منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

.

البارت الـ 162

مهره تشوف البيت . . تشوف كل زواياه . . شكثر عانيت فهالمكان . . شكثررر كنت اتمنى اشوف راحتي وسعادتي . . شكثر تألمت وتعذبت " تبتسم بحسره " اااه ياحظي . .

سيف يطالعها : بروح اييب عشى وبرجع . . شو فخاطرج ؟

مهره تطالعه بدون ما تتكلم . .

سيف : دخيلج كافي . . هالنظرات بروحها تعذبني . .

ماردت عليه ولفت عنه

سيف يمسك جتفها ويجابلها : مش كفايا طول الدرب ساكته وماتطالعيني . .

مهره تطالعه . .

سيف : والله درس . . سامحيني ما راح تتكرر . .

مهره : سامحيني ؟

سيف : ادري وايد قلتها ووايد تأسفت . . مابي اوعدج اني راح اتغير . . راح اخليج تشوفين الشي بعينج

مهره عطته ظهرها ودخلت غرفتها وصكت الباب . . مسكت تلفونها ودقتلها . .

شوق : مهووووور ؟

مهره تبتسم : شووقيي . . شحالج

شوق : حالي . . الحمدلله ع كل حال

مهره : وحشتيني

شوق : والله انتي اكثر

مهره : وينج ؟

شوق : في شقه حمد

مهره عاقده حياتها : في شقه حمد ؟

شوق : هيه . .

مهره : شوه تسوين اهناك . .؟

شوق : انتي مول ماتعرفين شي عني

مهره : سامحيني ادري وايد قصرت

شوق : كنت وايد محتاجتلج . .

مهره : ادري . . ماكنت لج الصديقه الي توقف معاج . .

شوق : ماتنلامين . . كنتي تمرين بروحج بظروف اصعب واصعب

مهره : وينج . . ابا اشوفج

شوق : وانا محتايه اشوفج

مهره : وينج خبريني

شوق : قلتلج في شقه حمد . .

مهره : بمر عليج

شوق : انتي في دبي ؟

مهره : هيه . . شوي وبيييج

شوق : اوكي . . اترياج . .

بندت عنها . . وطلعت من الغرفه وشافت سيف كان الحين بيطلع

سيف : وين رايحه ؟

مهره تطالعه : شقه حمد . .

وبطلت الباب يايه بتطلع بس سيف مسكها من جتفها

مهره تطالعه . . : شتبي

سيف : استخفيتي ؟ " كاتم اعصابه "

مهره : لا . .

ومشت ورد مسكها بقوه

سيف : شعندج اهناك ؟؟ شوه تبين تسوين

مهره تطالعه : بشم الشقه . . فيها ريحته . .

سيف رفع ايده بيعطيها طراق بس نزلها ع اخر لحظه . . وهيه تطالعه بصصرم . .

سيف : اتكلمي عدل . .

مهره : بروح اشوف شوق . . شوق اهناك

سيف تنهد : اعوذ بالله من ابليس . .

مهره تبتسم . . : شكيت فيني بعد

سيف : مااااااا شكيييييييييييت فيج . . قاعد اسمع كلاااااااامج الي يسسسسسم . . روحي مهره روووووووحي ولا تردييييييين ووووووووكل الي تبين تسوينه سسسسسسسويه

صدت اطالعته بنظرة وطلعت . .

>

<

عقب دقايق

مهره تحظنها : والله اشتقتلج . .

شوق تمسح دموعها : والله انتي اكثر

مهره : شصاارلج شو الي استوى خبريني

شوق : ماعرف من وين ابدا مهور . .

مهره : ابدي من وين ما تبين بس خبريني

شوق تطالع مهره : انا وحمد نكلم بعض

مهره انصدمت . .

شوق : انا لمحتلج اكثر عن مره بس ماكنتي تلاحظين وتحطين في بالج . . ووايد تنسين وماتنلامين لان الظروف

مهره تقاطعها : كملي

شوق : صارلنا فتره طويله نكلم بعض . . ماحسينا ليش نكلم بعض بالاساس . .

مهره : وعقب

شوق : ولاشي . . بسببه انا اطلقت وانطردت وانا تامه اهني الحين

مهره تطالع شوق : مستحيل

شوق تنزل راسها .: طحت من عينج صح . . انا طول عمري سيده . . شلي ارمس حمد مادري

مهره تطالعها : للحين تكلمينه

شوق : هيه . .

يرن فون شوق . .

مهره تطالعها : هو ؟

شوق : هيه . .

مهره : ردي عليه لو تبين تردين . .

ردت شوق . .

حمد : مرحبا . .

شوق : مرحبتين

حمد : شحالج ؟

شوق : تمام . .

حمد : شفيج :؟

شوق : ماشي قاعده ويا مهور

حمد انصدم : ششوه ؟

شوق : يالسه ويا مهور

حمد : ترمسيني جدامها ؟

شوق : هيه

حمد : نعمممم ؟ ترمسيني جدامهههها ؟

شوق : هيه بلاك . . خبرتها كل شي

حمد بخوف : شو خبرتيها

شوق : انه انكلم بعضضض

حمد لاول مره في حياته ينفعل ويصارخ : لييييييييييييييييييييييش . . ليش قلتي لها ليييييييييييش

شوق انصدمت واطالعت مهره . .

حمد : وووووووووووووووووووينكم الحييييييييييييييييين ؟؟؟؟؟؟؟؟

شوق : فالشقه . .

بند حمد فويهها . .

مهره تطالع شوق . . : بلاج ؟

شوق : مادري شصارله يوم عرف انج دريتي . .

مهره تطالع شوق من غير ما ترمس

شوق : مهره شو هالبرود شفيج ..

مهره : احس اني مصدومه من كل شي . .

شوق : انتي تكنين له مشاعررررررررر ؟

مهره تطالع شوق : انتي الي جاوبي على هالسؤال . . تكنين مشاعر لحمد ؟

شوق : لا . . طبعا لا " وقفت "

مهره تطالع شوق .: شوق انتي تحبينننه

شوق بارتباك : قلتلج لاااااااا

مهره : والله تحبيننننه . . باين فيج

شوق تطالع مهره . . : صدقيني ما احبه

مهره : شوفي كيف ترجفين . . شوفي كييف حالج

شوق : انا خفت منه قبل شويه . . صدقيني ما احبه

مهره : ليش تخافين منه . . الا حمد صدقيني ما يخوف . .

شوق تطالع مهره . .

مهره تبتسم : انا مافيني شي صدقيني بس انصدمت . . لكن حمد يستاهل وحده مثلج وانتي تستاهلين حمد وانتو لابقين لـ بعض

شوق تبلع ريجها : مهره شهالكلام . . انا بروحي ماعرف ليش كنت اكلمه اصلا

مهره تبتسم : اهدي واقعدي شفيج متوتره . .

شوق تتنهد : ماعرف ماعرف . .

.

.

.

عنود تصارخ : قوووووووم اطلع برا . .

محمد ينقز : شفيج بسم الله

عنود : اطلع برررررررررى مابي اشووووووفك . .

محمد : عنود قبل شوي ما كان فيج شي ورقدنا سوى وانا يمج . . شوه ياج

عنود تصارخ : انت ما تفهممم . . اطططططططللللللع برررررررى . .

محمد يقوم : ان شاء الله بطلع . . اهدي انتي . .

" يرن فون محمد "

كان فونه جريب من عنود وشافت المتصل . .

عنود تطالع محمد : منو الي مسيفنه سياره مدعومه . . ؟

محمد تلعثم ماعرف يرد . .

عنود عاقده حياتها : بلاك ما ترمس ؟

محمد تجدم ياي ياخذ عنها الفون بس عنود سبقته وردت . .

عنود ساكته . . .

تناهيد : ألووووووووووو . . ايه ليكون خربت رقادك ؟؟؟

عنود : انتي منو . .

تناهيد :اعوذ بالله . . انتي الي منو . .

عنود : انا ؟ انا اخت صاحب الفون

تناهيد : هااه ؟ ايوا . . اوكي خلاص سوري . .

عنود : تبين ترمسينه ؟ لحظة بعطيج الفون . .

