منتدى استراحات زايد - قال الوداع ومقصده يجرح القلب ~..

كانت متحمسه واايد لانهم وصلو وعت اختها مريوم لانها كانت راقده وعقب وعت من سمعت انهم وصلو روضه راحت صوب يدتها وامها وخالتها خدوي باست راسهم وقالت حق خالتها :خالو وين ميثو

جان خالتها تقول :فوق كل عاده ع لاب وهالبيبي اللي مابينفعكم فشي

روضه :ههههه خالو بس نحن مانسوي شي غلط انزين بس سوالف

خالتها خدوي:لا والله هذا اللي يشغلكم عن صلاه والدراسه كل يالسين ع هالبيبي وناسين ربكم ..

روضه :لا خالو عاد مب لهدرجه هههه انزين انا احين بروح عند ميثوو

خالتها :روحي روحي عند ميثو

جان روضه تركظ فوق زين ماطاحت ع راسها جان تشوف ريل خالتها فويها يظهر جان تقوله :السلام عليكم عمي

ريل خالتها:وعليج سلام اشحالج عساج بخير

روضه:تماماات والله وانت

ريل خالتها :تمام

روضه:يلا بااي بروح عند ميثااني

وجان تروح عنه وتدخل غرفه ميثو ماحصلت ميثا جان تبوز عقب سمعت صوت فالحمام حد يالس يغني تمت تترياها عقب 10 دقايق ظهرت وعاد روضه امبنده ليتات جان تصرخ وعاد روضه كانت تشوفها لان وراها جان تحظنها بالقو ويودت صوب حلجها(ثمها)عسبت ماتصرخ وفتحت ليتات (اللمبه او المصباح ماعرف شو تقولون ..) جان ميثو تشوفها وحظنتها هي بعد عقب دقيقه هدو بعض

ميثا:يالظالمه ماحبج

روضه:افااا ليش شو سويتلج

ميثا:يعني طاعي احين شهرين مب يايه راك شو هاا وربي ماتحسين ان عند بنت خاله ولا شي حتى فالبيبي ام قبل كنا دوم انسولف طاعي احين اخر محادثه متى ودووم منو اللي يبدا برمسه انا ولا انتي ..

روضه :والله اسفه واولا ماما ماتي دوم راك عسبت جي وثاانيا انزين انتو ليش مااتون وثاالثا انا انسى دووم اقول ميثو غيري ساالفه ترا والله بصيح

ميثا:خخخخ اوكي بس كنت ابا احسسج اني كيف مفتقدتنج ..

روضه :هااع انا بعد فديتج افتقدتج حيااتي

ميثو :خخخ جذابه

روضه :اقول احين الساعه 11ونص شو انتي ماوراج مدرسه

ميثو:هي عندي وانتي بتغيبين

روضه :يب بغيب تستعبطين عندي اجازة حق باجر وورا باجر وميمي اوردي ماجزين

ميثو: لا والله

روضه :هي والله

جان روضه: اتقول ميثاني شو رايج نلعب طايره

ميثو : اوكيك من عنوني قومي ننزل تحت

نزلو تحت جان يدتهم اتقول :مب زين فنص ليل تلعبون

ميثا:ماما عادي بنفتح الكشااف وليتات اللي حولين البيت مفتوحه فيعني مايباله اتخافون علينا

يدتها:اوكي حاسبو ع اعماركم و ع ماظن قوم عيال خالكم برع

روضه:اونه جين جين

يدتها :روضه شو هاجين بعد لايكون ظهرلج عررج هنود وانا ماعرف

روضه وميثا:ههههههههه

روضه:لا يدو يعني زين زين بس انا احب ادلعه فهمتي غناتي يلا احين بنروح نلعب

يدتهم تمت تتحرطم وعقب ظهرو هم الاثنين ترا هم مسوين صوب شرات حديقه بس خاففو يلعبون لان اهناك الليتات مبنده فراحو يلعبون فنص الحووي وعاد باب البيت كان مفتوح جان ميثا راحت اتبنده بس خلت باب الثاني مفتوح عسبت اي حد يدخل من هناك وتمو يلعبون عقب ملو جان روضه تركض اتروح فوق اتيب البيبي مالها ومال ميثا وردت جان اتحط اغنيه قال الوداع عقب ميثا قالتلها شو رايج نستهبل ونقعد انسجل اصواتنا ونيلس انغني

روضه:اوجيج

جان اتبند الاغنيه وفتحت التسجيل عاد اونه قالت بتغني اغنيه قال الوداع تمت هيه تقول مقطع وميثا اتقول مقطع تمو ع هالحال عقب روضه قالت بنغير الاغنيه جان يدتهم اتقول روحو بندو الباب لان خلاص محد بي اثنيتهم قامو عسبت يبندون الباب وروضه كانت اتغني بصوت عالي عاد وهي مرتبشه ههه وميثو الغبيه يالسه ترقص خخ والله يظحكوون هالاثنين تمو مرتبشين لين ماوصلو توه صوب باب الحوي جافو شله شباب برع ميثو: اقول روااض شغلي الراداار

روضه:اييه ميثو عيب

ميثو :روحي ولي محد يقولج شي انتي عادي انزين ولا واحد من الاهل

روضه:واايد عليج اقول ويت اوني عاد انا بروح واني ماشفتهم بروح ايب الاوراق اللي متعلقه ع باب اقولج انتي عقب اظهري واونج تهزبيني اوجيج

ميثو :اوجيج فديت افكارج ياام الافكار

روضه ظهرت وهي صج خاايفه لان شي مب من صالحها ان هي تظهر الفليل وعيب هالشي بس عاد اونه تبا تغامر لعيون بنت خالتها الخبله ههه انزين رحت صوب الباب العود تمت اتشل الاوراق وعقب دقايق بنت خالتها ظهرت:ايي رووااض شوتسوين نص اليل برع البيت ماتخاافين

روضه:اووبس ميثو لا ليش اخاف يالسه اشل الاوراق

والشباب كانو يطالعونهم

ميثا:ماتشوفين شباب يلا داخل باجر شلي

روضه :اووف ويعني اي مكان سرنا بنحصل شباب وثانيا انا مب ظاهره عشانهم انزين

ميثا:اوك بسرعه (ميثا اونها تتعبث فالبيبي)وروضه سارت صوبها وعاد الاخت تراها كانت حافيه (مب لابسه نعال ..)جان يدخل زجاج فريلها مرة وحده صرخت وحست انها شوي بتصيح وجان تدخل بسرعه وهي تصرخ خخ وميثو تتحراها اتجذب وعقب مابتعدو رواض تمت اتصيح قالتلها والله ان ريلي اتعورني وجان تظهر الزجاج وراحت غسلت ريلها