|
يسلموااااااااا على البارت النايس وبانتظار البارت الجديد ... |
البـارت الرابع والثلاثون ظهرت من حجرتهاا وسارت لـ حجرة عبدالله دقت الباب عبدالله : منوو ؟ هنيه ظبيه قلبهــاا تم يدق لدرجه حست ان يمكن قبلها يظهر من مكاانه عبدالله : منووو ؟ ظبيه : انــاا ظبيه عبدالله : حدري الباب مفتوح حدرت ظبيه وقلبها يدق ويدق وكل ماتتقرب صوب عبدالله يدق زيـــاااده عبدالله : ظبوي بلااج ؟ فيج شي ؟ ظبيه : لا بس عبدالله قاطعهاا : انتي مريضه ؟ بلااه ويهج غادي اصفر ؟ ظبيه : مـاعرف مـاعرف عبدالله : تبين اوديج الدختر ؟ تراج عروس شكلج مايوحي جنج وحده مظهرينهاا من القبــرر ظبيه اطالعته بنظره خلته تسكت عبدالله زااغ عـ ظبيه : ظبوي فديتج ارمسي بلااج ظبيه بإرتبــااك شديد : عبدالله ابــاا ارمسك فـ موضوع مهم عبدالله : ارمسي فديتج بلااج ساكته ظبيه : عبدالله انـــااا ...... سعيد قاطع ظبيه : عبوووود امــاايه تبااك ضروري بسرعه تعـــااال عبدالله : انزيين يااي ( وهو يرمس ظبيه ) بسير اجوف اماايه وبي انزيين ؟ ظبيه فقدت الأمل : اوكي وســاار عبدالله وتمت ظبيه تتحرطم وتسب الساعه إلي خبرتهم انهاا موافقه على خميس ردت لحجرتها بس هالمره صدق مغيضه مافي شي تسويه إلا انهـاا ترقد لين ما عبدالله إيي فـ بيت حميد كـان سلطـان يالس فـ مكانه ماتحرك يته ميره مره ثانيه وهيه تظحـــك سلطـان : ضحكينـا معااج ميره : ليكون انت ألحيين مضايج عسب ساروه رقعت الفون فـ ويهك ؟ سلطـان : مسوده الويه تعترف بعــد ميره : هههههههههههههههههههههههههههههههههه والله انكم انتيكـــاااا انزين قولي عسب هالسبب ؟ سلطـان : ميروه راسي يعورني مب متفيج والله ( وســاار عنهاا ) ميره تمت تفكر ( يعني معقوله عسب هالسبب السخيف لالالا ما اظن أكييييد في شي إلي مايبا يخبرنيي انــاا اعرفه ) مر هاليوم على خير فاليوم إلي عقبه اليوم إلي المفروض تكون ملجه خميس و ظبية فـ العين تحديدا فـ بيت مريم كـان خميس نازل ومستــاانس وحالته حاله ميثا : هلا والله بالمعرس خميس : احم اهليين ( وسار صوب امه ) صبـاح الخير يا احلى واغلى ام فـ الدنياا مريم : هههههههههه كل هاا لي لالا ما استحمل صبـااح النور مايد : شعنده المعرس ؟ خميس : اووه ميود انت هنيه ماجفتك مايد : لا انا منــااك خميس : شحالك يارياال ؟ مايد : والله بخير ، وانت شحالك ؟ اخبارك ؟ خميس : والله ترتوووب مايد يغمز لـه : مالومك اليوم بتملج خميس شق الحلــج : عقبــاالك انشالله مــاايد من سمع هالجمله سرح فـ ساره وايام كان يباهااا هو صدق انجرح ومن خاطر وانصدم بعـد ماتوقع ساره تحب ، بس خلاص مايباها ولا يبا يخرب بين اثنين حبو بعض خميس : وين سرت ؟ مايد : ويااك والله ، زين متى سايرين دبي ؟ خميس : امايه متى الساعه 5لازم نكون هناك ولا 8 مريم : هو الملاج بس الساعه 8 بس نحن بنظهر الساعه 5 من هنيه لين مانوصل وبعد لازم نساعد ام عبدالله ميثا : هيــــه خميس : إلي يقول ألحييين مقطعه روحج من المساعده عن الخرط اول ماتجوفين ربيعاتج تنسين العالم مايد : اي ربيعات ؟ خميس : بنات العايله خخخخخ مايد : هيه وانــاا اقول بعـد خميس : إلا وين فطيم ما اجوفهاا ميثا : اظني فـ حجرتهااا خميس : يالله عيل بسيرلهاا وسار خميس لـ حجرة فاطمه ودق الباب طبعا بعد مافتحتله حدر حجرتهاا خميس : ليش يالسه روحج هنيه ؟ مسويه مقاطعه ؟ فاطمه : لا والله ماشي راشد كان متصل خميس : بلااه بعـــد ؟ فاطمه : زعلااان خميس : هههه من شوو ياحسره ؟ فاطمه : يقول خموس الي اصغر عني عرسه جريب وانتي لين ألحيين ماحددتي خموس والله ذلني خميس : هههههههههههههه خله يغاار خله يمووت قهر هههههههههههه والله حتى رشود عليه حركــاات ، وانتي ليش ماتحددين ؟ فاطمه : خمــــووووس اول شي بعدي لين ألحيين هب مستعده وبعدين بخلص دراستي وماخلصت اغراض الزهبه خميس : خيبه خيبه صدق بنات مصاايب يبتيلي مليون سبب فاطمه : خمـــوووس افف صاير مليق تدري الله يعيين ظبوي علييك خميس : اصلا تتمنى واحد شراتي فاطمه : طـــااعوا هـــاااه لا تخلني اقلهاا وتغير رايهااا خميس : هااهااهااا اتحدااج فاطمه : خمــوووس خميس : فطـــــوووم وتموا يرمسون صوب ظبيه إلي كانت راقده مره وحده فتحت عينهاا وتذكرت ان اليوم ملجتها على خميس جــاان مره وحده تدفن راسهاا بالمخده وهيه تصيــــح مب رايمه تيود عمرهاا اكثر لازم ثم لازم ترمس عبدالله اليوم لازم تقلها انهاا خلاص ماتبيه ظبيه كانت تتمنى يصير شي ويـأجل كل شي كانت تتمنى خميس يغير راييه بآخر لحظه كانت تتمنى هالساعه توقف فـ هالحظه وماتتحرك مول عسب مايمر الوقت وإي الملاج كانت تتمنى وتتمنى بس للحظه حست انها هيه الأقوى يعني شو بيصير لاازم ترمس عبدالله نشت من على فراشهاا ومسحت دموعهاا ولمت شعرهاا وسارت الحمام تغسل ويههاا وبدلت نزلت تحت شافت مافي حد فالبيت كلهم ظاهريين حست بيوووع فظيــع من كمن يوم هب ماكله سارت المطبخ وسوتلهاا شي خفيف وكلته عقب ردت لحجرتهاا تقريبا عقب كمن ساعه يتهاا امهاا ام عبدالله : يلا ظبووي فديتج تعــاالي ألحيين الحرمه مالت الصالون بتي ظبيه : ليــــش ؟ ام عبدالله : ليش بعد عسب تكشخج مب يعني مابنسوي حفله عوده مابتتكشخيين ظبيه : بس انــااا ... ام عبدالله قاطعتهاا : يلايلا بلاا رمســه زايده استسلمت ظبيه وسارت ويا امهاا الحرمه أول ماجافتهاا استغربت عروس وجييه الحرمه : مــاالك يابنتي هو انتي مريضه ؟ ظبيه : لااا الحرمه : انتي ضعيفه كده ليه ؟ ظبيه : ...... الحرمه : اوكي انتي عايزه اعملك اييه ؟ ظبيه : اي شي الحرمه استغربت : يا حبيبتي الليله ليلتك لازم انتي تختاري ظبيه حرجت : قلتلج ما عرف سوي اي شي الحرمه : حاظر حاظر من عنيه سوتلهاا الحرمه ع كيفهــااا كـانت تسريحتهاا بسيــطه بس كـانت تخبـــــل وحطتلهاا ميك اب واااااايد بسيط على لون فستانهاا الناعم الحرمه : نحن خلصنــاا مابدك تجوفي نفسك ؟ ظبيه : لااا ظهرت الحرمه وسارت زقرت ام عبدالله ام عبدالله حدرت ع ظبيه : بسم الله مشالله صدق صدق تخبلييين ظبيه : ...... ام عبدالله وهيه ترمس الحرمه : مشكوره فديتج ماقصرتيي ظبيه : ابا اسيـــر حجرتي ام عبدالله : ظبوي فديتج لبسي فستانج سارت ظبيه بدون لا تسوي سالفه لحد الحرمه : مالهاا البنت ؟ ام عبدالله خبرتهاا انها كانت مالجه وان ريلهاا سوى حادث وتوفى <~ سالفه يمعه كلهاا الحرمه : تؤتؤتؤتؤ الله يرحمووه صوب ظبيه كـانت كــاارهه عمرهاا حتى ماتبى تجوف روحهاا ظهرت فستانهاا ولبسته ويلست ع الشبرييه حابسه دموعهاا إلي بأي وقت يمكن ينزلن سمعت دق عالباب يارت وبطلته كــانت ساره ساره : مشالله مشالله تف تف تف عن نحسدج ظبيه ابتسمت على تعليق ساره ساره : شحالج فديتج ؟ ظبيه حركت راسهاا على انها زينه ساره : شو رايج فيني ؟ ظبيه : حلــوه ساره : ما اظن احلى عنج ؟ ميروه مايت ؟ ظبيه حركت جتفها بمعنى ماعرف ساره : ياويــــل حالك ياخميس ابا اجوف شكله لما يجوفج ظبيه : ســـااره انـــااا ..... ميره قاطعتهاا : هاااي قايز ؟ ساره : اعوذ بالله هاياات ميره : مشااااالله شحلااتج ياظبوي لو كنت ادري انج جي بتظهرين حلوه جان خطبتج لسلطون ( واطالعت ساره ) فديته اخوي يدور عن فارسة أحلاامه ظبيه ابتسمت تدري ان ميروه تبى تغايض ساره بس ساره سوتلهاا طــااف بـ هاي اللحظه حدرن ميثا وفطيم ظبيه اول ماشافتهم قلبهااا تم يدق ويدق ويدق دموعهاا كانت بتنزل بس ظبيه يودت روحهاا عن يجوفونهااا فاطمه + ميثا : السلااام عليكم الكل : وعليكم السلااام فاطمه : مشااالله ظبوي والله محلووه صدق صدق خبــاال ميثا : الله يعيين خموس عيل ههههههههههههه ظبيه :وين عبدالله اخوي ؟ كلهم استغربوا ظبيه : ساره بلييز ازقرييه ساره : ظبووي تبيني اسير عند الرياييل عسب ابويه واخواني يذبحوني عقب حدرن ام مايد ( مريم ) ، وام راشد و ام عبدالله قالوا للبنات يتغطن لان عبدالله وبو عبدالله بيحدرون طبعاا البنات لبسن عبيهن وتغشن وحدروا عبدالله وبو عبدالله ظبيه لما جافت عبدالله استانست قالت خلااص بتقله بس لما جافته ماسك دفتر مب أول مره تجوفه بل ثاني مره و يالس يتقرب منهاا تشوشت كل افكارهاا يا يمعه ومواقفه فـ بالهاا وخميس ومواقفه تم كل شي يمر فـ مخهاا شرى الفلم يا الحلم فبالهاا وآخر موقف جمعها مع خميس ماحست بروحهاا إلا انهاا فـ عالم ثااني عالم مافي حد غيرها هيه هيه نعم هيه وبـــس كلهم زاغوا لما جافوا ظبيه طاحت بالذات عبدالله لحسن حظ ظبيه ان ميره كانت واقف حذالهاا مسكتهاا فـ آخر لحظه رقدوا ظبيه عالسرير وكلهم تيمعوا حولهاا عبدالله : ظبــوووي ظبــوووي ظبيه فديتج تسمعيني ام عبدالله : هااي عين ماصلت عالنبي مريم : ودوا البنت الدختر جوفوا شفييهااا ؟ وتموا على هالحاله إلين ما عبدالله اتصل فـ الدختر وقال ايي طبعاا خميس يالس تحت ويا الشباب جاف عبدالله وابوه تأخرواا تم زايغ وهو حاس ان شي صاير فوق كــان خاطره يسيير بس الشباب يالسين يقطعونه إلي يقول انها غيرت راييهاا وإلي يقول انها شردت وإلي يعلق وإلي وإلي وصل الدختر وكشف عليهاا وقال انه مجرد ارهــااق وقله اكل ورقــااد وان لازم ترتااح الكل تطمن على ظبيه نزل عبدالله وخبر خميس عن كل شي ورمس المطوع وقاله وحلف ان البنيه موافقه وهوم يبون كل شي يخلص بسرعه ، وخل عبدالله يوقع بدال ظبيه إلي ماتدري شو إلي يالس يصيير تحت الكل تم يبارك لـ خميس ، وخميس كــاان مستااانس إلا طـــاااير من الونـــااسه قال يبا يسير يجوف ظبيه كلهم ظهروا من حجرة ظبيه بس فطيم تمت هنــااك حدر خميس وعبدالله جاف فطيم وفهو ظهر ووقف برع خميس لمــاا جــااف ظبيه تخبــــــــل ماعرف شو إلي صــاار فـ قلبه يحس ان خلااص قلبه بيظهر من مكاانه تجرب منهاا ويلس عالشبريه حذالهاا ويود ايدهاا ظبيه كـانت توهاا بتفتح عينهاا بس شمت ريحه عطر رجالي يخبـــل وحست بإيــد تمسك ايدهاا كانت تتحسب روحهاا تتخيل ان يمعه ردلهاا كــانت مستانسه بس هيه ماكانت تبى تفوت اللحظه على طوول فتحت عينهاا وانصدمت ان خميس هيه نعم خميس زاااااغت ظبيه وماتدري بأي شعور حسته تجااه خميس كل الي سوته صارخت بأعلى صوتهاا ظبيه : انــت شو تسوي هنييه ؟ فاطمه صدت صوب ظبيه تطالعهاا مصدومه وخميس إلي صدق قفــط من خــااطر طنش رمسه ظبيه ورمس فاطمه : فطيم ممكن تخليناا روحنا شوي ظبيه : فطييم لااا لا تودريني فاطمه استغربت بلااهاا ظبيه بس طنشت وظهرت خاري ظبيه تصيــح : ابا اعرف انت شو تبى مني ليش ماتودرني فـ حالي وين عبدالله انــاا مابااك انا غيرت راايي خميس اطالعهاا مستغرب : بس انــاا ريلج خلااص ظبيه تصييييييح : مايصيــر مايصيـــر كيف جي انا غيرت راايي طلقني ماابيك مابي اعيش معااك خميس انصدم من خــااطر تجرب منهاا وقال : مستحيــل اطلقج ، لو تنطبق السمــاا عالارض انا ماصدقت صرتي حرمتي تبيني اطلقج ظبيه يلست تصارخ : برررررع اظهر برررررررع اكرهك اطلع برررررع خميس استسلم وظهر برع عبدالله : بلااهاا خميس : ماعرف نشت وهيه منهاره تصييح عبدالله بسير اجوفهاا حدر عبدالله وجافهاا يالسه تصييح عبدالله : ظبوي فديتج بلااج ؟ ظبيه هاجمته : سويتوا إلي براسكم خلاص ارتحتوا مني زوجتوني إياااه ( ولصقت بعبدالله ) عبدالله مابااه دخيلك طلقني منه ماابااه عبدالله انصدم بلااهاا ظبيه اكييد فيها شي هيه روحهاا إلي قالت بلسانهاا انها موافقه قال اكيد من تأثير التعب ظبيه : كم مره ييت ارمسك ابا اقلك اني غيرت رايي بس انت كله كنت تتهرب مني عبدالله دخيلك خل يطلقني عبدالله : ظبيه مايصيير ليش شو سوابج ؟ ظبيه : بس جي ماابااه عبدالله حرج : شو هيه لعبــه يا ظبيه ها زواج مصير اثنين هب لعبه يوم موافقه ويوم لاا صوب خميس فاطمه أول ماجافته ظهر سارت صوبه وتمت ترمسه وتسأله ليش ظبيه جي كـان حالهاا خميس رد عليهاا هو روحه مستغرب ماتوقع ردهاا جي محد درى بـ هالسالفه غير خميس وفاطمه وعبدالله امــاا الباقي عبدالله منعهم ان يحدرون عند ظبيه على اساس انهاا تعبــاانه مر هاليوم حزين على بعضهم وعلى بعضهم كـان واايد حلــوو فاليوم الثاني نشت ظبيه من رقادهاا تتحرى كل إلي صار البارحه حلم تمت تدور بعيونهاا فالغرفه على أثر أو دليل يبين لها أن احداث البارحه صدق وحمدت ربهاا ان كــاان حلم نشت من على شبريتهاا وسارت الحمام وتغسلت وبدلت وعقب نزلت وهيه مستــاانسه ان شي أمــل ترمس عبدالله وتخبره انهاا هب موافقه لمـاا نزلت جافت امهاا يالسه روحهاا ظبيه : السلاام عليكم ام عبدالله : وعليكم السلام والرحمه ظبيه حبت راس امهاا : شحالج امييه ؟ ام عبدالله : والله الحمدالله ، شحالج انتي شخبارج انشالله احسن من البارحه ؟ ظبيه من سمعت من البارحه حست بخوف برعبه معقوله إلي صار البارحه مب حلم بس طنشت وقالت لا إلي صار مايصير فالحقيقه ها حلم ام عبدالله : ظبيه فديتج بلااج ؟ ظبيه : لا ماشي امـاايه وين عبدالله ؟ ام عبدالله : اتلاقينه راقد البارحه كان سهراان عندج ظبيه هنيه خــاافت زياده أن إلي صار كله صدق ماحبت تسـأل أمهاا وتتأكد ماتبى تنصدم نزل سعيد وسار يلس صوبهم سعيد : شحالكم ؟ الكل : بخير سعيد : ها ظبااي اجوفج مستاانسه اليوم والبارحه مسوتلناا فلم هندي ظبيه سكتت وماسوتله سالفه ام عبدالله : سعييد عيب علييك هاي اختك العوده سعيد : اماايه ماعليج منهاا هاي بس جي تسوي حركات ماتعرفينهاا سوت جي عسب خميس يسيرلهاا ظبيه من سمعت اسم خميس ماعرفت شو صار فيهاا رمست ولا حست هيه شو يالسه تقول : جــب جـااان انت تسوي هالحركات انا ما اسوي جي من زيين خميس ام عبدالله وسعيد انصدمواا من رده فعل ظبيه ام عبدالله : ظبوي شو هالرمسه خميس ريلج ظبيه من سمعت كلمه ريلج حست إن الدم إلي فـ جسمهاا كله وقف ألحيين وللأسف تأكدت ان إلي صار البارحه كله صدق ماكان حلم ظبيه : انــاا مابيييييه مــااابيييييه خلووه يطلقني ام عبدالله هنيه انصدمت وحرجت واايد على بنتهاا : شو إلي ماتبينه هيه لعبه يوم موافقه ويوم ماتبينه ؟ تبين تفضحيناا انتي سعيد : لاااا هااي رايحه فيهاا اييه شو يطلقج عسب تردين وطيحين فـ جبدناا ظبيه هنيه انهاارت ربعت لحجرتهاا ويلست تصيــح وتصيــح صوب ساره إلي كــانت صدق خايفه على ظبيه كانت تحس ان فيها شي بس مايبون يخبرونهم مارامت ترقد عــدل كــانت تعبــاانه حيل قررت تنزل وتيلس ويا يدتهاا ولا ويا امهاا او سيف ولا راشد نزلت جافت راشد يالس روحه فالصاله ويالس يرمس بالتلفون ساره : صبــأاح الخير راشد : صبــااح النور وجان راشد يسكر التلفون ساره : وينهاا يدوه ؟ راشد : سارت ف حجرتهاا ساره : عيل اماايه وين ؟ راشد : امـاايه ظهرت ام عبدالله اتصلت فيها من شوي ساره : رشود سمعت بالي صار البارحه ؟ راشد : هيه عن ظبيه ؟ ساره : هيه ، تدري حاسه ان البنت فيها شي احس انه غاصبينهاا راشد : لا مستحييل ما اظن لو غاصبينهاا جان ماوافقت من البدايه ساره : ماعرف والله راشد : يا سويره ياحبيبتي انتي ليش تحاتيينهاا ؟ البنت أكييد مستانسه بس هاي انتي مكبر السالفه يعني تعبت عـاادي يمكن اي وحده تتعب لا تكبرين السالفه ساره : ع قولتك لا اكبر السالفه احسن ، شو كنت ترمس منوو من شوي ؟ راشد : يالس ارمس سلطون اليوم هو وسيف بيداومون عناا ساره : صــدق ؟ راشد : هيه أنــاا واثق من سلطـان بس ها سيفو لين ألحيين مانش سيف وهو توه نـاازل وكـاشخ عالآخر : شو انتوا ماعندكم حد تطيحون فيه غير سيف و سيف ياخي لا تحشون فيه من ورااي حراام واالله وكاني نشيت راشد + ساره : ههههههههههههههههههههههههههههه سيف : احم زين صبــااح الخير يا احلى اخواان راشد + ساره : صبـااح النور راشد : لا جان كملت بعد شوي شي وقت سيف : والله كنت نااش بس كنت اتكشخ ساره : راشد متأكد انكم سايرين الشغل ولا سايرين تخطبون لـ سيف ويت ويت ألحيين بتصل فـ حمدوه واخبرهاا سيف : أيييييه شو تبينى نتضارب تغارين انتي ( وتم يغايضهاا ويرقص حياته ) عقب ماتريقوا راشد وسيف تحركوا وسلطـان لحقهم عالشركه فـ العين تحديدا فـ بيت مريم نش خميس وهو حـااس انه تعبـــاااان البارحه مارام يرقد كان يفكر فـ ظبيه ليش جي عاملته بس عذرهاا لأن إلي جافته وإلي اسوالهاا عقب يمعه مب شوي حس بغيــره صدق تجااه يمعه ليش ظبيه جي حبته وماحبت خميس بس استغفر ربـه وترحمله عقب سار الحمام وتغسل وبدل وشل تلفونه وأتصل فـ عبدالله عبدالله : ألوو خميس : هلا والله شحالك ؟ عبدالله : الحمدالله بخيير ، شحالك انت ؟ خميس : الحمدالله على كل حـال ، شو راقد ؟ عبدالله : من شوي نــااش خميس : زين شحالهاا ظبيه ؟ عبدالله : والله لين ألحيين ماجفتهاا بس البارحه بصراحه حالتهاا هب حاله خميس تنهـد : عبدالله ليش هيه ماتباني ؟ عبدالله : ماعليـك منهاا هيه ألحين تعبانه نفسيا بعدها تحت تأثير الصدمه عقب بتستوعب كل شي وبترد طبيعيه خميس : انشالله يلا عيل سلم عليهاا وعـ الأهل عبدالله : يبلـغ خميس : مع السلامه عبدالله : مع السلامه عبدالله سكر من خميس بدل وسارت حجرة ظبيه دق الباب بس كانت قافلته هب طايعه تبطل الباب نزل تحت سـأل امه عن ظبيه وقالتله كل شي عبدالله انصدم من حركــاات ظبيه ماتوقعهاا بتكون جي شرى الياهــاال بس ألحيين هو إلي بيوقف ضدهاا وايد دلعهاا وللأسف هيه ماتستاهل ويالسه تتغلى عليهم سار حجرتهاا وهو مغيــظ عالآخر : ظبــووووي فتحي الباب ظبيه : مـــاابااا مــــااابااا ودورووني روحي شو تبون مني خلاااص ودروني عبدالله حرج : بطلي البااب لا والله اكسره اجوفج سايره يااهل بطلي بسرعه ظبيه استسلمت وبطلت الباب عبدالله وهو مغيظ عالآخر : شو هالحركات إلي يالسه تسوينهاا ( ويودها من جتوفهاا وجربهاا منه ) انتي كبرتي هب ياااهل ظبيه ( ودق بصبعه على راسهاا ) اعقلي انتي هب يااهل اعقلــي ظبيه دزت ايده وهيه ميته من الصيااح : ماابيه ماابيه مابي خميس ماابيه عبدالله : شو إلي تبينه وماتبينه ليش وافقتي من البدايه ليش قلتي انج موافقه ؟ ظبيه سكتت مارامت تقول شي عبدالله : رمسي بلااج سكتي ؟ ظبيه : عسب يمعــه خبرتك عن الحلم انه زعل مني لأني ماراح اوافق ( وسكتت ) عبدالله : يمعـه ويمعـه ( وعلى صوته ) ويمعـــه لين متى بتفكرين فيه الريال مات والله يرحمه خلاص يا ظبيه عيشي حياتج مايصير اتمين ع ذكرى يمعه ، حتى يمعه مابيرضى اتميين جي شو هالحركاات احيدج انتي عاقله شو إلي صار فيج ؟ ظبيه : انزين انا مابي خميس مابيييه عبدالله : ليش ؟ عطيني سبب مقنع عسب اقتنع والله ثم والله انا بوقف وياج ان اقنعتيني بسببج ظبيه : لاني مابااه خلاص لا تجبروني خلوه يطلقني كيف توقعون بداالي كيف مايصيير عبدالله : سمعي يا ظبيه الرمسه إلي بقولها ألحيين ذكريهاا عدل وعمرج لا تنسينهاا انتي ماراح تكونين إلا لـ خميس وخلاص انتي ألحيين حرمة خميس واي وقت خميس يباج بياخذج فاهمه ظبيه صارخت : مـــــــــــاااباااه اكرهكـــــم اكرهكـــم كلكم اكرهكـــم ظهر عبدالله من حجرة ظبيه وهو حـااس بالذنب بس لازم جي يتعامل معاها ويرمسهاا عسب تكبر عقلهاا ها زواج هب لعب عيال ظبيه من عقب ماسمعت رمسه عبدالله كله حابسه روحهاا فالحجرة موول ماتظهر يطرشولهاا الأكل بس ماتاكل مول ماتحتك ويا حد كل يالسه تفكر جافت ان ماشي امـل انها تطلق من خميس خميـس كرهت هالأسم من كل قلبهاا تمنت فـ لحظه انه يموت عسب ترتااح عقب تفكير طـال يومين فكرت وقررت انها تستسلم للقدر تستسلم واتم ويا خميس لأن خلاص صار ريلهاا وعقب كمن يوم عرسهاا تمت تفكر وتخطط بطرق تنتقم من خميس مره وحده استغفرت ربهاا عرفت ان الشيطان يالس يلعب بـ عقلهاا وعرفت ان كلام عبدالله هو عين العقل وبتجوف هالخميس إلي وايد يمدحونه شقايل عقب نشت وصلت ركعتين عقب تمت تقرى قرآن حست بــرآآآحه نفسيه من عقب ماخلصت قرايه القرآن بدلت ثيابهاا وتعدلت وتعطرت ونزلت تحت أول مانزلت الكل استغرب تموا يطالعونهاا وهم مصدومين ظبيه بدلع : بلااكم شو أول مره اتجوفوني ؟ سعيد : اميه انــاا فـ حلم ولا فـ علم ظبيه : هههههههه فـ علم علم سعيد : لالالالا وتظحك بعــد ظبيه تعاتبه : سعيـــد سعيد : ههههههههههههههههههههه خلاص خلاص بسكت عبدالله : ليش واقفه تفضلي حيااج ظبيه : يوعـــااانه حدي احس اني بموت بسير آكــل عبدالله : انا بي معــااج سعيد : مي2 بي معاكم أول ماساروا عبدالله وظبيه وسعيد ام عبدالله : سالم انت يالس تجوف إلي انا اجوفه ؟ بو عبدالله : هيه شو قالولج اعمـى ما اجوف ام عبدالله : ســـااالم بو عبدالله : ياعيـون ســالم سعيد : احم احم انــاا هنيه ترى ام عبدالله : بسم الله انت ماسرت معاهم ؟ سعيد : والله ولدج شردني يبا يرمس ظبوي وبعدين والله وظهرتوا حركــاات هااه بو عبدالله : سعــوود اصطلب سعيد : هههههههههههههههههههههه امايه تتوقعين شو إلي غير ظبوي ؟ ام عبدالله : والله ما اعرف علمي علمك فبيت حميد تحديدا فـ حجرة ميره نشت من الرقــااد وهيه تعبـــااانه حدهاا تحس راسها بينفجر البارحه مارقدت من وقت كانت سهرانه على فلم نشت من عالشبريه وسارت الحمام وتغسلت وظهرت عقب بدلت ولبست مخوره ورديـه ورفعت شعرها كله بـ توكه ورديه وتعطرت وجافت الساعه وشهقــت ميره : خييييبه رقدت كل هاااه ؟ عقب نزلت تحت ميره : صبـــااح الخير ام احمد : إلا قولي مســاا الخير ميره : امــاايه بعدها الساعه 11 يعني بعدناا حصه : شحالج ؟ ميره : الحمدالله بخير شحالكم انتو ؟ الكل : الحمدالله ميره : غريبه البيت هادي شو وين سلطون وعبيد ؟ حصه : وييه مادريتي ؟ ميره : شو بعــــد ؟ حصه : سلطـان اليوم داوم فالشركه ميره : فذمتج ؟!! حصه : والله ميره : الحمدالله ألحيين ماباقيله إلا بنت الحلال ( واطالعت امهاا ) ام احمد : بنت الحلال موجوده بس خل سلطـان يقتنع ابهاا ميره على بالهاا ساره : امــاايه سلطـان مقتنع ام احمد : كيف مقتنع وانا امســاات مرمستنه ورفض ميره استغربت : كييف يرفض ؟ هو يباهاا حصه حست ان مكانها غلط : يلا عيل انا استأذن بسير اجوف عبيد ام احمد : اذنج معـاج أول ماسارت حصه ميره : امــاايه كيف سلطـان يرفض ساره هو يموت فيهاا ام احمد : اي ساره ؟ انا ارمس عن امــل ميره انصدمت : شوووه امــاايه اي امل نحن مرمسينج عن ساره ام احمد : وامــل بنت اختيه ؟ ميره : أمــل بنت الكل يتمناهاا بس سلطـان يحب ساره ومستحيل ياخذ امل ولا يسعدهاا ام احمد حرجت : لو يبى ساره خل يشتغل ويكون عمره عقب يفكر فالزواج ميره : ليش يعني ليش ؟ ام احمد : مييره بلا رمسه زايده خلااص نحن رمسنا فـ هالموضوع واايد هنيه ميره عرفت ان سلطـان متضايج هالفتره من هاي السالفه وعسب جي اشتغل مع انه كان مأجل فكرة الشغل حاليـاا أكتفت ميره بأنها تسكت وتفكر بحل يخلي امهاا تشيل امـل من بالهاا فـ الشركه راشد كان يالس يعاني ويا سيف إلي مووول هب طايع يستوعب شغله اما سلطـان حب شغله واايد وبما ان أول يوم لـه فـ على قولته بيستريح وبس بيشرب جاهي وقهوه ويقرى الجريده راشد : يالثــوور انت متى بتفهم قلي لعوزتني سيف : اووووف ذليت بو عاري ياخي ( وفر الملفات إلي كانت بإيده ) مابي اشتغـــل زيــن سلطـان : ههههههههههه قسم بالله شكلك يظحك يبالي اصورك وانشره بلوتوث واكتب العامل الكسول سيف وهو يقلد سلطـان : يبالي اصورك وانشره بلوتوث واكتب العامل الكسول كسول فعيينك طاع ويهك مستانس واايد يالس تشهرب جاهي وقهوه وتقرى الجريده والله حاله وااايد قاص ع روحك أحمد توه حدر عليه أحمد : بعديين معاكم فضحتونــاا فالشركه صوتك واصل لآخر الممر سلطـاان وهو يأشر على سيف : جوف هالثور فضحنــااا سيف : أنــاا الثور هااه أحمد حرج : اعقلــواا انتوا اصحاب الشركه ألحيين شو هاي حركات الياهاال سلطـان : وابووويه حرج حرج أحمد : سلطــااان هب متفيج لسخافاتكم راشد : عسب اتحس فيه ياخي عرفت شقاايل اعاني ألحيين أحمد : الله يعينك والله جوف يا راشد احسن حل لو تموا يستهبلون عليك ابوي وابوك فـ مكتبهم تلفون واحد ويأدبونهم سلطـان + سيف : وااابووويه خل نصطلب احسن أحمد + راشد : هههههههههههههه تستاهلوون وعقب شوي شوي استوعب سيف الشغله وبدى يشتغل وراشد استانس عليهم وتم يشجعهم وعقب سار راشد لمكتبه وهم تموا يشتغلون فـ بيت سالم تحديدا فـ المطبخ كانت ظبيه يالسه تاكل وعبدالله يالس حذالهاا ويشرب عصير ليمون ظبيه : هيه صح عبود كنت برمسك بموضوع بس دوم انسى عبدالله : تفضلــــي ظبيه : شرايك بميره كزوجه لك ؟! عبدالله انصدم ماتوقع هالسؤال موووول وشرق وتم يكح ويكح ظبيه زاغت : بسم الله عليك بلاااك شو لهالدرجه ميروه مأثره فيك وغمزتله عبدالله : ظبووي انتي مسخفه اليوم فيج شي ظبيه : ههههههه والله حاله كل ماسوينا شي ماعيبكم وقلتوني فيج شي كاني جدامك جوفني مافيني إلا العافيه ، يلا قلي شرايك فيهاا عبدالله : والله بنت والنعم فيهاا بــس ظبيه : لا بس ولا شي ( وسارت لوت عليه ) مبرووك ياخوي بسير ارمس اماايه (وتوجهت صوب الصاله ) عبدالله : ظبوووي ظبوووي ( لحقهاا ووقفهاا ) تخبلتي انتي ؟ شو ترمسينهاا ؟ ظبيه : انت تحب ميروه صح ؟ عبدالله توهــق : شو يالسه تخربطيين ظبيه : انت مو تحبهاا ؟ عبدالله : حتى لو احبهاا تو النــااس ظبيه : شو إلي تو النــااس تحبها وتحبك والله خبايل زين اخطبهاا عبدالله استــاانس : تحبني ؟ ظبيه : جوف كيف استاانست اوني اخربط هااه ( وغمزت لـه ) عبدالله سحبهاا : تعالي تعالي زيين منو قالج اني احبهاا وتحبني ؟ ظبيه : محد من حركاتكم نظراتكم عبدالله : ينباان ؟ ظبيه : بصرااحه مراات قبل كنت شاكه بس تأكدت لما كنا فالمزرعه لما طاحت فالحوض يوم خبرتك انها ميره كيف زغت عليها ونقذتهاا وحالتك كانت حاله ، وهيه مكشووفه من ساسهاا لراسهاا عبدالله : بذمتــج عيل ماتبين لي !! وانا اتحرااهاا طول الفتره تعتبرني عاادي ظبيه : ياخي كبر مخك كيف تباها تبينلك لو انت مابينتلهاا وبعدين هاي بنت مايصيير وهالاشياا عييب منقوده عبدالله حب ظبيه : وااي فديتج فرحتيني والله بصراحه اليوم يوم فنتـــوووكي ظبيه : هههههههههه يالله تعاال بنرمس امــاايه عبدالله : مو توه اتريي شي وقت ظبيه : لاا والله متى انشالله لما يصك عمرك الخمسين ؟ عبدالله : ظبوي ممكن سؤال بس ماتزعلين ولا تضايجين ؟ ظبيه : تفضل يا اخي الكرييم عبدالله : شو إلس غيرج مره وحده ورديتي شرى قبل ؟ هنيه ظبيه سكتت ونزلت راسهاا وتنهدت فتره صمــت عبدالله كــاان يترياا ظبيه ترمس وظبيه ضــاايعه بين افكارهاا عبدالله : بلااج ؟ ظبيه : يا عبدالله خلاص انا استسلمت للقدر راضيه بالي يسويه فيني بالأول خذ مني أغلى ناسي وألحين بين يوم وليله خل واحد ماكنت اعرفه عدل ولا عمري فكرت فيه ريلي يعني شو اسوي انــاا تعبت عيوني تعبت من كثر الصيااح صوتي راح من الكثر الصرااخ شو تبوني اسوي الكل ضدي محد واقف معااي خميس وخميس هالريال ساحرهم ما اجوف قي شي يجذبني بالعكس هو ..... ( وسكتت ) عبدالله شفق ع حال اخته وحـس بالذنــب : هو شوو ؟ ظبيه : عبدالله خلاص انـاا بعيش حياتي عاادي وبحاول استانس وافرح على كثر ما اقدر بس مثل مايقولون مو كل من يظحك بـ هالعالم مبسوط بس انــاا واايد حزنت وصحت ومرضت خلااص تعبت ابي افرح ولو بيوم عبدالله مارام يسمع رمستهاا زياده كل ماترمس يحس ان هو السبب بالي صار فقاطعهاا : خلاص فديتج أنسي كل إلي صار والله ثم والله خميس ريال والنعم فييه من يوم ماطحتي وهو يتصل ويسأل عنج ويتطمن عليج صدقيني يا ظبيه خميس بيحطج فـ عيونه سعيد وهو يصارخ : هيييه انتو بسكم ماشبعتواا ؟ ظبيه مسحت دموعهاا إلي طاحوا : بسم الله بلااك ؟ سعيد : مليت وانا يالس روحي ياخي ظبوووي يالعروس كم باقي ع عرسج ظبيه : ياكرهك والله سعيد : تدرين بفتك منــج واخيـــراا ماباقي إلا اربع اياام ياااي ونــــاااسه ظبيه : عبود جوفه جني يالسه ع جبده عبدالله : اييه هب ع ظبووي سعيد : مـــااالت ، زين ظبوي نشي اماايه تقلج سيري بدلي عسب تسيرون للمصمم مال فستانج ( وتم يغايضهاا ويرقص حياته ) يالعــروووس عقب نشت ظبيه وسارت تلبست وسارت ويا امهاا للمصمم وهالمره ساروا ويا ام راشد وفالدرب ظبيه خبرت امهاا ان عبدالله يبا ميره وام راشد ماقصرت مدحت ميره مديــح خلت ام عبدالله تحط ميره فـ بالهاا ، وام عبدالله واايد استانست بأن عبدالله واخيرا فكر فروحه مرت هالأياام بسرعه جنهاا تركض والكل ماحس بالوقت الكل كان مشغول يا بالفستان ولا بحجز للصالون ولا ولا فـ يوم عرس ظبيه عالساعه 12 الظهر كلهم كانوا يالسين تحت إلا ظبيه إلي كانت فـ حجرتهاا لأن خميس كان تحت فالصاله سيف : خمــووس اشعنه يااي انت هب مب لازم اتجوف العروس يلا يلاا برررع خميس : هههههههههههه يلايلا وين ياحظي وين جفتهاا عبدالله : سيف لا تخااف يالسين لــه بالمرصاد مايد : زيين تسوون فيه ادبووه خميس : حرااام عليكم شو قلبتوا ضدي راشد : احسن تستااهل عيل انت الياهل تعرس قبلي الكل ظحك ع تعليق راشد خميس : وييه مشكله إلي يغاارون سعيد : اقلكم ترى البنات يبون حد يوديهم الصالون عقب الغدى عبدالله : انا بودي اختييه راشد : واناا الباقين خميس : لاازم عسب يجوف الحبيبه راشد ضربه بالخفييف : اسكت فضحتناا يالمعرس وتموا يسولفون ويظحكون امــاا فـ حجرة ظبيه فاطمه وساره وظبيه كانوا يالسين يسولفون معااهاا وفاطمـه استغربت من ظبيه فـ الملجه شكلهاا كانوا غاصبينهاا وألحيين شكلهاا عادي بس طنشت وتمت عاديه ، كـانوا يرمسون عن الفستان والتسريحه والميك اب مر الوقت بسرعه وتغدوا وكل حد سار الصالون وتجهزوا وعالساعه 7 ونص خلصوا منهم كلهم وكل وحده ظهرت أحلى عن الثانيه عقب مروا عليهم عبدالله وراشد ساره استغربت بلااه سلطـان هالاياام ليكون بس صدق تضايج من حركتهاا الاخيره تمت تفكر وتحاتي بس قالت لا يمكن بس جي حركاات قالت بتسأل ميره عقب غيرت رايهاا عقب ما البنات لبسوا فساتينهم توجهوا للقاعه القاعه كــاانت عــووده وفخمـه كانت بيضه ومتروسه ورود حمــرر بس منسقينهاا بشكل غريب فـ ظاهره القاعه جنـــااان ظبيه كــاانت واااايد محلوه أول مره تحط ميك اب احمر ومدخلين فيه اسود فـ امبيضهاا وظاهر شكلهاا خبــااال غير التسريحه إلي رافعين شعرهاا كله ومنزلين منه خصلات بطريقه حلوه والفستــاان الأبيض إلي لأول مره تلبسه صدق صدق كــاانت حلـــوووه البنات تخبلوا عليهاا واستانسوا عليها وااايد يسلوا يسولفون معاهاا شوي عقب ودروهاا وساروا يساعدون امهاتهم فـ الإستقبال (سـاره : كانت لابسه فستـان برتقالي فــاااتح وكانت مستشوره شعرهاا ورافعه نصه ونصه كان نازل .. ميره : كــانت لابسه فستـان وردي فــااتح وكانت رافعه شعرهاا كله كان اللون الوردي واايد حلوو عليهاا .. فاطمه : كانت لابسه فستـان أخضر وكانت مستشوره شعرهاا ومبطلته ومسويه بـااف .. حمده : كانت لابسه فستـان رصاصي وفيه كرستالات بنفسجيه بس تحت الصدر وكانت رافعه شعرهاا كله ..) كـانوا كلهم مستانسين وحالتهم حاله إلي ترقص وإلي تصفق وإلي مرتبشه ويا الأغنيه إلي سارت ويسلت عن ظبيه تهدييهاا ظبيه كـانت صدق صدق مرتبكــه وحست خلااص كل شي صــاار صدق وماتدري شو تسوي ألحيين تفرح ولا تحزن ، تصيح ولا تظحك ، مشاعرهاا كانت متلخبطه وقلبهاا كـان مفبوض وكــااانت واااايد خــااايفه فـاطمه كانت يالسه عندهاا وترمسهاا عسب اتم ظبوي عادي وماتخــااف عقب يتهم أم مايد وقالت ان بينزلون ظبيه ألحيين ظبيه : لالالا عموو بعده شي وقت مريم : وين شي وقت طاعي الساعه كم الناس يبون يسيرون فاطمه : هيه والله الساعه 10 ونص ألحيين ظبيه شوي وبتصيــح : مـــااابااا استحي خاايفه والله فاطمه اتدزها من ورا : يلا يلا يلا عقب ع نغمــاات هاديه ورومنسيه حدرت ظبيه وكل العيون كـانت صوبهاا وهيه كــاانت ميييييته من الزيــااغ حمدت ربهاا لما وصلت عالكوشه على طول يلست عالكرسي الحريم ساروا وسلموا عليهاا وإلي باركت إلهاا والي صورت وياهاا وإلي وإلي طبعــاا البنات كلهم ارتبشوا من خـاطر تموا يرقصون وظبيه استانست عليهم وعالساعه 12 قالوا المعرس بيحدر ظبيه من سمعت هالكلمتين حست بـ بروده بجسمهاا بتجوفه هيه نعم بتجوف خميس كــاااانت وااااااااااااايد خــاايفه ومرتبكه كـان فخاطرهاا تشرد تمت تقول فـ خاطرهاا لو شردت من هلي احسن عقب ظحكت عروحهاا بصوت واطي : وايد متأثره بالأفلام فاطمه : قلتي شي ؟ ظبيه : فطيم مييييته من الزيااغ فاطمه : ههههههههه اتريي الحبيب بيوصل ظبيه : جب جب وعقب حدر خميس وأول ماطاحت عين خميس ع طبيه تخبــــل ماتوقعهاا جي بـ هالجمــاال وهيه من جـافت خميس قلبها يدق ويدق ويدق وكــاانت وااايد زايغه بالذات لما خميس وصل إلهاا عـ قولتهاا جنه وحش ياي صوبهاا حب راسهاا وقال : صدق لما قالوا المكياج يخلي الخسف حلوو ، مبروووك هنيه ظبيه تمنت الأرض تبلعهاا ولا ان يحبهاا وتسمع هالرمسه الخايسه منه انحبطــت وسكتت موول مارمست فاطمه سمعت رمسه خميس ونقعت من الظحك كانت بتعلق بس سكتت لان الناس قاموا ايون ويسلمون علييهم عقب الكـل ســاار وتفـاجؤا كلهم بوجود شيخه كـانت توهاا يايه سلمت عليهم والكل استــاانس بوجودهاا سلمت عالمعاريس وباركت إلهم عقب ساروا الحجرة تموا يتصورون خميس كان مستانس وظبيه كــاانت ميييييته من الزيــااغ ومقهــووره من المصوره الطفســه إلي كل شوي تخليهم يسوون حركه قالت لـ خميس يلوي ع ظبيه من وراا وحاله خميس كانت صدق مستانس وظبيه مغييظه من خــااطر ومرتبكه خميس كان عارف هالشي وكان يغايضهاا فقال بيلعوزهاا خميس : ظبــوي حياتي بلااه قلبج شوي وبيظهر من مكانه يالس اسمع دقاته ظبيه شكت ان صدق سمعت لان صدق صدق قلبهاا يالس يدق بالقوو أول مره جي تسمعه سكتت ظبيه وابتعدت المصوره تمت محرجه وخميس يظحـك عقب قالهاا تسير وتموا المعاريس فالحجرة خميس : بلااج هدي بسم الله ماقلت شي ظبيه : ...... خميس : ها شحالج ألحيين احسن عن قبل ؟ ظبيه : الحمدالله خميس : واخيرا نطقتي تحرييت قصوا لسانج ظبيه غيظت : انت شو سالفتك من أول ماجفتني وانت يالس تقطعني خميس : ههههههههه فديــت إلي عصبواا انــاا ولوى عليهاا ظبيه هنيه ماتعرف شو استوابهاا ولا بشو حست ولا شو شعورهاا تجاه هالريال الغريب بالنسبه إلهاا صوب الأهل كلهم توجهوا لبيوتهم ورقدواا لأنهم صدق صدق تعبـواا من خــااطر وهزاع و شيخه رقدوا ف بيت محمد فاليوم الثاني عالساعه 9 الصبح فتحت ظبيه عيونهاا استغربت المكـان إلي كـانت فيه نشت من مكانهاا جافت خميس راقد عالشبريه واتذكرت إلي صار البارحه ( عقب ما خميس ودرهاا قالتله بتسير تتسبح وتبدل سارت وعقب خلصت ظهرت خميس قالهاا لا ترقدين اتريني بنسهر ع فلم فنتوكي وسار عسب يتسبح ، بس ظبيه حبت تقرهه فـ سوت روحهاا راقده عالكرسي لما خميس ظهر سار صوبهاا عسب يوعيهاا حرج لما جافها مسويتله طـااف سبهاا سب وسار رقد عالشبريه وهيه ف خاطرهاا تبى تظحك بصوت عالي ، بس عسب ماتخرب خطهاا كتمت ظحكتهاا وعقب مره وحده صدق رقدت وبدون لا تحس بروحهاا ) ظحكت ظبيه عروحهاا وعقب سارت تتسبح عقب ظهرت ووعت خميس ظبيه : خميــــس نش خميس طــاااف ظبيه وشوي وبتذبحه : خميــــس خميس : اوووف شووو ؟ ظبيه : شو إلي شوو نش الساعه 9 وربع ألحيين أول ماسمع الساعه فز خميس من مكانه ظبيه زاغت قالت بيذبحهاا ألحيين تمت واقفه وميته من الزياغ ظبيه : بلااااك ؟ خميس : غبيه انتي اشعنه ماوعيتيني من وقت ؟ ظبيه : لا والله ألحيين انت إلي ماتنش تسبني انــاا من الصبح يالسه اوعيك مسويلي طــااف خميس حرج : زين زين بلا رمسه زايده تزهبي طيارتناا الساعه عشر ظبيه انصدمت : شــووو اي طياره ؟ منو قالك ابي اساافر اصلاا ؟ خميس اطالعهاا : ليش انشالله ؟ ظبيه : انا مابي اساافر خميس : مب ع كيفج بسرعه نشي اتزهبي زهبي اغراضي ظبيه بهمس :ياربيييه كرييه وعنيد بعـد خميس : شوو ؟ ظبيه : اففف ماشي ماشي تمت فخاطرهاا تسبه وتدعي علييه من أول يوم وهو جي يعاملهاا الله يعيين الأياام اليايه سار خميس يتسبح وظبيه يلست تزهب اغراضه واغراضهاا وعالساعه 10 إلا ربع ساروا المطـاار ظبيه انصدمت بوجودهم كلهم هنــااك كانوا ياين يودعونهم ظبيه : اشدراهم ؟ خميس : حبيبي يعارفون قبلج ظبيه استغربت : وليش انــاا اخر من يعلم خميس : مفـاجأه يا روحي ظبيه منقهره منـه من خــااطر وبخاطرهاا تكفخه كل يوم عن يوم يزيد كرههاا له وتموا كلهم يسلمون عالأهل بس ظبيه استغربت ان سعيد مب شرى كل مره يلعوزهاا ويظحك ويتطنز كـان واايد هادي سلمت علييه وتمت توصيه ع روحه وعلى امـه وابوه ولا اراديـاا طاحت دمعته ظبيه انصدمـت من جافت دمعه سعيــد كانت تتوقع آخر وااحد بيصيح عشانهاا سعيد حظنته ويلست تصيح معــااه عقب دزها بالخفيف وقال : ترى انــاا ماصيح عشانج من زين شيفتج بس عيوني تحرقني تمت ظبيه تضحك شوي وتصيح شوي وردت حظنته عبدالله كــاان صدق مستغرب من سعيــد بس ابتسم لماا شاف شكثر سعيد يحب ظبيه مع انه كـان اكثر واحد يلعوزها ويغربلهاا عقب ما سلموا عالأهل والكل ودع خميس وظبيه توجهواا للطيـااره وكانوا صدق متأخريين ظبيه كانت أول مره تحدر الطياره وكـانت صدق زايغه كل إلي يالسه تسوي تدعي ربهاا فـ المطـاار صوب الأهل عقب ماودعوهم الكل قال بيسيرون للبيت ساره كانت يالسه تفكر فـ سلطـان ليش جي حاله تغير مره وحده جافته واقف روحه يرمس بالتلفون صدت صوب أهلهاا جافتهم يالسين يرمسون مشت بسرعه صوبه وكل ماتتقرب منه خطوه تزيده قوه نبض قلبهاا كــاانت واايد خايفه ومرتبكه سلطـان كان معطيهاا ظهره ويالس يرمس أول ماصد دعمهاا سلطـان : السموحه ساره : مسموح ، شحالك ؟ سلطـان نزل راسه : بخيير ساره من حركته زااغت زياده وسلطــاان كـاان صــــدق مستانس عرف انه ساره تحس فيه وتحبه شرى ما هو يحبهاا ساره وهيه مرتبكه : اممم سلطـان بلاك ؟ ليش متغير ؟ سلطـان ماحب يقلهاا السالفه : مـااشي ( وفكر بآخر حركه سوتهاا ) بس الحركه إلي سويتيهاا شوي اتسكرين التلفون فويهي هــااه ؟ ساره : والله من حركاتك شو تباني اقلك ... ( وسكتت ) سلطـان عيب مايصير جي والله لو هلي يعرفون بيذبحوني انا خنتهم يا سلطـان سلطـان : ساروه انتي بتكونين لي وانا بكون لـج وغير ها ماشي فـاااهمه ساره قفطـــت وصدق صدق تلومـت وييهاا احمـر سلطـان : هههههه طاعي ويهج كيف غدى احمر ساره ضربته وسارت وهيه مستــانسه ع سلطـان و كانت تقول فـ خاطرهاا ( فديتك والله احبك وبظل طول عمري احبك ) ميره : احم احم وين كنتي ؟ ساره انصدمت : حد جافنــاا ؟ ميره : ههههههه لحسن حظج لاا بس انــاا ( وكشت إلهاا ظروسهاا ) ساره ضربتهاا ع راسهاا بالخفيف : مالت بس ميره : اييه لا تفضحينــاا نحن فالمطـاار وبعدين طوفي كلهم ساروا بتمين روحج هنيه ساره : شو مينونه يلا نسيــرر وعقب مرور اسبوع من على زواج ظبيه وخميس حددوا عرس فاطمه وراشد <~ من كثر ماحن عليهاا راشد اخر شي حددت البنت وملجه ميره وعبدالله ميره كــاانت صدق صدق مستــاانسه لأنهاا بتاخذ الأنسان إلي حبته وعبدالله بعـد كـاان واايد مستانس الكــل استانس إلهم وباركوا إلهم بالذات ساره كـانت واااايد مستانسه لربيعتهاا وبنت عمهاا وتوأم روحهاا ولأخوهاا مرت الأياام بسرعه ومحدن حس ابهاا لان كلهم كانوا مشغولين فـ يوم عرس فـاطمه وراشد راشد كــاان وااااايد مستـانس وفـاطمه كـانت واايد زايغه + زعلانه لانها بتودر أهلهاا إلي فالعين وبتسكن ف دبي كالعاده عقب الغدى ساروا الصالون وتزهبوا وهالمره خلصت عالساعه 7 ساروا كلهم القاعه والكل كـان كاشخ عالآخر عوشـه كــاانت وااايد فرحــاانه حتى مريم كانت فرحانه وبنفس الوقت متضايجه لأنها بتودر بنتهاا و ميثاا كانت صدق صدق مستـــااانسه من خـاطر ع قولتهاا بتفتك من فاطمه وهيه بتصير دلوعة البيت <~ تفكير ياهاال مر العـرس بسلاام وساروا المعـااريس الحجرة بس تموا الأهل فالقاعه ايمعون الأشيــاا ام عبدالله طول العرس ماشلت عينهاا عـ ميره كـانت واايد مستــاانسه ابهاا وقبل لا يظهرون سارت عند ميره وقال إلهاا اتي واتسلم ع عبدالله يبا يجوفهاا بس ميره كـانت مستحيــه وساره كانت تظحك وتعلق علييهاا واخيرا اقنعوهاا وتشجعت تسيير أول ماظهرت جافت عبدالله واقف خاري أول ماجافهاا عبدالله ابتسم ابتســاامه تعـذب ميـره تخبـلت وبنفس الوقت كــاانت وااايد مستحيه ومرتبكه عبدالله : السلام عليكم ميره بصوت يالله يالله ينسمع : وعليكم السلام والرحمه عبدالله : شحالج الغاليه ؟ ميره طاح قلبهاا من سمعت الغاليه : بخيـر عبدالله : خيبه زطيه زين سأليني عن حالي ولا مايهمج ميره بدون لا تحس : لا شوو اكييد تهمني ( وسكتت ) عبدالله تم يظحك وتم شوي يسولف معاهاا عقب يت أمــه وسارواا وميره كــاانت وااايد مستانسه أول ماردت للقاعه ساره ماودرتهاا فـ حالهاا قطعتهاا تقطيــع مر هاليوم عـ خير والكل كـان مستانس فاليوم الي عقبه نشت ميره بكسل وكانت الساعه 10 صباحا سارت الحمام وتغسلت عقب بدلت ونزلت تحت جافت سلطـان ، وحصه ، وأحمــد يالسين ميره : صبــااح الخير الكل : صبــااح النـور ميره : عيل وين الماماا ؟ سلطـان : هههه الماما ظهرت يا نونو أحمد : وين نونو وعقب يومين ملجتهاا ميره : لا تذكرني والله بطني يعورني الكل : هههههههههههههههههههههههههههههههه أحمد : تعال تعال هنيه أنت مب ناوي تعرس ولا عايبنك حال العزابيه ؟ ميره وسلطأن اطالعوا بعض ونزلوا راسهم أحمد : بلاااكم بسم الله رمسواا سلطـان : مـاشي بس نترياا موافقه الوالده أحمد :والواده ليش هب موافقه ؟ سلطـان : تباني اشتغل واكون نفسي أحمد : ايـواا زين اخبركم عقب يومين نحن بنظهر من البيت خلاص بنسير بيتناا ميره : عشة حبكم أحمد: هههههههههههههههه تقريبا حصه : وانتي ميره حددتوا متى عرسج ولاا ؟ ميره : هيه عبدالله قال عقب شهر من الملجه حصه : وااايد مستعيلين ليش ؟ ميره : سكتيي كـان قايل عقب اسبوع عقب الحنه والرنه وافقوا عقب شهر حصه : وييه عيل الله يعينج لاازم تتزهبين من ألحيين ترى ما بتخلصين سلطـان : والله حااله انتو يالحريم عليكم حركاات حصه : لاازم بعـد شوو بنجوف حرمتك شو بتسوي سلطـان : انا حرمتي اليوم الملجه وباجر العرس على طوول ميره : هههههه خيبه ماشي تفاهم ( وغمزت لـه ) بنجوف ان وافقت أحمد : احم احم احس ان وراكم شي نحن هنيه ترى ؟ سلطـان يطالع وراه : والله ماشي غير الباب الكل ظحك أحمد فر عليه المخده : تستهبــل سلطـان : هههههههه لا احاول عبيد حدر عليهم عبيد : بابا بابا بابا احمد : شو حبيبي ؟ عبيد : بابا ابا اظهــر ميره : سلطـون احسب كمن بابا قال فالدقيقه !! سلطـان : شو متفيج ميره انقهرت منه لأنه قفطهاا سلطـان : وين تبى تسير حبيبي ؟ عبيد : امممم اي مكـان سلطـان : تبى تسير بيت يدوي محمد عند يدوه موزه ؟ عبيد : هيييييه عشان نجوف سارووه هنــااك ميره نقعت من الظحك لأنهاا فهمت قصد عبيد وسلطـان توهق بالذات لأن حصه موجوده بس تعليق حصه ريحه وعرف انه مافهمت شي حصه : وااايد مشتاق لساروه عسب تسيرلهاا ما احيدك مره كنت وياها اوكي دومكم ضراابه عبيد : لااااا نحن .... سلطـان قاطعه عسب لا يكشفه : يلا عبيد حبيبي جان تبى تسير قول حق إليسا تبدلك وتعــاال بنسير الدكان بعـد ميره : انــاا بعد بي عبيد : سمعت الدكان قالت بتي ميره : صدق انك قليل الأدب سلطـان : هههههههههههههه يلا ماشي انتي عروس ملجتج عقب كمن يوم يلسي فالبيت مايصيير ميره : سلطـــوووون حرااام والله سلطـان : شقيقتي الشقوق بشتاق لج بعدين يلا طوفي طوفي عقب عبود بيصرقج عنــاا ميره ضربته : اييييه أحمد : ياويل حالي على الي يستحوون ميره : خـــلاااااص لاااه الكل ظحك ماعدى ميره إلي صدق صدق قفطــت عقب سار عبيد لـ إليساا ولبسته وكشخته .. خخخخ وميره سارت وتلبست وتعدلت وساروا لـ بيت عمهم محمد كـانت اليده موزه يالسه فالحوي سار سلطـان وسلم عليهاا وحبهاا ع راسهاا ويلس يسولف وياهاا وميره وعبيد بعـد ، اليده موزه يلست ترمس ميره عن عبدالله وتوصيهاا علييه وهيه قــاافطه وسلطان يظحك عليهاا عقب سأل يدته عن سيف قاله انه سار الدوام اليده موزه : وانت اشعنه ماداومت ؟ سلطـان : يدوه والله تعبـان خذت اجازه اليوم اليده موزه : من ألحيين تدلع ؟ سلطـان : والله ما اتدلع ميره : انــاا بسير لـ ساروه اليده موزه : اصلا انتي يايه إلهاا هب لي سيري سيري ميره : فديتج والله خلاص بيلس عندج إلين ماتملين مني وانتي روحج تقولين لي سيري لوعتي لي بجبدي اليده موزه : مـااعاش من يقول لبنتيه جي سلطـان : عــااش عـــااش عقب حدروا هزاع وشيخه وسلموا عليهم ويلسواا وياهم وعقب ساره يتهم واستانست لما جافتهم اليده موزه : جــااان كملتي رقادج ؟ ساره : يدووه والله حراام عليج كنت تعبــااانه سلطـان ظحك وساره غيظت ليش يظحك اطالعته بنظره تم يظحك زيــااده اليده موزه : بس بس عن تموت علينــاا من الظحك هنيه ساره تمت تظحك عليه وميره تظحك عليهم هم الـ2 وشيخه وهزاع ضايعين مايعرفون شو السالفه عقب ساعتين سلطـان قال لـ ميره يلا نسير بس اليده موزه ماخلتهم قالت إلهم يلسون يتغدون وياهاا حاولوا بس ماشي فايده عقب تموا تغدوا سلطـان قال لميره بيودي عبيد الدكـان وبي ياخذهاا ميره وافقت بدون اي احجاجات ســاار سلطـان وعبيد الدكـان وعبيد تم يشتري له وسلطـان اشترى لـ ميره وساره عقب قبل لا يوصل للبيت بشوي اتصل وقال لـ ميره تظهر فـ هاللحظه عبدالله كـان ياي ياخذ حايه من خالته لـ امه فـ جاف ميره استـــااانس سار صوبهاا ميره ما انتبهت لـه عبدالله قرب صوب اذنهاا : بـــووووو ميره نقزت فـ مكانهاا وصدت مره وحده وجافت عبدالله وضاعت بين عيونه إلي صدق صدق تخبــل : خرعتني عبدالله : ليش الحلوه واقفه روحهاا خاري ؟ ميره استحت : مـااشي اتريا سلطـان ياي ياخذني عبدالله : شو ماتولهتي عليه ؟ ميره بمستحى : عبدالله عبدالله : ياعيون عبدالله ياقلب عبدالله يا روح عبدالله آمري انتي بس شبيك لبيك وعبدالله بين اديج ميره : خلاااص هاذوه سلطـان وصل سلطـان نزل درشة السياره : احم احم نحن هنــاا عبدالله : نعم ؟! افف منك قطاع ارزاق سلطان : هههههههههههههه عن الطفــااسه يلااا عبدالله : ارااويك بعديين عقب ركبت ميره السياره بس سلطـان عطاها كيس ساره بس هيه ماطاعت تنزل لأن عبدالله داخل فـ عطى الكيس لـ عبيد وقاله يعطيه لـ ساره نزل عبيد وسار لـ ساره وعطاها إيااه ساره : شو هــااه ؟ عبيد : عمي سلطـان شرالج من الدكاان ساره : فديته والله مانساني عقب ظهر عبيد من حجرتهاا وهو ساير للسياره جاف عبدالله فـ الدرب عبدالله قاله قول لـ ميره احبــج مووت عبيد : افففف كله انــاا عبدالله : انت شطور فديتك انــاا عبيد : انزين انزين بس توديني الدكـان ؟ عبدالله : من عيوني اوديك الشيشه بعـد عبيد استانس زيين عقب ربع صوب السياره وحدر وهو مستاانس عبيد : ميروه ميروه ميره : شووو عبيد : عمي عبدالله يقلج أحبــج مووت كــااات يتبع |
مشكورة اختي البارت واااااااااايد حلوة ونترية التكملة منج والله يوفجج |
ههههههههههههه .. حلوه حلوه . مثل الي فوقي ..خخخ بغبغاء مستوي وانا مادري ..خخخ مشكووره ياحبوبه على البارت الرووعه .. ونتريا منج التكمله .. |
طررررررررررررر يسلمووو ع البااارت الفنتك ^^ نترياا البارت الياي |
| الساعة الآن 04:42 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir