هههههه الله يعينا على خططكم هع
نتريـآج ك

[الي تقوول البآآآآرت قصير يآآويلهآآآآ:8: هع هع]


~|~الجــــ 23 ــــزء~|~

الساعه 6 و نص الصبح**

شموه و هي تربع ع الدري:يدوه يدوه يدوه
اليد فلخ:هاااا خيرر شو مستووي
شموه و هي تاخذ نفس بسرعه:يدوه قوم يزوي بيوصلون بعد شويه و حررام ماعندهم حد يوصلهم
اليد و هو يشرب قهوته ببرود:والمطلوب؟
شموه:نرووح نشلهم
اليد:الحين يايه تربعين من فوق كان لادغتنج عقرب بس عشان جي!!
شموه:هييه و بعدين هذي يزووي و حررام يردوون البيت مع الدريول
اليد:انا الشيبه ماقلتي حراام ارووح اخر بوظبي عشان ربيعج
شموه:مااعليه يدوو ماحبك
وراحت و هي تتحرطم بقهر
اليد:شموووه تعااالي
شموه والدخاان يظهر من راسها و اذنيها و خشمها:شو شو تريد توني قايلتلك اني ماحبك شو تريد؟
اليد:تعالي منو تطرين يوم تقولين احمد؟
شموه بقهر:منو بعد غير ربيعك!!
اليد:وشو خص ربيعي ف ربيعج و المطاار
شموه:لانه يا ذكي يستوي يد ربيعتيه
اليد فز:شووو احمد ياي من السفر و انا قاعد فالبيت اقوول قدامج خمس دقايق لين مايشغل ابراهيمووه السياره و الله و انا ولد ابويه لو ماحصلتج بعد خمس دقايق تحت و الله لرووح عنج
شموه بفرح:انزين بس بعد خل ناصر يشغل السياره الثانيه لانهم واايد
اليد بعصبيه:انتي بعدج هني يلا فزي
شموه و هي تربع ع الدري:انزين انزين

بعد خمس دقايق..

اليد بعصبيه:سااااعه ساااعه لين ماتتلبسين؟
شموه و شيلتها ع كتوفها:يدوووه دخيلك قوله يحرك يلا
اليد:اففف منكن يا البنات
وحرك الدريول السياره و تمت شموه تتحرطم لانها لبست اول عباه قدامها و لا حطت شي ظهرت علبة مكيجها الي دوم ف شنطتها و اجحلت و حطت gloss
اليد:يا كثر ماتحطن من ذا الخرابيط ع ويوهكن
شموه بقهر:كفايه اني لابست اول عباه قدامي و بعد ماتباني احط شي
اليد:حووه شوي شوي تراني ماقلت شي
شموه:الا قلت
اليد:تدرين انا الغلطان اني معطنج ويه
شموه بهمس:انته من يوم يومك غلطاان حبكت ع اللحين!!
اليد:شوووه؟
شموه:هاا ماااشي بس كنت اقووول انا الشاارع زحمه
اليد بعدم تصديق:هيييه

لفت شموه شيلتها و خلت قذلتها ظاهره اليد ماعترض سكرت عباتها الي كانت فخمه بس بنسبه الها ولا شي نزلت من البورش الي يدها مشتريها الها هدية تخرجهها بس حالف انها ماتسوقها ع قولته منقووود

قبل سبع ساعات..

فـ المطار..

حمدان:"شكلها مهب ناويه تقول الي اريد اسمعه..وانا واايد متأكد انها تحبنيه و الله اني خقآآق..بس لحضه انا مايبت شي من راسي كل شي باين ف عيونهاا..هييه تحبنيه مستحييل ماتحبنيه"

نفض راسه من الأفكار الي تمت تراوده بعد مافارفته يزوي و هو ظاهر لمح واحده ع طول يت ف باله يزوي نفس الظهر نفس الوقفه نفس الطول "اخخ بس لو تصد عشاان اتآكد و هذي بنت عمهاا النشبه ماخلتني ارمسها و اللحين اروم اخذ راحتيه ماحد عدالها"

راح صوب البنيه ماررام يريد يتأكد

حمدان بتردد:احم احم

لفت البنيه عليه و انصدم صدمه عمره اخر انساانه يت ع بااله جاافها انسانه نسااها من كثر مافكر فيها انسانه ماتوقع يجوفها بعد الي صااار انسانه ابتسمت بفرح يوم جافته عكسه هو الي ماعرف كيف يحدد مشااعره و قف مصدوووم ف محله و ماحس الا بالبنيه تلوي عليه

فـ مطار بوظبي الدولي..

نورة:افففف تعبت
يزوي:ويين تعبتي يوم انا مخدج و منسدحه عليه
نورة:جب عااد ترااج دلووعه و تباالغيين واايد
يزوي:هييه لان انا الي جتفي تكسر من راسج الي كأنه طآآآآبوووقه
نورة و هي تأشر:جب جب اقول طااعي الغرشووب الي هناك
يزوي:حياتي انا بعد حمداان عفت كل الريايل الا هو طبعا
نورة:ماالت عليج انتي و هو
يزوي:ومرض..وبعدين يلي ماتستحين توج قبل لنرد تقولين(وهي تقلدها)بتوله ع سآآلم و من وصلنا و انتي عيونج اووبس اقصد رادراتج اشتغلن ماخليتي واحد ماجفتيه
نورة:بس عااد..نحنا هب كل يوم بني المطاار و بنسبه لأحصائيااتي اكثر توآآجد للغراشيب ف المطاار
يزوي:ههههههه..ضحكتيني الي يسمعج يقول هذي يايبه 99 ف الرياضياات انتي و احصاائيااتج!!
نورة:ضحكتي بدوون ضرووس قولي اميين
يزوي بضحكه:آآجمعين
فهد:بس صدعتينا ماادري كيف عمي مستحملنج
نورة بنظراات:مااالت عليك و يا ويهك انته تتمنى اني اقعد معااك عشان تسمع حسي و تتنفس هوااايه
فهد:ترااج وااايد مصدقه عمرج
خالد:والله انكم يهاال اونك انته بيتسكتها قمت تتواقع معاها!!
فهد:ياخي بنت عمك صدعه
نورة:اقووول احمد ربك ان انا بنت عمك غيرك يتمنون يشوفوني و ما يقدرون يوصلوني
فهد:ومنو هذيلا يا حسره اكييد مش بكاامل قوااهم العقليه
نورة:جب لم لغبك بس
خالد:فهد نورة بس راسي بينفجر من حسووسكم
نورة:تبااني اسكت؟
خالد بملل:هييه
نورة:ودنييه المطعم الي تحت و مابتسمع صووتي
خالد بستسلام:اففف امشي قداامي و امري لله
يزوي:وانا اريد اووح
نورة:لا
خالد:هو ع كيفج؟
نورة:ولا ما بسكت!!
يزوي:مااالت عليج و ع ويهج و ع بطنج بعد
نورة:جووفي انا كنت بخليج ترووحين معاايه بس لانج سبيتيني مابتروحين
يزوي:ومنو الي قص عليج و قالج اريد ارووح معاج ماقول الا الله يعين الي ف المطعم
فهد:آميين
سيف:منو يريد يرووح و وين؟
يزوي بهمس:يا الفضوووول
فهد:مااشي بنت عمك الحشره تريد ترووح تزط و ماخلت حد يروح معاها
سيف:ومنو الي يرد يرووح معاها اشهد انه هب صاحي
فهد:بنت عمك الثانيه
سيف و هو يلف ع يزوي:بس غياااض بوديهااا
نورة:عااادي انا مانقهر بالعكس غيري الي بيموتووون قهر
خالد:كلمه ثانيه و تراني بهوون
نورة:انزين انزين يلا
سيف:يلا يزوي
يزوي:اففف
فهد:انا بروح صوب يدوه..بسرعه لا تتاخروون

راح فهد صوب اليد الي كانت عداله مريوم و بعدين بوخالد و ام خالد
اما يزوي و سيف نزلو تحت ف المطعم و هي حاقده ع نورة و سيف**ونورة زطت و ترست بطنها ولا همها نظرات يزوي و خالد الها**سيف كان مستانس لان يزوي كانت عداله و مانزل عيونه عنها

بعد ثواني**

صاح تلفون يزوي:الو
شموه:هلا يزوي انتو وين؟
يزوي:في المطاار..ليش؟
شموه:نحنا ف الباركين مال المطار انتو وين بضبظ؟
يزوي:شووو ومنو قالج تين صوبنا؟
شموه:هههه..عيل تتحريني بخليج تردين البيت مع الدريول و انا موجوده؟
يزوي:شموووه ليش ضربتي خط من بيتكم لين المطار ولا بعد برووحج
شموه:انتي كل شي تقوولينه ع كيفج اول شي انا مش بروحي ثاني شي انتي ربعتيه ثالث شي خلصوو و تعاالو برى
يزوي بستسلام:اووف منج اوكي بنخلص و بنظهر لج
شموه:ارقبكم

خالد:شو السالفه؟
يزوي:مااشي بس ربعتيه يت تشلنا من المطار
خالد:اي واحده؟
يزوي:ههه**شموه
خالد:هييه الي يدها ربيع يدووه
يزوي:هييه عليك نوور
نورة و هي تشرب عصيرها و بدون تفكير قالت:نوور و لا فطووم؟ههههههه
خالد الي حزة ف خاطره:هههه سخيفه و ماتضحكين يلا خلصي خلي عمي يشلج و يفكنا منج عنبوو شهر و نحنا مجاابليين شيفج
نورة:جب جب انتو تتمنوووني
سيف:هييه نتمنااج و يا ويهج
خالد:اقوول سيف وين ربيعك؟
سيف:هني يحااوط..بيرووح معانا
خالد:اهااا**وانتو منو بيشلكم؟
سيف:ابوويه
يزوي:يلا خلونا نروح وانتي بس كل ماخلصتي صحن طلبتي الثاني بس خلاص
نورة:اوكي اوكي حتى الأكل حاسديني عليه

بعد دقايق قامو و راحو صوب اليد و حصلو بو سيف و بونورة

نورة و هي تفتح يدينها لبوها:باباتي
بونورة ببرود:اهلين
نورة و هي تتجاهل الي ستوى:باباتي ماتولهت عليه؟
بو نورة صد عنها و تم يسولف مع بوخالد و لا كان بنته كانت ترمسه
نورة انقهرت و افتشلت لان الموقف استوى قدامهم كلهم و بس سوت عمرها عااااادي كان ماستوى شي
بو سيف و هو لاوي ع مريوم:هلا و الله مابغيتي تين تولهنا عليج
مريوم:وانا بعد


عند شمووه و يزووي..

شموه:ياا الدبه توولهت عليج
يزوي:وانا بعد ..والله ماكان له داعي انج تين عشان توديتا
شموه:جب يلا قداامـ....(شهقة)
يزوي فلخة و مسكتها:شوووووو بلاج؟
شموه و هي تأشر ع واحد
يزوي:ههههههههههههههههه
شموه لفت عليها بصدمه:ليش تضحكين؟
يزوي:اضحك عليج
شموه:انزين ليييش؟
يزوي:لانه هذا هو شبيه شاروخاان
شموه:ومنو قال ان هذا شبيه شارووخان هذا شااروخان بلحمه و بدوون شحمه
يزوي و هي تحط يدها ورى ظهرها:هههههههه..بس ظهريه يعورنيه مارووم بس
شموه:يزوووي عن الأستهبال انا اقولج شااروخاان ف بوظبي و انتي تضحكين؟
يزوي:ههههه..وانا اقولج..ههههه..ان هذا مهب شارووخان هذا..ههههههه..ربيع سفووه..ههههههه
شموه:يزوي و الله مهب وقت استهبااالج هااتي كيمرج
يزوي و قفة عن الضحك:لييييش؟
شموه:بصوووره مهب كل يوم انا بشووفه ع الطبيعه
يزوي بشهقه:الله يفضح عدووج جاانج بتصووورين الرياال
شموه:لييش عاااد؟
يزوي:الريااال موآآآآآآآآآطن مهب هندييييييييييييي موآآآآآآآآآآآآآآآآآآآآآآآآآآآآطن
شموه:جذاااااابه جذابه جذابه جذابه ماااصدق
يزوي:كييفج
شموه بتهور:بروووح اطلب تووقيعه
يزوي بترجي:لا دخييلج لا
شموه الي ماسمعتها و راحت صوب الي مزعووم انه شااروخان

شموه و هي ترمس e:هاااي
خليل رفع راسه و انصدم "منو هذي شكلها مغلطه مابفشلها زياده خلني ساكت احسن"
شموه استغربت من ردت فعله"المفرووض يكوون متعوود ع هذا الشي"
شموه و هي تمدله ورقه:احم صراااحه انا اموووت ف افلامك و تمثيلك رووعه بليييز لا تردنيه اريد توقيعك لو سمحت
خليل طاالعها بصدمه اكبر"وييين تبا هذي لالالالا شكلها مغلطه و لا شااربه شي"
خليل:هاا
شموه و هي تمد الورقه و تعطيع القلم:ارييد توقيعك
خليل:اسممحيليه ختيه بس شكلج مغلطه
شموه طالعته بصدمه و غبااء:انته ترمس عربي؟
خليل ماراام يمسك ضحكته:هههههههههههههههههههه..هييه
شموه نزلت راسها بفشله:اووه سمحللي اخوويه تحرييتك حد ثاني
خليل ابتسم:ههه..مااعلييه مسموووح
شموه ربعت صوب يزوي و ضربتها ع كتفها:يآآآآآآآآآحماره ليش ماقلتيلي ان هذا شبيه شاروخاان مهب هوووه
يزوي ناقعه ضحك ع الموقف الي ستوى:هههههههههههه..ومنو قالج اني ماقلتنج نشف ريجي و انا اعيدها هذا مهب شااروخااان هذا ربيع سيوووف
شموه بفشله:جب جب الله لايعيده من يوم انا مادري شو خلاني اي المطااار اخخ بس لو تميت ف البيت اشرفلي بمليووون مره
يزوي:لا حيااتي لو سمعتي رمسته كنت بخيير
شموه:اوووووووووف امشي امشي الله يغربله من يووم

قوم مريوم راحو بسيارة بوسيف و معاهم خليل الي ماكان يريد يروح بس بوسيف حلف ان يوصله**و نورة راحت مع ابوهااا**بو خالد و ام خالد و خالد و فهد و محمد و حمد و علايه ركبو ف السياره الثانيه**يزوي و شموه و يدها و يد يزوي راحوا في بورش شمووه

بعد نص ساعه و بعد خروجهم من زحمة بوظبي**

قدام بيت يزوي..

يزوي بترجي:شمووه دخييلج عااد نزلي
شموه بأصرار:لالالا وين انتو توكم وااصلين و بيتكم مهم شايفينه من شهر ويين تبيني انزل؟
يزوي:خلصي و بدوون رمسه زاايده انزلي
شموه:صراحه صراحه صراحه!!!
يزوي:هيييه
شموه:بيتكم اكيييييد و صخ و كله صرااصير و حشراات نظفووه و بعدين بايكم
يزوي:هههههههههه هيييه قولي جي من الأول
شموه:هههههههههههههه**يلا حيااتي يدووه شويه و بيفلعني..بينا كووول
يزوي:اووكي

دخلت يزوي البيت و راحت ع طوول ع غرفتها و طااحت ع الشبريه"تولهت ع بوظبي و ع غرفتيه و ع كل شي مآآآصدق اني هني مآآآآآآآصدق"

عند حمدان..

كان يسوق السيار و مليوون سؤال يدور ف راسه"وين كانت طول هذي المده و مع منوووه و لييش الحين بذات طلعت ليييش؟"

:اممم حمدااان ارمسك!!
حمدان:شوو؟
:وين برووح؟
حمدان:بحجزلج ف فندق لين مارمس واحد من خوانج اي يشلج
بصدمه:لالالالالا
حمدان بعصبيه:شو لا بعد ماتدرين انا ابوج يته جلطه و السبه سواااتج ماتدرين انا امج ارتفع عندها الضغط و دخلت ف غيبوووبه ماتدرين ان اخوااانج ماعندهم حد يربيهم و السبه انتي!! كل هذا و يايه تقولين لا؟
:..........
حمدان:ليييش ساااكته ولا اقوول انطمي اصلا انا غلطان اني ارمس واااحده مثلج
بعصبيه:و الله هذي الوحده الي ترمس عنها تراااك يت و دقيت بابها!!!!!!!



اممم..منو الي كانت مع حمدان و شو سالفتها و شو تطري يوم قالت دقيت بابها؟؟
وليش بو نورة يعامل نورة بجفااف و برود؟
شو ظنكم ردة فعل شارووخان اووبس اقصد خليل من شموه؟

توقعااتك و آرآآآكم تهمني ..^^..

شموووووووووووووووووووووووووووووووووووه من قالك تروحين لخطيبي هاه هين بس خليني اشوفك بفقع عينك

اشوى يزوي ماشافت اللي صار مع حمدان ولا كان فهمت غير كذالك >>> متعوب عليها هعع

سيفووه تزوج وريحنا وتأدب لا اجي وادبك تأديب لاصار ولا بيصير بالعالم العربي

خويلد خخخخ حالتك صعبه انت وفطوم

ام بطين وش بك كل شو تبين مطعم حد ياكل صحنين مشفوحه انتي احس انه كرشتك واصله لركبك

مادري ليه احس هالبنت اهي منى اللي كانت مع سيف

وسالفه انه دق بابها يمكن كان خاطبها قبل وعرف بسوالفها وتركها او انه يوم جاها تحسبه عرفها وجا عشانها

ابو نوره شكلها مو بنته بنت زوجته وهو رباها >>> يازينك ونتي ساكته

اما خليل اتوقع بيصادف شموو كثير وبيحبها وبيعرف انها كانت تحسبه شاروخان

فوشيه انا بطلبك تزوجيني جد شمووه ولا جد يزوي هععع

تسلمين ياقلبي البارت اكثرمن رائع