عنود تمد الفون لمحمد : شل التلفون رمسها واطلع برع . .

محمد شل التلفون : عنود انتي فاهمه غلط صدقيني

عنود تطالعه : يالخسيس يالحقير . .

محمد : عنوووووووود . .

عنود : اطلع برع ماطيق اشوفك

محمد : خليني افهمج

عنود تطالعه : بتطلع برع ولا انا الي اطلع ؟

محمد : عنود

عنود :لا تطري اسمي ع لسانك . . رووووووح روح غاازل بعييد عن ويهي روح . .

محمد : والله وصلت حدي منج عنود . .

عنود : هههههههههههههه يالله خلها علثه وسير غازل

محمد يصارخ : عنوووووووووود

عنود تفاجئت . . وتمت تطالعه . . نادرا ما يعصب محمد

محمد قبض اعصابه وجمع ايده وضرب المنظرة الي جدامه وككسسسرها

عنود وقفت : حمود

محمد بعده صوب الجامه ومنزل راسه والدم يقطر : لا تقربين . .

عنود خافت عليه وتقربت اكثر

محمد يهدد : لاتقربين اكثر احسنلج . .

عنود : شفيك . . اهدى

محمد يجابلها : والي يصير له الي يصيرلي يروم يهدىىىىىىىىىىىى ؟؟ يروووووووم يهدى

عنود تطالع الجرح الي في ايده : خلني اشوف جرحك

محمد يصارخ : لا تقربين . .

عنوود مصدومه . .

محمد : متحمل كل شي من يومي صغير . والله متحمل العذاب والدنيا الاررررررررف الي كنت عايشنها . . لا ام لا ابو . . من فندق لين فندق من بلاد لبلاد من عذاب لعذااااااااب . . " يطالعها عين بعين " جربتي تعيييييييييييشين 22 سنه وحييييييده ؟؟؟؟؟؟؟؟؟؟ جررررررررررربتي هالشعووووور ؟؟ جربتي ان يكون عندج بسسسسسس فهالدنيا صديق . . وهالصدييييييييق بروحه ألف هممممممم فيييييييه . . منو الي بيواسي الثاني منوووووو ؟؟ جربتي انج يوم تشوفين حبببببببببب حيااااااااااتج في اخر العذاب الي يشييلج من هالعذاب ويريحج وعقبها بفتره بسييييييييييطه يروح عنج هالحب . . يروح عنج ويعذبج وما يطيق يشوووووفج . . جربتي هالشعوووووووووووووووووور ؟؟؟؟؟؟؟؟؟؟؟؟؟ " تنزل دموعه " انا تعبتت . . والله اتمنى اطلع من البيت ومارجع الا وانا ميتتتتت . . خلاص عفتها هالدنيا عفتتتتتها . . . شلي تعرفينه انتتتتي عشان تحكمين ع المتصل ؟؟ شلي تعرفينه ؟ انتي كنتي موجوده حزتها يوم انا دعمتها ؟ انتي تعرفين اصلا اني سويت حادث ودعمت ؟ ماتعرفين . . تعرفين طول هالفتره اكلمها لان سيارتها متعطله ولانها الوحيده الي يوم تتصل تحتشر على سيارتها تخليني ابتسم ؟؟ تعرفييييييييييييييييييييييين ولا ماتعرفين . . انا عايش في نككككككككد . . عايش في عذااااااااااااااااااب . . . عايش في جهنم ومحد حاس

عنود تنزل دموعها : انا اسفه . . .

محمد يطالعها . .

عنود تبلع ريجها وتنزل دموعها اكثر : روح كلمها اذا بتخليك تبتسم . . والله العظيم ما بززعل عليك . .روح الحين كلمها خلها تهديك . . انا صرت بس اعذبك واجرحك اكثر واكثر . .

محمد سكر عينه بعذاب

عنود تطالع ايده : بس خلني انظف الجرح بعدين روح كلمها على راحتك . .

تقربت منه عنود بس محمد شل تلفونه وبوكه وسويجه وطلع . .

عنود وقفت مكانها وتمت تصيح بهدوء . . ماتعرف شو لازم تسوي . . وشوالي صار قبل شويه . .

.

.
.