المشاركة الأصلية كتبت بواسطة رفيج الكل (المشاركة 984273)

وعليكم السلام ورحمة الله و بركاته

طبعا وبلا شك ان اللبس له دووور كبير لانه يعكس شخصية الشخص اللي لابس ها اللباس سوى كان واحد او وحده ومن هالمنطلق ،،، فالوحده اللي لابسه لبس محتشم اكيييد هالشي بيعكس شخصيتها من الوهله الاولى ،،، واللباس هو المظهر اللي تظهر به الفتاه وحتى الشاب نفسه ، وكل واحد لازم يظهر بمظهر لايق ايليق بمقامه ،،،، وخلاصة كلامي : اللبس عباره عن مرآه تعكس الصوره لكل من يراها ،،،، فكوني في أجمل صوره تليق بمقامج وكبريائج .....



تقبلوا فائق احترامي :

رفيــــــج الـــكل

المشاركة الأصلية كتبت بواسطة *نظره مني تسدك* (المشاركة 984279)

عليكم السلاااام ورحمه الله وبركاااتهـ


~][ الأول ... للشابات ..... هل تعتقدين أن تدخل أسرتكـ .. في اختيار ملابسكـ يضايقكـ ويحسسكـ بنوع من عدم الإستقلالية ويظهر مدى التسلط عليكـ .. والذي تعدينه يمس من كبريائك ونبوغكـ وكونكـ إمرأة ولها حرية الإختيار .. ؟؟



امممم يطولي بعمرررررج الاهل هب ف كل الحالات بيدخلون ,, بيدخلون ان شافوج لابسه شي هب اوكي وما يصلحلج..

والوحده ان تبغي الزين تشاور اهلها طبعا بتشاور خوتها ,, امها وجيه

وهم ما بيخلونا نلبس شي هب اووكي,,

انا وحده ما ارتاح الا بالكندوره خخخخخخ اريحلي..^^


وسلمتي الغاليه ع الطرررررح الطيب

يعطيج العافيه

نترقب اليديد..^^

المشاركة الأصلية كتبت بواسطة غزيل الدار (المشاركة 984298)

~][ الأول ... للشابات ..... هل تعتقدين أن تدخل أسرتكـ .. في اختيار ملابسكـ يضايقكـ ويحسسكـ بنوع من عدم الإستقلالية ويظهر مدى التسلط عليكـ .. والذي تعدينه يمس من كبريائك ونبوغكـ وكونكـ إمرأة ولها حرية الإختيار .. ؟؟


قبـل كنت معتمده على امي بشكل كبير ، لان ذوقها حلو ولانه عودتنا يوم نطلع تتنقالنا
بس من يوم اعتزلت امي الفرة في المولات ،، بديت اكون ذوقي الشخصي ،، وماقتنع إلا بالي يعيبني اكثر شي
وملابس المناسبات الي عندي اغلبها تصاميم وذوق امي الله يحفظها

وتصير احيان يتحكمون في لبسي ويجبروني اغيره ،، واغلب اسبابهم انه مب وقته خخ ،، بس مايوصل لمرحلة الكبرياء والخ

ويعطيج العافية

المشاركة الأصلية كتبت بواسطة |-الــســنــافــي-| (المشاركة 984313)

اولن ابدأ كلامي بالسلام والتحيه
واجاوب عن سؤال ياخيه :
في زمنا هذا شفنا جمييييع انواع البنات والبعض منا ودر المولات والتمشيه والمراكز بسبة فتنه البنات وانا منهم
وعليه افضل الصلاة والسلام قال اني اخاف على امتي من فتنة النساء
البنيه المحتشمة والرزينة ماحد ايي صوبها ولا يقربها ولا يغازلها ,جد شفتي وحدة منقبة تتغازل ؟؟؟؟
بخلاف بعض البنات اتيي مكياجها فووول والعباة مرررة راصة (كاسياتن عاريات) بما معنا انها مكتسيه ولكن كل مفاتن الجسم تبين
والي اتييج رابطه شعرها ورافعتنه فووق داق فالغمارة
وترا الي بيشوفها جذا ما بيقول عنها غير انها بنت شوارع عزج الله ولا هلها ما عرفو يربونها وطبعن ماحد يرضى على عمره هالشي لكن هم يسوون هالشي وما يحسبن رمسة خلق الله عليهن
بعض البنات يقولن انا اكشخ لعمري ,انزين ما قلنا شي اكشخي يابويه لكن بالمعقول وهب جدام الرياييل وخلق الله كلهم اكشخي في ميالس النسوة والاعراس ولا فالبيت
بخبرج عن موقف صارليه انا شي مدرس عندنا عراقي لكنه ياي من ألمانيا ماصارله غير شهرين
قال انا سمعت انه هل الخليج بدو وعرب احرار ومحتشمين متشددين لكن يوم ييت الامارات تغيرت نظرتي هذي لها
قلتله ليش يا دكتور قال شفت البنات فالمراكز لابسين العبي والشيل لكن ولا كنهن لابسينهن العباية شاده عالجسم مثل سترتش الرياضة
والمكياج زايد عن اللزوم والعبي مفتوحة والشعر طالع ..... الخ ابدى رايه كله ونحن صكينا حلوجنا ما عرفنا نرد عليه.
اختم كلامي بقول ابوي العبي الأول للحشمة والستر والحين للكشخة والظهر
والمحترمة محد بيي صوبها
السنافي

المشاركة الأصلية كتبت بواسطة النعيمي (المشاركة 984348)