لجزء الثلاثون

طبعك عديم وفاقد شعور *** غرك جمال وخير يكساك
بدور بك الايام بدور *** وبتذكر محبة صادق وياك
يلي بنالك في الحشا قصور *** عالي فؤاده فوق حطاك

منصور وشكله مصدوم: معقوووله موزه ..
موزه : وليش هب معقوله جوف الدنيا كيف اول مره جفتك فيها اهنيه ومرت الايام ورديت مره ثانيه وجفتك اهنيه .. وزين يوم انك تذكر اسميه ..
منصور : ........... انزين شحالج .. وشو تسوين في المستشفى ..
موزه : ماشي فيني حمى ..
منصور: اها سلامتج..
موزه : وانته ..
منصور : ماشي حرمتيه مربيه ..
موزه : واللللللللللله
منصور: هيه يالله سمحيلي موزه ماروم اوقف معاج .. السموحه منج ..
موزه وهي تتطالع منصور والدمعه في عيونها : جفت حريم معاك .. من الصبح انا اطالعك والحقك من بعيد ..
منصور : هيه امايه وحرمة اخويه راحوا يسلمون على حرمتيه وانا رايح اييب السياره عسب اوقفها عند الباب . يله السموووووووحه ..
موزه : منصور شو يابت حرمتك ..
منصور: بنت ..
موزه : وشو بتسميها سمها موزه ..
منصور: امها تبا اتسميها غايه على امايه ..
موزه : توعدني ان يبت بنت ثانيه اتسميها عليه ..
منصور: ان شاء ان شاء الله موزه سمحيلي ماروم اوقف معاج لانه اخاف اي وقت ايين امايه وحرمة اخويه وماريدهم ايشوفوني واقف معاج .. السموووووحه ..
موزه : منصور اريد اشوف بنتك .. وليش غيرت رقمك كله مقطوووووع .
منصور: اسف ماقدر السموحه منج وراح عنها ولا عطاها ويهه .. وراح عنها وتمت موزه واقفه مكانها وخلاف جافت ام حمدان وشمسه ظاهرات من غرفة العنود .. وحدرت موزه على العنود في الغرفه ..
موزه وهي ادق الباب
العنود : نعم منوه
موزه : السلام عليكم .. وهي تتجدم صوب السرير اللي كانت نايمه في العنود ..
العنود وهي مستغربه : وعليج السلام ..
موزه : لو سمحتي هاي غرفة موزه بنت سالم ..
العنود : لا الغاليه غلطانه ..
موزه : سمحيلي على المغثه ..
العنود : لا افا عليج ... بالحل الغاليه ...
موزه : مع السلامه
وخلاف صدت على بنت العنود اللي كانوا حاطينها في المنز حذال امها ..
موزه :ماشاء الله بنت ولا ولد ..
العنود : لا الغاليه بنت ..
موزه : الله يحفظها لج ان شاء الله ويخليها لبوها ..
العنود : تسليمن يعلني افداج ..
موزه : يله مع السلامه ..
العنود: مع السلامه ..
وخلاف ظهرت موزه عن العنود وتمت العنود محتاره لانه شكل موزه يثير الغرابه وبعدين اعيونها كانت فيها دموع ..
العنود : الله يعلم شو سالفتها .
الساعه 5 العصر ..
في صاله بيت فاضل اللي في البحر ..
يابر:هووووووود ..
عزه : اهدااااا .
يابر: السلاام عليكم ..
الكل: وعليكم السلام والرحمه ..
يابر: ياويييييييلي منوه هالشيخ اللي عندكم وراح صوب فاضل وحبه على راسه .
فاضل: تكسر ايديك مسوده الويهه ... هااااااه ..
يابر: اعنبووووه يالغالي حد يكسر ايديه بعد شو هالمنطووق .. يابويه والله انيه ماكسرتها سويت الحادث وانكسرت يديه ..
فاضل: ولو بسم الله عليك استوابك شي كله من هالسرعه ..
عزه: احمد ربك انه الصبي ماستواله شي ..
يابر وهو يصد حواليه : ويييينه هالصبي
عفراء: هههههه حد غيرك صبي اهنه
يابر: هيهااااااااااااء عززززززه الله يخليج ريال انا هب صبي ..
فاضل : طالعوا مسود الويهه كيف يرد على امه ..
عزه وهي تتطالع يابر بنص عيين : الشيخ يابر هب عايبنك
يابر: لا افا عليج يعلني افدا منطوقج لا عايبنيه ونص بعد انتي امري ادللي بس بلي تبيييينه وبلي اتقولينه ..
ميثه : طايح تقردين اليوووووم
فاضل : انا عارفنه شو يبا
عزه : يبور هب علينا هالحركااااات ..
نوف : هههههه اصلا هو من الصبح يمهد الموضوع عاد اونه ..
يابر: جب انتي مالج خص ..
نوف: ياويهك ..
يابر: بو زااايد طلبتك قول تم ..
فاضل: طلبك مرفوض قوم انقلع خاري ..هههههه
نوف: ههههههههاااااي عاش عاش ابوووويه .. يحيا العدل يحيا العدل ..
يابر: افا يابو زايد ماعلمتنا انرد الرياييل افااااااا افاااااا والله ماهقيتها ..
فاضل: خلصنيه شو اللي تباه ..
يابر: طالبببببببنك قول تم ..
فاضل: شو اللي تباه ..
عزه: سيارته استوت خرابه وماتتصلح يعني يبا سياره يديده من الصبح ايحن عليه قتله انا مالي خص تبا شي سير شاور ابوك وهاذوه جدامك من الصبح يقردن ..
يابر: اسميج انتي العيوز مووول هب هينه فضييييحه .. سي ان ان رويييييييتر شغال ..
عزه وهي ترفع ايديها وضربة يابر على جتفه : مسود الويهه انته اشعنه ماتستحي ولا اتخييييييييل ..
يابر: الحيا مخلاي للبنيات .. هاه بو زايد شو قلت ..
فاضل: ان شاء الله شو بقول يعني .. ولا بتم تاكل جبديه اكل
ونش يابر تم ايبووس ابوه ويغلس عليه : وااايه يعلني افدا هاللحيه يابويه اصبغها بنيوزك وحده غرشووووبه كبرهالصخله واشر على نوف ... .
فاضل وهو يغمز حق يابر: لا لا انا مالي غنى عن شيخة الغراشيب ام زايد يعلني افداها ..
ميثه: ياويلي على هالحب ..
عزه وهي ميته من الغيض على يابر : مسوووود الويهه وتفره بالجهاز ..
يابر: وابببوووووووكم انطر الراس شو خانتيه منوه بيطالعنيه الحييينه منووووووه
عزه : ماعليه يالسبال ان مايوزتك . وخليتك تتادب وتستوي ريال ... وتودر اللي ببتتطالعك واللي بترمسك ..
يابر: لااااا دخيلج دخيييلج طلبتج ..
عزه : جب رديييييييتك ..
يابر: فديبتج انتي الخير والبركه وراح حبها عراسها ..
عزه : اه منك ..
يابر: واه منج يوم تتغلين ..
فاضل: كم تبا انته الحينه
يابر: صراحه انا في خاطريه البي ام اليديده الكوبي ..
فاضل: وانا شعرفنيه بالهسوالف ..
يابر: افا . ابويه البي ام شرات ولد خالتيه راشد بس هاي كوبي يعني باب واحد ..
فاضل: وبكم ..
يابر: الصراحه ماعرف كم كم باالضبط لاني ابا ازيد الها اشياء .. فما اعرف وانا اريد اليوم اروح الوكاله واتكون فلوسيه جاهزه عسب اخذها بسرعه ..
فاضل: خلاص هات دفتر الشيكات وانا بوقعلك وانته اهناك حط المبلغ اللي تباه .
يابر: يعلني افدا روووووحك شورك وهداية الله ..
نوف : مبروك عالسياره اليديده مقدما ..
يابر: الله يبارك فيج ..
ميثه: انا هب الحينه مباركتلك ..
عفراء : وانا بعد ..يوم بشوفها وبتركبنيه فيها بباركلك
عزه : حافظ عليها عاده هب كل يوم لك سياره اللي كل يوم له سياره ثره عيل خلاف كل يوم بتكون له حرمه ..
يابر: طبعا امايه شو عيل تتحرين انتي
عزه : مسوود الويهه اتروم انته اتسويها ..اخوانك اللي اكبر عنك ماسووها انته بتسويها هي ياولديه عدك بتطبي وايد عيل ..
يابر: ههههااااااااي ..
خليفه : السلام عليكم ..
الكل : وعليك السلام ..
يابر: صح النوووووووم ..
خليفه : صح بدنك ..
يابر: حشا ماتشبع من كثر ماترقد .. وصد صوب ميثه انتي شو تعطينه ..
ميثه : انته اشعنه محتر منه ياخي سير ارقد .
يابر: مافيني رقاد ..
عزه : يابويه ايلس عن اخووووووك ..
يابر: عزه عاد مول ولدج زجاج بيتكسر ..
خليفه : حووووووووه انته مسود الويهه انته هب تايب يدك مكسوره وتلعلع ... بعد
يابر: ههههههههه .. لا ياريال عدني
سعيد : هوووود هوود ياهل البيت ..
عزه : وايه فديييييت هالويهه وهالحس اهداا اهدا يابويه ..
وحدروا سعيد .وشيخه وبنتهم مهره . واتبادلوا السلامات وقعدوا سعيد وشيخه . وشلت عزه مهره وقعدت اتناغيها وخلاف يت ميثه صوبها وشلتها وراحت قعدت على الكرسي اللي كانت قاعده عليه هي وخليفه ..
ميثه : فدييييت هالجمال انا فديييته ياربي .. وقعدت اتناغي مهره الصغيره ... خليفه اطالعها اطالعها تبتسم ماشاء الله عليها ماشاء الله ياربييي ..مهاااري مهاااري
خليفه : يدوووووووه يدوووووووه اغوووووووه ..
شيخه : ههههه البارحه امايه تزقرها امايه امايه هههههه ... وهي تضحك ..
نوف : ماشاء الله عليها ..
عفراء : شويخ ماتشبهج كلها صوب سعيد ..
سعيد : طبعا احم احم ..
شيخه : يله الفال حق خليفه وميثه ان شاء الله ..
ميثه : امين يارب ..
خليفه :ووتطلع شرات امها .
وقعدت ميثه اتلاعب مهره الصغيرونه وتموا كلهم ايسولفون ارباعه وخلاف نشوا الراييل عن الحريم
نوف : امايه فيني ارقاااااد ..
عزه : طبعا الله يعلمبج البارحه الساعه كم راقده جنج وعيتي الديج ورقدتي ..
ميثه : هههههه هي وريسه ماظنتيه رقدن اصلا .. وصدت على نوف رقدتن انتن اصلا
نوف : هي شويه .. بس ماخلتني ريوس ارقد الساعه 9 اتوعيني...
عزه : يار الله ريسه يعلني افداها حرمة بيت ماشاء الله عليه والله انها حرمة بيت ابدا ماتتفوت ماشاء الله عليها جمال وادب واخلاق ربي يحفظها ..
وكملوا الحريم سوالف وخلاف اذن المغرب وكل وحده راحت غرفتها اتصلي .. وعقب الصلاه فرشن الزوليه وكملوا قعدتهم اللي يقعدونها كل يوم عالبحر ..

في المستشفى ..
غرفة العنود ..
حدروا ريسه وهند ومنصور على العنود .. وسلموا عليها ...
هند : تستاهلين ماياااج يالعنود ..
العنود : مشكوره الغاليه . يله نتريا النونو ..
هند : ياله والله صدق انه الحمال لوعة جبد ..
ريسه : انتي عاده حمالج غير عن العرب اربعه وعشرين ساعه طايحه ..
هند : انا ماصدق احمل ياويهج ماعليه انزين بنجوفج يوم بتحملين اظني حتى من باب الحجره مابتظهرين ..
العنود : ههههههههه حليلها ..
وكان منصور شال بنته ..
منصور : العنود تتدرين اليوم منوه شفت في المستشفى .
العنود : امنوووه
منصور : موزه اللي كنت ارمسها ..
العنود: اووووووووونه .. متى وكيف
فجن هند وريسه اعيونهم يبن يستوعبن الموضوع .
هند : اي موزه ..
ريسه : هيه اللي كنت اترمسها ...
منصور :هيه ..
ريسه : هندووووه هاي اللي دقت مره بيتنا وانتي رديتي عليها قالتلج وين منصور وهزبتيها ..وسكرتي في ويهها
هند : الله يخسها المقوي هااااااي .. قويه ..
العنود : انزين وعقب ..
منصور : ماشي شفتها قالتلي شو اتسوي اهنيه وقتلها حرمتيه مربيه وكمل الهم كل اللي صار ..
هند : يوم اقولكم قويه ...
العنود : تعال اقولك هي بيضا طويله وقصتها تفرقها على الطرف صح ..
منصور : هيه وين شفتيها
العنود : اتصدق انها يتني الغرفه
منصور : شوووووووووو
العنود : هيه والله اونها تبا موزه بنت سالم قتلها لا غلطانه هب غرفتها وخلاف وهي ظاهره صدت على غايه الصغيره وقالتليه الله يحفظها لبوها .. ودموعها كانت في اعيونها ..
منصور : صدقها هند مقووي .
ريسه : اعنبوها لا خيال ولا مستحى ولا شي .. لووووح هب ويهه ..
العنود : حرام عليكم ذنبها انها حبته والله لو هب موزه جان اخوكم ماظهر من الحاله اللي انا سببتها اله يوم رفضوه هليه حليلها يزاتها انها وقفت معاه وظهرته من طريق الخراب حليلها والله لو كنت اعرفها جان قربت ابها ..
منصور وهو يطالع العنود : فدييييييييييييت احن قلب في هالدنيا .. وسولها حركه بشفايفه امممواااااااح .
العنود وويها محمر وتضحك : احم احم ..
ريسه : نحن هنا ..
هند : الله يخليكم لبعض قولوا امين ..
العنود + منصور : امييييييييين يارب ..
وخلاف قعدوا عندها اشويه وودا منصور هند البيت وتمت ريسه مع العنود وتمت اتقولها عن كل اللي صار في بوظبي وفي البحر بينها وبين يابر واكتدتلها العنود انه يابر بيخطبها قريييييب وقرييب وايد بعد ..لانه كل اللي صار اياكد انها هو يحبها ويبغيها وشارنها بكنوز الدنيا كلها ..

في بيت فاضل اللي في البحر
الساعه 12 فليل ..

عزه كانت قاعده في الصاله .. ونووف مع بنات اخوها وبنت اختها وميثه مع ريلها في الغرفه ..وشيخه مع ريلها وبنتها .. وفاضل راقد واليازيه وعفراء مع ريايلهن ...
يابر : هوووود ..
عزه : تعال محد غريب ..
يابر: اوووه امايه اروحج قاعده ..
عزه: قاعده اترياك بغيتك في سالفه ...
يابر: اتصدقين حتى انا بغيتج في سالفه ...
عزه : يله قول اشوه سالفتك شو تبا ...
يابر: لا انتي قول قبل خلاف انا من الاكبر..
عزه : ههههههه خس الله عدوك ... اسمعنيه عدل عاده .. وماتقولليه لا ولا شي ياويلك والله يانيه اغضب عليك طول عمريه ..
يابر : ان شاء الله ولا يهمج ..
عزه : يابر انته الحينه كبرت وعمرك 23 سنه يعني ريال واللي كبرك عندهم اعيال وانا هاي البنيه من اول شفتها في عرس اخوها وهي حادره خاطريه طيب وادب واخلاق وجماااااال.. وبعدين ناس نحن انعرفهم ونعرف هلها وحليلها يتيمه .. انته ماتستاهلها .. بس البنت حشيم وبتحشمك عن كل الخربطان اللي بعده في راسك .. واخوها انته اتعرفه ووايد معاه ...وكانوا معانا
يابر وبدا ايشك : منوه امايه ..
عزه : ريسه خالة ميثه ..
يابر: اونه قولي والله بتخطبيلي اياها ..
عزه : هيه نعم وان قلت ماباها زعلت عليك ..
يابر: افا عليج اللي تامرين فيه ..
عزه : يعلني افدا روحك ياولديه يعلني افداك يالغالي فديت اللي ياخذ شور امه .. والله انها ياولديه حشيم ومربايه على ايد رياييل والنعم في امها يااااااله على امها شيخه والله انها شيخه في الطيب والكرم وهي ماشاء الله حرمة بيت وحلووووه ماشاء الله عليها والكل يشهد على هالشي جمال وطيب و اصل ..
يابر: امايه تتدرين من اول يوم شفتها فيه وانا اباها وهالموضوع اللي كنت ابا ارمسج فيه اباج اتخطبيلي اياها ..
عزه : وايه فديت قلبك ياولديه افا عليك .. من باجر انا مسيره صوبهم وبعد لانه حرمة ولدهم امربيه بنسير صوبهم انا وحرمة اخوك ميثه وبفتح الهم الموضوع .. لانه نحن اصلا رادين بوظبي باجر لانه حفلة تخرج هزاع ولد خالتك شمه من الكليه يوم الاحد .. و ان شاء الله بيوفقك وبيتمم الك على خير ياله ياكريم ..
يابر: امييييييين ..
عزه : يله ابويه سير ارقد وانا بعد بروح ارقد انا هب متعوده من الصبح اعيوني تحرقنيه من كثر الرقاد بس قلت الا اترياك .. واشاروك ..بس هاااه تتحمل على البنت واتحطها في عيونك ..
يابر: افا عليج يامايه ااامره ماطلبتي في عيوني بحطها وفي قلبيه بعد لانيه اباها ..
عزه : الله يوفقك ان شاء الله تصبح على خير ..
ونش يابر حب راس امه : وانتي من هله . وراحت عنه عزه

ياحبيبي مالقلبي في الهوى وانته بعيد
تصبح ادروبي بليا ضي وطيفك اتبعه
في خيالي صرت اسرح فيك عمري من جديد
صورتك دايم ع بالي وهمس صوتك اسمعه
كل ليله في غيابك لاح طيفك ياعنيد
ذاكر كلمة احبك نابعه من منبعه

كلمات الشاعر : سفير الخيال ..

وتم يابر اروحه في الصاله متخبببببببل ميييييييييت مييييت وطاير من الوناسه.. الوناسه اللي كان فيها يابر ماكانت تنوصف . خلاص منوه قده امه بتخطبله الانسانه اللي هو بغاها والانسانه اللي هو يباها .... وتم يابر طول الليل على هالحال ايفكر في يوم العرس وفي يوم الملجه ويابر وايد اتغير ماله خص في البنات ولا يهتم فيهن لا وبعد غير رقم تلفونه بس عسبة انه يبا ريسه ومايبا حد غيرها ..

يوم الجمعه
الساعه 10 الصبح
بيت حمدان الشامسي ..

عبد الله : ياهل البيييييييت ..
ميره : اندوووك حمد اطالع منوه خاري ..
حمد : ان شاء الله ..
وتوه حمد يفتح الباب شاف عبد الله جدامه ونقز وحظنه
حمد: امايه عبووووووود ..
ميره نشت تربع صوب الباب : وااااااااي فدييييت هالويهه ويا عبد الله صوب امه وحبها على راسها وسلم عليها وحدر البيت وقعد ..وشل ميمي وحطها على ريله .. وميمي طبعا ميته من الوناسه ..
ميره : اشعنه ماخبرتنا انك ياي جان يناك المطار ..
عبدالله : والله انا بغيت ابصراحه اسويلكم اياها مفاجاه ..
ميره : يعلني افدا روحك والله انها احلا مفاجاه ..
وقعدت ميره تتخبر عبدالله عنه وعن دراسته وعن بلاد الغربه .. وشويه نزلت روضه وكانت توها واعيه من الرقاد ..
روضه : هااااااااااااااه معقوله عبووووود .. وربعت صوب اخوها ..
عبد الله : امحق ويهه شو هالويهه الميفن ووووووووع .
روضه : هههههههه ياويهك احلا عن ويهك .. شحالك . وشو هالمفاجاه الحلوه امس نحن انرمسك اشعنه ماخبرتنا ..
عبدالله : والله عاد انا كيفيه ابا افاجأكم ..
ميره : يعلني افداك والله انها احلا مفاجاه ..
روضه : عبووود احلويييييييت ياويهك .
عبد الله : طبعا كيف مابحلو وانا من بوني حلوووو ..
روضه :ياله ياله هيه هيه خق خق علينا يالشامسي ..
عبد الله : يار الله الشوامس هااااااه بديتي تنكرين اصلج ..
وقعدوا ايسولفون واتخبر عبد الله عن ابوه اللي كان في الشركه مالته وخلاف ظهر عنهم وراح بيت يدته وسلم عليهم وحصل سلطان راقد وحدر عليه الغرفه ولعوزه وخلاف نش وياه سلطان وسلم عليييييه .. وراحوا كلهم وقعدوا في الصاله ارباعه وخلاف اتصلت ميثه اتخبر يدتها انها بتي هي مع عمتها وامها باجر بيباركون حق العنود ..
سلطان : منوه بييكم حق منوه اتقولين يامرحباكم البيت بيتكم ..
ام حمدان : ميثه وعمتها وختك بييون يباركون حق العنود ..
سلطان : هييييه ..
عبد الله : الا شحالها ميثه وشحالهم قوم عمتيه شمه وعيالها
ام حمدان : بخير وسهاله كلهم ابخير وصحه وسلامه ..
عبد الله : عساه دوم ياربيه ..
ام حمدان : وميثه حامل .
عبد الله :والله زين زين ماصدق ميثوه اللي اصغر عنيه حملت وانا عدني ماعرست لا لا لازم نستعيل في العرس . عيل .
سلطان : يالدوده اللي فيك امبونك انت مخلص وقايل من اول ماتوصل بتملج مستعييل العيله ماكلتنك ..
عبد الله : ههههههههه ياريال هاي سنة الحياااااه ..
ام حمدان : هي والله صدقت هاي سنة الحيااااه ..
سلطان : لا لا هب سنة الحياه ولا شي انا هب معرس لين مايستوي عمريه 30 خلاف بعرس ..
ام حمدان : الله يعطي الخبايل العقل ..
وقعدوا ايسولفون وخلاف نشت هند وسلمت على عبد الله وشويه ومنصور كان يايب حرمته وريسه وبنته من المستشفى ونزلوا وقعدوا مع عبد الله في الصاله اما العنود استاذنت وراحت غرفتها .. عسب ترتاح .

في بيت فاضل القبيسي في البحر
الساعه 12
يوم الجمعه..
عزه : هاه امايه ميثه خبرتي يدتج
ميثه : هي امايه خبرتها ..
وخلاف راحت ميثه غرفتها ادخن ريلها ..
خليفه : وانتي كل ساعه تركبين على هالدري ماترومين تزقرين عالخدامه اتيب المدخن فوق ..
ميثه : خلووفي لا تواقعني ..
خليفه : حبيبي انا مااواقعج بس والله انتي دومج اتعبين عمرج وماتتحملين على عمرج اشعننننه
ميثه : والله انيه اخاف على عمريه .. ويوم شي بيعورنيه ولا بحس بشي بطيح وهب متحركه من مكاني ..
خليفه : لا والله وانتي تتريين هالشي يستوي ..
ميثه : ههههههه لا مااتريااااااه ..
خليفه وهو ماسك ايديها ويحط ايديه بين ايديها : والله انيه اخاااااف عليج والله انيه احببببببببج ..
ميثه : وانا بعد والله انيه امووووت امووووووووووووت فيك ..
ودخنت ميثه ريلها وراحوا الرياييل يصلون في المسيد ونزلت ميثه تحت مع الحريم تتغدى وعقب ماحطوا الغدا قاموا كلهم وزهبوا اغراضهم عسب ايردون بوظبي وبعد ماخلصوا اغراضهم وحملوها في السيايير ركبوا السيايير وراحوا بوظبي ..

الساعه 4 العصر
بيت المر الرميثي ..
المر وشمه كانوا قاعدين في الحوي على الكراسي اللي اهناك.. وهزاع كان توه منزلنه الباص مال الكليه وركب مع ربعه ونزلوه البيت ..
هزاع : السلام عليكم ... باركولي باركوللللللي ..
المر : وعليك السلام .. مبروووووووووك مبروووووووووك ..
شمه ودموعها في عيونها : تستاهل ياولديه تستاهل مبروووك الف الف مبرروووووك..
هزاع : الله يبارك فيكم .. يله امايه اتريا العروس انا .
شمه : هههههههه ياله يالمر جوف ولدك .. هههههه اشعندك يامايه مهلع عالعرس جذه
المر : يله ياشمه فرحونا خله الولد يستانس ياحليله من متى وهو يتريا ..
شمه : ان شاء ان شاء الله يستوي الخير انته اتوظف وتم في وظيفتك على الاقل شهرين وان شاء الله بتملج ..
هزاع :لا شووووه امايه اتريا بعد شهرين هاااااااااق لا لا ماروم ..
شمه : ههههههههههههه اعنبوووووه صبرت اربع سنين وماتروم تصبر شهرين .
المر : يله عاده شد حيلك فالوظيفه وبيض الويهه ..
هزاع : افا عليييييك ماطلبت اممممره على هالخشم يابو هزاع .
المر : يعلني افدااك يالغالي ..
هزاع : يله يله سمحولي ربعيه اليوم مسوين حفله وانا بروح ارقد شويه البارحه مول مارقدنا حشره ويواله .
هيه صح المر نسينا انباركلك بتستوي يد مبرووووووووك ..
المر : هههههه كبرتونيه شسوي
هزاع : هههههه .. يله سمحولي . .وحدر هزاع البيت وشاف الريم مع راشد قاعدين وسلم عليهم ولعوزهم شويه وخلاف راح غرفته وفتح الجامه ..
هزاع : امااااااايه امااااايه
شمه : لبيه ياولديه ..
هزاع : فدبيت منطوقج انا لبيتي حايه .. ماعليج اماره وعينيه الساعه 6 ..
شمه : ان شاء الله .
وخلاف سكر هزاع الجامه ورقد . ...

الساعه 12 فليل ..
في بيت فاضل القبيسي ..
ميثه وشيخه ونوف كانوا قاعدين في الصاله مع مهره الصغيره وطبعا مهره كانت في ايد ميثه . قاعده اتلاعبها واتسولف مع شيخه ونوف وخلاف حدر عليهم خليفه وقعد معاهم شويه وخلاف راح هو مع ميثه غرفته وراحت شيخه غرفتها لانه مهره كانت اتصيح وكانت تبا ترقد وراحت نوف حجرتها اتنام بعد لانه عندها دوام باجر ..

في غرفة خليفه ...
حدروا خليفه وميثه غرفتهم .. وحدرت ميثه اتسبحت وهي ظاهره من الحمام الله يعزكم خليفه قاعد ايقول كلام حب ..
خليفه : احبج يانظر عيني احبج يانصخ فؤادي احبج ياشمعة سنيني احبج ياقمر ليلي احبج ياوردة حياتي احبج يااغلا البشر احببببج اموووووووت فيج يالغلا كله ..
ميثه وهي واقفه عند باب الحمام الله يعزكم وحاطه ايديها على خصرها ويوم خلص يت صوبه وضربته على جتفه .. : حوووووووووووه انته حووووووه حق منوه هالكلام ...
خليفه : هههههههه حقج والله حقج ..
ميثه وهي معصبه : لا والله كيف حقيه هالكلام انا هب عندك ..
خليفه : هههههههههه والله والله عرفت انج بتظهرين لانيه سمعت صوت الماي اتبند والله والله ههههههه ..
ميثه : جب جب انزين .. وراحت عنه الغرفه وقعدت تتعدل ..وياها خليفه ومسك خدها وباسها بوسه قويه حتى خلاها تصرخ منها ..
ميثه : هههههههههههههه ااااااااااف . اعنبوه لزقه
خليفه : تبيييييييين بعد وحده ..
ميثه : لا لا خلاص كسرت صطاري ..
خليفه : فديييته هالصطار انا ..
ميثه وهي اتفر الفوده على خليفه : روح اتسبح ..
خليفه : ان شاء الله . وراح خليفه يتسبح وكملت ميثه لبسها وخلاف سمعت صوت التلفون اللي في صالتها الموجوده في قسمها يرن .. وشافت رقم بيتكم خالها .
ميثه : مرحباااااااااملايييييين ..
روضه : مرحبا الساااااااااااااع ..
ميثه : رويض اتولهت علييييج ..
روضه : هيه امره مول وايد متولهه عليه المتوله يتصل ..
ميثه : رويض هب قبل لااروح البحر متصله فيج يعني متى يوم الاربعاء الصبح ياويلي مسرع مالحقتي تتولهين
تعالي يالدبه عندي لج خبر حلو ..
روضه : شوووووو ..
ميثه : هزاعوه رد اليوم ..
روضه : فديييييييييييته فديييييته ميثوه بموت من الوله اتخيلي من عرسج ماشفته بتخبببببببل ....
ميثه : هههههههه دوااااااج . .
روضه : اتصدقين حتى عبد الله اليوم يا من السفر ..
ميثه : احلفففففي والله تستاهلون سلامته ..
روضه : الله يسلمج ..
ميثه : وينه حذالج
روضه : لا والله محد برع البيت ..
ميثه : هيه انزين سلمي عليه .. عيل ..
روضه : سلامن يبلغ .. شحاله خليفه ليكون عندج
ميثه : بخير يسرج حاله هيه عنديه
روضه : يالعنز واشعنه ماتقولين يله يله برايج ..
ميثه : هههه عادي محد في الحمام ولو حتى عنديه شو يعني .
روضه : هههههههههااااااااي لا لا ماريد اخرب عليج ..
ميثه : حقيره تتدرين .
وخلاف ظهر خليفه وشافها تتكلم في التلفون راح غرفته ولبس ثيابه ويا قعد على الكرسي وحط راسه على ريلها وشل ايديها الثانيه وحطاها في شعره وهي ميته من الضحك ..
روضه : يالسيلانيه اشعنه تضحكييييين .
ميثه : ههههههه انا سييلانيه ياويهج ...
خليفه : اكيد روضه ..
روضه : يعلج العوق ماتقولين يسبح جلبي ويهج ..
ميثه : هي روضه .
خليفه : روووضه خبرتني ميثاني يوكنتوا صغار تيلسن تترابعن في بيتكم يوم كانوا ايسووله صيانه يوم زخيتيها من كشتها وربعت تحت عند الهنود بكشتها .. ويوم العيد وخلاف يتكم سيارة فيها اهنود وانتوا تتحرونهم بيسرقونكم يوم قعدتوا تترابعوووون وانتي لابسه فستان وماترومين تربعين فيه لانه ثقيييييييييل .. ههههههههه ..
ميثه : ههههههههههههههاي ...
روضه وهي منصدمه : هااااااااااااااااااااااا لا والله لعنت الله على ويههههههج تم شي ماخبرتبيييييييه بعد ..
ميثه : ههههههههههههه اقولج امممره ماخليت شي ماخبرته ..
روضه : تف عليج وعلى ويهج يالفضييييييحه .. يله يله اجلبي ويهج ..
ميثه : وخبرته عن يوم البر .
روضه وهي اتصارخ : جب جب يله بااااااااااااااااااي . وسكرت في ويهه ميثه وميثه ميته من الضحك ..
خليفه : شو ابلاها ..
ميثه : سكرت هههههههه ..
خليفه : ههههههههه .. .
ميثه : تتحرطم عليه اونه فضحتينيه الله يفضحج ..
خليفه : هههههههههه حليلها ..
ميثه : يله قوم ارقد عليك دوام ..
خليفه : رقدييييني اهنيه وخلاف شليني وديني الحجره ..
ميثه :لا والله ...
خليفه : هيه والله ..
وخلاف راحوا ينامون ..
وانتهىىىىىى الجزء ..
ظنكم الله بيوفق من بين ريسه ويابر
ظنكم موزه بتسوي شي بين منصور والعنود
الجزء الواحد والثلاثون

يضمى خفوقي وله عيوني تروي***بسقيه نبع السلسبيل الصـــــفاوي
ويروق شعري كل ماراق جــوي*** واجعل هجير الحب بردن شتاوي ...

السبت
الساعه5 العصر ..
بيت فاضل القبيسي ..
نوف : امايه خلووني اروح معاكم اعنبوه اتولهت على ريوس ابا اجوفها ...
عزه : اشعنه اتيين رزه نحن سايرين انباركلهم على الصغيرونه وخلاف بنرد .. اشعنه انتي تتعنين واترزين بويهج ..
نوف : امايه حرام ..
عزه : لاحرام ولا الله قاله .. روحي عن بنات اخوج ارواحهن قاعدات..
خليفه : امااااايه يللللللله عاده ..
عزه : هاه جوفي اخوج محتشر وانتي عدج مالبستي انقلعي احدري داخل البيت ابركلج ..
نوف وهي معصبه : اف اف لوووعة جبد ..
عزه : حيدددر حيدروووووووه ..
حيدر : نااام ماماااااه ..
عزه : حطيت طاسة البلاليط والخمير ودلة القهوه في سيارة بابا خليفه ..
خليفه : هيه يامايه هاذن ورا يله ..
عزه : يله يابويه ياياه يايه ..
وركبت عزه في سيارة خليفه اللي كانت ميثه موجوده وعاشه وخلاف اتحركوا صوب بيتكم غيث الشامسي في العين ..

في بيت غيث الشامسي
العرب محتشره بسبب ييت عزه عمة ميثه وبنتها لانهم اول مره ايحدرون عليهم ميره اتشل هاذا من صوب وشمسه اتحط هاذا من صوب وساره اتنظف الدلال واترتبهن في الصينيه وريسه طبعا في المطبخ اتزهب العشا هي اومها وهند ..
سلطان : ياوييييييلي اليوم كلكن في المطبخ ابصراحه انا خاطري اكل من هاذا كله عطوووني ..
ام حمدان : اشعنه ابويه نحن نطبخ حقك
سلطان : امايه عاده .
ام حمدان : انته اشعنه حادر المطبخ ...
سلطان : شميت ريحة الاكل وييت ياليت كل يوم ناكل من هالاكل الغاوي هب من ايد هاي السم ام ضروس ..
هند : هههههههه ثرك قطو مطابخ ..
سلطان : اووووه اوووه طالعوا منوه في المطبخ ماحيدج احيدج اربعه وعشرين ساعه طايحه ..
هند : وانته اشعنه محتر ..
ريسه : امايه بس عاد لوعتوا ابجبديه اللي عرفته سويته بس ماعرف شي انا بظهر بروح اتسبح وبجوف قوم ميثوه وين وصلوا ..
ام حمدان : انجبي وانقلعي اقعدي اهنه انتي منوه قالج انج بتقعدين مع الحريم ..
ريسه : لا والله وليش عاده
ام حمدان : البنيه عيب تقعد مع الحريم المعرسات ..
ريسه : والله عاشوووو عاششششششوووووو واللي يقول ثره في حد كبريه في البيت تراه حياتي كلها من بين المعرسات ..
ام حمدان : اقولج لا تاكليليه جبديه خلاص روحي روحي
ريسه وهي مجبله بظهرها وتوها بتظهر من باب المطبخ سلطان كان واقف عالباب ..
سلطان وهو يمط ريسه من شعرها : لا وين اترووووح ..
ريسه : وكسر في ايديك ان شاااااااااء الله اااااااي ..
هند : دوااااج . ..
ام حمدان : يابويه فجها سر سر عند خويااااتك اللي في الشوارع ..
ريسه : هههههههه ..
سلطان : افاااااااااا افاااااااا ياغايوووووه انا اخواي من الشاااااارع هيهااااء عدهن بيبطن ..
ام حمدان وهي اترشه بقلاس الماي اللي في ايديها : غايووووه مسود الويهه انقلع خاري ..
سلطان : واييه يعلني افدا روحج يام حمدااااااان امواح عراسج يالغرنوووقه .
ام حمدان : هيه انزين يله سر سر ... يابويه وشل ختك وياك ..
هند : سمعنا غرشوبه ماسمعنا غرنوقه ..
ريسه : عن الفضايح غنوا عن الغرنوقه وعن الغرشوبه ...
سلطان وهو يسحب ريسه من ايديها ويركض ويركضها وراه في الحوي لين ماوصلوا باب الصاله ...
ريسه : ايدييييييييييه اااااي .. يعلك العوق طالع ايديه كيف احمرت ..
ام حمدان : طالعي الخبايل ..
هند : ههههههههه عافان الله ..
وعقب نص ساعه استوا كل شي زاهب راحت ميره بيتها بدلت اثيابها ويابت معاها روضه وراحن هند وريسه وشمسه وساره غرفهن ايبدلن اثيابهن وطبعا العنود في غرفتها مع ريلها وبنتها ..وبعد ماخلصن ظهرن كلهن وقعدن في الصاله وعقب ربع ساعه وصلوا هل بوظبي العين ..
عليا : ماما كالوه ميته ييت ..
ام حمدان : حيااهم الله .. وظهرت ام حمدان اترحب فيهم وظهرن وراها هند وريسه طبعا عقب ماعدلن شليهن واتحجبن ..
ام حمدان : مرحبا مرحبا السااااع .. بهل بوظبي ..
عزه : المرحب باجي يعلني افدا روحج ... ويت عزه صوب ام حمدان واتوايهن . ووايهت ريسه وهند وخلاف يت عاشه ووايهت ام حمدان وريسه وهند .. وميثه بعدها مانزلت في السياره ويا خليفه ...

لا من تبسم ذر ثغره يظـــــوي *** ذر لطيف باللطافه جــــــهاوي
تتدرون عينه ياملا وش تسوي *** تجرح جروحن مالها من مدواي...

خليفه : انتي شعنه راصه عمرج بالهتنوره اخر مره تلبسين تنانير ماتلبسينهم الا يوم اتربييييين ..
ميثه : لا والله انا ماعرف اظهر بليا تنوره ..
خليفه : انتي لين الحين تتحرين عمرج ياهل .. استويتي عيوز الحينه .
ميثه : انا عيوووووز فديتني توني حادره 18.. انته الشيبه 25
خليفه : هيييييه خلي عنج خلي عنج يله انزين لاتمين قاعده وايد طيحي لانج وايد قعدتي انزيييييين ..
ميثه : ان شاء الله حبيبي ..
خليفه : بوسيييييييني ..
ميثه : ههههههه بيشوفونا ..
خليفه : شامل محد ايشووووف حتى صبعج هالصغيروني محد ايروم ايشوفه وشل صبعها اصغر واحد وباسه ..
ميثه : يعلني افدا روحك انا .. وخلاف نزلت ميثه ونزل وراها خليفه ..
ام حمدان : حياكم اقربوا اقربوا .. وقربت ابهم ام حمدان وحدروا عزه وعاشه وسلمن على ميره وساره وشمسه وروضه .. وخلاف ظهرت ام حمدان اتسلم على خليفه .. وطبعا كانوا واقفين على الدجه مالت البيت هي وريسه وهند ..
خليفه : مرحبا امااايه شحالج .
ام حمدان : بخير يعلني افداك ..شحالك ربك ابخير
خليفه : ابخير وسهاله .. انتوا اعلومكم ربكم ابخير ..
ام حمدان : علوم الخير ياولديه .
طبعا خليفه كان مجدم ميثه وسلم على ام حمدان وخلاف يت ميثه اللي تسحب ريلها وتمشي ورا خليفه .. وكانت ميثه صدق كاشخه لا بسه تنوره سوده فيها حركات رهيبه وقميص اسود هاي نك وعليه ورود بالرصاصي .. وخلاف يت وسلمت على يدتها وخلاف وايهت ريسه وووايهت هند ..
هند وهي تحط ايديها على بطن ميثه : مبرووك مبرووووك .. ياعيني على هالكشخه ..
ميثه : الله يبارك في حياتج ..
وخلاف صد خليفه على هند وريسه من بعد ماخلص سلامات على ام حمدان وخلاف حدرت عنهم ام حمدان داخل الصاله عند قوم عزه ..
ريسه : هاي امايه ماتخلص من السلامات ..
خليفه : ياحيهااااا ..
خليفه : شحالج هند
هند : ابخير وسهاله اعلووومك انته ربك ابخير .
خليفه : بخير وسهاله . وشحاله خلفان ..
هند : ههههه بخير راقد الا ايبه لك بيتخبل كل يوم ايخبر ابوه عنك يوم عرسك يوم يلست اتيول وياه ..
خليفه : هههههه ياحليله ..وشحاله سعيد ربه ابخير ..
هند : ابخير يعلك الخير ..
ريسه : واشعنه ماتسلم عليه ..
خليفه : عووذ بالله انتي امس شايفنج ..
ريسه : لا لا ماشي زعلت وبعدين السلام لله .. عادي انا بكون اخير عنك شحالك خليييفه
خليفه : هههههههه بخير وسهاله شحالج انتي يام الدويس ..
ميثه : ههههههههه ..
ريسه : هااااه اناااااا
هند : وهو صادق عن ربه ماغلط ..
ريسه : ماعلييييييه ..
وخلاف ظهر سلطان من الميلس ..
سلطان : حييييبه بو دعي ..
خليفه : الله يحيييك ويبجيك .. يابومييد ..
وخلاف ياهم سلطان وسلم على خليفه وخلاف وايه ميثه وحدرن الحريم في الصاله وراحوا خليفه وسلطان الميلس ... وخلاف ياهم منصور واحمد وبطي وقعدوا معاهم .. ودشن الحريم كلهن عند العنود وباركولها على ماياها وقعدوا عندها شويه وخلاف ظهروا عنها .. وبعد صلاة المغرب يوهم حمدان وعبدالله ...وقعدوا معاهم في الميلس ..
وفي صاله قوم غيث الشامسي
ام حمدان : حياللله من يانا ..
عزه : الله يحيج .. هند حليلها ماشفناها الا من عرس ميثه اشعنه مايتوا عنا البحر هاك اليوم ..
هند : والله ياخالتيه تتدرين الحمال والله انيه حتى الدرب من بدع زايد للعين ماقهره ..
عزه : الله يقومج بالسلامه يامايه ..
هند : اميييييين ..
ميثه : سمحولي بسير اشويه اطيح في حجرة ريسه ..
ام حمدان : لا فديتج مسموحه ...
عزه : هي والله حليلها من الصبح يالسه في السياره سيري يامايه ليني ظهرج ..
ميثه : ان شاء الله وراحت ميثه وراحت وراها روضه وريسه ..
عزه : عاد نحن اليوم ياينكم في طلبه ومانباكم اتردونا فيها ..
ام حمدان : افا علييييج ماعاش اللي يردج .. وانتي واصله لين اهنيه لبيه غناتي امري
عزه : مايامر عليج عدو ولا ظالم ياربي ..
ام حمدان : اميين يارب ..
عزه : والله يام حمدان نحن اليوم يايين انخطب ريسه حق ولدج يابر .. والولد انتوا من حقكم تتخبرون عنه هو بقاله اخر شهر وبيتخرج ان شاء الله من الجامعه ووظيفته تترياه من شهور . ..
ام حمدان : هاي الساعه المباركه افا عليج يام زايد ماهقيت هالرمسه تظهر منج كله ولا يابر يابر ولديه وجان هي ذبيحه والله انيه ماغليتها عليه ولو يباها من الحينه ايشلها بعباتها ايشلها... اخير عن يابر هي مابتحصل .. والله ان شاء الله يتمم اللي فيه الخير والبركه ...
عزه : امييين يارب وهو الا وده يحصل وحده شرات ريسه يعلني افدا روحها شيخة الحريم ..
ام حمدان : افا عليج يام زايد البنت بنتج ..
عزه : وانا مالقت الا هالشي الا ان تكون بنتيه لوديه وولديه لبنتيه ..
ام حمدان : فيج الخير يام زايد ..
وقعدوا اشويه ايسولفون وخلاف حطوا العشا واتعشوا وخلاف ظهروا هل بوظبي صوب دارهم ...وام حمدان راحت الميلس عسب اتفاتح اعيالها بالموضوع مادامهم كلهم كانوا قاعدين .. وطلبت من هند وشمسه وميره وساره انهم مايخبرون ريسه بالموضوع الا عقب ماتشاور اخوانها ..
ام حمدان : السلام عليكم .
حمدان : وعليج السلام الغاليه وراح حمدان سلم على امه ..
الكل : وعليكم السلام ..
ام حمدان : انا يايه افاتحكم في موضوع ..
بطي : خير يامايه شو مستوي
ام حمدان : ماشي ياولديه تتدرون اليوم خالتكم ام زايد اشعنه يايه ..
حمدان : لا والله
منصور : يايه عسبة العنود .
ام حمدان : هيه هي يايه صوب العنود بس اخلاف طلبت شي ثاني ..
سلطان : افا عليها تامر امر خالتيه عززه شو في خاطرها ...
ام حمدان :خالتكم يايه اتخطب ريسه ختكم حق ولدها يابر .. شو رايكم .
حمدان : والله يابر ريال دام انه خليفه اخوه ماشاء الله عليهم عرب وماعليهم اقصور ومدام نصيب البنيه ياي يامايه لا تقطعونه .
بطي : والله يامايه ريسه وايد يوها خطاطيب وانتي اتردينهم لانهم غرب وحتى يوم يوها عيال عمتيه وعيال خالتيه مارضيتي انج اتيوزينهم اياها لانه ثلاثه من عيال عمتيه يبونها واثنينه من عيال خالتيه وانتي مارضيتي اتوزينهم عسبة مايقولون اشمعنا يوزت افلان ومايوزتنا نحن .. وبعدين يابر ونعم الريال انا قاعد معاه وشايفنه كمن مره والنعم الساع بصراحه . .
احمد : والله دام هاذا اللي اتشوفونه انا ماعنديه مانع .
ام حمدان : ومنصور
منصور : ياماااايه انا بخبرج بشي يابر ريال وينشرى بملايين الدنيا كلها حشيم في ذمتيه وماعنده خرابيط مثل الباقي اللي اتعرفونها طبعا الدواخه والصياعه والنعم والله دام قوم بن فاضل نسايب ..
سلطان : والحينه يا دوري اونكم عاد بالترتتيب شو طابور مدرسه
ام حمدان : طالعوا مسود الويهه كله يبا يضحك ويعلق ..
سلطان : ههههههه ..
حمدان : هاذا سلطان من يوم هو صغير ماتغير فييه شي .
سلطان : صدقت .. عبود الدور ياينك جهز عمرك اتحنحن لاني بعطيك المكرفون عقب ماخلص ..
ام حمدان : مسود الويهه محد يبا شورك انطم انطم ..
عبد الله : والله انا ماعرف عن الريال شي ولا قد في حياتيه جفته .. مدام هاذا شوركم عنه الله يتمم الها على خير
ام حمدان : ياله يعلني افدا العقال هب بعض الناس وسوت مالت باديها حق سلطان ..
احمد : هههههههههه ياخي كثر التقطيع اللي يقطعونك اياه محد ايقطعك اياه .
سلطان : ههههههههه فديت هالايد المغمسه بالحنا انا ..
منصور : يله عاده عطنا رايك انته دوم وياااااه ..
سلطان : والله ابصراحه الريال مول ماعليه اقصووووور ريال ماشاء الله عليه حبوب وراعي سوالف وانا دوم وياه عمريه ماحصلت العيبه عليها لو انا انغشه نغاش ابا اظهر منه شي بس للاسف ماحصل عليه شي .. وريوس بنتج هاي الخبله اخير عن مابتحصل ..
ام حمدان : الله يسوي اللي فيه الخير ان شاء الله و انا بخبر اختكم وبشاروها وخلاف بخليها تستخير ربها وبنرد عليهم خبر ان شاء الله وربي يوفقها ويسعدها ان شاء الله ..
الكل : اميييييين .
سلطان : وانا بمنوه اطفر
ام حمدان : بيوزك عسب اطفر حرمتك خذ الشور يابويه ..
سلطان : لا لا خلاص مابا اطفر في حد ولا ابا حد يطرفبيه افا عليج يله يله مع السلامه وسحب عبد الله ومنصور وظهر من الميلس
منصور : حووووووه انته تسحبنا وين امودنا ..
عبد الله : اشعندك اتقودنا شرات العنز .. وانته الراعي.. وين تبا
منصور : شو بلاك ساحبنا من داخل
سلطان : والله يامايه ميننتبي كل ماتشوفينيه اتقول كاتبين على ويهي بنيوزك وبنخطبلك .. يله الحينه انا ساحبنكم اباكم اتون معايه ستار بكس الشباب كلهم اهناك ..
عبد الله : اوكيه انا وياك بس بتصل حق احمدوه وميوود بخليهم يحلقونا اهناك ..
سلطان : اوكيه وصد صوب منصور هاه منصور هب ياي ..
منصور : لا ياريال انا ريال معرس مالي في هالخرابيط مالكم ..
سلطان : انته اشعندك مستوي بيتاوي
منصور : هههههه انا بيتاوي غربل الله بليسك اعنبوه حمامه شوووووو
سلطان : انا ادري ..
منصور : ههههههه يله روحنا بخلي سعيد ومروان يلحقونا ااهناك لانهم هم يتريوني في الجيمي .
عبد الله : ويقول انا ماالي خص في الخرابيط وهالسوالف يابويه انته خبره امش امش ..
منصور : ههههههه ..
وخلاف ظهرت ام حمدان من الميلس شافت قوم سلطان ومنصور وعبد الله واقفين عالدجه اللي جدام باب الميلس .. ومن شافها سلطان ..
سلطان : وابووووووووووكم وضربها شرده وهو يركض زخونا هيهاااء رحنا وطي وركب سيارته وقفل بيبان السياره ..
ام حمدان : الحمد لله على نعمة العقل .. هاذا بالله عليكم صاحي ..
منصور : وانا دوميه اقولج هاذا في خلل فني شويه في مخه اتقولين هاه لااا ولديه بسم الله عليه يعلني افداه يله افديه وافدي خباله ..
ام حمدان : ههههههه الله يخليكم اليه ياربي ..
عبد الله : هاذا شعنده باعها وربع ..
سلطان وهو يضربلهم هرنات ..
ام حمدان : سييروا له ..عن لي يتخبل هاذا دقيقه مايروم يقعد اروحه ..
منصور: يله اوكي امايه قولي حق العنود انيه ظهرت ..
ام حمدان : ان شاء الله ..
وردت ام حمدان الصاله وراح منصور وركب سيارته وراح عبد الله وركب وياه سلطان اللي كان ايعدل سفرته في السياره ..
سلطان : عبود اشعنه ماظربتها شرده ورايه ..
عبدالله : ياريال انته مول بايعنها . ..
سلطان :يالريال هلكت كلت جبديه من كثر ماتتطري العرس ايه ده هو الزواج بالعافيه ..
عبد الله : هههههههه هب زواج ايحولك مصيروي لا مش بالعافيه خلصنا يله روح .
سلطان : حادر يافندم ..

في صالة غيث الشامسي ..

لي صاحب رمش الغلا راس ماله *** واحكم انا قلبيه بعرضه وطوله
كلمات : مطلع الشمس ..
ام حمدان : السلام عليكم ..
هند و ريسه : وعليكم السلام ..
ريسه : هاه غايه وين كنتي اتهيتين ..
ام حمدان : اهبي هباج الرب من بنت شو هالرمسه بعد اتهيتين وماتهيتين .. هاي ويهه عرس بالله عليكم .
ريسه : اووووونه عرس شووووو منوه منوه اللي بيعرس ..
هند : طالعي المطيوره ..
ام حمدان : محد بيعرس عن الخبال ..
ريسه : لا لا صدق منوه اللي بيعرس ..
ام حمدان : منوه غيرج يعني في البيت هب معرس ..خطبوج ..
ريسه : نععععععم نععععععععم منوه قالج اني ابا اعرس مابا اعرس الحينه انا .
ام حمدان : تهبين الا انتي بتطبطييين ودج انتي في ياااابر تاج راسج واللي انتي اللي ماتستاهلينه ...وانا شاورت اخوانج كلهم اموافقين وحتى انا بعد موافقه .. وانتي مالج شور ..
ريسه : اي ياااااابر بعد
هند : بدينا بالعبط .
ريسه : انطمي ام خلفان دقيقه بنفهم من امج السالفه ..
ام حمدان : يابر ولد خالج عززززه ...انا اول مره اجوف بنت ايقولوها خطبوج واتم شراتج مقووي مقووووي نحن يوم كانوا ايخطبونا ولا حد ايقول انه خطبنا نربع ولا نروايهم ويوهنا من الحيا وانتي مسودة الويهه قاعده حذالي تتخبرينه منوه اللي خطبني ومنوه اللي ماخطبني ..
ريسه : اونه متى خطبوووني .. هيييييه هيييه اباااااااااه ياوييييييييييلي ههههههاااي جان استحي وهي تربع عالدري غايه انا موافقه هاه .. وهم يتحرونها انها ربعت صوب حجرتها بس هي ربعت صوب العنود اتبشرها ..
ام حمدان : بالله عليج هاي ويها ويهه عرس بتفظحني جدام العرب .
هند : ههههههه امايه انتي اتعرفين ريوس يعني هي بس جيه اونها هنيه تتدلع علينا وخلاف بتستوي حرمه في بيت ريلها كل بنت جذه عند هلها اكبر دلوعه والخبال كله يظهر لكن من اتعرس تستوي حرمه وايرد العقل ..مكانه جوفي ميثوه جدام اعيونج وطالعي الحينه ماشاء الله عليها كيف مع عمتها وريلها ..
ام حمدان : يله الله يهديها .. هاي بعد مابخليها هي اللي اتصلي الااستاخره انا اللي بستخير ربي الها ولا هاي اشعرفها .. جفتيها شقايل طارت . لا حيا ولا مذهب ..
هند : هههههههه يمكن تباه..
ام حمدان : شو هالرمسه بعد تباه وماتباه .
هند : امايه يعني هي كم مره شافته وااايد يمكن دش خاطرها ...
ام حمدان : هندوووووه شو هالرمسه اللي ترمسينها ماتستحييييين ..
هند : ههههههههه انزين انزييييين ..

ي قسم منصور ..
ريسه وهي تربع صوب العنود على الشبريه : باركييلي باركيييييييليي
العنود : هههههههه على شووووووو انا انا بقولج على شوه اليوم كانت يايه خالتيه عزه تخطبج حق يبور صح ولا لا ..
ريسه : ههههههههههه اشدراج ..
العنود : حسييييت ربج بعد ..
ريسه : فديته فديييييته ..
العنود: ياويلي عالحب ..
ريسه : عنودوووووه عقب اللي سواه اليه وماتبيني احبه الا احبه واموت فيه ..
العنود : الا هو كم رقمه
ريسه وهي منصدمه : ليش
العنود : ماشي بخبره بي ينانج وبخبره عن كلام الحب اللي تعقينه هههههههه .
ريسه :هههههههه . ياويهج ..
العنود : هههههه يله الله يتمم الكم على خير ان شاء الله ..
ريسه :امييييييييييييييييييين .
وقعدوا اشويه يسولفون .. في سيارة خليفه طبعا غايه خبرت ميثه وخليفه انها خطبت ريسه . .وخليفه وميثه وايد استانسوا ا لهم .. وخلاف وصلوا بوظبي ونزل خليفه هله جدام باب البيت وراح صوب الميلس ..
ميلس قوم فاضل القبيسي ..
خليفه : السلللللام عليكم ..
الشباب : وعلييك السلام ..
يابر: انته من وين ياي من نشيت ماشفتها سيارتك ..
خليفه : ماشي كنت ساير اودي قوم امايه العين ..
يابر: انته اللي مودنهم وانا اتحرا الدريول هو اللي مودنهم ..
خليفه : لا والله حرمتيه حامل واخلي الدريول ايوديهم اتخبلت انته ولا شووووه ..
يابر: ياوييييييلي عليك . ..
خليفه : هاه مبرووك عالخطوبه ..
يابر: شوووووو .. اي خطوبه ..
خليفه : هيييه هييه استهبل .. اليوم امايه خطبتلك شيخة الحسن والدلال وامها ماعارضت قالت لو يباها ايي يشلها بعباتها يابر ولدنا ..
يابر وهي ميت من الوناسه : احلللللللللللللف .
خليفه : والله العظييييييييييم .
يابر وهو ينقز من مكانه : السموحه شباب بيييكم .. وراح سيده صوب البيت يتخبر امه عن السالفه ابكبرها ..
سعيد : اشعنده هاذا طاير ..
خليفه : من حقه خطبوله اليوم ..
سعيد وهو منصدم : اووووونه هاذا ما يقول مايباه العرس ..
خليفه : ياريال هاذا متخشع من الحب .. مايباه العرس بلياها لكن وياها العرس بيتخبل عليه .
سعيد : هههههههههااااااااي .. احلف .. .
خليفه : والله ..
سعيد : زين يابوك مابغا يعقل ..
نهيان : يله تعالوا اشعندكم تتصارون .
خليفه : ماشي ..
خلف ربيعهم : يا بودعي تعال اللعب مايسوا من دونك.
خليفه : ههههههه ياي يااااي ..
وراح خليفه والتم مع الشباب كلهم وقعدوا يلعبون ورقه . ..

له ينحني الحسن المعظم حنوي *** وحسنه يخجل راضفات الغشاوي
في وصف خلي ياقصايد تروي *** وغني لمن اهواه احلا الغناوي
في بيت فاضل القببيسي ..
حدر يابر على امه في حجرتها وكانت اتصلي صلاة الشفع والوتر وقعد يترياها لين ماخلصت ..
يابر : تقبل الله ..
عزه :منا ومنك صالح الاعمال ...
يابر: امايه خطبتيها .
عزه :هههههه هيه نعم خطبتها ..
يابر: وشو قالولج
عزه : ياولديه اول مره اشوفك مطيور جذه عالعرس الله يديميها علييك .. زين انه هالشي من خاطرك ..
يابر: اميييييييين بس شو قالولج ...
عزه :قالتليه خالتك افا عليه يابر ولديه ولو يباها من الحين ايي يشلها بعباتها ولو هي ذبيحه ماتغلا عليه ..
يابر: ييييييييييييييس يييييييييييييس ..
عزه : ههههههههه ..
وقعد يتخبرها عن ريسه وشو كانت اتسوي لين ماطفربها وخلاف رد صوب الشباب الميلس وهو مستانس ...


الساعه 11 فليل
في بيت غيث القبيسي .
في الصاله ...
سلطان ومنصور كانوا توهم حادرين البيت .. قعد سلطان مع هند وريسه وشمسه ومنصور راح عند حرمته وبنته ..
هند : بتخبرك سلطان دقيت اتبارك حق هزاع ..
سلطان : لا والله اتصدقين انيه نسيت خبرتنيه امايه بس نسيت والله ..
هند : حتى انا ماتصلت ..
وشلت هند تلفونها واتصلت في هزاع ... طبعا هند كانت مغيره رقمها فهزاع مكان ايعرف الرقم ..
هزاع : الوو
هند : الووو هلا ..
هزاع : اهلين .. نعم
هند : اشحالك
هزاع : بخير .. من
هند : انزين قولليه اشحالج ..
هزاع : من
هند وهي تغمز حق سلطان : ابصراحه انا ابا اتعرف عليك لانه صوتك وايد عايبني ..
هزاع : احلفي انتي بس .. ..
هند : والله ..
هزاع : يله يله باي ..
هند : ورفجة بو خليفه انك ماتسكر ..
هزاع هو معصب : خييير
هند : اشعنه انته معصب شو اول مره وحده ادقلك اتقولك ابا اتعرف عادي مافيها شي بحبك وبتحبني ..
هزاع : ممكن اعرف انتي شو تبيييييين
هند : انزين ماعليه الحينه بخبر عليك ريلي ...
وفرت السماعه على سلطان اللي كان ميت من الضحك .. وشل سلطان السماعه وغير صوته ..
سلطان : الووو ..
هزاع : الوو ..
سلطان: شو تبا انته متصل في الحرمه اتغازلها واتقولها ابا اتعرف عليج .. واتسوي الها هالحركات تباني الحينه افرك في سجن العاصمه ومحد يظهرك منه .
هزاع : حوووووووو انته تهدد شوووووو
سلطان :اقولك انته لو اتصلت مره ثانيه ياويلك تفهم . وفر السماعه على هند .
هند : ها شو بتتعرف ولا لا ..
هزاع : لعنة الله على صيررج يالسباله انتي وهالرغدي اللي حذالج ..
هند وميته من الضحك ماقدرت اتمثل .: هههههههههههههههه هههههه
وتموا كلهم يضحكون على هزاع ..
هند : غربل الله بليسك انا خالتك هند شووو ههههههههههههههههههاااااااااااي .. وينج يارويض
هزاع : هههههههه اسميكم انتوا والله انا اقول من هالخبايل اللي ريلها قاعد حذالها وعادي اتقول ابا اتعرف وساكت عنها ..
هند : ههههههههه مبروووك مبروووك عالتخرج ..
هزاع : الله يبارك فيج عاد لا تنسون حفلتيه .. باجر ..
هند : افا عليك اصلا امك مخلتنا ننساها اربعه وعشرين ساعه تتصل اتذكرنا ابها .. ههههه .يود سلطان يبا ايباركلك .. وخلاف عطت سلطان السماعه وبارك حق هزاع وخلاف ريسه وخلاف شمسه .

الساعه 1 وربع ..
في قسم خليفه ..

بوجود لي نوه على سير نـــوي *** متقاسمين احساسنا بالتــساوي
له نظرة تطفي من الجاش ظوي ***يفرح خفوقن في وداده شقاوي ....
دخل خليفه على ميثه وشافها طايحه على الكرسي اللي في الصاله وحاطه تلفونها حذالها لانها اخر مره اتصلتبه كان في الميلس يلعب مع ربعه ويوم قرب صوبها كانت راقده على الكرسي وشكلها كيوووووووت كيف طايحه ولاويه على المخده وكانت متعدله تترياه وخصله من قصتها طايحه على ويهها ... خليفه فز قلبه من شافها اتخبل عليها .. شكلها صدق كان ايجنننننن .. قعد يطالعها وخلاف شل الورده اللي كانت لافه شعرها ابها ورفع خصلتها عن ويهها وعق دبلتها اللي ماطيع اتعقها لين ماتي ترقد ..شلها خليفه ويوم شلها حست بعمرها .. وفتحت اعيونها .. قعدت تتطالعه ..مستغربه .. وكان حاط اعيونه في اعيونها ...
خليفه وهو يطالعها بحنان :اسف حبيبي تاخرت عليج .. ادريبج تعبانه ..
ميثه : انا اللي اس......
خليفه وهو يحط ايديه على ثمها ويهمس الها : اصصصص ..
ميثه وهي تتطالعه : .............
خليفه وهو يهمس الها : احببببببببج غمضي عينج ..
ميثه وهي تاشر بيديها على اساس انها بطيح : ................
خليفه وهو يهز راسه بالنفي الها : دومي انا شالنج مابطيحين وحطها على الشبريه ..
ميثه كانت ميته من الحيا لدرجة انها ماقدرت تتكلم تمت ساكته .......

الاحد
الساعه 6 المغرب ..
في بيت المر الرميثي ..
شمه كانت في الحوي هي والمر وميثه وهزاع يطالعون اخر تطورات الحفله .. .. طبعا كانوا حاطين طاولات وكراسي في الحوي .. ويايبن مضيفات من الطعم اللي طالبين منه البوفيه حق العشا اللي سووه في مكانين بوفيه حق الحريم في الحوي والبوفيه الثاني كان حق الرياييل في الميلس .. وكانوا مشغلين المسجل في الحوي .. ميثه كانت لابسه تنوره وقميص على شكل فستان لونها وردي وكانت حاطه ميك اب وردي وهالشي خلا خليفه في البدايه مايخليها اتروح الحفله كان يباها تقعد عنده بس بعد عنا وتعب ومحاولات اقناع رضا انها اتروح .. وبعد ربع ساعه وصلوا قوم حمدان وميره وروضه وحمد وميمي .. دخلوا قوم حمدان من بعد ماقرببهم المر من عند باب البيت .. وقعدت ميره مع شمه على الكراسي وراح حمدان مع المر الميلس .. وهزاع كان ايعابل سمعات المسجل .. ماكان منتبه انهم وصلوا من العين لانه كان داخل في الصاله ايعابل الواير مال المسجل وميثه وروضه حدروا داخل عسب روضه اتعق عباتها في غرفة ميثه الجديمه .. وهن توهن داخلات هزاع كان ايعابل المسجل ومن شافها تم فاج حلجه ويطالعها وهي تتطالعه وفيها ضحكه وساااكته ..
ميثه وهي ادز روضه : عاااااااش اتبلمتوا
روضه : ........................
ميثه : اعنبوه مسرع ماتحولتي صنم ..
وخلاف صدت صوب هزاع اللي كان فاج حلجه لانه من زمان ماشاف روضه وهالمره اللي شافها فيها روضه حلوووه موت .. هالشي اللي خلاه يفقد وعيه ..: قممممر قممممر وعض على شفايفه ..
ميثه : اممم شكرا كلك ذوووق ...
روضه ويهها محمر : شحالك هزاع ..
هزاع : حالي توني ردت الروح فيه ..
ميثه :عاااااشوا لبسوني ..
روضه وهي تسحب ميثه : يله انروح
هزاع وهو يغمز حق روضه : امووووووت في اللي يستحي ويخيل اموووت فيه انا .. شحالك انته ياحلو ..
ميثه : هههههه يله انزين روحنا ..
وخلاف راحوا وراح هزاع الميلس عند الرياييل وخلاف يافاضل وكل اعياله .. وربع المر اللي دومهم معاه في القنص .. وربع هزاع .. وعالساعه 7 وصلوا هل العين .. منصور وحرمته وبنته مع انه ماكان المفروض انه العنود اتي بس هي اصرت على انها اتي .. وسلطان اللي كان معاه عبدالله وام حمدان وريسه وهند وولدها ..
بطي مع ساره وبنته وولده واحمد مع شمسه ولده .. وحدروا الحريم الحوي والرياييل راحوا الميلس .. وفي الحوي كانت شمه وربيعاتها وعمات هزاع وبنات عمه ويرانهم ويدته وميثه وروضه وام حمدان وريسه و هند وعزه وعاشه وبنتها وشيخه وعفراء وبناتها واليازيه وميره وشمسه والعنود وساره ... وقعدن الحريم ايسولفن وقامن البنات يترقصن وارتبش الجووو وصدق استوا روعه وخلاف نشن الحريم كلهن يتعشن .. والرياييل اتعشوا وقعدوا كلهم .. وبعد العشا ظهروا هزاع ويابر وكانوا متفقين على شي رايحين الصاله طبعا من الباب الثاني هب من الباب الرئيسي اللي في الحوي وحدروا وراحوا عند المسجل وشل هزاع المكرفون ..
هزاع : لو سمحتوا عنا شله نبا انشلها ..
شمه : واااايه غربلات ابليسك .. وربعت شمه صوب الصاله ..
والحريم يزقرنها ايقوللها انها اتخليه ايعبر عن شعوره .. لانه اليوم حفلة تخرجه وهم بعد كانوا يبون يسمعونها الشله .. وخلاف ردت وقعد وياهم .. طبعا السماعات كانت موجوده في الحوي..
هزاع : يله 123...
يابر:
طلعة قمر ولا جبينك سبحان رب خالقـــــــنك
ماخفت نظرة حاسدينك حتى الجمال يغار منك
مشتاق لك واسأل وينك شوقي لشوفك فوق ظنك
ياحلو لا تلمس ثمينك خوفي الانامل يجرحنك
كثر اعترافي لك يدينك ان مت قتلي صار منك
ان شفت لؤلؤك وتينك ثنتين بالصدر اجر منك ..

} القصيده للشاعر : علي سالم الاحبابي {
هزاع : اهداء لعرب عيونهم عسليه ..
ومن قال هزاع هالجمله روضه قفطت جنه حد جب عليها ماي بارد واونها تمت اتغير الموضوع وتبعد عنها الموقف بس منوه قال انه البنات فجن عنها تموا طايحين فيها .. وطبعا ريسه ماتت يوم سمعت صووووت يابر وهو يشل ..
يابروهو يصاصر هزاع : حووووه انا بشل شله .. من عنديه .
هزاع : حق منوه اسميها امايه بتينا بنعالها ..
يابر: هههههههه انطم ..
هزاع : اوكيه ..
ورد هزاع وشل المكرفون : وعنا شله ثانيه لا تخافون اخر اخر شله .
. وطبعا الحريم يستانسن على هالسوالف شلات وخصوصا بصوت يابر مااشاء الله عليه صق صدق فن اصيييييل .. وشجعنه ... الحريم
يابر : احم احم ..
غيرت لي مجرى حياتي *** وخليت لي في دنــــيتي ذوق
لملمتني عقب الشــــــتاتي *** وامسى فؤادي صوبك ايتوق
وريحتني بعد الــــــشقاتي *** وحســـستني بالحب والشوق
ايقضت فكري م الــسباتي *** والحقت به اشواقه الحــــوق
طابت جروح دامـــــــياتي *** في قربكم ياعز مخـــــــلوق
عذب اللما حلو الـــــشفاتي *** غرقتــــني في حبك اغروق
لك النوايا صــافياتـــــــــي *** ولاحد غيرك اليــــــه يروق
والله اني احبك ياعز مخلوق *** من يوم شفتك وصابني العوق

القصيده للشاعر : حمدان الدرعي
هزاع وهو يصاصر يابر: شو اقول ..
يابر: قول اهداء لخالتيه ريسه لانها زعلانه عليه ..
هزاع : اوكيه بس بظهر منك كل شي براويك ..
ورد هزاع شل المكرفون ..
هزاع : اهداء لخالتيه ريسه لانها زعلانه عليه ..
يابر: وسلمتوا ...
الحريم كلهن ارتبشن واستانسن ريسه فهمت الحركه بس معقوله يابر فضح عمره صدق والله يوم قالوا انه الحب ماينخفي نفس ريحة العطر بسرعه ايفوووح ..
هند : انتي اشعنه زعلانه عليه ..
ريسه : ماشي يوم سكرفي ويهي هاك اليوم ..
هند : هيييه ...
الكل عدت عليه السالفه ماعدا ... ريسه ونوف وميثه وروضه .. وبعد السوالف انتهت الحفله وردوا كلهم صوب ابيوتهم ...

انتهىىىى الجزء ...
الجزء الثاني والثلاثون

حبيبن احبه على الخوذ زود *** عليه تغلا وصــــابه عنـــاد
احبه محبه بلــــيا حـــــــدود *** تـــــمكن وداده بـــلب الفؤاد ...

في بيت فاضل القبيسي ...
الساعه 5 العصر ..

يابر كان وايد مرتبش من عقب ماردوا عليهم .. بالموافقه ... واليوم بيروحون الرياييل يخطبون ريسه رسمي وبيحددون موعد الملجه ...
يابر: يله يابويه عاده اللي يقول انته الحين المعرس ..
فاضل : لاحول ولا قوة الا بالله العلي العظيم انته اشعندك .. جذه .. مابطير ..
يابر: اعنبوه انتوا مواعدين الرياييل عقب صلاة المغرب ..
عزه : بسك عاده من هالحنه لا تيلس اتحن ان تميت اتحن وايد مابيستوي شي ..
يابر: لا واللللللللللللله شووو حلفي خلاص اوكيه بسكت ...
خليفه وهو نازل وكانت نازله وراه ميثه ...
يابر: هلا هلاااااا ياله كاشخ الحبيب ..
خليفه وهو يصد صوب ميثه :عندي من يكشخنيه انته اشعنه محتر ..
يابر: اماااايه اماااااايه ..
عزه وهي تضرب يابر على جتفه : اشعنه اتناغج انا حذالك شو صمخا ..
يابر: جوفي اليوم انا معرس فلو سمحتي لا تضربيني اشعنه ماتضربين خلوف كله طايحه فيني ..
عزه : يوم بتستوي شرات خلفيه فديته هييج الساعه مابضربك ولا شي والله حليلها البنت انته ابدا ماتستاهلها ..
خليفه : وانا اشهد ..
ميثه : هههههه حليله يابر ... يابر شو شعورك ..
فاضل : يابنتيه من الصبح حاشرنا هاذا يبا بس حد ايدقه وبيبتدي..
ميثه : ههههههههه ..
يابر: فاضل لوسمحت السؤال مطروح اليه . .يعلني افدا خشمك السيف وانا اقول خشميه على منوه ظاهر ..
عزه :هيهاااء بدينا بالخقه ..
زايد : يله خلصناااا .. مابتروحوووون ..
يابر : يله يايييين يايين ..
شيخه : ماشاء الله كلكم بتروحون ..
خليفه : هيه ...
عفراء : هييبه هيببببه ...
وظهروا فاضل وزايد ونهيان وسعيد وخليفه ويابر .. فاضل ركب مع زايد و نهيان .. وسعيد ويابر ركبوا مع خليفه .. وراحوا صوب العين ..طبعا في العين الحريم مرتبشات بسبة عزيمة الرياييل .. اللي بيونهم اليوم وطبعا الكل كان موجود في المطبخ ماعدا هند اللي ردت بدع زايد .. وطبعا هالمره شمه كانت عند هلها في العين.. وعقب ساعه الا ربع بالضبط وصلوا هل العين بوظبي وحدروا الميلس .. وطبعا المرحب فيهم كان حمدان بما انه العود .. وقعدوا واتفقوا على كل شي وحددوا موعد الملجه اول شي عقب شهر لكن منوه قال يابر بيخليها شهر نط في ويوهم ..
يابر: صراحه انا ريال مستعيل واباها على الاقل عقب اسبوعين ..
حمدان : خلاص ان شاء الله اتشوفه على خيرت الله ان شاء الله ..
فاضل : اعنبوه اسبوعين مابيلحقووون ..
خليفه : عادي انا يوم خطبت عقب اسبوعين ملجت ..
فاضل : خلاص الله يبوفقهم ان شاء الله ..
وطبعا هالوقت يابر كان قاعد حذال سلطان ..
يابر: اشعندك فاج حلجك .. جنك بقره وجايفه حريجه ..
سلطان :ههههههه انطم اتعلم ..
يابر: ههههههه ..
سلطان : افا والحينه منوه بيدور الغراشيب ويايه ..
يابر: ياريال بس خلاص عقلنا ..
سلطان : لا لا شووووو ...............
يابر: لعنت الله على صداك انا اعرف شسو قصدك لا لا ... يعني تباني العب بذيلي ... لا يابويه هاي شامسيه بتقصبني انا وهليه ...
سلطان : هههههههههاااااي روووووح مافيك حيله بصراحه .. اعنبوك من يوم الخطبه قصبوك يوم الملجه شو بيشونك .. ثرهم .
وخلاف زقرت ام حمدان حمدان عسب انه يابر يظهر ويشوف ريسه طبعا ام حمدان ماكانت اتمانع على هالشي لانه عادي لانه هو ياي ايخطبها ومن حقه انه يشوفها .. بوجود هلها طبعا تتطلع جدامه .. لانه في نظر ام حمدان هالشي من حق الريال .. طبعا مع انه هالشي عيب ومنقود عند بعض الناس .. بس هب الكل يعني يوم خليفه منعوه انه يشوفها لكن يابر خذ راحته ... ورد حمدان الميلس
حمدان : يابر ..
يابر: لبيه ..
حمدان : لبيت حايه ..لو سمحت الغالي بغيتك في كلمة راس اشويه خاري ..
يابر: افا علييك امره ماطلبت ..
وظهروا حمدان ويابر من الميلس وكانت ام حمدان واقفه عند باب الميلس عالدجه .. ظهر يابر وشاف ام حمدان
راح يابر عند ام حمدان وحبها على راسها ..
ام حمدان : حبيت الكعبه ياولديه .
يابر: وياج ان شاء الله يامايه .. شحالج امايه
ام حمدان : بخير وسهاله يعلني افدا روحك اشحالك انته ربك ابخير ..
يابر: ابخير وسهاله ربي يسلمج ..
ام حمدان : ويسلمك ياربي .. يابر ياولديه انته من حقك انك اتشوف اللي بتكون شريكة حياتك وانا مافرق بين اعيالي وبين الرييايل اللي ايون ايخطبون بناتي .. ومثل ماسعيد يعلني افدا روحه شاف هند ...... بعد انته من حقك انك اتشوف ريسه ..
يابر: مشكوره خالتيه .. بس يمكن هالشي يسبب احراج الها ولا شي ..
حمدان : لا احراج ولا شي وبعدين الرسول اوصى على هالشي .. وهالشي هب حرام .. وبعدين نحن كلنا ازوجنا بالهطريقه ...
يابر: اللي اتشوفونه ..
حدر حمدان على الرياييل في الميلس اما يابر راح مع ام حمدان صوب الصاله ..وفي الصاله كانت شمه قاعده ومعاها ريسه وقاعدات ايسولفن .. عن المغنيه هاي المغنيه نجلا ..
في الصاله ...

سقاني حبيبي بكاس الصـدود *** ولايوز عـــنه ولا اقدر بعاد
غدا كل شي معي في الوجود *** واشوفه وحتى في حلم الرقاد
شمه : الله يعلنها طالعي الحقيره شو ملبسه ..
ريسه : والله ياشميم عدج ماشفتي شي ها ولا شي بس صراااحه فضيعععه .. طالعي كلمات الاغنيه كيف .. ونشت ريسه تبا اتبند التلفزيون لانها وايد كانت مقهوره من كلمات الاغنيه ولبس اللي اتغني .. وكانت لافه بويهها صوب التلفزيون طبعا اللي يوقف عند التلفزيون يعطي ظهره للي ياي من باب الصاله فحدرت ام حمدان ووياها يابر ..انفتح الباب ولفة ريسه ويهها .. تتطالع منوه ياي طاحت قصتها كلها على طرف من ويهها.. ويوم شافت يابر وامها ...
ريسه وهي منصدمه تتحرا عمرها تحلم : حووووه حووووووه .. وحطت الغشوه على وييها ..
شمه : ريوووووس ..
يابر: هههههههههههه.
ام حمدان : اشعنه حطيتي الغشوه على ويهج ..
ريسه وبنبرة صدمه : نععععععم
ام حمدان وهي تبتسم : الولد من حقه انه يشوفج .. عن لا ينصدم فيج .. وماتعيبينه ..
ريسه :عاشوووو يعني المفروض انيه انزل غشوتيه ..
شمه : عادي .. مافيها شي ..
ويابر حاط ايديه على حلجه وميت من الضحك عليها ...
لفت ريسه مره ثانيه لجهة التلفزيون واتحجبت عدل .... طبعا ام حمدان كانت تبا يابر يقعد بس يابر ماطاع انه يقعد فبتالي خلته على راحته .. واقف معاها .. اتخيلوا الموقف كيف كان صدق صدمه الكل كان ايعرف انه ريسه مابترضا عسب جذه محد خبرها كانوا متفقين عليها .. ولفت ويهها .. واول مالفت ويهها يت عينها في عين يابر
اول مره ايحس انه يشوفها صدق لانه هالمره كانت برضا هلها وهلها يدرون انه بيشوفها .... غير عن المرات اللي طافت اللي كانت كلها بالدس ومحد ايعرف عنها طبعا شعور بالراحه ... و هي من اول مايت عينها في عينه نزلت عينها ..وطبعا هو يطالعها ويبتسم .وخلاف نزل عينه .. . يابر صدق كان يجنن ماشاء الله عليه كيف لاف السفره وكاشخ من الخاطر وريسه كانت بعد ماشاء الله عليها قمر طبعا جمال ريسه ماينوصف احلا وحده كانت في العايله ... وخلاف عطتهم ريسه ظهرها وحدرت في غرفة امها اللي كانت مجابلتنها .. وتم يابر يتبادل السلامات مع شمه وخلاف رد هو وام حمدان الميلس .. وصلت ام حمدان يابر وخلاف ردت ...
ام حمدان : وينها هاي مسودة الويهه ..
شمه : هههههه في حجرج ..
وان توها ريسه ظاهره :عااااشوووا والله جان خليتيه بعد ايي يقعد حذالي عادي هاااه بعد عن لا ينصدم فيبني وانا في لحظه اتحول سبال ..
شمه :هههههههههههه
ام حمدان : يله صاااا امممره قطعيها الرمسه ... عنبوج لو مسجل جان صخ وخلصت البطاريه هذربان اربعه وعشرين ساعه ..
ريسه : اششششششد انا الحينه استويت مسجل ..
ام حمدان :هيه نعم .. وخلاف صدت على شمه وانتي اشعنه ساكته عنها ..
شمه :يا يابوويه انا مالي حايه فيها هاي ام السانين .. هذربان عياييز الشوامس كلهن عندها ...
ام حمدان : صدقج يابنتيه وانا اقول بلاهن الشامسيات السنتهن هب شرات قبل ثرها هاي مسودة الويهه شاله السنتهن..
ريسه :هيه هييييه لا تغيرين الموضوع قولي اشعنه حدرتي عليه جذه .. من دون لا اعرف شكلي يشاهد بالله عليج يعني الحينه ..
ام حمدان : هيه ايجوفج طبيعيه اخير ..
ريسه :اوكي ادري طبيعيه اخير بس على الاقل ماتكون كشتيه في ويهيه ..
شمه :الله يخليج انتي عاد صخي صخي ...
ريسه :اووووووه محد يقعد وياكم بسير ارمس ميثوه اخير ..
وراحت ريسه عند التلفون اتكلم ميثه وخلاف حدر عليهم سلطان وخبرهم انهم حددوا الملجه عقب اسبوعيييين ..
ام حمدان: زين ياولديه .. مافيها شي اسبوعين الناس تملج باسبوع عادي ..
ريسه : نععععععععم نععععععععم ... مابيخلص الفستان في اسبوعين ..
سلطان : لا والله .. خلاص نحن عطينا الريال كلمه ...
ريسه : مابا خله ياخذ سيلانيه عيل اخيرله...
سلطان : ليش فيه سيلانيه احلا عنج ولا اخير عنج خسافة السيلانيات كلها فيج ..
ريسه :ميثووووه طالعي شو حكموا عليه ..
ميثه :ههههههههه عادي حتى انا ملجت عقب اسيبوعين ..
ريسه :هيه صح انزين شو سويتي ..
ميثه : شو اللي سويته رحت ويا امايه من اول يوم خبرونا فيه عند علي فواز اللي في بوظبي ماطاع ايخلصه وخلاف سرت الستي وخذت واحد جاهز ...
ريسه : انزين ميثوه وانا شسوي اتعرفين في العين ماعنا شي يشاهد ..
ميثه : قومي تعالي مع امايه باجر ..
ريسه :وبعدين منوه بيردنيه
ام حمدان : حووه انتي على شو اتخططين .. تتحرين على كيفج ...
ريسه : عيل شسوي انا متى بخلص ان شاء الله ..
سلطان : شو تبين انتي الحينه اشعنه مسوتلنا حشررره ..
ريسه : ابا حد ايوديني بوظبي باجر افصل الفستان ..
سلطان : هي وبعد عقب مره ثانيه تبين حد ايوديج البروفه وحد ايروح ايبلج الفستان بتكرفينا كراف ثرج
ريسه: انزين شسوي ..
ميثه : تعالي ويا الدريول اتي وامج يوم البروفه ويوم التسليم طرشي الدريول ..
وخلاف خبرتهم ريسه باقتراح ميثه عليها ..
سلطان :خلاص انزين انا بوديج باجر ..
ريسه : فدييييييييييتك انا والله ..
سلطان : شسوي انا مبلاي فيج يله حبيني على ايدي .
ريسه : انقللللللع يالسبال بتبطي وايد بعد ..
ميثه : ههههههههه ... انقلعوا برايكم الخدامه اتقول ريلي وصل من العين .. اتفقوا وخلاف خبروني ..
ريسه : خلاص اوكيه يله باي ..
ميثه : باي ..
ريسه :هاه الحين شووو ..
شمه : مابيخلصلج اشعنه ماتخذييين جاهز . روحي قبل وشوفي الجاهز اخلاف بندور حد ايصمملج فستان وبنرشيه شويه وبيخلصه لج ...
ريسه : ام يعني ..
ام حمدان :خلاص طيعي الشور جوفي باجر خلي يوديج اخوج وخلاف اطالعي شي وان ماعيبج مري على بنت ختج وروحي معاها فصلي لج شي ..
سلطان : وانا بوديج باجر الصبح ... وفكينا واطالعي لج شي ..
شمه : سيروا اهناك البيت محد غير هزاع الطباخ .. والمر بيرد ورا باجر من القنص ..
ريسه :اوكييه ..
وخلاف ظهرت العنود وشاله غايه الصغيرونه ..
سلطان : وااااايه واااايه محلاتها .. وشلها عن العنود ..
العنود : هاه الحينه محلاتها ..بتفرهن في قرقور عيل
سلطان : اماااايه هاااي اماااايه ..
العنود : هههههههه ..
واتيمعوا كلهم على غايه الصغيرونه وخصوصا ريم اللي لصقت فيها لصقه وماطاعت اتفجها ابداااا .. وخلاف ظهر غيث ولد احمد .. ياي صوب غايه الصغيرونه ..
سلطان : بنيوزكم بعععض .. انزييييين ..
العنود : انا امها موافقه .. وان يبت انا ولد بيوزه بنتك موافق ..
سلطان وهو يعض اضروسه ويطالع العنود بغيض : ناااااااااناااااااااناناناناااااااااااا ..
العنود : ههههههههههه ..
ريسه وهي معقد حياتها : شو ها بعد
العنود : هههههه هاي لغه خاصه فيه يعني صخي لا تتطرين هالشي جدام امايه .. هههههه ..
شمه : ماشاء الله ..
شمسه : يعني شو عووق سلطانوه غير هالشي ..
سلطان : اقولكن انتن الهنتين عطوني اعيالكم ..
ام حمدان : وااايه بالستر اشغنننه
سلطان : بظهرهم برع في الحوي ..
ام حمدان : بتظهر قبلهم وبتنفر بنعال عراسك ...
سلطان : عااااااشوووووو .. فيها ضرب السالفه ها .. وتم ينقزز غايه في ايديه ..بيضربوني عسبج بيضربوني عسبج
العنود : بننننننننننننتي ينننننننننننتي ..
ام حمدان : غربل الله بليسه ..

في بيت فاضل القبيسي
في الصاله ..
الساعه 10 ونص ..
يابر: يله اجهزن الملجه عقب اسبوعيييييين ..
نوف : شووووووووووووو لا والله عكيفك هو ونحن مافصلنا ولا شي ..
يابر: فككككه انتي لاتيييين .. قعدي فصلي في فستانج يوم بيخلص تعالي .. ههههه
نوف : عع ياسخااافتك ..
يابر: هيهيهيهي هب اسخف منج ..
عزه : خلاص قررت ..
يابر: احم احم هي نعم ..
فاضل : مادري انته على شو مستعيل ..
خليفه : لازم بيستعيل عليه ..
شيخه : مبروووووووك يبور مقدما ..
يابر: الله يبارك فيج شيخوه مؤخرا ..
سعيد : انطم اسمها ام مهره ..
يابر: افا عليك ان شاء الله على هالخشم ..
سعيد : هييه حشم .. ههههههه ..
يابر: لا والله صدقت عمرك انته وايد بعد هب اشويه ثرك ..
نوف : الحييييينه شو انسوي شو انفصل ..
عزه : الجاهز مايقول شي ..
عاشه : خلاص عيل مدام جذه يبالنا روحه ان شاء الله باجر ..
ميثه : خلاص عيل بنروح كلنا ان شاء الله باجر العصر ...
عفراء : يله الله يتمم لك على خير ..
يابر: امييييييين ..
اليازيه : مستااانس مستااانس بيطير من الوناسه ..
وتموا قاعدين ايسولفون وخلاف راح كل واحد مع حرمته الغرفه .. وراحت نوف غرفتها وراح يابر.. الميلس ..

الصبح
في غرفة خليفه ..

حياتي وموتي في ذيك الخدود *** ورمشه وعينه تساوي البلاد
انا له محبٍ اداري العــــــهود *** وحيه حبيبي يزيد ازديـــــاد

ميثه كانت واعيه اشويه من قبل .. وخلاف نزلت تحت حطت حق ريلها الريوق وكوت له غترته .. ويت فوق ..عسب اتوعيه ..
ميثه : خلوووفي .. حبيبيييييييييييي ..
خليفه : شو هالقمر ..
ميثه وهي معقده حياتها تستهبل عليه : وييييييينه
خليفه : هاذوه هاذوووووه ..
ميثه : ويييييينه
خليفه : هاذوه يكلمني ..
ميثه :وييينه انا ماسمعه ..
وخلاف سو حركه على اساس انه بينقز في وييها .. جان تصرخ .. .
خليفه : هههههههههههه هاه سمعتي صوته .. صارخ لج بعد ..
ميثه :هههههههه .. يله انزين نش نش ..
خليفه : لا مابا اسير الدوام اليوم انا بيلس وياج ..
ميثه :لا واللللله ..
خليفه : هييييييه عندج مانع خلاص كنسلت خلهم يفنشوني .. عادي . تعالي يله بلوي عليج ..
ميثه : احلف احلف ... وشلت المخده الصغيرونه وضربته فيها على جتفه ..
خليفه : ههههههه
. وقعدوا يتفاررون بالمخاد ..
خليفه : ايييه بطنج شويشوي ..
ميثه : هههههههه .. مادقني شي في بطني ياويهك ..
خليفه : بلاه ويهي هب غاوي
ميثه : امممم .. احلا من القمر بشويه ..
خليفه : حلفي ..
ميثه : ا صدق ..
خليفه : تعالي بقولج شي ..
ميثه : اشووو
خليفه : تعالي ياعمرررري .. بصاصرج ..
ميثه : شووو .
خليفه : اممممواااااااااااااح ..
ميثه :وهنيييييييه ..
خليفه : اموااااااااااااح .. ليش عسب الخد الثاني بعد مايزعل ..
ميثه : هيييييييه ..
خليفه : انزين غناتي وبعد ولديه بيزعل ..
ميثه : ههههههه اشعرفه خبله هاذا ..
خليفه : حوووووووه حووووووه اشعنه اتقولين عن ولديه خبله ..
ميثه : هههههههه اوكيه اوكييييييييه .. اسفين .. يله بوس ولدك عن لا يزعل ..
خليفه : اموااااح .. وخلاف حط ذنيه على بطنها وحطت هي ايديها في شعره ..
ميثه : حبيبي يله عاده عن الدلع .. نش عن لا تتاخر ..
خليفه : لا لا والله انيه هب ناش ورد رقد مره ثانيه . وهالمره برقد على ريلج ..
وحط راسه ورقد على ريلها .. وصدق ماراح الدوام قعدت اتحايله لكنه ماطااااااع ... ايروووووح ... وتمت ميثه اتحاوله ايروح لكنه ماراح .. وصلوا ريسه وسلطان وراحوا المارينا مول وخذتلها .. ريسه فستان وردي حلو من الحريبي .. وظهروا خلاف وردوا العين .. وفي بيت فاضل القبيسي ظهروا الحريم في سيارتين وراحوا ..
يطالعون الهن فستانين ... بالمره وخذن قطع حق العرس .. ودوهن عند المصمم علي فواز وفصللهن اياهن ..

عقب اسبوعيييييين ..
يوم الملجه ..
الكل اليوم كان مرتبش وناشين من صباح الله خير خصوصا في بيت غيث الشامسي لانه كانت الملجه عندهم في البيت .. وطبعا ماخلوا شي ماسووه حق العرب اليوم .. والكل كان ايزهب شي من مكان .. وعالساعه 2 ركبوا ساره وشمسه والعنود وريسه وشمه وهند السياره وراحوا صالون كنز لبنان لانهم كانوا حاجزين عندهم .. وفي بوظبي ظهروا من الساعه 1وراحوا الصالون .. ... راحن ميثه ونوف وعليا وموزه ونوره وشيخه عند جويل .. اتحطلهن الميك اب .. اما عاشه وعفراء واليازيه راحن عند صالون سيدتي الجميله وحطتلهن المكياج ..وعالساعه 6 يوم ردن من الصالون عزه كانت محتشره لانهم اتاخروا وخلاف كل وحده منهن راحت غرفتتها عسب تتلبس ..
عجيد اليوادي حدور شــرود *** ومنهو شراته محال اصطياد
كريم بحبه وطبـــعه عــــنود *** خليل احـبه وحــــبي وكـــاد

كلمات الشيخ : محمد بن حمدان بن زايد ال نهيان ... } النايـــــــف {
في قسم خليفه ..
خليفه كان توه ناش من الرقاد .. ويوم شاف ميثه جدامه ين عليها .. وتم فاج حلجه يطالعها وهي ميته عليه من الضحك وخلاف لبسته وقعدت اتكمل لبسها . وهو عده يطالعها .. يوم تتلبس واتعدل شعرها .. وخلاف ردتله الحاسيه يوم شاف شعرها مفتوووووح ..
خليفه وهو معصب : لا والللللللللله ..
ميثه عرفت شو كان يقصد : هههههههههه .. شوووو في شي ..
خليفه : هيييييييه نعم في اشياء هب شي واحد .
ميثه :شو فيه
خليفه : اشعنننننننه فااجه شعرج .
ميثه : خلوووفي .
خليفه : ماشي لا خلوفي ولا بطيخي .. اتلفينه يعني اتلفينه ..
ميثه : كييييييييف ..
خليفه : اونج ماتعرفين كيف هاه .. وخلاف يا وراها ولفلها شعرها .
ميثه : انته اشعرفك فالهسوالف .. خلاص خلاص بلفه بلفه ..
خليفه : يله بسرعه جدامي .
ميثه : ان شاء الله . لفت ميثه شعرها .. وسوت في حركه انها نزلته شويه ومسكته بورده على الطرف ..
خليفه : هيه اتحرا بعد ..هاذا كله لي انا وبببببس ..
ميثه : انزين .. يله انته نش اتسبح .. يالس من الصبح رادار ..
خليفه : انا رادار ههههههه ...
وخلاف نش خليفه يتسبح واتلبسوا كلهم وظهروا .. ركبت ميثه مع خليفه طبعا عزه راحت مع نوف اللي تمت واقفه على راسها عسب اتخلص بسرعه وطبعا نوف خلصت بسرعه وراحت مع امها وابوها والدريول ..
وسعيد شل حرمته وبنته .. وزايد شل حرمته وعياله .. ونهيان بعد شل حرمته وعياله .. وعاشه ركبت مع ريلها وبنتها .. وعيال عمهم شلوا حريمهم وعيالهم واتحركوا كلهم صوب العين .. وصلوا هل بوظبي كلهم العين واستوت اليواله والحفله .. وخلاف حطوا العشا واتعشوا .. وقعدوا الرييايل مع المطوع في الميلس .. وخلاف ودوا الدفتر فوق حق ريسه ووقعت ...وطبعا يابر .. يابر الله محد قدر يوصف شعوررره . كان وايد واايد مستانس خلاص اول حب في حياته استوا ملكه والله ماعذبه وايد في هالطريق .. والله يوفقه ان شاء الله معاها ..
عالساعه 10 عقب العشا ..
نزلت ريسه وكانت منزلتنها عاشه .. خت يابر من فوق .. وكانت ريسه ماشاء الله عليها قمر قممر من حلاتها الكل انبهر والكل قال اذا في الملجه جذه كيف بتكون في العرس .. وكانت فاتحه شعرها اللي كان واصل لين ركبها .. وقعدت تنزل من الدري على اغنية .... راشد الماجد .

اقبلت ياقبلت الله فــــي حـــلاها *** شمعة الدنيا ضــــــــوت ليل العمر
اقبلت والكل يمـــشي من وراها ***وغتنا من زيــــــــــنها ليل الســــهر
هي صبا شمساً تعلت في سماها *** هي ملاذ الارض في وقت السحر
من شذاها تاخذ الدنيـــــــا شذاها *** لا دخون ولا عـــــبير ولا عطــر
ياهــــــنيك فزت والله بـــــغلاها *** فزت باللي نورها شــــمس وقــمر
الـــــــخزاما والنفل ريح لهواها *** لامشت ريــــح البسيــــــطه ينتثر
رب هو اللي وهبـــــها ثم عطاها*** في حلاها وزانها باحـــــلى الصور
عاديه في زينها وفي مسـتواها*** ماتشوف في زيـــنها بـــــين البشر
وخلاف يت وقعدت على الكرسي ... وقعدوا حذالها البنات وسلمن عليها ..وخلاف ينها الحريم وسلموا عليها وقعدوا وخلاف ظهروا وردوا هل بوظبي العين .. وتموا هل العين بربشتهم اشويه وخلاف راحوا يرقدون .. .
الجزء الثالث والثلاثون

انته والله بحياتي واقعي والمراد *** لك عهود المحبه ياحبيبي اكـــــــيد
حبك اللي تمكن في حشايه وساد *** واستحل الفؤاد وجارين في الوريد ..

الثلاثاء
الساعه 12 فليل ..
حدر خليفه على ميثه اللي كانت قاعده تتطالع المسلسل واتصيح ..
خليفه وهو متروع على ميثه : هاااااااااه حبيبي شو بلاج
ميثه : ماشي ...
خليفه : اشعنه اتصيحين
ميثه : حليلها اخيرا حبوها ..
خليفه : شو السالفه ..
ميثه : المسلسل ..
خليفه : لا والله وانتي من الصبح اتصيحين عسبة المسلسل ..
ميثه : حليلها تكسر الخاطر طالع كيف اتصيح ..
خليفه :وااايه فديت روحج انا وقلبج حبيبي .. وخلاف مسكها ولوى عليها ..
ميثه : شحاله يابر
خليفه :ههههه زين يشقح ..
ميثه : هههه حليله .. ها خذاله السياره ..
خليفه : هيه باجر ان شاء الله الصبح بيستلمها ..
ميثه : هيه وشو خذاله ..
خليفه : خذ رنج لونها ذهبي سموك ..
ميثه : هييييه عيل هو قايل بياخذ البي ام ..
خليفه : هههههه اونه لا انا بعرس هاي مابتكفيليه انا وحرمتيه بيقولون مركب اربيعته ..
ميثه : هههههه .. خله عاده هو ها العوق ..
خليفه : ليش اليوم ماسويتيلي تلفون ..
ميثه : سوري حبيبي بس والله هاللوعه اللي فيني ملعوزتني ..
خليفه : هاذا من الحينه شيطان .. ويدلع يله ماشي دلع عنا عصا ..
ميثه : ههههههه حليله .. شعرفه هاذا
خليفه : هيه يوم باجر بيظهر بيقولج عدل شو كنا انقول ..
ميثه :ههههههه ..
وخلاف رن تلفون خليفه وكان المتصل يابر ..
خليفه : حيييييييبه ..
يابر: الله يحيك . وين دارك ..
خليفه : والله في البيت ..
يابر: لا والله .. شو ديايه
خليفه : ههههههههه خس الله ويهك يالهييييس ..اشعنه انته وين
يابر: انا اهنييييييه وياسلطان ورشود الفلاحي ونهيانوه ..
خليفه : اي سلطان ..
يابر: سلطان نسيبي ..
خليفه : هيييييييييييه ..سلم عليهم ..
يابر: تعال يبونك ..
خليفه : اسف ماامشي مع العزابيين ..
يابر: هههههههه ياريال هاذا موووووول مافيه خير ..بايعنا ببلاش
نهيان : عطني عطني اهزززبه . وشل السماعه من عند يابر ..
خليفه : ههههههههههاااااي شرده يالهاملي برايك برايك ..
نهيان : لا تشرد ولا تفر نعالك .. عزابيه هاه .. ياريال ابرك عن ناس ايكسرون سيفونا ..
خليفه : ههههههههه يالجبش منوه قالك انه سيفيه مكسور ..
نهيان : ياريال خل عنك لو هب مكسور جان مانخشيت في البيت من الساعه 11 ..
خليفه : انطم انطم انته شعرفك في الرومانسيه .. انتوا وين .
نهيان : نحن اهنيه قراب المارينا .. رشود معزم علينا الا نركب المنطاد ..
خليفه : اوووووووووب صراحه انتوا فن الثيران الرباعي ..
نهيان : يخررررررررب بيتك نحن ثيران .. جبوش جبوش يعلني افداك ..
خليفه : ههههه بشر ركبتوا ولا عدكم
نهيان : يله الحينه راكبين وويانا واحد مصري ..
خليفه : زييين زييين ولي امركم اتيودوا فيه ..
راشد : ياريال هوى بنطيح خله ينزلنا .
سلطان : لا لا شوووه نزلونا انا ابا ارد العيييييين ..
يابر : ههههههههه اشعندكم متروعيييين عادي عادي وهو يرفع ايديه فوق ..
نهيان : هيييه اره مول خلك انته يالقراديزر ماشي عرس ماشي عرس ..
خليفه : ههههههههاااااي الله يخليك يبور هاذا عوقه لا تضربه على الوتر الحساس ..
يابر: ايوووووووووه ماشي عرس لا يبويه نزلنا نزلنا ..
سلطان : واببببووووووكم تفتر تفتر ..
راشد : حووووه نزلنا ..
المصري : ايوه ايوه حنروووووح مصر ببلاش ومش حندفع لا تزاكر ولا حاجه يله يله روح مصر يلله ..
راشد : هااااااااااه واابووووووكم اي مصر واي فلسطين .. لا يابويه هيد علينا نزلنا وخلاف روح مصر اروحك ..
سلطان وهو ميت من الروع : انا حروح العين ببلاش .. يلاااااااااااهووووييييييي ..
خليفه وهو ميت من الضحك : هههههههههههههااااااااااااي والله انتوا فن هههههههههههااااااااي ..
نهيان وهو يمسح على لحيته : ااااخ عليكم من رياييل . رشووود مسود الويهه هب جنه من الصبح اتحن علينا بتركب ..
خليفه : هههههههه بلاه يبور صاخ ..
نهيان : هههههههه يختتم عمره .. يقرا على عمره .. الفاتحه ..
خليفه وهو ميت من الضحك : قوله العرس العرس ..
نهيان : يبور العرس العرس ..
يابر وهو يفاتن على الريال اللي تحت : حووووه يخرب بيييتك نزلنا .العرس العرس
وخلاف نزلهم الريال ..
المصري : خلونا انروح مصر ببلاش ليه نزلتونا ..
سلطان : لايابويه الحينه روح اركب وروح مصر وسويسرا وكل مكان تباه ..وخذ جوله عالعالم بعد شو راك انته
الريال : انتوا مش رجاله ولا ايييييه
راشد : اتهبي الا انته مسود الويهه ..
يابر: زووول عن ويهيه ..
نهيان : صدقه خرتوها المريله ..
سلطان : ههههههههه اخيرا بروح العين سالم غانم ياله الحمد لله .
خليفه : ياويللللللللي جنكم مطنزه لا وبعد تبوني اي وياكم لا اي ولا الله قاله .. انقلعوا .. اخ تفووو عليكم ... شلوا انعولكم فوق روسكم واربعوا على الكورنيش ابركلكم انتوا ويهه منطاد ..هههههههه .. يله باي
نهيان : ياريال رقع السماعه في ويهيه ..
سلطان : هو ثره فاضلكم ههههههه ..
يابر: حوووووه يوم بعرس ان اتصلتوا اشتكيت عليكم عند الشرطه تفهموووون ..
راشد : اعنبوه جان العرس بيسيويك جذه مخوة بوش يالهيس مخاونا ..
وكملوا الشباب اخلاف سهرتهم ..

الساعه 10الصبح
يوم الاربعاء ...
ين 3 حنايات بيت فاضل القبيسي عسب ايحنن الحريم ..ونزلن شيخه وميثه كانن رايحات السوق عسب يشترون حق مهره الصغيرونه فستان حق العرس وخلوا مهره عند عزه وميثه كانت رايحه بعد عسب تاخذ فستان حق غايه الصغيرونه .. وظهرن قالن حق الحنايه تترياهم..وبعد ساعه ردن شلت شيخه بنتها وودتها فوق لانها كانت راقده وخلت الخدامه معاها فوق وراحت ميثه فوق عسب اتبدل اثيابها وخلاف نزلن ارباعه..
ميثه : حليلها نوف في الجامعه الحينه منوه بيحنيها
عزه : خبرتها قالت ابرايكم اتحنوا يوم برد من الجامعه بروح اتحنى ..
ميثه :هيييييه .
وشلت عزه التلفون واتصلت في ام حمدان ..
عزه : السلام عليكم ..
ام حمدان : وعليكم السلام والرحمه وايه يعلني افدا هالصوت ..
عزه : يعلني افدا روحج يالغاليه اشحالج ربج ابخير
ام حمدان : ابخير وسهاله انتوا اشحالكم واشحال العيال ..
عزه : كلهم ابخير وسهاله ...
ام حمدان : عساه دوم ..
عزه : شحالها عروستنا
ام حمدان : بخير يسرج حالها يالسين ايحنونها من اصبحت ..
عزه : يعلني افداها .. الا بتخبرج وصلنكم البعران والبقر والهوش ..
ام حمدان : هيييييه من الساعه 9 وهن اهنيه وطرشت الدريول عسبة اييب الذباح ويذبحهن ..
عزه :هيه والله زين سويتي خلاص عيل يعلني افداج هب امطوله عليج ..
ام حمدان : ربي يحفظج يالغاليه مع السلامه ..
عزه : مع السلامه ..
وخلاف ظهرن عاشه وشيخه وعفراء واليازيه وميثه .. وراحوا عند علي فواز عسب ايبن فساتينهم من عنده ...

الساعه 1 الظهر ..
في بيت غيث الشامسي ..
ريسه :ياربي صدعت انا هالحنا من الصبح هب طايع ييبس ..
هند : ابرايه خليه ييبس انتي اشعنه مستعيله ليش تبين ادورين ادريبج انا ..
ريسه : اف ماعرف اقعد ..
شمه : ياختيه هاي اللي بتفضحنا اقعدي شو دوده
هند : هييييه والله..
روضه : عن الحنه .. يببيلج الاستشوار عسب ينشف ..
وراحت روضه وشغلت الاستشوار وحطته على ريل ريسه اللي حنا ريلها هب طايع ينشف ..
ريسه : اف زين سويتي ..
هند : فكيتينا من الحنه والرنه ..
ريسه : ههههههه انا عروس اشعنه اتحطون عليه ..
هند : ريوس .. وين فستانج
ريسه : جوفي ترا هاي رابع مره تتخبريني عن فستاني ورابع مره اتشوفينه ..
هند : ياوييهج يالعنز ...جوفيه لاخر مره يمكن انتي متنتي واستوا ضيج ..
شمه :ههههه اعنبوه يومين بتمتن ..
ريسه : اوووووووونه شو لا امتن اعنبوه ..
وخلاف حدر عليهم سلطان ..
سلطان : سلم عليييييهم ..
الكل : وعليك السلام ..
سلطان : هاه شو اتسووووووون
وخلاف صد سلطان على ريسه اللي معقده حياتها وكل ساعه اتحط اصبوعها على ريولها تتطالع اريولها جان نشفت ولا لا ..
سلطان : هاااي اكيد مبتليه ..
شمه :مبتليه وبالتنا وياها من الصبح وهي اتهذرب وزقرتنا من تحت ونحن يالسين انرتب حق المكسار .. اونه تعالوا قعدوا كلكم عندي ..
ريسه :حليلي اباكم اتسلووووني .. اباكم كلكم عندي ..
وخلاف دشت العنود ..
العنود : السلااااام عليكم .
الكل : وعليكم السلام ..
العنود : غااوي حنااايه ..
ريسه : حيييج خلصتي .
العنود : هههههههه .. افتكيت ..
شمه : عيل وين غايه .
العنود : هههههههه عند منصور ..
هند : هيه والله صدقج هالرياييل مايبالهم غير جيييييه ..
سلطان : حووووه انتي حوووووووه .. ام صبغه حليانه انطمي انطمي اوكيه ..
هند : لعنت الله ع ويهك ..
سلطان وهو واقف جدام النظره ويرفع شعره بيديه على فوق : شو بلاه ويهي ... هب عايبنج شوووو
هند : لا ابدا اممممره اتصدق ..
وخلاف ياها ومسكها من ايديها ..
هند : لا لااااااء يالخبله انا حامل ايديه ..
شمه : ههههههه الحين شو يخصها ايديج في بطنج ..
العنود : ههههههه هدها ياويهك .. حامل ..
سلطان : ياويهج انتي وياها ماخبرتكم ..
هند : اوكيه فجني والله بخبر ريلي في الميلس ااااي والله لا اربع واخبره ..
سلطان : وابوووكم سعود لا يابويه هاذا مزروعي شو يفكني من السانه انطمي واقعدي مكانج انتي يوم في بيتنا لا اتقولين ريلي تفهميييين .. قولي امايه اخويه
روضه : هههههههههه انزين خبرنا شو السالفه ..
هزاع : ماشااء الله العرب كلهم اهنييييييه ..
وخلاف صد صوب روضه
هزاع : وانتي اهنييييييييه بعد ياويلي حالي ..
سلطان : لا ياويل حالك ولا ياويل راسك تعال اقعد حذالي .. البارحه كنا في بوظبي راكبين المنطاد اللي اهناك ..
ريسه : الاااااااااه انا ابا اركب ..
سلطان : انمطي خليني اكمل ..
العنود : كمل كمل ..
سلطان : انزين ركبنا المنطاد انا ويابر وربعنا اثنينه .. كنا اربعه نحن .. وكان راكب ويانا واحد مصري طبعا البارحه كان في هوى اشويه وقام المنطاد يفتر شويه والمصري مستااانس قولوا على شوه ...
شمه : على شووووو
سلطان : اونه ايوه ايوه حنرووح مصر ببلاش .. ومش حندفع تزااااااكر ..
وتموا كلهم يضحكوووووووون ..
هزاع : امنوه وياكم ..
سلطان : انا ويابر وراشد الفلااحي ونهيان الهاملي ..
هزاع : هيييييه ياحيهم اتصدق من زمان ماجفته نهيان الا رشود دومه في ستار بكس .. ..
سلطان : رشود يعطونه معاش اهناااااك ..
هزاع : ههههههههه ...
ريسه : هههههههههه غربلات ابليسكم اكيد ماودرتوه المصري طحتوا فيه تعليقات ..
سلطان : هههههههه احنا من الروع كل واحد كان ايغني على ليلاه ..
العنود : انته تتروع انته انته تترووع ..
سلطان : ههههههههههه اجلبي ويهج اهناك... انتي مصدقه عمرج انج حلوه
العنود : هييييه نعم ... واحلا عنك بعد ..
سلطان : هي وايد وايد بتبطين ياويهج ... بسير ايلس عند الرياييل في الميلس ابركليه ..
العنود : سير اتفك العرب منك ..
سلطان : هزاع هب يااااااي
هزاع وهو يطالع روضه : لا ..
سلطان : لا والله اشعنه ان شاء الله ...
هزاع : لازم وين ماتروح تقلصنيه وراك خلني شويه ...
سلطان : جحل جحل اعيووووووونك . روضه تعالي اباج ..
روضه : انته متفيج والله ..
سلطان :والله ظهريه ايعورنيه تعالي همزييييييييني .. ورد طاح سلطان ..
نشت العنود وضربته على جتفه : ماتقول توك بتظهر اشعنه اتفيزرت ..
سلطان : هههههههه اخ اخ ..
ونشت روضه وتمت اتهمز سلطان وهزاع مييت من الغصه الود وده هو اللي يهمزونه ..
شمه : العنود اتقولج ميثه لا تاخذين شي حق غايه ..
العنود : اشعنه
شمه : هي اتقول خذتلها فستان ..
العنود : حليلها اشعنه معبله على عمرها ..
شمه : ولا عباله ولا الله قاله .. بنت خالها ابرايه اعنبوه ..
العنود : هههههه انا ماخذتلها واحد من المذركير بس خفيف فقلت بلبسها اياه اليوم .. واليوم بروح اشتريلها ويا ابوها فستان حق باجر .
شمه : وين ماشي وقت خلاص دامه وصلج جاهز ..
العنود : هههههههه ..
هند : ماشاء الله ذوق ميثوه فنان ..
ريسه : هيه ماشاء الله عليها ..
هزاع : ظاهره عليه ..

في بيت فاضل القبيسي ..
الساعه 2
في قسم خليفه

حبنا لو يوزع على البشر كان زاد *** لانه بكل لحظه وكل ساعه يزيد
لك صدوق المحبه من ضمير الفؤاد *** كيف ينساك قلبي وانته للغيد سيد

حدر خليفه الغرفه وشاف ميثه قاعده اتحط اثايبها في الشنطه ..
خليفه : السلام عليكم ..
ميثه : هلا حبيبي وعليك السلام ..
وخلاف ياصوبها وباسها على خدها ..
خليفه : اشعنه اتحطين ثيابج وين بتروحين ..
ميثه : العيييين ..
خليفه : ليش غناتي بتباتين اهناك
ميثه : هيه ببات اهناك مابروم اروح وارد وارد مره ثانيه اروح وارد .. الدرب شويه طويل ..
خليفه : لا حبيبي شو انا ماروم ابات يوم من دونج ..
ميثه :هههههه لا ..الللللللله ..
خليفه : هيييييييه نعم وانا عند ربيه صادق ..
ميثه : والحل..
خليفه : الحل الله يسلمج انيه احجز في الفندق واتباتين معايه .. شو قلتي
ميثه :امممم طبعا مايبالها تفكييير .. طبعا ببات ويا ريلي حبيبي .. هااااه ولا شو تتحرا عمرك انيه بخليك روحك لا ياغناتي ولا تحلم ..
خليفه : هههههههه واشعنه ماتخليني ابات اروحي ..
ميثه : لا يابويييييه انته مزيون والبنات هالايام .. يدورن دواره كل وحده اتيود ريلها بيديها وريلها بعد ..
خليفه : هههههههه ..جذه عيل هاه ...
ميثه : هييييه نعم . اتغديت ..
خليفه : هيه اتغدينا في الميلس انا ويابر وسعيد ..
ميثه : زين بالعافيه عليك يله ارقد لك شويه عسب اتش وانروح ..
خليفه : ان شاء الله .. وانتي مابترقدين و يايه
ميثه : هيييييييه امبلا ..
خليفه : انزين يله تعالي ..
ميثه :انزييييييييين .. ههههههه ..
خليفه :فديييييييييت هالاييد المحنايه وتم ماسك ايديها ويبوسها ...
ميثه وهي تتطالعه : حبيييييبي .
خليفه : اعيوووون حبيبج قلبه وروحه لبييييه ياعمرررري ..
ميثه : مابترقد ...
خليفه وهو يغمزلها : امبلا
ميثه :هههههههه ..

في الصاله اللي تحت ..
نوف : امايه الحينه انا مع منوه اروح ..
عزه : انا هب رايحه معاج شغليه لين راسيه والله يعلمبيه اخلص ولا لا ..
نوف : بروح اجوف ميثه ..
عزه : حليلها هاالميثه اللي كل من ظهر شلها وياه حليلها حرمة اخوج حامل والحينه بتروح درب خلوها شويه اتلين ظهرها اعنبوج .. روحي ويا الخدامه ..
نوف : اووف انزييييين ..
وراحت نوف عند الخدامه..وزقرتها وهي ظاهره ...
عزه : خلي الدريول اينزلج وخلاف خليه ايسير اييب العطور من العربيه ..
نوف : ان شاء الله ..
وراحت نوف وركبت السياره ووصلت عند الصالون ونزلت وخلت الدريول ايروح .. دشت نوف عن الحنايه واتحنت وخلاف ظهرت ماتريت عليه لين ماينشف تمت رافعه شويه الاكمام مالت العباه .. وحطت غشوتها على ويهها وعطت الخدامه شنطتها ونزلت تحت ..يوم نزلت كان في هوى تحت ..ووقفت حذال الباركنات تقريبا وخلت الخدامه ادور الدريول وهي واقفه .. يت بورش كايين لونها ذهبي ووقفت جدامها اممره .. والجو كان في هوى فجاه طاحت الغشوه على جتفها وطارت الشيله على سيارة حمد وهي من الصدمه تمت واقفه وفاجه اعيونها خلاف نزل حمد من سيارته .. وشل الشيله اللي كانت على جامته وعطا الخدامه اياها .والخدامه حطت الغشوه على ويهه نوف طبعا الحمد لله انه كان الظهر وماكان اي حد موجود وهالعماره كانت حذال بيت قوم حمد وهو كان ياي الدكان يشتريله شي لانه اليوم الاربعاء وبيروح العين ..
ماعرفتوه حمد الفلاحي اللي من هل العين اللي مره ذكرناه في نهاية الجزء ...
حمد وهو في سيارته : يعلني افدا هالويهه انا ياويييييييلي محلاتها ..اه ياقلبيه
نوف وهي اتواقع الخدامه ومعصبه وواصله حدها : انتي المينونه ماتشوفيييين ليش ماشليتي الشيله يالغبيه . اتصلي بسرععععععععععه في الدريول .. وينه هالبغل بعد
الخدامه : انا مايارف هازا ركم ..
نوف : يالعنز .. وتمت نوف اتمليها الرقم ..
ونش حمد وشغل هاي الاغنيه وطول عليها شويه ونزل الجامه ..

شفته ولا ادري شحلبي مشي القطا وعين الظبي
في وين شفته ياحـــمد شفـــــته انا في بوظبــــي
يمشي بخفـــه واعتـــدال لا لا بشر لا لاغـــزال
في وجنة لون الزهر والنـــحل يجني من الـــثغر
ماصار مــــثله بالـــبشر عقب الغوانـــي مابـــي
سلم وضيعت الكلام ومن شاف حسنه مايــــــلام
شوفه مثل حلم المنام هو صار قوتي ومشـــــربي

وخلاف يا الدريول وبطلت الخدامه حق نوف الباب وركبت نوف السياره .. وطبعا حمد خلا طلبيته اللي كانت في الدكان وقعد يتبعهم بس من بعيد . ومحد انتبهله .. ووصلت نوف البيت وطبعا دخلت داخل البيت والبوابه الرئيسيه كانت مفتوحه .. وهيه كانت منزله غشوتها .. ويوم لفت اعيونها شافت السياره نفسها خاطفه جدام باب بيتهم ..نوف ماتت من الروع ربعت سيده في البيت .. وشافتهم كلهم قاعدين في الصاله .. حدرت نوف وهي مبهته هب عارفه شو اتسوي او شو اتقول .. فسكتت وراحت غرفتها .. الوحيده اللي انتبهتلها ميثه فراحت وراها
ميثه :نوف شو فيج
نوف وهي سرحانه : .................
ميثه : بسم الله نوافه شو فيج ليكون زعلانه لانيه مارحت وياج.. سوري غناتي والله انيه نسيت سامحيييني ..
نوف : لا هب عسبة جذه ..
ميثه : عيل شو السالفه شو مستوي ..
نوف وقالت حق ميثه كل السالفه .
ميثه : حلفييييييييي ... هييييييي اويييييييه ..
نوف : ميثاني دخيلج لا تروعيني ..
ميثه : لا ماروعج شوه ..
نوف : لاتخبرين حد السالفه ..
ميثه : افا عليج اعنبوه اكيد شو ..
نوف : اخاف هاي العنز ترمس ..
ميثه منوه الخدامه ..
نوف : هيه ....
ميثه : خليها تنقلع هاي هبله بسرعه تنسى...
نوف : اف ياربي اتمنى ..
ميثه : خلاص نوف كل بنت ممكن انهاا تتعرض الهاي المواقف عادي انسي لا تمين اتفكرين في الموضوع ..
نوف : ميثوه بس هو ايدل بيتنا ..
ميثه : وشو يعني انتي ماقلتيله شي ولا سويتيله شي .. عاي شو يعني انتي ماغلطتي معاه في شي .. يله يله قومي لبسي خلينا انروح ..
نوف : ان شاء الله ..
وراحت ميثه غرفته عسب تتلبس وتتعدل وتمت نوف تتلبس وتتعدل .. وبعد ساعه ونص الكل كان جاهز وركبوا في السيايير وراحوا صوب العين ....

في بيت غيث الشامسي ..
الساعه 7 ونص ..
ميره : اف واخيرا خلصنا مابغينا انخلص انرتب الاغراض .
هند : وايه وايه ظهريه ..
ساره : ههههههههه بالله عليج الحينه انتي شو سويتي ظهريه ظهريه ..
هند : لا اتعرفيني انا ماروم اتحرك ماروم ماروم ..هههههههه ..
شمسه : خلاص الحمد لله خلصنا ..
شمه : يله قومن نتلبس .. الحينه بييون العرب بيشوفونا جذه ..
وراحن كلهن يتلبسن واتعدلن .. طبعا كلهن كانن لابسات اليوم تنانير وقمصان على شكل فستان خفيف..اما شمه وهند فكانن لابسات جلابيات يشمك .. وبيت قوم فاضل القبيسي ميثه ونوف وعليا وموزه ونوره وشيخه كانن لابسات تنانير وقمصان وعفراء واليازيه وعاشه ومديه .. كانن لابسات مغربيات ... وخلاف يوهم الحريم وحطوا العشا واتعشوا وجافوا زهبة العروس وطبعا ريسه كانوا خاشينها في الغرفه محد شافها غير عزه وحريم عيالها وبناتها .. وكانوا يايبين المغنيه منال .. وتموا قاعدين لين الساعه 1 طبعا ام حمدان حلفت عليهم انهم ايباتون عندها بس عزه ماطاعت لانه ماكانوا يايبن شي عسب ايباتون عندهم .. فاستسمحوا منهم وردوا بوظبي ..
ميثه : ياويلي ياويلي اه اه ظهريه ماطحت ظهريه يابس عليه .وطاحت على الكرسي
هند : انا بطنيه قامن ايعورنيه ..
ريسه : مالت عليكن يالحوامل ... هههههههه ..
ميثه : ماعليه باجر بتحملين ..
روضه : هههههههه والله هند وميثه انتن الهنتين سينما ..
ميثه : رويييض ..
روضه : ياعيوني ..
ميثه : فديت اعيونج اتولهت عليج وايد..
روضه : مهلكتني اتقولون انا ريلها اربعه وعشرين ساعه تتصل ..
ميثه : هههههههه يزاتي هاه ماعليه مسودة الويهه ..
ساره : مييثه سيارة ريلج اهنيييييه ..
ميثه : اوييييه نسيته .علايه حبيبي اربعي هاتي تلفوني وشنطتيه من فوق ..
عليا: والعباه بعد ..
ميثه :هييييييييه حبيبي والعباه بعد ..
عليا : انزين ..
ساره : بس ماظني لو يباج جان زقرج ..
وشويه ان حدر عليهم منصور .. ووايهه ميثه وقعد حذالها ..
منصور : هاه شو الحمال ..
ميثه : اف والله انه لوعة جبد ..
منصور : هيه صح ريلج يباج..
ميثه : هاه جفتوا هههههه اكيد حرق التلفون .
وخلاف يت عليا وشاله التلفون وعباة ميثه ..
ميثه : 7 كول ههههههههه ..
روضه : دوااااج .. اشعنه ماتباتين اهنيه ..
ميثه : انتوا ماتعرفون اللزقه يعني ..
ريسه : والله ياخبره ..
ميثه : هههههه يالسباله خبريه اكووه الدرب . يله سمحوليه انجوفكم باجر ان شاء الله ..
هند : ميثوه هب اتعيبج السالفه واتمين .. باجر من الساعه 2 اتكونين اهنيه .. حق الصالون ..
ميثه : ههههههه ان شاء الله يله يله برايكم .. وظهرت ميثه وشافت خليفه واقف مع سلطان وهزاع وعبدالله وام حمدان ..
ميثه : السلام عليكم .
الكل : وعليكم السلام ..
ووايهت سلطان ووايهت اخوها هزاع وسلمت على عبد الله ..
ميثه : شحالك عبدالله ....
عبدالله : بخير وسهاله انتي شحالج
ميثه : بخير يعلك الخير ..
خليفه : يله اسمحولنا ..
ام حمدان : افا ياولدبيه وين ويييييين
خليفه : والله ياخالتيه اهنيه بنبات في الفندق ..
وصدت ام حمدان على ميثه معصبه : اشعننننننه والبيت هالكبر وين بتروحوووووون
ميثه : ههههههههه انا مالي خص ..
خليفه : لا والله يامايه ماعليه سمحيلنا .. الحينه نحن حاجزين ..
ام حمدان : برايه برايه اتباتوون عنا اعنبوه ..
سلطان : امايه انا من الصبح احاول فيه وهو هب طايع ..
خليفه : لا والله خالتيه ماعليه المره اليايه ان شاء الله ..
ام حمدان : خلاصث ياولديه عراحتكم ..
وحبت ميثه يدتها وراحت وركبت السياره مع خليفه وراحوا فندق روتانا اللي كانوا حاجزين فيه اللي نفسه كان مكان العرس .. وطبعا طول الليل ريسه كانت اتصيييح .. وصيحت الكل وياها ..

الخميس يوم العرس ..
الساعه 8 فليل
بيت فاضل القبيسي ..
الحريم كانن توهن يايات من الصالون .. شمه كانت لابسه فستان بنفسجي فاتح وحاطه ميك اب نفس اللون .. وهند كانت لابسه بطيخي على وردي وكانت حاطه الميك اب نفس اللون وكانت مسويه تسريحه .. وساره كانت لابسه فستان تركوازي وحاطه نفس الميك اب وكانت فاتحه شعرها .. وشمسه كانت لابسه فستان اخضر وحاطه نفس الميك اب ومسويه تسريحه .. والعنود كانت لابسه فستان عنابي وفاتحه شعرها وحاطه نفس اللون الميك اب .. وميره كانت لابسه فستان بني وكانت مسويه تسريحه وحاطه نفس اللون الميك اب .. وروضه كانت لابسه فستان لونين ازرق فاتح وازرق غامج وكانت رافعه شعرها على فوق ومنزله منه خصل وحاطه ميك اب ازرق ..وميثه كانت لابسه فستان ذهبي ايديه طويله وفي مثل القحفيه المغربيه من ورا والفستان كان شكله مثل مال الفراعنه بس صدق كان روووووعه .وكانت حاطه نفس اللون الميك اب وكانت مسويه تسريحه ومنزله منها خصل وكانت حلوه ماشاء الله عليها .. وكانوا حاطين الميك اب عند حنان شقير .. وريسه طبعا كانت في البيت كانت يايتنها عايده المازمي اتحطلها المكياج ..

الساعه 8ونص
وصلوا هل فاضل القبيسي كلهم الفندق ماعدا عزه اللي كانت يايه من وقت مع يابر وحدروا غرفة ريسه عسب ايعقون عبيهن وخلاف ينزلن حق الحريم .. عاشه كانت لابسه هي واليازيه نفس الفستان لونه برتقالي وكانوا حاطين نفس الميك اب .. .وعفراء كانت لابسه فستان لونه اسود وكانت حاطه نفس الميك اب .. ونوره وموزه وعليا كانوا لابسين نفس الشي فستان لونه رصاصي .وحاطين نفس الميك اب ومسوين نفس التسريحات
وشيخه كانت لابسه فستان لونه زيتوني وحاطه نفس الميك اب وفاتحه شعرها .. ونوف كانت لابسه فستان نفس فستان ميثه وكانت حاطه ميك اب ذهبي ومسويه تسريحه .. وطبعا ام حمدان عزه وشمه وميره من الساعه 8 وربع وهم في القاعه .... وكانوا مسوين في القاعه الثانيه حق الرياييل وطبعا ارتبشوا الرياييل باليواله ..

الساعه 10 ونص
هند وريسه ركبوا في سيارة سلطان الرنج .. وراحوا القاعه .. ووقف سلطان سيارته مره عند باب القاعه .. وتمت ريسه شويه في السياره عسب ايخلص العرض اللي كان داخل وعقب ايحدرونها ..
هالمره في عرس يابر كانت الكوشه كلها اهرامات وعدالهم مثل الفراعنه وخلاف طلعن حرمتين لابسات لبس فراعنه لونه ذهبي وشالات في ايديهن صندوق صيغروني في حيه صغيره ومشوا مشية الفراعنه طبعا على الموسيقى الفرعونيه طبعا هم ظهروا من طرف الكوشه ومشوا على الكوشه ونزلوا على الدري وراحوا لين باب القاعه وين ماتحدر العروس .. وخلاف ردن مره ثانيه لين الكوشه ووقفن على اطراف الكرسي اللي صدق ايسمونه كرسي من كبره وفخامته .. طبعا كل شي كان لونه ذهبي عسب جذه ميثه ونوف كانوا مطقمات .. منصور وبطي هم اللي كانوا مدخلين ريسه .. فقالت المغنيه حق الحريم اللي يبا يتغشى يتشغى لانه اخوان العروس بيحدرون معاها ..
دخلت ريسه على يمينها بطي وعلى يسارها منصور وهند من وراها اتعدل فستانها. طبعا ريسه ماشاء الله عليها كانت ااااااايه اييييييه في الجمال كانها صوره خياليه من جمالها ومكياجها الهادي اللي كان عاطنها جمال غير طبيعي ... حدرت على الاغنيه .. والكل كان يشهد انها كانت احلا عن القمر بعد هب بس قمر .ومشت على اغنية سعيد السالم .. ومن شافنها ربيعاتها نشن من على الكراسي وتمن واقفات يطالعنها .. وشويه وبيصيحن ..

الله الله ياسلام سبحان رب العالمين هاذا هو بدر التمام هللوا يالحاظرين
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
اشرق بنور القمر نظرة اعيونه هلاك هو بشر ولا سحب اقبل بصورة ملاك
اقبل بروعه وجمال مثل نسناس الربيع عليه لايق الدلال بشهادته الجميع
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
افرشوا دربه حرير وانثروا فوق الورود اقبل بحسنه المثير ممتزج عطره بعود
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
ياحلاته لي مشى بالهدا يمشي بسكون مثل ظبي او رشا كامل بزينه فتون
قولوا ماشاء الله عليه الحلا منه وفيه قولوا ماشاء الله عليه الحلا منه وفيه

يالله توفق خطاه بالسعاده والسرور وبالفرح تمم هناه طول عمره والدهور
قولوا ماشاء الله عليه الحلا منه وفيه قولوا ماشاء الله عليه الحلا منه وفيه
ومشوها اخوانها لين بداية الكوشه وخلاف يت ميثه وهند ورفعولها الفستان ومشت ابروحها على الكوشه .. وخلاف قعدت ومن ظهروا اخوانها فصخن خوات المعرس وهله عبيهن .. وريسه طبعا كانت ميته من الروع الدمعه مره كانت واصله بس كانت تبا كلمه وبتصيح .. معقوله حد ايصدق ريوس ام لسانين جذيييه خايفه ومتروعه ... وين ربيعاتها وحطن عليها شويه وقعدن يضحكنها ..
سلامه : ريوس وين العصير مالكم ..
ريسه : ههههه ا شعنه
سلامه : انا حالفه اني اشرب العصير .. مالكم ..
فاطمه : وانا ابا اغوص في هالكيكه هههههههه ... ماشاء الله عليج ياريسه قممر قمر ربيعتيه ..
ريسه : جب انزبن اصلا انا شويه وبصيح ..
سلامه : لا لا بنضربها شرده عيل ..
حصه : الله يخسكن طالعن الحريم كيف يطالعني .. ههااااااي شكليه بنخطب اليوم ..
ميره : هههههههه خسج الله ياحصوه ... كله في بالها العرس ..
ريسه : والله بتخبل مابا انا اباكم مابشوفكم بنتقل تقنية بوظبي اباكم .. وتمت الدمعه في عيونها ..
فطمه : هييييييييه هييييه صيحي وصيحينا وياج يله انطمي انطمي ..ههههههه .
حصه والدمعه في عينها : لا انا جيه ماتحمل .. وتوها بتنزل تحت ..
عفراء وهي اتصاصر حصه : يعلن شكلج تبين اتصيحينها ..
ريسه : سمعتكم انا هههههههه ..
سلامه : وراس يابر ماتصيحيييييييين ..
ريسه : ههههههههههه خلاص خلاص هب صايحه ههههههههه ...
حصه :هي يوم قالولج راسه مابتصيحين ..
وخلاف سلمن عليها ونزلن عنها وينها نوف وروضه وميثه وهند .. وتمن عندها .. وعالساعه 11 وربع حدر يابر هو مع حمدان وفاضل .. يابر صدق كان متروع يوم حدر عليها وشافها اتبلعم تم يطالعها منصدم .. صدق صدق معقووله هاي اليه انا .. ويا يابر وحبها على راسها ومن حبها غمضت ريسه اعيونها وهي من الصبح اصلا منزله راسها تحت .. وخلاف يا ووقف حذالها يابر صدق كان احلا معرس حد ايجوفه ماشاء الله عليه طول وعرض وجمال شيوووخي وهيبه .. ويا فاضل وسلم على ريسه وعلى يابر وحمدان سلم عليهم وخلاف ظهروا فاضل وحمدان .. وتموا يابر وريسه قاعدين ..
يابر: مبروك عليج ..
ريسه بصوت واطي : الله يبارك فيك ..
يابر : لا والله واشعنه موطيه صوتج ..
ريسه : ...............
يابر: تتدرين انج قر ..
ريسه : لا تخبر حد .. ياويهك .وخلاف صدت عنه وعطته ظهرها وميته من الضحك عليه وعلى شكله يوم قالتله ياويهك انصدم الريال ..
يابر: اخ ويهيه فديت ويهج انا ..
وخلاف ين ميثه وهند ونوف وعاشه وقفن حذالهم ..وغطوا ريسه بعباه وخلاف حدروا هزاع وعبدالله وسلطان وخليفه وسعيد .. وسلموا عليهم وقعدوا ايولون والمطربه نوف مستانسه عليهم .. وعلى يوالتهم .. وسلطان يالس ايبس حذالهم ووقف خليفه جدام ميثه وقعد ايبسلها ويطالعها وميت من الخبال عليها والبنات ميتات على خليفه من الغصه مايدرون انها حرمته يتحرونه واحد عزابي
خليفه وهو يعض على شفايفه : ياحلو انته احبك ..
.. وميثه كانت اتصفقلهم .. وخلاف راحت ميثه على الطرف شويه وين ما كانن قوم عليا وموزه ونوره يالسات وعفراء واليازيه وساره وشمسه وروضه .. ايصفقون وكانن عليا وموزه ونوره يرقصن .. وميثه من جافتهم اخترشت وياهن وراحت يلست تترقص وياهن شويه وخلصوا قوم خليفه من اليواله وتوهم بيظهرون لف ويهه بلغلط شافها قاعده تترقص وراحلها سيده .. ومسكها ووقف حذالها ومن شافته وقفت ..
خليفه وهو معصب : لا واللللللللللله ... انتي حااامل حاااامل نسيتي شو ..
شمسه : هههههههه عندك اياها ..
خليفه : مرحبا مرحبا شمسه شحالج
شمسه : بخير ربي يسلمك اعلومك ..
خليفه : ابخير وسهاله .. شحالكم
العنود : بخيييير وسهاله
ساره : بخير يعلك الخير ...
ميثه : خلني اعبر عن شعوري ..
خليفه : يله يله لا تعبرين عن شعورج ولا شي قعدي ولا والله اييب العصا مستانسه حامل وترقصين يلسي يله .. ياويهج .. وراح عنهم ..وهو يضحك عليها
ميثه : انزيين ماعليه ياخلووووف ..
وخلاف صد عليها وغمز الها ...
على الكوشه ..

غارت الناس منك مع جميع العباد *** صورت الحسن ايه والجمال الفريد
من كلام الحقيقه والعلوم الوكاد *** انته من ذات ذاتي يالغزال العنيد ...

نوف : ياوييلي محلاتكم ..
يابر: ماتكلمني ..
نوف : ههههههههه تستاهل ..
يابر: ماعليه انتي يالبقرررره .
ريسه : اشعنه اتسبها
يابر وهو يجرب حذال ريسه ..
ريسه : حوه حووه وين تبا وين ياي . قر مكانك اخيرلك..
يابر: ههههههههههه .. مدام من اولها جيه ينعاف تاليها ..
عاشه : يله قوموا قصوا الكيكه ..
ونشوا عسب ايقصون الكيكه . طبعا الكيكه كانت عباره عن خمس طوابق .. وشالين السيف العود عسب ايقصونه فيها فيوم حطت ايديها ريسه حط يابر ايديه فوق ايديها نزلت ايديها نزل ايديه على ايديها ..
ريسه :ههههههه اصطلب احسلك ..
يابر: شوووووو
عاشه : يله شو بلاكم ..
يابر: ماشي سلامتج ..
وقصوا الكيكه وخلاف قالولها انها تاكل هي وياه من نفس الشوكه بس منوه قال انه ريسه بتوافق عطتهم الرفض القاطع شلت شوكه فيها الكيكه واكلته وهو اكلها وخلاف ردوا وقعدوا مكانهم وخلاف زفوهم على الغرفه .. وقعدوا ايصورونهم في الغرفه يوم كانوا يتصورون كل حركه كانت اتقولها المصوره عسب ايسويها يابر كان يستانس ويسويها اكثر عن اللي هي اتقوله اتقوله امسك ايديها ايحط ايده على جتفها وهي شويه وبتكفخه ..
يابر: صدقهم ناس يوم قتلهم هاي شامسيه بتقصبني .. قالولي لا عقب العرس بتشويك بعد ..
ريسه وهي معقده حياتها تتطالعه : .......................
ودامت دياركم عامره بالافراح والمسرات ..

انتهىىىىىىىىى الجزء ..
ظنكم شو بيصير بين حمد ونوف
ظنكم كيف بتكون حياة ريسه ويابر
الجزء الرابع والثلاثون

ان تمنت عيني اتـــــمنت *** ماتمنت غير تحــــظابك
لو تسلت عنك ماتـسلت *** وان غفت بالنوم تصحابك

بيت غيث الشامسي
الساعه وحده ونص ..
يابر كان يالس ويا سلطان ومنصور وبطي واحمد في الصاله وريسه كانت ويا هند والعنود في حجرتها كانت قاعده اتعق الفستان لانه يابر كان حاجر في فندق شيكاغو بيج اللي في دبي ..
ريسه والدموع في عينها : امايه ماريد اروووووح ويااااااه .. تعالي ويايه ..
هند : هههههههه ياما قلنا ..
ام حمدان : يعلني افداج يابنتيه شو انسوي هاذا نصيب كل بنت ..
ريسه : ماباااا ماباااا اباااج امايه وخلاف لوت على امها وقعدت اتصيح ..
العنود : بس عاده .. ريوس اعنبوه طالعي كيف خربتي مكياجج بيقول مركبين ويايه ساحره ..ههههه
ام حمدان وهي تمسح ايديها على راس ريسه : بس يامايه بس يعلني افداج ..
وشويه ورن تلفون هند ..
سلطان : الوووو .. حووووه .. الريال ببيرقد ..
يابر: هههههه قولهم رقدت وخلصت ..
هند : ههههههه .. يايه يايه ..
سلطان : يله بسرعه ..
هند : انزيييييييين .. يله باي ..يله ريوس ريلج يترياج ..
ريسه :اف منه ..لزززقه ..
ام حمدان : هلله هلله بالعقل ..
ريسه :هههههه ان شاء الله ..
وخلاف مسحت ريسه ادموعها وعدلت مكياجها ..ولبست بدلتها وطبعا كل شي كان احمر حتى شيلتها كان فيها لون احمر على الطرف وحتى العبايه التوقيع مالها كان باللون الاحمر .. ونزلت تحت ..وودعت هلها وركبت السياره هي ويابر طبعا من عقب توصيات ام حمدان على بعضهم البعض ..
في السياره ..
يابر كل ساعه ايصد عليها ..وهي اتم تتطالعه وخلاف تقفط وتنزل اعيونها في حظنها ...
يابر: فديييييت اللي يستحي ..
ريسه وهي تبتسم ونفس الوقت معقده حياتها : .....................
يابر: اتصدقين انتي وايد اتضحكييييني .. هههههههه ..
ريسه : لا والله شو مهررج
يابر: لا مستحاج ايضحكني ويوم اتعصبين اتضحكيني .. ليش هاك اليوم يوم ييت اشووفج اتغشيتي عنيه .. اتصدقين اول مالفيتي بويهج صوبنا يوم قصج كانت طايحه على ويهج اااااااخ تتدرين شو تمنيت .. اتمنيت اني اعضج .. وخلاف شل ايديها وعضها في صبعها الصغيروني وقعد يطالعها ..وهي تمت تتطالعه مستغربه وخلاف لفت ويهها عنه الصوب الثاني ..
يابر: والله العظيييييم انييييييه احبببببببببببج من اول يوم شفتج فيه .. اللي سويتيه فيه .. هب هين .. واللله انيه انتقم منج ..اتخشيني في الكبتات واتسبينيه واتقوليليه انقلع
ريسه : هههههههه اوووووووونه ..
يابر: هييه ماشي اوووووونه براوييييييج انا ..
ريسه وويها محمر : ...................
وخلاف شغل اغنييييييييه ..
يابر: اهدااااء لج من كل قلبيه .. وتم حاط ايديه على ايديها وكل مايي مقطع ايرص على ايديها .. وهي طبعا ساكته ومنزله اعيونها في حظنها وتسمع وهو طبعا متخببببببببل عليها رايح فيها كل ماترفع اعيونها شويه اتشوفه يا يغمزلها او انه يعض على شفايفه ...

تبسم ياقمر للي عــــــــــــنالك *** بسحب تمطر ويــــــبرق رعدها
سرق لك نجمة من طيب فالك *** وراحت من بــــــلد هلها لبلدهـــا
في ليلة حب ماتـخطر ع بالك *** في ليله والف ليلــــــه من وعدها
صباح الورد يــاليلي لـــحالك *** مساك النور ياصبـــــــح بوردها
اذا غربت والمجد بوصــــالك *** خطرع الشمس تشرق من سعدها
هنيالك ومن وصله هنـــــــالك *** هنياله من الدنـــــيا ســـــــــــندها

يابر وبكل حنان : ريوس ..
ريسه وهي حاسه انه قلبها مترووووس حب وماتروم تخفيه : لبييييييييه ..
يابر: اااااااااخ والله امووووووت فيج والله واالله ..
ريسه :لا تقول جذه بسم الله عليك ..
يابر: ليش اتخافين عليه ..
ريسه : اذا ماخاف عليك انته على منوه بخاف ...
يابر: طلبتتتتتتج ..
ريسه : تم ..
يابر: ابااااااج اتقوليلي احبـــــــك..
تمت ريسه تتطالعه وهو يطالعها اترد مره ثانيه اتنزل عينها وهو يطالعها وعيونه كانت تتريا هالكلمه .. وحركاته بحياته اللي كان ايسويها بمعناة انه هو يترياها ..
ريسه حطت غشوتها على ويهها : احبـــــــــــــــك ..
يابر: هههههههههههههههااااااااااااااااي .. اموووووت امووووووووت فيج والله والله .. اف صبري بوقف هنيه ..
ريسه : لا شوووووو سوق عدل ..
يابر: لا بنقز صوب كرسيج شويه بقولج شي ..
ريسه وهي منصرعه : هااااااااااااه .. لاااااااااااااا .. ياويلك .. عن الينان ايلس مكانك ..
يابر: ههههههههههههاااااي بسالج سؤال
ريسه : شو
يابر: من متى ماكلتي شي ..
ريسه : من الغدا ..
يابر: هيييييييه يعني شراتي ..خلاص عيل وخلاف جاف ماكدونلز ومر عليه . حووووه اتغشي ..
ريسه وهي معقده حياتها وتتطالعه ..
يابر: اتغشي شو عايبتنج السالفه انتي ..
ريسه : انزييييين .. وحطت غشوتها على ويهها ..
يابر: شو تبين
ريسه : اي شي ..
وطلب يابر الطلبيه اللي يباها .. وخلاف رفع الجامه ..
يابر: خلاص نزلي الغشوه اتولهت على شوفتج . ..
ريسه : اف حكم قارقوش ..
يابر: هههههههههه .. انزين اقولج عندج نقااااب
ريسه وهي منصدمه : شوووووووو
يابر: نقااااااب
ريسه : ليش
يابر: بلبسه ...
ريسه وهي ادور اعيونها : اممم ماتخيل شكلك .. ههههههههه ..
يابر: ههههههههه لا والله حلفي انتي بس حلفي حلفي ..
ريسه : والله ..
يابر: جب بتلبسينه .. من يوم ورايح ماتظهرين اي مكان بليا نقاب ..
ريسه : لا يبوور حرام عليك نوو ويييييه اي كنت بليز ..
يابر: لا والله هب عكيييفج قولي ان شاء الله وبس ..
ريسه : حرام عليك محد يلبس من هليه اشعنه تباني انا البس ..
يابر: والله عاد انا ماليه خص في حد انا اليه خص فيج انتي وبس .. انتي حرمتيه وحلالي وبعدين شو تبيني امشي وياج بيقولون هيه يمشي ويا ربيعته.... غييير غيييييير النقاااااااب ياويلي انا احترمهن اللي يلبسن نقاب الصراحه ..
ريسه : انزين ان شاء الله بلبسه ...
يابر وهو حط ايديه على المسند اللي في النص بين اللي يسوق واللي حذاله : فدييييييييييت روحي انا امواااااااااااااه ...
ريسه قفطت وتمت متوتره وساكته تلعب باصابعها واترد تلعب بالدبله وهو ميت من الضحك عليها وتم بس الا يطالعها ويطالع اصبوعها .... ووصلوا الفندق ونزلوا من السياره وحدروا السويت مالهم اللي كان عباره عن غرفه وصاله وحمام الله يعزكم .. حدرت ريسه الغرفه وحدر وراها يابر ..
ريسه : ليش ياي ورايه
يابر: كيييييييفي اعنبوه حبيبتي حرمتيه .. ورا امنوه تبيني اروح يعني
ريسه : انزين روح اقعد في الصاله .. وانا شويه وبييك ..
يابر: بصراااااحه انا جفت شي من تحت العباه وغراني وخاطري اشوفج انتي شو لا بسه ..
ريسه اونها عاد معصبه : يبووووور ..
يابر: ههههههههههه حلااااااااااااااااالي حلااااااااااااااااالي كيييييييفي ..
ريسه : شو اللي تبا اتشوفه
يابر: اريد اشوفج شو لابسه ...
ريسه: تدري انته اصلا محد يعطيك ويهه وتتدري انك ماصخ .. وخلاف لبسته وعقت عباتها وشليتها وتمت بالتنوره والقميييييص ..وخلاف صدت على يابر اللي فاج اعيونه يطالعها وفاج حلجه ومببهههههت .. تمت ريسه تتطالعه بنظرات استغراب ..
ريسه : حووووووه شوووووو ..
يابر وهو على حالته : ...................
ريسه : هييه اخيرلك تم على حالتك جذه ..لا تهش ولا تنش ..
وراحت وقفت جدام المنظره وقعدت اتبطل التسريحه .. وخلاف اتشربك شعرها في بعضه من طوله ..
ريسه : ااااي ااااااااي شعريه يتقطع .. انته اشعنه تتطالعنيه جذه شو تلفزيون اااي
يابر وهو فاج اعيونه : هاه ..
ريسه : والله وانا اشعنه ساكته عنك .. تعال هاك اليوم اشعنه يوم قالتلك ميثه ريسه تبا اتقص شعرها قتلها ان قصته بزوالها .. شو تبابه انته شعريه بتلحف فيييه دوده دودوه هااااا ..
يابر: ههههههههههه هي اشدراج ابا اتلحف فييييه واحطه على ويهي .. والعب فيه واحط راسي فيه ..
تمت ريسه اشويه منزله اعيونها .. ومستحيييييييه .. وخلاف يابت المشط ويت يلست جدامه على الشبريه .. وعطته المشط ..
ريسه : يله افتتتتتتتحه .. بطل هالدبابيس اللي فيه ..
يابر: لاااااا وابوووووووكم انا اشعرفنيه بالهسوالف ..
ريسه :ماللللليه خصصصصصصصص .. يله ..
يابر : امريه لله وتم ايطلع الدبابيس اللي في شعرها وهي ميته من الضحك عليه .. وبعد ماخلص نشت عنه وراحت تتسبح من التعب اللي هي كانت فيه .. وخلاف يوم ظهرت هو كان قاعد في الصاله اللي في السويت لابس فانيله ووزار .. ظهرت ريسه من الحمام الله يعزكم لابسه روب ولافه شعرها بالفوده . ويابر يطالعها ويبتسم .. ويسويلها حركات بعيونه وبحياته ..
ريسه : انته ماتستحي ... خلاف خلته وراحت الغرفه وقفلت الباب وراها .. ولبست وظهرت من الغرفه ..
يابر واونه معصب : لا واللللللللله اشعنه تقفلين الباب ..
ريسه : ابا اتلبس ..
يابر: واااااااااااااايه محلاتج اااه اااااااه ياقلبيه فدييييتج فديييييتج انتي شو قمر انس ملاك جن شو بالضبط .. ومسكها وتم لاوي عليها .. وهي منصدمه مكانها تعرق وتنشف .. تعرق وتنشف ..
ريسه :حوووووووو .. انته وايد ماصخ
يابر: اشششششششد ان لويت عليج ماصخ
ريسه : هيييييه ..
يابر: اقولج يلسي يلسي حذالي لا اصمج كف على ويهج .. ههههههه ..
ريسه : لا والله ههههههههه ..
ويلست حذاله وتم اونه شويه يطالع التلفزيون ..
ريسه : يابر ..
يابر : اعيووووووونه ..
ريسه : اتحبني
يابر: ولا عمري حبيييييييت حد قبلج .. ويعلني امووووووت ان حبيت حد عقبج ..
ريسه وهي منزله اعيونها : بسم الله عليك الله لا قاله ..
يابر: ريوستيه ..
ريسه : لبيه ..
يابر: لبيتي حايه طال عمررررج حرمة يابر القبيسي ...
ريسه : هههههه شو وين قاعدين
يابر: اقول ..
ريسه :هلا ..
يابر وحط ايديه في ايديها وبدا ايشل :
ليش احس الورد يفرح *** لو درى انج تشـــــبهينه
والشعر ليش يتفــــاخر *** يوم تتطريــــــج القصايد
ليش احبه اسمــي اكثر *** لما انتــــــي تنطــــــقينه
ليش انا مجنون حـــبج *** لو انا لي عـــــقل صايب
ليش انتي لابتســــمتي *** يبتسم عــــــمري وسنينه
ليش احس الناس كلها *** يوم اشوفج شخص واحد
ليش طيفج لو لفــــاني *** يدخــــــل بروحي السجينه
ليش حبج وين مــرحل *** ارتجيـــــــــــــه بقلب قايد
من عرفتج هاذا حــالي *** اختــــــسف قليبي وحنينه
مدري من طيبج احــبج *** ولا فـــــــيج الحسن ذايب
مدري وش سره غلاتج *** ياهوى قلــــــــبي وظنينه
بس اعرف اني من الله *** موت احبــــــج والله شاهد ...
ريسه وهي تتطالع ايديها اللي كانت بين ايديه : احبــــــــــك ..
يابر : فدييييييييت عمممري وروحي فديت اعيونج الحلوه .. حبيبي ..
ريسه وييها احمر : هلا ..
يابر: باجر طيارتنا الساعه 4 العصر ..
ريسه وهي منصدمه : اووووووونه .
يابر: هيييييه .
ريسه : اشعنه ماخبرتنيه انا هب يايبه اغراضيه
يابر: عادي نحن بنش الصبح بنروح انسلم على قوم امج وحطي اغراضج اهناك وخلاف بنظهر وبنروح عند قوم امايه وخلاف خليفه ولا اي حد بيوصلنا المطار .. وانا بعد اهناك اباج اتحطيليه اثيابيه ..
ريسه : ان شاء الله ...

لوسيوف العاذل انسـلت *** ينهزم والــــــــشر ماصابك
لك سيوفي دونها مدت *** موت عذالـــــــــــي واحيابك

الصبح الساعه 11..
في الفندق ..
نشت ريسه وراحت اتسبحت ولبست هيج اليشمك الغاويه اللي لونها تركوازي وحطت الميك اب التركوازي وطبها شو طلع عليها ماقول غير ماشاء الله عليها وبس .. وخلاف يت ووعت يابر .. ونش يابر واتسبح ولبس اثيابه ونزلوا تحت عسب يتريقون واتريقوا وركبوا السياره وراحوا صوب العين .. وصلوا العين وحدرت ريسه وسلمت على قوم امها واتغدوا عندهم وخلاف راحت فوق مع هند والعنود وتمت اتحط اثيابها ويابر كل ساعه يتصل فيها وخلصت ابسرعه وزقرت الخدامه عسب اتنزل شنتطها تحت .. ونزلت هي وسلمت على قوم امها واخوانها وحريم اخوانها اللي كانوا يالسين في الصاله مع يابر .. وظهروا ووقفوا كلهم على الدجه اللي جدام باب الصاله ...
العنود : يابر..
يابر: هلا ...
العنود : هلله هلله فيها ..
يابر: افا عليييج .. في عيوني ..
ام حمدان : لا توصونه عليها يخاف عليها اكثر من مانحن انخاف عليها الله يسعدكم ياولديه ان شاء الله . واتحملوا على عماركم ..
يابر: امممره افا عليج يامايه ماطلبتي على هالخشم ..
سلطان : وايه يعلني افدا خشمك ياولديه .. هههههههه .. اكمل عنها الدور ..
ام حمدان : مسود الويهه ..
وغيث ولد احمد تم متعلق في ريسه ويصيييح ..مايبا ايروح عند امه ..
ريسه : انا لو مابا اصيح بصيح الا عسبة غيث فديييييته ..
شمسه : هههههه هاتيه هاتيه عن الدلع .. يله اكوه بابا ها بابا ..
يابر: ريوس عطييني اياه شويه .. يله غيث بنسير نااان نننااان ..
احمد : لا هاذا شامسي قوله بنسير انغازل بيي وياك ..
منصور : ههههههه طالع على منوه الا عليك وعلى سلطانووه ..
سلطان : ااااخ منوه ها سلطانوه ..
يابر: هههههههههههه .. انزين يله تعال بنسير بنسير ........... وتم يطالع ريسه .. اللي كانت تتطالعه وحاطه ايديها على خصرها ..
ريسه : لا والله كمل اشعنه سكتت ...
يابر: هههههههه نسيت انه الحكومه اهنيه ههههههه ..
وتموا كلهم يضحكوووووون عليهم ..
يابر: يله استوت الساعه 1 ونص مابيوحيلنا .
ام حمدان : يله ابويه برايكم .. اتحملوا على عماركم ..
يابر: ان شاء الله يله اسمحولنا .. وشلت شمسه غيث اللي كان ايصيح وودته داخل .. وريسه متقطع قلبها عليه .. وخلاف سلم يابر عليهم .. وركبوا السياره .. وبعد ساعه الا ربع وصلوا بوظبي .. وحدروا يابر وريسه الصاله .. اللي كانوا قاعدين فيها ميثه وخليفه وعزه فاضل وشيخه وسعيد وعفراء وزايد وعيالهم . ونوف ..
عزه : واااااااايه يعلني مخلا حياكم الله ا قربواقربوا ..
ميثه : معقووووووووله .. اشعنه ماخبرتونا
نوف : هلا والله بالعرسان..
ويت ريسه وسلمت على الحريم ..وسلم يابر على امه .. وقعدوا ...
خليفه : ها شو هباتك
يابر: اف مكيييييييف ..
سعيد : زيين زييييين ..
زايد : ها العروس شحالج
ريسه : بخير ربي يسلمك . انته اشحالك ..
زايد : بخير وسهاله ..
ميثه : ها خالتيه شحالح ..
ريسه : اول مره فالتاريخ .. غرييييييبه .. هههههههه ....
فاضل :هاه يابويه متى بتسافرون
يابر: واااااايه قومي قومي حطي اثيابيه ..
ريسه : ان شاء الله ...
عزه : اعنبوووووه حليلها هيد عليها توها يايه خلها تشرب قلاص ماي .. نوف قومي امايه صبي حق حرمة اخوج ماي ..
ريسه : لا لا والله مانشيتي اعنبوه انا روحي بنش اصبليه .. ونشت ريسه صبت حق يابر الماي وخلاف شربت وقعدت ..
سعيد : الساعه كم طيارتكم ..
يابر: الساعه اربع الحينه الساعه 2 ونص .. يلللله ..
ريسه : ان شاء الله ان شاء الله .. عاد تعال معايه ماعرف شو احطلك ..
عزه : امايه ريسه ترى الحجره منظفه ومعدله ومدخنه .. ومكيفها شغال ..
ريسه : مشكووره يعلني افداج ..
وراحت ريسه وراح وراها يابر .. وحطت اثيابه بسرعه وخلاف ظهروا وسلموا عليهم وكانوا وايد مستعيلين .. ووصلهم خليفه المطار .. وخلاف رد حق حرمته ..