|
السلام عليكم ورحمة الله وبركاته البارت الخـــــــامس عهود: شتقصد ؟؟؟؟؟ ركان:ههههههههههههه لا ماقصد شئ (وهنيه ييت رهف وياها الجاكيتات وراحن صوب الحمامات يلبسن الجاكيتات والنعال لان ركان مايحبهن يلبسنه ع الكراسي الي برا عشان الشباب الي رايحين ورادين ) عهود : انا خلصت يالله خلصن ميثه : اووووووووف بلاج مستعيله خلينا نتلبس عهود: اوووه انزين اخلصن وبعدين وين الصندوق الخاص فيني بحط شنطتيه ونعالي وسماني فيه رهف : روحي المفتاح عند ركان عهود: انا مافيني يهفتون نعالي ورد حافي ميثه : هههههههههههاي عادي وأن هفتوهن ترانا بسووق وميت محل هنيه يبييع نعال عادي يعني عهود : هيه والله خلاص عيل بخليهن هنيه ولي يبا يهفتهن يهفتهن حلال عليه دام ميثوه بتشتري لي نعال غيرهن ميثه: هوووووووووووووووب هووووب مو قالج اني بشتري لج نعال غيرهن عهود: تــــــــــوج تقولين السوق قريب ميثه: قلت السوق قريب بس ماقلت لج اني بشترى لج عهود: عيل ليه تتفلسلفين ادري ان اسوق قريب والسوق مقال همل نعالك وشتر غيرهن دام كل واحد بيقول مثلج بيعق انعاله عند البوابه وبيقول السوق قريب ع قولتج مها تضحك لميثه : ههههههههههههههههههههاي والله سنعتج عهود ميثه : نعنبوو غيرج بلعتني صدق انها ماتقازااااا مارمت لها حيله الله يعينه الي بياخذاها كبريييييييييت حشا رهف : عشان تعرفون من هي عهود ههههههههههاي عهود : وهي مقفيه يالله انا بروح معاد فيني صبر (وفي هاي الحظه عهود انبهت ع مصريه يالسه تبا تغسل ايدها ولا قدرت وتمت تضحك ) رهف :شفيج تضحكين عهود : ماشئ اطمشي ع هاي متلعوزه وتبا تغسل ايدها ولا رامت تدور ولف المغسل ماتدري انه اتوماتيك ع اللمس يصب الماي رهف: حرام عليج خبريها عهود : خبريها انتي انا شدخلني اخاف اقولها وتصني بوقس مافيني لهن المصريات رهف : أ أ أ أ أختي لو سمحتي الماي بيصب لج بس حطي ايدج تحت الحنفيه المصريه هاي كبيره شوي بالعمرر يعني ماتفاهم من شكل مدرسات الرياضيات لي عصاها بيدها ومتحجبات ولوشاح لنص ركبتها وتحتها ثوب والذهب من اصبوع ايديها لكرسوعها يعني شبه صعيديه ههههه المهم المصريه : ااااااااااايه شيفاني هبلا والا هبلا يعني رهف وهي متروعه وتتذكر كلام عهود : لا ماقصدي بس شفتج متلعوزه المصريه : متبروزاااااااااااااااااه ايدي متبروزيه دي دي شتيمه ولا ايه عهود : ههههههههههههههههاي خلج خلج يعلج في هل الحال وأردااا رهف : ياختي ماله داعي هل الكلام والصوت العالي انا قصدي حطي ايدج تحت الحنفيه وتشتغل المصريه ايه يابنتي شيفتيني مقنونه ولا ايه مها وميثه شردن طبعا وقالن لرهف تعالي بسرعه وراحن ورهف ماطاعت تبا توضح للحرمه رهف : يالله شقولها هذي عهود ساعديني عهود : هاااااااااء هااااااااااء انزين بس تراج مدينه لي اوكي رهف : من عيوني بس فهميها ماعرفت اتكلم معاها عهود: ياحقه الله يرضي عليك انتي مش عايزه تغسلي ايديكي المصريه : طبعا عيزه اعسلها بس الحنفيات دي مالهاش مساكه عشان اشغلها عهود : بوصي ياحقه اعملى زي مابعمل وحطت عهود يدها تحت الوف وشتغل الماي وتمت المصريه مستغربه يسبحان الله هو لوحدوه بشتغل كده عهود: لا مش لوحده بس حطي ايدك تحته وهو بيشتغل ورهف مستغربه كيف عهود عرفت تتفاهم معاها المصريه : روحي يابنتي ربنا يرضئ عليكي عهود : تسلمي ياحقه دعواتك لينا المصريه من قالت عهود دعواتك ماصدق ع الله : انتي اسمك ايه عهود: اسمي بسمه ياحقه المصريه :روحي يابسمه يابنت ؟؟؟؟؟؟؟؟؟ هو اسم امك ايه رهف في خاطرها اخاف عهود تقولها اسم امي وتسوي لنا سحر بس عهود ماقالت لها اسمها الصدقي عهود: سيب من اسم امي يحقه ادعيلي انا بس رهف : يالله البنات يترينا برى اكيد خايفات علينا عهود: بوصي ياحقه انتي ادعي برى مش بالحمام يعني ونا حروح دلوئتي اخواتي بيستنوني برى فوتك بعافيه ياختي المصريه : مع السلامه يحببتي رهف : اوووووووووووووووووووووف فكه توبه اسوي معروف عهود: خخخخخخخخخ خلج اليوم عندج بس بعدين ماحد بيتم عندج شفتيهن اختج وبنت خالتج طقن من اول كلمه رهف : الكريهات خلنا وطقن عهود : خلنج ماخلني انا ان خلني اعرف ادبر عمرى مووب شراتج هبله خخخخخخ رهف : مابقول لج شي عشانج ماتخليتي عني بطوف لج عهود:هههههههههههههههاء هااااااااااااااااااااااء انا ماتميت عشانج انا تميت عشان اطمش ههههه رهف : وانا اقول ههههههههههههههه وراحن وتيمعن البنات وراحن مع بعض داخل سكي دبي اول مادخلن حسن بالبروده تدخل عضامهن عهود: دددددددددييييييييييي