|
السلام عليكمـ ... السموحهـ بس كنت في العين عسب جي مارمت احدر وسموحهـ مره ثانيه البارت السادس والثلاثون وأول ماظهرت عوشه عقت ساره روحها عالشبريه ويلست تصيـــح جان تفكر فـ ميروه قالت بترمسهاا بتجوف توافق ولا اتصلت فـ ميره مره مرتيين ثلاث بس ماشي فايده اترددت واايد بأنهاا تتصل فـ بيتهم بس اخيراا قررت تتصل كانت تدعي ان سلطان لا يرد بس للأسف سلطـان رد سلطـان : ألـــووو ساره ودموعهاا تطييح وماتدري لو ترمس ولا سلطـان : ألــــوووو ساره بدون لا تحس وصوتهاا يبين انهاا يالسه تصييح : عطني ميروووه سلطـان من سمع حسهاا قلبه وقف بلااهااا شو إلي صايبهاا مستحييل هاي تكون ساره ، مارام يسألهاا ولا يرمسهاا لأن ابوه كان قاعد عط التلفون لـ ميره ويلس ميره : منووو ؟ سلطـان فـ عالم ثااني شلت ميره التلفون : ألوو ساره وهيه تصيح : ميــــرووووه ميره : بسم الله بلاااج ؟ ساره : متقدم لي واحد من راس الخيمه اسمه حمد كلهم موافقين الكل يمدحه لي محتااره محتااره لما قلت لأميه مابااه حرجت علييه شو اسوي ماابااااه ( وعلت صوتها زيااده ) مـــاابااه ميره : ايييه اتريي اتريي دقاايق بي بيتكم ساره : بســـرعه بلييييز ميره : من عيوني يلا بااي ساره : بااي أول ما ميره صدت بو أحمد : خير يا يبه شو صاير ؟ ميره ارتبكت : هاااه .. ماشي بس ساره تعباانه شوي ابويه ممكن توديني إلهااا بو أحمد : يلا بسرعه سيري تزهبي بودييج على طول ميره ربعت لـ حجرتهاا سلطـان لحقهاا سلطـان : ميروه شو السالفه ؟ ميره : اووه ماشي خوز عني سلطان يودهاا بالقوو : قولي بلااهاا ساره من صوتهاا جنهاا كانت تصييح ميره : تعبــاانه يعني تظحك خوز عني لاا دزت سلطان وكملت دربهاا عقب ماخلصت نزلت تحت بسرعه وسارت ركبت السياره فالسياره بو أحمد ما اقتنع من رمسه ميره فتم يسألهاا فقالت له الصدق انصدم بو احمد وقال لااازم اليوم يرمس بو راشد عسب يحير ساره لـ ولده سلطـاان ميره استـــاانست وااايد فـ فينــاا خميس كان توه ظاهر من الحمام وشعره خرســاان مااي شكله كان خبــااال ظبيه تمت تراقبه خميس لاحظ هالشي خميس : بلااج جي تطالعيني ؟ ظبيه : مــااشي بس متغير خميس : اووه حلوو زين بعد تحسين ظبيه : حراام عليك والله صدق اني لين ألحيين ما تعودت عليك بس بعد خميس : اقلج سكتي سكتي ( وتقرب منها وهمس فـ اذنهاا ) ترى كل ماترمسين تجرحيني اكثر ظبيه : بــس خميس قاطعهاا : اشششششش ظبيه حرجت ليش جي يسويبهاا بس طنشت فـ نفس الوقت يلس خميس حذالهاا وتم يعابل بـ تلفونه ظبيه : شو تسوي ؟ خميس : اغاازل ظبيه زته بالخفيف : مااتروووم خميس : واايد واثقه يعني ؟ ظبيه : امممم تقريباا ( وتذكرت شي ) خميس انت قلتلي بترمسني عنك خميس : وانتي قلتي مايهمج !! ألحيين صار يهمج وتفيجتي ظبيه : خمييييس خميس : تدرين انا مستغرب منج انتي كل يوم مزااج مره مغيضه مره كوول ومره احسن عنج ماشي مره اعوذ بالله ظبيه : ألحيين شوو ؟ خميس بالخفبف : وحده متفيجه لأبعد الحدود ظبيه دزته : سخيــــف خميس : تعلمت السخاافه منج ظبيه : اففف زين بعدك زعلاان ؟ خميس : شو يهمج ؟ ظبيه : لا بس ماداني حد يزعل مني خميس : اشكره فالوييه بعد لااا زين تطمني هالحد هب زعلاان ( وظهر من الحجرة ) ظبيه وهيه ترمس روحهاا : يااربي بلاني عالرياال ليش جي واايد اعطيه فالويه والله هو هب مقصر معااي بس هو بعد يقهر حركااته غبيه فـ هاللحظه حدر خميس عسب يقلها تجهز خميس : بسم الله ترمسين منوو انتي ؟ ظبيه انصدمت : هــاااه ماشي كنت ارمس روحي خميس : هههههههههههههه زين تجهزي بعد شوي بنظهر ظبيه : اوكي فـ دبي دار الحي ميره هدت ساره ويلست تطمنهاا ان لو هيه ماتبااه ماراح يغصبونهاا وان انشاء الله سلطان قريب بيتقدم إلهاا اما بو أحمد فرمس بو راشد عن ساره وسلطـان وبو راشد واايد استاانس وقال خلاص بيردون حمد عسب سلطـان ، سلطـان ريــاال والنعم فيه ابد مايتعوض وفوق كل هااه ولد عمهاا كــاان صدق صدق مستاانس وبو احمد اتصل فـ سلطـان عسب يبشره بس تلفونه كان مغلق قال يوم بيرد البيت بيخبره مر هاليوم على خير وسلطـان درى عن السالفه تضايج من سالفه حمد بس استـــاانس إلا طـــاااار من الونااسه لان ابووه خطبله ساره وام احمد تقبلت السالفه واستانست معاهم وميره كـانت وااايد فرحــاانه بس ماخبرن ساره عن ولا شي مرت الأيام شرى المــااي وساره عرفت ان سلطـان تقدم إلهاا وستااانست واايد وطبعــاا وافقت والكل فرح إلهاا وحددوا الملجه عقب اسبوعين وخلال هالأسبوعين كانوا ميره وساره مشغولين فالمولات ميره كانت تتزهب لعرسهاا وساره كانت تساعدهاا وتاخذ أي شي يعيبهاا من بدل و فساتين ملاك وأمــل من عرفوا ان سلطـان وساره بياخذون بعض انقهروا هن الهنتيين إلي استغربته ميره ان أمـل كرهت ساره وقبل كانت أوكيه معااهاا فـ لهسبب تقربت منها زيــااده وكانوا واااايد ويا بعض ودووم ترمسها بالتلفون وبالمسنجر فـ يوم ملجة ســااره كـانت توها راده من الصالون والكــل كـان كاشخ وهيه كـانت صدق صدق تخبـــل كانت لابسه فستـان صابوني فــااتح وكــاانت واايد نــااعم بس فخـم وكــاانت رافعه شعرهاا كله وحاطه ميك اب ناعم كــاانت محلوه و اللون كــاان خبــاال عليهاا وميره ماخلوهاا اتي لانهاا عروس تمت متغصصه وشوي وبتصيــح بس امهاا قالتلهاا عسب عبدالله لا يجوفهــاا فـاطمه و ميثه وحمده تخبلوا من جافوا ساره يلسوا وياها يسولفون شوي عقب نزلوا وودروها روحهاا عقب ياهم راشد وهو ماسك الكتاب وقعت ساره وهيه شوي وبتمووت كــاانت واايد مرتبكـه وخــاايفه عقب ماوقعت سار راشد والكل تم يباركلهاا وظهروهاا والحريم باركولهاا وأمــل و ملاك ما سولهاا سالفه طوول الوقت يحشون فيها ويقطعونهاا وعالساعه 12 ام راشد راحت لـ ساره وقالت إلهاا ان سلطـان يبا يجوفهاا ساره زااغت : لالالالالالالا ( شوي وبتصيح ) امــاايه ماابااا عوشه : ههههههههههه بلااج بسم الله ها ريلج يلا نشي سيريله ترى هو بي ساره : مـــاابااا فاطمه : طاعوا هااي تدلع نشي ترى اتصل بـ ميروه ألحيين ساره : فديتهاا والله عوشه : يلا يا بنت ساره : امــاايه مابي عوشه : ليش ؟ ساره : استحي والله الكل تم يظحك عليهاا ، طبعـا الحريم كلهم ظهروا مابقى حد إلا الأهـل ( قوم بو راشد و بو عبدالله و بو أحمد و مريوم وعيالهاا ) ملاك تمت متغصصـــه طووول الوقت وألحيين بعد أمــل سارت البيت بس لو تروم تذبح هاي السااره عسب تفتك منهاا وهيه تاخذ سلطــاان عوشه تمت تظحك على خبــال بنتهاا سارت لـ راشد وقالتله يخلي سلطـان يحدر بس طبعاا قبل خبرت البنات بس ساره ماتدري اتحرت سيف ولا راشد بيحدرون انصدمـــت لما شافت سلطـان حادر ومعاه راشد وسيف وابوهاا وعمهاا سلطــان كــااان مستـــااااانس لدرجه فظيـعه واخيرا ساره صارت لـه كل ما يتقرب سلطـان صوبهاا قلبهاا يدق زياده وزياده كان خاطرهاا تربع وتسير حجرتهاا بس فضيحه جدام الكــل أول ما وصل سلطـان إلهاا حبهاا ع راسهاا وهيه شوي وبتموت من المستحى سلطـان : مبــروك غلاي ماقلتلج انتي لي يعني لي ساره هنيه احمــــــــــرررت مارامت تنطق بحرف وااحد عقب ساروا للميلس وساره ميته من الزيــاااغ ماتبى تكون روحهاا فـ مكان مع سلطـان صوب ميره كــانت يالسه روحهاا فالبيت شوي وبتصيح تبى تسير بيت عمها محمد وتيلس وياهم كلهم بس مايخلوونهاا رن تلفونهاا جافت رقم عبدالله ردت ميره : ألــووو عبدالله : فديت هالصوت وفديت راعيته يلا ظهري اباا اجوفج ميره استغربت : ليش انت وين ؟ عبدالله : واقف برع ميره انصدمت : وييييين ؟ عبدالله : بسم الله بلااج واقف برع تعالي يلاا ميره : فـ بيتناا ولا فـ بيت عمي محمد ؟ عبدالله : فـ بيت عمج يعني وين مثلا !! ميره : ماخبرتك انــاا فـ بيتناا ماخلوني ايي لأني عرووس عبدالله : فـ ذمتج ؟ ميره وشوي وبتصييح : هيييه عبدالله : خلاص دقايق واكون عندج ميره : لااااااااااااا انا روحي فالبيت وبعدين هم ماخلوني ايي عشانك انت اتيني ؟ عبدالله : لا والله يالسه روحج مايخصني بييج ميره : عشــااني مافيه يحرجون علييه عبدالله : كيفي حرمتي ميره : ههههههههههههههه عبدالله : للأسف كنت مستانس راح اجوفج ميره : ماعليه ماعليه عقب بتمل من جوفتي عبدالله : ما عاش إلي يمل من قلبي فـ بيت محمد فـ الميلس صوب سلطـان وساره سلطــان : سارونه محلــووه تراني ما استحمل انــاا ساره انصدمت وتمت تطالعه بنظرات سلطـان نقع من الظحك عليهاا سلطـان تقرب منهاا وهيه ابتعدت يودهاا سلطـان : بلاج يابنيه ماباكلج ساره : يوعـــااانه سلطـان : هههههه انزين سيري تلبسي بوديج المطعم ساره : لاا مااباا سلطـان استغرب : بلاااج ؟ ساره : لا مب يوعاانه ( ويلست ) سلطـان يلس حذالهاا : عيل بلاج ؟ ساره ارتبكت ماعرفت شو تقول ولا شو ترمس كــاانت وااايد مستحييه مره وحده حدر عبيد عليهم عبيد : عمي سلطــــاااان سلطـان : عبيـــــــد عبيد : شو تسووون ؟ سلطـان : ماشي نسولف عبيد : بيلس معاكم سلطـان : لا حبيبي سير عند ماما عبيد : عمي سارونه حلوه اليوم صح ؟ سلطـان : سارونه دومهاا حلوه هب بس اليوم هنيه ساره صدق صدق احمــــرت عقب ما سلطـان طرد عبيد رد ويلس حذال ساره ساره تبى بأي طريقه تشرد من سلطـان ساره : انــاا بسير ارقد سلطـان يود ايدهاا ، قلبهـاا تم يدق بالقوو جنه أول مره ايود ايدهاا سلطـان تم يطالهاا ويتأمل تفاصيل ويهاا : اتريي برقد معااج ساره هنيه صدق صدق انصدمت من جرأته و احمـــررررت من خــااطر دزت سلطـان بالخفيف وقالت : قليل الأدب ( وسارت ) وسلطـان يلس يظحك علييهاااا مر هاليوم على خيـر وتقريبـا كلهم كانوا فرحانين ومستانسين إلا ملاك وامــل فاليوم إلي عقبه عالساعه 11 ونص فتحت ساره عيونها وجافت الساعه وعلى طول فزت من مكانهاا ساره : خيييبه انا رقدت كل ها يا ويلي من ميروه ألحيين شلت تلفونهاا وجافت ميره متصلتلها 3 مراات وسلطـان مرتين وشافت مسج واحد فتحته وكان من ميره ( سارونه أجلنـا الطلعه للعصر ) طرشت مسج لميره ( زين والله روحي كنت تعباانه ورقدت بدون لا احس ) وفرت مبايلهاا وسارت الحمام وتغسلت وعقب ظهرت وبدلت وتكشخت ونزلت تحت انصدمت من وجود سلطـان ماتوقعت تجوفه استحت من جافته ساره : السـلاام عليكم الكل : وعليكم السلام والرحمه اليده موزه : جــاان كملتي رقاادج ساره : يدوه والله كنت تعباانه اليده موزه حرجت : بس بس دومج تعباانه انتي ساره قفطـت وسكتت ماقالت شي سيف : ساارونه حمده اتصلت كانت تبااج ساره : لا تقــووول بعـد !! سيف : شوو ساره : هذيك المره قالتلي تباني اسير معاهاا السوق عسب تشتريلهاا بدل وانا اساعدهاا واختار معااهاا تراني اليوم بزي بسير وياا ميروه سيف : يلا يلا يلا أجلي طلعه ميروه وسيري ويا حمده ساره : قولهاا بااجر والله مااروووم عقب اسبوعين عرس ميروه البنت تبى تخلص اغراضهاا سلطـان : احم احم نـااس مسويلي طـاف ساره اطالعته وابتسمت سيف : نش وانا اخوك تراهاا صارت حرمتك عادي عادي سلطـان : ههههههههه يعني بترياا تصريح منك ويا هالرااس ونش من مكانه وسار يلس حذال ساره أول مايلس حذالهاا ساره تحس قلبهاا شوي وبيظهر من مكاانه أول مره جي تحس انهاا واايد تستحي من سلطـان ماتدري ليش !! سلطـان : اشحالهاا حبيبتي ؟ سيف : اصطلب عيب عيب سلطـان : ياربي اسكت انت سيف : ترى يدوه هب معاكم مندمجه بالتلفزيون لا تخلوني اخبرهاا سلطـان : بتخوفني يعني سارونه صارت حرمتي خلااص سيف : ماعلييه ان ما خبرت ( وعل صوته ) يــدوووه ( وتم يغايضهم ويسويلهم حركات ) لين ما صدق صدق ساره تمللت وسارت صوب المطبخ تجوف شو الغدى أول ماظهرت سلطـان لحقهاا سيف : اشعلييك ورا القلب سلطـان : جب جب انت تم هنييه لا اتي ورااي سيف : ياينك دقيقه بس ارمس يدوه واخبرها عن سوالفك سلطان خزه بنظره سيف سكت وتم يظحك على سلطان صوب ساره حدرت المطبخ وجافت شو الغدى استاانست لما جافته مجبوس دياي عقب تمت تسوي عصير ليمون بالنعناع خلصت العصير حطه فـ كوب عقب ظهرت وهيه تشرب العصير انصدمت لما شافت سلطـان واقف حذال باب المطبخ ويالس يراقبهاا ساره : تبى شي ؟ سلطـان تجرب منهاا وسحب الكوب من ايدهاا : هيه اناا عطشان ابا هالعصير ساره انصدمت ردت وسحب الكوب : بس ها عصيري شربته بسويلك واحد ثاني سلطـان تجرب منها زياده وسحب الكوب وجرب ويهه من ويهاا : بس انــاا عايبني هالعصيير ساره حرجت : هااته ها ماالي والله شربت منه سلطـان يغايظهاا سار ويلس ببروده اعصاب وحط ريل ع ريل وشرب رشفه من العصير : يخبــــــــل ( رد ونش من مكانه وتجرب منهاا وجرب الكوب صوبها ) حبيبي تبين ؟ ساره احمـــررت من المستحى ع حركااته حست الدم وقف فجسمهاا بس على طول ظهرت من المطبخ ماتدري كيف اتحركت انصدمت من جراته ماتوقعته لهاي الدرجه جريئ حدرت الصاله وهيه متغصصه كان خاطرهاا فالعصير أول ما حدرت الصاله شافت امهاا وابوهاا سارت ويلست حذالهم ويلسوا يسولفون وعقب خمس دقايق حدر سلطـان ويلس يشاركهم بالسوالف صوب ميره كانت مقرره ماترمس عبدالله خلال هالاسبوعين لين يوم العرس عسب يشتاقلهاا خبرته تم محرج اونه مايروم يستحمل تمت تظحك عليه اونه زعل منهاا لانهاا مابترمسه ميره كانت كل يوم عن يوم تحبه اكثر وتكتشف فيه اشياا تخليها تتعلق فيه اكثر وهو واايد حب ميره حسها انسانه شفافه بريئه شرى الياهاال وكان وايد يحب يلعوزهاا ويتغلى عليهاا عسب تقله كلام حلوو وعقب قررت خلاص لا ترمسه ولا ترد على مسجاته م محرج يتصل ويطرش مسجات بس هيه مسويتله طــااف بس فـ خاطرهاا ترمسه فـ فينـا صوب ظبيه و خميس كـانت ظبيه يالسه اتيمع اغراضهاا واغراض خميس وتحطهم فالشنطه طيارتهم عقب ساعتين وكانت واايد مستانسه عسب راح ترد البلااد وخميس لاحظ انها مستاانسه قال بيلعوزهاا شوي سار ورااهاا ولوى عليهاا ظبيه استغربت من حركته خميس : حبيبي انا غيرت الحجز مابا ارد ابا اتم هنيه معااج ظبيه انصدمت جنه حد صب عليها ماي بارد على طول صدت صوب خميس : شـــوووو ؟! ليـــش !! حرام علييك خميس : افــاا شو ماتبيناا انتم مع بعض ظبيه نزلت راسهاا وسكتت خميس : ظباي حبيبي بلااج ؟ ظبيه : مشتــااقه لأهلي اباا اجوفهم خميس : يعني طوول عمرج عايشه معاهم ألحين بس كمن اسبوع انتي معاي وجي متولهه عليهم ( تجرب منهاا وجرب ويهه من ويهاا ) انــاا ابـاج لي وحدي ظبيه تمت ضايعـه ماتعرف شو تسوي ولا شو تقول بس كـانت ترتجف من كلام خميس خميس لاحظ هالشي وكل مايقول كلمه ظبيه تحاول تشرد وتتهرب منه خميس : حبيبي بلاج عليه ؟ ظبيه مارامت تستحمل اكثر عقت روحها عالكرسي ونزلت راسهاا ويلست تصيـــــح خميس انصدم ماتوقع انها جيه ماتبى اتم معااه سار صوبهاا ونزل لمستواهاا خميس : حياتي ليش هالدموع لهالدرجه ماتحبيني ماتبين قربي ؟ ظبيه مارامت تستحمل اكثر : خميـــس انـ..