|
يسلموو على الباااارت ونتريا البارت الثااني |
البارت السابع والثلاثون عقب ماتجهزوا خذهم للمستشفى وتطمنوا ع حصه وجافوا البنوته وقرروا يسمونهاا شوق كــاانت واايد حلوه البنوته والكل كان متخبل علييهاا ساره كانت شالتنهاا ومستانسه علييهاا سلطان سار صوبهاا سلطـان : الفال لنــا ساره اطالعته بنظره : يعني مابتصطلب سلطان : هههههههههههه شو ماتبين اتيبين لي بيبي ساره احمررررت : سلطــــااان سلطان : ههههههههههههه اموووت فيج وانتي مستحيه سلطان : والله شكلج كيوت وانتي شاله شواقي ساره شوي وبتصييح كانت صدق محمره وعيونهاا ممزوره دموع : سلطــاان بس خلااص سلطان : بلااج اقول إلي ف قلبي ساره : مابي اعرف اسكت خلااص سلطان : زين زين ساره ردت تطالع شوق وتلعب معااهاا سلطان : قسم بالله تخبليين وانتي تلاعبينهاا ساره هالمره صدق غيظت نشت من مكانهاا وعطت شوق لميره وظهرت من الحجرة سلطان لحقهاا قلبه ماطاوعه يخليهاا ساره سارت يلست برع سلطان سار ويلس حذالهاا ساره : شو تبى مني ؟ سلطان : كيفي حرمتي ساره : حراام عليك انت كل تحرجني جدامهم سلطان : شو اسوي والله احبج ساره : لا والله إلي يحب جي يسوي ؟ سلطان : شو سويت ألحيين قلت الصرااحه ساره نشت : مابيك تقول شي ودرني فحالي هالفتره الله يخلييك ( وساارت بعيد عنه ) سلطان حط فـ خاطره بس طنش السالفه وتم عادي ولا جنه صاير شي كلهم كانوا مستانسين لولاده حصه ومستانسين عالبنوته ( شوق ) كلهم زاروا حصه وتحمدوا إلها بالسلاامه وملاك ردت لبيت خالتهاا عوشه وكانت مستاانسه واايد لان سلطان يرقد هنيه وساره ترقد عند ميره يعني بتاخذ راحتهاا طول هالفتره هيه وامــل كانوا يتقربون من بعض واايد لدرجه صاروا يخبرون بعض كل شي إلا شي واحد كل وحده احتفضته لنفسها بس مايدرون شو السبب حبهم لسلطان مرت الأيام شرى الماي للكل بالذات ميره إلي كانت زايغه من هاليوم يوم عرسهاا كانت واايد مرتبكه البنات كلهن كانوا فبيتهم ( فاطمه + ميثا + ملاك + أمل + ظبيه + ساره ) شيخه كانت مع الحريم فـ تعاونهم الكل كان مشغول بـ هاليوم البنات كانوا رواحهم فالبيت والكل كان مشغول إلا البنات كانن حدهن ملانات العصر عالساعه 5 حدر سلطان البيت واول ما بطل الباب ووصل للحوي كانن ساره وميره والبنات يلعبن بالماي كلهم حاصروه هو تم يطالعهم وطاحت عينه عـ ساره ربعت ساره وصبت عليه الماي وتمت تربع وهو يربع وراها وميره تشوفهم وتظحك والبنات شردوا سلطان زخ ساره وشلاها ساره : نزلنـــــي ميره : وافضيحتـــاااه نزلها سلطون عن الطفاسه وساره تحاول تطيح عمرها بس ماشي فايده شلاها وسار حجرته ويلسها عـ كرسي من الكراسي وقفل الباب ساره : يا المنون عـ شوو ناوي سلطان طالعها بنظره وشل ثيابه من الكبت وسار الحمام يتسبح اما ميره الي كانت واقفه عند الباب وتدق الباب بالقوو ميره : سلطــووون يالثووور عن الخباال ساره : ميروووووه ابا اظهر ميره : هو وينه الحين ؟ ساره : سار الحمام يتسبح ميره : بطلي الباب ساره : غبيه انتي ماعندي المفتاح ميره : وييي عن يسويبج شي هالخبله ساره : اييييه لاتزيغيني ميره تصارخ وتدق الباب بالقوو : سلطـــووووون بطــل عقب ظهر سلطان من الحمام وسارت ساره ويلست عالكرسي الي يلسها عليه هو كان يسحي شعره ،ساره تمت تطالعه سلطان : شو معجبه ساره : ماشي شغل سلطان : شوو ؟ ساره : مااشي ، بطل الباااب ابا اظهر سلطان اطالعها بنظره : مــاااشي تصبين عليه ماي هااه ساره : اكرهــك سلطان تجدم من ساره وقرب راسه من راسهاا سلطان : حلفي انج تكرهيني ؟ ساره زاغت وقلبها تم يدق الولد شكله صدق متخبل ساره : لالالالالا والله والله والله احبــك سلطان : ههههههههههه بلاج زايغه انزيين وسار صوب عطوره عسب يتعطر اول ما سلطان ابتعد شوي عن ساره ارتااحت ميره : سلطووووووون بطل البااب لاتفضحنااا سلطان : سكتي يالعرووس كيفي حرمتي ميره : سلطان عن الخباال مافينا عالفضايح سلطان اطالع ساره ، ساره زاغت ساره : شوو شوو شوو ماقلت شي سلطان : ههههههههههههههههههههههههههههه ميره : بطل الباااب اقلك نبى نسير الصالون ساره : اويييه لاتسيرون عنييه اتريوني ، سلطان بطل الباب دخيلك سلطان : ماشي ساره شوي وبتصيح : سلطــووون عشااني سلطان طــآآف ميره : والله كل البنات ساروا بس باقي انا وانتي ساره : لا تسيرييين وتودريني ميره : سلطان عن الاستهباال بطل البااااب سلطان : سيري يالعروس مابسويبهاا شي ميره : بطــل زيين كنا نمزح سلطان : اقلج لاتعورين راسج سيريي ساره : لااااااااااا لاتسيرين وتودريني سلطان اطالع ساره ساره : شو تودرني بعــد سلطان : هههههه انزيين انا ما اكل ترى ميره : بسيير حرجوا عليه باي باي ساره : ميروووه لااااااااا واختفى صوت ميره وهيه تمت منزله راسها وتصييح سلطان : بلااج ؟ ساره : خوز عني سخيــف سلطان رفع راسها : افــآآ لهالدرجه ماتبين تيلسين معاي ساره : بلاك انت مدخلني حجرتك غصب وقافل عليه الباب ومادري على شو ناوي انا بنت ترى لي سمعه وشرف سلطان : ههههههههههههههه بلاج يالغبيه انا ريلج ساره : لاا والله ادري انزيين بس بس ( وتمت تصيييح ) طنشها سلطان وسار يحط ثيابه الي شراهن قبل كمن يوم فالكبت وظهرله كندوره كركميه و سفره حمراا وطول هالوقت ساره كانت تصيح شوي وترد تسكت تطالع سلطان وترد ثاني مره تصيح عقب ما الكل سار الصالون عالساعه 5 ونص العصر سلطان : نشي تعالي معاي ساره : ويين سلطان : تعالي ولاتسألين ساره : ابا اسير الصالون سلطان : انزيين تعالي انتي سارت ساره مع سلطان وركبت السياره وداها بيتهم ماكان فيه حد قالها 10 دقايق تجهز وتنزل هو كان يالس فالصاله سارت وتسبحت وبدلت ونزلت ساره : وين بتوديني ؟ سلطان : بخطفج ، يعني وين لاتخافين مابسويبج شي طوفي سارت ساره مع سلطان وهيه محرجه ومضايجه منه ركبوا السياره وطول الدرب وهم ساكتيين جان ساره تقطع هالسكوت وترمس ساره : بلاك اليوم احسك هب طبيعي ؟ سلطان : مــااشي عقب ردوا ساكتين إلين ماوصلوا صوب صالون غريب ساره اول مره تشوفه سلطان : نزلي ساره وهيه زايغه : شو هــآآه ؟! سلطان : صالون بعـد شوو ساره : لاا ابا اسير صالون قوم ميروه سلطان : يا هالصالون يا ماشي سيري العرس جي ساره : اف منك كريييه بطلت الباب عسب تنزل سلطان يود ايدها عيدي اخر كلمه قلتيها ساره : ماشي ماشي سلطان : بتعيدينها ولا اودرج هنييه واسير ساره : اهون عليك يعني ؟ سلطان : عيديهاا ساره : اففففف كريييه سلطان : حلفي ساره : سلطان حرااام عليك والله سلطان : نزلي بسرعه ساره : مايسوى عليه هالماي الي صبيته عليك ونزلت وهيه محـــرجه وكارهه الساعه إلي فكرت تصب عليه الماي حدرت الصالون وسوت شعرها و حطت ميك آب عقب خلصت دورت ع تلفونها عسب تتصل لأحد اي وياخذها تذكرت ان هيه هب يايبه التلفون ولا تعرف مكان الصالون استسلمت وسارت وخذت التلفون الي محطوط فالصالون واتصلت بـ سلطان وقالتله اي وياخذهاا وسارت بتدفع قالت الصالونه ان سلطان بيدفع بدالهاا تمت ساره مستغربه شقايل راعيه الصالونه تعرف سلطان قالت بتسـألها بس ترددت عقب ياها سلطان سارت وهيه كانت متغشيه وركبت السياره سلطان : ها شوو عيبج الصالون ؟ ساره :.......... سلطان : ارمسج انــاا ساره : شوو ؟ سلطان : بلااج ؟ ساره : ودني عند البنات دخييلك سلطان : انزين ماباقي شي عالعرس بوديج تلبسين فستانج وبوصلج القاعه ساره : ليش جي تسوي فيه سلطان سكت عنهاا وتم مركز فـ سواقته عقب وصل صوب بيتهم سلطان : عشر دقايق ان مايتي بسير عنج عاد دوري حد ايبج كلهم مشغولين بالعرس ساره : افف انزيين مذله والله سلطان : نعم حبي عيدي ماسمعت ساره : بلااااك عليه اليوم والله مايسوى عليه والله انا غبيه ما اعيدهاا خلااص سلطان : هههههههههههه نزلي نزلي الله يهدييج ولا اقلج اتريي اتريي ساره : شو بعــد ؟ سلطان شل الغشوه الي عـ ويه ساره سلطان : وفديت حرمتي والله محلوه ياويــــل حااالي ساره عصبت نزلت من السياره وسلطان تم يظحك على خبالهاا عقب شوي يت ساره وكانت كاشخه من خــآآطر عقب حرك سلطان وسار بيتهم وسار بدل ولبس الكندوره الكركميه ولبس السفره الحمره والعقال وسار تعطر وتبخر وتكشخ عالآخر شكله كان صدق صدق خبـــآآآل يعذب سار وركب السياره اول ماساره شافته تخبلت تمت تطالعه سلطان ابتسملها ساره : اشعنه كل هالكشخه ؟ سلطان : شو تغارين اصلا انا روحي حلوو ساره اطالعته بنظره وصدت صوب الدريشه وعقب حركوا وصلوا القاعه نزلت ساره سلطان : حشى حتى كلمه شكرا ماشي صدت ساره صوبه : مشكور الشيخ سلطان ماقصرت فـ حرق اعصابي اليوم ونزلت سلطان وقف سيارته ونزل ولحقها ووصل صوبها يود ايدهاا ساره : وين ياي شو بتحدر معاي سلطان : لا بس بوصلج اخاف يصرقونج ساره : لا دخييلك سلطان : سلمي على ميروو واايد طنشته ساره وتمت تمشي واول ما وصلت للقاعه ساره : يلا مع السلامه سلطان : خيبه خيبه تبى الفكه انزين اقلج دوريلي وحده غرشوبه ساره اطالعته بنظره احتقار وحدرت وتم سلطان يظحك عقب سار حدرت ساره وكانن كلهم موجودات ظبيه : انتي وين سرتي ؟ ساره : هــاا سلطان وداني الصالون ظبيه : ياعيينيي ساره : وين ميرووه ؟ ظبيه : وييه مشالله عليها محلوه من خااطر هيه فوق فـ الحجرة سارت ساره عند ميره عقب ماسلمت عالكل ساره : ميروووه مشالله علييج صدق عروس ميره : ساروووه شو صار ؟ ساره : ههههههه ماصار شي يقهر اخوج والله ميره : فديته اخوي رومانسي ساره : وينه هو ووين الرومانسيه ذل ابو عاري عسب صبيت عليه الماي ميره : انزيين خبريني شو سوابج ؟ ساره : اييه شو الي شو سوابي اقلج ماسوابي شي وتمت تقلها كل شي ميره : ههههههههههه اوووب اخوي ظهر خطيير رفعلج ظغطج هــآآه ساره : هييه والله ميره : ههههههههه سيري سيري دوريله وحده غرشوبه ساره : جب جب انزين ميره : هههههههههه بعدج اتحبينه ههههههههه ؟ ساره : لا كرهته اتصدقيين سخيفه والله ( ساره : كانت لابسه فستان اخضر مصفر وفي حركات عالجتف وتحت الصدر كله كرستالات فظيه وكانت رافعه نص شعرها ومنزله الباقي بس نازل بطريقه وايد حلوه وبسيط والميك اب كان واايد روعه ونااعم .. اما ميره كانت لابسة فستان ابيض وفيه حركات بالوردي الفاتح وكانت رافعه شعرها كـله ومسويه تسريحه رهيبه وكانت حاطه ميك اب وردي وكانت وااايد محلوه كانت صدق صدق تجنن .. وظبيه : كانت لابسه فستان بني وفيه حركات بالذهبي بس كان واايد بسيط بس راقي وكشخه واللون كان عليها حلوو وكانت مسويه بـآف ومستشورة شعرها .. وفاطمه كانت لابسة فستان بيج وذهبي وكانت رافعه شعرها كله ومنزله منه خصلات ومسوتنه كيرلي وحاطه ميك اب رووعه خبال يعني كلها على بعضها حلوه .. شيخه : كانت لابسه فستان اصفر وفيه حركات بالابيض وكان روووعه وكانت مستشوره شعرها ومبطلته وحاطه ميك اب روعه .. ميثا :كانت لابسه فستان ازرق فاتح وكانت مبطله رافعه شعرها كله وحاطه ميك اب بسيط وحلوو .. وملاك : كانت لابسه فستان احمر كان اللون عليها يخبل وكانت حاطه ميك اب بسيط وكانت فاتحه شعرهاا .. ) عقب ما تمت ساره ويا ميره شوي نزلت تحت ويلست مع البنات وتمت ميره روحهاا وزاايغه من خــآآطر ماتوقعت هاليوم اي بسرعه صوب البنات كانن مرتبشات الي ترقص والي تغني مع الاغنينه والي تدندن وعالساعه 10 حدرت ميره على نغمات هاديه وقصيده بإسمهاا الكل انبهر بجمالهاا ماتوقعوا انها جي بتحلوو كانت تجنن بمعني الكلمه عقب الكل سار صوبها وسلم عليها وبعدين قالوا المعرس بيحدر الكل تغطى وتغشى وحدر عبدالله وانبهر بجمال ميره وكان مستـــااانس من خاطر وصل عبدالله عند ميره وحبها ع راسها عبدالله : ياوييل حالي كم بعيش انــاا ميره قفطــــت وكانت محمره والكل لاحظ عليها والبنات تموا يعلقون عليهاا عقب قالوا الشباب بيحدرون غطوا العروس وحدروا الشباب ( سلطان + احمد + سيف + خميس + مايد + عبدالرحمن + هزاع + راشد ) كانوا كلهم لابسين كنادير كركميه ومتسفرين بسفره حمراا الكل انبهر ابهم تموا ايولون ويسون حركات سلطان كان ايول صوب البنات والبنات متخبلاات عليه وعلى حركاته ساره تمت مقهوره ومتغصصه وتمت اطالعه وهو مسويلها طــآآف ويغايظها زياده ويبتسم حق البنات وحاله جان ساره تعصب وتسير فوق فالحجرة الي كانت ميره فيها يلست عالكرسي الهزاز وتمت روحها فالحجرة سلطان لما لف شاف ساره معصبه وسارت والحبيب لحقهاا بطل باب الحجرة وحدر ساره شافته ونزلت راسهاا سلطان سار صوبها ونزل لمستواها ورفع راسهاا سلطان : ممكن اعرف بلاج ؟ ساره : ......... سلطان : بلاااج ؟ ساره عيونها دمعت : سير سير البنات يتريونك سلطان : ههههههه تغارين عليه ؟ ساره : لا ماغاار سيــر سلطان : لو ماتغارين عيل ليش عصبتي ويتي هني وليش عيونج تدمع الحين ؟ ساره : ........ سلطان : بس عــآآد ساره ضربته عـ ايده بس بالخفيف سلطان : آآآآييي ساره زاغت : بلااك ؟ سلطان : ماشي ماشي ساره : سلطان بلاها ايدك تصب دم سلطان اطالع ايده : مــااشي ساره : وغلاتي عندك اشوف قلي بلااك ؟ سحبت ساره ايده وتمت تطالعهاا وانصدمــت وتمت تصيح من الزياغ ساره : شوو هــآآه منو جي سوابك ؟ سلطان : عادي بلااج ؟ جان مره وحده ينفتح الباب ظبيه : اووبس السموحه كنت يايه اخذ تلفوني ساره : مسموحه فديتج تعالي عادي ظبيه : اوييه سلطان بلااهاا ايدك ؟ سلطان : اقلكم مااشي وظهر لحقته ساره وتمت ميوده ايده الثانيه ساره : سلطان دخييلك سير المستشفى خل ينظفولك الجرح سلطان : مينونه انتي اي مستشفى ألحيين ساره : انزين ودني اي صيدليه انا بنظفلك اياااه والله انه شكله عميق مب زيين سلطان عشااني دخيلك سلطان : انزيين تعالي ويود ايد ساره وساروا صوب باب القاعه واول ماوصلوا مسكوهم سيف + ام راشد ام راشد : وين وين ؟ ساره : شوي وبنيكم سلطان : هههه مابصرق بنتج بيبهاا عوشه : زيين بس مو تتأخروون سلطان : انشالله سيف : انا ابا حمدوتي سلطان : ولل زيين وعقب ساروا ركبوا السياره ووصلوا صوب الصيدليه نزل سلطان وخذ مطهر + شاش + قطن + لزقه وعطاهم لساره ورفع كم كندورته ساره : من متى هالجرح ؟ سلطان : اليوم ساره : شو صاير قلي دخيلك سلطان : مضارب ويا واحد بالسجاجيين ساره انصدمت زياده : مينووون انت تبى تذبح روحك !! ، عسب جي اليوم ماكنت على بعضك سلطان يغير السالفه : نظفييه يلااا بطلت ساره راس المطهر وخذت القطن وحطت عليه شويه وتمت تمسح عـ ايده سلطان تم يلعوزها : آآي آآي آآي ساره وهيه تدمع : حراام عليك خلني اخلص لاتقطع قلبي سلطان : آآآآخ يعور شوي شوي ساره : انزيين سلطان : تحبيني ؟ ساره : ألحين تسألني احبك ولا سلطان : قولي ساره : اسكت خلني اخلص سلطان : آآآآآي آآآآآي يعور ساره : سلطـــــــاااان سلطان : قولي تحبيني ولا ؟ ساره : هيه احبك والله احبك لاتستهبل سلطان : واخيرا سمعتهااا ألحين صرت اوكي خلاص ساره : اترياا خلني احطلت الشاش واللزقه عقب ماخلصت ساره : الحين شقايل بنرد وانت كندورتك خايسه دم ؟ سلطان : لاتخافين من حظي سرت ويبت كناديري من الدوبي محطوطين ورا بسير اخذلي واحد ألبسه ألحين .. وسار وخذ كندوره كركميه شرى اللون ولبسه وعقب ركب السياره سلطان : ريلج ذكي صح ؟ ساره اكتفت بإبتسامه عقب حرك سلطان وسار صوب البحر ساره : وين ساير انت ؟ سلطان : مكـــآآن ساره : سلطان دخييلك ردنا القاعه سلطان : بلاج مستعيله لهالدرجه تبين الفكه مني ؟ وعقب وصلوا جان ينزل سلطان وساره تمت فالسياره سار صوب الباب وبطللها ايااها سلطان : تترين افرشلج السياده الحمراا ؟ ساره : انت مو صاحي اليوم والله حرام عليك ماخليتني اسير ويا البنات الصالون حبستني فحجرتك معاك خربت وناستي بعرس اعز ربيعاتي وتوأم روحي وبنت عمي الوحيده سلطان انصدم وحرج بنفس الوقت : افــآآ خربت وناستج يعني ما استانستي معاي ؟ ساره : ........... سكر الباب بالقوو وسار وركب وشغل السياره وتم يسوق بسرعه ساره : سلطان دخييلك لاتسرع سلطان :.......... عقب وصلوا القاعه وقبل لا تنزل سلطان صد صوب ساره: السموحه خربت وناستج ماكان قصدي ساره : سلطان لاتفهمني غلـط دخيلك سلطان صد الصوب الثاني ولا رمس تمت ساره يالسه فالسياره مانزلت سلطان حرج : تترين شي ؟ سيري استانسي ساره : استانس وانت زعلان مني مااباا سلطان : ماعرفنالج ساره : سلطان عشاني لا اتم جي سلطان : تراااني خربت وناستج ساره : خربت وناستي ويا البنات بس استانست معاك سلطان اكتفى بنظره ساره : سلطـــاان سلطان : نعم ساره : لا اتم جيي والله ماروم اشوفك جي سلطان : نزلي ساره : مااباا سلطان ظرب ايده عالسكان وصارخ : اقلج نزلــي ساره زااغت : حرااام عليك والله سلطان : انتي الي حرام عليج نزلي اقلج نزلت ساره وهيه مغيــضه ومتغصصه وحاسه بالذنب وسارت الحجرة الي كانت ميره يالسه فيها وماكان حد فيها وتمت تصيييح عقب شوي حدر سلطان سلطان : ساره السموحه خلاص مسحي دموعج والله انها غاليه عليه ساره : والله احبـك ليش جي تسوي فيه سلطان : خلاص مسحي دموعج وسيري استانسي ساره : استانس وقلبي زعلاان ؟ سلطان ابتسم إلها ابتسامه تعذب : فديتج خلاص هب زعلان اناا ساره احمــررت ومسحت دموعهاا وسارت عدلت الميك اب مالهاا عقب صوب البنات فاطمه : انتي وينج اليوم موول ماشفتج ظبيه : هههههه احم احم ويا حبيب القلب ( غمزتلهاا ) ساره احمــرت وقفطت وتموا ظبيه وفاطمه يعلقون عليهاا وعالساعه 12 ساروا المعاريس الفندق والمعازيم كلهم ردوا البيت وفاليوم الثاني عالساعه 9 ونص الصبح سيف حرق تلفون سلطان بس ماشي فايده استغرب اول مره جي سلطان مايرد عليه تم قلبه قابضه سار بيتهم بدون لا يخبر حد حدر وسلم ويلس ويا ام احمد شوي وسأل عن سلطان قاله انه فوق راقد سار سيف فوق بطل باب حجره سلطان كان شكله هب طبيعي يبين عليه انه تعبان وحالته حاله سيف : سلطان سلطان سلطان :...... سيف : سلطون نـــش سلطان : ...... تم سيف زايغ شل سلطان ووداه المستشفى وام احمد سارت معاه وتموا يتريون الدكتور الي من حدر على سلطان لين الحين ماظهر اول ما ظهر الدكتور سيف : ها دكتور بـشر الدكتور : زين لحقتوا علييه الولد فاقد واايد من دمه محتاي حد يتبرعله بـ دم سيف : انا جاهز الدكتور : لازم قبل نشوف دمك يطابق دمه وسار سيف وفحص وظهر دمه مايطابق وسارت ام احمد وبعـد مايطابق ويا احمد وفحص وبعد ماطابق واتصلوا بميره وقالولها اتي وتشوف لأن مب زين خطر على حياه سلطان وبعـد ظهر الدم مايطابق ميره : سيف اظني ساره وعمو شيخه دمهم شرات دم سلطان سيف : خلاص بقول لساروه اتي ألحين اتصل سيف بـ ساره وقالها اتي المستشفى يباها ظروري تمت ساره زايغه بس سارت وخبروها عن سلطان تمت زايغه عليه وتدعيله وسوت الفحص وظهر دمها مطابق دمه الدكتور وهو يرمس ساره : الريال محتاي دم ظروري وانتي دمج مطابق دمه بس انتي روحج مافيج دم ساره : عادي دكتور دمي كله يفدااه الدكتور : نحن بنسحب منج بس بشرط ، انج تشربين ماي واايد وتاكلين خضروات وفواكه وااايد ساره : انزيين عقب سحبوا دم من ساره وظهرت سيف : ها بشري ساره : مطــاابق وسحبوا خلاص ميره : تراني سمعت الدكتور يقلج شربي ماي وايد واكلي خضروات وفواكه روحج مافيج دم ساره : انزيين عقب مانقلوا الدم لسلطان وعقب اذن الدكتور كلهم حدروا عنده ساره من شافته ما استحملت تمت تصيـــح ماتخيلت تشوفه مره جي وهو ضعيف وتعبــااان سيف : يلا خالو تعالي ماله داعي اتمين هني بوديج البيت ام احمد : وين اسير البيت وولدي تعباان سيف : ماعلييه خالو سيري الحيين وخلاف تعالي ام احمد : واودر ولدي حشاشه يوفي هني روحه ساره : منو قال انه بيتم روحه انا بتم معااه سيف : يالله مالج عذر الحين ام احمد : يالله عيل بس يا بنتي ساره طمنيني عليه ساره : انشالله سيف : خلج عنده ان تعبتي اتصلي فيه بي اخذج ساره : انزيين عقب سار سيف ويا ام احمد وتموا ميره وساره ساره : شحال ريلج ؟ ميره : بخير ربي يعافيج عقب تموا ساكتيين وكانت ساره يالسه حذال سلطان وتلعب بإيده جان ايود ايدها ويهوس علييها ساره : ميروووه سلطان يود ايدي يعني حس فييه ميره : هههههه ها حتى ولو هو هب حاس بيود ياختييه اخوي مينون بج ساره قفطـــت من خــااطر : ههههههه حراام علييج عقب تمت ساره ميود ايد سلطان وكان سلطان حاس ابهم ويسمع صوتهم وسوالفهم بـس مايروم يبطل عينه ويرد عليهم ميره : ساروه بسألج ساره : آمريي ميره : ألحين هم سحبوا دمج ماشي ضرر علييج ؟ ساره وهيه تأشر لها انهاا تسكت وتسكر السالفه ميره : والله خايفه عليكم انتوا الاثنين ساره بهمس : كل الي فيني يفدااه ميره : الله الله عالحب ساره : عطشاانه بسير اشرب مااي ميره : هيه سيري مب زيين قالج لازم تشربين ماي وايد حاولت ساره تفج ايدها عن ايد سلطان بس هو هب طايع يفجهاا ساره : هب طايع يودرني ميره : هههههههههه تمي تمي انا بسير ايبلج ظهرت ميره وتمت ساره ويا سلطان جان مره وحده سلطان يفجها ويحاول يبطل عينه واخيرا رام ساره لما شافته ابتسمت سلطان ردلها الابتسامه ورد وسكر عينه عقب يت ميره وعطت ساره ماي وشربت ساره ميره : اقلج الحين عبدالله بي ايسلم على سلطان عقب بنسير ساره : ماعلييه انا تامه عنده ميره : ديري بالج ع اخوي ساره : هههه بحطه فـ عيوني ميره : تسلمين عقب يا عبدالله وسلم وعقب ساروا ( عبدالله وميره ) وتمت ساره روحهاا ويا سلطان عقب تعبت ساره وجان تحط راسها ع طرف الشبريه ورقدت وفـ هاللحظه نش سلطان وشاف ساره وحط ايده ع راسها جان مره وحده ساره تفز من نومهاا سلطان : زيغتج ؟ ساره : الحمدالله عالسلامه سلطان : الله يسلمج ساره : شو الصحه ألحين ؟ سلطان : الحمدالله ، ليش يالسه هني ؟ ساره : يعني ماتباني ايلس ؟ سلطان : قصدي ليش متعبه روحج جان سرتي ورقدي فبيتكم ساره : وانا اروم اسير وقلبي تعباان ؟ سلطان ابتسملهاا : منو تبرعلي بالدم ساره سكتت وتغيرت ملامح ويهاا سلطان : ليش جي سويتي ؟ ساره :........ سلطان : سمعتكم انتي وميره يوم كنتوا ترمسون ساره : حبيبي ارتاح ألحين لاحق عالرمسه سلطان : ليش جي تسوين ؟ ساره : سلطان خلاص سكت سلطان ولف ويهه فـ هاي اللحظه رن تلفون ساره وكان سيف ردت ساره وتمت ترمسه وملامحهاا تغيرت من فرح لـ حزن وخوف سلطان كان يراقبهاا حسها مرتبكه قلبه قبضه حس بشي سلطـان : ساره بلاج شو صاير ؟ ساره ارتبكت زياده : هــااه !! شوو ؟ مــااشي سلطان حرج وحاول ينش : ســاااره ارمسي ساره بخوف والدموع فـ عينهاا : سلطـاان ....... فـ هاي اللحظه حدر أحمد ومعااه حصه سلطـان أطالع أحمد وحصه وساره بكل خوف أحمد : السلاااام عليكم الكل : وعليكم السلام والرحمه حصه : شحالكم ؟ ساره + سلطان : بخير أحمد : بسم الله بلاكم ؟ حصه : ساره تعاالي معاي شوي سلطـان : اتريواا ( وحاول يقعد ) أحمد : ياريااال بلااك ؟ روحك تعبــاان سلطـان : ساره بلااج ساره مارامت تستحمل صاحت وظهرت برع ولحقتهاا حصه سلطان تم يطالعهم بإستغرااب سلطان : بلااااكم ؟! شو الساالفه خبروني شو صاير ؟ شو في ؟ أحمد : بلاااك انت مافي شي انت تتخيل سلطان : لا والله وساره بعد اتخيل ليش تصيــح ؟ أحمد : البنيه خايفه عليك سلطان : لااا انت تقص عليه حد اتصل إبهاا وقالهاا شي ( وقرب راسه من أحمد إلي يالس حذاله ) دخيييلك قلي شو صاير أحمد : سلطوون شو اجوفك صاير ياهل ( تم يطنز عليه ) يلا حبيبي ناام انت شااطر سلطان : أحمد لا تغيير السالفه خبرني أحمد حرج : اي سالفه يعني غصب تبى شي يصيير اقلك مافي شي ماصار شي خلاااص فكني ( ويلس بعييد عن سلطان ونزل راسه ) سلطان تم يراقب احمد ويتريااه يرمس يخبره ويطمنه إن مافي شي صوب ساره و حصه حصه : سااروه بسج لا اتميين تصيحين جداام سلطان مب زين له ساره وهيه تصيح : مااروم مااروم ، حصه ابا ارد البيت ما اروم ايلس جي عند سلطان بيتم يسألني ما اروم اجوفه وهو يسمع الخبر حصه : زيين خلاص سكتي فديتج الأعماار بيد الله ومايصير نعترض ونيلس نصييح صدق انه كلنا نحبه وكـان غالي عليناا وايد بس شو نسوي " قدر الله وما شاء فعل " اترحميله فديتج ساره : سلطـان شو بيسوي لما يعرف ( ترد وتصيح ) سلطــاان بيتعب زيااده لو عرف ( كملت صياحهاا ) حصه سلطان مابيسكت ألحيين لازم يعرف السالفه حصه : ماعلييج فديتج أحمد بيتصرف معااه ساره : انا برد معاج منو بيلس عند سلطان ؟ حصه : لا والله سلطان ياهل يعني !! ولا يخاف ييلس روحه !! ساره : لاا بس هو واايد تعباان حصه : ولا يهمج بنطرش حد انتي ألحيين صخي عسب مايشك بشي ساره : حصه ماروم والله ماروم فـ الحجرة إلي سلطان راقد فيهاا سلطان كان بعده يراقب أحمد ويتريااه يرمس بس فقد الأمل جافه ســااكت ولا نطق بحرف وااحد وشكله متضـــاايج حيــــل ياينه فضول يبا يعرف بس يعرف اخوه احمد إذا تم يحن عليه عادي يرفسه كــاان سلطان توه بيرمس ويسأل أحمد بس أحمد سبقه : يلا عيل نحن بنخليك ألحيين سلطان : ساره وحصه وين ساروا ؟ أحمد : الدكتوره كانت تبى تسوي فحص لساره وتطمن عليهاا ( صد ويهه صوب الباب ) ساره بناخذهاا معانا البيت ترتااح سلطـان : انزيين أحمد : تبى حد يتم معااك ؟ سلطـان : لاا مشكورين ماقصرتواا أحمد : العفـوو ، يلا سلامات ماتجوف شر وهالله هالله بعمرك سلطـان : الله يسلمك ، والشر ماييك ، ان شاء الله ظهر أحمد من عند سلطـان وسلطـان بعده يالس مكانه وألف سؤال وسؤال في مخه ليش ساره تغيرت ملامحا يوم رمست بالتلفون ؟ ليش أحمد مره وحده صخ وشكله كان متضايج ؟ ليش لما حصه زقرت ساره ، ساره صاحت ؟ ليش ؟ وليش ؟ وليش ؟ هالأسئله كلهاا كانت تدور فـ راس سلطـان وكان يترياا الجواب حدرت الدكتورة على سلطان وجافته قاعد تحمدت له بالسلامه ويلست تسأله كمن سؤال عقب كشفت عليه وقالتله إن هو الحين أحسن عن الصبــح بواااايد وقالتله إن بخلونه يومين فالمستشفى عسب يتطمنون عليه عدل عقب ضربته ابره وظهرت من عقب الإبره سلطان مايدري شو إلي صار فيه بس كل إلي يعرفه إنه لا يسمع ولا يشوف ولا حاس بشي اصلا وعلى طووول راح فســاااابع نومه فـ بيت حميد الكل كان متيمع هنــااك إلي يصيح وإلي ميود روحه وإلي متضايج وإلي وإلي أول ماحدرت ساره ميره حضنتهاا ويلست تصييييح وساره تصيح معااهاا عقب ساره تمت تهديهاا شوي ام أحمد كــاانت ولأول مره تصييح جداام عيالهاا وجدام الكـل من جافت ساره ، سارت حذالهاا وساره حضنتهاا ويلست تهديها وتخفف عنهااا عقب يلست تطمنهاا عن سلطـان بس أم أحمد ولا جن كان هامنهاا مر هاليوم كئيب عالكل حتى على سلطان بس مايدري شو السبب كل إلي يعرفه انه حاس ان في شي بس محد طايع يخبره فاليوم الثاني نش سلطان عالساعه 9 الصبح أول مافتح عينه جاف أحمد وميره يالسين حذاله ميره كان مبييين عليهاا التعب والصيــااح وان حالهاا هب حاال ابتسم إلهم سلطـان وردوا له الإبتسامه أحمد : شحالك اليوم ؟ سلطان : الحمدالله احسن ، ميروه بلاج جي فيج شي تعبانه ؟ ميره : لا فديتك مافيه شي ( ودمعت عينهاا مارامت تستحمل على طول استأذنت ) بسير اشرب ماي عطشاانه حدي ( وظهرت من الحجرة ) سلطـان : بلاكم كلكم هب طبيعيين ؟! اماايه وين ابويه وين ؟ وينهم كلهم عني ؟ محد يسأل عني شو نسوني ؟ أحمد توهق : لااا امــاايه البارحه الصبح كانت عندك من جافت حالك تعبت شوي واليوم يمكن العصر تيك على حسب اتعرفها اميه كله مشغوله وجييه سلطان : زين انــاا ولدهاا لازم على الأقل تتصل وتطمن على حالي ، زين ابويه وين ؟ أحمد طفر : افففف وبعدين معاك شو تحقيق ؟ يعني اتعرف مشاغل الشركه وسوالفهاا سلطان لاتصير شرى اليااهاال سلطان : احمد لا اتم كل شوي تحرج عليه والله من حقي اسأل عنهم هم مايسألون عني برايهم وبعدين شو كلهم انشغلوا ألحيين أحمد : الله طولك يا روح سلطان : بلااك جي صاير جبريت ؟ أحمد : انت تغث بالوااحد وفـ هاللحظه حدر سيف سيف : السلااام عليكم الكل : وعليكم السلام والرحمه أحمد : الحمدالله وصل وااحد يفكني منك سيف : وابوييه ليش شو مسويبك ؟ أحمد : طفرني ياريااال سلطان حرج : زييييين خلااص ادريبكم ماتبون ترمسون والله انا حااس ان في شي سيف وأحمد اطالعوا بعض سيف : ههههههههههههه الله يهداك يعني شو إلي صاير ، وييه احمد ماقتله يقولون لـك في واااحد خقاق متضارب بالسجاجين وكرامته ماسمحتله يسير اي مستشفى ... سلطـان قاطعه : تستهبل عليييه أحمد : يوم نقلك مافي شي تعصب ويوم يقلك شي بعد تعصب بلاك جي ؟ سلطان غطى راسه باللحاف : مااشي مااشي سكتواا اباا ارقد سيف : شيييييييييت طرده من خااطر أحمد سحب سيف وظهروا من الحجرة سلطـان حس ان الحجرة سارت هــــاااديه شل اللحاف من ع ويهه وتنهد تنهيده كبيره صوب احمد وسيف أحمد : سيفوو انا بسيير هب تفضحناا وتقول لسلطان هو روحه جي لو قلتله شو بيصير فيه ؟ سيف : شو خبله انــاا ادري ماتجوفني اظحك معااه والله غصبن عني احاول استخف عسب مايلااحظ بس والله هب راايم أحمد : تسلم والله ، يلاا انا بسيير وباخذ ميروه اختيه معااي سيف : فمـان الله أحمد : فمان الكريم تم سيف يالس برع يفكر ولا مره وحده يسمع صوت سلطان وهو يزاعج ويزقر : أحمــــد .. سيـــف .. أحمدووووه .. سيفــــاااااني حدر سيف الحجرة : خير بلااك ؟ سلطان : وين سرتواا افف انا مليت ابا اظهر ابا ارد البيت سيف : لا مب زيين بعدك تعباان شو انت ناوي تموت علييناا ؟ سلطان : احمد وين ؟ سيف : ساروا البيت هو وميروه سلطان : ساره وين ليش مايت ؟ سيف توهق : سااروه البارحه كانت سهراانه فـ اليوم ضاربتنهاا رقــااد سلطان : اهــااا مر الوقت وطول هالوقت سيف يالس حذال سلطان عالساعه 3 ونص الظهر سيف ترخص قاله بيسير البيت برتاح شوي وعقب بيردله رد سيف البيت ، وسلطان كان مستغرب من الكـــل بالذات ساره يدريبهاا ماتروم تودره وهو فـ هالحاله لا وبعد لا يت ولا اتصلت اليوم تم مقهور وتحرطم ويسب واخيرا مالقى حل إلا انه يستسلم للرقااد فـ بيت محمد عالساعه 5 العصر سيف كان يالس يتلبس عسب يسير لسلطان سمع دق عالباب سيف : يــااي ثواني بس عقب بطل الباب ساره : سرت لسلطان اليوم ؟ سيف : هيه ساره : جيف حاله ان شاء الله احسن ؟ سيف : الحمدالله بس بعده مصر يعرف شو السالفه سأل عنج ، انا سايرله ألحيين مابتيين ساره : والله فخاطريه بس مارووم سيف : ليــش ؟ ساره : ماعرف سيف : يلا عــااد عن الرمسه الزايده سيري تلبسي بسرعه عقب والله بيطفربي من اسألته ساره : زين دقايق واكون فـ السياره عقب ماسيف كشخ وساره تلبست ساروا للستشفى عند سلطان ، سلطــان استــاانس من جــااف ساره سلموا عليه وتطمنواا ع حاله ويلسوا يسولفون معااه سلطان كان ملاحظ ملامح الحزن إلي ف ويهه ساره بس طنش لأن كل مايسأل يطيحون فيه طيحه مرن هاليومين على خير ويوم ظهرو سلطان من المستشفى الكل كان مرتبك شقايل بيخبرونه !! وشو ردة فعله لما بيعرف الخبر !! وشو بيسوي !! كـــاات يتبع |
مشكوووووووووووووووور و تسلم اخوي ..:861: ما عليييك قصوور .. :10: نتريا البارت الياي .. :12: |
يلاااااااااااااااااااااااااااا وين البارت نترياج لا تتأخريين علينا |
أويه حرام والله .. احسن انه أبو سلطان مات ..خخخ مشكوره ياحبوبه على البارت الرووعه .. ونتريا منج التكمله ... |
| الساعة الآن 08:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir