منتدى استراحات زايد - وربي لأدمر حبهم ...... }~

هنوف : سعييييد قصر ع المسجل بياذن المغرب الحييين .......

مهاري : سعود يلا ع طول سير اتسبح عسبت تلحق الصااله من وقت وتستقبل الريااييل ...

سعيد : ان شاء الله ماعليج انتي ... يلا انزلن الشيخاات الي ورا .....

سعييد .... اخوهن من الام ... 15 سنه .... طيب ... صح مش مهتم في خواته ولا يزورهن ... لكن لو بغن شي ما يقصر فيهن ........

ونزلن من السياره ..................

الكل ساار ويا مهاري حجرتها ... يلبسنها الفستاان .... ساعدنها فييه ...... وعقب ساارن زهبن ولبسن ...

ألا شهد ...... يالسه في الصاله ... تتريا حد يي يساعدها يوديها الحجره ...... عقب ساعه الا ربع ... يت هنوف ..

هنوف تزخ ايدها : تعالي شهووود يالله عسبت نلبس .....

شهد تمسك ايدها بقو ... وتقودها هنوف لين الحجره .......

هنوف : تعالي يميين ...... ايواا ..... يالله يلسي ... لالا بتطييحيين .. ارجعي بعد . .ايوا يلسي ......

شهد تنزل دمعتها ..........

هنوف وقلبها متعصر : شهوود خلاص الغاليه خلاص بسج صياااح .....

تدخل الود ......

الود : ظهري هنوف انا بساعدها في اللبس .....

هنوف تمسح دموع شهد ...... وتعدل لها الجحال الي نزل .........

ظهرت هنوف ......

وانهاارت شهد في حظن الود تصييح ........ وتصيح من الخاااطر ...........

الود : بس حبيبيتي ... هذي حكمت ربج ... لازم تتصبريين وتدعيين ربج انه يشاافيج .. لا تيأأسين .. الطب الحيين اطوور .... وفي عمليات يردون بها البصر ..... ان شاء الله كل شي بيكون خيير اتفااءلي لا تتشائمين ..

شهد وهيه تصيح : انتي عبااالج انا اصيح عسبت اني مااجوف ؟؟ عسبت عيووني ..؟؟ لا والله اصييح ع عيوووني الصدقي الي ضاااع عني ........ الي الحين عيني ما بتناظر عينه ... اااااه يا الود تعبت من هالشعور تعبت ....................

ندى : ذيااااااااااب والله ترا احرقك بالمدخن الحين .....

ذياب : زيين صبري صبري بتنفس اول ...... ( يتنصخ بصوت عالي ) .. يلا دخنيني ...

ندى : يااااااربيه طلعتلي قروووون ... لا تتحررررك شفيك ....

ذياب يلعوزها : شفيج ريلي ترتجف .....

ندى: لا تتسااااااخف .....

ذياب : انزين لا تعصبيين حشى .. اخوج العود انا ........

ام ذياب تصيح : لو ابوك عايش جان فرح لك من قلبه وهو يجوفك مستانس جيه ...

ذياب يبوس راس امه : ألبركه فيج امييه .. الله يرحمه ان شاء الله ...........

ندى : تعال بحط لك دهن العود ....

ذياب : ذبحتييييييييني انتي ......

ندى : هاااااي يزاااتي بعد !!! اكشخك ..... !!

حمدان : يه يه يه يه شو هالكشخه .......

ندى : شعبااااااالك !!! انا مكشختنه ......

حمدان : زين اخوج انا بعد كشخيييني ............

ندى ... 20 سنه ... خريجه تقنيه .... البنت الوحييده بين شاابين واخر العنقود .......

حمدان .... 23 سنه .... خقاااااااااااااااق بشكل فظييع ... بس ويا اهله عسل ... اما مع الباقيين الله لا ايرااوييكم ... مخلص درااسه .... ويشتغل في du ,, في قسم المبييعات في فرع في الموول ...

ذياب : ياخي انا المعرس خل اتخلصني انا قبل ...........

ندى : عقباااااالك يا حمداان ......

حمدان : هه ؟ استريحي انا عزوبي ....... مااا عااشت ولا ولدتها امها الي بتييب راسي وبتخليني اخذها ,,

ذياب : ياخي عدل كندورتك .....

حمدان فقط واطالعه بنظره وسار ,,,,,,, نقعت ندى عقبها .....

ذياب : واااالله شايف نفسه عالفاضي ..... يلا انتي بسج عطر ذبحتيني ....

ندى : زييين بسير البس فستاااني انا ..... ماقلتلي شراايك فيني .....

ذياب يغمز لها : عقب ماجوفج فالفستان بقولج ... يالله روحي زهبي ......

ذياب يزاعج : اماااايا ,,,, امااااايا ....

ام ذياب فحجرتها : هاا ابويه شبلاك .......

ذياب : انااا بسير ويا ربييعي الحيين ... حمداان بيوديكن الصاله انتن اوكي ....

ام ذياب : ان شاء الله الغالي اول ماتوصل اتصلبي .....

ذياب : ان شاء الله فالكوشه بتصل بج رنه ...

ام ذياب تضحك : ههههههههههههههه واايه منك انته ...

اتصلبه ربيعه ......

ذياب : هلااا ...

نايف : وينك يالله اظهر ساعه ادقلك هررررن ,,,,,

ذياب : اوكي اوكي .... شوي وبظهر لك ...

نايف : ما بنقولك شي معرس ... يالله اترياك .....

يبند عنه ......

ذياب يدق الباب ع ندى ...: دنووه فجي !!! يالله بجوفج قبل ما اسير الصاله ...

ندى تبطل البااب : احم شو رايييك فيني ......

ذياب يطالعها من فوووق لين تحت ويحط اييده ع خااصرته ويميل شويه ويبتسم >> حركته المعتااده دوم يسوي جيه اذا يبا يبيين انه منبهر ......

ندى : يعني افهم اني عيبتك ......!!!!

ذياب يحيس شفاايفه : بصرااحه حلوه وايد .... والزيتووني راكب علييج واايد ....

ندى تحظنه :فدييييييتك ذيابووووو والله بشتااااقلك ......

ذياب مبتسم : بتخربين كشختي وكشختج .....

ندى خازت : الصياح فالقاعه بخليه ......

ذياب : هييه الله يعييني ههههه يالله الغاليه نتلاقى اهناك عيل اربيعي برع من متى ....

ندى : خلاص اوكي ...............

ويظهر ذياب ...............

واول ما يركب السياره يرن مبايله .......

ذياب : السلااااام عليكم ياحيهم ......

راشد : هييه ياحييينا لان نقرب للعروس بس ..

ذياب : ههههههههههه يااااا ريال والله العظيم كل مادق ع رقمك مشغول واتعايز ارد اتصل عقب ..

راشد : شسوي يوم اني محبوب المهم ما علينا ... انته وين ؟؟

ذياب : يااي الصاله وانت ويين ؟؟

رااشد : انا توني داش الصاله ..... خلاص بترقبكم .....

ذياب : مااعليه ..... مع السلامه ....

راشد : مع السلامه .........

ذياب يطالع نايف: هااا شرايك فيني ........

نايف : ازقررررت ياخي ..... خبرني ... شوه النفسيه ؟؟

ذياب : عاال العال والحمدللله ..............

نايف : الحمدلله الله يوفجك .........

ذيااب : ان شاء الله ....

........ : طفوووو الليتااااااات الحين بتنزل العروس سكتو سكتووو .. ايلس يا ولد ....

....: يالله متى بتنزل مااااااماااه ؟؟

......: الحين يالله اشششششش .........

هنوف : من شر كل عيين حااسد ارقييج يا مهاري ....

الود : يوم قلتلج خلييني انزل وياها اظني ما بتطلع لو خليناها روحها .........

هنوف تبتسم : منو قالج روحها ...... جوفي فوق .........

يا ورود ويا زهور ... يا بلابل يا طيور .... يا قمر وسط البحور ... يا خلايق يا بشر ....

ألف صلي علييه ... سيدي سيد البشر .... باركو لأحلى قمر .....

يا خلايق يا بشر ....................

