|
اووووووووووووووووووكي |
حكايـهـ ع ـشق مجـنوونـه البـآرت الواحـد والثلآآثوون [31] عنوان البـآرت : آنت ويايهـ وبدوني ما آبي مكروهـ يصيبـك .. خلاهـآ خالد ع راحتها وساره في غرفتها خاطرها تذبح عمرها .. خالد كان ساير صوب الغرفة يكلمها ويراضيها بكلمتين بس حد دق الباب خالد : منـو؟ شما : شعليييييك ..؟ ههه ابويه يباك ؟ خالد مستغرب : شو بلاج انتي خرفتي ؟ ع شوه شعليه والحين ياي حق ابويـه شما : تفكرني ما اعرف شو مستوي ..~ اوك يلا لا تتأخر طلع خالد من غرفتـه وسار صوب ابوهـ يلس عندهـ ..~ ابو راشد : شوف يا ولدي انت سويت زينة العقل ، نقيت لك حرمة من عايلتك .. احسن من الغريبة .. و عمتك و ريلها علي ربيعيه وما بيردني .. وربي يرزقك وتفرح في عيالك .. خالد " قاطعه " : ان شاء الله ابو راشد : وبنت خليفة تراهـآ بتم ع ذمتك و تراها غالية وابوها موصنا عليها عاد انت تعرف كله ولا هو ربي يرحمه فـ شاور حرمتك .. خالد : ابوية الشرع محلل لي اربع .. وانا مابعرس عليها بدون ما اقولها .. وهيه تدري الحين .. وشوي ويتغيرن ملامح ويهـ ابو راشد : بترضى الحين ولا بعدين نحن لازم نشوف عيالك .. خالد في خاطرها . . [ يبتها ع العوق يابوية ] . . ابو راشد : باجر بنسير عندهم خالد : ع راحتك ابوية اللي تشوفه بيصير ابو راشد : الله يجدم اللي فيه الخير طلعت سارة من غرفتها وتلبست كندورة وجحلت عيونها حست عمرها كبرررت وايد من اللي مر عليها مب هيه المنوره القبلية : خالد ما ينلام لو عرس عليهـ ..~! طلعت سارة وراحت صوب شمـا يلست تسولف عندها وشوي ويت ام راشد سارة شوي خافت .. بس ام راشد شكلها رايق وتسولف ام راشد : زين سويتي يا سارة سارة بحذر : خير عمتيه ام راشد : يوم انج وافقتي ع زواج خالد ؟ سارة بحزن ومن ورى خاطر : حقه عمتيه .. ام راشد : هيه والله نباااا نفرح في عيالهـ سارة جنه حد صفعها طراق في ويهـآ وسكتت ولا ردت .. ام شماا : ومن بتاخذوون له ؟ سارة حست بالقهر خاطرها توقف هالكلام كله وتقول انه خالد لها هيه وبس ما يحسووون .. غرغرن عيونها ولا قدرت تستوعب الكلام نشت عنهم بس سمعت ام راشد تقول " شمسـهـ " هنيه ساااارة يلست تصيح بصوت عالي وتقول كلام مب مفهووم ام راشد : باسم الله شو استوى ؟ حصه : ما ادري بس تكسر الخـآطر امايه مب بـأيدهـآآ ام راشد : الحين هو طلقها عسب تستوي هالسالفة كلها هي بعدها ع ذمتـه وهيه روحها واقفت ؟ شما : بس ولو امايه يمكن تلاقيها موافقة من ورى خاطرها ام راشد : قصورها والله .. شما تظيجت من امها بس هيه ما بتغير شي ْ.. سارة ما عرفت شو تسوي ما حصلت عمرها إلا دق ع خالد .. خالد شاف رقمها وتذكر هالإنسانه اللي كل هالجو نسااهـ الدنيا وما فيهـآ .. اللي يشوفه يقول مراهق ما صدق ع الله يعرس ؟! خالـد استغرب من عمره وردن مشاعره تجاه سارة وحزنه ع حالهم .. ورد لإكتئابه خالد " بحزن " : الو قلبي ..! سارة تصيح : اي قلب فيك انته ؟ كيف تجذب عليه ؟ انا ازداد خالد ؟ لهكثر استاهل ؟ لهكثر اهون عليك ؟ خالد ما عرف شو يقول .. حس بالذنب انه ما صارحها سارة : ليش ما ترد علي رد حرام عليك .. قطعت من الصياح خلاص تعبت واعصابها انهدت .. خالد : سارة ! سارة : في شيء ما قلته تبا تذبحني اكثر ؟ خالد : ........... سارة : لا تقهرني رد علي كلمني خالد كلمني بصياحها وصراخها خالد : بسسسسسسس سارة حرام عليج .. انا ما بعرس عليج لو انه ما في خاطري العيال سارة : انا قلت لك لا تعرس ؟ بس ليش شمسه بالذات .؟ يعني انت ما تحبني لو تحبني جان ما بتجذب علي ولا بتاخذها ؟ امك قالت لك خذها اشك صراحه انت اللي قايل لها وانا ادري انك تحبها بس انت مب عارف حق عمرك .. خالد : شمسه مثل اختي وارتاح لها وايد وهيه تحبني وما باخذ لي وحده ما اعرفها تقربلي وتعزني شو ابا اكثر من جيه ؟ سارة : اصدمني اكثر ..؟ انا مقصرة في حقك خالد ؟ انت تبا حب اكثر عن اللي عطتيييك اياه ؟؟ خالد : .................................. سارة : طلقـــــــــــــــــــــــــــــــــــــــــــــــ ــــني ذقت الهنا مني على كف يمنـاك يا كيــف تنسى ذاك اللي اكلتـه لك كم اشل الشعر وارد بأبيــات وانته ولا كنك ندايــة سمـ ع ـتـه خ ـالد : شو هالكلام سارة انا ما اصبر بلاج استهدي باللهـ الحين بييج ،.. سارة : مابااا اشوف ويهك ولا ابا اسمع حسك لا تكلمني ، وانا برد عند يدتي ولو تسوى اللي تسواه أكثر عن جيه ما بتحمل وأكثر عن جيه ما بصبر كم بسامح وماشي فايدهـ ياليك تحشمني ولا تعزني اصلا انا كيف ابا افكر اعيش وياك ما ادري ! خ ـالد " تغير صوتـه " : ساره حرام عليج انا ما اعيش دونـ ج سارة : هالكلام ممكن اصدقه قبل لكن الحين مستحيل .. مستحيل خ ـالد لا تحاول .. بصوت متقطع : الله يهنيك سكرت الخـط .. وهيه بعدها تصيـ ح ع حالهـآآ : انا ربي بلاني ولازم اصبر ماحد عندي في هالدنيا غيرهـ وآخ ـر شيء جيه حياتي وياهـ ..~ شلت عمرها وطلعت من البيت ، اللي وصلها دريول يدتها ما طولو لانه اساسا البيت مب بعيد بس هيه مب قادره حتى تروح روحها اول ما وصلت البيت دخلت وهيه تصيح .. يدتها ما عرفت شو بلاهـآ يلست سارة لاويه عليهـآ : يدوه خليه يطلقني ماباه يدوه رحمووووووني شيخة [ العيوز ] : باسم الله عليج بنتيه صلي ع النبي سارة : عليه الصلاة والسلام .. يدوه خبروج بيعرس عليه ..~ العيوز [ تيلسها ] : امايه حقه بدال الوحده اربع وهو ما بيتيوز عليج غير انه يبا العيال يابنتي سارة : يدوه انا شو ذنبي ؟ العيوز : ربج كاتب سارة : ياخذ اي وحده غير شمسه .. ! العيوز هنيه عصبت : منه وفيه احسن له .. شو هالمنكر اللي اتقولييييينه ما هقيييتج يا سارة جيه عيل من تبينه ياخذ سارة تصيح : محد وياي كلكم ضدي انا رده مابرد جان يباني يدور له وحده غير شمسه وجان لا يطلقني العيوز : طلااق ماشي و بياخذ شمسه غصبن عنج سارة طالع يدتها هنيه العيوز عورها قلبها : حتى انتي يدوه عيل شو خليتي حق الباقين .. انا قلت كلامي خ ـالد يوم درا انه سارة ردت بيت العيوز يا يردها طار قلبـه ما عرف شو يسوي حاول في اأمه تيي ووياهـ لكن ما طاع ـتً كلم ابوهـ وقال لهـ مصيره ترد لانـه العيوز ما بتخليهـآآ يالسهـ عندهـآآ دخ ـل خالـد البيت .. ~ ح ـصل العيوز يالسه ع الكرسي وحاطه ايدها ع راسها . . حبها ع راسها ويلس .. خالـد : يدوه وين الحرمـه .. العيوز : حرمتك يا خالد مصره تبا الطلاق .. بس يا ولديه يمكن عقب تهدا وترد لك .. خالـد " نزل راسـه " سارة في هالوقت طلعت من غرفتها سايره تبا تشرب ماي .. خ ـطفت ع الصالة شافت خ ـالد .. خ ـالد أول ما شافها وقف سارة كان حالها تعبان بس هاديه اول ما شافتها ردن دموعها ع خدها يسيلن ما قدرت تستحمل الموقف دخ ـلت داخل الغرفة .. خ ـالد يوم شافها جيه كره الدنيا و ما فيها منـو شمسه اللي عسبها جيه يستوي في سارة .. ع وقفته قبض البـــاب العيوز : وين ساير .. خـالد : راد البيت اميه .. تامريني بحايـه ..؟ العيوز : ولديه البنت بتجتل عمرها لازم تردها وتشوفون ح ـل لهـآآ .. دخل الغرفة حس في شيء ناقص .. دق لها تلفون بس مصره ما ترد .. خالد زعل منها بالقو ..~ وأصر انه يروح يخطب شمسه عسب يقهرها زود .. ما فكر غير جيه .. . . سارة حالها ما يسر بس أحسن عن قبل حست انها ريحت عمرها وحفظت كرامتها مب كل مره بتسامح خالد صدق صعبه عليها بس جذب عليهـآآ .. وما قدرها ولا حشمـهاا .. لازم ما يجازيها جيــــه ع كل اللي تسويه معاهـ .. ما فكرت في نفسها فكرت فيه هو قبل بس هو العكسـ .. ، ما فكر في شعورها ولا فيهـآ .. يوم الخميس الساع ـهـ 5 الفيـر .. ساره ترد ع التلفونـ وهيه يالله يالله تفتح عيونها : الو خ ـآلد مستغرب انها ردت : هلاآآ ساره صاخهـ وما ترمس : ...... خ ـآلد : الووو ساره بصعوبهـ وع ـيونها دمع : نعم .. خ ـآلد : بتردين البيت تسمعين .. ساره تسكر في ويهـه ! ردت عمرها وتمت تصيح من العذآب تحس بنفس الحرقـهـ تسري فيها ! آرد البيت هالإنسان ما يحس لا مستحيل ! خالد خطب شمسـهـ صار له اسبوع وشمسهـ مب مصدقـهـ طايرهـ من الفرح ـهـ و خ ـآآلد نفس الشيء ! يشتاق لسـآرهـ بس عنادهـآ وعزة نفسها وطبعها الصعب خلاها يكرها كره غريب هو مب عارف بلاها .. أما عن ساره مصره ع الطلاق وبعدها في بيت يدتهـآ اللي تحاول فيها كل يوم ترد بيت ريلها بس ماشي فايدهـ .. رقدت سارهـ بعد هالتعب .. وهالمكالمـه اللي ما حصلت لها تفسير .. نشت تلبست تكشخت لآآخر دررجـهـ تحاول تنسي عمرها بأي طريقـهـ .. يوم نزلت العيوز طبعا وحريم عمومتها استغربوو .. لانها أول مره تنزل بهالشكل من يت من بيتها .. ساره : السلام عليكم .. العيوز : وعليكم السلام .. ساره : شحالكم العيوز : بخير بشوفتج ، بثينه : ها ساره شو وتغمز لها ساره : شو هههه ؟ بثنيه : حق منو كاشخهـ .. العيوز : اكيد حق ريلها ساره { بوزت } في خاطرها يخسي إلا هو .. العيوز تكمل رمستها : امايه رمسني وقال بيي يشلج ما يستوي انتي هنييييه هاذا مب مكانج مكانج في بيت ريلج ساره تكابر : لا يدوه انا كم مره بعيد وبزيد ما بروح العيوز : لا بتسيرين سمعي كلامي لو مره وحده ساره : يدوه دخيلج هنيه اريح لي بثنيه رمسيها دخيلج دخيلكم مليت عفته مابااااااه اكره يطلقني شو يباني تراه خطبها وبيملجون ..عقب صاحت..ونشت عنهم .. العيوز : الله يهديها ويصلح بالها بثنيه : آمين يارب .. اول ما دخلت سارهـ غرفتها دخ ـل خالـد .. ما عرفت شو تسوي دقت حق حصـهـ .. حصـهـ : الوو سارهـ : اهلين حصووهـ حصهـ : شحالج ساره ؟ ساره : هب بخير .. حصهـ : بلاج هدي ! ساره : وين اهدي ؟ ممكن طلب ؟ انتي الوحيده اللي فاهمتني ! حصهـ : آمري .. ساره : خليييييييه يطلقني حصهـ : ساره لااا إلا الطلاق .. ساره تصيح : والله أنا هالشيء ماباه يصير وإني احبه وأموت فيه .. بس يرضيج اللي يسويه فيني يعرس قلنا معليه ! لكن لييش ياخذ شمسه .. ليش يجذب علي .. ليش يصدمني .. حصهـ ما عرفت شو تقول ساره : يباني ارد ؟ شو يبا بي قولي لي ؟؟ حصهـ : ساره خالد يحبج ؟؟ ساره : اي حب هاذا ! المهم خلينا منه ومني مشكلتنا ما بتخلص والله يعيني .. حصهـ: آمين ... ساره : اخبار عليااا فديتها .. حصهـ: الحمدلله تمام .. بزيـه ههه طالعه عليج ساره : فديييييتها الله يخليها لج ! حصهـ يتقطع قلبها ع ساره في مثل هالمواقف .. ساره : انزين برايج ما بطول عليج اسمع يدوه تزقرنيهـ مع السلامهـ .. مشت دموعها وعدلت جحالها ونزلت .. أول ما نزلت توقعت انه خالد موجود .. فـ كان شكلها عادي والله يعلم بحالها من داخل .. دخلت وهو يطالعها من فوق لتحت .. وهيه مب دازه له ويه بالمرهـ ! خالد في خاطره [ هاي شو عندها ] حق شو جيه كاشخـهـ .. سارهـ طالعتهـ يوم يشوفها بس صدت عنها .. ساره : ها يدوه بغيتيني في شيء ؟ العيوز : يلسي ساره ارتبكت ويلست .. وخالد اساسا كان يالس العيوز : ها ساره انتي شو تبين ع ريلج ..! ساره تبا ترمس ومتردده لكن رمست ..وحاولت انها ما طالعهـ لأنهـا تتقطع من داخلهاااا من كثر شوقها لهـ لكن اللي سوااه يقطعها ويعذبهااا : انا اباه يطلقني ! دامه ملج اظن بتسدهـ .. خالد : طلاااق ما بطلق ! ساره عصبت : انزين انا بسألك شو تبا مني ! العيوز : اسميكم ما تحشموون .. شلها يابوك وتفاهم انت وياهاااا انا ما اروم لها .. خالد يطالع ساره وساره طالع العيوز .. العيوز : بلاج طالعيني .. ردي امييه الله يهديج ويصلحج وجان شفتي منـه شيء ما يردج إلا لسـآنج واللي تبينهـ حزتها بيصير ! هو ما بيقصررر عليـج .. سآره : لا ما بسيــــر .. ويدوه إذا هب متحملتني برد بيت ابووويـهـ وبيلس هنااااك .. خالد : هو بكييييفج ماشي سيره اقول قومي شلي عمرج اترياج في السياره .. ساره اول ما طلع صاحت صياح عمرها ما صاحتهـ العيوز خافت عليها ويت صوبها : الله يهدييييج الله يهديييج ناويه تذبحين عمرج.. ساره : تشوفينه كيف تشوفينه .. تبين ارد عنده ؟ ها وانتي عندنا وجيه يرمسني وين تبيني اررررد العيوز : هو حاط في خاطرهـ ما ظني خالد بيسوي بج ردي الله يصلح ولو سوا بج مره تعالي بيتج ساره شلت عمرها وراحت فوق ..! ما روح ولااا اسير عندهـ يااربي ! لبست عباتها وركبت السيارهـ .. ما رمسوو شي طبيعي ساره تفكر شو بتسوي اول ما توصل ؟! وكيف بتتعامل وياه ! وشو من العذاب بتحصل .. وفي خاطرهـا الله يسامح اللي كان السبب خالد : يالله نزلي .. ساره ما ترد عليه بكلمـهـ نزلت ودخلت الصاله وهيه حاطه في بالها كيف بتجابلهم تحس عمرها غريبه بمعنى الكلمـه وخ ـالد وراها .. يايـه بتركب الدري رمس عمها .. سيف : يا هلا والله ببنت خليفهـ .. ساره خاطرها تصيح لاني بنت خليفه استوا لي شيء لانه ابويه مب حي ع الدنيا ولا ما انذليت هالذل .. ساره توايهه : اهلين عميـه سيف : زين يوم رديتي ساره : راده حشمه فيك خالد انقهررر .. .. . وصلت قسمها صدق اشتاقت له .. تذكرت كل شيء ! دخلت الحجرهـ وخالد وراها وهيه مستغربهـ .. عقب لفت وطالعه .. ؟ خالد : بتمين جيه .. ساره : هيه شو المشكله .. خالد : لا ابداً ما شي مشكله ساره : ممكن شوي تخلاني روحي ..! خالد : والله غرفتي مثل ما هي غرفتجـ .. فجت ساره الكبت سحبت لها ثياب ودشت الغرفهـ الثانيه وقفلت ع عمرها ... خالد تجاهلها لانه توقع مثل جيه وأكثر .. وهو ما يبا يظيعها في نفس الوقت كارهننها ويتصرف غ ـلط .. سارهـ تحبهـ بس مستحيل ترد مثل ما كانت لو سوا اللي سواه ..! بدلت ساره ورقدت وهيه تفكر . . ع الأقل أشوفك الحين وياي .. أحس فيك ما اتعذب لانك مب موجود وع فعاايلك ياربي ليش جيه انا ليش جيه ذابحني .. صاحت بس مسحت دموعها ودخلت الحمام تسبحت ولبست لها كندوره وتجحلت وطلعت الصالـه بس خالد كان يرمس في التلفوون .. خ ـآلد : يا بنت الحلال رديتها لانها ع ذمتي ! ولأنها تبا الطلاق بس لاني خطبتج لكن اانا برويهـآ .. ساره تسمع هالكلام وتحط ايدها ع حلجها : لا مستحيل !!!!! دمعت وصاحت ورقعت بالباب خالد سكر عن شمسهـ بسرعهـ وراح صوبها دق الباب خالد بحنيته القبليييه : ساره فتحي ساااااااره ساره : ما ترمسهـ .. خالد يلس عدال الباب يترياها لين ما تطلع طولت خذت أكثر عن ربع ساعهـ عقب طلعت بعباتها وبعدها تصيـح .. خالد يطالعها مستغرب : ها وين ؟؟؟ ساره : برد بيت يدتيه .. انا خالد هنيه ما اعيش حرام عليك إذا انت حاط في بالك اني ما احس غلطان انا أتعذب عسبك وانت ما تستاهل خاف ربك طلقني وريحني دامك مرتاح وياها شو تباني خالد ما اعرف شو يقولها عقب رمس : فهمي انا ما اريد اطلقج ساره : لا طلقني خلني ارد بيت يدتييييييه خالد مسكها ساره طالع ايدهـ ..عقب انتبهـ .. سارهـ في خاطرها الحمدلله يوم يحس ع دمـهـ بس رد مسكها مره ثانيهـ يوم سارت .. خالد : ماشي سيره مب بكييييفج ساره : انا مب مستوعبه اللي تسويهـ .. خالد : وإذا سويتي هالشي .. بس لاني كلمتها تراها باجر بتكون حرمتي ! سارت انحرقت : ادري خالد عسب جيه ريحني ريحنــــــــــــي خالد : انا اللي ابا ارتاح وما بتخطين شبرر فجي عباتـج سارهـ طنشته وردت غرفتها .. حست ها سجنها يمكن ترتاح لو ما طلعت منهـ .. أما خ ـالد فتلوم فيـهـا لكـن طبـ ع ـآ فكر بالأهم آنـهـ غدآه في بيت ع ـلي اللي هو بيتـ شمسـهـ .. دخ ـل خالـد وتلبس وتكشـخ .. ياي يبـآ يطلع سمع قفل بـآب غ ـرفت ساره ينفتـح .. رد مكانـه سوو عمرهـ يالسـ في الصـالـه يطالع التلفزيوون سـآره ما دزت له ويهـ طبعـآ خطفت ع الصـاله وراحت مطبخهم الصغير وهيه تسوي الجاهي : وين يبا يسير .. اف شو اباله انا يوم يت تبا ترد وقف خالد و رمسها خالد : ها تامريني بشيء ساره : وبتنفذهـ ! خالد : لو كان غير عن سوالفج طلقني وردني بيت يدوه ومن هالكلام الفاضي هيييهـ بسويهـ من عيوني الثنتين ... سارهـ : طلعني من هالبيت .. ابا اسكن روحي .. خالد : ها شووو سارهـ : مثل ما سمـعت .... خالد : بفكر وبقولج انا الحين رايح ساره استغلت الوض’;[ع : وداني بيت يدوه ايلس عندهم خالد : توج راده من عندهم شو مسرع ما مليتي ساره في خاطرها اف منك اكرهك : هيه مليت تبا الصدق .. خالد : والله عاد مشكلتج اصلا كلهم سايرين بيت عميه علي ساره { عميه علي والله طورنا } ساره ببرود : شو تسدون الحيـه خالد يوم شافها طولت يلس وكفت يديهـ .. : هيه عندج مانع ساره : من زمان عندي بس محد داز لي بويـه خالد : جنج طولتي ساره : اسمح لي الشيخ بس بسرعه في سالفت البيت تراني مب قادره اتحمل .. خالد : يصيييييييييييييير خير طلع خالد من الغرفه وفكر في سالفت البيت هو ما ارتاح لها وايد و في نفس الوقت مستغرب من ساره ومن اسلوبه مبين هدت بس تقهر .. ساره دخلت الغرفهـ وحاسه براحه فظيعه .. يلست تفكر ليش ما اسوي العكس واكون زينـه وياه وأكسبـه ؟؟ بعدين ردت لحزنها ليش اقص على عمري آآآآآه ياربي بدلت ثيابها ورقدت ... كـــــــــــــــــــــــــــــــــــــــــــــــــ ــــــــــت همسـهـ : هو كل أسبوع بينزل بـآرت آكيـد ولو قدرت بنزل اثنين .. والسموحـهـ |
اوووووكي فدييييتج اترياج ^_^ اما الباااااااااارت فروووووووووووووووووووووعهـ .. ناااااااايس.. اترياج اتنزلين البارت الياي فديتج .. |
ثـــانكس ^^ |
ثآآآآآآآآآآآآآآآآآآآآآآنكس ع البآآآآآآآآآآرت |
| الساعة الآن 05:42 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir