين . . مهره : . . حمد : دنيا من دونج تنعاف .. شكثر حاولت " تنزل دموعه بغزره " بس مش بايدي ما قادر اطلعج من قلبي . . شكثر حاولت حتى اتناساااااج . . بس ماتروحين من بالي . . بنيت وياج احلام ماقدر انساها . . بنيت وياج ذكريات تحطم قلبي لا مرت في بالي . . خبريني كيف اقدر انساج وانتي الي اشوف فيج الدنيا . . كانت شوق على طرف واقفه وتسمع وتشهق بصوت مش مسموع . . ماسكه شفاتها بقوه وتنوح من الصياح على الحوار الي بينهم . . مهره : حمد اعفيني دخيلك . . حللني حمد : انا ادري وجودي مصعب لج امور كثيره . . انا ادري وجودي مخلنج تمرين بمشاكل مالها اخرررررر بس شسوي . .شتبيني اسوي ؟؟؟ كيف اقدر اشلج من قلبي كيف . . انتحر ؟؟ والله لو ايماني ضعيف جان انتحرررررت . . انا بصلاتي حااااااااااااااااولت ادعي ان الله يشيلج من قلبي ماقدرت . . حسيت لساني تشلل ماقدرت اقولها . . كنت في يوووووووووووم ادعي ان ياااااارب تجمعني في الي قلبي ميت فيها والحين ادعي يارب شلها من قلبي ؟؟؟ كيف ؟ ماقدرررر . . مهره تصيح : حمد لا تسوي في روحك جيه . . حمد يمسح دموعه : احس اني مش رياال .. " يبتسم " وانا اصيح جي جدامج . . مهره تتطالعه بعذاب . . شكثر تعاني بسبتي يا حمد شكثر حمد شرب الماي الي ع الطاوله وابتسم غصب : روحي راضي ريلج يا مهره . . روحي راضي سيف مهره : . . حمد : دامي مش قادر اسعد نفسي . . ما راح اخليج تعيسه . . بحاول اسعدج بالشخص الي صرتي تحبينه قد ما اقدر . . مهره :" ليش انت تشوف سعادتي مع سيف ؟ حمد : لانج تحبينه . . ومهما صارت مشاكل الحب ما راح يزول بصعوبه ..وماراح تحسين بالسعاده الا مع الشخص الي تحبينه مهره تبتسم باستهزاء : بالعكس . . سيف قاعد يتعسني كل يوم اكثر واكثر حمد :بس انتي ليش صابره ؟ مهره تطالعه . . حمد : لانج تحبينه وما تتخيلين حياتج بدونه . . " يغمض عينه " وانا ما انصحج تجحدين اكثر لانج بتعانين من قسا هالشعووور . . بتتعذبين ليل ونهار والسبه عذاب البعد . . راح تتمنين الي تحبينه بس يكون معاج لو دقيقه حتى لو ينكد لج حياتج فيها .. مهره تتنهد بعذاب . . شوق : ليتكم كنتو لبعض . . ليييييتكم . . مهره وحمد يطالعونها . . شوق تبتسم : كنتو بتكونون اسعد شخصين يحبون بعض ويكافحون لسعاده بعض . . اثنينكم قلوبكم متشابهة سيف : بس الله كتب لمهره نصيب ثاني . . الكل صد صوب الباب . . سيف : الله كتبلها تكون لي . . وتعاني مني . . الله كتبلها تتعذب وتذوق مراره وعذاب الحب حمد : كفايه سيف عذاب كفايه . . اسعدها حرام عليك اسعدها . . سيف يطالع مهره . . : تبينه ؟ مهره عاقده حياتها ومسحت دمعتها : مافهمت سيف : تبين حمد حمد يطالع مهره وشوق تطالع حمد . مهره : انت شـ تقول . . سيف يبتسم : تحسين ان حمد الي بيسعدج ؟ تبين تعيشين بسعاده .؟ مليتي من الوضع الي انتي فيه مهره مصدومه تامه ساكته سيف : ردي علي بصراحه وانا مستعد انفذ لج رغباتج الي تبينها . . انا ماانكر اني عذبتج . . وصدقيني الي اباه الحين راحتج وسعادتج . . شو الي تبينه خبريني وبسويه . . تبين حمد ؟ بس قوليلي اباه و والله ما راح اضرج بشي . . بخليج تكونين معاه ويعوضج عن كل حرمان عشتيه معاي وراح اتكفل بالاهل كككككككلهم . . ماراح اخلي حد ينطق بحرررررررف . . مهره تطالع سيف : انت قاعد تبعيني بهالطريقه . . " تتجمع دموعها " قاعد تلعب فيني . . لا تكرهني فيك . . لا تطيح من عيني اكثر عن جيه سيف سكت . . مهره تطالع حمد : انا ما ابيك . . حتى لو كانت علاقتنا في يوم بتنجح . . حتى لو علاقتنا ممكن تتصلح انا ماقدر اجازف اكثثثر . . مع ان والله يا حمد مافيك اي شي ينعاف وينعاب . . " تطالع سيف " وانا ما ابيك انت بعد . . لاني تعبت من كثر ما اصيح . . تعبت من كثر ما اتعذب وانذل وانضرب والله تعبت . . طلعت من الشقه . . . . . |
