يتبع
.

.

ساروه [ قمت من الرقاد وانا ميته من التعب يا فبالى منصور كله اي فبالى منصور ماعرف ليش ااه يا منصور كل بنيه تتمناه يكون ريلها منصور فارس احلام كل بنيه ياليت تقدر تفهمني بس شفت مسجين من منصووووور [ اممم عادي ادقلج ] .. [ وينج ؟؟ مشغوله ]

ساروه: [ هيه عادي ]

منصور [ كنت طايح افكر فكل شي افكر فزايد ومشكلته اكثر شي وافكر فاخواني ابا امنلهم كل السعاده الي يبونها ابا زايد يعيش مرتاح وشكله مضايج سمعت من حمدان انه سيف مضايج يالله شو اسوي الحين ماحب حد مضايج شفت مسج من ساره ومكتوب [ هيه عادي ] حسيت بضيج فضيع وراح كله من شفت المسج دقيتلها سيده]

منصور: الووه
ساروه: الووه
منصور: هلا
ساروه: اهلين شحالك
منصور: بخير وانتى
ساروه: بخير بلاه صوتك
منصور: والله ماعرف شو اقولج
ساروه: امم بلاك منصور شو فيك
منصور: زايد اخويه
ساروه: بلاه
منصور: امممم بنت عمي انخطبت وهوه يحبها
ساروه: قول والله
منصور: هيه واعتقد انا السبب
ساروه: ليش
منصور: لانه اميه قالت بتخطبله يوم بخطب انا بس انا رفضت اخطب
ساروه: اها
منصور: بس اليوم دقالها
ساروه: والله
منصور: هيه قاللها انه ترفضه قالت تحبه
ساروه: حرام
منصور: هيه والله ماتشوفينه متعذب اااه والله شكله متعذب ساره
ساروه: هلا
منصور: توعديني انج ماتخليني
ساروه[ انصدمت من هالرمسه وايد وايد انصدمت ماقدرت اوعده ماقدر اخاف اوعده ويستوى شي ] : ماوعدك
منصور[ حسيت يوم قالت جيه انجرحت صدق ] لييييييييييييش
ساروه: منصور انا ماوعدك بشي شدرانا نحن بالنصيب عاده
منصور : لا ساره غيرج انا مابخذ صدقيني
ساروه: منصور بس
منصور: بس شوه
ساروه[ يالله الحين شو اقوله اخاف اجرحه ] : اممم ماشي
منصور: ساره
ساروه: هلا
منصور: احسج ماتريديني ليش
ساروه[ حرام عليه مايفهمني ] : منو قال
منصور: ماعرف احسج ماعرف ليش ساره انتى تبيني ولا لا
ساروه[ يالله انا روحي ماعرف اجاوب هالسؤال كيف يباني اقوله ]امم ماعرف
منصور: كيف ماتعرفففييييييييييييين ساروه انا احبج
ساروه : منصور انا ماعرف والله ماعرف
منصور: ليش ماتحسين فيني انتى لو تحسين جان ماقلتي جيه
ساروه: الحين انا شو قلت وبعدين شو ماحس فيك
منصور: هيه لو تبيني جان وافقتي من زمان بس ماتبيني
ساروه: منصوور مب انى ماباك بس مستحيل ناخذ بعظ
منصور: ولييييييييييييييييش مانقدر ناخذ بعض
ساروه: منصور سكر الموضوع
منصور: مب عكيفج انسكره ساروه لازم نرمس عنه
ساروه: شو تباني اقول
منصور: اباج تقوليلي الصدق تبيني ولا لا
ساروه[ احترت شو اقووله ] : انا مب متاكده انى اباك الحين
منصور: ممممممممب متاكده لا والله
ساروه: منصوور دخيلك لاتزعل
منصور: لا والله يهمج تراج مب متاكده انج تبيني اكيد انج مب متاكده انه يهمج
ساروه: لا متاكده انه يهمني
منصور: توقعتج تفهمين تحسين ليش تحبين تعذبيني
ساروه: منصور انا ماحاول ولا شي
منصور[ تنهد]: ساره اسمعيني انا اريدج ارررررررريدج تفهيمن شو يعني من كل قلبي احبج واباج
ساروه: انت ماتفهم والله هالييام وايد مضايجه مب انت بس
منصور: مستحيل تكونيني مضايجه كثري
ساروه: منصور ولد خالى خطبني و الحين انا مضايجه وماتعرف انت
منصور : فهمت السالفه فهمتها خلاص
ساروه: شو فهمت
منصو{: خلاص ساره الله يهنيج ويا ولد خالج كنت حاس انج ماتبيني خلاص مابزعج بعد اليوم و لا بتسمعين صوتي وبتفتكين طول عمرج وانشالله تسانسييين معاه
ساروه: منصوور صبر
منصور : طووووووووووووووووووووووووووووووووووووووووووووووووو ووط

منصور [ ااااااااااااااااااااااه يالدنيا ليييييييييييييييييييييييييش جيه انتى صعبه ليش لييش اول شي خذتي مني ابويه و الحين الانسانه
الي حسيتها اكثر وحده تعزني وتحبني صارت الانسانه الي تبا الفكه منى ليييييييييييييييييش ليش تاخذين اشخاص احبهم ليش جيه الدنيا قاسيه صرخت من كل قلبي حسيت ااااااالم الللللللللللللللللللللللللم ماشي غير اللللللللللللللم في صدري سمعت تلفوني يرن شفت ساره لا ارادى فتحته وقققللللللللللللت ]

منصور [ كنت معصب وصرخت ] : نعععععععععععععععم شو تريدين
ساروه[ سمعت صوته جيه وقف قلبي مارمت ارمس ]
منصور: مب حرام عليج مب حرام عليج الي تسوينه فيني انا انا شو يزاتي في هالدنيا اتعامل جيه توقعتج اكثر انسانه اكثر انسانه تعزني بديتج على كل حد حسيتج انتى الشخص الي اباه بس قبل ها كله ليش ماتقوليلي انج تبين ولد خالتج ]
ساروه [ انفجرت صياح ودموعي اربع اربع ] : بس ا ـ ـ ـنا ماااااااريده انت ماخليتنيي اكمل
منصور: [ سمعت صوت صياحها هديت شويه وراسي بينفجر خلاص ] : ماتردينه ليش
ساروه:لاني ماحبه ومافكر فيه ابدا في يوم
منصور: [ حسيت صدري ضايج ليش صرخت عليها ليش جيه حسيت مالها ذنب بالي صاير يوم سمعت نوبة صياحها قلت خلني اهدى وعقب برمسها ]: ساره برمسج بعدين يالله باي
ساروه [ سكر عني وماقدرت اتنفس من الصياح ليش سوى جيه صوته وهوه يصاارخ كان قووووووى ليش جي سوى ليش يصارخ على اكيد الحين يكرهني اكيد انا غبيه انا انسانه غبيه انا انساااااانه تعيسسسسسسسسه ليش جييييييييييييييييه ليش جيه يصرلي ليششش اااااااااااااااااااااه يالدنبا ااااااااااااااااااااااااااااه كم انتى قاسيه ماحسيت بعمري الا مصدعه ركضت صوب سدة الدواء ومالقيت بندول رحت صوب سدة دو اميه فجيت اي سده و سحبت دو ماشفته بس كلته شربت الماي حسيت راسي يعورني وزاد وزاااااااد راسي يعووورني فجاءه حسيت اظلمت الدنيا وحسيت بالم فراسي وبس ]

.

.

اليوم الثاني الصبح

منصور [ ااااااااااااي شو هالصدااع اخ راسي قمت وانا اطالع اتذكرت كل شي صار امس ياربي ليش جيه صرخت عليه ا والله ندمان قلبي يعورني على الي صار وليش سكرت اه والله صوت صياحها قطع قلبي ماريد اصارخ عليها بس هيه نرفزتني قالتلي يا خطبها عبالي وافقت هيه ماقلتلي الا عقب اممم بدقلها اليوم بتسمح منها اه ماقدر اخليها زعلانه نزلت تحت وقعدت اتريق ]

منصور: صبحج الله بالخير الوالده
ام منصور: صبحك الله بالنور ولديه
منصور: شحالج عساج مرتاحه
ام منصور: بخير فديتك وانت
منصور: تمام الغاليه الله شو هالريوق الغاوي

[ تمينا نتريق وشفنا راشد ينزل من فوق ]

راشد: اصبحنا واصبح الملك لله والحمدالله ولا حول ولا فوة الا بالله
منصور : هلا راشد
راشد : هلا منصور شحالك
منصور: بخير
راشد: شحالج اميه
ام منصور: بخير فدييييتك

عنود [ مستحيل اصدق ساروه فالمستشفى لازم ازورها بسسسسسرعه نزلن دموعي بغزاره لازم اسير لبست عباتي ونزلت تحت بسرعه شفت منصور وراشد واميه ]

عنود : امييه ماما امايه
ام منصور: ويه بسم الله بلاج
عنود: اميه اللحقي بسرعه ابا اروح
منصور: وين بتروحين
عنود: اميييييييييه ابا اروح المستشفى بسرعه
ام منصور: ويدي فديتج شو صاير هدي صياح
عنود: امايه ساره ساروه فالمستشى ابا اسير
منصور[ شوووووووووووووووووه ساره ساره حبيبتي فالمستشفى حسيت عمري مخنوق ماقدرت ارمس ] شو فيها
عنود: ماعرف قوم امها لقوها الصبح طايحه وويها ازرق مخنوقه
منصور: شوووووووووه[ كان قلبي يدق بسسسسسسسسسسسسسسسسرعه وقو اكيد منى اكيد ياربي انا شو سووويت والله لو صارلها شي مالوم غير عمري بذبح عمري والله صارلها شي ياربي يعله فيني يعل انااموت ولا يستويبها شي كنت اتنفس بصعوبه ومب مركز بشي حسيت بدوخه ماتنوصف باختتتصاااااااااااااار شفت موتي وانا حي ]

عنود: ابا ارووح
ام منصور: بي وياج بنتي
منصور: امم انا بوديكم
عنود: يالله اميه اللبسي عباتج
ام منصور : يالله رايحه
عنود[ شفت منصوور بحاله ماعرف كيف اقولكم كان يتنفس قوي وجنه حران ]
عنود: بلاك
منصور: ماشي يالله ازقري امج
عنود: اوكي

[وصلنا المستشفى والله لو صارلها شي كلللللللللله منى انا ليش جيه سويت لو ماعترفتلها ماصار كل ها كله منك يا قلب كله منك
اه والله اه شو اسوي الحين ]


ساروه[ فتحت عيوني اممم وين انا ااااااااي راسي شو السالفه ليش اناا اهنيه ]
مريم: فديتج قمتي
ساروه: وين انا
مريم: في المستشفى
ساروه: ليش
ام جاسم: فديتج ليش سويتي جيه
مريم: ليش كلتى دوء مل قلب مل اميه
ساروه: شووووووووووووه
مريم: هيه كلتيه و دكتور لحق عليج و سونالج غسيل معده حمداللله جان ماسرع دقات قلبي
ساروه: بس انا ماكلته
مريم: عيل الدكتور شافاه
عليا : لا يكون تبين تنتحرين
ساروه: عوذ بالله اشتغفرالله لا كنت ادور بندول و كلته عبالى بندول
مريم: فديتج والله عبالي سويتي شي بعمرج
ساروه: وين اسوي شي بعمري ليش ياهل انا
ام جاسم: فديتج ريحتينا
ساروه: وين ابويه
ام جاسم: ويا الدكتووور
ساروه: اها
روضه : سالوه هبيبي لا تملضين [ ساروه حبيبتي لا تمرضين ]
ساروه: فديتج حبيبتي تخاف علييين
روضه: هيه
ساروه: مابمرض خلاص بتم وياج
روضه : اوكي

عنود[ رحنا فوق انا واميه ومنصور تم تحت ماعرف شو سالفته ها كنا بندعم وسبته تميت امشي ابا اشوف ربيعتي حليلها والله ماستتااهل والله دخلنا الغرفه ]

عنود: ساروتي
ساروه[ من شفتها يا فبالي منصور سيده]: عنوووووووود
عنود: فديييييييتج الحمدالله عاسلامه
ساروهك الله يسلمج
ام منصور: فديت روحج بنيتي الحمدالله عالسلامه عاده من درينا طرنا خلينا منصور ايبنا سيده
ساروه[ من طرت منصور دق قلبي بسرعه امم الحين يفكر فيني ولا لا خايف ولا لا يمكن مايفكر فيني كثر مافكر فيه ] تسلمين خالوه

.

.
منصور[ امممم شو يسون الحين اخاف صايرلها شي يالله بلاها شو فيها ابا اعرف ادقلها لا لا وين ادقلها كل حد عندها ياربي الحين تفكرين فيني مثل ماافكر فيج ولا لا شو سويتي فيني كنت اقول مستحيل بنت تسوي جيه فيني بس حلاته دامه منج عذابج حلووووو]

.

.

حمدان : اوه زيود شو تسوي
زايد: ماشي
حمدان: غريبه قاعد فالبيت عادتك تطلع
زايد: مالى نفس انزين
حمدان: انزين ماقلنا شي شسمه وين منصور وهايل
زايد: ماعرف طلعوا
حمدان :بدق لمنصوور

حمدان : الوو
منصور [ صوته تعبان] : الووه
حمدان: وين انتوا
منصور[ متفيج هاا]: فالمستشفى
حمدان: [ بسم الله شو صاير] : شو صاير
منصور: ماشي عنود زارت ربيعاتها
حمدان: ساروه
منصور: هيه
حمدان: شو فيها
منصور: اهوه انا لو اعرف شو فيها جان شفتني قاعد منيه
حمدان:[ بلاه ها بعد]: ليش صبر بدق لعنود
منصور: دق وشوف شو فيها ساره
حمدان[ اقص ايدي اذا مايحبها ] : اوكيه صبر
منصور: اوكي .

ام منصور: وين غرفة الصلاه
ام جاسم: تعالى نروووح
عليا: انا بي
ام جاسم: وين اتين بعد
عليا: بروح ايبلي عصير
ام جاسم: خذي روضوه وياج
عليا: اوكيه

وراحوا كلهم مابقى غير عنود و ساره ومريم

[ ترررررررن ترررررررررررررررن ]

عنود: اوه ها حمدانوه
مريم[ قطيعه تقطعه عويت بوزي]
ساروه: شفت مريم ونقعت ضحك]
عنود: الوه هلا حمدان
حمدان: هلا اختى
عنود: اهلين
حمدان: هااااه شخبار ساروه[ فالويه]
عنود: منو قالك
حمدان: منصور قالي
منصور: الله يقطعك
عنود: انتوا شابكين الخط
حمدان: انتى مخرفه محد وياي
عنود: سمعت صوت منصور
حمدان: والله مخرففففه
ساروه: [من سمعت صوت منصوور قلبي تم يدق اكيد يكرهني الحين ]
عنود: نعم شو تباا
حمدان: عطيني ساروه بتحمدلها عالسلامه
عنود: ساروه حمدان يباج
منصور: الله يخسك ترمسها بعد
حمدان: جب انت لو تبا تسمع صوتها وتطمن
منصور: انزين
حمدان: هلا ساروه
ساروه: هلا حمدان
حمدان: حمدالله عالسلامه ماتشوووفييييييييين شر انشالله
ساروه: تسلم حمدان
حمدان: ليش شو صارلج امس
ساروه: بقولك بس ماتضحك وتسبني
حمدان: افا عليج انا اضحك علييييييييج
ساروه: اوكيه امس كنت مدوخه شوي بدال ماكل حبة بندول كلت حبة مل قلب مل اميه
حمدان: هههههههههههههههههههههههههههههههههههههههههههههههههه ههههههههه
ساروه: ايه لا تضحك
منصور: لا تضحك حمدان
ساروه[ انصدمت يوم سمعت الصوت بس سويت عمري مارمس الا حمدان]: انزين انت عالخط
منصور: امم هيه عالخط شحالج
ساروه: بخير
منصور: ماتشوفين شر اممم ادري كله منى سامحيني
ساروه: مايخصه ابدااا
منصور: اممم انا اسف عالي صار امس
ساروه: لا انا الى ها
مريم: بلاج ترمسين جيه
ساروه: اممم ماشي يخبرني سالفه ههه
منصور: اممم انزين بدقيلي
ساروه: هيه عقب
منصور: عراحتج
حمدان: خلصتوووووووه
ساروه: هههههههههههه خلاص عيل ويا ويهك بسكر
حمدان: مالت عليج وسلمي على اختج هاي ام اللسان
ساروه: ههه يوصل
حمدان: قوليلها متوله على اللسانها وقواتها ابا اضارب وياها
منصور: حمدان بس
حمدان: احم شو نسوي السلطات العليا قالولنا بس خلاص مانقدر انشوف شي اوصيج عاد على عمرج كلي واشربي
ساروه: ههه انزين
منصور: الله يحفضج
ساروه: مع السلاامه

.

.

حمدان: يالله خبرني شو سالفتك ويا ساروه
منصور: اممم توعدني ماتخبر حد
حمدان: اوعدك
منصور[ تنهد] : احبها
حمدان: انزين ادري بس كيف تعرفها
منصور: صدفه
حمدان: كيف صدفه
منصور: اعرفها من 5 سننوات
حمدان: بببببببببببل هالكثر
منصور: انا ماعرفتها منو هيه الا هالسنه قبل كانت ماتعرفني ولا اعرفها كان عدنا اسامي ثانيه
حمدان : اها لا والله ساروه طيبه
منصور[ ابتسمت ]: هيه ادري
حمدان: هههه منصور
منصور: هلا
حمدان: الحب عذاب صح
منصور: واااااااااااااااااااااااااااااااايد
حمدان: اخطبها لطير
منصور: هيه راضيه السالفه الي استوت امس اضاربنا من هالسالفه
حمدان: ليش
منصور: ماعرف ماتبا تعرس الحين
حمدان: بنات هالزمن والله
منصور: هيه والله بس احبها
حمدان: ههه الله لا يبلينا بالحب
منصور: لا الحب حلو
حمدان: ادري بس لشخص المناسب
منصور : هيه والله

.


.

ملاك: فديت منصوري تخيلي شوه اميه تقولي هوه يحبج ونظراته وجيه
الميث: هيه وايد يبين انه يحبج الله يهنيج
ملاك:: انتى بعد حمدان يحبج مره اعترفلج
الميث: اعرف معذبتنه عشان هالكثر منقهر منى يبا يعذبني
ملاك: هههه اتخيل عمارنا فنفس البيت
الميث: ياي وناسه
ملاك: اف وعنود ويانا اف
الميث: ماعليج انا وانتى بنتحد عليها و اخوانها ويانا
ملاك: هيه تخسي تقول شي
الميث: وخاصه عندهم فلوس وايد
ملاك: هيه بيتهم اكبر عن بيتنا اتخيلي بنعيش مناك
الميث: ياي وناسه
ملاك: طبعن منصور بيسوي الي اباه وحمدان بيسويلج الي تبينه
الميث: هيه واللله [/color]


الجزء السادس



ساروه [ فديت منصور ماتوقعته هالكثر يحاتيني اممم الصراحه الي سويته عذباه وايد بس انا ماريد اعرس الا اخلص جامعه وابا اشتغل اذا يباني خله يصبر اااااااااااااااااااااه الحين حسيت فيك انى احبك الحب مايعرف لا صغير ولا كبير لا غنى ولا فقير ولا شي انشالله اتكون من نصيبي واكون من نصيبك وصلني مسج كلهم روحوا البيت و مريم بترقد عندي نزلت تحت اتيبلها اكل قعدت اشووف المسج [ امممم تبين يادقلج ولا بدقيلي ] .. [ لا انا بدقلك هه ماريد اخسرك ] .. ماشوف الا دقالى تلفون

منصور: شو هالرمسه
ساروه: هه اي رمسه
منصور: تعرفين فلوس الدنيا كلها تفداج وماتسواج اونه مابا اخسرك
ساروه: امم اسولف انزين
منصور : ساره
ساروه: هلا
منصور: امم اول شي حمدالله عالسلامه وثاني شي انا اسف عالى صار امس كنت معصب والله قسم بالله مادم على الي صار امس والله نادم والله سامحيني وصدقيني
ساروه: خلاص منصور ماصار شي وبعدين انا اسفه حرقت اعصابك
منصور: بس انا غلطت عليج ماعرف شوووه ياني والله سامحيني
ساروه: صرصور قللللللللللللللللت لك مافي شي
منصور: الحين انا صرصوصر
ساروه: هيه صرصور لوو
منصور: اذا انا صرصوور انتى صرصوره
ساروه:لااا تنا مب صرصوووره
منصور: هههههه امممم ساره
ساروه: هلا
منصور: عادي اشوفج
ساروه:تشووووووفني !!
منصور: هيه
ساروه: منصور مستحيل
منصور: انزين ليششش
ساروه: مايصير
منصور: ليش مايصير ساروه تعرفين ماللعب عليج
ساروه: بس كيف اشوفك يعني
منصور: اي مكان
ساروه: منصور ماقدر
منصور: ليش ماتقدرين تقدرين تقولين لمج اي مكان
ساروه: بس انا اخون ثقة اهلى
منصور: ساروه ماتخونينها تعرفين انا بخطبج شو يعني اقص عليج انا
ساروه: لا ماتقص على بس ماعرف
منصور: يعني انتى جفتيني وانا ماشفتج مب حرام عليج احسه ظلم والله [ خريط شفتها ]
ساروه: بس منصور تعرف ماقدر
منصور: كيف ماتقدرين انتى تسوقين وتقدرين تطلعين حتى لو من بعيد
ساروه: امم من بعيد اوكيه
منصور: اوكيه متى
ساروه: ماعرف
منصور : شرايج باجر فالمرينا
ساروه: اممم اوكيه
منصور: خلاص عيل شو بتلبسين عشان اعرفج
ساروه: شنطه حمرا
منصور: عيل تم
ساروه: بطرشلك مسج وين بكون
منصور: اوكييه
ساروه: انا برقد الحين
منصور: اوكييييه عراحتج الغاليه
ساروه: اوكيه يالله
منصور: الله يحفضج
ساروه: الله يحفضك

منصور [ ااااااااااااااااه بااااااااااااااااااااااجر بشوووفها ااااااه شو يرقدني الحين انا ابا اعرف كيف برقد اللللللللللللله يصبرني ليييييييييييييين باجر]
ساروه[ اممم يمكن ماعيبه او شي اممم ماعليه لو ماعيبته عراحته المهم هوه بقى يشوفني ]


.
في صباح الثاني

ساروه: مرييييييييوم
مريوم: هممم
ساروه: قومي بطلع من المستشفى
مريوم: الحين
ساروه: هيه وجان تبين تتريقين برع قومي
مريوم: والله
ساروه: هيه
مريوم: بتلبس اوكيه
ساروه: اوكييه سيارتي تحت ولا لا
مريم: لا
ساروه: اممممم بندق للدريول
مريوم: اوكيه



في بيت ناصر منصور ال ...

منصور: صبحج بالخير الوالده
ام منصوور: صباح النور والسرور
منصوور: شحالج
ام منصوور: بخير ربي يعافيك
منصور: اميه الله يسلمج انا طالع الحين
ام منصور: وين رايج
منصور: بتريق ويا الربع
حمدان: والله عيل بي وياك
منصور: بسم الله لا لا ماباك
ام منصور: شعنه ماتباه
منصور: مايعرف ربعي
حمدان: لا مب مهم اقعد وياكم بس بسير وياك
منصور: قلت لك لا اتى
حمدان: بي بي
ام منصور: منصووور خذ اخوك شعنه ماتوديه وودوه محمد وياكم لعبوه
محمد: هيه ابا الللعب
منصور: ايييييييهيي
حمدان[ ههه شكله وراه شي] ههه الا اغهررررررررك
منصور: ماعليه يالله بسرعه واركبوووه

.....
مريوم: قلتي لمييييه
ساروه: هيه قلتلها
مريم: اوكيه يالله عيل
ساروه: يالله
ساروه[ اااااااه واخيرن بشووف منصور صدق متوله عليه حيل ووايد متوله على ابتسامته وكل شي الله يصبرني ]

.....

ملاك : ماما
ام ملاك: هلا فديتج
ملاك :ملانه بروح اتريق برع اوكيه
ام ملاك: فديتج روحي المهم ماتملين
ملاك: يسلموووو امايه
ملاك [ ااااااااف خلني اشوف لي ويهوه سنعه الصبح اكيد مافيه شباب بس يمكن شي ]


في المرينا موووول

مريم: ساروه انا فخاطري اللعب
ساروه: صدق فاضيه
مريم: لا صدق قومي نلعب شويه وعقب نروح
ساروه: اوكيه [ عالاقل لين مايوصل منصور ]

...

حمدان: منصور انا بروح صوب اللعاب بلعبه
منصور:اوكيييه وده [ امممم وصلت ولا بعدها قالت بطرش مسج خلني اترياها عيل ]

..

ساروه: يالله حطيتي 30 فالبطاقه الا لعبه بنلعب
مريوم: ابا اللعب وايد اللعاب
ساروه: صدق ياهل
مريوم: شو نسووي
ساروه: اح بطني يعورني بسير الحمام وبرد
مريم: اوكيه هه
مريم[ اااااااااااااااام شووو اللعب الحييييييييييين خلني اركب قطار الموت ها مل قرش هههه]

...

حمدان: ها حطينالك البطاقه شو تبا تلعب
محمد: ابا اللعب الشاحوف
حمدان: روح روحك
محمد:ش وفه حلو
حمدان[ لفيت ولقيتها هب هاي مريم هههههه شو تسوي منيه ولا راكبه صوب الشاحوووف ليكون بتلعب ههه خلني اقصص فيها استانس يوم اقصص فيها ماعرف ليش لازم ارفع ضغطها ]
حمدان: يالله حبيبي بسير

....


ساروه[ اممم اطرشله بطرشله ]

ساروه[ وصلت ]

[تتتتتتترن تتتتتتتتتتتتتتتتترن]

ساروه: الو
منصور: هيه وصلت وين انتى
ساروه: امم مريوم راحت اللعاب وين انت
منصور: انا فالكوفي الي فوق تعرفين
ساروه:امممم لا
منصور: وين انتى
ساروه: تعال موكا كافيه
منصور: اوكيه بشوفج مناك
ساروه: اوكيه
ساروه[ يارررربي الحين شو اسووويه مابقعد وياه بس بخليه يشوفني وبس خلنا نروح]


...

مريووم [ عطييت الريال البطاقه و رحت قعدت اول سيييت مافيه حد القطار والله ماتحسون ضغط الثانويه يخليك تسوي كل شي مستحيل اعرف انى عوده وجيه بس شووو اسووو]

حمدان[ ههههههههههه يحليها راكبه الاولى بعد بركب وراها بشوف ردت فعلها والله فنانه هالبنت ]

مريم[ اااااااف يالله متى بيبداااء]

حمدان: السلااااااااااااااااااااااام عليكم ورحمة الله وبركاته
مريم[ انا اتخيله هالصوت ولا لا لا اتخيله لا مش هوه لفيت وراي بسم الله الرحمن الرحيم هوه ]
حمدان: خوفتج هاه
مريم: انتى شو تسوي منيه
حمدان: جيه قطار ابوج هوه ولا مكتوب فاسمج
مريم: ااااااف اسكت انزين
حمدان: شو مركبنج القطار ياهل والله
مريم: انت شو مركبنك
حمدان: عسب اخويه ياهل
مريم: يقدر يركب روحه
حمدان: لا اخاف عليه
مريم: واي عليك اونك عاد
حمدان: هيه بعد شوووه يالله بيبدا عن تصيحين
مريم: اسكت وفكني من حشرتك
حمدان: لا تتحرين انا ميت فيج انا حمدان ... يموت فوحده شراتج
مريم[ حسيت انجرحت من هالكلام وخاصه يوم قال ميت فيج ليش محد يحبني اكيد انا فيني شي خايس سكت عنه و مارمست انجرحت وايد صدق بقولكم سالفتي كنت احب واحد من العايله الراهييه وايد وايد فدبي وكنت اموووت فيه واعشقه واخته تصير ربيعتي رحتله وكان اسمه عادل شفته بروحه صارحته بمشاعري وماكنت جاذبه بس رده كان ل[ انا ماخذ وحده بنت اي شي انا عادل ولد ... ياخذج انتى شوفي الاغنياء يعيشون ويا الاغنياء لا ادشين فحياتنا ... ] انا دوم امنيتي اعيش شرات الاغنياء اللبس ماركات اشتري الي اباااااااااااااه اساااافر فخاطري اسافر اركب خيل يكون عندي خيل ااااااااااااااااااااه احلام والله احس قلبي بينفجر دموعي تنزل وقفت اللعب وسيده تغشيت و عشان اوصل الحمام واطلع حرتي واشوف ساره ونروح ]

حمدان[ بسم الله بلاها تغشت وراحت لا يكوووون زعلت لا ليش زعلت انا ماقلت شي اصلن عشان تزعل ااااااااااااف ليش افكر فيها تولي بس يمكن زعلت واذا زعلت يعني شوه هيه ماتهمني ]

.....

ساروه[ ياربي لازم اقعد برع بس فاضي المكان قعدت برع و تميت قاعده شفته من بعيد يمشي طبعن منصور يلفت الانتباه من جماله تميت اطالع مشيته و كل شي كنت مجابلتنه شفته مسك موبايله اكيد يدقلي شفت موبايلي .. ]

ساروه: الوو
منصور: الوو
ساروه : هلا
منصور: وين انتى قاعده
ساروه: اممم مجابلتنك
منصور[ وينها لفيت لفيت ولقيتها حسيت ارتجف جسمي من فوق وتحت هزت كل عضله فيني حسيت قلبي انتفض تميت اطالعها ماخوزت عيني منها حسيتها سبحانالله ملاك ولا حوور من جمالها حسيت بشعووووور اقوى من الحب شعور يشدني صوبها انا هاي اباها هاي اباها الحيت]
ساروه: بلاك
منصور: امم ماشي بي بقعد مجابلنج
ساروه: لا لا
منصور: الطاوله الي مجابلنها
ساروه: امم اوكيه
ساروه[ يا قعد مجابلني وماخوز عينه وهوه يطالعني وانا نزلت راسي يالسه اشوف المنيوو بس هوه يتم يطالعني حسيت ويهي بداا يحمر حسيت لازم اتغشي بس لازم اكون قوييه]
منصور: [ شفت ايدها وهيه ترتعش وجسمها وترتجف ايدها مرتبكه شكلها خدودها بانت حمارارها تمت تطالعني وترد تميت اطالعها وانا ابتسم عيبني فيها كل شي اقولكم خجلها ابتسامتها كل شي ]
ساروه: شو بتطلب
منصور: امم انتى شو بتطلبين
ساروه: ماشي هوت شوكلت
منصور:بطلب شراتج
ساروه:اوكيه
منصور: امم شوفيني [ شفتها ابتسمت ]
ساروه: ليش
منصور: بش
ساروه[رفتعت راسي وشفته شاق الابتاسمه يا محلات ابتسامته نزلت راسي وابتسمت وحاولت اخبيها وانا اعض شفايفي ]
منصور[ ااااااااااااااااااااااااه محلاها تباني اتخبل الحين] : وين عيل اختج
ساروه: راحت اللعاب
منصور: قولي والله
ساروه: هيه ليش
منصور: حمدان مناك
ساروه: قول والله
منصور: هيه [ تميت اطالعها و حركاتها ودلعها ياربي هالانسانه ماقدر اقول غير انى ميت بهوها ]
ساروه: هه الله يعينها
منصور: [ فديت ضحكتها ] هيه والله

....

في الحمام

مريم[ نزلن دموعي وايد ماقدرت اصمت روحي صدري يروح فوق وتحت من كثر انفاسي كنت احس بجرووووح تتشققن ويردن من الخيوط الي خيطتنهم كنت احس بالخيانه بالغدر كنت احس يوم شخص يخليك ليش ماحس بحنان وحب ليش انا شو ناقصني عشان ماحس بجيييه الله بيجمعني بواحد انشالله بيوووم]

...

حمدان[ امم وين راحت انا بلاني افكر فيها امم زعلت منى لا لا ماعتقد اكيد بس جيييه زعلانه]
محمد: ابا اللوح حمام
حمدان: اف حمام الريايل بعيد دش حمام الحريم وبترياك برع
محمد: بس انا ريال
حمادن: لاعادي حبيبي انا مرات ادش حمام الحريم مافيها شي لو كان حمام الريايل بعيد
محمد: اوكييخ
حمدان: ههه ياهل حليله

مريم[ ااااااااااه تميت اشوف عيوني وكيف هم حمر عيوني وساااع كانن ورموشي خرسانات من دموع ويهي كان خرسان دموع وكنت اشوووفه واتامل ويهي شفت حد يسحبني شفت ياهل مااشالله عليه غايه في الجمال الله يحفظه]
مريم: هلا حبيبي
محمد: انا اليد كلنينكس لو سمحتي
مرريم: اكيد حبيبي يود
محمد: شكرت
مريم[ شفت مايقدر يمسح يدينه تيمت امسج يدنه وهوه شدني للباب طلعنا انا وهوه وانا يالسه امسح ايده الي خرسانه كلها ماي ]

...

محمد: حمداااان
حمدان[ رفعت عيني شفتها وليتني من شفتها يت عيني فعينها شفت عينها منتفخات و حمر و كانن دموع فيها ونازلات الصراحه اول مره حسيت قلبي يهتز من شفت هالموقف ]

مريم[ بعد الي سووواه ايطالعني ااااااف اكرهه خلني اروووح رفعت راسي وسويتله طاف ومشييت]

حمدان [ حسيت اني انا السبب يمكن جرحتها بالرمسه الي قلتلها اياها او شي ياربي ليش سويت جيه ليش قلبي الحين ينغزني ]

....

ساروه: حرام علييك
منصور: ههه حرام علي انا
ساروه[ تميت اشوف ويهه وهوه يسولف وياي محلاته احس سوالفه من القلب وينحب بسرعه]
ساروه:هيه يعني ترد الجوكلت مالى وتقولهم ايبولي ملك شيك مابا
منصور: والله الي اشربه لازم تشربيه
ساروه: مب لازم ااا منصور صبر مريم ادقلي
منصور: اوكيه


.....
ساروه: هلا مريم
مريم: هلا وين انتى
ساروه: انا فالكوفي موكا
مريم: انا اابا اروح
ساروه: ليش
مريم: بش ضايجه بروح
ساروه: شو فيج
مريم: بيج الحين اوكيخ
ساروه: اوكيه

...

ساروه[ رفعت عيني وشفت منصور يطالعني وابتسم شفته يطالع تلفونه جنه بيدقلي بس بس انصدمت هيه شي بنيه حطت ايدها على جتفه و انا قريبه منهم سمعت الي يقولوونه ]

ملاك:منصوور هلاا شو تسوي منيه
منصور: ملاااك
ملاك :هيه شحالك
منصور: بخير وانتى شحالج [ اف شو يابها مابا اللف على ساره وتسوي مشكله]
ملاك:[ تصنع دلع]: بخيير وينك ماشفناك
منصور: والله انا ازوركم بس ماشوفج
ملاك: شو اسوي الدراسه
منصور: شدي حيلج هاي فالدراسه هاه
ملاك : ليش يهمك
منصور: هيه يهمني

ساروه[ يههههههههههههههمه يعني يحبها يحب ملاك انا وين راحت عن بالى سمعت كم مره انهم محيرين لبعض ليش لييييييش نسيت ياربي انا شو سويت شفت منصور بنظره وقمت سيده شفت مريوم يايه صوبي اكيد يقص على اكيييد لو مايقص على جان ماسوي جيه عيل يقولها هيه يهمني اكيد يحبها انا وين ماراح عن بالي اكيد اخر شي بياخذ بنات عماته وين انا وين هوه احلام فقارى خلاص لازم اقطع علاقتي فيه لازم يعني لازم ]

منصور[ ياربي وين راحت يمكن زعلت] : خلاص انا بروح الحين
ملاك: وين توه الناس بقعد معاك
منصو{: السموحه بروح يالله باي
ملااك: عراحتك

شفتها تمشي وهيه بسرعه ماحسيت بعمري امشي وراها وانا مب حاس بالدنيا الي حذالي

منصور: ساره ساره
مريم[ منو ها يزقرها لفيت وشفت منصور اخووو حمدان ]
منصور: انتى فهمتي غلط والله
ساروه[ مسك ايدي وبعد مافضحني جدام مريم شو اقوللها الحين ] هدني اصلن متى كان من بينا شي
منصور: شووه
ساروه: روح بطريق وانا بطريق خلاص رووح

..

منصور[ جرحتني هالكلمه انا بطريق وهيه بطريق شو تقصد حسيت قلبي خلاص مايقدر يتحمل حسيت الدنيا ادور فيني حسيت ..]

ساروه: منصوووووووووووووووووور
مريم[ شهقت ] : ساروه شو السالفه

....


شو تتوقعون يصير ؟؟

لاتنسونا ابي توقعاتكم ^^

امممممممممم .. راي من راي مس بينك ^_^


ثانكس عالبارت الغلا .. ونترقب البارت الياي ..


نتريا .. ولا تبطين ^_^