دددددددددددددددددددددددددديييي ههههههههههي برههههههههههررررررررررررررد بهههههههههههههههههرد بنات خلونا نطلع مت برد ميثه : ومنوه كان مستعيل قبل شوي بيدخل عهود: غيرت رايي برد احس عضامي عليها كسررر ثلج رهف : بندخل ويالله وخلصن ومادري شوه والحين تبا تطلع مها : بنات انا تيمدت ميثه : ههههههههيييييييي اححححححححح برد برد ااااااااااههههههههههههههههها رهف : بنات الحياه حلووووه خلونا نستانس خلونا نعيش المغامره عهود: ذبحوها هذي ذبحوهاااااااااا حشا ماتحس بالبرد ميثه ميته برد يالله يالله تتكلم : خليها صعاكيلها ادفيها عهود: ضنج يصلح نطبخ هنيه رهف بالكراعين والكوارع ميثه : هههههههههههههههههههههههه اخاف نسبب انهيارات ثلجيه عسبها ونخرب روحتنا عهود: صدقج ولله رهف : كيفكن اطنزن ع راحتكن خلونا نعش المغامره عهود وهي تنكت : مزمز ميرندا وعيش المغامره خخخخخخخ مها : صدق فايقات عهود : حلات الجووو بي لوو انه مو برد خخخخ رهف شفتن هذاك البيت هناك خلنا ندخل فيه يمكن نحس بدفى عهود يالغبيه درجة الحراره صفرررررر كيف تحسين بدفى فركن ايديكن ودفن عماركن عهود وهي تفرك ايديها : اهوووووووووووووووووووو اححححححححححححححح احححححححححح حتا الهوا الي اطلعه مثلجججججججج آآآآآآآآآآآآآآآآآآه وصلن البت الثلجي ويم البيت مقهي يعني الي برى يشوفونهن اذا طلعن برا البيت وكان فيه واحد يغرررررررررم يالس يتقهوا ويكلم بتلفون وكل البنات انتبهن عليه بس عهود مانتبهت كان نضرها ع الصوره الي فيها صوره نار داخل المدخنه مثل الشاشه بس فيها صورت حطب ونار تشتعل كنها حقيقه عهود : بنات اطالعن الضوو تشتعل اه ياحظهم مدفين خلونا نقرب يمكن يوم نشوفها عن قريب نحس بدفى ميثه : يالله ياست عهود وراج بس اهم شئ نحس بدفى وكان في المقهى واحد وحرمته وعياله شكلهم كويتين والولد كبر فهود وكان يعيب ع البنات اونه يمد لسانه لهن ويشر لهن اونه متيمدات من البرد ويسوي حركات لهن ورا الزجاج لان عهود: طالعن هذا لوع جبدي يعيب علينا رهف: اطالعن اعيب علينا وانه حنا متيمدات مها : خلنه في حاله عهود : لا والله ماخليه ميثه : شبتسوين له انزين يوم هوو برى بتطلعين وبتخبزينه يعني عهود : شوفن شبسوي (عهود مسكت الثلج مع انها متجمده وسوت لها كور وسوت خمس كور وطبعا الصبي يشوفها قاعده مانتبه لها شتسوي وتم يعيب ع رهف عهود مسكت الكوره وفرتها عله والصبي نط ع ورى واطاح يتحسب الكوره يته وضحكن عليه وتمن يعيبن وفرت عهود الكور الباقيه وهووو معصب عهود وهي تمد لسانه له هوب حنا تعيب علينا وسوت كم كوره هي والبنات وتمن يفرن وشوي شوي لين ماوصلن عند الريال الي كل البنات انتبهن له إلى عهود وتمت تفر وتفر لين قربت ع طاولته وفرت هووما كان منتبه بس عشانه قريب من طاوله الكويتين ويسمعهم محتشرين ونتبه للبنات وللولد يعيب عليهن وكان يطالع عهود وهي قاعده تيمع الكور بس فوضعيته تخليه يشوفهم بس الولد كانت عهود معطتنه ظهرها عشان جيه مشافها وهي تيمه ويوم فرته يلس الريال يضحك عليها وهي تفر لحد ميات وفرته تبا تفر اخت الولد الكويتي فرت الريال لانه وقف وتم عدال الجامه عشان يشوف المعركه يوم فرته تم يضحك لها عهود : بنات اطالعه هشيفه يطالعنا ويضحك ميثه : والله لو يدري ركان انج فريتيه لقصبج عهود : مكنت ابا افره ابا افر البنيه ميثه : انزين طالعي يضحك علينا خلينا نسير اخاف فهود يشوفنا ويعلم علينا ركان رهف : ويسود ركان عيشتنا مها : خلنا نوح بس لعب عهود يالله عيل عهود : صبر خلني اعيب ع الصبي وخته عهود وهي تمد لسانها لصبي وتقوله بايباي غلبناكم وتحرك ايدها وتقولهم حرررررررررررررره الصبي يبا يحرها حط لسانه ع الجامه وهو وخته عهود: اطالعن لوووع الله جبده قذرر طالعن حركته البنات كلهن : تستهلين رهف : مارحتي قبل ليلوعون جبودنا عهود : كوره اختيره : وفرت الكوره ع الصبي وفرت ويها وطقت عشان مايلوع كبدها وراحن فوق ع الجسر رهف: تذكرون اخر مره كنت اضحك ع وحده طاحت وطحت بنفس مكانها ونفس طيحتها عهود: وانا ظحكت عصبي فوق الجسير يوم كان يتزحلق وطاح الحين بدلوو الخشب ماله خلوه عادي مايزلق قلت ان هذا الجسر بيطيح حد من فوق بس زين يوم غيروه الريال اسمه حمد ومن شاف عهود وهوو طاير فيها قال لا طالعتني ولا حتا تبسمت ولا شئ ومسويه لي طاف يالله محلا ضحكاتها البريئه شفت ضحكتها لكن ماقدرت اسمع صوتها ليت اقدر اسمع صوتها وسمع الصبي الكويتي يقول ابا ادخل وفرهن بالحقيقه ام الصبي : انته استخفيت انت شكووو فيهن يلعبن معاكم الصبي ابا ادخل بسلم عليهم بس انزين ابووه: خلي الولد على راحته وراح الولد وخذا له تذكره ودخل شتتوقعوووون صااار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عهود ههههههههههههههههههههههههههه حلاته الثلج تبرد حرتك تفرع ع كيفك وتمت مقابله الدريشه هي ورهف وفروووون ريال شويبه وهووو حرمته اجانب عهود : حليله هشيبه ويا عيوزه من الصبح نفرهم وعدهم يضحكون مها يالسه ع الثلج ويمها ميثه يطالعن عهود ورهف ّّّّ ْ ُ ٌ ّ ْ ً ُ ٌ رهف : طيبين الاجانب اخاف يتبسمون لنا يخافووون نسفرهم عهودد: ههههههههههه لا بس نوفسهم خايسه ببلادهم وخلونها طيبه في بلادنا يعني خخخخخ عهود : عطيني كوه ثلج رهوووفووه رهف : دوووج هاااااااه ( وابعدت رهف شوووي تفر كووورر ) عهود: رهوووف عطيني عطيني بسرعه كوره ومكانت اطالع ع ورااا :11: عهود : فرت وفرت عقباها وحده وتمت تفر استغربت رهف ماتقول سوي كور لروحج ولا تقول اوووف غريبه وكانت مها وميثه فاجات حلوجهن ويطالعن ألتفتتت عهود وراهاا وانصدمة !!!!!!!!!!!!!!!!!! تتوقعون منوو عند ركان والبنات الصغار جود: ابا ادخل مالي خص ابا ادخل مهاري : ليه كلهم يدخلون إلى انا وجود حرام عليك ركان : صدقها عهود بتحشرني وتمن يصيحن ويصيحن ركان : امرى لله بروح ايب لكن تذاكر لكن شوي وبنطلع جود ومهاري ويا بعض : انزين عهود: أأأأأأ أأأأأأأأأأ اممممم شسمه حمد : شـــوه عهود : انت بأي حق تعطيني الكوره حمد : ههههههههههههههههههههههههه عهود مستغربه : ليه تضحك حمد : بس كوره قولي كور كم وحده سويتها لج وعطيتج ايها عهود : ومن طلب منك حمد شفتج اتفرين و ومأذيه العالم بالفر وملتهيه قلت خلني اساعدج عهود : هآآآآآآآآآه ليه طلبت منك اتساعدني حمد: لا عهود: تعال حد قال انك سخييييييييييييييييييييييييييف وملقوووف حمد : هيه قالوو لي بس كنت احسها كلمه مو حلوه ولما قلتيها احس الكلمه صار لها معنا ثاني عهود اطالع مها وميثه وتقولهن هين هين ( لانهن من الصبح يشوفن ولا علمنها ) بس هن كانن منصدمات عهود : هيه معنها انك واحد متطفل وحشري والحين موووووووو مشكور ع المساعده انزين حمد : ههههههههههه نوووو بروبلم عهود راحت صوب البنات تهزئهن لانهن ماخبرنها وشوي ولا كوره جدام عيونها تتوقعون منو يمد الكوره لها ؟؟؟؟؟؟؟؟؟!!!!!!!!!!!!!!!!!!!!!! وهنيه دخل ركان واخواته الصغار إلى ذبحنه بالحنه عسب يدخلن كان ركان شوي شوي يمشي عشانهن والله يستر ماتستوي مشكله عسب حمد وعهود ‘ اما فهد فكان يلعب في الثلج ويا العيال ومالتقى بخواته بعد وكان يركب وتزلج ع الطرف الثاني اما عند البنات ‘‘‘‘‘‘‘‘ عهود في خاطرها صدق انه قوووووي عييييييين ياي وراي صج انه مافيه ذرة حياء عهود تلتفت وبصوت عالي : انت اااااااااااايه ماتستحي ويوم فرت ويااها حمد وبصوووووووووووت عالي ههههههههههههههههههههههههههههههههههه هههههاااااااااااااااااااههههههههههههههههههه عهود : ______________________________ ماعرفت شتقول مها : حرام عليج ميثه : خوفتيه حرام عليج رهف : ههههههههههههههههههههههه مرعبه كان الي يعطيها الكوره هووو الصبي الكويتي هو واخته ياين ينتقموون بس يوم زعقت عهود وقالت له انت ماتستحي قال : انا اسفه كنت امزح وراح هو واخته لمكان ثاني يلعبووون عهود : مسـكـــــــــــــــــين خوفته رهف : ياحنونه انتي وتم حمد يطالعه ويضحك ع الموقف عهود : اوووف صدق سخيف رهف : بس اييييننن ميثه : هيه تشوفين جماله عذاااااااب مها : بس انتي وياها ماتستحن عهود: ههههههههه ميثه ليت ركان يسمعج مها وكانت تقدر اتشوف الياي بس رهف وعهود مايشوفن مها :هكوه يا وخليها تسمعه ميثه :منوووو مها : اكوه ركان ياي عهود في خاطرها ااااااااااخ ليته يذلف هذا مجابلنا وربي ليسويلنا سالفه ركان اخاف انه شافنا وهو برى والحين ياي يتضارب وياااه ركان : سلام عليكم البنات كلهن : وعليك السلام مها : اشوف يتم ركان :اذني ع قولت عهود عهود في نفسها اووووووووووووووووف الحمد الله عبالي ياي عشانه شافني وانا افر عهود: قلت لك لكن ماطعتني قلت ماعلي منهن ان احتشرن وان صاحن رهف : افااااااا حتت بنات خلفن كلامك افااا افاا والله ركان : خليها على الله تم حمد يطالعهم وهوووو مصدوووووووووم ومستحقر نفسه لأخر درجه انا ليه طالعتلها هذي النظره انا ليه فكرت فيها تفكير خايس ليش ليش ليش وكيف سمح لنفسي اجاملها بهذي الطريقه انا لازم اطلع من هنيه بسرعه بس بدون مايشوفوني وهنيه يا فهد وتموووو شوي يحوطون وكانوو بيطلعوون بسرعه عشان البنات الصغار مايمرضن وهم طالعين فيه مشكله عند الباب وبيصلحونها مطاع يفك سكر ع شي وعلق وبيصلحون العطل بسرعه وطبعا ع حظ حمد الباب سكر يعني بيشوفونه بسشوفونه فكر حمد وقال لازم ايلس في مكان ماينتبهولي وشاف دوار ثلجي و منحوت عليه شئ مثل التنين وعليه ايضاءه يعني مابينتبهون عليه عطا ويهه لجدار من الثلج وعلى الطرف الثاني ايلست مها وعهود وميثه ورهف ومتلى الدوار وقال ركان لهن انا بيلس ع الطرف الثاني من الدورار ركان قعد وسلم : السلام عليكم حمد : وعليكم السلام يا فهد ويلس عدال ركان فهد :شف الثلج ملتصق بالمرايه ليه مانضفونها ويلمعونها وشوي يا عامل التنظيف وتم يلمع المرايه كان عليها مثل الضباب وثلج ولي يشوفها يحسبه جدار من الثلج هنيه تورط حمد ركان تم يطالعهم يلمعووون المرايه ويشووووي تم عن طريق المرايه يشوف ويه الريال عدل اتعرف ع الريال الي عداله طلع ربيعه الي دارس معاه ببريطانيا بس شكك شوي كان الريال منزل راسه ويطالع التلفون وقال يخلق من الشبه اربعين وحاول يسئله بس حسها رزة ويه وتم اشوووي يطالع ويبحر الريال ويوم رفع راسه عرف وتأكد انه هو حمد ربيعه بالغربه ولي صار له سنتين ماشافه ولا سمع صوته وكانوو خويا صدق يعني الروح بروح بس لما رجعوو لهتهم المشاغل ركان: حمد حمد لتفت له وسسوا روحه انه توه يتعرف عليه : نعم منوه الريال ركان : عنبوه ماعرفتني حمد : هــــــــــلا والله يمرحبا الساع حي ذشوف ركان : وييييييييييييييييييييين من متا مشفتك وقامو وتوايهوو وتموو يسولفون وحمد في داخله متضايق وتحسف ع الي سواه حمد مو من النوع العاب بس اجذبته عهود وخلته يدخل سكي دبي غصبن عنه كنه مسحور وراح لها بدون مايحس بروحه ركان : وين اخبار الدنيا وياك من متا عنك عنبوه كنا هوب ربعك حمد : لا ياريال مشاغل الدنيا تعرف ألتهيت بشركة الوالد معاد فضيت انزين انا انشغلت انتو شعذركم ركان : حنا شراتك بعد بس شباب الي كانوو ويانا بعدهم يوصلوني وكل اسبوع ولا اسبوعين نتلاقى إلى انته حمد: اكثريتكم بالعين لكن انا بدبي بعيد عنكم شوي انتم ببتتلاقون بمول ولا مقهي ولا عزيمه ولا نقول عرس بس انا وين عنكم ركان : ترى هزاع هنيه بدبي وكل ويك آند نشوفه ياينا ويا نيه هوب شراتك قطعتنا وكم واحد من الامارات الشماليه من رباعتنا بعدنا على صله وياهم إلى انته قطعتنا مره وحده حمد : هههههههههه خلاص حقك علي انت وشباب وترى لا تحملوني الغلط كلكم غيرتووو أرقامكم ادق لها وتعطيني كله مقطوع يعني قطعتوو حبل الوصل الوحيد ركان : هيه غيرنها ارقام المراهقه حمد:ههههههههههههههههه هيه خذتو ارقام سبشل ركان : هههههههههه ابوي وانته بعده رقمك ولا غيرته حمد: اكيد غيرته ولا تباني اتم عليه عشان انذبح ههههههه ركان: البنات هــــــــاه حمد : بسم الله عليك انته الي هوب لعاب ‘ إلى اقول عطني رقمك لانسى وعاطاه ركان رقمه ورقم الشباب الي كانوو وياهم ‘ وتموو شوي يتخبرون عن بعض ويسولفون لحد مابطلو البوابه عهود: انزين يوم بطلوها كنت اخاف اموت هنيه وتجمد وعلى قولتك يحنطوني رهف : ههههههههههههههههه ياليت تتحنطين ونروح كلنا بلياج البيت عهود: ويييييييييه رف رف يهون عليج تروحون وتخلوني:20.gif: رهف : اصلامانقدر نخليج وأن خليناج اموووووت انا ان مالقيت احد كل يوم اتهاوش معاه وضارب وياه تعودت على وقايعج وهذي هي مشكلتي عهود وهي متأثره والدموع تارسه عيونها :30: . ياقلبي يا رهف ثرج ماتعيشين بدون حشرتيه وضرايب والخنايق خـــــــــــــــــــــــلاص اووووووووووعدج كل يوم امسيج ع كــــــــــــــــــــــــــف وصبحج بكــــــــــــــفين وعد مني دامني حيه لسووووووووود عيشتج شتبين اكثر ؟؟؟؟؟؟؟؟؟؟امري انتي تدللي رهف : لا والله امري بعد اقولكم شئ خلاص خلوني انا هنيه اتحنط واتجمد وانتو وروحو عز الله مابتهنا كنج بتمسيني بضرب وبتصبحيني بضرب عهود تغايض رهف : يالله يالله خلونا نمشئ هي تبا تيلس خلوها ع راحتها:10.gif: لا تضغطون عليها حريه شخصيه خلوها تاخذ القرار الصحيح ولووو مره خلاص رهف كل عشرين سنه بيج وبسوي لج احتفال وبحط عليج سعف نخل ولا اقولج بيب لج نخله بكبرها اونها ورده وبقولهم كل يوم مكيجوها مع هلجليد عشان مايتجمد الروج ع ثمج وخليهم يعدلونج وزينوج لاتحاتين حبيبتي خخخخخخخخ مها : هههههههههه حرام عليج ختنا ماننستغني عنها عهود : شرايكن انا استغني عنكن كلكن وخذووو مهاري وياكم حنطوها بعدهههههههههه ميثه : يامجرمه خواتج عهود: ارجوكن سون عمل صالح كتبن جميع حلالكن بسمي لو سمحتن عشان اتهنا فيها تعرفن الدنيا مصاريف !!!!! بتم كل يوم ادعيلكن مها : فاله الله ولا فالج تتفاولين علينا رهف وهي ماسكه نفسها من الغيض : يعني انا اقولج ماستغني عنج وانتي تقولين خلوها ع راحتها حريه شخصيه وسعف وحاله صدق انج ماعندج احساس عهود: احساس ؟؟؟؟؟؟؟؟؟؟؟ اول مره اسمع به تصدقين ههههههههههههه:23.gif: ركان : يالله بنات نسير نتسوق عهود:يالله برروح اخذ لي كوووب هوووت شوكلت داافي وراحووو يتمشون بالمول ويتسوقووون الكل لاهي بالي يبا يشتريه وعهود يوعانه من شافت الحلويات وهي مستينه عهود :ركااااااان حبيب قلبي انته ركان : شتبين بدون مقدمات عهود : اباا حلويات ركان: كم هي الحلويات حشا بتموتين كثر ماتحبينها عهود ركان ارجوووووووووك ركان : انزين سيري اختاري إلي تبينه عهود: مشكووووووور والله انك طيب عيل ليه يقووولون عنك شرير ركان : من قال عهود حبت تورط رهف : اممممم مادري اخاف اقولك تواقعها وتمشكلوني وتقوولون عني فتانه لا مابا اقول ركان : لا قولي ولا بخبرها هي معانا بسيره صح عهود: هيه بس حلف ماتقول اني انا خبرتك ركان: خلاص وعد عهود: رهــــــــــــــف قالت انك شرير وماتتفاهم وكريييييييييييييييييه تصدق عاد ركان : رهف قالت جيه ماصدق عهود : لا صدق رح الحين وهزبها ركان : خليها دواها عندي عهود : في خاطرها خلللللللللج هذا الانتقام يا رهووووووووف رهف : ركان ابا اسير لمحل الحلويات ركان : لا ماشئ روحه عهود: انا بسير له ركان: روحي عيوني لاكن لا تتاخرين رهف مستغربه : ليييه وانا ركان : ماشئ روحه كيفي ماباج تروحين يالله رهف : وشمعنا عهود ركان : أَََظاهر ماتفهمين انتي رهف : اووووووووووه شوووه هل السيره وراحت لميثه ومها الكلمه حزت بخاطرها وسكتت وراحت رهف طبعها ماتحب اتحن على شئ ولا تحب اذ ابوها او اخوها قالوو شئ ماتحب تعصي كلامهم هي صح انها شريه احيانا لكنها طيووووبه ونذاله تخمها احيانا عهود تحر رهف : رهووووووف شوفي هاي الحلاوه الي تحبينها مووو رهف وبداخلها غصه : ايه بس الحين كرهتها عهود تنغز رهف : ابرك الساعات تعرفين عاد امبوني طول ه سنوات ماحب هل الحلواه بس اليوم حبيتههاا سبحان الله كذيه عيبتني مادري ليه يمكن لأن كان فيه حاجز بيني وبينها مايخليني اخذها واليوم طار هل الحاجز تصدقين عاد هههههه رهف : سبحان الله يغير ولا يتغير عهود في خاطرها بتقول لركان بس قالت لا خلها تتأدب شوي لين نخلص السوق ونتعشئ رهف : عهوووووود انتي شقلتي لركان عني عهود اونها ماسمعتها """ شوه شوو قلتي ماسمعتج رهف في خاطرها اخاف اسئلها ثاني مره وتطلع ماتعرف شئ وتبلشني بالاسئله ليه شوه صار شسالفه خلني اسكت احسن لي : لا لا لا ولاشئ وكملوو تسوق وكان مزاج رهف متغير ومتضايقه من ركان ليه قالها كذيه عهود مستانسه ولا على باهلها ونست تخبر ركان بصدق وتسوقووو ويوم هم بالمحلات رهف : خلصتوو ترىمليت من الدوراره عهود : صبر صبر انتي بلاج خلينا نتسوق ع راحتنا ترى مقدامج غير البيت ومقابل راني خلينا نتسوق ع راحتنا مها : تبون الصدق تعبت انا خلونا نروح نتعشئ ونسري عهوووووووووود : حلوفووو انتم بس يعني توسولات وترشيات ابويه وامي وخواني وناس تسفهبي وناس تششرشحني واخرتها بتردن من الساعه ثمان لا حبيباتي تبن تردن كيفكن لاكن انا بعديني ماتشريت في كذا محل مايته وايد باقي مها : يااااااااعزتيلي متا عيل بنخلص عهود : لين اخر محل يسكر ميثه : صدقها موب كل يوم بنتسوق ويا بعض بلاكن انتن عهود : اقول ميثووه طبيهن خليهن يولن هادمات إلاذات ومفرقات الجمعات خليهن عنج إلى شرايج في هذا القميص يهبل صح ميثه : يهبل بس إلى يخبل عليج ذوق يابنت خالتي عجيب عهود : ههههههه تقريبا الاشياء إلى تعجبني تعجبتي ذوقنا واحد تقريبا ميثه : ايه طالعتلي بس بذوق غيره لا عهود : اونه طاعتلي لا حبيبتي انا ماطلعت إلي على ابوي حبيبتي مها : انتن امات ذوق حنا بروح نرتاح ع الكراسي لخلصتن سووووووووووون لنا مس كول عهود هيه هيه بنسويلكم يوم يسكرن المحلات ان شاء الله وصدق تمن عهود وميثه بسووووووووق لحد الساعه 10 لين ماشبعن صدق من التسوق وخلصن اغراضهن إلي يبنها وركان وفهود ومها ورهف والبنات الصغار ويا بعض يتريون الأنسات اين لكن بعد ماطلعت أروحهم ................................. ركان: كـــــــــــان مايتن كان بتن في المحلات مها : زين يوم ضويتن انا على بالي بترقدن في المحلات عهود تغني : عالى بالي ولانته داري بلي قرالي !!!!!!!!!!!!!!! ميثه : شنسوي طاف الوقت بسرعه ؟؟؟ عهود : انتوووو ايه حنا رايحن نسوي شوبنق موووووو سباق شوبنق يعني افتل المحللات محل محل وفر بين الملابس قطعه قطعه يعني لايفوتك شئ ولا تخلي شئ يفوتك ترى تحذر شئ يطوفك وتقعد متحسر ع شي طافك خخخخخ ولوو الود ودي كان يبت لحافي وياي ورقدت هنيه لاكن ماقدر خخخخخخخ فهد: انتي طوفك وفوتك خلينا نسري عهود وفي كلامها استهبال : والعشاء يــــا شاطر .؟؟؟؟؟ فهد: أي عشاء ترى انا تعبان ادور المخده عهود تغايضه : ليه متا ضاعة ياحرام يحليلها كانت دووم تنام معاك وتصحى معاك حليلها خلاص ببلغ الشرطه يدورونها لك اخاف انها طقت لعوزتها بصوتك بشخير ايطير الحاف ويصك من شخيرك هههه ش شكلها انتحرت بسبتك ركان مع انه متضايق بس تغلي عهود ع فهد خلاه يروق ركان يالله المسرى للبيت عهود بسررررررعه وبصوت عالي :::: والعـــــــــــــــــــــشاء مها : ركان اخويه اخاف أذا ماعشينها بتاكلنا بطريق عهود: ههههههههههه لا تخافون مابكلكم انا حد قالكم ابا اتسممم لا حبيبتي عشووني مارد البيت وبطني خالي ركان: في الواحه بنيب لج إلي تبينه عهود :ههههههههه احلف انته انا ميوعه عمرى من الظهر ماتغديت عشان اتعاشا في مطعم محترم مب سي فود يالله ع اقرب مطعم وافخم مطعم نتعشا فيه وعلى حسابك ركان: كريم وتعزمين وعلى حسابي صدق انج مثاليه عهود: هيه طالعتلك تراني ركان : لاطلعتي لي ولا شئ ماعرف انتي من طالعه له ماحد بالعايله مثل شخصيتج عهود : ههههههههه فريده شخصيتي وتينننن صح رهف : ايه باين عهود : اووووووووووووووووه هاي ساكته طول يومها ويوووم رمست قالت سيئه استغفر الله العظيم بس وشوي وصلوو لبركنق وركبوو السياره وراحوو المطعم يتعشوون وستانسوو وسولفووو وضحكووو وعهود نست تخبر ركان عن الصدق لكن يووم قدهم قريبين من البيت قالت له: ركان ترا الكلام الي قلته لك كذب كنت امزح بس ركان: أي كلام عهود: ان رهف قالت عنك شرير وكريه رهف : شووووووووووووووووووووووه شووووووووووووووه عهود: ماشئ ماشئ طلع سوء تفاهم بس ونحلت المشكله وقفوو عند البيت وركان : انزلي خليني اعلمج كيف تكذبين عدل المره اليايه ونزل ونزل عقاله ورهف ع طول نزلت ونزلت الكعب بتكفخ فيه عهود ونزلووو ولما فتروو على الباب الثاني امبطل و انه ماحد فيه انزلت وطقت قبلهم وهي تربع ههههههههههههههههه انزلووو اسرع المره اليايه ولوو سسمحتوو هاتوو اغراضي مها : ههههههههه والله ماحد يعرفلكم كثرهاا ركان يوم شافها اربعة وطقت قال اليوم بسنعها يعني بسنعها وربع ورها وراه رهف تلحقه متأمله انهم يمسكونها عهود تربع ع الدرج بصوت عالي تصبحووون على خير وتعيشووون وتاكلووون غيرهااا يالله قووود ناااااااااايت هههههههههههههههههههههههههههه وتمت تضحك لين وصلت غرفتها وهي مزهبه المفتاح قبل لتقوله الحقيقه عشان عطول تبطل الغرفه وتدخل وتقفل وماتخلي لهم مجال يمسكونها وتمووو يدقووون عليها البا ب وهي ولا على بالها راحت تاخذ شووور ونستهم ركان : وين سبير مفتاح غرفتها رهف : ماشئ كل السبيرات عندها وهي خشتنها ركان : وين بتروح دوها عندي باكر رهف : والله ماخليها خربت يومي فـــــي اليوم الثاني كان ابو راشد وام راشد مشتطين ويا الاغراض إلي بيودونها وياهم صوب عزبتهمو ببيتهم بالبر وهناك عدال بيت عمهم ابو محمد قامو العيال كلهم والبنات حتا ميثه باتت عندهم لان امها سمحت لها لانها بتيهم الصبح ولانهم كلهم رايحين البر ويا بعض ................. الريوق !........ ركان: شبلاهم امي وبووي مشتطين من الصبح مها: ماتعرفهم احلى اياهمهم يوم يرحون البر وعشان كذيه يزهبون الاغراض ويستعدون طول السنه يترقبون عطله 15 يوم والعطله الصيفيه ميثه : صدقهم والله حلاتها روحت البر ركان !!!!!!!!!!!!! : ليه تحبين البر ميثه ميثه : شقالوو لك حضريه ركان خخ عدل تحب البر بعد : ههههههههههه لا مو القصد رهف يات مسرعه وقعدت : سلام عليكم حلفت عليكم ماحد يقوم مهوي بليز صبي لي شاهي ركان: ومن قال لج بنقوم رهف : عشان كذيه حلفت ههههههههه عشان ماقفط نفسي ركان: ثرج تدرين إنا بنفشلج ههههههههههه رهف: إلى وينها النذله عهود؟؟؟؟!! ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ ميثه : بعدها راقده رهف : هيه بترقد بالها مستريح لكن وين بتروح مني مها :لو سمحتي امايه وابويه مستانسين اليوم لتخربون وناستهم عسب وقايعكم إلى ماتخلص ميثه : لاحقين ع المكافخ ركان : روحن لكن براس عرقوب وتضاربن فيه وتذابحن ع راحتكن بس لا تتحتشرن عند ابويه وامي رهف : وين إلي كان بيسنعها ويتحلف لها ركان : منووو قالج اني مابسنعها إلى بذبحها بس موب اليوم عشان ابويه واامي ولكان بسود عيشتها اليوم ميثه : حرام عليكم هي كانت تمزح وياكم ليه تتأمرون عليها رهف : تعالوو انتوو شبلاهم امي وابوويه وناستهم وناستهم ليه حد بيعرس مها : انتي مافي بالج غير الاعراس يعني لا بنروح البر وهم مستانسين عسب عمامي وخوالي بيتيمعون هناك رهف : ااااااااااااه آآآآآآآآآآآآآآآآآآآآآآه يالاعراس متا بيعرس حد من هل البيت عشان نكشخ ونفرفش ونستانس ركان يطالع ميثه : قريب قريب ان شاء الله وهنيه ميثه استحت وحمرت اخدودها رهف : والله متا ركان: قلت لج قريب رهف : يالله تقرب البعيد وتعجل المتأخر ياربي ودخل بوراشد وام راشد ام راشد: يالله يعيال لفيتوو حاياتكم رهف : لا امايه محد قالي بعدني مها : عندج وقت روحي الحين وخلصي حنا بنسير عقب الغداا ركان : انا بروح عقب صلاة المغرب ترى عندي شغله العصر ماروم اسير وياكم ام راشد : الله يستر عليك ياوليدي من الخطوط في اليل والله اني اخاف عليك الدرب كله شاحنات ركان : لاتخافين عليه امايه العزبه هذيه إلى فرة عصى ابوو راشد: هيه بسرعه فرة عصي ماتسسوقون على مهل ركان : ابويه لا اوعدك ماسرع ام راشد : هيه ياولديه عن السرعه ميثه : انا بروح اوعي عهود عشان اتسير ويانا رهف : هههههههههههه هذا ان قامت لج ام راشد : بعدكم مادقيتووو عليها روحن خبرنها يبالها سنه لين تخلص وانتي رهوف شترين خلصي رهف : ان شاء الله امايه وسارت ميثه صوووب حيره عهود وهيه مستانسه ميثه : عهووووووووووووود عهوووووووووود قومي يالله قده الظهر ــــــــــــــــــــــــــــــــــــــــــــــــــ ـــــــــــــــــــــــــــــــــ ميثه ادق الباب قوووو : عهـــــــــــــــــــــــــــــــــود عهوووووووووووودوووه قومي عهود من ورا الباب بصوت واطي : هـــــــــاه شفيج ميثه: بطلي وبقولج عهود : هاه شعندج ميثه : روحي بدلي ثيابج وتريقي ورتبي شنطتج عهود وهي مستانسه : لييه بنسافر اليوم ميثه : ههههههههههههه لا حبيبتي بنروح لبرر عهود : وعععععععععععع عبالي بروح لجنيف ويايه انتي ويهج عسب البر ميثه : احمدي ربج تغير جو عهود : انزين ذلفي خليني اكملها نومه يالله ميثه : مالت المهم خبرتج خلصي ورتبي اغراضج بنروح عقب الظهر عهود: ليه مستعيلين كذيه ‘‘‘‘‘‘‘‘‘‘‘ مستعيلين ع الحر اووووووووووف ميثه : حرررررررررر برررررررررد مايخصني المهم خبرتج وانتي كيفج ردت عهود ع الشبريه عشان ترقد ميثه : انتي بعدج ماشبعتي نوم عهود: بصوووت مخنوووق وحاطه ويها ع المخده سيري دخيلج خليني ارقد ميثه : عهود بلاج شصاير عهود وهي تصيح : خلاص روحي روحي كل ما أريد انسي اتين انتي روحي روحي ميثه : لا مابا اروح ليه شسالفه منوه مزعلنج انا زعلتج في شي ولا حسيت خاطرج في شئ عهود : اااااااااااااااااااااااااااااااااااااااااوه وبعدين وياج ميثه : خلاص خلاص ع راحتج وراحت ميثه وخلت عهود وهي تصيح ميثه تمت حايره عسب عهود ولشوه ياها وشوه خلاها تصيح وعند البر في بيت ابووو محمد ام محمد : ها يابوو محمد بيون هل ابوظبي , ابوو محمد : هيه بيون ع العصير إلى طرشتووو البشكارات ينظفون بيتهم ويدخنونه ام محمد : هيه افا عليك خليتهن يرتبن الغرف وبرشن البيت كله وعطيتهن العود عشان يدخخن البيت ابو محمد : ماتقصرين يا ام محمد إلى البنات وين خبرتيهن ان بنات عمهن بين ام محمد : هيه قلت لهن سيف من ابعيد على ظهر حصانه ورايح لصوب البيت ام محمد مشاء الله على وليدي من العين اخاف يعينونه اسميه فارس ابووو محمد:ههههههههههههه هيه طالعلي سيف سلام عليكم ابوو محمد وام محمد : وعليكم السلام سيف : هاه شسويتو غدى ام محمد : سوينا كبسة لحم , برياني إلي يبا الكبسه يقول ولي يبا البرياني يقو بعد سيف:يسلام هذا المطلوب ناقص الجمعه بس ابوو محمد : هيه يمعه اخوان انته اخوانك ياكلون وياك لكن انا اخويه اليوم بملي عيوني بشوفته سيف : هههههههههههه مشتاق لخوك ابويه ابو محمد : هيه والله من متا ماتيمعنا من كم شهر سيف : اليوم كلهم بيووون ام محمد : هيه توني مكلمه ام راشد وقالت يرتبون اغراضهم وبيوصلون العصر ان شاء الله سيف هههههههههههههه والله لطفربج ياعهودوه هين بسسس لرويج انيوم اظهر اتريا وصولكم ع احر من الجمر ام محمد : سيف بلاك سرحت ــــــــــــــــــــــــــــــــــــــــــــــــــ ـــ ام محمد : ســـــــــــيف سيف: هلا امايه خير ام محمد : بلاك سرحت سيف : لا ماشئ افكر بدوام ام سيف : وليدي انته هنيه ياي راحه وهذي عطلتك ريح بالك شوي عن التفكير العمر يخلص والشغل مايخلص سيف : صدقج امايه عيل خلني ارتاح شوي لين صلاة الظهر وعوني ابا انسدح شوي وبخذ على نصيحتج برتاح شوي سيف كان يكذب ع امه كان يسرح بعهود وحتا يوم انسدح تم يفكر فيها يبا يلهي نفسه ومايفكر فيها وماقدر تم مشغول باله ابهااا مع انه مايحبها ويحب يتخانق وياها ويناقرها في الصغيره والكبيره بس مالقى له تفسير في التفكير فيها وتم يلهي نفسه بالمسجات وتم يطرش مسجات لشباب ولحبيبته نوره وتم يطرش لها مسجات غزليه يكتبها من خاطره رن التلفووون سيف شاف الرقم وقام عسب يكلم ومايحس فيه ابوه وسندر راسه بنصايح سيف : مرحبا ملايييييييييييين نوره: أي ملاين وأي كذب سيف : خير بلاج ؟؟؟؟؟؟؟؟؟!!!! نوره : منوه عهود هذي ؟؟؟؟؟؟؟؟؟؟؟؟؟ سيف منصدم :؟؟؟؟؟؟؟؟؟؟؟؟؟؟؟؟؟؟؟؟؟ نوره : بلاك سكت هذي حبيبتك الثانيه والا العاشره سيف مستغرب ؟؟؟؟؟؟؟؟؟؟؟؟ حوووووووووووووووه حووووووووووه بلاج انتي منوه عهود هذي نوره : منوه عهود هاه تستهبل انت عهود إلي تبا اطرش لها المسج وطرشته لي شف تلفونك وانته تعرف يا ذكي وسكرت التلفون بويهه سيف بعد مشاف المسج إلي طرشه لنوره ‘‘‘‘‘‘‘‘‘ لحوووووووول شياب اسم المقلوعه هذي على تلفوني وعلى المسج الي طرشته تم سيف مستغرب من المسج وليه كتب اسمها بدال نوره وتم يفكر ويقول مستحيل يمكن لاني كنت اتحلف لها في خاطري وكتب اسمها بس الحقيقه انه مايبا يعترف بأن عهود ساكنه في داخله وفي قلبه بذات بيت ابو راشد ‘"‘"‘"‘"‘ مها امايه عهود ماقامت ترى توني يايه لقيتها بعدها نايمه ام راشد : لحووووووووووووووووول وعنها حشرنها لين ماتقوم مها : ياتها ميثووه ووزعجتها بس مافي فايده واخلاقها زفت بعد ترى ام راشد : خلاص انا بسير لها بشوف شعندها وراحة لها ودخلت غرفتها وحصلتها ثللللللللللللللللللللللللللج عهود تحب اطووول ع المكيف وتصير غرفتها ثلج ام راشد: عهود ــــــــــــــــــ عهود قومي فديتج عهود: يالله بقوم بقوم بس خمس دقايق ام راشد: ااااااااااااااااااايها هذا يوم مخلصتي قومي فديتج رتبي شنطج مايمديج الحين بيي ابوج بقول اركبووو عهود: امايه اممممم ترى مابا اسير ام راشد : شعندج ليه ماتبين تسيرين بعديني ترى ماحد بيتم بالبيت عشان اتمين عهود: ماعندي شئ وابا اتم عند خالتي مابا اروح وياكم البر ام راشد: خالتج عقب كم يوم بتي صوبنا في البر وبعدين شعندج ماتبين تسيرين عهود: ماعندي شئ بس مالي خلق لحر وشمس وحاله ام راشد : لا هوب هذا السبب عهود اعرفج بنتي ومربتنج عهود: اووووووووه امي مابا اسير خلاص بتم ويا خالتي لين تروح صوبكم بروح وياها مابا اسير الحين ام راشد : عشان سواف صح عهود: امي مادنيه ويلوع جبدي ويغثني وكل شوي يسبني وحاط دوبه من دوبي وتبين الصدق اخر مره عليت صوتي وسبيته وزل لساني وقلت صدق ماعرفوو يربونك وكان عمي قاعد وانا لين الحين مستحيه من عمي ومالي ويه اقابله ام راشد : عشان جيه يوم يا يسلم ماطعتي تروحين وتسلمين على عمج عهود: هيه وانا متضايقه احس ان عمي خذا على خاطره مني وسبه الثور سواف ام راشد مالعلج منه لاتعبرينه مره ثانيه وعمج اكيد انه نسي السالفه عهود: لا امايه حسيته صدق زعل عليه ام راشد : خلاص يوم بنيهم سولفي عليه وستسمحي منه وقولي له زل لساني موب قصدي وعمج طيب بسامحج عهود : ظنج بيسامحني ام راشد : هيه بيسامحج مالعليج عهود: انزين مع هذا ابا ايي مع خالتي ام راشد خلاص براحتج بروح اخبر ابوج وعلم خالتج عهود:فديتج امايه يعلني اسد عوقج ام راشد: خلصي اغراضج الحين عشان تروحين صوب بيت خالتج عهود وهي مستانسه ان شاء الله انزلت ام راشد وخبرت بو راشد ان عهود هوب رايحه وياهم لأنها تبروح ويا خالتها ابو راشد وافق لانه أي شي يريح بناته يوافق عليه اهم شئ راحتهن عنده ميثه تمت حيرانه ليه عهود كانت اتصير وقالت إلى اعرف وراحت صوب عهود عشان تسئلها وشوي طلعت ابويها عهود عهود: هلا ميثوه اخبارج |
يسلمو ع البارت .. ننتظر التكمله .. |
يسلمو على البارت ننتظر البارت الياي |
؟؟؟؟؟؟؟؟؟؟؟؟؟؟؟؟؟ نترياااا الباااجي....؟؟؟؟؟؟؟؟ شوووقتييينا!!! |
تسلمون كلكم ع المرور ماقصرتو وسموحه منكم من زمـــــــــــان مادشيت المنتدى والله الدنيا مشغلها وايده :ast7eee: وأنشاء الله بنزل تكملة القصه |
| الساعة الآن 08:53 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir