|
باجر اذا فضيت بنزل |
آلبـــآرت آلثـــــــــــ{ 8 }ـــــــــآمن { مدري ليـﮧ اشعر بان الهجر من بعد المعزة يرسم في ذهني علامـﮧ من علامات القيآمـﮧ } يوم الأحد .. فـ أبوظبي .. فـ المستشفى .. الساعه 8 الفليل .. " ينتظرون حرف او كلمه .. هاي الساعات اللي ما سمعوا صوته كأنها كانت سنييين .. حمده تحسه زعلان لانها عاتبـته على ما اختاره قلبه .. وناصر يحس باللوم اكثر من أي حد بسسب الصفعه اللاإراديه .. أما باقي الشباب بعد يحسون باللوم لانهم يوم شافوا الوضع جي المفروض يهدون ولا ما بتوصل السالفه لـجي لكن قدر الله وماشاء فعل .. " { انفتح آلبآب ودخلوا شخصصين وجدموا لين شافوهم .. الكل أستغرب ما عدا حامد اللي مب حاس بالدنيا .. تعالت الاصوات على كلمات .. متي ييتوا ! .. ليش ما قلتولنا ..! .. *** ليش يالس ع كرسي ..! .. شدراكم بالسالفه ..! .. منو خبركم ..! } **** : بس خلآآص لموأ حلوجكم .. جي مآقلتولنا عن حآآمد .. بو محمد : يآ بويه جي ولآ جي بنخبركم .. وبعدين أنتوا فـ رحلة علاج .. اليد : بلآآه ولديه طآآيح شو سويتوآ به .. زآيد : يآ بويه خلآآص هد بيقولولنا السآلفه .. رآشد : العم متى ييتوا ..؟ زايد : مسآعه وآصلين لكن هالشيبه حششره .. اليد : شآب رآسك قول آمييين .. انا الشيبه ياللي ما تستحي .. !! زايد : يالله ما يسوى علينا .. بو محمد : زايد .. ليش ميلس ابويه ع كرسي ..؟ زايد : ترا تدري العملية وما يروم يمشي وايد فـ يلسته وبالزور بعد .. ما يباه اونه هالكرسي .. راشد : مآ يحق الشيبه بعد .. اليد : هآآ ما اسمعك ..؟ راشد " يعلي صوته عشان يسمعه " : أقولك شحالك أنته بخييير ..؟ اليد " يصارخ " : أنا اقولك قولي بلآآه حامد ..؟ راشد : خييبه حررق لي ويهي .. بو سعيد : بس عمي خلآص هدي .. حامد ما فيه إلا الخير .. اليد : زويد .. تعال دزني ودني عنده .. " لانه كان واقف بعيد " .. زايد : ابتلينا نحن .. اليد " يصارخ " : هآآ بلآآك ..؟ زايد : ماشئ ماشئ يالس استغفر .. " ويدزه لين جريب شبرية حامد .." اليد " يرمس حامد وهو يتحسب عمره يرمس شوي شوي ومعلي صوته اخر شئ " : حامد .. ابويه .. بلاك انته .. حامد .. ياللي ما تستحي ارمسسك انا .. " ويضربه على صدره بإيده " طااخ .. حامد " فز وفتح عيوونه " : .... اليد " يبتسم " : شحالك ابويه انا يدك ييت من السفر تراني .. حامد " مجرد يطالعه بس " : ...... اليد " يصد صوبهم " : بلآه الولد شو مسوين بلسانه انتوا .. ام سعيد : يآ بويه لازم يرتاح .. اليد " وهو يطالع ام سعيد " : وييه منيه هاي ..؟ .. ثره عندكم غرشوب وانا ما دري .. زايد : يالله يا ابويه .. بنتك بنتك هآآي .. " ع هالسوالف اللي ما تخلص .. كان هناك عالم محد يحس فيه غير اللي عايشين هالوضع .. تنآآظره بنظرات الم وتحسف .. لكنه عايش عالم السواد .. بسبب الدوا والابر كان ينش ويرد يرقد .. كانت فـ خاطرها تقول : لو انا ع ذمته الحيين .. جان مافارقته .. لو ع ذمته بصييح ومحد بـ يقول شئ .. لو ع ذمته جان طحت فـ حظنه وأقوله ما اروم اعيش بلياك وهو يبتسم ويمسح ع راسي .. بس كلها احلام فـ احلام وبصير ع ذمة اخوه وما اقدر اسوي شئ غير اني اشوف الحلم اللي بنيته ينهدم .. قطع تفكيرها دخلة النيرس عسب اتغير الدوا وأتحطله المغذي .. كانوا الاهل يدخلون ويطلعون .. يدخلون ويطلعون .. وسوالف وضحك ومصخره ولا راعوا اللي طايح وسبب طيحته اخوانه .. ما كان يحس باللي حوله ولا يعرفهم تأثير الحادث شوش ع مخه شوي .. بس بينسى حبه لـ روضه ..!؟ .. بنشوف .. " { اليد " بو عبدالله " : 73 سنة .. اعياله 4 بو محمد وبو ناصر وام سعيد وزايد .. ما طلعوا فـ الأحداث الأولى لأنهم كانوا مسافرين المانيا عشان بو عبدالله يتعالج .. زايد : 25 سنة يشتغل فـ الجيش .. وسيم .. له ملامح شيوخيه .. وآيد ويآ روضه مع انها اصغر عنه بـ 5 سنين .. و وايد ويا ابوه .. متفهم .. طيب .. } بو منصور : أعيل يلا نترخص نحن .. وفطيم هناك محححد عندها و الحين الفليل بعد .. الكل : الله يحفظكم .. " طلع بو منصور وام منصور ومنصور وذياب ومهرة .. ووراهم طلعوا قوم بو محمد وطلعوا وياه ابوه واخوه لأنهم يسكنون عنده فـالبيت .. وقوم بو سعيد بعد رادين العين .. وتموا ناصر وامه واخته .. " ناصر : امايه اوصلج البيت ..؟ ام ناصر : لا بتم عند ولديه انا .. حمده : امايه الحمدالله ما عليه شر .. بتسيرين البيت وبترتاحين وان شاء الله الصبح يوم بسير الجامعه بخطفج .. ناصر : ها امايه شو قولج .. ام ناصر : يالله بعد شو اسوي .. بس انته تم اهنا عند اخووك .. وحمده بتتصل حق الدريول بيي .. ناصر : امايه مب من بعد المستشفى بوصلكن وبرد .. ام ناصر : لا توصلنا ولا شئ .. تم عند اخوك يمكن يحتاج شئ ولا شئ .. حمده اتصلي ع الدريول .. " واتصلت ع الدريول وبعد كم دقيقة يا .." حمده : امايه يلا هو يقول تحت .. ام ناصر : انزيين .. يلا نتوكل .. ناصر : بوصلكن تحت .. ام ناصر : اندله الطريج .. تم عند اخوك انته واذا احتاي أي شئ لا تقصر .. ناصر : أمبوني بدون لا تقولين .. حمده : اعيل يلا مع السلامه .. ناصر : الله يحفظكن .. " وظهرن " " سار ناصر وعدل الكرسي وخلاه حذال الشبرية وبالضبط وين حامد ملتفت براسه وراقد .. يلس ع الكرسي ومسك إيد اخوه ودموعه فـ عيونه ومنزل راسه وقال : حامد والله ما كان قصصدي اضربك .. ادري سبب اللي انته فيه مني .. من قهرك مني .. بس والله ما كان قصصدي والله لا إرادي كنت اتعق خيط وخيط وانا تنرفزت بسرعه وانته ما احترمتني جدامهم .. " نزلت دموعه " انا خنت ابويه .. خنت وصيته وضربتك .. المفروض ما اسوي اللي سويته .. حامد دخيلك سامحني بسسوي اللي تباه دخيلك .. بس لآ تحط فـ خآطرك عليه .. " حسس بقبضه قويه من ايد حامد على ايده وكانه يقوله انا مسامحنك .. طاح على ايد حامد وخله دموعه تنزل بهدوء .. اما حامد ابتسم وكأنه بدا يذكر شو صآر .. " .. فـ عالم ثآني .. فـ الطريج وهم سايرين العين .. قوم بو محمد كلهم فـ سيارة وحده .. ومحمد سار بس رد قبلهم .. و زايد لانه ياي من العين بسيارته عقب ما ردوا من المطار ورد ووياه ابوه فـ سيارته .. راشد : احححم .. ابويه الحيين متى الملجه .. بو محمد : والله ما ادري بـ ولد عمك ..؟ راشد : ليش نحن بنسوي ملجه وحده ..!! ام محمد : هي احسسنلكم نفرح الفرحه فرحتين وفي وقت واحد .. ولا شو شورك يا بو محمد ..؟ بو محمد : شورج زيين والله .. بس الحين خ يطلع حامد من المستشفى وعقبه بكم يوم ان شاء الله المجله .. راشد " مستانس " : الله بملج وبدخل القفص الذهبي .. بو محمد " طالعه بنص عين " : وابوي عليك انا .. مستلغث ع الحرمه ..! راشد " نزل راسه من الاحراج " .. ام محمد : اعيل روضه اجهزي انتي .. روضه " وهي ميوده عمرها عشان ما اتصيح " : بعده يصصير خييرر .. روضه ~ كلهم فرحانين لانه بتكون في مناسبه وحتى اصحاب هاي المناسبه فرحآنين إلآ أنا .. انا قلب راح يأسره شخص مـآ ودي بـه .. مآ أطيقـه .. مآ أحبـه .. مآ أبــاه .. كل هالكلمات اتفسر شئ واحد واللي هو آلكره .. يآ نآس .. يـآ عـآلم .. افهموني .. مآآ أبـــيــــــه .. مآآ أبــيـــه .. كيف بعيش ويـآه كيف .. والله مجرد التفكير صعب .. كيف إذا آلحياة ..؟! .. " نزلت دموعها ومسحتهن بسرعه لانها اذا خلتن عادي تصيح بصوت وتشآهق .. " . . { اعتذر عن الغلط اللي كان فـ البآرت الرابع .. انا قلت انه ام منصور تستوي اخت ام سعيد .. لكن هي اصلا اخخت بو سعيد يعني تستوي عمة نورة مب خالتها .. المفروض ما ارتكب هالخطأ .. واعتذر مرة ثانيه .. } فـ أبوظبي .. الساعه 9:30 .. فطامي : حيآتي والله لآ تزعل .. كنت بييييك بس اهلي ردوا من الهوسبيتال بسسرعه عشان جي .. محمد : لآ زعلان لا تحاوليين .. فطامي : حبيبي والله سوري .. وأوعدك أنا باجر عندك وبتم من العصر بععد لين الفليل .. محمد " بابتسامة خبث ممزوجه مع انتصار " : اووك خلآآص رضيت .. بس ع شررط .. فطامي : آمر أتدلل عيوني لك .. محمد : تسلم عيونج غناتي .. بس أباج تكشخين عاد مب أي كشخه بس كششخه كشخه .. أستاهل انا صح ولا لا ..؟ فطامي : أفا عليييك .. غــآلي و آلطلب رخيص .. طبعاً .. كم حموودي انا عندي .. محمد : وييييل قلبي انا .. يلا حبي اخلييج اشوف ربعي يايين صوبي .. عاد انا اغار تسمعين صوت حد .. انتي بس لي انا .. فطامي : هههه .. فديت اللي يغار أنا .. يلا اعييل بآآي .. محمد : بآي .. " وسكروا عن بعض " .. فطآمي : امممم شو اسوي الحيييين .. بسسير اشوف لي لبس كششخه حق باجر .. وآي واخيراً بششوفه وبقعد معاه .. " والابتسامه شاقه الحلج .. دخل ذياب ويلس يوايق من عند الباب .. " ذياب : حمدالله والشكر .. بلاج ترمسين روحج .. حالات مستعصيه فهالبيت وأولهم انتي .. فطامي : جـــــــــــب جب واطلع برع .. ذياب : افا يــآ أختي هـذا وأنا اقول بآجر بوديج الجــآمعه .. فطامي : مشكــور مــآ تقصصر .. الدريول موجود .. |
فطآمي : أنــآ اعرف اصلا ليش انته تبـآ تسسير اهناك مب عشان شئ .. عشـآن .. " ويقاطعها " ذياب : المزآيين طبعاً .. يلـآ خلصيني اوديج بآجر ولا لاء ..؟ فطآمي : يلـآآ منـآك .. انا مآ أشارك فـ فعل المعآصي .. < امحححق .. ذيـآب : زولي لاْ بتوفرين بترول ع الدوله .. فطآمي : أنته ليش مآ تمييت هناك فـ الكليه تفكنا شوي من أذآك ..!! ذياب : والله كيفي .. اليوم ما عطونا شئ وردينا بيوتنا .. لا تخآفين اسبوع كامل ما بتشوفيني .. فطامي : فكه منك ومن إذاك .. ذيآب : ولي مآ بموت علييج أنا .. " وطلع " .. . . فـ دبي .. فـ بيت بو هزاع .. الساعه 10 .. دخل هزاع على عليا اخته .. هزاع : عليوه فآآضيه ..؟ عليا " تبتسم " : هيي ادخل ادخل .. هزاع " دخل ويلس حذالها ع الشبريه وهي يالسه ع اللاب " : شو تسوين .. عليا : والله يا خوي بريزنتيشنات و امتحانات وجيي .. هزاع : زين شدي حيلج عآآد .. عليا : أفا علييك ببيض ويهك وييه ابويه وامايه وميود وخلوف بععد وحتى حَمَدوه وحمود عيال خلووف .. هزاع : ههههههههه بس دخييلج حتى هالفعاصين .. !! عليا : هههه .. هزاع : امممم .. عليا : وراك رمسه انته قوول قوول .. هزاع : هههه مححد يعرفني كثرج .. عليا : يلا قول .. هزاع .. أأأأ .. فـالخيمه البنات اللي كانن وياج واعرفهن الوحيده رويض بنت خالتيه .. وهذيلآك منو ..؟ عليا " تبتسم وكانها شآكتنه " : وحده تستوي بنت عم روضه وتستوي اخو عبدالله .. والثنتين خوات يستون بنات خالة نورة و اخوات منصور وها مايد ربيع ذياب .. هزاع : اوووه شو ها عقدتيبي .. !! عليا : هههههه .. مححد قالك تسأل .. هزاع : انزين منو هاي اللي كانت لابسه كندوره سوده ..؟ عليا " تستهبل عليه " : انا هآآي .. هزاع : يعني انا ما اعرفج تستهبلين ..! .. منو الثانيه اللي لابسه الكندوره السوده ..؟ عليا " تكمل استهبالها " : هي هذيج وحده من الحرييم الكبار .. هزاع " يصارخ " : عليوووووه .. عن الاستهبال بنت حلوه كبررج .. عليا : هيييي طلعت الاخت حلووه .. قول جي من البدايه .. هزاع : يآربي منج .. اتعرفين كيف اطلعين الرمسه .. قولي منو هاي ...؟ عليا : شـ تباها انته .. هزاع : وحده من الاهل لازم اعرف شو اسمها غبيه انتي ..؟! عليا : افف خلني اخلص حشرتني تراك .. هزاع : صدقيني بطلع بس قولي شو اسمها ..؟ عليا : اسمها نورة وبنت بو سعيد .. واخت عبدالله وبنت عم روضه .. وفالجامعه و عمرها 20 سنة .. وتدرس انجليزي فـ جامعة الامارات " تصارخ " والحييييييين اطلع برع .. هزاع : فديييتج انا .. الله لا يحرمني منج .. " ويسير يحبها ع راسها " .. مآ بتقوليلي الرقم بعد ..؟ عليا " تصارخ من قمة راسها " : بررررررررررررررررررررررررررررررررررررررررررع .. هزاع : والله طالع والله .. " وطلع عنها " .. عليا " تبتسم " : الله لا يحرمنا منك .. |
بيت بو سعيد .. الساعه 10 .. حجرة عبدالله .. .. عبدالله : ..... ....... " تصصيح " : ....... عبدالله " فـ خاطره " : ييييييها ابتلينا نحن .. ....... : عبدالله ..هئ هئ .. يعني خلاص كل شئ بينتهي ..؟ كل شئ ..؟ عبدالله : اصلا متى كان بينا شئ عشان ينتهي .. ..... : انته ليش جي انا احبك احبك .. عبدالله : انتي اتحبين فلوسي ما اتحبيني .. وازيد ما دقيتي ع هالرقم لا ادقين .. وطووط طووط طووط عبدالله " وهو يسكر التلفون ويفره ع الكوميدينو " : ابتلييت اسميني قبل الخاله وبعدين فطيم هاي بروحها سالفه والحيين هاي .. والله حآلآت ..!! " تدخل نورة " نورة : اخي الحبييب العزيييز .. عبدالله : اختصري شعندج ..؟! نورة : بآآجر اباك اتوديني الجامعه .. عبدالله : الدريول وين ..؟ نورة : الدريول بيشل امايه وبيخطف ع حرمة عمي وبيسيرن بوظبي المستشفى .. عبدالله : يآخي بآجر أنا ابا ارقد .. نورة : هييييييييييأ .. يعني ما بداوم ..؟! عبدالله : لااء .. مأجز نفسسي انا .. نورة : الحيين بسير اخبر علييك سعييد .. عبدالله : سيري لا .. باجر سيري ويا الدريول وانا بودي اماية وحرمة عمي .. نورة : زين يلا بسير ارقد .. " وطلعت " .. .. فـ جناح سعيد وفطيم .. سعيد طايح ع الغنفه اللي فـ صالة جناحهم يطالع التلفزيون و فطيم يالسه تحت ومتسانده ع الغنفه .. فطيم " التفتت صوبه " : امممم .. اقول حيآتي .. سعيد : آمري .. فطيم : ما يامر عليك عدو .. اأ أنا .. سعيد : بلاج فطيم قولي ..؟ فطيم : اذا قتلك اني حامل شو تبا بنت ولا ولد .. سعيد " ينط حذالها " : يعني انتي حامل ..؟ فطيم " تهز راسها بـ هيه " .. سعيد : الله .. بكون ابو مرة ثانيه ..؟ فطيم : هههه هي .. سعيد " زخ ايدها ووقفها " : انزين تعالي بقولج شئ مهم مهم مهم .. " وساروا فـ الحجره " .. .. اليوم الثاني .. يوم الأثنين .. الساعه 7 إلا ربع الصبح .. بيت بو محمد .. حجرة روضة .. { نشت الصبح وتسبحت وتوضت وصلت .. واتلبست للجامعه وشلت شنطتها ولابها .. ونزلت تحت .. } فـ الصاله .. روضه : صباح الخير .. الكل : صباح النور .. روضه : شحالكم ..؟ الكل : بخيير .. ام محمد : تعالي امايه تريقي .. روضه : ما اشتهي .. اليد : شو بعد ما تشتهين ؟ روضه : مالي خاطر يدي .. اعيل عمي زايد وين ..؟ بو محمد : راقد .. ام محمد : الساعه كم بتردين اليوم ..؟ روضه : الساعه 4 بتخلص محاضراتي وامتحان بعد .. ام محمد : اعيل والله ما تظهرين اليوم بدون ريوق .. روضه : امااايه .. بتريق اهناك .. ام محمد : حلفت انا .. يلا جربي جربي .. روضه " نزلت حذال امها تتريق " .. راشد : رويض اوديج الجامعه ..؟ روضه : لا نوره بتخطف عليه الدريول بيودينا .. ام محمد : اعيل انا وعمتج منو بيودينا ..؟ روضه : ما ادري يمكن سعيد ولا عبدالله يودونكن .. محمد : يلا اعيل بسير الدوام انا .. الكل : الله يحفظك .. ام محمد : عمي ما بسير ويايه صوب بوظبي ..؟ اليد : لا ما اروم امره ع الطريج .. وابا اسير صوب الحلال والبوش والهوش .. بو محمد : اعيل يلا انا بسير .. بتسير ويايه ولا ..؟ اليد : يلا وياك .. " وساروا ولحقهم راشد بيسير الدوام .. " " اتصلت نوره لـ روضه انها هي و الدريول عند باب البيت وسارن الجامعه .. وعقبها بـ ربع ساعه سارن ام سعيد وام محمد بوظبي عند حامد .." . . فـ الجامعه .. الساعه 9 .. بعد ما خلصت روضه امتحانها .. طلعت ويا ربايعها ثنتين شموه و شيخوه 3> .. شيخوه : حششى هالاصلع يايبلنا امتحان لوعت جببد شرات ويهه .. شموه : هي والله .. الله يأرفه .. شيخوه : رويض شو سويتي فـ الامتحان ..؟ روضه : ....... شموه : اللي ماخذ عقلج يتهنا به .. شيخوه : منو غيره ناصر حبيب القلب .. روضه " وقفت وطالعتهن بنص عين " .. شيخوه : اقول رويض شحالج انتي بخيير ..؟ " ويالسه ادزها عشان تمشي " " وهن يتمشن بيطلعن من المبنى اللي امتحنن فيه .. شافن نورة طالعه من كلاسها .. " نوره : ها شو سويتن .. شموه : سم سم الامتحان .. شيخوه : الله يغربل عدوه هالاصلع .. كرييييييه .. ولا اخر الامتحان اونه يسأل عن حالنا .. " تقلده " إزيك يا شيخه ..؟ شموه : زيته ينيه قولن امين .. نوره : هههههه .. تحفه انتن .. شتبنه .. " ومن محاظره لين محاظره .. وكلاس لين كلاس .. وكافتيريا لين كافتيريا .. ومن مكان لين مكان .. هاي كانت حالتهن فالجامعه .. " . . فـ ابوظبي .. فـ المستشفى .. الساعه 10 .. { وصلن ام محمد وام سعيد قبل ساعه وكان موصلنهن بطريجه لانه عاطينه شغله يسويها من الدوام فـ بوظبي .. ولقن ام هزاع هناك كان مخطفنها بو هزاع لانه عنده شغل فـ بوظبي .. دخلت النيرس عليهم وقالتلهم انه اذا كلموه وجي بيذكر شوي شوي .. وبيرد ع حالته الطبيعيه .. وع اليوم الثاني الصبح بيظهرونه .. } .. ام ناصر : بويه ناصر سير الحجره هاذيج وارتاح فيها نحن عنده .. ناصر " بتعب " : انزيين .. واذا احتاييتوا شئ وعوني .. ام ناصر : عن شاء الله .. " وطلع سار الحجره الثانيه ورقد " .. ام ناصر " اجدمت عند حامد " : ابويه حامد انته بخير ..؟ حامد : بــ ..ــخــيــر .. ام ناصر " ابتسمت " : وييه .. يعله مديم ياربي .. ام محمد : فطيم.. ارمسي ويااه قوليله منو انته ومنو انا .. ام ناصر : حامد ابويه اتعرف انا منو .. حامد " يبتسم " : امــ..ايه .. ام ناصر : وانت شسمك .. ؟ حامد : حـ..ـامـد .. " قاطعهم دق الباب .. ودخلت حمده ووياها الممرضه اللي بتيلس تسأل حامد كم سؤال .. عسسب يتذكر ومع الاسئلة وكم دواء عقبهن بيرد مثل ما كان .. " ام ناصر " بهمس " : حشى كم دوا يالسه تعطيه هاي .. حمده : هههه امايه لازم دوا .. عشان يرد يذكر اكثر .. ام محمد " تشاركهن الهمس " : يالله الا بتخربله مخه بزياده هاي .. حمده : ههههه .. ام ناصر : ليشر ديتي من وقت انتي اليوم ..؟ حمده : خلصت محاضراتي وييت اهنييه .. ام محمد : ييييه يا حظ راشد فييج .. حمده " نزلت راسها مستحيه " .. { طلعت الممرضه .. ورقد حامد شوي .. يلسن يسولفن الحريم ووعى ناصر ويابلهن ريوق من الكافتيريا .. وتريقوا وع الساعه 12 ياهم عبدالله بعد الرقااد و الحواطه .. } عبدالله : السلام عليكم .. الكل : وعليكم السلام والرحمه .. عبدالله " سار صوب حامد " : هاااا حاامد قوم قوم قوم يلا بنسير نتحوط .. حامد : يا ريال .. وين نسير .. ما تشوفنـ..ـي جي .. عبدالله : عادي بشلك .. حامد " ابتسم " .. ناصر : حامد باجر ترا بيطلعونك .. حامد " التفتت صوب ناصر وابتسم " ام ناصر : ترا ها من الحين اقول يوم بيظهر حامد ان شاء الله بسوي عزيمه والكل بيي محد يتعذر .. و عقبها ان شاء الله بكم يوم بنسوي ملجة وحده لـ ناصر وراشد .. ولا شو رايج يا ام محمد ..؟ ام محمد : والله ما عندي مانع .. وامس ارمس بو محمد وما خالف .. وانا اشوف يوم الجمعه زين .. ولا شو شورك يا ناصر ..؟ ناصر : تم اعيل مدامه شوركم .. حامد " فـ خاطره : دخيـــل الله لآ تـــردون الموآجـــع .. خلوهآ مــآضــي نســآنـآ ونسينــآه .. " { كملوا سوالفهم وعبطهم وتغليسهم .. واللي يدخل ويطلع واللي ايي واللي يسير وهكذا ... } |
**** " يكلم عمره " : افف .. لازم اضبط الخطه .. لازم ارتب كل شئ .. الحين ها دليل " ويفره ع سيت السياره اللي احذاله " .. وها دليل " ويفره بعد " اووك الحين جي زين .. و ع الوقت لازم اكون فـ هاك المكان .. وبهدده بالفضيحه اذا قال بيسويبي شئ .. بعدين انا شيخصني فـ السالفه بكبرها .. المفروض اندمها ع اللي قالته .. مب اساعدها .. " يهز راسه يمين ويسار " لا لا يا **** انته مب جذيه .. هاي البنت لازم انقذها عشان ما اخون ربيعي مع انه انا مالي دخل فالموضوع.. يلا اتوكلت على الله .. . . فـ العين .. بيت بو محمد .. الساعه 3 إلا عشر { 2:50 } .. فتح الباب وشافها راقده : روضه .. رويض .. رووووضه .. نشي يلا بنسير .. روضه : هممممم .. زايد : يالله ما وحالج تنخمدين .. قومي بنسير .. روضه : انزيين .. زايد : يالله كلنا نترياج وانتي بعدج .. " وطلع سار حجرة راشد " .. " شاف الحجره مظلمه وثلج " : خيبه هذا شو بيوعيه الحين .. الا من ربع ساعه راقد .. " ويجدم عنده " : رشود .. راشد قم .. قم اقولك .. " ويمط اللحاف عنه وبعدين سار يترس دبتين ماي من الحمام لقاهن مفرورات فـ الحجره < صدق حجرة ولد .. وبند المكيف وفتح الستارة وصب الدبتين عليه " راشد " يزاعج " : اووهوووووو .. خلني ارقد .. انته ماكل شارب راقد .. لا دوام ولا غيره خلني ارقد " ويرد اللحاف عليه " .. زايد : انته ما تسمع الرمسه ..؟ .. احين براويك اساليبي اليديده في هالتخصص .. " ويقوم وييلس ينط ع شبرية راشد لين قام راشد ودزه وطيحه من ع الشبريه .. " زايد : آآخ .. خيبه تخيبك جانك كسرتلي ريولي .. ورايه ركض فـ الدوام ورا باجر .. يعلك الحين بسير ازقرلك ابويه خ يضربك بـعجويته .. راشد : اصلا وين ارقد انا الحين .. مكيف وبندته .. وليت وشغلته .. وستاره وفتحتها .. ونقز ونقزته .. وماي وصبيته .. كيف بييني الرقاد انا ..؟ زايد : اخلص يالله .. الله يعييين حمدوه عليك .. راشد " يبتسم " : وافديييييييت هـ الطآري أنا .. زايد " يفره بـ قلم " : جب .. ياللي ما تستحي .. ويلا اشوف جدامي .. .. عند روضه .. روضه " فـ خاطرها : اسير ولا لا ..؟ .. إذا ما سرت بيضطر حد منهم اييلس عندي وما احب اخلي حد يسوي شئ بالغصب .. واذا سرت هذاك الغلس هناك .. يا ربي انا من وين القاها .. وبعدين انا اشعليه منه .. خ يولي .. " سآرت آتلبست عباتها .. وحطت جحال وآيلآينر .. وقلوس وردي .. وطلعت بسييطه .. { حبت اتغير من نفسيتها شوي .. وتتقاضى عن اللي يصير .. لأنها لو شو سوت ما بيتغير اللي انكتب وانفرض .. } .. ونزلت تحت لقتهم كلهم متيمعين .. وساروا اليد وبو محمد بسيآره .. و بطي وراشد وروضه بسيآره .. " . . أبوظبي .. قبل آلسآعه 4 .. طلعت من البيت وهي بكامل كشختها وما بقول بكامل اناقتها .. لانها بكامل دفاشتها .. فل ميك آب والروج الاحمر الصارخ .. عباه ملونه ولونها ع الاحمر ومفتوحه مع حركه حلوه .. الشعر كله فوق وميود بقباضتين < رؤوسهن كأسنمة البخت المائلة .. والقصه المصبوغه باللون البني مستشوره وطالعه .. الوقايه محطايه ع نص الراس .. وتحت العباه جنز سكيني احمر وكعب اسود .. بكل بساطه الي بيشوفها بيقول اهلها ما عرفوا يربونها .. لكن شو ذنبهم يوم عطوا كل ثقتهم لها .. وخلوها تطلع عادي بدون حسيب ولا رقيب .. وشو ذنب اختها وبنات عمومها لانهم يمتلكون نفس الاسم والقبيلة ويضيع شرفهم و وهم مالهم دخل إلا انها بنت عمهم .. ما أصعب ذلك الشعور عندما تتفاجئ ان لديك ابن او ابنه يكونون بهذا المستوى .. بعد ما كنت تتفاخر بهم .. !!!! .. المكان المحدد .. فطامي : حياتي انا وصلت المكان اللي قلتلي عنه .. محمد : اوك .. انزين اتشوفين السيارة اللي قتلج عنها ..؟ فطامي " بخوف وتوتر " : يب اشوفها .. بس انا خايفه .. محمد : ليش خايفه حياتي تراني انا بكون وياج و اللي بتركبين وياه انا ضامننه .. فطامي : اوك .. " سكرت عنه .. ونزلت من السيارة .. وتريت الدريول يروح ع اساس انه هالخرابه بيت ربيعتها .. وركبت مع هذاك الشخص .. وما التفتت له لأنها خايفه .. مرت 5 دقايق .. 10 دقايق .. ربع ساعه .. دخلوا في مكان مظلم .. وكل ما تمر الدقايق تزيد الظلمة .. وقف السيارة فـ مكان مظلم من الخاطر .. وهي التففت له وتمت ازاعج : ايه انته .. ليش موقفنه اهنا .. ايه انا ابا محمد ايا محمد .. .. التفت إلها وهم حتى ما يشوفون ملامح بعض من كثر الظلام .. رفع إيده وشغل الليت .. يوم سوا هالحركه .. التفتت له .. انصدمت وتمت تتاكد من الملامح .. فطامي "منصدمه " : انــ .. ـته ..! انتــ..ـه ! شـ شـ شـ شـ شـتسسسوي هنيه ..؟! **** : انتي المفروض حتى هالسيارة ما تركبينها .. يا خسارة تربية اهلج فيج .. الحين مرتاحين هم وواثقين انه بنتهم بأمان .. وانتي حاضرج لآعبه لعوبج .. فطامي " شوي وبتصيح " :ودني عند محمد .. ابا محمد .. " تصارخ " ابا محمد .. ودني عنده اقولك .. **** " يصارخ " : أي محمد اللي ترمسين عنه انتي .. تعرفين لو لاي شو كان بيسويبج .. كنتي بتفقدين شرفج .. بتفقدين عذريتج .. بتفقدين أشياء وايد وبتندمين عليهن يوم ما ينفع الندم .. وهالاشيأء لو سآرن ما يردن لو بفلوس العالم كلهن .. تفهمين شو يعني ها .. اختج بتكون ضحيتج .. وبنات عمومج كذلك .. فطامي " تصيح " : انته جذااب .. جذاب .. اتعرف شو يعني جذاب .. محمد يحبني وانا احبه .. مستحيل يسوي شئ يضرني .. **** : ههههه ضحكتيني .. " يصارخ " كل اللي معيشنج اياه جذب فـ جذب .. وأوهام فـ اوهام .. أي يحب ترمسين عنه واي خرابيط .. البيوت من ابوابها مب من درايشها .. لو يحبج جان سار وخطبج من ابوج بدال اللقاءات الحاره اللي بينكم .. وتبين دليل ها يودي دليل .. اسمعي " فتح فونه وحط تسجيل مسجلنه بصوت محمد " وهو كذلك : { محمد : ههههه .. دخيلك بس ضحكتني تراك وايد اليوم .. أي حب ترمس عنه .. هاي اللي اسمها " يقلدها " فتـآمـي .. حآلها حال ياقي البنات .. انا بستانس وباخذ فلوس فوق ربع مليون .. من الشباب اللي بيشترون الفيديوهات والصور .. وهي بتفقد شرفها واشياء غيرها .. **** : انزين والشقه ..؟ محمد : واللهِ .. الشقه فيها كيمرات للفيديو خاشنهن عشان ما تشوفهن .. فيهن آلات ذبح جان تبا بعععد ههههه .. يعني قلت اذا بتنتحر .. عسب اللي بتسويه .. انزييين .. ووو .. وانا بستفيد وهي بتخسر .. **** : اعيل متى بتييييك ..؟ محمد : بآجر بتيني .. وكل شئ بيصور .. وبينباع بفلووس .. وبينتشر .. و " شلت فطامي التلفون من إيد **** .. ووقفت التسجيل وتمت تصصيح ع كل اللي سوته .. ع خيانة ثقة اهلها .. ع التكبر .. والظلم .. ع الطريج الاسود اللي كانت تمشي فيه .. " فطامي " تكمل صياحها " : وانته شـ شـ ِشو .. عرفك فيه ..؟ **** : أصلا هو من دبي .. ويايه فـ الكليه .. راسب 3 سنين فالثنويه .. وبعدين دخل الكليه .. عرفت من شباب انه راعي سوالف وشقق وخرابيط .. أمه متوفيه يوم كان صغير وأبوه لآهي ويا حرمته اليديده اجنبيه .. وهم حياتهم فري شوي .. فـالكليه حآول يتقرب مني .. قلت بـستغل هالشئ وبشوف شو خططه وشو يسوي .. انصدمت اول ما عرفت انه يكلمج و مخطط لسالفة الشقة والصور والتسجيلات والتهديدات وغيرها .. اتجربت منه شوي شوي .. وخليته يقول كل شئ .. عبآله انا مثله راعي هالسوالف .. قلت مادام اني اعرف اللي بينكم ما ابا اخون ذياب وخلي اخته اتطيح فـ إيد واحد مثل محمد .. فـ دخيلج كل اللي سويته عشانج من اهليه .. واخت ربيعي .. فلا تعيدين الغلط مرة ثانيه .. فطامي " تصيح " : انزييـ..ـن .. مـآيد .. دخييـ..ـلك .. لا .. لا .. لا تتخبر حد .. مايد " يبتسم " : افا عليج .. بس توعديني ما تعيدين هآي الغلطه .. فطامي : ان شاء الله .. " ويرن تلفون مايد " مايد : هذا محمد .. فطامي " تشهق " : هييييييأ .. لو درى بيفضحني .. مآيد دخيلك سو شئ .. دخييلك .. مايد : ما عليج كل شئ مخططله انا .. " ويرد ع الفون " محمد "معصب " : وينك انته وياها من ساعه اترياكم .. مايد : ههه اعيل تريا وايد يا بآبآ .. محمد : إيييه أنته لا تستهبل .. وين انتوا ..؟ مايد : احلم احلم اييبها .. اصلا هاي البنت لو تموت ما تلمسها انته .. محمد : هاهاهاهاهاها .. ضحكتني .. عادي التسجيلات وعندي والصور وعندي وبنشر واول حد ابوها واخوانها .. وبعدين اهلها .. وبعدين الناس كلهم .. ههههه .. مايد : والله انك ماخذ مقلب فـ عمرك .. سير دور الصور والتسجيلات وغيره .. وإذا لقيتهن لك مني هاي اللي حذالي هديه .. محمد " عصب وعرف انه خسر هالشئ اللي يترياه " : الله ***** .. الله ***** .. والله لـ تشوف .. انا اراويييك .. مايد : شو بتراويني يا حبيبي .. كل شئ وخسرته .. وان سويت شئ كل سوالفك بتوصل الشرطه .. وشو تسوي وغيره ما يحتاي اقول .. وشققك المتوزعه فـ كل مكان .. وعاد يوم يسحبونك الشرطه سحاب دور منو بيخلصك ذييج الساعه .. باي حبييبي .. " طووط طووط طووط " .. مايد : اسمعيني نظفي ويهج عن يشكون .. وبردج بيتج ودوريلج عاد حجه مثل ما طلعتي تقدرين تدخلين .. ويا ويلج من سواد ليلج اذا عدتيها .. صدقيني ما بتنرحمين .. " وطلع من المكان المظلم وردها جريب بيتهم .. و رد دبي بيتهم .. وهو مريح ضميره .. " . . فـ أبوظبي .. فـ المستشفى .. الساعه 5 .. { سوآلف وحشره .. عآلم تبادل النظرات .. عآلم السرحان .. عآلم النسيان .. عآلم التفكير .. بعضهم عآيشين هالجو .. وبعضهم عآدي .. واغلبيتهم فرحآنين انه حامد رد مثل قبل ويسولف وياهم .. } حآمد ~ لآزم أنساها .. لو إن شاء لله يتقطع قلبي بس لازم انساها .. الله جآزاني بـ خيانتي لـ ناصر وجي استوا بي .. يا حامد لازم تنساها .. عاملها شرات اختك لا اكثر ولا أقل .. الله يقدرني وانساج يا روضه .. وما احسسج بأي شئ .. إلا معاملة اخو لأخته .. ~ روضه ~ هذا القدر مكتوب .. لازم اتقبل ناصر وحتى لو بتكون معاملتنا جآفه ويا بعض .. اصلا ما بسمح له حتى يلمسني .. وحامد مجرد ذكرى حلوة بـ حياتي .. بحاول قد ما اقدر افرح جدام اهلي واخفي حزني عشان أهلي . هم اهم شئ فـ حيآتي .. ~ ناصر ~ ليش انكتب القدر انها لي .. ما احسها متقبله .. وحتى فكرة انها موافقه اكيد غصبوها .. عسب المشاكل .. بس كيف بنتفاهم وبنتعامل .. يآ ربي اتعينا .. يوم الجمعه بتبدا مسيرة حيآتنا .. بس انا قايل إلا اييب راسها .. مب بنت اللي بتقص عليه .. وكل شئ يبدأ بالهدوء .. ~ راشد ~ يآ ربييه أنا كيف اروم اصبر عن هالعيون .. بقول حق ابويه الملجه باجر والعرس اليوم اللي عقبه .. والله ليشل عجوية يدي ويظربني فيهآ .. الله يصبرني بسس .. وآآه قلبييه الحقووه .. ~ حمده ~ يآآربي يحرجني بنظراته .. من الله المجله يوم الجمعه وبعد يطالع .. ياربي اتعيني .. اخاف حد ينتبه .. شو اسوي الحييين .. بشل رويض وبنظهر برع .. لا ما بيخلينا هذا بيلحقنا بيلحقنا .. بتغشى احسن .. لا بيلاحظون اوه .. بس والله اححبه يا ربي .. ~ نورة ~ بلآه هذا جي يطالع .. ما يسوا الموقف اللي استوى " تقصد هزاع " .. مآ يستحي ع ويهه كلهم اهنيه ويطالع بععد .. شهالأدب ..؟! .. ويهه لوووح شراته ..~ هزاع ~ هههه شكلها يضحك وهي معصبه .. ما تحق بععد .. بعدي والله .. فديتها حلوه والموقف اللي استوى أحلى .. إييه هزوع لا تستهبل أتأدب ششوي .. عيب يلا .. تباها رمس ابوك واخطبها مب تسوي جي .. عييب يلا .. هههه والله اني استويت خبله مادام هاي الغرشوب اهنا كيف ما استوي خبله .. بس عاد خ اتأدب مب حلوه لا بحقي ولا بحقها .. ~ .. ام ناصر : ورا بآجر ترا العزيمه ع سلامة حامد .. ما تقولون ما قلت .. بو محمد : فالج طيب ام ناصر .. وجان تبين شئ امره لا يردج إلا لسانج .. ام ناصر : ما تقصر يا بو محمد .. خيرك سابق .. حمده " تهمس لروضه " : لا تقوليلي ما بتيين ولا ما ترومين .. من زمان ما يلسنا ويا بعض .. نوره " تدخل من بينهن " : يالله يـ خرطج اونه من زمان ما يلسنا .. خرييطه .. حمده : هههه .. جب شوي .. ها بتن ..؟ نورة : اذا قلتيلي تعالي بيي .. حمده : تستهبلين حضرتج ..؟ نورة :لا استعبط .. حمده : ما منج فايده .. ها روضه بتيين .. روضه : بششووف .. حمده : شو بتشوفين بععد .. بتين يعني بتيين .. روضه : يصير خير .. بنزل الكافتيريا تحت بيييب لي شئ آكله .. حمده : اوك .. نترياج .. نورة : هاتيلي وياج .. حمده : ارحمي عمرج بس من الاكل .. روضه : بس بس عن الضرابه مب وقته ترا .. " وتنش بتسير " بو محمد : ع وين .. روضه : بسير الكافتيريا شوي .. بو محمد : زين .. توكلي .. " عقب 5 دقايق سار الكافتيريا .. وسوا عمره جدامهم طالع يرمس بالفون .. لكن هدفه إنه يشوفها .. وصل الكافتيريا وتم يدورها لين شافها يالسه ع الطاوله وترمس ربيعتها بالفون .. يا ويلس حذالها .. سكرت الفون والتفتت له .. " روضه : نعم استاذ ناصر بغيت شئ ..؟ ناصر " يبتسم " : هي واحد كابتشينو لو سمحت .. روضه : ما تضحك .. ناصر : انزين انا ماقتلج اضحكي .. روضه : اووهو علينا .. انته ما تستقوي إلا يوم اتشوفني بروحي .. ناصر : نعم ..؟ نعم ..؟ روضه " تقوم " : اللي سمعته .. ناصر : ردي ايلسي .. روضه " روحت عنه وما عطته سالفه " ناصر " تبعها لين طلعوا من الكافتيريا بعيد عن الناس .. ووقف جدامها " ناصر : روضه خلينا من البدايه حلوين .. ولا اتمين ع الجفا .. نحن بنملج يوم الجمعه .. ولا أنا اقدر اغير شئ .. لانه اختيار اماية .. وانتي بعد لانه بتصير مشاكل .. فـ خلينا زينين من البدايه .. عسب ما ايي يوم انا اتهور فيه او انتي .. و ظنتيه انج فاهمه قصدي زين .. روضه : اصلا منو قالك اني من البدايه بخليك تلمسني او حتى انكون فـ حجره وحده .. ومن الحين اقولك .. الجناح اللي بتعدله سو فيه حجرتين .. لانه انا وانته ما بنكون مع بعض .. " وروحت عنه .." ناصر " بصوت خفيف " : ما عليه حجرتين ها حجرتين .. بنشوف هالحجرتين اللي بسويهن .. بسوي الصاله صغيره والحجره اصغر عسب يوم نكون فـ الحجره تلصقين فيه بعد مب بس تكونين ويايه فـ نفس المكان .. ما عليه يا روضه انا وراج والزمن طويل .. إن ما يبت هالراس العنيد لا تسميني ناصر .. .. فـ جناح حامد بالمستشفى .. دخلت روضه .. وعقبها بـ 10 دقايق دخل ناصر .. عشان محد يشك .. بو محمد : هآ ترا يوم الجمعه ملجة ناصر وراشد .. " الاشخاص اللي ما يدرون بالخبر " : مبرووك ناصر .. مبروك راشد .. ناصر + راشد " شاقين الويه " : الله يبارك فيكم .. هزاع : شعليكم شعليكم يالشواب بتدخلون القفص الذهبي .. ناصر : انا عني شاب .. واحلى شاب بعد " ويطالع روضه " روضه " اطالعته بنظرة ويلست ترمس نورة وحمده عن الجامعه " راشد : إذا انته احلى شاب انا شـ طلع ..؟ منصور : أخسف من الخسفين .. راشد : ويآ ويهك .. سعيد : بس انطبوا عن الحشره .. عبدالله : وآآككككككك سكتوهم .. سعيد : وانته وياهم بعد .. عبدالله " سكت وقفط " .. الكل : ههههههه .. اليد : لا تغلطون على بو حميد .. كله ولا شيخ الشباب .. زايد : انا اشهد انها خيانه .. بدال لا تقولي انا اللي أرابع بك .. وساكت عن حشرك .. تقول حق ها اللي ما فيه فآيده ..!! عبدالله : احم احم انا احسن عنك .. واحلى عنك .. واوسم عنك .. ووو .... زايد " يقاطعه " : سليم " ام سعيد " ترضين ولدج هالخسف يقولي عني جي وهذا انا اكبر عنه بعد .. ام سعيد : لا ما ارضى عليك يا بو خليفه .. عبدالله : يالله اكبر عني بـ 3 سنين شويه .. جنهن 3 ثواني .. زايد : جب .. اللي بيحوط اليوم وياك .. عبدالله : عادي .. هاذوه حمود باجر بيظهر وبحوط وياه .. حامد : يالله انا ما اروم .. عبدالله " بصوت خفيف " : لا تقفطني .. حامد : ههههه .. ناصر : الحريم جان بسيرن الحجره الثانيه .. الشباب قالوا بيوون .. بو محمد : لا لا بنسير .. زايد : انا مب ساير .. راشد : وانا بعد .. بو محمد : اعيل انا بشل ابويه .. وانتوا برايكم .. " يلتفت صوب ابوه " يالله ابويه بنسير .. اليد : وييين ..؟ بو محمد : بنرد العين .. اليد : اييييها يا العين دار الزين .. " وييلس يغني " بو محمد " قبض ابوه من إيده وشله وياه ولحقنه ام محمد وروضه " .. بو سعيد : يلا اعيل نحن بعد بنسير .. سعيد : انا بعد .. يلا فطيم .. " نشت فطيم وسارت ويا سعيد ولحقوهم مهرة ومحمد رادين العين بعد .." " قوم بو سعيد يايين بيطلعون وكان هزاع واقف حذال الباب .. يوم شاف نورة جان يبتسم لا إرادي .. عطته بنظره وقالتله وهي تمشي : يا قلة الادب ... وهو تم يضحك عليها .. وعقبهم روحوا بو منصور وام منصور .. وتموا الشباب وعقب 10 دقايق يوهم ربعهم .. وشالين المستشفى فوق روسهم .. " { مر هاليوم حلو ع بعضهم .. وكرييه ع بعضهم .. ومر ع فطامي بـ صياح لانها ما توقعت هالشئ بيصير لها .. وع مايد براحة ضمير .. و ع محمد بقهر وحسافه لانه ما يقدر يسوي شئ الحين لا بـ مايد ولا بـ فطامي .. و ع هزاع اكتشف شئ حلو فـ نورة وعرف عن نورة معلومات بالنسبه له مهمه < يحليله .. } . . اليوم الثاني .. يوم الثلاثاء .. فـ أبوظبي .. فـ المستشفى .. الصبح الساعه 9 .. دخل ناصر وامه ع حامد واللي كان بايت وياه عبدالله .. ناصر و امه : السلام عليكم .. عبدالله وحامد : وعليكم السلام .. ناصر : ها اشوفكم ناشين .. عبدالله : اخوك من كثر مب متحمس ناش من الساعه 8 .. حامد + ناصر : ههههه .. ناصر : انا بسير اوقع إذن الخروج وباخذ مواعيد .. وانتوا جهزوا الأغراض وبنروح .. الكل : ان شاء الله .. " طلع عنهم ناصر و وقع إذن الخروج .. وخذ مواعيد عشان خياطة راس حامد .. ورد عندهم شافهم مجهزين الأغراض من باقات و علب حلويات وهدايا .. وغيره .. شلو الاغراض وحطوها فـ سيارة ناصر .. وناصر شل امه وسبقوهم ع البيت .. ولحقوهم عبدالله و حامد .. " .. ع الساعه 2 الظهر .. فـ بيت بو ناصر .. " دخلت حمده اللي توها راده من الجامعه : السلام عليكم .. الكل : وعليج السلام .. حمده " تركض عند حامد وتنط حذاله " : حمووووووووووووووووووووود .. اشتقت لك .. حامد : هههه امس شايفتني ما وحالج .. حمده : لا الحييييين بسولف وياك وجيي .. حامد : هههه كل وقتي لج شـ تبين بعد .. عبدالله : لا عين خير بسير وياك بنطلع الموتر اليديد .. حامد : يلا اعيل بنتغدا وبنسير .. ناصر : حمدوه قولي حق الشغاله خ اتحط الغدا .. ام ناصر : انا بقوللها سيري انتي غيري ثيابج وتعالي اتغدي .. حمده : ان شاء الله .. " سارت حجرتها بدلت ثيابها ونزلت تحت لقتهم متيمعين ع طاولة الطعام .. يلست واتغدوا كلهم .. وعقب الغدا ريحوا شوي وساروا حامد وعبدالله يشوفون سيارة حق حامد .. يلفون من وكاله لين وكاله .. ونزلوا وكاله من الوكالات واختاروا فتك بنيه < يآ ويلي ويييلآه .. وخلصوا اوراقها وع الساعه 4 عطوها حامد بس قال ما يروم يسوق .. واتصلوا حق واحد من ربعهم يآ شلها ووصلها بيت قوم حامد .. و يلست امه تقول ع السياره مثل : { اللهم اعطنا خيرها واكفنا شرها .. وجيي } .. ودخلوا داخل ..ويلسوا يسولفون و بعدين ساروا عبدالله وحامد يتحوطون لين الفليل .. " |
| الساعة الآن 05:43 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir