منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

.

البارت الـ 154

سلطان يالس ومنزل راسه ناوي يتصل ف عذور . . ودش عليه منصور . .

منصور : السلام عليكم

سلطان تفاجأ ووقف مصدوم . . : منصور .ّ

منصور يبتسم ويتقرب صوبه . .

سلطان : وعليكم السلام ..

منصور يبتسم ويتخاشم وياه : شحالك . .

سلطان يحظنه : يالهررررررررررررم . . وحشتني . .

منصور يبتسم اكثر : وانت اكثر قسم بالله . . اشتقتلك انت واختي موت وربي . .

سلطان يطالعه : ششششحالك طمني عنك . .

منصور يبتسم : اكيد سمعت وعرفت بلي صار " ينزل راسه " مش ريال صح . .

سلطان يدق جتفه : شو هالكلام يالخايس . . ؟؟ استح ع ويهك مش حرمه تسوي فيك جي

منصور : هيييييييها يا سلطان . .

سلطان : سامحني ياخوي ع الي صار . . والله الشي صار غصب . . دوم نبا نمنع رواحنا لكن الشيطان . . وانا غلطت ما يييت من اولها من الباب . .

منصور : حصل خييير . . " يبتسم " احين حليتو لبعض والحمدلله . .

سلطان يبتسم : والله وحشتني يا ريال

منصور : هههههههههههه . .

سلطان يبتسم . .

منصور : انا مصختها وطولتها مع ان السالفه كانت لازم تنتهي من تملجون . .

سلطان يقاطعه : خلاص يا ريال انسى السالفه . .

منصور يطالعه : انت وين ساكن الحين ؟

سلطان : في شقتك . .

منصور يبتسم : شقتك تقصد . .

سلطان يطالعه . .

منصور يبتسم : انا سجلتها باسمك وباسم عذور . .

سلطان متفاجأ : شوه ؟

منصور : لا تطالعني جيه . . بعد انت اخوي وهيه اختي مش خساره عليكم . . وانا مش محتاج الشقه وناصر مش محتاجنها . . انتو اولى فيها . .

سلطان يبتسم : والله ماعرف شقولك . .

منصور : لا تقولي شي . . بس اهتم في اختي وحطها في عيونك . .

سلطان يشوف عذاري الي يايه وهيه كاشخه اخر كشخه : هيه دومها في عيوني " يبتسم ."

عذاري مبتسمه بحيا : احس ترمسون عني ..

سلطان : مع الاسف . .

منصور : من سوء الحظ . .

سلطان يدق جتف منصور : مش على حرمتي . . انا بس اطيح فيها

عذاري تبتسم : الله وراي ظهر . . ماتروم تقولي شي . .

منصور : ماعليه . . سلطان بيرقد وياج الليله ؟ أإلا بيروح البيت وبتجابليني انا . .

عذاري تطالع سلطان : سسسلطان شوفه . .

سلطان يشوف منصور . .

عذاري معصبه : سسسسسسسسسسلطان

سلطان يطالعها : بلاج . . قلتي لي شوفه ويالس اشوفه ترى . .

عذاري بوزت . .

سلطان عاقد حياته : منصور . . مش على حرمتي . .

منصور يبتسم : بعطيك بوكس انته وحرمتك . .

سلطان : عاد انا ماروم له اخوج لا تتحرشين فيه . . شوفيه معضل بيكسرني بصبع . .

عذاري : الله اكبر . . صل ع النبي عن تاكل اخوي

سلطان فاج عينه : لاوالله

عذاري : هيييه . . جسم يتمنوووووونه . .

سلطان بقهر : من الي يتمناه

عذاري : الشباب بعد شو . . ينقهرون يوم يشوفون جسم اخويه

سلطان عاقد حياته : لاه ؟

عذاري : هيه .. شوف جسمه ماشاء الله طررررر . .

منصور يحج راسه : احرجتيني صراحه . .

سلطان : نشي نشي . . خليني نروح . .

منصور : ع وين . .؟

سلطان يطالع عذاري : بتخربينه ولا اخبره ؟

عذاري : بخبرك يوم برجع . .

منصور : وين بتروحون ايييييه خبروني الحين

سلطان يبتسم : بنزلها بيت وحده . .

منصور : وانت وين بتروح

سلطان : بتم احوط لين تخلص . .

منصور: عيل خلني اركب معاك نحوط لين هي تخلص ..

سلطان : يالله . .

منصور : بروح ببدل بس وبرد . . دقايق . .

وراح عنهم . .

سلطان عاقد حياته : ع فكره ما سلمتي عليّه

عذاري : قول والله . . اوه سوري نسيت . .

سلطان يطالعها . .

تقربت منه ومدت ايدها . .

سحب ايدها وقربها صوبها وقرص جتفها : منو الي جسمه طر ؟

عذاري : هههههههههههههههههههه . . اييييييييي . . عورتني . .

سلطان بعده يقرص : منو قولي . .

عذاري : انت انننننننتت . .

سلطان يوخر ايده : توج تتغزلين في اخوج . .

عذاري : لانه جسمه حلو ماشاء الله

سلطان عاقد حياته : وانا ؟

عذاري : هاه

سلطان فاج عينه : هاه بعد يا مسوده الويه ؟

عذاري : انت جسمك كان حلو . .احين ما تهتم فيه . .

سلطان بقهر : انت مخلتلي وقت ؟ ارد من الدوام تحشريني تقرقرين فالفون لين ما ارقد . . متى يمديني ؟

عذاري : يااااااااا الله يالعيار الحين مني انا .

سلطان : ماعليه انا براويج . . من اليوم ورايح من عقب الدوام بروح الصاله وبتم لين فليل وفليل برد وبرقد . . ولا بسويلج سالفه بعد ..

عذاري : لالالالا . . جسسسسسسمك طررر اصلا ما يباله لا صاله ولا شي خل عنك هالحركات . .

سلطان يبتسم . .

عذاري انجبرت تبتسم . .

سلطان : محلوه . .

عذاري صدت الصوب الثاني . .

سلطان : هههههه . .

عذاري تطالعه : ليش تضحك . .

سلطان عاقد حياته : كيفي . . حرام شو؟

عذاري : لا بس ابا اعرف . .

سلطان : تعالي قربي . .

عذاري : انا قريبه شفيك . .

سلطان : لا قربي اكثر . .

عذاري بلعت ريجها وماتحركت . .

تقرب سلطان منها وباس خشمها : يعلني فدا هالويه . .

منصور : هااااااااا شو تسسسسسسسووووون

عذاري ابتعدت عنه . .

سلطان : شتبي انت شتبي . .

منصور : احب اغلسس وانشب . . يا سلام بنشب لكم فالسياره بعد وبخرب . .

عذاري : لا شوه عادي اصلا نباك تي

سلطان يطالع عذاري : انزين عذور . . انزين . .

عذاري فاجه عينها تطالع سلطان وتغمز له . .

منصور : هههههههههههه يالله يالله خلونا نروح . . والله انكم مخابيل والواحد وياكم ما يفكر بشي . .

.

.

.