انــاا .. انــاا ماروم اخون يمعـه انا لين ألحين أ أ أحبــ ... أحبـه مو شي سهل تنسى حبيبك وتوأم روحك وكل شي فـ حياتك ( ورفعت راسهاا حاولت تجوف ملامح خميس ) مو شي سهل تنسى شخص كنت ( وشدت عليها ) تموووووووت فيـه مو سهل ( ونزلت راسها ردت تصيــح ) خميس انصدم من كلمها مايعرف شو يسوي وشو يقول كل مره يحاول يتقرب خطوه هيه تبعده مليون خطوه يمعه ويمعه ، يمعه هذا كل مره يهدم إلي خميس يحاول يبنيه مع ظبيه انصدم وااااايد خميس ماتوقع ان في نـااس جي ممكن تحب وتتعلق بس عصب وحس بالغيره بنفس الوقت خميس لف ويهه وصارخ : خلاااااص بــس سكتي يمعه ويمعه ( وصد صوبهاا ) انــاا ريلج حسسيني بيوم بقيمتي حسسيني نج تقدريني ولا تعزيني كل إلي تبينه سويتلج وعن الحجز تراه بعده عقب ساعتين لاتخافين بس كنت بمزح معااج أول بالأصح ( قالهاا بألم ) كنت بجوف قدري عندج بس للأسف ... ( وسكت ) تجهزي بعد نص ساعه بي وتم يمشي أول ماوصل للباب ويود المقبض لف واطــاالع ظبيه جافها يالسه تصيـح بألم تنهد تنهيده كبيره وظهر أول ماسكر الباب ظبيه حست بالذنب ويلست تصيـح زيااده وبدون لاتحس رقدت والدموع فـ عينهاا عقب نص ساعه بالضبط بطل خميس الباب وهو محطم ومصدوم وكارهه عمره من جـااف ظبيه خــااف عليهاا اتحرى فيها شي ربع صوبهاا تم يهزها بحنيه : ظبيه .. ظبيه .. ظبااي ظبيه بطلت عيونهاا جافت خميس وابتسمت وردت سكرتهاا خميس زااغ عليهاا شلهاا وحطها عالشبريه خميس بخوف : ظبوي فديتج تعباانه ظبيه بتعب : لااا ( ونشت من مكانهاا وتمت تطالع يمين ويسار وجنها يالسه تدور شي ) خميس : بلااج ؟ ظبيه : هــااه ماشي ( كانت تتحرى روحها تحلم ) خميس : يلا تلبسي ماباقي شي ع الإقلااع نشت ظبيه من مكانهاا سارت وتسبحت وعقب كشخت وشلوا شنطهم وظهرواا طول الدرب لاحظت خميس كان ساكت مووول مارمس معاهاا بس طنشت فـ دبي فـ بيت حميد كان حميد مع حرمته وسلطـان وميره يالسين حميد : انا بعد جي اقول ماشي إلا هالحل ام احمد : لالالا انا ما اروم ما اجوف ولدي يوم ميره : هيه هيه اماايه دلعييه سلطـان : مشكله إلي يغارون ، وبعدين يا اماايه بتجوفيني هنيه 24 ساعه بس برقد فـ بيت عميه محمد حميد : هيه انا بعد جي اقول ميره تهمس لسلطان : اشعليك بتجابل الحبيبه 24 ساعه سلطان ضربها عراسهاا بالخفيف : جب جب حميد : ليش تضرب اختك ميره تدلع : هيه ابويه جوفه لازم ادلعني عقب اسبوعين مابتجوفني هنيه بتتوله علييه سلطـان : إلا بفتك منج ميره : ابووويه جوفه الكل : ههههههههههههههههههههههههههههههه سلطـان : شحاله عباادي ؟ ميره : الحمدالله بخير سلطـان : سمعت مسويتله مقاطعه ميره : هههههههههه هييه وهو محرررج علييه سلطـان : احســن يستااهل دواه الاسود ميره : انت الأسود سلطـان : مسودة الويه انا اخوج لازم تكونين معاي ميره : لا والله وعبدالله ريلي حميد : ههههههه تعجبيني بنتي طالعه علييه سلطـان : افــاا كلكم ضدي ، فديت اماايه انــاا ام احمد : هااه تتفداني عشان اكون معاك لا فديتك انا مع ريلي حميد سلطـان : افــاا والله افــاا هنيه كلهم يلسوا يظحون ع سلطان ويتطنزون علييه فـ هاللحظه حدر احمد ومعاه ولده عبيد أحمد : الســلاام عليكم كلهم ردوا عليه السلام ويلسوا يسألون عن الحال وعن حصه وقالهم انه وصلها بيت ابوهاا عقب تموا يسولفون فـ فيناا صوب خميس وظبيه طول الدرب ظبيه وخميس ساكتين موول مارمسوا وصلوا للمطار خميس تجدم وظبيه كانت تلحقه حست ان إلي صار مساعه كان صدق مب حلم تمت تفكر وغارقه بالأفكاار وحست بالذنب عقب مادخلوا الشنط للطياره وختموا الجوازات حدروا للطياره عقب كمن دقيقه اعلنوا عن الإقلاع أقلعت الطيـااره وكلن من خميس وظبيه سكوت وكل واحد مسوي طاف للثاني ظبيه مارمت تستحمل هالوضع صدت صوب خميس جافته يالس يعابل بالتلفزيون إلي فالطياره ظبيه : خميــس خميس : همم ظبيه : امممممم ( ارتبكت ماعرفت شو تقله ) يوعـــااانه خميس بدون لا يجوفهاا : زين اتريي بيبون الاكل بعد شوي ظبيه : بلاك ؟ هنيه خميس صد صوبها وحط عينه فـ عينهاا ظبيه حست روحها يالسه تتكهرب مارامت تطالع عيونه اكثر على طول نزلت عينهاا والدموع تمت تنزل بدون إي سابق انذار خميس انصدم يود ويه ظبيه بكل حنيه : حياتي بلاج ؟ ظبيه مارامت ترمس حتى مارامت توقف دموعهاا حاولت تهدي روحها بس مارامت خميس : ظبوي فيج شي ؟! شي صابج ؟! ظبيه : خميس انــاا آسفــه ( وغطت ويهاا بإدهاا ) خميس حضن ظبيه وتم يهديهاا بكل حنيه وحب ظبيه تلخبطت مشاعرهاا اتجاه هالإنســاان مراات تكرهه وتتمناله الموت ومرات تعزه وتغاار عليه ومراات تحس انها تنجذب له عقب ماهدت ظبيه ظبيه : خميس سامحـ..... خميس حط صبعه ع ثم ظبيه : اشششش مابا اسمع ولا كلمه حبيبي اصلا انا ما اروم ازعل منج بس رمستج شوي ضايجتيني وألحيين خلاص نسيت كل شي ظبيه : خميس هب بسهوله تنسى اعز واغلى انساان رمست احلام واماني له ملك قلبك وعقلك وكل شي فيك حبيته بجنون وآخر شي يختفي هالإنساان وللأبد وينهدم كل شي مب بسولهه تنسااه خميس انــاا حالي عقب يمعه ماكان حــاال انا كنت بتخبل خميس قاطعهاا : ظبيه انتي حبج ليمعه خالتنه سبب عسب ماتتقربين مني هب لهاي الدرجه انتي لازم تراجعين عمرج ظبيه : بس انا صدق احبه خميس : لو كنتي صدق جيه تحبينه بنظري انتي انساانه مريضه ظبيه حرجت : مريضه لأني اعشق واحد وهالواحد كان كل شي بالنسبه لي خميس : لا مريضه لانه هالواحد مــاات خلاص راح من هالدنيا الله يرحمه وانتي بعدج متعلقه بـه وهب راضيه تعطين نفسج ولغيرج فرصه ظبيه سكتت ونزلت راسهاا وتمت تفكر خميس : صح ولاا ؟ ظبيه سكتت سكت عنهاا خميس ولف الصوب الثاني ظبيه ماتدري شو إلي خلاهاا ترمس : بس انــاا راضيه اني اعيش طول عمري جيه ومينونه ولا اني اعيش مع واحد عمري مافكــ.... ( وسكتت من نظره خميس إلهاا ) خميس انصدم اكثر واكثر كل يوم يكتشف مدى كره ظبيه لـه وحبهاا ليمعه هالمره صدق مارام يستحمل نش من مكاانه وسار يلس فت مكان ثاني ظبيه انصدمت من جافت خميس نش من مكانه وجافهاا بنظره خلاها تسكت وماتكمل رمستهاا حست بالذنب تمت تلوم روحهاا ماتدري ليش كل ماهو يتقرب منهاا ولا هيه تحس بانهاا تتقرب منه تسوي اي شي ولا تعق كلاام عسب ينقهر ويكرههاا بس هيهاات خميس عمره ماراح يكرههاا لأنه يعرف الحاله إلي ظبيه تعيشهاا لانه يوم من الأيام مر ابهاا بس حبيبته ماماتت فـ الدنياا ماتت فـ قلبه فـ دبي عقب مرور كمن ساعه عبدالله درى ان ظبيه و خميس اليوم بيون البلاد وكان ساير إلهم المطار وخذ راشد معااه عقب ماوصلواا عبدالله لاحظ ان ظبيه وخميس هب طبيعيين عبدالله + راشد : الحمدالله عالسلامه ظبيه + خميس : الله يسلمكم وتموا يسلمون ع بعض ويتخبرون عن الأحوال وجيي عبدالله وصل ظبيه وخميس شقتهم عسب يرتاحون وقالهم اليوم العشى عليهم بس خميس اعتذر قالهم ان شاء الله يوم ثاني صوب ميره العصر عالساعه 5 اتصلت بساره وقالت إلهاا خل تتزهب بيمرن عليهاا عقب ماساره تزهبت مروا على ساره وتوجهوا للمول سلطان كان مودي البنات لان هاليوم أحمد قال بيظهر حرمته وولده وحصه كانت تعباانه شوي مافيها شده ع حواطه الأسواق ساره ماكانت تدري ان سلطان إلي بيوديهم لما جافته انصدمت بس طنشت طول الدرب كانوا ساكتيين وامبطلين الأف ام ويتسمعون اغاني وصلوا المول ساره وميره كانوا هب مقصرين من محل لـ محل خموا نص إلي بالمول سلطـان بالاول سار معاهم بعديين تعب وسار يلس بالكوفي شوب ساره بعد تعبت من الحواطه ساره : ميرووه والله تعبت خلااص ميره : بس هالثلاث محلاات ساره : يوم ثاني ميره : ساااروووه ساره : ياربي منج قسم بالله تعبت ما اروم امشي زيااده ميره : زين انتي يلسي هنيه انا بسير وبيج ساره : اوكي بس مو اطولين ما احب ايلس روحي ميره : اوكيك سارت ميره وحدرت المحل جان يرن مبايلهاا جافت سلطان المتصل رمسته وخبرته ان ساره يالسه روحهاا خل يسير صوبهاا وهيه بعدها يالسه تتشرى سلطـان استــاانس ما صدق على طول سار صوب المكان إلي ميره قالتله وتم يدور ساره واخيرا حصلهاا سار ويلس حذالهاا سلطـان : ليش الحلوين يالسين رواحهم ؟ ساره زاغت : سلطــااان !! سلطان : ههههههههههه هييه بلااج ؟ ساره : زيغتني والله سلطان : شو تسوين ؟ ساره : ماشي يالسه ، ميروه سارت تتشرى وانا تعبت وانت ليش ياي هنيه ؟ سلطان : قلبي قالي ان ساروه محتاجتنك ساره : هههههههههه لااا والله سلطان : هههههههههه زين ماسمعتي آخر الأخباار ؟ ساره : لاا شو صاير ؟ سلطان همس فأذنهاا : بتجوفيني فـ بيتكم 24 ساعه خلال شهر تقريبا ساره انصدمت : شوووو ؟ سلطان : هههههههههههههه احلى خبر لااه ؟ ساره : بس شقاايل ؟ سلطان : شو إلي شقايل ؟ لين مايخلصون قسمي ، شو ماتبيني خلاص بسير ارقد بيت خالوتي وبجابل اموله ساره دزته بالخفيف : يدلعهاا بعــد سير سير سلطان : تجرب منهاا شوي وهمس فأذنهاا : والله احبــج ساره احمـــررت وسكتت ونزلت راسهاا سلطان : يا ويلي على الي يستحون ساره : سلطــاان بس نحن فالمول سلطـان : هههههههههههه زين بسكت ، إلا تعالي تزهبتي ترى عرسناا عقب اسبوع ساره انصعقت : شـــووووووه ؟! سلطـان : هههههههههه اليوم وايد فاجاتج صح وانتي معلقه ع شووو ؟ ساره شوي وبتصييح : مايصيير جي انا لين ألحيين ماشريت شي سلطـان نش ويود ايدهاا وقومهاا : تعــاالي ألحين اتشري وانا بختار ع ذوقي كــــل شي ساره قفطت وسحبت ايدهاا : انت اليوم هب صاحي ( ودزته عالخفف ) خوووز عني فظحتني ( وسارت فالمحل إلي ميروه حدرته ) سلطـان تم يظحك علييهاا وعلى ويههاا كيف غدى عقب ماخلصت ميره وتشرت سلطان عزمهم ع العشاا في مطعم راقي يلسوا يتعشون وتموا يسولفون ويتناقشون في مواضيع شوي و شوي سلطان يلعوز ساره ويتغزل فيهاا وهيه تقفط وميره تظحك عليهم وجيه مرت هالأياام وخميس يحاول يتقرب من ظبيه بس ظبيه ماتدري شو إلي يخليهاا تبتعد منه وتجرحه اكثر واكثر .. وعبدالله كــاان مغيض واونه زعلان من ميره لانها ماترد ع اتصالاته وع مسجاته .. وساره طول هالفتره كانت ترقد عند ميروه وسلطـان كــاان مغيض ليش لما هو سار يرقد فـ بيتهم هيه سارت ترقد فـ بيتهم (بيت قوم سلطان ) قبل عرس ميره بيومين نشت حصه من الرقااد وهيه تعبــاانه حيــل حاسه روحهاا خلاص بتمووت حصه : احمــد أحمـــد الله يخليك نش احس اني بولد أحمد فز من رقااده : شووو ؟ ألحييين !! حصه علت صوتهاا : تعبـــاااانه اباا اروح المستشفى بسرعه بسرعه الله يخلييك بسرعه بسرعه نش احمد وبدل ولبست حصه عباتهاا وساروا المستشفى ودخلوا حصه حجرة الولاده وقالوا بيولدونهاا أحمد كان واايد زاايغ ع حصه وع عبيد بعـد لانه روحه فالبيت اتصل فـ سلطان وخبره ان عبيد روحه سلطـان سأله ليش هو وحصه وين خبرااه بس قاله لا تخبر حد مرت ثواني و دقايق وساعاات فجـأة ظهرت الدكتوره وهيه مرسومه ابتسامه ع شايفهاا أحمد وهو ميت من الزيغه : خيــر دكتوره بشري الدكتوره : لا تطمن حرمتك بخير وصار عندكم بنوته مثل القمر احمد استــــااااانس كان وده يصاارخ ويناقز شرى الأهبل أحمد : زين عــاادي اجوف حرمتي ؟ الدكتوره : امم ألحين لاا لانهاا تعبانه شوي خلهاا ترتاح وبعدين هيه بعدها تحت تأثير البنج يعني مول ماراح تحس فيك انشالله عقب بتجوفهاا وبتطمن عليهاا أحمد : مشكووره مشكووره يزاج الله ألف خير الدكتوره : مبروك اخوي وتتربى في عزكم أحمد : الله يبارك فييج عقب احمد اتصل لـ ام حصه وابوهاا وامه واوبه وخبرهم ام حصه ربت ويابت بنت كلهم سألوه فأي مستشفى وعقب خمس دقايق بالضبط كلهم تمواجدوا فالمستشفى كلهم كانوا مستانسين بالبنوته عقب ما أحمد رمس الدكتوره مره ثانيه سمحت إلهم يحدرون عند حصه بس مايزعجونهاا كلهم حدرواا كانوا يالسين أحمد سار ويلس حذال حصه ويود ايدهاا وتم يتامل جمالهاا ويتمعن فيهاا جان حصه تفتح عيونهاا وترد تسكرهم بسرعه أحمد استانس حبهاا ع راسهاا احمد : الحمدالله عالسلااامه ابتسمت حصه وردت بطلت عيونهاا وجنها توهاا تستوعب حصه وهيه تطالع الحجره حطت ايدهاا عبطنهاا رفعت عمرهاا شوي شوي الكل سلم علييهاا وتحمد إلهاا بالسلاامه وخبروهاا انهاا يابت بنوته بس إلين ألحين ماجافوهاا كلهم كانوا مستانسين بس هب كثر ونااسه حصه واحمد فـ بيت أحمد سار سلطـان بيت ابوه عسب يودي عبيد لميره وتلبسه ويسيرون للمستشفى عند حصه عبيد : عمي صار عندي اخت ؟ ميره : اففف قلنالك هييه خلاص لا تتحرطم واايد سلطان : بلااج عالولد ماقال شي ميره : لوع جبدي صار عندي اخت وصار عندي اخت جنه محد عنده اخت غيره سلطـان : شو تغارين ساره كانت توهاا يايه وسمعت الحوار أول ماحدرت يلست تظحك ميره : وانتي بلااج تضحكين بعد ؟ سلطـان وقف : هااه هااه هااه حدج عااد هب على ساروتي ساره تغايض ميره وترقص حياتهاا : احم احم ميره مغيضه : مـــــااالت ( وسارت عنهم ) ساره تمت نااقعه من الظحك سلطـان : هااي مادري بلااهاا اليوم ساره : عبدالله زعلاان منهاا لانهاا ماترد عليه ولا ترمسه سلطـان : احسن يستااهل ( وتجرب منهاا ) ليكون انتي بعد جي بتسوين فيه ؟ ساره ابتعدت منه وقلبهاا يدق طبول : هيه عيل سلطان : والله لأييج البيت ساره : هااهااهاا ماترووم سلطان : سااروووه ساره : زين زين اففف سلطان : هييه من ألحيين اخبرج ترااني هب عبوود ساره دزته بعييد : بـــس ( انتبهت لعبيد ) عبيد حبيبي عبيد : ساروونه صار عندي اخت ساره : هيه حتى هيه حلوه مثلي صــح ؟ عبيد هز راسه بمعنى لاا ساره دزته بالخفيف : خـــااايس سلطان لوى ع سارى من ورى : اصلا مافي وحده بجمال ساروتي عبيد شهق : عمــــــــــيي عيييييييييب ساره قفطـــــــت احمرت واخضرت واصفرت ماعرفت شو تسوي لفت وييهاا صوب سلطان ودزته وشردت سلطان تم نااقع عليهاا من الظحك عقب ماتجهزوا خذهم للمستشفى وتطمنوا ع حصه وجافوا البنوته وقرروا يسمونهاا شوق كــاانت واايد حلوه البنوته والكل كان متخبل علييهاا ساره كانت شالتنهاا ومستانسه علييهاا سلطان سار صوبهاا سلطـان : الفال لنــا ساره اطالعته بنظره : يعني مابتصطلب سلطان : هههههههههههه شو ماتبين اتيبين لي بيبي ساره احمررررت : سلطــــااان سلطان : ههههههههههههه اموووت فيج وانتي مستحيه سلطان : والله شكلج كيوت وانتي شاله شواقي ساره شوي وبتصييح كانت صدق محمره وعيونهاا ممزوره دموع : سلطــاان بس خلااص سلطان : بلااج اقول إلي ف قلبي ساره : مابي اعرف اسكت خلااص سلطان : زين زين ساره ردت تطالع شوق وتلعب معااهاا سلطان : قسم بالله تخبليين وانتي تلاعبينهاا ساره هالمره صدق غيظت نشت من مكانهاا وعطت شوق لميره وظهرت من الحجرة كـــــــــــــــــــــات |
يعطيك الف عافيه ,, ماقصرتي ع القصه تقبلي مني خالص شكر ,, |
ههههههه ... والله حالات ...خخخخ مشكووره ياحبوبه على البارت الرووعه .. ونتريا منج التكمله بفارغ الصبر .. |
مشكوورين ع البارت و نتريا البارتات اليايه بس لا تبطون علينا نونو كيوت |
تسلم غرشوب ع البارت الطررر بس ياليت البارت الياي يكون اطول واحلى والسموحهـ ع القصور |
| الساعة الآن 11:17 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir