شويخ تسير صوب سيف
شويخ ; سواااافوووووووووه
سيف ; طلللللل بعينج .. ماتعرفين أدقين الباب ؟؟
شويخ ; قوم بنسسير دبي
سيف طاير من الفرررررررحه ; نعم ؟
شويخ ; ترا حميدوه قال إذا نجحنا أنا و حمدوه بيعزمنا ع حسسابه .. وأنأ رمست أميه وقالت سيري
بتوديني ولا ؟؟
سيف ; أكييد بودييييج كم شيخه عندي أنا ؟؟؟
شويخ تغمزله ; فاهمتنك فاهمتنك


نررد صوب ميروه و منصور
ميروه طول الدرب ساكته ~
منصور اتصل في سيف
منصور ; هلا سيفوه
سيف ; اهلين
منصور ; اقولك منو في شقتك ؟؟
سيف ; مافيها حد ليش ؟؟
منصور ; ﻻني بسير ايلس فيها كم يوم
سيف ; زين الله وياك
سكر عنه منصور وصد صوب ميروه ; بنسير بوظبي
ميروه ; وانا ابا ارد البيت مابا اسير وياك
منصور ; مب ع كيفج بتين وغصبن عنج
ميروه ; ............
رد شل فونه وهاي المره اتصل في شموه
شموه ; نعم شوه تبا ؟
منصور ; رديتي البيت ؟
شموه ; وانت شلك
منصور ; سألتج وردي
شموه ; مايخصك فيني
منصور ; شموه ﻻتمين تلعبين بأعصابي
ميروه اطالع منصور وفاجه عيونها ع الاخر ع جرآت منصور ~
شموه ; اوهو وبعدين وياك ؟
منصور ; شموه رمسي عدل
شموه ; يلا برايك عندي خط
وسكرت في ويه
　
منصور يدق ايده ع السكان ; ماعليه يا شموه
ميروه تطالعه ; انت صاحي وﻻ صاحي ؟؟ شوه هاي الحقاره اللي فيك ؟
منصور يعصبيه ; فكيني انتي الثانيه
عقب نص ساعه وصلو المزرعه وكانت الساعه 10 فليل ~
ميروه ; اففف ابا ارد البيت
منصور يقهر ميروه ; وانا قررت اتم اهني اسبوع ويمكن شهر بـ الكثير
ميروه حاطه ايدها ع خصرها وتزاعج ; اصلن انا باجر بتصل في ابويه يمر عليه وﻻ يطرشلي الدريول تتحراني بيلس وياك يعني
منصور يغمزلها ; هههههههه اذا حصلتي فونج عاد
ميروه ; اففف مالت عليك
منصور يتقرب صوبها ; ماتبين اتمين ويا حبيبج ؟
ميروه تبتعد عنه ; ﻻ تي صوبي .. ههههههه ومنو قال انك حبيبي ؟؟
منصور ; باين من عيونج انج تحبيني
ميروه ; حليلك وايد ماخذ مقلب بعمرك
منصور رافع حياته ; اونج ماتحبيني ؟؟
ميروه بكل برود ; نو ماحبك
منصور ; حطي عينج بعيني وقولي هاي الرمسه
ميروه تحط عينها بعين منصور ; ماحبك ماحبك ماحبك ماحبك زين ؟
منصور ; اوكيه يا ميروه
منصور شل فونه ويمثل انه يرمس في الفون
" هلا حبيبي ؟ اتولهت عليج يا قلبي .. فديت روحج .. هيه هيه اكيد بشوفج جريب .. امواح يلا اهتمي في عمرج "
ميروه بعصبيه ; انت صدق ماتستحي ع ويهك .. اكرررررررهك منصور اكرررررررررهك
منصور يحرك حياته ; مب توج ماتحبيني ؟ ليش تغارين الحين
ميروه تصد عنه ; ههه انا اغار ؟ ماعندي شغله
غيبتك يا روح روحي عذبت حالي
عانيت جرح الغلا والشوق قاسيته ~
فـ دبي تحديدا في بيت بو مايد كلهم كـآنو متيمعين في الصاله
مايد ; ولهنا ع ميروه وحشرتها
مهروه ; هيييه والله فديتها
سواف ; ميروه و منصور في بوظبي
مايد ; اونه ؟
سواف ; والله .. اليوم منصور اتصلبي وقالي انهم بيسيرون شقتي
مايد ; آآآآآآخ واحنا متى بنعرس
سواف يشوف مريوم ; انا عن نفسي جريب
شويخ ; سوافوه عيونك عن اطيح
سواف يطالع شويخ بطرف عينه ; جب انتي
فـ بيت ام خليفه ..
حمدوه ; اللللللللله يخليك خلوف ودني
خلوف ; ولي زين توني راد ومب متفيق خلي عمور يوديج
جمدوه ; اففففف .. تصد صوب عمور ; بتوديني ؟
عمور يسوي عمره راقد
حمدوه مبوزه ; اففف مب حاله هاي وياكم
طلعت وسارت الحجره
عمور ; ههههه حليلها
اليوم الثـــاني
سواف ; ها حميدوه يقولون عازم شويخ و حمدوه
حميد ; هيه نعم
سواف ; ههههههه عازمنهم ع الدكان شوه ؟
حميد ; جب جب بوديهم المول
سواف ; زين زين
شويخ ; حميدوه توها حمدوه اتصلت واتقول مافي حد ايبها .. واتقول انتو مرو عليه
حميد ; اوهو انزين
شويخ ; انا بسير اكشخ
حميد يطالعها بطرف عينه ; شوه تكشخين بعد ؟ اتحجبي وﻻ مابوديج
شويخ ; اوهو ﻻ تم تستهبل
حميد ; تتحجبين وﻻ تقرين في البيت
شويخ ; اففف اوكيه
سواف ; تعيبني ههههه
نطير صوب بوظبي ~
ميروه كانت تبا تسبح بس مب شاله وياها اغراضها واتريب منصور يرد عشان اتقوله انها تبا اغراضها
ميروه ; اففف هذا شكله بيطول بسير روحي اوعيه
دخلت الحجره ولقت منصور في سابع نومه
ميروه تتأمل منصور وفي خاطرها تتفداه ; اوهو انا شوه اخربط واتقربت منه ; منصور منصور
منصور ; ..........
ميروه تقربت منه وحطت حلجها عند اذنه و زاعجت ; منصوووووووووووووووووووووووور
منصور فز من مكانه وتمت ميروه تضحك ع شكله ; هههههههههههه اااه بطني ههههههههه
منصور بغبث ; انتي قد الحركه
ميروه ترد شعرها ع ورا ; قوم ابا اغراضي ابا ادش اسبح وماعندي شيء اللبسه
منصور يطالعها ; انتي قد الحركه ؟؟؟؟
منصور يود ميروه وفرها ع الشبريه وعفد عليها وعض خدها بالقو وميروه تمت تزاعج
ميروه وهي تصيح وحاطه ايدها ع خدها ; ااااي والله يعورني
منصور ; ههههههههه عسبت تتأدبين وماتخربين رقادي
ميروه ; جب جب
منصور يبوسها ع خدها ; بعده يعورج ؟
ميروه ; خوز عني اف
طلعت عنه سارت الصاله وهي تتحرطم .. تم منصور يضحك على حركاتها
ميروه تحط ايدها ع خدها " واي فديته كم بعيش انا .. بس انا اعرف من يرمس شموه بينجلب عليه .. اففف الله كريم "
راضي اعيش ايام عمري كلها عندك
لو اكون دموع تتمايل على خدك
المهم تبقى معاي وماتفارقني
ﻻتسمعني حبيبي سالفة بعدك
حميدوه ; ميود قم وصلنا المول ﻻنه الدريول امودي اميه
ميود ; انا مول مالي خلق ..بس يلا قوم بوصلك
شويخ ; ﻻزم انمر ع حمدوه
ميود ; ان شاء الله الشيخه شيخه اي اوامر ثانيه ؟
شويخ اتحرك رموشها ; ﻻ ثانكس
حميدوه ; ايه انتي اصطلبي
شويخ سوتله طاف
حميدوه ; ههههه طاع شكلج وانتي متحجبه
شويخ ; جب جب مايخصك في شكلي
ميود ; طوفو تراني بهون
حميد و شيخه ; ﻻ ﻻ ﻻ
سيف يطالع مريوم ; واخيرن صفالنا الجو
مريوم بمستحى ; ترا مهروه هني
سيف قافط ; شتتتت
مهروه ; هههه عادي عادي وﻻجني موجوده ..
سيف ; هيه صح اصلن حد يستحي من مهروه ؟ مالت بس مالت
مهروه ; ﻻ والله
سيف ; ههههه اسولف
مهروه ; اتحرا
نرررد للعشاق
ميروه ; هممم منصور
منصور يالس ياكل ; قولي
ميروه ; لين متى بنتم جيه ؟
منصور يطالعها ; كيف جيه
ميروه ; مادري انت مرات اتكون اوكيه وياي واحس انك اتحبني ! ومرات بحركاتك ترفع ضغطي واتحسسني اني عله ع قلبك .. منصور انت ﻻزم تختار بيني وبين شموه مايستوي جيه .. اذا انت للحين اتحب شموه صدقني انا ببتعد عنك .. بس جيه انا ماروم اتحمل ﻻني صدق اتعذب منصور وانت مب حاس فيني
منصور ; المير سمعيني وخلي كلامي في بالج .. انا احب شموه وانتي حرمتي اكيد احبج .. بس ﻻ تقولين لي اختار ﻻنه هذا الشي صعب عليه !
ميروه ; ليش صعب ؟
منصور بابتسامه ; مادري
ميروه سكتت عنه وكملت اكلها
منصور ; همم بنسير اليوم عسبت تشرين ﻻنه بنتم كم يوم في بوظبي
ميروه ; اوكيه
منصور يشوف خد ميروه ; هههه العلامه بعدها موجوده
ميروه تحط ايدها ع خدها ; مردوده ماعليه
منصور ; يبالي ابوسج مره ثانيه وهاي المره عشان العلامه اتخوز
ميروه " بخبث " ; تعال بوسني
منصور ; والله ؟
ميروه ; هيه تعال
منصور تقرب منها عسبت يبوسها جان تسبقه ميروه وباسته ع خده وشررردت
ميروه وهي تزاعج ; شوف انا اطيب عنك يألشرير
منصور حاط ايده ع قلبه ; ياويل حالي كم بعيش
منصور في خاطره " افف اتعذب هاي البنت فديتها انا "
كيف ارحل عن هواك وانا في بحرك هويت ~
حميد ; شويخوه و حمدوه اي حركه مني وﻻ مني تراكم بتنضربون جدام الناس
حمدوه ; اوهو تراك وايد تشرط
شويخ اتقلد حميد في الصوت ; اتحبجي وﻻ مابوديج
حميد ; جب جب امشو وانتو ساكتين
دشو السينما وعقب سارو يتعشون وردو البيت ~
سيف ; يلا شويخ قومي ﻻزم انرد بوظبي
ميود ; وين تو الناس .. واصلن الوقت متأخر ماشي طلعه
سيف ; والله الود ودي اتم بس اميه والبنات رواحهم
ميود ; هيه صح
سيف ; يلا عيل فـ رخصتكم
طلع سيف وشويخ وراه
مريوم في خاطرها " ربي يحفظك يالغالي "
ميود ; ها مريوم ومهروه مب في خاطركم ماك ؟
مهروه وهي تزاعج ; آآآآآآآآخ توني يايه اقول انه في خاطري بس شكلك تقرا افكاري
ميود يطالعها بنظره حب ; اقراها وليش ماقراها
مهروه صدت عنه الصوب الثاني ﻻنه نظرته عذآآآآآآآب
مريوم ; يلا عيل قم ودنا ناخذ وخذلنا لفه في الفريج وردنا
ميود ; قومو لبسو عبيكم
سارو المحطه خذو اسكريم وميود لفبهم في الفريج وردو البيت
وميود وايد كان مستانس ﻻنه مهروه وياه ~
نرد صوب بوظبي ~
رن فون منصور المتصل " غناتي " ~
منصور ; هلا
شموه ; اهلين .. عنبوه وينك انت ﻻ طرشت مسج وﻻ اتصلت
منصور ; كنت مشغول
شموه ; ﻻ والله ؟ وشوه اللي شاغلنك عني ! ههه ميروه ؟؟
منصور ; استغفر الله ! وبعدين يا شموه
شموه ; انت اللي وبعدين ؟ انا ماقتلك اختار بينا ؟
منصور ; سمعيني عدل ميروه انا ماروم اطلقها .. قتلج تبيني بخطبج بس طلاق مب امطلق
شموه ; اففففف اصلن انا الغلطانه اللي متصله فيك يلا باي
منصور ; ﻻ الله الا الله
ميروه اتي صوبه ; فيك شيء ؟
منصور ; ﻻ
ميروه ; متى ناوي ترقد ؟
منصور ; مب الحين
ميروه ; اوك
ميروه شلت بعمرها وكانت بتسير الحجره بس وقفها حس منصور
منصور ; تعالي يلسي وياي وين سايره
ميروه صدت صوبه وبدا قلبها يدق طبول ; انزين
ميروه يلست ع الغنفه اللي مجابله منصور ~
منصور ; تعالي يلسي عندي
ميروه ; انا مرتاحه هني
واتقول في خاطرها " ويه بلاني بسم الله اول مره جيه احس !! قلبي يدق طبول مادري بلاني "
منصور ; اففف برايج
ميروه ابتسمت وتمت اتشوف التلفزيون ومنصور عينه ع ميروه
منصور " شوه ياني انا ! فجأه حسيت اني ابا اكون جريب منها .. اخ منج ياميره "
ميروه ; اذا في خاطرك شيء قوله لي ﻻ تصاصر قلبك
منصور ; وكيف عرفتي اني اصاصر قلبي ؟
ميروه تحرك رموشها ; تراني اقدر اسمع الانسان وهو يصاصر قلبه
منصور تقرب منها ; زين سمعي الحين شوه بقول لقلبي
ميروه عينها في عين منصور واتحس انها ذابت ~
ميروه تبا اتنش جان ايودها منصور ; يلا قووولي
ميروه تبا تغير السالفه ; يعني انت صدقت اني اسمع
منصور ; وليش ماصدق ؟
ميروه ; منصور عاد تراني اسولف وياك
ميروه اتشوطت ماعرفت شوه اتقول وفي نفس الوقت ذابت من المستحى
منصور يطالع ميروه ; والله صدق
ميروه وهي منزله راسها ; وشموه ؟
منصور فج ايد ميروه وابتعد عنها وشهق بصوت عالي ; ليش ميروه ؟ ليش جيه تسوين ؟ انا ابا انساها ابا اكون لج ليش اتذكريني فيها ؟ ميروه انا ابا اتقرب منج بس انتي ماتعطيني فرصه وكل ماقلتلج شيء قلتيي شموه شموه شموه شموه
يتقرب منها ويحط ايده ع راس ميروه ; طلعي شموه من هني خلاص ﻻتيبين طاريها
ميروه بنبرة حزن ; منصور ﻻ تقص عليه وتقولي انك اتحبني ! انت اكيد متضارب ويا شموه و ياي عندي تبا تنسى همومك .. ومن تصالح وياها بتعاملني شرات الجلبه واخس بعد .. انا اتمنى اتمنى اتكون لي واتكون قريب مني بس مب بهاي الطريقه .. ﻻنه عمر الانسان ماحب شخصين منصور
منصور ; ...........
ميروه بأبتسامه ; شفت يعني كلامي صح
نرررررد لـ دبي
مهروه كانت في سابع نومها ~
مريوم منسدحه ع الشبريه وترمس سيف ~
سيف ; تعرفين شوه ؟
مريوم ; شوه ؟
سيف ; يوم الجمعه يوم بنتيمع في بيت يدوه انا بخطبج
مريوم ; هآآآآآآآآآآآآ ؟
سيف ; من قال ها سمع
مريوم ; ههههه يلا عاد خل عنك المصخره
سيف ; نعم ؟ انا يالس اقولج بخبطج اتقولينلي مصخره ؟
مريوم ; هههه بس انا مافكر في الزواج الحين !!
سيف ; مريوم انا اباج اتكونين حلالي
مريوم ; اوكيه ماختلفنا بس انا مافكر في الزواج الحين وانت اتعرف هالشي
سيف بعصبيه ; مريوم عن العبط ! انتي جريب بتكملين 20 وتراج مب ياهل .. وأنا مليت من هاي الحاله
مريوم ; اففف ﻻتعصب عليه انت اتعرف شوه فكرتي عن الزواج وﻻتم تعور راسك
سيف ; يلا اوكيه برايج انا برقد
سكرت عنه مريوم
مريوم تلحف عمرها ; قال زواج قال اففف
و ع ساعه 2 تقريبا كل ابطال قصتنا رقدو ~
أنا تراني لو قسى الوقـت بالذات
يزداد مع قسوة زماني ثبوتي ~
اليوم الثاني ;
ميروه نشت لقت منصور في الصاله ~
منصور ; جهزي اغراضج ﻻنه بنرد دبي
ميروه ; ليش ؟
منصور ; بس جيه
ميروه ; اوكيه
سارت ميروه شلت اغراضها واتجهو لـ دبي ~
منصور يصد صوب ميروه ; يلا نزلي
ميروه ; مابتنزل وياي ؟
منصور وهو متنرفز ; اففف ﻻ
ميروه ; اعوذ بالله بلاك ع الصبح .. وﻻ تراضيت ويا شموه
منصور ; ميييروه تراج قلتيلها الصبح .. فـ لو تنزلين احسن لاني مابا اضارب !!!!!!!
ميروه سوتله طاف ونزلت
دشت ميروه لقت امها سارت وحبت راسها ..
ام مايد ; عيل وينه ريلج
ميروه تثاوب ; مادريبه نزلني وسار
ام مايد ; ودي في وحده ماتعرف ريلها وين
ميروه ; اميه انا بسير ارقد واذا رد منصور قوليله اني راقده
ام مايد ; زين
ميروه دشت حجره منصور وانسدحت ع الشبريه
ميروه ; آآآآآآآه فديت ريحتك يآلغآلي
آبتسمت وحضنت المخده ورقدت