منتدى استراحات زايد - ﻤـڜـڪـلـنــي ﭼــﭔـڪ

الباااارت الراااابع

كنت متضايج من اللي سوته امي .. حسيت ان مــيرة حست وتضايجت من جي روحت بسرعة .. اكييد تبوون تعرفوون شو السااالفة .. امي محيرة لي بنت اختها شهد وانا شهد ما اباااها وهي تعرف هالشي لاني من قبل قايل لها اني ما اباهااا .. تباني اخذ وحدة صايعة وهي ماتعرف عنها .. وكل ما اقول لها الصدق اتكذبني .. وامي لاحظت علي اني بديت اميل لمـــيرة .. وهي تباني اخذ شهد.. وكل ما اكلم ميرة او ابتسم لها او اسألها عن شي تساسرني امي وتقولي لا تنسى شــهد .. اففف يا هالشهد اللي مب طايعة تفج عني .. المشكلة انها تحبني وانا اكرها واكره كل شي فيها .. ماعرف شو اسوي .. البارحة رديت الشقة معصب من حركات امي ودخلت حجرتي بدون ما اتكلم .. واليوم حتى غدا ما تغديت .. اكييد شلت فخاطرها .. اففففف ماعرف شسوي الحيين .. تميت على هالحالة لين ما ردينا الامارات .. لاني حاولت اشوفها فكوريا وشفتها كذا مرة لكن امي كانت تضايجها وايد بحركاتها ونغزاتها .. لانها لما ما قدرت علي قالت بتضايج فمــيرة

صراحة ارتحت لما ردوا الامارات و ارتحت من نغزات امه لي اللي تجرحني .. صح اني مشتاقة لعلي .. لكن امه ما تبيني .. وهو الزم ما عليه رضا امه .. انا خلاص قـــررت انـــي انـــسى عــــلي .. وانا احاول الحين .. ما في شي مستحيل .. وان شاء الله بنساه للابـــد

مررت الايااام وانا احااارب شعوووري .. واخلي عقلي يمشييني مب قلبي .. بـــس الشي اللي خرب علي .. اني خلصت ثانوية و ابوية قال بنروح دبي وبنستقر فيها .. يعني بشووف علي .. واذا شفته يمكن تزين كمية الحب اللي فقلبي له .. كنت بقول ما بروح بس اخاف ابوية يشك .. المهم رديينا .. واول يمعة لي فالامارات كانت فالفجيرة .. وشفت علي وكان يطالعني وانا طــــاااف .. اعرف ان هالحركة ضايجته .. بس والله لمصلحتنا .. امه ما تبيني ليش يتعلق بشي امه ما تبيه .. عقب بتستويله مشااكل .. وانا مااريد تستويله مشاكل مع امه عقب احنا البنات رحنا فوق والحريم والرياييل والشباب تحت

صراحة تضايجت من حركاات مــيرة .. كله تسويلي طااااف .. واللي زادني اكثر امبعد ما راحوا البنات فوق يدي فتح سالفة العرس

يدي : هااا علي خلاص انت خلصت دراسة وتشتغل فشركات ابوك مب ناقصنك غير الحرمة

امي : علي ما بيخاذ الا بنت خالته شهد

يدتي : علي ما بيخاذ شهد .. منو قال انه بيخاذها

امي : ليش يعني عموه .. شو فيها البنية

انا : البنت صايعة والكل يدري عنها الا انتي وخالتي منعميين .. وصراحة انا ما ببلش عمري بوحدة مثلها

امي حرجت : شو هاي بعد منعميين ما منعميين .. البنت ما عليها كلام ولاتيلس تقول شي مب فالنية

يدتي : والله الولد صادق الكل يعرف عنها .. واذا ما كانت صايعة وعلي ما يباها مابياخذها .. احييد الحرمة تنغصب على الريااال مب الرياال اللي ينغصب عن الحرمة .. اذا يباها بياخذها واذا ما يباها مابياخذها .. هو ريال وعقله فراسه اللي يباها بياخذها

امي : واذا طلعت البنت اللي هو يباها صايعة شو بنسوي ذيج السااعة

يدتي : هو اللي بيتحمل .. هو اللي اختارها وهو بيتحمل مالي داعي تعطينه اوامر وهو شي ما يباه .. هو ريااال حتى لو غلط برايه .. ارووحه بيتعلم .. كيف تبينه يتعلم وهو ما غلط فشي .. لاتحسسينه انه صغير

امي : خل يسوي اللي يبيه بس شهد غصبن عنه ياخذها

انا : والله انا مب مجبور اخذ وحدة صايعة .. لما شافوا محد خطبها قالوا بيفرونها علي .. انا فبالي وحدة وباخذها يعني باخذها

امي حرجت زيادة : والله اللي فبالك ما تصلح لك

انا : وليش يعني هي ما تصلح لي وشهد تصلح لي

امي : اولا شوف اللي انته تباها وين كانت عايشة وامها وكيف تربيتها .. اما شهد امها اختي ومعروفة تربيتها و عايشة عند اهلها وتعرف السنع

انا هني ما قدرت استحمل : اميه شهد من صغيرة الخدم اللي يربونها وامها لاهيه عنها فالشركات هي وابوها كيف ماتبينها تصييع .. اما اللي فبالي مربااية وما اسمح لج تشكين فتربيتها

يدتي جنها الا فهمت منو اللي فبالي : منو اللي فبالك

انا عسب ما اسوي المشاكل : عقب بقولج يدووه

يدتي : قول الحين وبسرررعة

انا : مـــيرة بــنت عــمي ذيــاب

الكل انصدم واكثرهم عمي ذياب وحرمته لان امي يالسة تشكك فتربيتهم لمــيرة

ما راح اكمل >>> نذااااالة

اتريوا البارت اليااي وشووفو الاكشن اللي بيصير