. . . لي عؤؤؤؤؤؤده |
. . . البارت الـ 164 لحقها سيف على طول . . نزل حمد وركع وتم يصيييييح . . شوق تقطعت وتقربت منه . . : حمد حمد : ان ماكنت اصيح جيه . . والله العظيم كنت اقوى . . من ماتت امي صرت ضعيف . . صرت ريشه كل شي يهززززززني . . لاتشوفين دموعي بفتشل من روحي عقب . . دخيلج روحي الغرفه وخليني اهني شوق : بطلع . . ما يصير نتم مع بعض اهني . . مشت عنه حمد : تعاااالي . . والله ماتطلعين والله . . " مسح دموعه " انا الي بطلع . . وين بتروحين بهالليل الله يهديج . . شوق : بس انت محتاج ترتاااح . . حمد : بروح اقعد فالسياره . . واذا حسيت عمري تعبان بحجز لي اهني لا تخافين . . انا ريال ما ينخاف علي . . وطلع من عندها . . > < كانت تمشي بدون وعي . . تركب اللفت . . تصعد ، تنزل ! ما تحس بعمرها شقاعده تسوي . . وهو بس وراها ما ينطق ولا يقول شي . . بس لاحقنها . . طلعت من الفندق وقعدت صوب الكراسي الي مجابله المسبح . . كانت الاضاءه وايد خافته . . قعدت ع الكرسي وتمت تصيييح من غير ما اي حد يلاحظ دموعها . . الا هو . .يشوفها وساكت . . مرت عليها ساعه ونص . . ما حست فيها الا يوم سمعت صوته . . سيف : بتمرضين . . . الجو بارد . . صدت صوبه بقلب يتقطع . . سيف : قومي دخلي داخل . . بتم اهني لو ما تبين تشوفيني . . مهره ردت تصد عنه : غريبه . . سيف : . . مهره : ما شكيت فيني . . ما قلت ليش حمد ياي وشو يسوي وكيف انا معاه بروحنا سيف : ما راح اتكلم . . قلتلج راح تشوفيني اتغير من غير ما اتكلم . . مهره قامت عنه وعطته ظهرها ومشت بتكمل دربها . . سيف : دخيلج دشي داخل . . الجو بارد وصارلج مده برع . . مهره : لهالدرجه اهمك . . سيف : حرام عليج تسالين هالسؤال . . مهره تطالعه ودموعها متيمعه : لهالدرجه اهمك ؟؟ سيف : والله تهميني . . كيف ما تهميني .. مهره : والي يسوي سواتك ما يصدق اني اهمك سيف : محلل لج تقولين الي تبينه مهره : انت اقسى انسان شفته بحياتي . . سيف ساكت . . مهره : واكثر انسان عذبني . . سيف ساكت بس يطالعها . مهره تطالع عيونه : شكثر شايله عليك انا شكثثثثثثر . . سيف : من حقج . . مهره تجمعت دموعها : قسم بالله انا تعبانه . . نفسيتي تعبااااااااانه بالحيل سيف : لاتسوين جي بروحج مهره : انت السبب في كل شي انت السبب . . سيف : صح . . مهره تصارخ : لا تسااااايرني . . سيف يتقرب منها : ما اسايرج . . والله ما اسايرج مهره ترجع ع ورى : لا تتقرب مني . . سيف يوقف : ان شاء الله ما راح اتقرب بس لا تروحين بعيد اكثر . . دخيلج دشي داخل . . مهره تطالعه . . سيف : اطلبي كل الي تبينه والله بسويلج اياه والله . . بس لا تسوين بروحج جي كافي . . اخاف يصير لج شي والله خايف عليج مهره تطالعه : اطلب اي شي ! سيف : اطلبي الي تبينننننه . . مهره تطالعه : طلقني . . سيف مصدوم . . . مهره : هذا كل الي اباه . . سيف : مهره مهره : سيف . . طلقني الطلقتين الباقيه . . الحين ها الي ابيه انا والله سيف يطالعها بتمعن . . . . . محمد كان قاعد يمشي فالسياره من طلع من عند عنود . . شل تلفونه وانتبه انها للحين ما بندت . . استغرب واييييييد . . محمد : انتي كيف للحين تامه على الخط ما بندتي . .؟ تناهيد : لا . . محمد يشوف مده المكالمه وانصدم : من متى . . تناهيد : من خذت عنود حرمتك التلفون . . محمد سكت . . تناهيد : انا اسفه . . محمد . . .: ......... تناهيد: بس انت حمار غلطان ما قلتلي انك معرسسسسسسس محمد ابتسم . . تناهيد : صدق بعد شو . . انت قوطي ؟ كيف ما تقول لي انك معرس . . محمد : فكيني لا اصمج بطراق انتي الثانية تناهيد :ايه انا مش خدامه عند ابوك ترمسني جيه محمد : يا بنت الناس فكيني من الصدعه . . انتي شحقه بالاساس دقيتي ؟ تناهيد : ترى عقب العزا ما شفت انك استخفيت دمك وجي . . قلت بطمن يمكن انت مت بعد . . محمد : اعوذ بالله . . لسان بقره ماتعرفين ترمسين تناهيد : البقره الي تشوف ويهك محمد يبتسم : صخي عني مش متفيج لج الي فيني كافيني تناهيد : حسستني عاد . . قوم قوم رد حق حرمتك وراضها . . وانا مستعده اكلمها واخبرها كل شي . .اصلا من زينك . . مسكينه تتحراني بطيح في حبك . . وووووووع انت شو ينحب فيك اصلا .. بقولها الله يعينج متحمله واحد شراته محمد : وش ذي البليه ياربي تناهيد فاجه حلجها : احين انا بلييييييييه . !!!!!!! احين انا ادورلك حل تقولي بليه محمد يشوف المتصل ع الخط . . : اقولج بندي عندي خط تناهيد : اووب والله ما تنلام عنود ااذا الحين الساعه 3 الفير وانت حظرتك عندك خطوط محمد ما سوالها سالفه وعلقها ع الخط . . محمد : هلا حمود . . حمد : انت وين . . بلاه صوتك ؟ محمد : افتر فالشارع . ." عقد حياته " انت الي بلاه صوتك ؟ شو صار حمد يغمض عينه : تعبان ياخوي تعبان . . محمد : وينك انت خبرني بيييك . . حمد : انا فدبي . . صوب شقه مهره محمد : متى سرت دبي !!! الله يهديييييييك شو مودنك اهناك حمد ساكت . . محمد : يالله بييك الحين . . لا تتاخررررررر وبند عنه . . تناهيد : يلي ما تستحي ولا تخيل . . محمد : شوه فيج تتحرطمين انتي . . تناهيد : كيف تعلقننني محمد : ع الحبل بعد شو تناهيد : واي عالسسسسسسسسسسسسسسسسسسسسسسسسسسسسسسسسسسسخافه محمد يبتسم : تتمنين اصلا ظرافه دمي . . تناهيد : امحق ظرافه دمممممممممم . . صخ عني محمد : اقولج انتي تنفعين اتكوينن ونيس لين اوصل دبي . . . خلج معاي ع الحبل سولفي دردعي لين اوصل . . . |
. . . لي عوده ع الظهر آو العصر " آذآ قدرت بإذن الله " بكل الاحوآآل . . . مآ ببآرك لكم تبريكه الكفآر !َ بس بدعيلكم دعوه خآلصه من القلب . . " الله يسعد قلوبكم دنيآ وآخره وعسآكم مآ تفقدون غآآآلي " . . . وو عسى الله يفرج هم كل مهموم وكل حزين ي ـآآآرب وآن ششآء نهآيه الاحزآن . . وعسى السنه اليديده محمله بآخبآر مليآنه خير ي ـآرب سآإمح ـوني ع القصّور . . . . . ملاحظه " بآجر يوم ميلآدي إلي مآ بيقول لي كل عام وآنتي بخير بضربه :11: " |
مشكووورة ولا هنتي حرام لا تخلي سيف ايطلق مهور وخلي مهور اتصير اوكي وياه وحمد انشالله يرتاح وايصير احسن ومحمد وعنود تنصلح احوالهم تقبلي مروري الغلا |
| الساعة الآن 03:10 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir