البارت الخامس والثلاثون


عقب ظهر عبيد من حجرتهاا وهو ساير للسياره جاف عبدالله فـ الدرب عبدالله قاله قول لـ ميره احبــج مووت
عبيد : افففف كله انــاا
عبدالله : انت شطور فديتك انــاا
عبيد : انزين انزين بس توديني الدكـان ؟
عبدالله : من عيوني اوديك الشيشه بعـد
عبيد استانس زيين
عقب ربع صوب السياره وحدر وهو مستاانس
عبيد : ميروه ميروه
ميره : شووو
عبيد : عمي عبدالله يقلج أحبــج مووت


هنيه ميره صدق صدق تمنت الارض تبلعهاا ولا ان عبيد جي يقلهاا جدام حد
سلطـان اطالع ميره ونقع من الظحـك ويلس يعلق
سلطـان : ها عبيدان مخلينك مرسال حب هاا ، خخخخخخ ميروه طاعي ويهج عن تموتيين علينااا
ميره : سلطـان خلااص
سلطـان : ههههههههههههههههههههههههههههههههههه
والله عبود ظهر راعي حركــااات
ميره وهيه ميته من المستحى : خلااااااص
وطبعـا سلطـان ماقصر

عقب حرك السياره وتوجهوا لبيتهم
كــانت الساعه 5 ونص العصر
أحمد وحصه و ام احمد وبو احمد كانوا يالسين فالصاله
أم أحمد : ها حصه فديتج ماتبين حد يساعدج ؟
حصه : لا عمـوه انــاا جهزت كل شي خلاص
بو أحمد : يابنتي مب زيين لـج انتي حامل لازم ترتاحين هب تشيلين وتحطين
أحمد : يبا قلتلهاا بس ماشي فايده
بو أحمد : ها خلاص ناوين تودرونــاا
أحمد : شو نسوي بعـد خلاص باجر بتعيش فـ بيتنــاا اليديد
بو أحمد : الله يوفقكم دنيـا وآخر
الكل : آميــن
وفـ هاللحظه حدروا سلطـان وميره وعبيد
سلطـان + ميره : السلااام عليكم
الكل : وعليكم السلام
حميد : ها وين كنتوا ياعيال ؟
سلطـان : سرنا بيت عمي محمد
حميد : شفتوا امـايه موزه ؟
ميره : هيه وسلمت عليكم وااايد
الكل : الله يسلمهاا
حميد : ها يا ميره ملجتج بعد يومين هااه ؟
ميره ويهها احمر : هيه
أم احمد : ها يبتي فستانج ؟
ميره : لا سلطأن باجر بيبه
سلطـان : ع كيفج هو يمكن ما ايبه
ميره : سلطــااان
سلطـان : شو نسوي اختنــاا الوحيده من عيوني

فـ بيت سالم
تحديدا فالصاله كلهم كانوا يالسين يسولفون
عبدالله : امــاايه شحال ظبوي القاطعه من سافرت مانعرف عنهاا شي
ام عبدالله : فديتهاا بنتيه تتصل بس انتو ماتقرون فالبيت
عبدالله : شو متى بيون ؟
ام عبدالله : ماعرف والله
وفـ هاللحظه رن التلفون سعيد رد
سعيد : هلااا والله ، شحالج يالقاطعه ... نحن بخير ربي يسلمج ... ها شو فينـاا ؟ انشالله مستانسه ؟ ... هههه ماشي شغل اصلا نحن ماصدقنا افتكينا منج .... هههه قلتلج عيوني كانت تحرقني ... اوووه يودي يودي عبود
عبدالله : منــوو ؟
سعيد : منو يعني حرمتي مثلاا ظبوووي
عبدالله : زين اعصابك ياهاال اخر زمن
سعيد : مب يااهل
عبدالله : زيين جب

وشل التلفون
عبدالله : هلا والله بالقاطعه بالي من جافت خميس نستناا .... هههههههههه شحالج ؟ .... والله نحن بخير وسهاله .... كلهم يسلمون عليج .... شو متى ناوين اتشرفونــاا .... حلفي ؟ .... يعني مابتلحقون ع ملجتيه ؟ ..... خااينـه ..... الله يبارك فيج غلاي ..... خموس وين ؟ ..... اوكي سلمي علييه واايد
وتموا يرمسون ويسولفون عن فينــاا وعقب ام عبدالله وبو عبدالله رمسوهاا وسكرت

ظبيه : فديتهم والله تولهت عليهم
خميس وهو توه ظـاهر من الحمام : منو هذيله بعـد
ظبيه : منوو يعني اهلي
خميس : رمستيهم ؟
ظبيه : هيه ، متى برد البلاد والله صدق متولهه عليهم من خـــااطر
خميس : اعصابج زين عن تموتين علينــاا
ظبيه ( عفان الله مايعرف يقول كلمه حلوه مالت عليه )
خميس : تلبسي بعـد شوي بننزل نتحوط
ظبيه : امممم مالي خاطر
خميس : مب ع كيفج نحن يايين نستانس هنيه هب نيلس فـ الفندق
ظبيه : اففف زين زين كلتني
خميس : ثاني مره يوم ارمسج لا تتأفأفين
ظبيه : انشالله ، ممكن سؤال ؟
خميس : تفضلي
ظبيه : انت ليش جي تعاملني ماكله حلالك انــاا ؟
خميس : ههههههههههههههههه
ظبيه : ماقلت نكته عسب تظحك
خميس تقرب منهاا ظبيه زاغت ردت ورا بس يودهاا وهمس ف إذنهاا : لأنج قليله ادب
ظبيه دزته : حدك عــااد انا متربيه احسن عنك
خميس انصدم من ردهاا : لااا والله
ظبيه : عيل انا قليله ادب ؟
خميس : مب بس قليله ادب إلا يبالج قص لساان
ظبيه اتضايجت من رمسته ماسوت لـه سالفه صدت وسارت الحجرة عسب تبدل عقب ظهرت كانت لابسه بنطلون اسكني جينز اسود وقميص طويل بنفسجي وفالنص شي حزام اسود وكانت لابسه جوتي رياضه بنفسجي بنوتي راقي وكانت لابسه شيله سوده وعليها حركات بالبنفسجي
خميس من جـافهاا تخبل عليهاا لأن اللون كان واايد فنان عليهاا
خميس : وين عباتج ؟
ظبيه : مابي ألبس عبااه
خميس : لاااا بتلبسيين
ظبيه بضيـج : زيـــن
وخميس كـان لابس بنطلون بيج وقميص أحمر وكاب بيج وساعه بنيه وشكله كـان ترتوووب
عقب ظهروا ساروا يتمشون طول ماهم كانوا يتمشون ظبيه كـان سااكته وموول ماترمس
خميس : بلااج ساكته ؟
ظبيه : مــااشي
عقب كملوا المشي وساروا مطعم من المطاعم عسب يتعشون كانوا يوعانين عقب العشى قالوا بيسيرون الفندق بسهم اليوم وهم رادين للفندق
خميس : ظبوي فديتج بلاج مضايجه موول ما رمستني اليوم
ظبيه : تراني قليله ادب شو تبى برمسه وحده قليله ادب ( ونزلن دموعهاا )
خميس وقف جداام ظبيه وحظن ويههاا : خلاص حبيبي مايستهال والله دموع غاليه ( ومسج دموعهاا )
ظبيه : خميس انت ليش خذتني ؟ خذتني عسب تعذبني انــاا واايد تعذبت حراام عليك إلي تسويه فيه والله حراام
هنيه صدق صدق حس بالذنب جان يحضنهاا ظبيه انصدمت من حركته دزته ومسحت دموعهاا
ظبيه : انت مينون النــااس يطالعوناا عييب
خميس : ههههههه كيفي حرمتي
ظبيه : شو كيفك ما كيفك منقوود
خميس : اصلا هنيه عادي عندهم كل شي ( ولوى عليها هالمره ) سامحيني فديتج جان غلط عليج بس انتي تقهرين يعني شو اسوي أوعدج من اليوم وساير ماراح ألعوزج
ظبيه : زين بطلب منك طلب بس لا تحرج وها أول طلب مني دخيلك لا تردني
خميس : آمري
ظبيه : بالأول أحلف انك بتلبي لي الطلب
خميس : والله ثم والله ألبي لج طلبج
ظبيه : ابــاا ارقد فـ حجرة روحي
خميس انصدم من طلبهاا مووول ماتوقع هالطلب
خميس محرج : شووووو ؟
ظبيه : الله يخلييك لو صدق تعزني خلني فـ حجرة روحي مؤقتـا لين ما اتعود عالوضع أنــاا لين ألحيين أحب يمــ....
خميس قاطعهاا عسب ماتطري يمعه وينقهر زيااده : خلااص برايج
ومشى عنهاا وهيه تمت تلحقه حست انه تضايج بس طنشت وصلوا الفندق
خميس : حالياا انتي رقدي فالحجرة وانـاا برقد فالصاله
ظبيه : لا انت ارقد فالحجره انا إلي برقد فالصاله
خميس : رمستي مابعيدهاا
ظبيه : اوكي برايك
سارت ظبيه وبدلت ورقدت وتمت حــااسه بالذنب انهاا جرحت خميس بطلبهاا وان قالتله انهاا لين ألحيين تحب يمعه حاولت ترقد بس مارامت تمت تتجلب يمين يسار
قالت بتظهر تجوف خميس رقد ولاا
أول ما ظهرت خميس جافهاا على طول سوى روحه راقد ظبيه سارت صوبه تمت تتأمله شوي عقب لحفته وقبل لا تسير خميس يود ايدهاا وهنيه صدق قلبهاا كان يدق جنه أول مره خميس ايود ايدهاا
خميس : اشعنه هب راقده
ظبيه : خميس انــاا اآسفه احس بالذنب والله
خميس قربهاا صوبه : لا حبيبي عادي اهم شي راحتج
ظبيه : وانت ليش هب راقد ؟
خميس : ماياني رقااد ، ليش ظهرتي من الحجرة
ظبيه توهقت : كنت عطشاانه ييت اشرب مااي
خميس : زين يلاا سيري رقدي باجر بنسير من وقت
ظبيه : انشالله
خميس : اتريي
ظبيه : شوو ؟
خميس : ماشي بوسه قبل الرقااد ؟
ظبيه انصدمت وقفطــت بنفس الوقت تمنت انهاا موول ما ظهرت من الحجرة : اييه عن الطفــااسه ( وربعت الحجرة )
خميس تم يظحك علييهاا

وعقب كل واحد منهم رقد وفاليوم الثاني عالساعه 8 نشت ظبيه وهيه مستانسه بس ماتعرف ليش سارت تسبحت وبدلت لبست تنوره بيجيه وقميص فوشي ورفعت شعرهاا كله بتوكه فوشيه وحطت ميك أب فوشي بس خفيف وكان شكلهاا عـــذاااب سارت اتوعي خميس
ظبيه : خميــس نش الساعه 8 ألحيين
خميس : .....
ظبيه : خميـــــس
خميس بكسل : شـــووو ( وتقلب الصوب الثاني )
ظبيه : نـــش يالله انت قلت بنظهر
خمس : تعبـــاان ابا ارقد
ظبيه : شو ترقد بسك رقــاااد نش
خميس فتح عيونه انصدم من جااف ظبيه
خميس : جي بتظهرييين ؟
ظبيه بكل براءه : هيه ليش ؟
خميس حرج : لاا والله مستانسه بعــد ماشي سيري امسحي بالي بـ ويهج
ظبيه : خميييس
خميس : مابي اغـــااار
ظبيه انصدمت أول مره خميس جي يقلهاا ابتسمت له : زين انت سير اتسبح ويلاا خل نظهر
خميس : اوكي بس امسحي بالي فت ويهج
ظبيه : انزيييييين
عقب سار خميس وتسبح وظهر كــاان لابس بنطلون رصاصي وقميص زيتي وكان شعره خرساان مااي ظبيه استانست ع شله يلست تلعوزه وهو كان متلعوز منهاا
عقب شل نظارته الشمسيه وبوكه وظهرواا

فـ دبي دار الحي
تحديدا فـ بيت محمد

سيف كان يالس تحت ويا راشد وفاطمه و اليده موزه
سيف : طــااع اشكالكم مصدقين روحكم انكم معاريس
راشد : ههههه مشكله إلي يغــاار فديت حرمتي انــاا
اليده موزه : رشووود عيب علييك اصطلب
راشد : يدوه حرمتي حرمتي
اليده موزه : بس هب جدامنــاا
سيف : يدوه إلا ملوكه وين مانجوفهاا
اليده موزه : والله مادريبهاا
فاطمه : ملوكه سارت بوظبي ويا ميثو اختيه
سيف : باجر ملجه عبدالله بنقطعه تقطيييع
راشد : هههههههههههههه وحليله والله
اليده موزه : سيف ماتصطلب صرت ريال ومالج وبعدك على خبالك
راشد : اويييييييييه سيفووو
سيف : شووو بعـد ؟
يدوه تقلك صرت ريال ليش قبل شو كنت ؟
سيف فراه بالمخده : يالهــرررم يعني شو كنت اكييد يااهل
الكل تم يظحك على سيف
ساره وهيه نازله : هلا واااالله وانــاا اقول ليش بيتناا منور اثاري راشد وفطيم هنيه ، شحالكم جميعــاا ؟
الكل : بخير وانتي شحالج ؟
ساره : والله مانشكي يااس ، سيفـوو اباك توديني بيت عمي محمد ميروه تباني
سيف : الله يخلي الدريول
ساره : سييييف الدريول اميه ماخذتنه ماعندي حد الله يخليـــــك
سيف : امممم بفكـــر
ساره : والله حراام عليك لا تصير نذل
سيف : نذل هااه عيل ماشي
ساره : الله يخلييييك عسب خاطر حمدوه
سيف : شو يخص حمدوه ألحييين ؟
ساره : خخخخخ عسب توديني لااه
سيف : زين زين تلبسي بوديج عقب شوي
ساره : فديــت سيفاااني انــاا ( وهيه ترمس فاطمه ) وشحااالج بعـد ؟ ولهنــاا عليج
فاطمه : توو النـــااس
ساره : هههههههههه سوري سوري بس يعني لازم ارمس سيفوو واخبره عسب يوديني
فاطمه : زيين والله ، انا بخير وانتي شحالج وعلومج ؟
ساره : والله ترتووب ، تعــاالوا شو مابتسافرون شهر العسل ؟
راشد : لاا اجلنــاا السفر عقب
ساره : ايــوااا ، زين فطيم بتين معاي بيت عمي محمد عند ميروو
فاطمه وهيه تطالع راشد
راشد : لاااا انــاا اباهاا اليوم بنظهر
سيف : ياعييينييي عادي مرافقين معاكم
راشد : لا ممنوع اصطحاب الاطفال
ساره : هههههههههههههههههههههههههههههههه
سيف : ظحكي ظحكي جوفي منو بيودييج
ساره : خلاص والله خلاص بسكت

عقب سارت ساره وبدلت وتكشخت ووداهاا سيف لبيت عمه حميد ونزل معااهاا ويلس شوي سولف ويا عمه وحرمته وسلطـان وأحمد وعقب سار ويا احمد وسلطـان لبيت أحمد اليديد وتم يساعدهم


فـ فينــاا
تحديدا صوب ظبيه وخميس
كانوا يتمشون جـان اتيهم وحده اجنبيه
قالت لخميس تبى تصوره اونه فيسه حلوو للتصوير
ظبيه تغصصت بس تمت ساكته ماقالت شي
خميس : اووه يبون يصوروني اتصور ؟
ظبيه وهيه ميته من القهر : برااايك
سار خميس عقب ما سولف ويا الاجنبيه وظحك معااهاا صورته طول الوقت كـان يغايض ظبيه وهيه ميييته من الغيــظ بس مسويه روحهاا عاادي عقب ساروا يتمشون
خميس : وحليلهاا هالاجنبيه كانت تبى رقمي بس ماعطيتهاا مافيه تحشرني اصلاا انا ما ارمس بناات
ظبيه : لا حرااام جان عطيتهاا بعــد
خميس : شو قالولج عني لا فديتج انا ما ارمس خلاص ودرناا هالسوالف
ظبيه : ....
خميس : بلااج ؟
ظبيه : مــاااشي
خميس : اممم زين تعالي نيلس ابا اخبرج كل شي عني
ظبيه بدون لا تحس : مايهمني ( وسارت عنه )
خميس انصدم من حركتهاا بس يلس ومالحقهاا
ظبيه تمت تمشي وتمشي وتمشي بس ماتدري لـ وين سايره وهيه تتحرى طووول الوقت خميس يلحقهاا مره وحده وقفت لمـاا حست انها صدق ابتعدت صدت ورى ماجافت خميس تمت تدور بعيونهاا يمين يســاار بس ماشي فايده
حاولت ترد للمكان إلي خميس قالهاا يلسي بس شكلهاا ضاعـت لا وفـ دوله غريبه بعــد وماتعرف مكان
حست بضعف عيونهاا دمعت حست روحهاا خلااص مابتجوف حد ثاني مره يلست صوب بحيره صغيره يلست تصيــــــح وتظهر كل إلي فخـاطرهاا وتمت تفكر فـ آخر موقف صاار حست روحهاا غلطـانه بس هيه ليش جي سوت معقوله حبت خميس !! لاااا مستحيـــل انا احب يمعه بــس وإلي يحب حد مستحيييل ينسااه ويحب حد غيره بس شو إلي خلااني جي اسوي واغيظ !!
<~ هالافكــاار كانت تدور فـ راس ظبيه إليين ماجافت واحد يلس حذالهاا
صدت صوبه من جــافته فرحـــــت
ظبيه : انت وييين سرت ؟
خميس : انتي إلي وين سرتي ؟ دورت عليج وااايد زين اني حصلتج
ظبيه : خل نرد الفندق
خميس : انــاا يوعــاان وتعبـــااان
ظبيه زاغت : بلااك ؟
خميس : مـــااشي يلا نسير ها المطعم
ظبيه : يلااا
ونشوا خميس وظبيه ولأول مره يظهرون مع بعض خميس يود ايدهاا
أول مايود ايدهاا ظبيه حسب بـ بروده فت كل جسمهاا كانت بتسحب ايدهاا بس ماتدري شو إلي منعهاا

وصلوا للمطعم وكل واحد طلب إلي يباه ويلسوا ياكلون ومووول مارمسوا خميس كـاان مضايج من حركات ظبيه بس طنش السالفه ولا قالها شي وهيه كانت مستغربه بلااه خميس جي متغير معقوله فيه شي

وكل واحد منهم يفكر فـ الثاني وضايع بين افكــااره

مر هاليوم على خير وماصارت فيه احداث كثيره
فاليوم إلي عقبه يوم ملجه ميره
ساره باتت عند ميره عسب تسير معاهاا الصالون
وكالعاده عقب الغدى سلطـان وصلهم الصالون وعقب ماخلصوا تقريبا عالساعه 8 مر عليهم ووداهم البيت وكـــاان كاشخ عالآخر ساره تخبلت عليــه كـانت مستانسه وااايد وسلطـان كان مستانس لـ ملجه اخته ولأنه يجوف ساره ومتضايج من سالفه أمـل هو مايباهاا

وعالساعه 9 كلهم تيمعوا فـ بيت حميد والكل كان مستانس وهالمره قوم خالة ميره كانوا ياين يعني أمل هنييه

الكل كــان مستـانس ملاك رمست مع امـل وطوول الوقت كانوا ويا بعض وحبوا بعـض واايد مع انه أمل اكبر عن ملاك بس حبوا بعض واايد ميثه موول ماعيبتهاا سوالف امل فـ ودرتهم وكانت ويا ساره
طبعــاا كل وحده خذت رقم وايميل الثانيه عسب يتواصلون مع بعض

صوب ميره
كـــااانت وااايد مرتبكه وحالتهاا حاله بس ساره وميثه كانوا عندهاا ويسولفون ويااهااا
كـانت ميره وااايد محلوه شكلها كان يجنـن

كـانت لابسـه فستـان اصفـر فـــاااتح مايل لونه عالأخضر وكـان نـااعم بس بنفس الوقت وااايد راقي تحت الصدر كـان شي شرى الربطه بس بالكرستـال لونه اخضر فــااتح وكـانت حاطه ميك اب نــااعم ورافعه نص شعرهاا والباقي طايح على ويهها كـان صدق صدق تجنن

كلهم تخبلوا عليهاا عقب يت امهاا وام عبدالله طبعاا عقب ماوقعت والكل باركلهاا ظهروهاا الحريم كلهم سلموا عليها وباركوا إلهاا عقب حدر عبدالله وميره كــاانت مييييته من المستحى وعبدالله كــاان صدق صدق متخبــل أول مره يجوف وحده في جمــاال ميره عقب خلوهم روحهم فالميلس تموا يسولفون مع بعـض بس ميره كانت واايد مستحيه بس عبدالله كان يخليهاا ترمس غصب عقب خذ رقمهاا وقال إلهاا بيتصل فيهاا عقب وعالساعه 12 الكل رد لبيته

سلطـان كان مستانس لاخته واايد وبارك إلهاا وتم ايول جدامهاا ويسويلهاا حركاات وميره تظحك علييه

مر هاليوم على خير والكل كان مستانس وفرحــاان

فاليوم إلي عقبه
نشت ميره على صوت رنه مبايلهاا استغربت جافت رقم غريب فالبدايه ترددت ترد كــانت زايغه وقلبهاا يدق بالقوو بس بعدين ماتدري شو إلي خلاهاا ترد لما ردت ظهر عبدالله تم يلعوزهاا وهيه ساكته ماترمس عقب اعترف انه عبدالله وتم يسولف معاهاا شوي عقب سكر
كانت وااايد مستانسه لانهاا خذت واحد حبوب وطيوب شرى عبدالله وكــاانت تعشقــه

فـ حجرة سلطـان واخيرا قرر قرار نهائي انه يرمس امه عسب يملج ع ساره لازم يرمس ويسوي حل لهاي السالفه مايصير جي
كـان نازل وهو فرحـاان وحاس بان شي امــل انه امه توافق
تم يدور عليها بس ماحصلهاا جلب البيت بس البشكاره قالت انها ظهرت من وقت ويا خالته سار صوب المطبخ جاف ميره هناك يالسه تاكل سار ويلس وياهاا وتم يرمسهاا وهيه تمت تشجعه وقالت هيه بتوقف معااه وبتحاول تقنع امهــاا

عقب ما رمس ميره سار الدوام وداوم عادي عقب ردت البيت من وقت وســاار على طــوول صوب امـه
سلطـان : السلام عليكم
الكل : وعليكم السلام والرحمه
سلطـان : اممم امــاايه ابا ارمسج في موضوع
بو احمد : خير يا ولدي شو صاير ؟
سلطـان : خير يا بويه خير ، بس انا ابا اخطـــب
ام احمد استانست : واخيــــرا وافقت علييهاا
سلطـان : لا انــاا ابا ساره بينت عمي محمد وغيرهاا ماباا
أم أحمد : شـــوووو لااااا ( وعلت صوتها زياده ) انــاا ماني موافقه قلتلك انت لأمل بنت اختي وساره ألف غيرك يتمناهاا
سلطـان : اميــه بس انا ابا سااره مابا غيرهاا
ام احمد : انت لأمــل
سلطـان : امــاايه
ام احمد : بــــس مابي ارمس فـ هاي السالفه خلاااص
بو احمد : يعني انا مالي رااي ؟ ياحرمه استهدي بالله ها زواج وها مستقبل الولد مايصير انتي تقررينه وانا موافق ع ساره بنت اخوي والنعم فيهاا
ام احمد : بس انــاا ابااه لبنت اختيه
سلطـان : بس انا مابااهاا
بو احمد : لا تغصبين الولد حراام ياحرمه ذكري ربج
وبعدين خلاص سلطـان لساره وساره لسلطـان وانشالله قريب بنسير نطلب ايد ساره
ام احمد : سيروا رووحكم انــاا مابي
(وسارت عنهم )
سلطـان تضايج ونزل راسه
بو احمد سار صوب ولده وحط ايده ع جتفه وتم يربت بكل حنيه : ماعليــك يا ولدي ماتعرف امك عنيده خلهاا انــاا عقب برمسهاا وانشالله خيــر
رفع سلطـان راسه وجاف ابوه بكل حب وحبه ع راسه : مشكــوور ابويه بدونك ماكنت اعرف شو بسوي
بو احمد ضرب سلطـان عجتفه : كـــل هااه عسب بنت اخويه ( وغمز لـه )
وتموا يظحكون وعقب سولفوا عن الشركـه

فـ حجرة ميره توها يت بتظهر جافت امها وهيه مغيـــضه
ميره : امــاايه امـــاايه
ام احمد : نعم انتي بعد شو تبين ؟
ميره : بلاج فديتج ؟
ام احمد : خوزي عن دربي انا تعبت منهم
ميره : من منوو زين خبريني
ام احمد : منو غير اخوج سلطـان حشرنـاا يبا يعرس ويبا يعرس
ميره : زين امايه انتي ليش رافضه ؟
ام احمد : انا هب رافضه بس انا ابااه لأمل
ميره : بس الزواج عمره ماصار غصب ، يعني انتي كنتي بترضين لو عبدالله كان مغصوب علييه
ام احمد : اكيييد لااا ( وسكتت تمت تفكر شوي ) اووه انتي بعد ويااهم كلكم صرتوا ضدي يعني ألحيين انا اباا مصلحته
ميره : بس مصلحته وياساره ياميه سلطـان يحبهاا ومن زمــااان يباهاا كلهم عرسوا جوفي ماباقي حد غير ولدج امييه ها ولد الباقي لا تخسرينه
ام احمد : خوزي عني لااااه
( ودزت ميره وسارت )
ميره تضايجت ليش تفكير امهاا جيه
عقب نزلت تحت جافت ابوهاا وسلطـان انضمت إلهم ويلسوا يسولفوون عن عبدالله شوي وعن ملجه البارحه وجيي

فـ بيت محمد
كان توه ظاهر من الميلس حدر الصاله جاف عوشه
محمد : وين اماايه موزه ؟
عوشه : توهاا سارت حجرتهاا
محمد : زين اباا ارمسج فـ سالفه
عوشه : بسم الله طيحت قلبي قول ارمس
محمد : في واحد من راس الخيمه ريال والنعم فيه اعرف ابوه عدل
عوشه قاطعته : انزيين شو صاير ؟ خطب ساره ؟
محمد : هيه خطبهاا ويبون الجواب خلال هالاسبوع
عوشه : انت شرايك ؟
محمد : بصراحه حمد رياال والنعم فيه مايتعوض
عوشه : زين عيل رمس بنتك
محمد : لا والله عيل انتي امها عالفاضي انا ياي اخبرج عسب انتي تخبرينهاا
عوشه : انشالله خيــرر ارمسها واخبرك عقب
محمد : ألحييين سيري رمسيهاا
عوشه : زين زين حشرتني
وسـارت عوشه حجرة ساره بالأول يلست تلمح إلهاا انها كبرت وعقلت وتعرف مصلحتهاا ومن هالاشياا
سارت حست ان حد خطبهاا بس سرعان ما تأكدت
عوشه : هيه يا بنتي اسمه حمد وهو من راس الخيمه والكل يمدحه ابوج يعرف ابوه
ساره : بس امــاايه ...
عوشه : حبيبتي لا تقررين ألحيين عندج وقت هالأسبوع كله فكري زيين وردي علييه خبر
وقبل لا تظهر عوشه
ساره : امــاايه انا ماابااه
عوشه وجنه حد صب عليها ماي بارد : شــووو ولين متى بتمين جي ؟ كل البنات عرسوا بس بقيتي انتي ؟ يعني ناويه تعنسيين ولا خلاص عسب ماايد بتودرين العالم كله قولي شو سالفتج انتي
ساره وشوي وبتصييح : امــاايه مااباا مااباا انا ما افكر فالزواج
عوشه : فكري زييين هاي حياتج ومب كل يووم بيج واحد زين مثل حمد
ساره : ابويه شرايه ؟
عوشه : ابوووج واااااايد مستاانس فكري يابنتي فكري
وأول ماظهرت عوشه عقت ساره روحها عالشبريه ويلست تصيـــح
جان تفكر فـ ميروه قالت بترمسهاا بتجوف توافق ولا
اتصلت فـ ميره مره مرتيين ثلاث بس ماشي فايده
اترددت واايد بأنهاا تتصل فـ بيتهم بس اخيراا قررت تتصل
كانت تدعي ان سلطان لا يرد بس للأسف سلطـان رد
سلطـان : ألـــووو
ساره ودموعهاا تطييح وماتدري لو ترمس ولا
سلطـان : ألــــوووو
ساره بدون لا تحس وصوتهاا يبين انهاا يالسه تصييح : عطني ميروووه


كـــاات
يتبع

حناااااااااااااااااااااااام ><
ياااااااااارب تكووون لسلطاان
نتريااا البتكمله ويسلمووو ع الباارت^^

أويه حرام والله ..اهئ اهئ اهئ ..

مشكووره ياحبوبه على البارت الرووعه ..

ونتريا منج التكمله ..