منتدى استراحات زايد - ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟!

( اوعدني تبقى لي وابقى ضنينك
وتكون لي لو هاج بحري مواني
ارسي على شاطيك وامسك ايدينك
وتشدني قربك لبر الاماني )

اليوم اللي بعده
بيت بو راشد

راشد : ابويه انا خلصت موضوع سفر بطي
بطي : ابويه ليش مكبرين الموضوع السالفه ماترزى
بو راشد : لا ترزى حتى موزه بتسير ويانا
موزه : لا ماريد اروح
بطي " بصوت واطي ويرمس هادف " : حبيبي هادف حتى انا ماريد اروح
نصره : سمعتك
اليازيه : وانا بعد
راشد : حتى انا
موزه عاقده حياتها : عن اذنكم راحت تشرب ماي وظهرت برع
ميثا " شهقت " : بلاها موذه !
بو راشد : المهم بطي بعد باجر تزهب
بطي : -_- خير انشاء الله
اليازيه : ابويه خل موزه اهنا ماتبا تسير
بو راشد : ماعليه بشوف

بعد مرور شهر

اليوم رجعة بطي هو وابوه .. من تايلند
بيت بو راشد

نصره واليازيه وموزه وميثه
نصره : ابا اكشخ
موزه : هه ليش
نصره : بس جي متحمسه
موزه : تعالي بسوي لج ميك اب خفيف
نصره : اوكي
وتمت موزه تسوي لهن وظهرتهن جنان
اليازيه : يلا الحينه دورج
موزه : لا لا انا ماريد
ميثا : بلييييذ موذه بليذ
موزه : اوكي بس شوي
رمست موزه عيونها ومسكرت رموشها ولبست مخوره تركوازيه وحطت قلوز
نصره : تجنين
موزه " استحت

الساعه 9 الا ربع
موعد وصول بوراشد , بطي وراشد وهادف اللي كانو رايحين يستقبلونهم فالمطار

نزلت ميثا وعطول راحت حضنت ابوها واخوها
ونزلن البنات خلاف تدريجيا وفتحن مناجه + ام راشد
بو راشد : وين موزه عيل
نصره : الحينه بتنزل
ميثا : هذي موذه
بطي رفع راسه وشاف ملاكه نازله
هادف ضرب بطي عالخفيف
هادف : شوي شوي عالبنيه
بطي : يعلني ماخلا
هادف : خخخ متصوب ثرك
بطي : من زمان وربي " وتذكر اسما "
موزه وصلت وسلمت على عمها
موزه : الحمد الله على سلامتك بطي
بطي " سرحان " : ...........
هادف " قرص بطي " : البنيه تقول الحمد الله على سلامتك
بطي : هـ ـ اأآ هي الله يسلمج

وكلهم يلسو فالصاله لين وقت العشا ..
نصره : شو تايلند
بطي : ههه لاتتخبرين
اليازيه : ها بطي
بوراشد : الحمد الله بطي يوم بتخلص تعال ابغيك شوي
بطي " عرف انه ابوه يبا يرمسه بخصوص موزه " : انشـاء الله

فالميلس
بوراشد : انته تعرف انا بشو اباك صح
بطي : صح
بوراشد : وانته شو قلت
بطي : بس ابويه انا بعدني احس مب وقته
بو راشد : لا وقته
بطي " تنهد وتذكر اسما " : اللي تشوفه ابويه

( بس تأكد ياعيوني
لو غدى غيري نصيبك
انته وياي وبدوني
مابي مكروه يصيبك )

الخميس الكل متيمع فبيت بو راشد

العصر شباب وبنات برع
موزه : كانت ترمس بالفون بعيد عنهم
مديه : انزين وبعد شو يديد حبيبج بطي
موزه : يخسي منو قال حبيبي
مديه " تسولف وياها " : افا مويز وحليله
موزه : خليها هذا راع البنيات
مديه : وحليله موزه يمكن ضالمتنه
موزه : any way بخليج الحينه لانه انا برع وعمي ضني يزقرني برمسج قبل لا ارقد
مديه : اوكي حبيبي فمان الله
موزه : فمان الكريم

عمها بو راشد : موزه يا موزه
وكل العيون كانت عليهم
ويا عمها ويلس يتمشى وياها وهو حاط ايده على جتفها
وخوله منقهره وغيرانه منها
بطي " عرف انه يالس يرمسها بخصوصه : شوي ورن فونه ونش راح ورا الفله
.
.
اليازيه : ابويه اليوم شو عنده احس في شي
خوله : مثل شو
نصره : انا بعد والله
اليازيه : يمكن بيخطب موزه حق بطي
خوله " وقفت " : نعم نعم هاللي ناقص بعد
نصره : انتي بلاج قالت يمكن مب اكيد وبعدين لو خطبها انتي شلج
خوله : بطي مالي ومستحيل حد ياخذه مني " وراحت "
نصره : والعثره صدق قوية عين الله واكبر عليها
اليازيه : قمت اخاف منها ..

صوب الشباب
سعيد : احمد
احمد : هلا
سعيد : انا برد البيت
احمد : ليش ياخوي فيك شي متضايج
سعيد : لا بس تعبان وابغي ارقد
احمد : انزين روح داخل وانسدح فالصاله لانه اضني نحن بنتم لين باجر
سعيد : اوكي وراح سعيد الصاله اللي فوق
.
.
.
بو راشد : ها يا بنتي شو قلتي
موزه : بس عمي انا ما افكر وبعدنيه صغيره
بو راشد : وين صغيره ماشاء الله عليج انتي حرمه
موزه : ممـ " تذكرت وصيته يدتها " انته رمست بطي
بوراشد : هي رمسته وقال انه هو يباج وشارنج
موزه " تنهدت وسرحت : والله ماعرفت لك يا بطي
بو راشد : لا تردين عليه الحينه وانتي فكري وردي عليه
موزه : ان شاء الله وراحت موزه صوب المطبخ اللي ورا
وهي تمشي سمعت حس بطي وهو يرمس بالفون
بطي : حبيبي والله انا بس عشان ابويه مايزعل انا احبج انتي واباج انتي ولاتنسين وصية يدتي انا ماباها اصلا
يعني ابدن ماكنت مفكر باخذ بنت عمي
موزه " بصدمه " : !!!!!
بطي : خلاص حبيبي انا جريب برجع المانيا
اسما : بس قلت لابوك انك خلصت
بطي :ادري حبيبي اني خلصت بس انا قلت حق ابويه اني ماخلصت وانشاء الله جريب بييج
موزه : راحت بسرعه ودموعها تنزل
بطي " سمع صوت حد يركض " : اسما حبيبي برجع اكلمج
اسما : اوكي حبيبي لا تتأخر
بطي : اوكي باي
وعطول بند وتم يركض وتم يدور موزه من بين اللي كانو يالسين وعرف انه هي اللي سمعته ودخل داخل
صوب موزه راحت عطول فوق وشافت سعيد منسدح
سعيد : موزه
موزه : وقفت وهي عاطتنه ظهره
سعيد : فيج شي
موزه صدت صوبه ونزلت ويهها : لا
سعيد : وقف وسار صوبها : تصيحين
موزه : ممـ ـ لـأ
سعيد : مم عيل بلاه ويهج محمر
موزه : ماشي
شوي ويا بطي وشافهم واقفين ويا بعض
بطي راح صوب موزه وتم يطالعها
موزه " وعاقده حياتها " : نعم عندك شي
بطي " معصب " : انته ان شفتك وياها مره ثانيه ياويلك
موزه مسكت ايد بطي عشان تفجه عن سعيد
موزه : انته مينون اصلا سعيد ماعليك منه
بطي : والله يا سعيد انا قلتلك هالمره
سعيد : على فكره شرات ماهي بنت عمك بنت عمي بعد
بطي " شافه من فوق لين تحت " وسحب موزه وحدر وياها حجرتها
بطي : انتي شو مسكلتج
موزه : انتي اللي شو مشكلتك
بطي : انا رمستج وانتي ماسمعتي الرمسه
موزه : كيفي
غيض بطي وقبضها من ايدها
موزه : بطي ايديه تعورني
بطي :احسن
موزه : عيل مغصوب عليه
بطي : !!!
بطي : يوم انك ماتباني ليش قلت حق ابوك عيل
بطي : هي ماباج واصلان ابويه اللي فاتحني بالموضوع ويالس يحن عليه ولا تنسين وصية يدتي
موزه تمت تصيح
موزه " وشافته موزه وعيونها ممزوره دموعه
وظهر بطي وهو معصب ومتلوم بها

موزه " تصيـح " : ليـ ـ ش ياأآ اآ ربـ ـ ي جذى خـ ذت ابـ ـويه ويـدتـي عنـ ـي وامـ ـي ودرتني وحتـ ـى النـ ـاس اللـ ـي وياهم معـ ـاملتهـم زفته لـ ـي انا شو سويت وتمت من هالرمسه لين مارقدت

صوب البنات
اليازيه : مواأآ ز وين
خوله : شتبين فيها
نصره : اقولج انتي جب
اليازيه : قومي نصره شوفيها
نصره : انشاء الله
وراحت نصره وشلت وياها ميثه
صوب حجرة موزه
نصره : طق طق طق
ميثا : ليـ ـث مو ترد
نصره : مادري طق طق طق
موزه " نشت عصوت دق الباب " " وبصوت مبحوح " : منـ ـو
نصره : !! انا نصره
راحت موزه تفتح الباب
نصره : !!! موااز بلاج
ميثا : ليث ويهج احمل " احمر "
موزه : بابتسامه هاديه وبصوت مبحوح : مـ ـاشي
نصره : لا صدق فيج شي كنتي تصيحين !!؟
موزه : لا
ميثا : موذه رقديني عنج " عندج "
موزه : مم برقدج باجر عندي
ميثا " شوي وبتصيـ ـح " : ليــث مب الحين
نصره " عرفت انه موزه متضايجه فحبيت تغير الموضوع
نصره : ميثا حبيبي نروح ناخذ حلاوه ونحط فلم مال باربي
ميثا " ماده بوز " : هي
نصره : يلا حياتي موزه ارقدي وان بغيتي شي اتصليبي
موزه : انشاء الله وبندت الباب وراحت تتوضى عشان تصلي ركعتين

نزلت نصره صوب اليازيه وهمست فاذنها
نصره : يزووي الحقي سرنا عند موزو كانت راقده وييها احمر مادري تصيح بس شكلها وايد متضايجه
يزوي " شهقت وكل حد شافها " : تحسين اسير لها ولا ؟
نصره : لا لا تسيرين حتى ميثو قالت لها رقديني عندج قالت لها لا باجر جي شكلها وايد متضايجه وتبا اتم بروحها
رمسيها باجر احسن
يزوي " بحزن " : اوكي
هادف : بلاكن انتن الهنتين
يزوي " بارتباك " : هـ أأا لـا ولا شـ ـي صح نصور
نصره : صح
عالساعه 1 الكل تقريبا حدر يرقد الا بطي كان تحت يالس ويا هادف
هادف : جي ماتسير ترقد
بطي: مافيني رقاد مودي خايس
هادف : ليــش فيك شي
بطي : لا
هادف : ادري بخصوص موزه
بطي " قاله بخصوص موزه والعرس "
هادف : انزين حلو وموزه ماعليها زود
بطي : بس
هادف : لا بس ولا شي
بطي " تنهد ": والله ماعرف شو اسوي
هادف : لين الحينه ترمس اسما
بطي : هادف والله مب قادر انساها
هادف : بطي لا تظلم البنيه وياك " موزه "
بطي : أأه والله مااعرف
.
.
بعد مرور اسبوع وتم تحديد موعد عرس هادف على عفرا

الظهر " الاحد "
بعد ما الكل رد من المسيد

ميثا : يعني خلاث بتعرث اف اف مابا اهى
هادف : هي خلاص ومابرجع مره ثانيه اهنى
ميثا " شوي وبتصيح " ليـ ـش
راشد : حرام عليك لا تعلوزها
ميثا : ثح حرام عليك لا تلعوذني
الكل : ههههههههه
ميثا : بثير عند موذتي احثن
بطي : احس فكه
ميثا : ثرير اكثر شي فالدنيا " وتفتح ايدينها "
بطي : ههه اوكي
اليازيه وموزه وميثا ونصره
اليازيه : اوكي خلاص من اليوم بنروح لانه ماباجي غير اسبوعين
موزه : انا ماريد اروح
نصره : والله بزعل منج كله تحبين يلسة البيت ماحب جي انا خلج كوول
موزه : هههه اوكي
اليازيه : بسير اقول حق ابويه عشان نظهر بعد الغدا وبرمس شما بعد
نصره : اوكي
وراحت اليازيه ورمست ابوها اللي عطول وافق ..
اما عن شما قالت بتسير ويا اختها وامها وام راشد

بعد الغدا الكل ظهر ..
موزه واليازيه ونصره
شما وخوله
والشباب ظهرو رباعه ..

موزه : وين بتروحون الحينه
اليازيه : نسير المارينا
نصره : افف احس فـ AD ماشي غير المارينا
موزه : نروح دبي
اليازيه : هزرج
موزه : هي بليز
اليازيه : بتصل فابويه وبتخبره جان بيطيع
واتصلت ووافق

نصره : ممم في خاطري سؤال لج مواز
موزه : اسالي
اليازيه : هه حتى انا في خاطري نفس السؤال
موزه : مم
نصره : بتجاوبين بصراحه هه ترا انا وايد فضوليه
موزه : اوكي
نصره : مم احس هالايام ابويه وعمي جي وايد يرمسونج احس في شي حتى بطي مم
اليازيه : مم في شي
موزه : مم
نصره : اذا ماتبين تقولين عادي
موزه : لا عادي بس من بيني من بينكم انتن خواتي وزود
نصره : انزين عيل قولي شو السالفه
موزه : عمي قالي انه بطي اخوج يباني وابوج وعمي زايد قالو لي شو رايج وجي وانا لين الحينه مارديت هو اصلا قالي لا تردين عليه الحينه
نصره " بفرحه " : وانتي اكيـد موافقه !!!!!
اليـــازيه : والله اني كنت حاسه
موزه : بس انا ماريد اعرس احس بعدني صغيره
نصره : الله يخليج وافقي وافقي
موزه " تذكرت رمسة بطي : : حبيبي والله انا بس عشان ابويه مايزعل انا احبج انتي واباج انتي ولاتنسين وصية يدتي انا ماباها اصلا
يعني ابدن ماكنت مفكر باخذ بنت عمي " ودمعت عيونها
نصره واليازيه : مواااز وحضننها
نصره : والله انا آسفه مواز اذا ضايقتج
موزه : لا بس تذكرت ابويه
.
.
.

صوب الشباب فالمارينا

سعيد : احمد متى بنرد
احمد : جي شوي
مانع : شو بلاك سعيد
سعيد : ماشي بس تعبان شوي
راشد : وينه المعرس عيل
احمد : سار ويا بطي
وتمو يمشون ومحد انتبه على سعيد

احمد يتلفت يمين ويسار
احمد : وين سعيد
مانع شاف ورا وشاف الناس متيمعين ويوم راحو شافو سعيد طايح
احمد : راااشد !! " وربعو الشباب صوب سعيد " ..
شلو سعيد وطاروبه صوب اقرب مستشفى
فالانتـضار

فون راشد يرن

راشد : الو
هادف : راشد وين انتو
راشد : نحن فالمستشفى
هادف : ليــــــش شوم مستوي !!
راشد : سعيد طاح علينا
هادف : اي مستشفى
راشد : مستشفى *****
هادف : يلا احنا يايينكم
.
.
بطي : خير شو مستوي
هادف : سعيد تعب وطاح عليهم
بطي : !!! والحينه
هادف : فالمستشفى يلا نسير
بطي : يلا يلا
.
.
.
صوب خوله وشما

خوله : عيل غريبه وين البنات
شما : ظهرو ويا موزه مادري وين سارو
خوله : افف والله اكرهها مادانيها
شما : ليـش خوله معنه انا ملاحضه عليج هالشي شو مستوي من بينكم
خوله : ماشي بس من الله جي مادانيها
شما : ليش لانها احلى عنج
خوله " انقهرت " : تخسي هي احلى عني انا بوايد احلى عنها
شما : تبينا نرمس بالحق بصراحه يعني وبدون زعل انا اشوفها جميله الصراحه ادب واخلاف
خوله : ابا اعرف اشو مسوتبكم انتو
شما : وحليلها خوالي والله طيبه بس انتي غيرانه منها
خوله : اقولج صخي صخي
شما : انزين يلا ندخل اهنا
خوله : يلا
.
.
.
يتبع !