منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

.

البارت الـ 157

فهد : انتي خلاص كبيره وبتروحين الرووووضه .!!

ريموه : مابي ألووووووووح

فهد : ليش ما تبيني تلللووووووحين . .

روضة : فهوووود رمسها عدل . . كيف بتتعلم الرمسه العدله دامك ماتعلمها الصح

فهد يبتسم : انزين اسف . .

روضة : جسسسوم تعال اهني . .

جسوم تام يركض من مكان لـ مكان ومسوي حشره . .

روضة : جسسسسوووووووم يالله تعاااااااال . .

جسوم من بعيد يصارخ : لااااااااااااااااااا

روضة تمشي وراه : يلا عاااد جسوم اسمع الكلااااااام . . شوف ووفوي شاطره سارت لبست وفرشت اسنانها ولبست ملابس حلوه . . حتى ريم . . انت بس ريحتك خايسه . . يالله تعال

جسوم يطلع لسانه : مااااااااااباااااا

فهد يصارخ : جاسسسسسسسسسم !!!!!!!!!!!!!!!!!!!!!!!

جسوم وقف . .

فهد يصارخ وبعصبيه : اسمع الكلام يالله روح ألبس وتغسل . .

جسوم تجمعت الدموع فعينه . .

فهد : بسرعه يلااااا ولا بضررررررربك . .

روضة تطالع فهد ومنصدمه . .

جسوم ربع صوب روضة وحظنها . . : خالووووووووووو

روضة : بس حبيبي خلاص . . يالله نروح نتغسل . .

وسحبت من ايده من دون ما تطالع فهد وراحت بدلت له ملابسه وغسلته . . وعقبها ودته حجرته ولحفته . .

روضة : نام حبيبي . . " باست راسه "

جسوم : فهود يذربني

روضة : عيب لا تقول فهود . . قول عمي

جسوم : مااااااااااابا

روضة :عيب انت شاطر تسمع الكلام . .

جسوم : ما اهببببببببه ما اهبببببه

روضة تتنهد . .

جسوم غمض عينه . .

روضه مسحت ع شعره وباست راسه وطلعت من الغرفه . .

دشت الغرفه الثانيه شافت فهد يايب ريموه ويحطها ع السرير . . ولاحظت السرير الثاني وفوي طايحه ع السرير بعد ومغمضه . .

طلعت من الحجره بضيج فظيع وطلعت من البيت وقعدت فالحوش مجابل الزراعه . .

عقبها بربع ساعه . . يا فهد . .

فهد ياها من وراها . . لبسها شال ومدالها كوب : بتمرضين . . كيف طالعه جيه ؟

سحبت روضة الكوب بابتسامه مصنطعه وما قالت شي . .

فهد سحب له كرسي وقعد مجابلنها بحيث مغطي عليها وماتشوف الا هو . .

فهد : شوه فيج ؟

روضة تحرك باصابعها على الكوب من دون ما تشوفه : مافيني شي . .

فهد : طالعيني وقوليلي شوه فيج ؟

روضة تطالعه بهدوء وبابتسامه بارده : قلتلك مافيني شي . .

فهد : زعلتي لاني هزبت جسوم ؟

روضة : . .

فهد : شوه الي زعلج ارمسي خليني اناقشج . .

روضة : عيال عبدالله عندي امانه . . انا عمري ما هزبتهم ولا كلمتهم بالاسلوب الي انت رمست جاسم فيه

فهد : قبل كل شي بسألج سؤال . .

روضة تطالعه . .

فهد : انتي تعتبرينهم عيالج ؟

روضة : شو هالسؤال ؟؟؟

فهد : جاوبيني ؟؟

روضة : هيه اكيد اعتبرهم عيالي ولا ما بداريهم لهالدرجه . .

فهد : حلوو . . " سحب الكوب عنها وخلاه ع الطاوله . . ومسك ايدينها الهنتين " وانا اعتبرهم شرات عيالي . . " يبتسم " ولاني اعتبرهم شرات عيالي . . شرات ريموه اهزبهم ..

روضة تطالعه . .

فهد : بتقوليلي انت ما تهزب ريموه ابد ؟ بقولج ريموه ما لعوزت حرمتي . . ريموه ما خلتج تركضين وراها كل شوي وتترجينها عسبت تبدل ثيابها . .

روضة اتفاجئت من كلامه . .

فهد : كل شي بتحمله وبسكت عنه عادي . . حشرتهم ! ضرابتهم ! تكسريهم! تكفيخهم بين بعض ! الا انهم يلعوزونج . . " يبتسم " وبعدين هاييل عيالنا . . قد مره شفتي ابو وام ما هزبو عيالهم ؟ جاوبيني . .

روضه : لا . .

فهد : شفتي كيف . . كل ام تتعب وتهزب وتضرب من التعب . . وكل ابو يبا يرتاح ويرد البيت يشوف صدعه ويهزززب . . ها شي وايد عادي لا تعتبرينه كبير . . دامني اعتبرهم عيالي لي الحق في هالشي . . وانا اول مره الاحظ انه يلعوزج جيه ! وانا ااقولج اياها . . أي حد بيلعوزج بهزبه ..

ابتسمت روضه . .

فهد ابتسم : ها شوو . .

روضة نزلت راسها : ماشي . .

فهد : شو ماشي . . وصلتج المعلومه ولا ؟

روضة : وصلتني . .

فهد : ادري انتي مدارتنهم وحاطتنهم في عيونج ومش مخليه حد يقولهم حرف واحد . . بس هاييل عيالناوعايشين معانا بنفس البيت لنا الحق نربيهم ونعلمهم الصح من الغلط . . ترا اللين ما يفيد طول الوقت . لازم نششد عليهم صح ولا لاء ؟

روضة : صح . .

فهد يبتسم : والحين انتي زعلانه ؟

روضة : لا مش زعلانه والله

فهد : لا زعلانه

روضة : لا والله حلفت مش زعلانه

فهد : اثبتيلي ..

روضة : كيف اثبتلك ؟

فهد : بوسيني اهني واهني " ويبتسم اكثر " واهني ؟

روضة : لااااااااا والله

فهد : عيل زعلانه . .

ابتسمت روضه بحيا وتقربت منه ..

Cut

.

.

.

منصور : انزل انزل ماتعرف تسسسسسوق انته

سلطان : منصور بصمك طراق والله . . وخر عني خلني اسوق عدل

منصور يلعب بـ لحية سلطان ويقرقطه

سلطان يضرب منصور ع جتفه : وخرررررررررررر

عذاري ورا يالسه وبس تضحك ..

سلطان : انتي شعندج تضحكين ؟ بدال لا تهزبين اخوج . ؟؟ شوفيه ممن طلعنا من بيتكم وهو يالس يلعوزني ؟

منصور : عذاري ما ترضى علي ولا راح تهزبني . .

عذاري : شوف منصور من الصبح ساكته عنك . . لكنك مصختها يعني . . بسك . . " بحيا واضح " ما يهون علي ترا . .

سلطان يبتسم ويغمز لمنصور : اسمع اسمع . .

منصور : انزين عذوووووووور .. انزين مسوده الويه . . " يطالع سلطان " وانت تضحك ؟؟ شقيت الحلج اشوووووفك . . عايبتنك الرمسه . .

سلطان مبتسم : اف ياريال . . عذبتني الرمسه مش بس عيبتني . .

عذاري : بس عااااااااااااااااد . .

منصور : وقف وقف شوي عند السوبرماركت . . بروح باخذلي جبسات وحلاوه . .

وقف سلطان . .

منصور : تبون شي ؟

سلطان : هيه خذ كيك وكثر من الحلاو والاجباس وعصاير عسبت عذور تنزله في بيت البنت . .

منصور : اوكي . .

ونزل منصور .

سلطان يصد ورا ومبتسم . .

عذاري بحيا : بلاك تطالعني ؟

سلطان : مستانس . .

عذاري تبتسم : ان شاء الله دوم حبييبي . .

سلطان " يعلني ما خلا من هالويه . . يعلني ما خلا من هالحلا والدلال " : يالدبه

عذاري فاجه عينها : انا دبه ؟

سلطان : هيه دبه . . شوفي كرشتج واصلتلي لين جدام

عذاري تحط ايدها ع بطنها : انا مافيني كرششششششه

سلطان ابتسم : فيج فيج .. دببببببه . .

عذاري تضربه ع خفيف ع صدره : ايه عاد . .

سلطان مسك ايدها : تضربين ريلج حبيبج ..

عذاري : ليش تقولي دبه . .

سلطان : دبه . . شعندج ؟

عذاري : سلطاااااااان

سلطان : دببببببببه . . خبريني شو بتسوين

عذاري : بعضك والله

سلطان مبتسم : لو فيج خير . .

عذاري نزلت راسها وعظت ايده الي في ايدها باقوى ما عندها وماوخرت عنه لين سمعت

سلطان : اااااااااااااااااااااااااااااااااااااااااااااااااا ااااااااااااااااااااااااااااااااااااااااااخخخخخخخخ خخخخخخخخخخ

عذاري رفعت راسها : شت

سلطان تغير لونه بالمممممممره وفاج عينه يطالعها : تمسااااااااااااااااح ؟؟؟؟؟؟؟

سحب ايده وتم قابضنها بايده الثانيه : عورتيني والله

عذاري : اويييه . . سوري حبييييييييييبيي والله سوري . انت ليش تتحداني ان شاء الله

سلطان : وخري وخري عني . .

قعد ع السيت عدل من دون ما يصدلها . . اما هيه تقربت ويلست ع البكس الي بين السيتين الي جدام . .

سلطان : ردي ورا بتكسرين البكس يالدبه . .

عذاري : سلطان عاد . . هات ايدك . .

سلطان يطالعها عين بعين : مابا . . وخري عني . .

عذاري : يلا عاد هات . .

سلطان : تلومتي عقب ما عورتيني هاه ؟

عذاري تطالعه : هيه تلومت . .

سلطان يمدلها ايده . . عذاري فجت عينها : اويه استوي بنفسجي . .

سلطان : قلتلج تمساح ما صدقتيني . .

عذاري تمت تمسح على ايده . :.

سلطان : شوهتي ايدي . . ادري انج تغارين من جمالي وما تبين البنات يطالعوني لكن ايدي شذنبها ؟

عذاري قربت ايده من شفاتها وباست ايده بحنان . . : انا اسفه حياتي . .

سلطان ذاب وعشان ماتشوف رده فعله صد الصوب الثاني وغمض عينها وهو بس يقول " فديتها "

عذاري : سلطان عاد . . طااااااااالعني انزييييين . . !!

سلطان صدلها وكانت هيه قريبه منه . . وبهدوء : شتبين انتي . . تبين تسوين مشاكل ؟؟ ردي ورا قبل ما اكلج والله

عذاري : هاه .. " بلعت ريجها "

سلطان : قلتلج روحي ورى خلاص .. ماتعورني . .

عذاري بعدها تطالعه من صدمتها في كلامه ماتحركت . .

سلطان : عذور . . " يطالعها عين بعين " ردي ورى خلصيني ولا بتهور . .

عذاري تبلع ريجها وارتبكت وماتعرف شو تسوي . .

سلطان قفل باب السياره بسرعه وووووووووووو بآسهآ . .

Cut

.

.

.