|
فبيت العم سعود ،، اتصل سعود لبيت اخته تغريد ورد ريلها .. سعود : الووووو ! بوعلي : اهلين حيالله سعوود سعود : هلا فيك ، شلونك يابوعلي شخبارك؟؟ بوعلي : الله يسلمك انت علومك سعود : طيب الحمدلله ، اقول تغريد عندك ؟؟ بوعلي : أي هاك .. تغريد : هلا سعود .. سعود : هلا تغريد شلونج ؟ تغريد : بخـير " تغريد من صارت سالفة غلا وروحتها لبيته وهي ماتحب تكثر حجي وياه " .. سعود : اقولج ياتغريد ،، الحين امي شلون ، مب عدله اخليها فالبيت بروحها مع الخدامه تغريد : خلاص خلها تسكين فقصرك العالي اللي مافيه حد وبعدين طفروها .. سعود : احاجيج عدل حاجيني عدل تغريد : مادري عنك كيفك سعود : ان طلعناها من البيت العود بيتم فاضي ومافيه حد ، شالحل بالله ؟؟ تغريد : كلمها وشوف شتقول .. سعود : شكلها جي ، يلا اخليج . تغريد : مع السلامه وسكرت خليفه : شيبي سعود ؟؟ تغريد : يبي يشوف حل للبيت العود وامي لانها بروحها خليفه : اها ، انزين نجيبها عندنا بيتنا وسيع وماعندنا حد تغريد : ماظن بترظى خليفه : ليش انا بعد ولدها تغريد : لا مب عن هالسالفه ، يعني انت تعرف سعود وسوالفه خليفه : ااااها، خلاص اللي تشوفونه بس انا عيني اوسع لها من المكان تغريد : الله يخليك انشالله ... .*.*.*.*.*.*.*.*.*.*.*. سعود : شوفي لطيفه انا هالبيت يمكن أأجره أبيعه ونروح عند امي لطيفه : شتقووول ! سعود : اللي سمعتيه لطيفه بعد تفكير : خلاص سو اللي تبيه بس انا عندي شرط .. سعود : خير ؟ لطيفه : تكتبه باسمي سعود : كفايه اللي عندج ماشالله عليج عندج كل شي .. لطيفه : مستكثرهم علي ، ياحسرتي كل اللي عندي من ورثي .. سعود : هذا يمكن اسجله باسم عيالي لطيفه : وانا ماتخاف يغدرون باجر عيالك فيني سعود : عيدي كلامج وسمعيه وبتعرفين من غدر فالثاني وراح اتصل لخالد وقال له يجيهم .. غلا كانت غافيه على السرير وخالد كان توه متسبح ويلبس شكله بيطلع .. رن التليفون اللي خرب نومة غلا وخلاها تفتح عيونها بكسـل تشوف خالد وهو يتكلم من زود الكسل اللي فيها وتعب الحمل لانها باول الايام .. سكرت عيونها وتمت تسمعه بس .. خالد : أي ،، انشالله يبا ، أي لا اكيد ،، متى ، اووه حاضر افا عليك ، أي ، لا عندي جم شغله بخلصهم واجيك.. راح خالد عند غلا وهي نايمه وخر خصل قذلتها الناعمه عن عيونها .. خالد : انتي نمتي ؟؟ غلا فتحت عيونها ومسكت يده : لا مانمت غلا بتعدل قعدتها خالد : لالالالالالالالالالالالالالالالالا خلج منسدحه غلا : لا الله يخليك بس تعبت خالد : لالالالا انسدحي غلا : مابي خالد خالد : عشاني لاتتعبين غلا : ماتعبت قولي شيبي عمي ؟؟ خالد : انسدحي بتكلم غلا تدري بنحاسة خالد انسدحت نص سدحه خالد : يبينا نروح له البيت .. غلا : ليش؟؟؟ خالد : والله مادري قال سالفه ويبي راينا فيها غلا : شنو بعد ؟؟ خالد : وغلاة غلاي مادري غلا استحت من كلمتـه ،، انا غلاه ؟؟ يجننننن .. غلا : وانا بعد تبوني؟ خالد : شنسوى بدونج ؟؟؟ غلا : لا يعني يمكن يبيك انت بس خالد : انا وانتي 1 يبيني يعني يبيج يبيج يعني يبيني غلا : ههه صح خالد : يلا عمري قولي شتبين تلبسين كل شي وانا اجيبه لين عندج غلا : هههههههههه لالالا مالك شغل بهالاشيا انا البس بروحي خالد : لاقولي بطلعه وانتي بس قومي ولبسي ملابسج غلا : لا خالد خلاص انت انتظرني تحت وانا بجيك خالد : لا عمري غلا : ازعل ترا خالد : لالالا خلاص بنطر تحت انا غلا : شاطر عمري نزل خالد ينتظرها وهو يحس بوناسـه يعيشها لاول مره ،، طعمها غير ،، يحس الدنيا حلووه يحب كل النـاس وده يقول لكل الناس انه بيصير ابو والولد امه غلا شكثر يحب غلا ، يموت فهواهـــــــــــــــــــــــا .. لبست غلا فستان قصته ناعمـه حيـل اسود عادي وتحته بدي اسود نصفت شعرها وتكحلت ولبست عباتها توها بتخطي تنزل خالد يصرخ لها من تحت وهو يركب : لالالالالالالالالالالا تحملي غلا تخرعت : شنو شنو خالد : اوف حمدلله وصلت غلا : شنو خالد شصاير خالد : اوف سكتي كنتي بتنزلين الدرج بروحج تخيلي غلا : ههههههه ياخاااالد انت شفيك خالد : شفيني؟ انا واحد يموت فمرته ولايبي يتعبنها هاي الي فيني غلا ظحكت له وشالها خالد ينزلها على الـدرج .. طلعوا وهالمره غلا طلبت منه يتمشون لين السياره حوشهم كان شوي وسيـع .. خالد يمثل اونه يدور غلا .. خالد : غــلا ؟؟ غلا !! غلا ظحكت تدري عنده شي : خالد : وين غلا راحت غلا خالد راح وقعد عند ورده فالزراعه شكلها حلـــــــــــــو بيضه وفالنص الاصفر المايل للاورنج مع الوردي .. الياسميين .. خالد : وين غلا ؟؟ يدور بين الورووود .. خالد يطالع غلا وبعدها يرد للورده : ادوورك ، بخدوود الزهر (( يطالع القمر جنه يكلمه صج )) فالليل ، فعيون القمــــر ،، غلا ( والله احبك الله يخليك لي ولايحرمني منك ، اخاف احبك اكثر وتروح مني )) خالد يمجع الورده ويحطها بشعر غلا خالد : لالا على جنب شيله وهاي ، ورى احلى حطها بشعرها وطلع شكلها فظيييييع نعوم حييل ركبوا السياره وراحو لبيت العم سعود قعدوا وقال لهم السالفه .. سعود : ها شقلت ياخالد ؟؟ خالد : يبا انك تكتبه باسم امي الصراحه لا اذا باسمي انا وعمير هذي عدله سعود : وبيتك ؟؟ خالد : يبا بيتي باسم الغلا غلا اندهشت من الخبر اللي خلى المكان كله يصـــــخ ، جنهم بلعو السنتهم بعد الصمت اللي عم المكان كلـه سعود : من متى ؟؟ خالد : من شريته غلا : وليش ماقلت لي خالد : كاج عرفتي غلا انحرررررجت اففف ماتعرف شتسوي الحين شبتقول امه غصبته ومادري شنو الله يعيين ولطيفه كانت عكس تفكيرها عادي ماهمها اللي سواه خالد .. قعدوا بعد ماتفقوا ان سعود بيروح وبييصير الاسم بعقد منه بعد وفاته يصير باسم عيالـه عمر و خالد .. و مايحق لاي حد يتصرف فيه غيرهم لا امهم ولا أي حد .. بس همم عمر كان بداره يدرس توه مسكر من خالد و صدمه بخبر حمل مرته ،، فرح له شوي وبارك له بس يحبها اكيد بيحزن وهالشي يظايقه و100% اللي يسويه غلـط خالد ( الله حامل ،، ياريتج كنتي لي ،، آآآخ حسافه ظعتي مني ، شقول نوحي عليج كفاييه ، الله يوفقكم ) .. محمد : شفيك عمر ؟؟ عمر : لالا ولاشي ، جويسم تأخر ها! محمد : مادري عنه عمر : طول والله محمد : شعلينا ننتظره شوراك عمر : لا ماوراي شي بس انا بتلقوني بهالحديقه بتمشى شوي محمد : اجي وياك ؟ عمر ( ابي اتمشى مع نفسي يااااااخي ) : كيفك محمد : لا يبا شيبنا احنا .. عمر : هههههههه يلا تلقوني كالعاده بعالم آخر محمد : طبعآ من غير ماتقولها يالغالي .. راح عمر وقعد يتمشى والجو كان شوي بارد ومظلم الاناره اناره بسيطه بس حلوه وفي نور يعني قعد يفكر يفكر ويفكر مايدري بعين ريما اللي كانت نازله بروحها لهالحديقه كل يوم تنزلها بروحها تحس انها ماتستغني عن هالمكان ،،، قاعده على كرسي خشب بس فمكان بعيد قعد عمر تحت شجره ،، قعد يفكر ويفكر خذ خشبه وطلع موس وقعد يقشرها وهو يفكـر كان لابس بنطلون ديرتي وفانيله بيج وبالطو جلد وحاط وشاح اسود ينلف على الرقبه كان شكلـه راقــــــــــــــي حلووو ، مو مال قعدة الارض خخخ قاعده تطالعه من بعيد تبي تعرف شآخرة اللي صار مع حبه لانها من درت انقهرت وعمر ولا كان حاس ربع اللي تحسه ريمه لان خلاص كل احاسيسه لغلا وخلاص ماتت احاسيسه قعد عمر كالعاده اذا بروحه ومحد عنده حثلها وغني خخخ كنت غايـة مناتي وكل فكري وذاتي كنت ماخذ حيااتي قبل ماياخذوونك ماقدر يكمل وفرك عيووونه وريما ظنته صاح وحقدت من كل قلبها على غلا ياربي ماتوقع في انسان جذي شلون جي يحب من صجه ومن كل قلبه ياربي ليش جي انا احبه ولا متولعه فيه اففففففففففففففففففف ياربي ياربي .. .*.*.*.*.*.*.*.*.*.*.*.*.*.*. رجعوا البيت أحلى ثنين << خخخ شرايكم فالمسمـــى .. ؟؟ خالد : امممممممممممم غلا غلا : هـلا خالد : اممم انا مادري احس ودايمآ لما احس يطلع صح غلا : شتحس حبيبي خالد : احس انج حامل بـ2 غلا : لااا الله لايقولها خالد : ليييش الله يقولها غلا : من اولها 2 شوي شوي خالد : عشان مانزعل واحد لج واحد لي غلا : ههههه واذا طلعوا بنات خالد : حلاتها يبا ، هالدنيا شنو بدون البنااات ؟؟ غلا : نعمممممممممممم شتقول؟ خالد : وانتي شيختهمممممم يبا ، بس بناتي بعد هذولا بنات هالدنيا لازم امدحهم غلا : عبالي خالد : زين اذا توأم بنات او بنت وحده شبتسمينهم ؟؟ غلا : اكيد آمنه بس اذا 2 مادري آمنه وو اممم الاسم الثاني عليك انت خالد : اناااا ماااادري خلي افكر ،، شرايج بـ حلا ؟ غلا : لا خالد : على وزن غلا يعني عشان يقولون حلا بنت غلا غلا : لالا خالد :أي احس بنتي مصديه غلا : ههههههههههههههههههههههههههههههههههههههههههههه ههههه ه خالد يحط يده على قلبه : فديت هالضحكه تمووووووووووتني وتحيييييييييييييييييييني غلا : ياسلام خالد : مش آآآآآآآآآآآآآدر خالد: يكمل اذا بنت ام ام ام ام ×× لطيفه ×× .. غلا : شطور خالد : آمنه و مريم غلا : مريم؟؟ خالد : أي مريم غلا : شمعنى ؟؟ خالد : مادري من يوم كنت صغير احبه غلا : ليش تحبه ؟ ترا اغااااااااار خالد : يبا مافي حد يوصل لغلاتج فوق انتي ، اانا الاسم عاجبني يعني حلو غلا : خلاص مريم مريم اللي تبيه خالد : واذا توأم صبيان ؟ غلا ردت تذكرت اشيا وحزنت وخالد تحسف على السؤال غلا بصوت يرتجف : بسمـي فيصل و سعد ... خالد يحب يدها : اموت على الذوق انااا ( يغمز لها ) غلا ظحكت من غير نفس للظحك وردت حزنت خالد ماقال لها شي وقال بروح اتسبح وانام .. تعكر مزاجه حيل كل ماانسيها الموضوع ترجع تطريه يعني شنو حابه تنكد على عمرها انا واحد يكره النكـد ، شهاليعييششه الله يهداها بتنقلب جهنممم عليناا ودخل معصب شفط له زقارتيييييين فربع ساعه ودخل معصب الحمام دخلت غلا الغرفه وشافت منظـــــــر ماتت ولا تشووووووووفه تخرعت كل شي فيها وقف عن شغله حست الدم بعروجها وقف ( يااااااااااربي شنو هااااااااي؟؟ اعوذ بالله شصار فيك؟؟ ) وركضت والدموع تطير على خدووودها ... ياااترى شنو شافت غلا ؟؟؟؟ اكيييييد خالد انتحر ؟؟ لالالالالالا اكيد طلع مدمن وتوها تكتشف هيييييييييييييييييي يخونها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اعوووذ بالله شصاير؟؟؟؟؟؟؟؟؟؟ يالله توقعوا شاللي شافته غلا ومووووتها الف مره وهي حيه؟؟ |
مشكور يا أخوي....وبليز أبى الجزء اللي بعد بسرعه بسرعه بسرعه....وايد متحمسه...وأنا حاسه ان عمر بيحط عينه في ريما.....:35.gif: بلييييييييز لا اتطول اخوي.... :6500.gif: |
لا وشي ثاني أبى أقوله بعد....أتوقع مافي شي في خالد شوية دلع :6500.gif: وشكرا.... |
مشكور يا أخوي....وبليز لا تطول |
العفوو بس انا بنيه ..خخ ومشكورين على مرووركم الذووق .. |
| الساعة الآن 01:06 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir