اول ما وصلنا بيت عمي بركنا صوب الباب .. سيف جاف خلود وباسني يعني مادري حسيته متعمد يسوي هالشي . . وحسيت بضيق ماكان له داعي يسوي جيه جدآم الريال انا روحي استحي ممنه .. " احراج " !!!!
انا : يلا ننزل
سيف شهق : عباتج مفتوحهههه ؟
انا : سيفوه شو يعني لاتستوي مععععقد انا مش لابسه ضيق وايد
سيف : اوهووو ياحصه اوهو
انا : مش حلو اسمي لا تقولي حصه قوول حصوه ..
سيف : لا معصب الحين ما ينفع اقولج حصوه
انا يودت ايده وبستها واحمريت
سيف ابتسم بخبث : يالمصلحجيه
انا : اليوم بروح الصالون مع البنات يعني بلعب لعب بشعري . .
سيف : بذبببحج ها اللون ماتغيرينه فاهمه ؟
انا : بغغغغيره
سيف : ليش تغيرنه ؟
انا : مش عايبني خلاص احس لازم اغير
سيف : انا عايبني. . انتي تصبغينه حقي يعني انا لي الحق اني اقولج شو ابا وشو ما ابا !!!
انا : انا بسير وبصبغه وبحطك فالاآمر الواقع . . =)
سيف : ههه يحليلج مابخليج اتسيرين.
انا : بروووح
سيف : لا تعاندين (:
انا : سيفوه
سيف : قولي اول انج مابتغيرين اللون
انا : لها الدرجه عايبنك ؟ انزين يلا ما بغير اللون
سيف : لو انتي رياله لا تغيرينه
انا رفعت حياتي : انزين انا مش رياله
سيف : اقصد لوو انتي مش حرمه !! هههااي رياله اونه
انا : انزين مابغيره
سيف : يلا اوكيه اتفقنا
انا نزلت ودخلت عند البنات على طول قالولي يلا..سقت السياره وروحنا صالون دوم نتعامل معاه .. اول ما دخلنا تمينا نتريا دورنا انا رحت عند الحرمه اني بقص شعري وبلعب فيه شوي !!
انا : بنات شقا اسوي شعري ؟
اسوم : احس لو ما تقصينه وايد يعني لو تسوينه مدرج. . بس مش قصير وايد يعني متوسط وعقب مدرج ..
انا اكلم الحرمه : امم سوي مدرج مش وايد قصير . . وقصه قصي مدرج .. وشعر اصبغي لون بني فاتح شوي .. مافي وايد شوي يعني 2/3 !
الحرمه : اوقي مدام اوقي .. مافي وايد شوياا
انا هزيت راسي ..
بدت تقص وتقص وعقبها صبغته معنى كنت افضل انها اول تصبغ بعدين تقص لكن يلا مش مشكله .. بعدها رحت مريت على كل شي فالصالون .. دق علي سيف !!
سيف : حبيبي اليوم ما بنرد البيت. . بوديج مكان !! يعني خذيلج ثياب من بيتكم ...
انا : امم ايبلك وياي ؟
سيف : لاحبيبي انا مجهزلي !
انا : كيف انزين بيك ؟
سيف : اممم خلي الدريوله توصلج!!
انا : وين المكان ؟
سيف : من تخلصين بقولج
انا : تم
سيف : يلا مع السلامه حبي .. اوه لا تنسين لا تقصين شعرج ولا تصبغينه
انا : يصير خير
سيف : هاي اللي بذبحها انا الحين |=)
انا : اوكي اوكي مابسوي فيه شي ..
سيف : جيه انتي تعجبيني "ابتسم" يلا باي
انا ابتسمت : باي " يحليله والله مايدري اني لاعبه فيه لعب "
بندت عنه وتمينا فالصالون بحدود الساعتين
ع الساعه ثمان ونص تقريبا خلصنا قلت للبنات اني ابا اروح بيتنا وصلتهم وعقب رحت بيتنا دخلت البيت بس الخدامات موجودات كانوا يالسين ف الصاله . .
دارين : مدام يبي شي ؟
انا : لا شكراً دارين بس انا باخذ شوي ثياب وبسير
دارين : زين مدام
نوره : مدام انتي يبغا مسائده ؟ " مساعده "
انا : لا شكراً نوره " ابتسمت وركبت فوق رحت دشيت الغرفه ياااه اشكثر اششقتت لها الغرفه اللي صحت فيها ورقدت فيها واتضاربت فيها ويا عبود .. فتحت الكبت طلعت لي قميص ابيض كت حرير وراصص يعني غريب فيه فيونكه سودا ومع سكيني اسود ونعال جعب ابيض .. رحت صوب الجامه حطيت شدو خفيف وجحال وروج وردي .. بعدها لبست لي اكسسوارات خفيفه ولبست ذهب وساعه سودا . .بدلت الشنطه بشنطه سودا .. حطيت لي كم لبس فالشنطه واغراض وهيك دقيت لسيف عسب اعرف كم يوم راح نكون هناك
سيف : هلا والله ..
انا : اهلين
سيف : ها حبيبي هلصتي حطيتي الاغراض ؟
انا : هيه، بس احطلي مال كم يوم ؟
سيف : امم حطيلج مال اربع ايام تقريبا . .
انا : اوكيه " اللي حطيتهم زينين حق اربع ايام .. وزياده "
سيف : يلا تعالي منتجع *****
انا : هيه ها اللي ف اول راك ؟
سيف : هيه يلا اترياج انا !
انا : اوكي
انا رحت وصلت بسرعه لان المنتجع قريب وايييد من بيتنا وصلت عنده جفته ف الاستقبال يترياني . . خذوا شنطنا و ودوهم .. المكان عباره عن طابقين الطابق اللي فوق الغرفه . . والثاني عباره عن صاله كبيره وع الطرف مطبخ صغير تحضيري .. وبعدها البلكونه وفيها حووض وو ورا الحوض حديقه .. بحيث ان محد يروم يجوف الحوض .. دخلت رتبت لاغراض بعدها .. فصخت عباتي .. ويا عندي سيف
سيف : يحظني من ورا .. وسحبني دخلني الصاله
انا : ليش مبند الليتات ؟
سيف : بطل الشموع " باس خدي " كل عام وانتي احلى حصوه ف حياتي !
انا احمريت .. جد جد استحيت حسيته متذكر كل شي وتدرون لاول مره انسى ان اليوم يوم ميلادي ..
سيف : طبعاً كنت ابا اسويلج شي اكبر لكن هذا اللي رمت اسويه ع السريع
انا محمره : شكراً حبيبي
سيف : ماسوينا شي
كلينا الكيك وانا بعدني محمره . . اتذكرت اول يوم خطوبه وملجه وزواج كيف كنت محمره ممستحيه منه !!!
سيف شهق : صبغغغغغغتي شعرج ..
انا هزيت راسي
سيف قرب مني : انا ماقلت لاتصبغينه
انا : ...
سيف : افتححححيه اجوف
انا : فتحته
سيف غمض عيونه وعض شفاته : اخخ شو ها الجمال ماروم انا بسسس ماروم .. صح هاك اللون كان ططر بس هاللون طلع حلو بزيادة .. " يقترب مني والخبث ف عيونه "
انا : حيوان
سيف يسوي روحه زعلان : افا افا ليش
انا : انته اتحبط الواحد ..
سيف ابتسم
انا : لا تبتسم
سيف شق حلجه.
انا : هههه اهبل
سيف بخبث : انا مهبول فيج !!!
انا : قوم قوم . . " يايه بقوم "
سحبني و "Cuuuuuuuuuut"
.
.
نصور : ابويه انا قلتلك غير نوووفيه .. انا مابتزووووج
بونصور : وانا قلتلك ما تاخذها. . شويخ اححححسن منها
نصور : اوووويه بلاك انته . . الحين ياي تسوي عمرك الابو المهتتتتتتم ؟ وينك من زمان
بونصور : بلا قلة ادب
نصور : انا لو مب مقهووور مابعصب وبقل ادبي !
بونصور : شويخ يعني شويخ
نصور : انا اللي بعيش وياها مش آنته يعني لازم آنا اختار ..
ام نصور : خله يتزوجها يفكنا من شرررررره يفكنا من دواخةة الراس روحنا مش فاضين له . .
نصور ابتسم ابتسامه مصطنعه : هه بس عشان الفكه ؟ زين زين
بونصور : اطلع اطلع
نصور طلع وسكر الباب وسمعهم يرمسون عنه ابتسم بحسره !!
منول : هاه شو قالوا موافقين ؟
مهره : ههه اكيد بيوافقون لانه حشرهممممممم حشى !
منول : انتي ججججب
نصور : موافقين ..
منول : عيل ليش مب فرحان ؟
نصور : فليل بيج بقولج " طلع وسك الباب بقووو "
مهور : بل بلللل كسر الباب هالدفش
منول : انتي ليش رازه ويهج ؟
مهره : لاتنسين انه اخوي مثل ماهووو آخوج
منول : يآسبحححححححان الله توج تذكرين ان عندج اخووو آسمه ناصر ؟
مهره : جب.
منول : يجبج
مهره : منال انا اختج الكبيره احترميني ولا والله بوددددديج بداهيه والله
منول حطت ايدها ع خصرها : يلا انا اترياج ابي اجوف عمري ف داهيه :')
مهره : هه طيب، انا بادبج
منول : اوكيه وانا اترياج اتادبيني :) " ركبت عنها فوق "
.
.
تررن ترن
انا : اححم . . " قمت من عنده "
سيف ابتسم.
انا : هلا ؟
..... : ......
انا : هلااآ
.... : .....
انا : منو ويآي ؟
... : انا مهره لكن مابي سيف يدري . .
انا : اه اوه تبين شي ؟ " ابتعدت عن سيف "
مهره : هيه ابا اقولج شي ، ان ما ابتعدتي عن سيف بتنندمممممين اشد ندم لاني مابرحمكم ...
انا : جوفي حبيبتي بقولج كلمتين وحطيهن حلق بأذنج . . انا وسيف ما يفرقنا الا الموت والدرب عندج يلا فرقينا وخليني اندمممممم
مهره : هه والله راح اخليج تصيحين دممم تقولين طلقني طلقني .. والله ما اخليكم ويا بعض وتحملي نتيجةة كلامج. .
انا : مستعده اتحمل النتايج . . بس يقولج في ايات من القران تفج السحر
مهره بارتباك : وانا شلي اتقوليلي ها الكلام ؟
انا : لا بس اقولج يعني قلت يمكن ما تعرفين هالشي !!!!!!
مهره بارتباك : هه اعرف ومره ثانيه لا تعيدينها لآني مش محتاجه اعرف هالآشياااء .. واحسلي ابند عنج لان صوتج يابلي المرضضضضض !
انا : ابركها من ساعههههه .. " بندت عنها "
انا تميت اسال عمري من وين يابت رقمي . . ؟ اكيد من فون منول مايبيله شيي لكن شو سر هالكلام .. بتفرقنا ومادري شوه .. يعني شو هالشي اللي بيخليني اندم واصيح واقول طلقني طلقني ؟ غيررر السحر .. " لحظة هدوء " لا لا اعوووذ بالله شو سسسحر مستحيل توصل المواصيل فيها انها تسوي سحر لا مستحيل !
سيف : حبيبي وين رحتي ؟
انا : ها لا ماشي بس سرحت شويه !!!!
سيف : امم بطلي التلفزيون خلينا نجوف شي . .
انا : الحين الساعه عشششر .. بروح ابدل
رحت بدلت ماعرفت شلبس لبست بجامه بلون التيفاني .. وفيها اصفر وكانت حيل كيوتيه وحلوه وشعري رفعته فوق ونزلت قصتي عدلت جحالي ومسحت الشدو وكل شي . . حطيت مناكير اسلاميه بلون التيفاني . . ولبست نظارتي السودا الطبيه لان راسي يعورني ومش قادره اجوف :)
سيف : الله الله ماروم انا ماروم ياخي انتي تبين تذبحيني ؟ تبين تموتيني ؟ تبيني انتححر ؟ ياخي خفي علي شووي جمال ياخي جمممممال " باس راسي " ماشاء الله بسم الله عليج !
انا ابتسمت.
سيف : صراحه انا مش مال رومانسيه
انا ضحكت .
سيف : هههه والله انا ياي هني علشان نستانس يعني عادي لاتستحين . . " باس خدي "
انا : بلاك تبوس وايد اليوم ؟
سيف : احححب البوسسسس انا
انا : لانك طفس
سيف : خاصصصه يوم ابوسججج هني العشششق
انا احمريت
سيف ابتسم : ليش على طول تحمرين ؟
انا ابتسمت : مادري !!!
سيف : تعالي خ نطلع برع . .
انا قمت .. سبقته للبلكونه الجوووو كان بارد دشيت يبت جاكيت خفيف . . ولبسته !
سيف : كم كملتي ؟ " يطالع بطني "
انا : امم تقريباً شهر . .
سيف ابتسم : اصعب ثمآن شهور مب قادر اتريا !!!
انا ابتسمت له.
سيف باس بطني : خلا تطلع هاي والله من اول يوم بنيب غيرها
انا : حيوان ععيييييب
سيف ضحك.
انا : تباها بنيه ؟
سيف : اللي اي من الله حياه الله، لكن صراحه انا ابي بنات اكثثثثر ، احب البنات ودلعهم وكل شي فيهم ...
انا ابتسمت : ان شاء الله بنت لان انا بعد ف خاطري ايب بنوته واسحيها واكشخها . .
سيف باس بطني.
بعدها بشوي جفت منول داقه علي رديت عليهآ
انا : هلاااا
اسمع صوت صياح.
انا : منول شفيج ؟
منول تصيح وتصرخ :.....
انا : بلآجججججججج ؟
منول تصيح : حصوههه
منول تصيح : نصصصور نصصصصور
انا : بلآه ؟
منول : منجججججلب بالسياره .. الله يخليج خلي عبود يمرني اي شيييي اي حد ابا اروح اجوفه ..
انا ارتبكت : هااااااااه ؟ خلاص اوكيييي اوكككككككي
دقيت لعبود وانا ارجف خبرته يروح يشل منووول وقلتله السالفه وهو على طول بند ف ويههي !
سيف طلع من الحمام ويطالعني بتمعن : بلاج حبيبي ليش ترجفين
اقترب يود ايدي ..
انا : نصور انجلب بالسياره
سيف : هاه " رص ع ايدي " قومممي نروح له قومي
انا لبست عباتي ولبست نعال اسود وطلعت معاه ساق 180 وصلنا ف خمس دقايق تقريباً وصلنا المستشفى محد هناك على طول سالنا عنه قالولنا ف العمليات. .
انا : ليش فالعمليات ؟
سيف : حبيبي هدي بالج حياتي " يحظني ''
انا : ككككيف اهدي بالي نصور مثل عبود وربي الشآهد. .
سيف : ماعليه استهدي بالله ومن يطلع الدكتور بنسأله ليش ف العمليات انتي الحين اللي عليج انج تدعيله
يت منول عندنا وهي تصيح
منول : ويننووو ويننوو ؟
انا : فالعمليات
منول : لااااااا ليششششش ؟ " تصيح "
عبود : منول اذكري الله ولا تصيحين . .
رحت يلست عالكراسي البعيدهه شوي ويا سيف عندي تم حاظنني ويقولي استغفري ومن هالكلام
.
عبود : منول لا تصيحين صياحج ما بيفيده دعائج هو اللي بيفيده
منول : عبود هاا آخوووي الوحيد هذا اخوي حبيبي ربيعي امي ابوي كل شيي وربي لو مات بموووووت انا بموووت كيف اعيش بدووووووونه ككككككيف اخخخ يانصور قوم قوم مالي غيرك الله يخليك قوووووم . .
عبود اقترب وحظنها
منول ف حظن عبود وتصيح : عبود ابا نصوووور اباه
عبود : خلاص هدي بالج قلتلج صياحج مايفيد
الدكتور طلع ..
عبود : دكتووووووور شصار على ناصر
الدكتور نزل راسه : للآسف العمليه فشلت ..
منول تصرخ : لااااااااا جججججججذاب جذاب خلني انااآ برووووح بجوووف ابا اتاكددددددد جذاب والله جذاب جذاب " طاحت على الارض تصيح وتصرخ بصوت عالي جذذاب جذاب "
انا دموعي نزلت سيف حظني وتميت اصيح ف حظنه وعبود يلس ع الارض وبدت دموعه تنزل
عبود : لا ليش ياربي ليش الا نصور لا " يحط ايده ع ويهه وتنزل دموعه بهدوءء "
الدكتور : للحين في امل انه يعيش امممممل 20٪ لكن محتاجين دمممم في اقل من 5 دقايق
منول : انا وهوووو نفس فصيلةة الدمممممم . . دمممممي فدا عيونه هووووو يعيش وانا اللي امووووووت يلا دكتور يلااآ . . .
خذوا دم من منول ونقلوه لنصور
الدكتور : العمليه مستمره ..
بعد ساعه
الحمدلله قام نصور لكن ريله مكسوره وراسه مطرور ..
منول خبرت يدوه وخبرت الكل والكل اجتمع فالمستشفى . .
يدوه تيود راسه : لا اله الا آلله والله يا ناصر اذا سقت السياره مره ثانيه لا انا اعرفك ولا انته تعرفني شححححقه تسوق وانته ما عندك ليسن؟؟؟
نصور : متضايق يدوه متضايق ..
يدوه : متضايق يعني خلاص تنهي حياتك تروح من الوجود يعني تموووت ؟ هذا تخلف حبيبي ليششش ليش تخسر الدنيا بكبررها وتخلينا نخسرك عشان الضييييق ؟ حبيبي الدنيا ماتسوا والله ماتسوا وانا اقولك اياها !
نصور ابتسم .
عبود دق راسه بخفيف : يامينون والله من تقوم بالسلامه بدققك دق بخليك اترد اطيح فالمستشفى
نصور يود راسه : اييي " ابتسم " بنجوف منو بيدق الثاني يالسططططل !
عبود ابتسم : اوكيه
دشت منول حظنته وهو طايح : حبيبي اخووووي والله خوفتني عليك وايييد وايد ماتدري شكثر تاثرت والله صح اني ماصدقت الدكتور يوم قال مات بس مع ذلك وايد صحت كسرت عطوراتي كلهااآ وكل شي عندي . .
نصور : اختي حبيبتي ..
منول : اههه الحمممممدلله " تصرخ " الحمممدلله والله انا مالي غيرك فها الحياةة.
انا : اممم يلا خلوه يرتاح
نصور : منول قولي حق نوفيه تي بس بدون محد يحس عليها وانتي لهيهم شوي
منول : لا عادي لو دشت عندك محد بيقول شي تدري هممم عادي
نصور : يلا اوكيه . .
طلعنا برع منول قالت لنوفيه تروح لنصور وراحت له والكل جاف لكن عادي لان يدوه عارفه انهم مابيسون شي غلط والكباريه يعني قوم خالوه وام نصور محد واصلا مححححد يعرف غيرناا نحن الموجودين
نوفيه : خوفتني عليك وربي
نصور : بسم الله عليج !
نوفيه : تدري كنت خلاص حاسه انها نهآيتي ؟
نصور : بسم الله عليج حبيبي . . عل يومي قبلج بس انا ابا اقولج انهم وافقوا اني اخذجج..
نوفيه : الحمدلله يارب " ابتسمت ''
نصور ابتسم.
نوفيه : ليش سويت جيه ؟
نصور : كنت متضايق شوي
نوفيه : وربي ان صارلك شيييي او سويت شي مثل هالشي والله اني لانتحر
نصور : لاا شوه ادشين جهنم عشاني ؟
نوفيه : عيل لا تسوي شي ف عمرك . . ترا انته روحين مش روح وحده انا وياك انا روحي معاك ان صارلك شي يصيرلي وان تعبت انا اتعب ف عشاني لا تسوي شي مثل هذا المره اليايه. .
نصور ابتسم ع كلامهآ معنها كانت ترجف وتخربط ف كلامها لكن وايد حب اللي قالته حسسته بقيمته
نوفيه : اححححبك
وطلعت برع نصور صرخ : انا اكثر
كانت صوب الباب وسمعته وابتسمت
نصور ابتسم من قلب ع اللي سوته . .
بعدها دشينا كلنا عنده هجوم لان خلاص بنروح ...
انا : هههههههههههههه مينون يا نصور
عبود : لا ويسويلي جيه " يعيب ع نصور "
الكل : هههههههههههههه
انا : يلا نصور نجوفك باجر
نصور : ايه لا ، لا تسيرون :( انا ملان
عبود : بيمنعون الزياره اصلا.. وانا اللي بتم وياك
منول : انا
عبود : انا ..
منول : انااااا
نصور : لاحول خلاص لحد يتم حصوه بتم
منول تيود خصرها : لاااااا؟؟؟؟؟؟
سيف يود ايدي : ايه يلا مناك نصور مرتي اباها
عبود يطالع منول : خلاص بنروح انكلمهم ان انا وانتي انتم وياه. .
انا : بيقولون لا صددددقني .. سووا نفس يوم سويتوا يوم يدوه كانت تعبانه سووا ان عندكم عيوز
منول : لاااااا علشان عبود يرد يضحك علي .؟؟؟
عبود : ههههههههه هيه احيد شكلج كان يضضضضضحك
منول : جببببب جببببب خلاص انا بروح بس باجر دوري . .
عبود : خلاص تم ...
انا : يلا منول خلينا نروح علشان بيخلص وقت الزيارة !
عبود : يلا بايييييييي منول
منول : عبود خلني انا اتم وياه.
الدكتوره دشت : لو سمحتوا خلص وقت الزياره
عبود : يلا برع برع
الدكتوره تاشر لعبود : يلا لو سمحت الوقت خلص
عبود : شووووه انا بتم وياه
الدكتوره : لا، المريض ناصر يتنا وحده عيوز قالت هي بتم معاه حرمه عوده
يدوه دشت : هيه انا يلا روحوا
عبود : يدوه لا انتي ردي انا بتم وياهة
يدوه : لا روح بقولك ليش لان ابوك وعمومك راحوا بوظبي .. عندهم شغل ف الشركه هناك وباجر بيون والحريم ف بيوتهن والبنات كلهم بيباتون ف بيتكم والاولاد بعددد ف روح ايلس ويا الاولاد وانا بتم هني !!!
نصور : افاااااااااا بتطووووووفني الليله ؟؟؟؟
يدوه : افا عليك قالوا بيعيدونها بعد لان الريايل بيردون يروحون بوظبي مره ثانيه بس متى مادري. .
نصور : هيييييه اوكييييي
انا : عاد نحن بنروح . .
عبود يطالع سيف : وين اترد دبي فها الوقت مينون انت ؟
سيف : لا يا ريال جوف التاريخ اليوم ... ههههه مودي حرمتي انا نحتفل بيوم ميلادها وهااااا.... " سكت وغمز ل عبود "
انا احمريت شقاااا انحححححرجت من نظره عبود وابتسامته .. جد جد قفطت.
عبود : ههههه ياعيني على اختي انا
انا محمره : ججججب
عبود : خلاص عيل انا بودي منول وياي !!
منول هزت راسها بالايجاب
رحنا نحن
سيف مبتسم : ليش تستحين ؟
انا : جب، والله انته وايد تحرجني ....
سيف يود ايدي : انزين شو يعني نحتفل بيوم زواجناا. .
انا احمريت
سيف : لا حول ويهج انتي على طول يستوي احمر " قرص ويهي "
انا : هههه هيه اصلا لا اراديا يستوي !!!
.
.
عبود : يلا منوووول
منول : زيين لا تصرخ يايه تراني
عبود : يايه ولا لحمه .. " ابتسم " فهمتيها ؟
منول : هههههه سخيف
عبود ابتسم من خاطره لآن جد جد افتقد سوالفها معاه واستهبالهم
منول : شفيك ساكت مش بالععاده ؟
عبود يصدلها : شقصدج انا حشره ؟!!
منول : ههههه هيه
عبود : اوكيكيكييكيكيكي شوفي منو بيوديج " اتشقق ومشى بسرعه عنها واتجدمهآ "
منول بدون لا تحس يودت كتفه : لا تستهبل لاه عبود
عبود ابتسم : اروم اخليج انا ؟ لسانج اطول عنج !!!
منول ابتسمت ونزلت ايدها : مابتعزمني ع كرك ؟
عبود : هاي اللي بتفلسني الحين . .
منول " فتحت عيونها ع وسعهن " : الا هو بريااااآل ونص :))))
عبود ابتسم ويجوف عيونها : هههه ريال ع ريال ريالين على ثمان عشر عشر على عشر عشرين
منول تقاطعه : خلاصصصصص جب مابي
عبود : استهبل استهبل افا عليج انتي بس..
رن تلفون عبود وطلعه من جيبه...
عبود : هلا بالزين كله هلا ... ماقلتي بترقدين .... ايوا .... ان شاء الله فديتج .. ههه سلملييييي ... تاهتتتتتتتت ؟ هههههههههههههه قصدج طاحت ولا تاهت ؟ ..... اوكي اوكي ههههههه كملي ....... ان شاء الله ... يوم برد البيت ... مع السلامه ... انا اكثر .. باي
منول : تاهت ؟
عبود : ههههههههههه تقول اربيعتها تاهت انا اتحراها تقصد طاحت هههه
منول : هههههههه اهبل
عبود : ابا احظن حرمتي ناقص حنان انا :(
منول باستغراب : حرمتك ؟؟؟؟
عبود : نصور نصور اخوج حرمتي .. ولا بينا ولد بعد " يدلع ويحرك راسه "
منول تضربه بقوو ع جتفه : يالسبال عيييييب هههههه
عبود : ههههههههه اوكي اوكي
منول : يلا ها هكو الدكان مال المستشفى روح اطلب .. راح عبود وطلب وبعدها وصلها بيتنا لان الكل بيرقد هناك ونزلت وهو يحس باحساس غريب بعده قلبه يدق بقربها بعده يضحك من قلب معآها من يلس وياها نسى كل شي بعده يحبها بعده عبود لا يمكن ينسى منول ف يوم لآيمكن . . .
.
.
سيف : منو يدق ؟
انا : عليوه اختك . .
سيف ابتسم
انا : هلا علايه هلا
سيف يطالعني بتركيز وانا واقفه وانا استحيت من نظراته ..
عليا : حصوووه شحالج ؟
انا : تمام .. الحمدلله
عليا : دوم ان شاء الله حبيبتي !
انا : انتي شحالج ؟
عليا : تمامنيشن !!
انا : دوم ان شاء الله، غريبه عليوه داقه فها الوقت بغيتي شي ؟
عليا : هيه، ترومين تين وياي باجر ملجه ربيعتي . . مال ساعه بس وبنرد
انا : اممم باجججر عاد ؟
عليا : انا رمست سواف وهو قالي اذا هي بتروح وياج وعادي عندها انا ماعندي مانع . واذا تحاتين الصالون وجيه هي قالتلي الملجه خفيفه وبسيطه وبنتعدل فالبيت. . واللبس البسي اي شي من كناديرج الحلوه القصار وخلصت السالفه، الله يخليج حصوووووووه
انا : هههههه اوكي خلاص تممم . .
عليا : فديتج فديتج فديتج يآ احلى مرت اخوو
انا : هههه فدا
سيف سحب الفون عني : عليوه يلا باي
انا اطالعه باستغراب : بلاآك
سيف : ليش تتفداج ؟
انا ابتسمت : عادي يعني.
سيف : خلاص فديت منول وشويخ " يطالعني ويتريا مني شي "
انا ابتسمت : الله ع الغيره . .
سيف سحبني من خصري : جفتي كيف " باس يبهتي "
انا : اممم ماسالت عليوه عن
سيف قاطعني : باجر باجر سأليها
انا ابتسمت : خلني اكمل كلامي ع الاقل ؟
سيف ابتسم : ان شاء الله يلا تعالي ننام تعبان انا
.
.
عبود ف خاطره : عبود انته شفيك الحين حمدوه ولا منول حدد " يحط ايده ع قلبه " مايصير اثنين والله مايصير . . لاالا شفيني منول اونه هه هي اللي هدتني خ تتحمل . . وحمدوه هي الحب بسسس كيف انا احب حمدوه وافكر ف منول واغار ع منول واحب سوالف منول وكل شي فيهآ وكل ما اسرح هي تطري على بالي " تنهد وطاح ع الشبريه وبعد طول تفكير رقد "
ع الساعه 10 الصبح
اسوم تدق باب غرفه عبود
عبود : دشش
" ترررن ترررن "
عبود : هاااااااااه ؟
حمده : ويعاه شفيك ؟
دخلت اسوم الغرفه وقفت صوب الباب
عبود : حمود حد يدق هالوقت ؟
حمده : حمود
عبود : شو تبا ياريال؟
حمده : عبووود ركز معاي انا حمدوه
عبود : ها ها شو تقولين اسوم ؟
اسوم : اقولك خلود ويييييين ؟
عبود : راح الدوام يمكن. .
حمده : ايوا ايوا .. بس اسوم شو تسوي عندك ؟
عبود : يآيه تسال عن خلود ') كيف عرفتي انها اسوم ؟
حمده : خمنت ههههه ، زين حبيبي ؟
عبود : حبيبي " غمض عينه " ماقلتي انج مابدقين ؟
حمده : هيه بس دامني رمت قلت خلا ادق لو ثواني . . .
عبود : ي لبى قلبج
حمده : فدا عيونك
عبود : احبج
حمده : انا اكثر ❤❤
حمده : يلا ببند عنك حميدوه يا... باي
عبود : باي.
طلع برع الغرفه بوزار وفانيله وبشعره المتكشكش
منول ابتسمت وبصوت خفيف : مينون..
عبود : ييييييوعان سولي شي اكله
اسوم : شو تبا تدح ؟
عبود : بللللل بببل شو تبا تدح ؟؟ " يبتسم " عدليها اشوف عدليهآ ...
اسوم : تزطط
عبود : هههههه ماشي امل دفشه ولين اخر يوم لج ... المهم سويلي بيض . . توسست اي شي يوعان
اسوم تطالع منول : انتي سويله مش فايجه انا
عبود : هي يلا منول سويلي
منول راحت المطبخ تسويله سليس مع عسل وجبن وحطت له ف كوب كوكتيل بارد وزينت الصحن بالزيتون والخيار والفروله و ودت له الغرفه حطته ع الشبريه .. طلع من الحمام شاف الاكل ..
عبود ابتسم : اححححلى ريوق وقسم بالله ❤
.
منول : اقولكم بتروحون وياي عند نصور ؟
نوفيه : اكيد بنروح ..
شويخ تطالع نوفيه باستغراب انها جريئه وعادي عندها جدامنا تقول عن نصور معنها هي وايد خجوله وتستحي.
منول تطالع نوفيه : اوه الحبيبه مشتاقه لنصور !!
نوفيه : هههههه جب جب مايخصج
منول ابتسمت.
اسوم : منول شفيج ؟
منول تطالع اسوم : بلاني بسم الله ؟
اسوم : فرححححانه وايد يعني ماشاء الله ويعله مديم .. لكن مش بالعاده من هذا ما استآنستي جيه شصاير وياج ؟
منول اتقربت منهم : شقولكم شقولكم ياخي والله امس كان يوم حلوووو وايد وايد .. " تنزل راسها "
شواخ : ليش ؟
منول : الفليل يوم رديت ويا عبود . . مادري يعني حسيته عادي معاي . . حسيته نسى اللي كان بينا
شواخ : ويفرحج انه نسى اللي بينكم ب لحظظظظه ؟؟؟؟
منول : مش جيه حستيه يكلمني عادي مش جنه مجروح مني يضحك معاي ويستهبل معاي حسيته طططيب وايد طيب والله مشتاقتله مشتاقلته وايد بعد :((((( " تنزل دموعها "
اسوم تحظنها : خلاص حبيبتي خلاص هدي كل شي مع الايام بتنسينه!!
منول تصيح : بنسى كل شي مع الايام الا عبود مستحيل انساه لأني حبيته حب مش عادي والله حب كبير... " تنزل دموعها بغزاره " من سنين وانا احبه كيف راح انساه ؟ والله كيف .. انا ندمانه والله ندمانه ع اللي سويته
عبود واقف صوب باب غرفته و يسمعها وتنزل دموعه : انا بعد مشتاقلج منول والله مشتاق لسوالفج وياي مشتاق ابوسج، احظنج، اعصب عليج مشتاق لكل شي :( احلى ايام عمري كانت وياج " يحط ايده ع راسج " حتى حمده مارامت تنسيني اياج :( كفايه فقدت اميه والحين فقدتج اخخ ياربيه بس.
قام وغسل ويهه لبس كندوره بنيه وتغتر بغتره بيضاء ونعال ابيض وطلع الصاله
عبود : احححم احممم
منول : حياك حياك
عبود : يلا انا ساير تبون شي ؟
اسوم : ع ويييين يا حبيبي ع وين ؟؟؟؟ بتوصلنا عند نصور اول.
عبود ابتسم : يالمينونه انا من الاساس بروح عند نصور، يلا اترياكم فالسياره انا.
منول : حيوانه حبيبي والله
اسوم : هههههههه غارت الحبيبه غارت، لا ما اقصد حبيبي خسي الا هوووو =))
.
.
سيف : حبيبي قومي
انا قمت : ها حبيبي
سيف : نشي خلااص
انا : ليش حياتي ؟
سيف : نشي وايد رقدتي خلاص..
انا : اووف سيف ابي انام
سيف : خلاص خلاص قومي يلا بلا دلع ..
نشيت عنه دشيت الحمام خذت لي شور ع السريع لبست لي لبس عادي مال البيت يعني وخليت شعري مبطل وهو خرسان بس سحيته واتعطرت وطلعت له برع ..
سيف يطالعني : هلا بالزين هلا " ابتسم " ريحة عطرج واصله قبلج تدرين ؟
انا : هههه
سيف يحظني : فديت انا هاي الريحه علني ما خلا منها
انا : فديت روحك
سيف يجابلني ويقترب مني : احبج
انا احط ايدي ع خده : انا اكثر " بست خده ''
ابتعدت عنه ورحت سويت اكل خفييييف وقعدنا ناكل .. بعد ماخلصنا اكل ..
سيف : قومي نسبح ف الحوض ..
انا : لاااا شكرا مابي انته روحك اسبح وانا بجوفك
سيف : قومي قومي تعالي لاه ..
انا : مابي ..
سيف : اوكييكيكيكيكيكيكي " سوا روحه زعلان. "
انا : ازعل اصلا عادي.
سيف : سباله سباله مادري ع منو طالعه !!!!؟
انا : ههه عليك
سيف : المهم قومي يلآ
انا : قلت مابي.
سيف : ليش انزين ؟
انا : بس جيه
سيف : خلاص اوكيه انتي جوفيني بس
سيف فصخ فانيلته ونط فالحوض. .
انا : تدري شو ؟ خاطري اسبح ف حوض فيه ثلج والماي بااااااااااااااارد :')
سيف : تعالي الماي بارد هني :')
انا : جذاب
سيف : ماتصدقيني تعالي حطي ريلج واذا مب بارد شليها
انا : اوكي ..
يلست حطيت ريلي ف الماي لكن الماي طلع دافي يعني عادي .. مش بارد يت ابا اقوم سحبني سيف وخلاني كامله ف الحوض مش بس ريولي.
انا : سخخخخخخيف
سيف : هههههههههه عرفت كيف ايبج !!
انا : سبال
سيف : ههههه
.
.
منول دشت عند نصور : هلااااا والله
نصور : هلا هلا
دشت نوفيه : السلام عليكم.
نصور عيونه عليها : وعليكم السلام . .
عبود : هااا بن عمي شو حالتك الحين ؟
نصور : اصلاً انا مافيه شي ..
عبود : والدليل انك مكسسسر بكبرك!!!
منول ضحكت بصوت مسموع وعالي : هههههههههههه
عبود اطالعها وابتسم : لها الدرجه عيبتج ؟
منول ابتسمت : هههههه
نصور يطالع عبود : خبله خبله ماعليك منها
اسوم دشت : هلا
نصور : اهلين
شويخ : اقول نصور مش جنه يدوه كانت بايته عندك امس ؟
نصور : هيه
شويخ : عيل وينها ؟
نصور : راحتتتت بتيب غدا من مادري وين . .
عبود : متى بيطلعونك ؟
نصور : باجججر :(
عبود : ايوا ايوا
اسوم : اهم شي ما انضربت ف خشمك نصور ولا جان اتعفص ..
نصور : بايخه
منول : ههههههههههههه
عبود ابتسم ويطالع نصور : والله فيها شي اختك ..
نصور : متيننه . .
منول ابتسمت : هههه لا والله انتوا اتضحكون ..
دشت الدكتوره : ناسر انته جين ؟
منو : ناسرر ههههههههههه
الكل : هههههههه
نصور هز براسه.
.
.
ع الساعه 5
انا : اوكي بس متى بتين ؟
عليا : الحين وصلت قريبه من الفندق ...
انا : اوكيه يلا اترياج !!!
عليا : وصلت يلا تعالي اترياج . .
انا : اوكيه يلا باي ..
بندت عنها ومشيت مع سيفوه ركبت معاها وهو ركب سيارته وراح بس وين ماقالي.
انا : هلا والله
عليا : اهلين
انا : شحالج
عليا : تمام .. يلا راويني كيف قصيتي شعرج وكيف صبغتيه
انا فتحت شعري لان السياره فيها مخفي والدريوله اللي يايبه عليوه
عليوه : طططططر يالخايسه والله محلنج اللون زياده ع حلاج ماشاء الله <3
انا ابتسمت.
عليوه : ياحظه اخوي فيج.
انا : سبال اخوج . .
عليوه : ههههه ليش بعد ؟
انا : اساله وين بتروح يقولي بروح اطمشش ع المغربيات اللي ف المقهى سالته صدق قالي لا وحد دق عليه وعقب ركب سيارته.
عليوه : ماعليج منه هذا يجوف غيرج ؟ مستحيل هههه بس يقص عليج يباج تغارين عليه صدقيني.
انا : انزين تعالي انا امس رايحه الصالون يعني ماله داعي اروح اليوم اذا هي بس حفله ..
عليوه : هي انزين ما بنطول لان انا اصلا روحي امس رايحه ف ماله داعي بس يا دوب بسوي شعري ..
انا : ليش شعرج حلو فليه.
عليوه : لا كله افله خلاص مليت بسوي شي يديد انتي فليه
انا : اوكيه
عليوه : بعطيج الثياب انتي لبسيهم .. لان انا بلبس نفسج يعني بنطقممم ..
انا : اوكي
انا استغربت منها لكن طوفتها . .
رحنا الصالون سوت شعرها وفالصالون حطيت انا مناكير حمرا وبعدها ردينا الفندق دشينا الشقه مالتنا ويلسنا انطبع الثياب من الاكياس ..
انا : اممم عيل ليش مالج غير ؟
عليوه ابتسمت : يلا يلا لبسي هذا الكحلي ..
شليته دشيت الغرفه لبسته هو عباره عن فستان لين الركب حرير كحلي وفي شريطه حرير فالنص مع فيونكه حمرا مش حمرا حمرا لا .. ها الاحمر اللي ياي ع البرتقالي .. وعلى حسن حظي اني يايبه نعال احمر ها اللون ف لبسته ولبست التاج اللي نفس اللي ف اللبس وكان احمر ونزلت قصتي وحطيت روج احمر واتعدلت ع الخفيف واتعطرت وتبخرت ولبست اكسسوارات حمرا وشليت شنطه كحليه كانت يايبتنها عليوه ولبست عباتي الكحليه .. وطلعت لها جفتها تتعدل ..
انا : متى بنروح
عليوه : الحين يلااا .. " صدت جافتني " ماشاء الله ماشاء الله عليج حصوه شها الجمال تف تف ماشاء الله جمممميله..
انا ابتسمت : عيونج الاحلى حبيبتي ..
عليوه : ماشاء الله عليج يوم اقول ياحظه اخوي (:
انا : هههه استحي
عليوه : هههه يلا نروح
رحت عنها الغرفه لان تلفونها رن ف قلت يمكن تبي تاخذ راحتها وهي تتكلم ف رحت اعدل المكياج شوي.
عليوه : ها البنات هناك ؟ . . اوكي الحين ياين . . بند بند باي !!!!
انا : يلا سرينا ؟
عليوه تلبس العباه سرينا ..
الساعه تقريبا كانت سبع رحنا القاعه استغربت ان ملجه والسياير شويه شو السالفه ؟ نزلت معاها دخلنا وفجآههه القاعه ظلاممممممممممم مره وحده...
.
.
.
.
.
.
.
.
البنات كلهم يغنون Happy birthDay 2 you Happy BirthDay 2 you happy birthDay happy birthDay happy birthDay 2 79owh cha cha cha 🎉🎉🎉🎉
اتقربت منهم لين الشموع عيوني دمعت من الفرحه ونفخت طفيت الشموع .. واتبطلوا الليتات واتبطلت الاغاني
انا اطالع عليوه : هههه سباله قصيتي علي " حظنتها "
عليوه : ههههههه انا مالي خصص ها الكلام توجهينه حق اللي برع مب حقي . .
انا فصخت عباتي .. : منوو ؟
عليوه : منو غيره سواف !!!
انا ابتسمت من قلبي جد جد فرحني ها الشي ~ طلعت برع بدون عباه لان من بعد القاعه باب وها الباب يطلعج برع ف محد يجوف .. جفته واقف مشيت صوبه وحظنته
سيف : هههه كل عام وانتي بخير " مدالي علبه صغيره .. "
انا خذيتها واحمريت
سيف سحبني قربني منه : ماروم انا ماروم ياخي جميله جميله اكلج اكلج ~ ؟
انا بسته ع خده : فديتك سيفوه فديتك ماتدري شقا استانست
سيف : ها اللي اباه حبيبي " باسني ع خدي "
انا " حظنته ونزلت دمعه حاره مني ماعرف ليش " : احبكككك
سيف سحبني ومسح الدمعه : انا اعشقج اهواج اموت فيج "باسني ع يبهتي" يلا روحي ويا البنات كلوا وارقصوا " غمز لي "
انا : هههههه لا تخاف ماعرف ارقص
سيف : ههههههه، قوليلهم بعد ان عقب ساعتين يعني ع الساعه تسع الاولاد بيون بيتعشون .. لان نحن بنروح عند نصور الحين.
انا : ان شاء الله حبيبي
رحت عنه وقبل لا ادش القاعه فتحت العلبه لقيته خاتم ذهب نفس اللي قلتله عيبني . ابتسمت من قلبي ودخلت لقيتهم يرقصون قعدت اطالعهم واكل الكيكه ..
مهره تدش وتصرخ : هههههههههه مسكين حالج حصصصصصصصوه =))
انا اتجمدت عندها : نعم مهره نعم ؟ آنا ما اروم افتك منج ولا شوو ؟
مهره : هههههههه والله لاخليج تندمين اشد ندم
انا : يلاااا انزين . .
اسوم : مهره برع ... نحن مش فالبيت واقصري الشررر
مهره : يوم بتكون القاعه قاعةة ابوج تعالي كلميني
منول : مهرره خلاص خلاص هدي حصصصصوه ف حالهآ . . يعني يايه لين هنه بس عسب تعكريم مزاجها ؟
مهره : حصوه لا تصدقين عمرج وتقولين " سيف سوالي حفله لانه يحبني " لاااا حبيبتي سوآلج لانه يبي يوهمج بحبه علشان يراويج انه يحبج وانه نساني لكن آنا اللي سيف يحبني انااا مش انتي فآهمه ؟
طلعت مهره وهي تضحك انا واقفه مكاني مادري شفيني كنت بلا شعور كنت مش حاسه ف عمري . .
منول : حصوه هدي وماعليج منهاا هآي اكبر خريييطه فالعالم انآ اختها واقولج اياها .. وبعدين تلقينها غيرانه وسواف لو مايحبج جان ماصرف عليج هالكثر وسوالج ها كله والله صدقيني ان سيفوه يموووووت فيج . . ومهره نساها والدليل يوم افترقتوا كان شبببببه ميت لكن من رديتيله ردتله الضحكه ها دليل ان انتي اللي سيف يحبها مش هي!!!
اسوم هزت راسها : هيه والله
انا ابتسمت .. : خلاص ماصار شي
نوفيه : هي حبيبتي خليها تولي ولا تعكرين مزاجج عشانها . .
اسوم : يلااا يلا قومي نرقص
انا : ههههه لا ما اعرف ارقص =))
اسوم ابتسمت : قومي يلا اجوف وبلا دلع !!
.
.
سيف : يا رييييييييال ~
عبود : ماعليك منه خريييييط
نصور : ههههههههه والله صدق صدق
عبود : جذاب
نصور : اوهو عبود بتندق !!
رشود : اي بتندقق ههههه متجسح انته وين تروم =))؟
نصور : جب جب انته الثاني . .
سيف : ايه يلا نشوا انروح عند البنات
نصور : ايه لا ابا اسير :(
سيف " قاعد يدز الشبريه "
عبود : شو تسوي ؟
سيف : بدزه بنوديه ويانا وبنرده
خلود : تستهبل ؟
سيف : والله صدق بلآكم .. بنوديه وبنخليهم يعطونا كرسي عسب يلس بو ريل مكسوره وبنوديه وعقب بنرده ..
حمود : مابيخلونه يطلع صدقني
سيف : بقولهم بطلعه ع مسؤوليتي ~
عبود : تمام " دزوا الشبريه "
نصور : انا حاس اني بطيح بدش ف اقرب ايدار شي جيه
سيف يدز الشبريه : هههههههههه
عبود : سواف يالجوووله دزه عدل ولا والله بيطيح هههههه
الدكتوره شهقت : هاذي شنووووووو ؟
نصور : يود انته النقعه اونه هاذي شنو
خلود : بحرينيه يالمينون " ضربه ع راسه "
نصور : آاااآاااااآيي " يود راسه "
عبود : والله ع مسؤوليته " ياشر ع سواف "
الدكتوره : اني اسفه ماقدر
سيف : ليشش ؟ والله شي مممممهم !!
الدكتوره : مايصير
نصور : بروح دقيقه وبرد يلا يلا دكتوره
الدكتوره : خلاص عندكم ساعه بس !
سيف : يلا اوكي نبا كرسي . .
يابوا كرسي وحطوا نصور ومشوا طالعين من المستشفى
عبود : اشوح ويل ؟
نصور : لعوزتوني تراكم.
عبود يدزه بسرعه : هههههه
نصور : عبود بدقك ترا
رشود ضحك : هههههه ذليتنا لا !!!
.
.