... : وييه منو هالمزيووون الي وياااها ؟؟

.......: هذا سعييد اخوها من الام .....

... : علاقتهم زيينه ؟؟

...... : مادري جنه زينه ... سكتي خلينا نطالع ................

مهاري : سعييييييد متروعه ....

سعييد قابض ايدها بالقو : سمي بالرحمن ويالله نزلي ......

مهاري : شكلي بطيح من عـ الدري الحين .......

سعيد : لالا مابطييحين .. انا قابضنج ... يالله مهور ...

مهاري تنزل شوي شوي ...........

سعيد : مهاري رفعي راسي الود تقولج خل يصورونج ويجوفنج الناس بلاج لا تخافين انا وياج ...

مهاري رفعت راسها وابتسمت غصب .......

اليوم يامهاري انكتبت لج حيااه يديده ...... اليووم خلاص ... ودرتي اسم " البنت " وبتستوين حرمه ... يااااالله يااا نفسي .. كيف حيااتي انقااادت ....... الله كريييم .......

شهد : وصفولي شكلها .... شوه تسوي خبروني .......

الود زاخه ايد شهد : ماشي مرتبكه وترتجف ... وسعيد قابضنها واظنه ينكت عليها لان شوي تضحك وشوي بتصيح ........

شهد : ع الكوشه هيه ؟؟

الود : احين بتوصل الكوشه .........

مهاري قطعه من القمر ... فستانها تصمييم وليد عطالله مستورد من لبناان ... فخم بدون اكماام ولا اياادي .. وحواليها كلها كرستاالات تمتد لين الرقبه .... الليتاات تنعكس ع الكريستالات الي امتد لين تحت الفستاان ويعطي لمعه فخمه ... والسلاسل والكريستالات نازله من شعرها لين تحت رقبتها ... والطرحه من نص التسريحه طاالعه .... والطرحه اطول من الفستاان توصل لاخر الممر ..... خفييفه بس اللمعان خباال .. وحواافها من فصوص محفوره خبال ...
بالنسبه للمكياااج ...

مكياجها كان احمر مع اسود ... وتحت الحوااجب ابيض لمااع ... وراسميين عينها بطريقه لوزيه حلوه ... مكبره عينها وباارزتنها وعااطتنه لمعه حلووه ... و ع عيينها اليمنى فصيين احمر وابيض .. يعني بكبرها تلمع وهيه تمشي ....... وبالنسبه للروج احمر فاااقع .. مزيدنها غروور ....

وللورده فهيي عبااره عن ورده بيضا كبيررررره ... في وسط الورده شرييط احمر شفااف انييق ... من اقتراااح الهنوف .. بغت لها استاايل خااص .. الورده كاانت روعه الكل تخبل عليها لان شكلها يدييد ومحلتنها ايد مهااري المحناايه ....... كان الحنا هندي قووي .... يعني دفش من الخاطر ... ولا يق ع جسم مهاري الابيض ...

هذي العرووس ................... وصلت الكوشه .........

باسها سعيد ع راسها ..... : الف مبروك مهاري .... تستااهلين الغاليه ....

مهاري :سعيد لا تروح .....

سعيد : فشله اوقف اهنه ..... لين متى يعني ..... خلاص بيوون خواتج الحيين ...

المصوره خذت لهم كذا صووره ....... وسار سعييد .......

محد يقول هذا عمره 15 سنه !! مااااشاء الله عليه ........ ولا حد يقول هذا فالثانويه ... الي يجوفه يقول 19 ولا 20 .. لان بنيه جسمه قووييه ... وعريض واايد .... واسلوبه مش شرات اليهال .. وايد ذرررب ......

ظهر وهو يبتسم حق خواته الي جافهن ع الدري يسووله بيباي ........... وطلع .......... متوجه لصالة الرييااييل ........

يلست مهاري ع الكوشه ... وطبعا كل حركه تسويها تأخذها المصوره ........

< مهاري .. ياربيه هاي نفس المصوره العصبيه مالت الملجه ... بتلعوزنا اليوم .....

تقربو خواتها منها .... شهد يلست حذالها وزخت ايدها .......

شهد مبتسمه : مهاري ....... الله يسعدج ان شاء الله .. بتوحشيني ... الحجره بتخلا عقبج ... بستوحش وجودج .... اتحملي من روحج ومن ريلج ...

الود مبتسمه : توا الناس انزين عقب بنوصيها ..............

واتيمعن الخواات كلهن وتصورن ......... تقربت اختهن من امهن .......

حصه تضم مهاري بقو : مبروووووووووووووووووووك ......

حصه 13 سنه ... وااااايد متعلقه في خواتها وودها تعيش وياهن ...

مهاري مبتسمه : حصوووووووووووووه جيه مااااتينا والله اشقتلج .... كبرتي وااااااايد .....

حصه : انتي بعد واستويتي عرووس !!!!

مهاري مبتسمه : عقباااالج ان شاء الله ..................

وتمو البناات وربع مهاري يرقصن .. وارتبشن واااايد ع الفرقه الربيشه ...........

دقاات قلب مهاري تزييييد خلاص استوت 11 ...... يعني هاا وقته في أي لحظه بيوون بيقوليلي ترا ذياب بيي ..

ندى تي صوب مهاري : العروووووس .....

مهاري ترتجف : سكتي دنوه بموت رعب .....

ندى : عيل لو اقولج ان ذيااب ياي الحين شوه بتسوين ......؟؟؟؟

............: يا بنات تغطن المعرس بيدخل .................. دخلوووووه ........

كلللللللوششششششششششششششششششششششش .................

واليباااب شل المكاان شل ............ الاغنييه كانت اهدااء من ندى لاخوها .......

هيه طلبت من شاعر يكتب له كلمات عليه وغنتها الفرقه بشكل رؤعه ,,,,,,

يمشي مبتسم ... يترقب حياته الييديده بتفااءل ,,,, وااايد مستاانس وفرحاااان .. يعد هالوقت عد ...

كلللللللللوووووووششششششششش ..................

باس راسها : الف مبروك ......

منزله راسها وبصوت يادوب ينسمع : الله يبارك فيك ....

وتم مجاابلنها ماطايع يوقف حذالها .........

ندى ترمسه : ذيااااااب سير اهنااك .....

ذياب حس ع روحه ووقف حذالها وزخ ايديينها ..... جافت عمها .... استغربت !! ابووييه ويين !!

بو احمد : الف مبروك يا بنتي ... تستاهلين والله يوفقج ان شاء الله ........... ( يكلم ذياب ) خل بنتنا في عيوونك .. ترا من انولدت حسها ما يعلى ولا يطلع ...

ذياب : لا توصي حريص ......

بو احمد : الله يوفقكم .......

وروح ........ ومن عقبه سعييد بااس راسها : احمدي ربج اليوم كمن مره بايسنج انا ..

مهاري تبلع ريجها بالغصب : ابوي وين .؟

سعييد بصوت واطي محد يسمعه غير مهاري : قلنا للريااييل انه تعبان وماقادر ينش من السرير عن تخورينها ... لانه مايا العرس ولا جفناه ..... وطلعت انا هالساالفه ....

مهاري دمعتها تنزل وتكلمه بنبره عاليه شوي .. ذياب يسمعها : لا ابو ولا ام !! حرام عليكم ..

ذياب تقطع قلبه ..... حس بروحه انهد مره وحده ... قطعت قلبه نبرتها ... واسلوبها اليااائس ...

حتى ما قدر يتم واقف يلس ............

سعييد يرص ع ايدها : ما نسدج نحن .......

سكتت !! ........

سعييد : مهوور خلج عااقله .. لازم بتوااجهيين صعوبات اول الايام .... وبتحسين انج مش طايقه العرس .. بس تحملي ..... ترا هاي حياه يديده علييج .. ولا تقولين ماعندج ظهر .. ترا انا اشلج بعيوني ...

مهاري تنزل دمعتها : تسلم .. فيك الخير .........

سعييد يسلم ع ذيااب .. ويوقف له ذيااب .........

سعيد : ما بوصيك اكثر ......

ذياب : هههه افا عليك انت خليت شي فالصاله اهناك .....

سعيد : غاليه علينا شوه نسوي .......

ذياب يمسك ايد مهاري عسبت يخوز توترها وضيجها ويرص عليها : وغاليه علينا نحن بعد ....

سعيد : الله يسعدكم ... يالله مع السلامه ..................

وراح ........

يلسو .......

بدت النااس تروح ....... والخواات يصيييحن ورا مايبون اختهن تجوفهن .......

وهيه للحين ساااكته .... دموعها تنزل ...... أي عرس هذاا ؟؟ إلي لا ام تحظره ولا ابو !!!

اه يا حظي الردي .... استغفر الله .......................

ذياب تجرب من اذونها : احم ... صوبنا ... عطونا ويه .....

ماصدت له نزلت راسها ... ومسحت بظهر ايدها دموعها ....

ذياب يعرف شوه فيها ويبا يغير السالفه : مهووره .......

مهاري ما صدت له .. : هلا ..

ذياب : لهدرجه خسف ما بتصدين تجوفيني .. ع فكره تراج ماجفتيني .. اليوم مش خسف .. وايد حلو ..

ضحكت عـ اسلوبه : هههههه .. لا والله ...

ذياب : هيه والله ارمس جد ... صدي جوفيني كيف وسيم ......

صدت له ...... وردت لفت ويهها ......

ذياب : تتصمخرين ... انا يوم جفتج تنحت ... تصدقين اكتشفت جد اني مش حلو ؟ لانج مول ما تناظريني ..

مهاري في خاطرها " من حلاتك اصلا ماقدر اجوفك " ..................

ذياب يقرقطها من خصرها : يلا عاد عطينا ويه ...

صدت له وقابضه ضحكتها : تتمصخر !! نحن في العرس .. شوه يالس تسوي ...

ذياب : شوه اسوي فيج .. مش عاطتني ويه .......

ابتسمت غصب : ههههه .. لالا حلو اليوم ...

ذياب رافع حياته : هاا ؟؟

مهاري زادت ابتسامتها :اقولك حلو اليوم ......

ذياب يرص ع ايدها بقو : اليوم بس ها ... براويج انا انتي بس تعالي قفص ذياب والله ماتظهرين منه ..

مهاري : لا والله ..

ذياب : هيه والله .......... وحشتيني يا حماره ... وحشتيني واايد .. 3 ايام حارمتني منج .. لا تسمعيني حسج ولا اشوفج .. زين ما جتلت رووحي .......

مهاري : شسوي هنوف و ندوي اختك قالولي لازم جي تسوين عسبت يشتاقلج وماعرف كيف ...

ذياب : يعني ندوي ورا السالفه ... تجوفني في البيت شال الدنيا وساكته وين بتسير عني ... وانتي عقلج " ياشر بايده ع شي صغير " هالكبر .. تصدقيين سوالفهن ......

مهاري ابتسمت : زين اسكت فضحتنا فالعرس نحن ......

ذياب : فالعرس وفالعرس .. محد عرس غييرنا !!

مهار ي : ههههههههههههه ... لا تضحكني اييه صدق بيقولون مخبل ...

الود من بعييد ترمس شهد : وااايد مستانسه وتضحك وياااه ... ان شاء الله يتوفقون وما يعذبها .وترتاح من الي جااافته في حياتها ........

شهد : اميين ...... وداوي يالله سيروولها ...

الود : يلا قومي ..

شهد : لا لا خليني وين بعبل عليج بعد .. خليني بحس فيكم ( تبتسم ) وصليلها بوسه حاره مني ..

الود مترردده : تعالي انزين ...

شهد : لالا وداوي .. يلله سيرولها وقصو الكيكه ...... وعن تقولكم هالمره بعد ماتحب الكيك ..

الود : ههههههههههههه .. بردلج وبخبرج كل شي بالتفصيل ..

شهد مبتسمه : اووكي ......

سارت الود عندهم صوب الكوشه ....... ولحقتها هنوف وندوي .....

ذياب يطالع مهاري : يو .. الله المستعاان ... اسمعي ترا الكيكه حلوه .. يبت لج مخصوصه بالنسكافيه شرات ماتحبين عسبت ماتضحينا فالتصوير ......

مهاري حطت ايدها ع شفايفها وضحكت ........

ذياب مبتسم : يااااا فديت هالضحكه انا .......

ندى : اويييه شو هاااا ولا جنكم معاااااريس .. احيد المعاريس يرتجفوووووون وحالتهم حاله ...

مهاري تطالع هنوف : ويين نوره ؟؟

هنوف تساسر اذنها : لا تبينيين شي .. ماتعرفين ابوي خلاها تبات عند اختها عسبت ماتي العرس .. مادري شوه ياه ......

مهاري سكتت ..........

ندي : يالله ذيااب نش عسبت تقصون الكيك ....

نشو الاثنين متوجهيين صوب الكيك ... كانو زااخين سيف من كبر الكييكه عسبت يقصوونها ...

ذياب قابض السيف ومهاري حاطه ايدها فوقه .....

ذياب ومهاري ينزلون شوي شوي عسبت يقصون لين تحت جان يهمس باذونها بكل رقه ..

ذياب : احبج ...

ورد ويهه ولا جنه سوا شي ... !! من ارتباك مهاري ضغطت ع ايده وااايد لين مااوخى وبغا يطيح ع الكيكه .. جان تنقع ضحك ع شكله هههههههههههههههههههههههههه ......

ذياب يطالعها : ماعليه .. انا الغبي الي ماهدييت السيف وخليتج تتوهقين ....

مهاري تطالعه : محد قالك تقول هاك الشي .....

ندى تطالعهم : شوه هاك الشي .....

ذياب : يالله ياالله حطيلنا في صحن وهااتي لا دخلين عصج في شي ما يخصج ...

ندى : حشى انزيييييين ...

وعطتهم الصحن ....

ذياب وهو يحط الشوكه بالكيك : استوي نذل وفي نص ما تدخل حلجج احطها في حلجي ..

مهاري تطالعه بتحدي : مااااتروم ...

ذياب بتحدي اكبر : تتحديين ...

هنوف : ايييييييييه لا تتصمخرووووون الناس تطاااالع شو تحدي ما تحدي ... اثنييتكم ترومون يالله اكلها ذيااب .....

ذياب : انزين انزين .....

وهو يجرب الشوكه يزيغها بنظراته جنه ما بيحطها في ثمها .. وهيه متوتره عن يسويها والناس تطالعهم .. اول ماجربت الشوكه ع طول بلعت الكيكه من الرعب وضحك عليها .....

ونفس الشي هييه اكلته .. وردت فعله شرات ردت فعلها .. لانه متوقع انها بتسويها بس الحمدلله ماسوت شي ...

ومن عقبها شربو العصيير ..... وردو يلسوو مره ثانيه .......

ام ذياب تيهم وتزغرط ...... وتمت توصييهم واايد .......

< مهاري .. مستحيل ... ياربي .. هذي هييه ؟؟ ... لا ماعتقد .. بلى والله بلى .. انا وهيه نفس النظره .. نفس نظره الحزن .... نفس نظره الظلم والقهر ,,, هذي امييه ياايه لين عندي ... الحين يا امايا !! الحين يايه ... ع نهايه عرسي ..........

مهاري تقوم وتصييح ...... وتحظنها ..........

ام الود : الله يسعدج يابنتي يا حشاشه يووفي .......

مهاري تمسح دمعتها : المفروض ازعل عليج واعاتبج .. لكن .....

ام الود تقاطعه : وربي ابوج عند بيتنا مش مخليني اطلع .... انا كنت اضارب وياااه واهزبه .. وهو معاااند .. عباله انكم انزفيتو خلاص ..... انا ييت وادعي انج تكونين موجوده .....

هنوف تلومت ..... لان ذياب سمع ..... شوه بيقول من البدايه العايله تجذب .. يقولون الابو مريض ومنوم وهوه وااقف ع راس امهم .......

اما ذياب ما كان جيه تفكيره ........ ابدا ً .....

< ذياب .. فديتج يالغاليه فديت روحج ... انتي شووه ياقلبي ! انتي مآآٍساه ... أي حياه عشتيها ... كيف بنت مثلج قدرت تصبر وتتحمل كييف .... مستحيل تكونين بشر..... والله انج ملااك .. انتي ملاكي ... بسعدج ومابقصر علييج ...... بعوضج عن كل الحرمان الي عشتييه .....

زخ ايييدها بقوو ... لفت له ودموعها تنزل .... حظنتها امها وتمت تترجا ذياب انه يداري باله عليها....

ام ذياب : ... يلا بنزفكم ...............

ابتسم ذيااب ... وسالت دمعه مهااري ......

مهاري في خاطرها " وين خوااتي .. جيه مش ويايه ؟ "

خواتها كانن منهارات مارايماات يقربن منها ................ ارتباكها وخوفها خلاها ترص ع ايد ذيااب .. إلي فهم عليييها وقوا قبضته ........

كللللللللووووووششششششششششششش ................ الللهم صلي وسلم عليييك ياا حبيب الله محمد ...... كلللللللللللللللللللللللللللللللللوووووووووششششششش شششششششششششششششششش ...

وعـ هالكلام صعدو فووق ...

ذياب مبتسم : وااخيرا .......

مهاري منزله راسها ........

ذياب يرفع راسها : شبلاج حياتي ؟؟

مهاري من دون ما تطالعه : ماشي .........

طق طق طق ...

خوز ذياب ايده ....... ودخلت المصوره .......

ذياب : ياك الموت يا تارك الصلاه ....

مهاري ضحكت مع ان ماكان ودها : هههههههههههههههههههههههههه

جد هالمصوره شوه بتسوي فيهم ... حشى اول مره حد جييه ....

ذياب : دخيلج هاي بتييب اخرتي ما بتخليني اتهنى ويااج يالله قومي قومي خل نتصور ونخلص ...

عااااد ذياب حركاااات ..... هو روحه مشتط عالتصوير والحركآآآآت الترتوووب الي تقوله المصوره يسويها ...

وكانو هالمره من الخوف يطبقون كل شي تقوله المصوره قبل لا تحتشر عليهم ...... حتى استغربت منهم بس طنشت ...... >> اخر زمن .....

ختمت التصويير .. بحرركه حلوه ...................

ذيااب يالس ع الكرسي .. ومهاري ورااه حااظنه رقبته .... وهو زااخ ايديها اليمنى ومقربنها من شفاته .. ويطالع الكام ..........

جـــــــــــــــــــــــــــــــــــــك ......

وخلصو .......

طق طق طق ........

الود تمسح دموعها : صحنا وايد وماوودنا نصيييح اكثر .....

ذياب حااول يبتعد شوي عسبت ياخذون راحتهم ..............

هنوف : بتوووووحششينا يالبطه .......

شهد الي ماسكه ايد الود : قربووني من مهاري ......

مهاري قامتلها وحظنتها وتمت تصيييييييييييييح من الخاطر وتدعي ربها يشاافي اختها ......

شهد تعلي صوتها : تحملي من ذيااااااب حطيه في عيووونج .....

ذياب مبتسم : اول حد يوصيها علي .. ما تقصريييييين .. شكلها ناويه تعذبني ...

يضحكون .....

هنوف : لا مهور شيخه ... يمكن اطنقر عليييك شوي بس طيبه بسرعه تنسا ....

ذياب مبتسم ويأشر ع عيونه : في عيوني لا توصون ...

وع هالكلام ......... ودعووها .......

دخلت ام ذياب بعد ...... وندى ........

ندى : يالله فكووونا .. وراااكم عفسه ....

ذياب يفج عينه لندى عن تقول شي ...

ندى الغبيه مافهمت : شوه !! جيه فاجلي عيونك ...

كلهم ضحكو .........

ام ذياب : مهره تبين تسيرين البيت ؟؟

مهاري : هييه ...

هنوف بخبث تطالع ذياب ...

هنوف : لا مايحتاي خالوه انا مزهبه لمهاري كل شي ....

مهاري مافهمت .. شوه كل شي ؟؟ شو السالفه .. بس طنشت .........

ذياب الي يبا يدارك السالفه عسبت مايخربون عليه المفاجآه ... : يالله نسير ....

وقبض مهاري من ايده وغطووها خواتها عدل ...........

ذياب يطالع امه : حمداان ياب سيارتي ؟

ام ذياب : هييه ....

ويطلعوون برع .......

ركب ذياب سيارته " اللكزس " وساعدو مهاري بالفستاان .......

ودعووولهم من الخااطر ...... وحررك ذيااب سيارته .........

مايدري باليووله الي تستوي ورااه ....

ذياب : تسمعيين ؟؟

مهاري : هييه .. اكيد راشد ولد عمي ...

ذياب : منو راعي هالحركات غيره اصلا ........

كان يدقق هرناااات ويسوي حركاات خلا الناس ترتبش ويااه .... كل حد يجوفه يكملون وياه ......

وسعييد عاد ما صدق واتخبل اكثر ....... لييين ما بعدو شويه ... خف الصوت ...... لين مانعدم .......

ولين الحين السكوت عااايم امبينهم ..........

ذياب متوتر .. عيل هييه كيييف !!!!!!!!!!

ذياب : ممم ... ما سالتي وين ساايريييين .......

مهاري من دون لا تطالعه : وين سايرين ..

ذياب يزخ ايدها : جييه من دون خااطر !

مهاري : مم لا عادي ...

ذياب : امممم بنسير فندق ادميرال بلازا الحيين ... بخلييج ترتااحين اهنااك شوي .. وتبدلين ملابسج .. وبنيلس 3 ساعات وعقب بنسير المطار ....

مهاري تطالعه : وليش ماخليتنا في البيت نرتااح وعقب ييينا المطار ...

ذياب عاقد حياته : وافوت هاللحظاات عليه ! اسف ماقدر .. خلاص قلتلج من ادشين قفص ذيااب ماشي طلعه .. متولع فييج ماريد فرقاااج ... كل لحظه ابا اعيشها ويااااج ......

مهاري سااحت .......

< ياربيه اذا تم جيه يرمسني دوم انا بستخف ... واااااي خلاص تعبت وانا استحي ...

ذياب : انا حليلي محد يقولي كلام حلو .........

مهاري ابتسمت : يحليلك ....

ذياب : انزيين وين بتسيرين تراج الا ويايه ....

مهاري : ..................

وعقب سكوت طويييييييييييييييييييل ......

مهاري : ويين بنسافر ؟؟

ذياب يطالعها وشكله متملل : الحين سالتي .... انتي مضايجه من وجودج وياايه ؟؟

مهاري بأندفاع : لا ..

ذياب بنص عين : اكيد ؟

مهاري : هيه اكيد .....

ذياب : انتي وين كان خاطرج نسافر ؟؟

مهاري تطالعه : ايطاليا !!!!

ذياب مبتسم : وما بخلي شي في خاطرج ........

مهاري تبتسم : جد والله !!!!

ذياب : هيه والله....... لهدرجه تحبينها .........

مهاري : هييه واااايد .. وايد اقرا عنها ...

ذياب : زين بتنفعيينا اهنااك ........

مهاري :افا علييك ......

ذياب : لا والله حافظه يعني ....

مهاري بتوتر : اممممم مش حافظه بس عندي خلفيه ......

ذياب يبتسم : لا تخافين انا سايرنها مرتين .....

....................

ذياب : ما بتساليين ليش ؟؟

مهاري : ليش ؟

ذياب : مره ويا ربيعي ومره مودي ندى وامييه ...... دنوه شراتج عاشقه ايطاليا .....

مهاري بتعب : باجلنا وايد لين نوصل ؟

ذياب : لا خلاص وصلنا ..... ( ياشرلها ) هذو الفندق ......

مهاري :.....

ذياب : تعبتي ؟

مهاري : هيه ناشه من الصبح .....

ذياب : عيل الله يعيينج ...... انا كل يوم بنششج الصبح ....

مهاري تصد له : لاوالله .......

ذياب متجااهل نظراتها وباصرار : هيه والله ....

ماعلقت ......... وهو بعد بركن السياره وعـ طول يوهم يشلون شنطهم ..... وكان كل شي مرتب مثل ما مزهبنه ذيااب ...........

5 دقايق يلست فالرسبشن ... وعـ طول ياها وقالها : يلا ........

وصعدو غرفتهم .............

ماكانت غرفه !! .. كان سويييت .........

والله ذياب متفنن ..... شحقه هااااا كله الحين ..... بنيلس الا كمن ساعه ... بس احسن عشان اخذ راحتي ..

ذياب عقب ما سكر الباب .............

ذياب يطالعها بخبث : وجااااان نتم رواااحنا .......

مهاري مبتسمه : ههههههههه ذياب لا اتم تطالعني جيه ... يالله اظهر خلني البس .....

ذياب مبتسم : حلو الفستاان خلج علييه ... بتم اجووفج فيه .......

مهاري : لين متى .....

ذياب : بعده وقت .... " يطالع ساعته " الحين الساعه 2 ... الساعه 6 ونص طيارتنا .....

مهاري : وبتخليني جييه لين 6 ونص !!

ذياب بتفكير : امممممممم لا لين 6 ...

مهاري تضحك : هههههههههههههه لا تستهبل ...

ذياب مبتسم ويتقرب منها وييلس ع نفس الغنفه الي هييه يالسه عليها ....... يقرصها من خدها ......

مهاري :آآآآآآآآآآي ...

ذياب : ابا اتاكد حلم ولا ...

مهاري تقرصه : المفروض انا الي اقرصك عسبت تعرف ان كانك تحلم ولا ...

من حطت ايدها ع ويهه غمض عيينها وشق الحلج ...... وهيه من جافت شكله جيه انطرت ضحك .. عاد شوه بيسكتها ........

ذياب متلوم : والله حماره تدرين .....

مهاري ماقادره تسكت ........... : انت جفت شكلك ههههههههههههه ...

ذياب : ماعليه .. شسوي ماستحمل أي شي تسوينه .. هاي يزاتي احبج .......

سكتت ......

ذياب وهو مبرطم : شبلاه شكلي هاا ... خسف بعد ؟

مهاري تبتسم : لا حلو ماشي منك ......

ذياب : ........................

مهاري : بس عاااد والله مااقبض روحي يوم اضحك ......

ذياب : .........

مهاري : ذيااااااااااااااااب.........

ذياب : ياااا روح ذياب ... اكسر التلفزيون ع راسي ؟؟ امريني انتي بس .؟ اعق روحي من فووق ؟؟ لا تقولين ذيااب جيه تذبحيييني تراااج ......

مهاري بحيا : بس عاد ...

ذياب يتقرب منهااا ويزخ اييديينها ويقومها من الغنفه : شو الي بس عاااد .. والله لاسوي الي ماسووه جااك و روز والله ....

مهاري مبتسمه اكثر : خبله ...

وذياب مبتسم : مش اخبل عنج ....... يالعاقله .....

نزلت رااسها لان تقرب منها واايد ..... حب رااسها وحظنها.........

حست بحناااااااااااانه .. واااااايد حنوووون ... واسلووبه ذووووق من الخاطر ورااقي .... ماتوقعت هالانساان جييه .... من شكله مغرور ويخوووف واااايد .... واكبر عنها بـ 9 سنيين بس هو كاسر هالشي .. رومانسيته وحناانه تخبل بالوااحد ........

ذياب : آآخ .. شوه هذا ....

فص من فصوص الفستاان قرمشت ايده .......

ابتسمت ... وخاازت عنه شوي .. وردت يلست ع الغنفه ..... مابغا يضغط علييها ... يلس ع السرير ومجااابلنها .. ومبتسم وساااااكت ..........

مهاري : ذياب خلاص عااد والله بطييح الحين ...

ذياب : بشلج ... يالله طيحي ....

مهاري : ياربيه .........

ذياب : تدرين شوه في خاطري ؟؟ والله خاطري اسكر حلجج واربطج واتم اطااااالعج بدون حشرتج ...

مهاري : ههههههههههه حرام علييك ..... بعذبك .... بيلس اصيييح ......

ذياب : بضحك عليييييج بقولج ياليااهل واككككك .....

برطمت مهاري .....

ذياب مبتسم : لاتتحديني فالرمسه مره ثانيه ........

مهاري بدت تضايج من الفستاان .. وكل شوي تعدل في مكاان .. حس عليها ذياب ... كيف ما يحس وهو مجابلنها ويطالع حركه حركه تسويها ....................

ذياب : اممم بتبدليين ؟؟

مهاري : هييه ... صح بسألك انته متفق ويا امنوه من خواتي ؟

ذياب مبتسم : كلهن .. افا عليج بس .. عيل تحرميني من شوفتج وصوتج 3 ايام ماستحملت كنت اتصل ارمس وحده فيهن ويسمعني صوتج ... خبلت بهن .... ههههههههه .. واتفقت اكثر شي ويا الود هيه الي رتبت اغرااضج .. قلتلها تسويلج شنطه صغيره للفندق وشنطه للسفر ......

مهاري : اهمممممممم اجوفها مشتطه تقولي انا برتب عنج ....

ذياب : افاعليج ريلج خطير .........

مهاري مبتسمه : زين يا خطير اظهر عسبت البس.....

ذياب فاج عينه : يعني بترومين ع الفستاان هذا روحج ؟؟!

مهاري : هييه ......

ذياب : ما بتروميين ..

مهاري : انزيين اظهر وجوف اذا بروم ولا ......

ذياب مبتسم : اوكي هههههههههه .. بنجووف ..

وظهر من الحجره وقبل لا يظهر يقلد ع صوتها : " ذياااب بليز تعال والله ببلييز ماقدر افجه " بنجوف جان ماخليتج تقولين جيه ....

تبتسم له وظهر .... سارت قفلت الباب ......

< مهاري ...... وااااي عسبت جييه هو قال مابروم ..... لان الفصم كلها ورا وانا مابقدر ... الذكي .. لكن ماعليه بحاااول ..... ياااااااااربيه ما ينفج ..... بصيح ..... افففففف ...

تمت متضايجه وااااااايد ..... قهررررررر .. يعني لازم ازقره الحيييين .... مابا مابا .....

تمت يالسه ع السريير ربع ساعه ....... عقب ملت ......

عااادي خل اقوله .. شوه يعني ؟؟ بيطنز عليه خل يطنز بس تمللت من الفستاااااان ...

بطلت باب الحجره .. وطلعت ما جافته ... تمت تمشي فارجاء السوييت جنها ملكه ... ويا فستاانها الفااخر هذا .. شالتنها بايديينها واتدووور ......

يوم ماحصلته .....

مهاري برعب : وين سار !!

ذياب : وراج ...

مهاري صرخت .. ونقز ذياب وراااها ..........

مهاري : رووووووعتني .......

ذياب بعده نااقز من الصرخه وتاام امبطل عينه وساكت .........

مهاري : ههههههههههههههههههههههههههههههههه .......

ذياب : انتي دومج جيه ..... حشى بغيت اروعج روعتيني !!!

مهاري حايسه ثمها ........

ذياب بمكر : هاااااا ...... بعدج بالفستان عيل ......

مهاري : انته اصلا غشااش جفت ان الفصم وراا وعرفت اني بتوهق ومابقدر افجه ....

ذياب رافع حياته : والله فستاانج ؟؟ كيف ماتعرفيين اذا فيه ولا مافيه .....

مهاري : شعرفنيييه هم لبسوووني ........

ذياب عاقد حياته : منو هم ؟

مهاري : خواتي ...

ذياب فاج عينه : وجاافو جسمج ......!!

مهاري في خاطرها " شوه هالسؤال السخيف " ......

ذياب زااخ ايدها : مره ثانيه محد له الحق سمعتي .......

مهاري توهقت وانحرجت وااااايد ........

ذياب الي ابتسم : انزين يلا قولي ....

مهاري تطالعه : شو اقول ....

ذياب يضحك : ههههههههههههههههههه ماقلتلج بتحتاااجيني .. يلا ترجيني .....

مهاري مبرطمه : بتذلني يعني ....

ذياب : اقولج حفظت حركات دنوه هذي .... يالله قولي قولي بسرعه .......

مهاري بدووون نفس : ذياب بليز ساعدني فالفستااان ..

ذياب بخبث : آآٍسف .. على بالج مقصه انا ؟؟ بوسي رااسي .........

مهاري فاجه عينها : ذياااااااااااااااب ...

ذياب : على بالج بقولج ياروح ذياب هههههههه لالالالا بوسي راسي قبل .....

مهاري : ياااااااربيه .....

ذياب : جوفي انا مش فااارقه ويايه انتي الي متلعوزه ......

ذيااب نزل راسه شوي عسبت تطوله ... وحبت راسه بسرعه ......

ذياب ياشر ع خده : واهنيه بعد ...

مهاري مغيضه وتبوس خده .........

ذياب ياشر ع خده الثاني : واهني ..........

مهاري " بجتله بجتله " ...... وحبت خده الثاني ....

ذياب بخبث وأشر عـ ....... : واهني ......

مهاري فاجه عيينها : خوووووووز عني مابا شي منك .....

ذياب يقبض ايدها : هههههههههه تعالي تعالي ...... فديتج العوزج وربي .. وبعديين " بخبث " ريلج انا حلالج .. وربي ماهدج في ايطاليا ... اخليج جدام الناس تصارخين تقولين احبك .. واخليج تبوسييني واناا لايع جبدي اقولج فجي فجي ......

مهاري بعدها مغيضه وماردت عليه ...........

ذياب : زييين زين اسف حقج علي ..... " يبوس راسها "

ويشبك ايدها بايده ويدشون الغرفه .......

ذياب : تفضلي سيدتي .........

وتيلس ع الكرسي الي جدام التواليت .........

فج التسريحه باحتراااااااف ..... كان سريع بدرجه فظيعه ماشاء الله عليه .....

ذياب مسحور من شعرها : مهاري شعرج طوييل واايد !!

مهاري تطالعه من الجامه : هيه ليش ؟

ذياب : سمعت اميه تقولي .. والحين اجوفه والله انه .. مافيه طول ..

مهاري تبتسم : من الاسبرييه والتسريحه وفيه رول .. طبيعي بيظهر صغير ...

ذياب عاقد حياته : احين تسبحيين ابا اجوفه مايخصنيه ... ماتحطين هالمواد في شعرج ..

مهاري : زين ماحط انا الا فالملجه وفالعرس ......

ذياب طنش ...

وكمل بطل بااجي الفصوص الي في شعرها والطااووس العود المرتب بشكل انييق .. وعطاها اياها ..

ذياب : زين قومي كيف بفج الفصم .....

مهاري بتوتر........ قامت ...

ذياب تم مبتسم ويطالعها من الجاامه ويبطل الفصم ... مع انه في خاطره يجوف لكن ماحب يوترها الحين .. يباها تتاقلم عليه .. فتم يبطل من غير ما يطالع ... كانت تبتسم له وهيه تجوفه يطالعها من الجامه ......

وعقب ماخلص نزل راسه وسار لين الباب : سبحي خوزي هالمواد عن شعرج .. ولبسي شي خفيف جان تبين ترقدين واذا ماودج ترقدين لبسي من الحين حق المطار ........

وظهر عنها متوجه الغرفه الثانيه حط راسه يفكر شويه .................... ورقد .......

اما مهاري سبحت وبطلت شنطتها ..... زيين ان هنووف راعتني مش محطيه اشيااء فظيعه ..

لبست لها جلابيه طوييله الكم ... زهريه .... خفييفه واايد ... ونشفت شعرها المبلل .... وحطت دهن العود .. وطلعت برع الحجره .... ماجافته .... وحست بهدووووء فظييع .....

السوييت وايد كبير ....... تمت تتمشا وعاايبنها المكان ..انتبهت للغرفه الثانيه ...... شافتها مبطله .. وايقت جاافته راااااااااقد من خاطره .. حليله اكيد تعبان ... خله يرتاح شويه .........

دخلت الحجره لان الجو حر ... وشغلت له المكيف ... ماعرفت كيف تغطييه !! لانه مش راقد عدل ... شلت الشرشف شوي ... وغطته ..... تقربت منه .. سمعت نصخه لانه مول ماتحرك ووايد خاافت ..... شم ريحتها ..... وااافديتها ياربي ... ابا اكلمج ابا اجوفج بس ......... تعبان ,............

باست بين خده واذونه .... وسكرت باب الحجره وظهرت .............. سارت الحجره الي كانت فيها ... الحين هاالفستاان وين بخليه ؟ ... جاافت اكيااس في الكبت .... حطته فالكيس بشكل مرتب ... وردت دخلت عطورها .. شلت مباايلها اتصلت فالود ... وقبل لا يرن بندت ....... الساعه 3 ونص اكييد رااقداات ....

حطت راسها هيه بعد وماحست بروحها الا وهييييه رااااااااقده من الخاااطر ............

افتكريلي أي حاجه كانت حلوه مني .............

مش حـقرح تاني أللبك ....... حبيبي خلاص سامحني ...............

انا مش عاارف ابعد عنك .... انا مش عارف حتى اعيش .......

وألي تعبني بحبك اكتر ....... وانته بعييد وما بتشوفنيش .................

معقول قادر تسبني ؟؟ وفراقنا سهله عندك !!

عديهالي عشان خاطري .......... خلاص سامحني ...............

حبيبي في بعدك والله ما بيعدو ...... انا ايه خلاني اخترت البعد !!

وانا والله مش أدووو ...........

احمد يتنهد : ع العوق يا تامر ..... آآخ والله مش قد البعد... بس غصبن عني ... اريحلج واريحلي .. نكون بعااد ... ونتفارق بلا ميعااد ... ونترك بعضنا ارحم ........ !!

...............................

شهد : احمدووووووووه ......

احمد يضحك : هاااا شهاادووووه

شهد : والله اكرررهك اكررررهك يوم تكلمني جذه ....

احمد : انزين خلاص خلاص ..... يالله براحتج باي .......

شهد : تعاااااال ... والله احبك امووووووووووووووووووت فيك ......

احمد يتنهد : شهووووووووود بي بخطبج خله ابوج يردني بعد عاادي ماقدر ...

شهد : ما بيردك شرااايك نشرد .........

احمد متحمس : هييييه هيه يالله .. جوازج عندج ؟؟

شهد : لا عند الود بس عادي ما بتقول شي ........

احمد : شهد تتكلمين من صدقج ؟ ترا هالسوالف مافيها مصخره !!

شهد : وانت زاااهب ؟؟

احمد : افا عليج وربي ازهب لج عاااادي عندي الا شهد وحده عندي .. لو تبا عيوني اجلعها واعلقهن عند باب حجرتها ......

شهد : واااه منك هههههههههههه ..

...................

هنوف : وداوي رقدتي .......

الود : ..............

شهد : انا ما رقدت ...

كانن كلهن راقدات في الحجره الي كانت مهاري راقده فيها ...... لانها اكبر حجره ... وفيها سرييير كبيير .. وغنفة كبييره يقدر الواحد يرقد فيها ......

هنوف كانت ع الغنفه ....... و شهد والود فنفس السرير ..............

هنوف : شي يعورج ؟ جيه مارقدتي ؟؟

شهد : افكر في مهاري .... شوه تسوي الحين ....

هنوف : شوه تبينهم معاااريس .......

شهد : زين سكتي عسبت الود ترقد ... حليلها تعبت اليوم .......

هنوف : وانتي ارقدي بعد ........

شهد : ماعليج برقد .........

وفي خاطرها " أي رقااد اذوقه وانا ماعرف شوه حالتك ياحبيبي ... شوه حالتك يا نبض قلبي .... اكيد تعباان .. اعرفك والله اعرفك .... ان شاء لله تكووون بخير ..... احبك تسمعني ...... احـــــــــــــــبك "

احمد " احبج شهوووود احبج ......... والله احبج وقلبي ما بينبض لغيرج " .........

فتح ذيااب عينه وهو يحس بالراااحه .. ما شبع رقااد بس بردااان واايد .......

تمدد شوي وجااف الدريشه ..... الشمس ساطعه ......

نقز بسرعه وجاف الساعه ... 7 الصبح !!

فااااااتتنا الطيااااره !!!!!!!!!!!!!!!!

قام بسرعه ...... وخذا تلفونه واتصل المطار ............

تم يرمس بالانجليزي وارتاااح ................

بس بعد ماشي وقت ........

قام من سريره تغسل بسرعه .... وصلى لانه ما صلى فرض الفجر .... وطلع من الحجره ...

يدورها ...... اكيد راقده !!

دق البااب ...... جافها متكووره ع روحها وراقده شراات اليهاال ... حااظنه المخده وتعبانه فرقادها ...

تم يتأملها .........

مش وقتك يا ذياااب ما باجي شي ... الحين كيف بقومها .. حرام ....

يلس ع السرير .. وتم يجوف شعرها .. استخف .. تخبل .... عوقه الشعر الطويل .. لا وليلي وناعم ياويلي ... شل خصلات من شعرها يبا يجوف طوله ع جسمها ... استغرب وهو يمده اكثر واكثر .. لين ماحست عليه ...

وفجت عينها ... ع طول ابتسم ....... وابتسامه عريضه : صباح الخير .......

مهاري : صباح النور ...

مهاري قامت شوي شوي ويلست تتمدد وهو مبتسم عاايبنه شكلها .........

تحرك راسها يمين يسار تنقع رقبتها .......... ورفعت ايدينها الهنتيين لاخر حد لين ما طلع منها حس : آآآخ ..

ذياب: قطوه ..

مهاري ابتسمت .......

ذياب : حبيبي جوفي الساعه ...

ويراويها ساعته ....

مهاري شهقت : اوييه !!

ذياب : حمدي ربج ... اني كنت مخربط ... الطياره الساعه 8 .....

مهاري : امم زيين ..

ذياب يشل الخصلات الي طايحه ع ويهها ويحطها ورا اذونها : شو زين يالله قومي زهبي ..

مهاري : وانته بعد قوم ازهب ...

ذياب : عقب ما تزهبين تعالي انتي زهبيني سمعتي ...

مهاري : لا تدلع عاد ....

ذياب : بدلع .. بتزهب ع ايدج ...... " شل ايدينها الهنتين وحبهن " : يالله غلايه قومي ماشي وقت ..

تم يتأملها وهيه تمشي .. شلت فوطتها الورديه الصغيره وياها ودشت تتغسل ..... طلعت صلت بعد ... وعقب لبست لها بنطلوون بني غااامج ساده ... و قميص ازرق فييه حزاام بني ... لبست عبايا مسكره ...
ولبست سكارف بني ... تجحلت بجحال ازرق .. فوق عينها وتحته ... حطت بلاشر خفيف ... وقلوس شفاف .. وتعطرت وظهرت ........

كان يالس يتريق .....

ذياب من غير ما يصد : تعالي تريقي ... توه خليتهم ييبوون " واطالعها وسكت " .....................

مهاري تفاجات من سكوته ........ : بسم الله شوه بلاك .....؟

ذياب وقف والتعجب ع ويهه : كل هذاا " وياشر عليها من فوق لين تحت " ملكي انا ؟

ابتسمت له بحيا : لا تباالغ عااد .......

ساار صووبها وزخها من ايدييها .. ومشااها لين طاوله الاكل ......

بعد الكرسي عسبت تيلس : تفضلي مدام ......

ابتسمت .....

ومن عقبها جدم كرسيها وااااااييد ..

مهاري :ذياااااب واي بختنق ......

ذياب : من جمالج سحرتييني .....

ورد يلس مجاابلنها......

ذياب : فدييت هالويوه الي الناس تصبح بها ......

مهاري : ..................

ذياب يزهب لها لقمه ويمدلها اياها بايده ......

مهاري بحيا تااكل ...

ذياب : يالله دورج ......

سوت شرات لقمته بس بطريقه احلى وارتب ...

ولقمته ..

ذياب مبتسم : الله لا يحرمني منج ... يعلني ماذوووق حزنج غلايه .. قولي امين .....

مهاري بصوت واطي : امين ..........

وتريقو ............. وعقب الريوق ......

ذياب : يالله تعالي كشخيني ...... " يطالع ساعته " عندنا نص ساعه يادوب نخلص .. يالله ..

سارت وياه ... طلعت له بنطلون جيينز .... وقميص احمر كت ...

ذياب يطالعها : تبين تموتيني برد ...

ابتسمت وبدلت القميص بواحد اصفر مخطط بازرق .... وكمه طويل .....

ذيااب .. وهييه يالسه تطلع له القميص لبس الجيينز ......

واايد ماخذ عليها الريال ......

ويوم صدت جافته لابس الجينز ومبتسم .....

مهاري : ماشاء الله لحقت ....

ذياب : عيل شراتج ساعه .....

مهاري ابتسمت وعطته القميص ....

ذياب : ساعدتج ولبست البنطلون يالله لبسيني انتي القميص ولا تعارضين لانه ماشي وقت ...

مهاري لبسته ... وعدلته من تحت ....

سحبته لين الحجره الي فيها اغراضها وهو متونس ... عطرته وحطت له دهن العود ... وسحت شعرره ..

مهاري : تناافس شعري .. شله مطولنه هالكثر.

ذياب يبتسم : البنات يحبن الشعر الطويل ...

مهاري : ياحبك للبنات ...

وهيه تسحي شعره ومجاابلتنه حب يبتها ...... : ماحب غيرج ...

مهاري : ...........

ذياب : لو تبين اقصه الحين بسير .....

مهاري مبتسمه : لا اسولف وياك مش طويل وايد ....

ذياب : ..........

مهاري تطالعه وحاطه ايدها ع خصرها ....... : مااشاء الله عليه ...

ذياب : عن الخقه ههه ... انا حلو اصلا ما يحتاي تعدلييني ....... يالله حبيبتي جان زاهبه نسير ..

مهاري : امم اغراضي ؟؟ الفستان وين اخليهن ؟؟

ذياب : في سيارتي .. سيارتي بخليها فالمطار ... وين اغراضج ؟؟

اشرت له ... وشل الشنطه عنه وهيه شلت الكيس .. بس يراه من عندها وخذاه ....

شلت هاند باقها ... وظهرت وياه .........

نزلو تحت ... في عيون تناظرهم وتبتسم ... ينعرفون معاريس ............

عـ الساعه 8 بالضبط وصلو المطار ..........

اول ماوصلو سمعو نداء طيارتهم ......... ع طول خلصو الاجراءات وسارو ......

ويوم ركبو الطياره ........... ووصلو صوب مقعدهم ......

ذياب : وين تبين تيلسين ....

مهاري : عادي أي مكان ؟

ذياب : قولي وين في خاطرج يلا ...

مهاري : والله عاادي ....

ذياب : اكيد عند الجامه يالله دخلي ...........

دخلت يلست عند الدريشه وهو حذالها ............. ربطو الحزاام ......... وارتفعت الطياره فيهم ........

يايه بتشغل التلفزيون بس قبض ايدها ........ : اسف ما تشغلين شي ... اشغلي وقتج فيني مش في شي ثاني ..

ابتسمت له : لا والله ... طول الوقت .....!!!

ذياب : هيه ... كيفي .. طبعي تملكي !! لي وبس ...

ماردت عليه .........

ذيااب ينسدح شووي ويطالعها : زيين مهوره خبريني عنج .....

مهاري : شوه اخبرك ؟

ذياب : أي شي عنج ....

مهاري تهز راسها :ماااعرف اسالني وبجاوبك .........

ذياب : اسالج أي شي بتجاوبين بصراااحه ؟؟

مهاري: هيه اكيد .......

ذياب بابتسامه عريضه : تحبيني ؟

مهاري تفاجات من سؤاله : هاا ؟

ذياب : شو هاا .. تحبيني ولا ......

مهاري مبتسمه : ارتااحلك .... واعزك ....

ذياب يسكتها : اشش ... اهم شي ترتااحيلي ... وان شاء الله بتحبيني شرات ماا انا " يبتسم " اموت فيج ..

سكتت .......

تمو يسولفون عن الحيوانات وعن السفر وعن الجن ......... وطبعا عرف عوقها تخاف من سوالف الجن ... من طراااالها سالفه وهيه تزخ ايده وهو يزييدها وهيه ميته تتلصق فيه اكثر ..........

ذياب : تخيلي وعقب اكتشفت ان اصلا محد فالحجره ........

مهاري فاجه حلجها : عيل منو الي كلمها ؟؟

ذياب : بو حرفين .........

مهاري : يمااااااااااه وييييييه ........ " مسكت ايده " خلاص خلاص مابا اعرف شي ..

ذياب : صبري عيل بخبرج سااااالفه محمد ..

مهاري : محمد منو بعد !!!!!!!

ذياب : هذا الله يسلمج وااحد من الربع ......

مهاري بتوسل : ذيبوو خلاص بس ماريد اعرف حرام عليك ......

ذياب مبتسم : ذيبوه بعد ؟ تبيني اطيح الطياره الحين ......

مهاري :: ههههههه اسميييك انته .....

ذياب : معشوووقج ... مجنوونج ....

مهاري تدز ويهه بعيد عنها : بس عااااد .. اصطلب ....

.........

..............................

ذياب : حياتي ... نشي لبسي الحزاام .... بتنزل الطياره ..........

مهاري الي حاطه راسها ع جتف ذياب .....

خوزت راسها بحيا ولبست الحزام ............

ذياب من عقب ما لبست الحزام قبض ايدها : وحشتيني .. سبااله ما بغيتج ترقدين بس كسرتي خاطري ..

ابتسمت له .... وهبطت الطياره بقوو ......

مهاري قوت قبضتها عليه : اااخ .... راسي ....

ذيااب : اسم الله عليج ......

مهاري : راسي يدور ...

ذياب خلاها تتسااند ورفع رااسها .....

عبق ما ريحت فتره .......

مهاري ابتسمت : احسن الحين يالله ننزل بجينا نحن .....

ذياب : ترومين تمشين ؟

مهاري: هيه اروم ؟

ذياب : اكيد ما تبيني اشلج ؟

مهاري: ههه لا ما يحتاي ....

ذياب: يلا عيل حياتي ...... وقبضتها وتشاابكو وظهرو ........

وااااااااااااااو الجو بدييييييع ......... اول شي وصلو ميلاانو ....... في انتظارهم باص .......

وصلهم البااص ... وفي نص الدرب .. وقفه ذيااب ودفع ونزل ويا مهاري ...........

مهاري : ليش ؟. مافيني حيل امشي .......

ذياب : جريب الفندق .......

مهاري : واغرااضنا ؟

ذياب : ماعليج انتي كل شي بيوصل لين غرفتنا ........

ذياب حاجز في فندق سترااف .... قمة في الاناقة والروعه .........

دخلوو الجنااح الي حاجزنه ذياب ......... ما تعبوهم ... عطول صعدوهم وشوي ووصلت اغراضهم .. يعني جد كل شي مرتب ........

الجنااح عباره عن غرفتيين ...... كبااار ..... وحده فخمه زيتونييه مع صفراء .. والثانية بييج مع بني غامج .. والصالة كاانت كبيييره ... وفيها بلكوون اطل ع شواارع ميلان .......

وصلو الفندق عـ الساعه 3 الظهر محد كان فيه حيل يظهر ...... يلسو فالصاله كل واحد طاايح ع غنفه ...

ذياب: نتغدا الحين ؟؟

مهاري : ماشتهي احس بلووعه واريد انام .......

ذياب : زين انا بنزل تحت بطلع المكاان وجييه ما بطول .....

مهاري : اوكي ......

ذياب : وبناخذ لنا رقم بعد عسبت تتواصلين ويا خواتج ...

مهاري مبتسمه : زين تحمل ع عمرك ......

ذياب: يييج رااااي ...... يالله تعالي ويايه .....

مهاري :لالا والله اني ماقدر ....... خلها بعديين ...

ذياب : مممم ما بطلع بدونج ......

مهاري : ذيبووه والله ماقدر ......

ذياب يبوز : زين ......

ويمشي بسرعه ..... ظهر من الشقه .......

حاست ثمها ....... تلفونها يرن .... ردت بسرعه : الوه ؟؟

هنوف : مهوووووووووووووووووووووور اشتقنااااااااااالج والله ..شحالج شخبارج ..؟

مهاري وهيه تطالع الغرف : الحمدلله تونا واصلين ميلانوو ... انتو شحالكم ؟؟

هنوف : والله كلنا بخييييير ...... وحشتيييينا مكاااانج خالي ... مرتاااااحه ؟

مهاري : وااايد ماتتصورين كيف ذيااب ذويق ويايه .......

هنوف : الله يسعدج حبيبتي ..... هذي الود تبا ترمسج ........

ورمسوها الود وشهد .... ووصوها ع روحها وع ذيااب وبندن ...............

اما مهاري كانت ناويه ترتب شنطتها وشنطت ذياب .. لكن مجرد ما فصخت العبايا انسدحت ع السرير ورقدت ...................

فجت عييينها تحس بثجل غريب ..... تحركت شويه من ع السرير جافت ايد ذيااب ع رقبتها شوي وبيزغدها .. شكله مش حاس ...

حاولت تخوز ايده بس قوته اكبر رفع ايده بدون قصد لين ويهها .... فعطااها بكس من الزين ....

مهاري : آآآخ كسرتني ..... كسرت ويهي ,.

ذياب يفج عينه : اسف .................

ورد غمض ....... ابتسمت ...

خوزت ايده هالمره بهدووء ........ و نشت ... الساعه الحين 10 في الليل .. شكلهم رقدو رقاااد عدل ...

يايه بتنزل من ع السرير المرتفع زخها وبصوت تعبان : وين ؟

مهاري برجفه : فيك شي ؟

ذياب يسحبها : خلج وياي ..............................................

.

.

.

.

.

مهاري بخوف : ذياااااااب .. لااااا ... قوم عني ..... قوووووووم ..........

ذياب برعب اكثر : شبلاج حياتي ؟؟ شفيج هدي هدي ..........

مهاري تيلس وترفع ايدها ع شكل تهديد : لاء ...

ذياب : ليش ؟ انا زوجج !! انتي شريكت حياتي !!

مهاري : قلتلك لااااااء ......

ذياب مبتسم : الي يريحج ... انتي هدي الحين ....

مهاري تمت تتناافض .....

ذياب قام ويبالها مااي .. وداالها اياه ....... خذته عنه وشربت ......

ذياب منزل راسه ويلعب بحافه السرير ........

.

.

ذياب من دون لا يطالعها : ما تبين قربي ؟

مهاري بارتباك : ماقدر .. مش الحيين .....

ذياب يطالعها : بسالج سؤال جاوبيني بكل صراحه ....

مهاري : ..........

ذياب : اسال ؟

مهاري تهز راسها بمعنى هيه ......

ذياب : انتي مغصوبه عليه ؟

مهاري بارتباك سكتت .......

ذياب مبتسم : يعني مغصوبه عليه ؟

عقب هدووء ......

ذياب : انا كيف مافكرت فيها ؟ انقطااعج عن الدراسه ... وحنتج وشغفج انج تكملين عقب الزوااج .. و اسلوبج .. وطبعج اول الايام .... يدل ع شي واحد بس ..... انج انغصبتي عليه ...

مهاري تغمض عينها .. تحس انها بتهدم كل شي حلو .......

مهاري : مش مغصوبه ... بس ....

ذياب يطالها مبتسم يحسسها بالراحه ..: رمسي قولي .......

مهاري : اخاف .... خايفه ....... خلني اتعود عليك اكثر ........

ذياب : يعني ؟ ما نغصبتي عليه .؟.

مهاري : لاء ... لا تفتكر اني مش غالي .... اناا وايد ارتااح لين اكون وياك .. واستاانس ... وجفت السعااده الا يوم اكون معااك ..... تحسسني بالامان وكل شي ... كل احسااس حلوو ... بس ....

ذياب يقبض ايدها ومبتسم : اهم شي اني اعنيلج شي ... وريحتيني .... لاتحاتين ... ما بسوي شي ماتبينه .. متى ما بتتعوديين عليه "وبخبث " ( ............) !!

اطالعته بكل حيا .........

ذياب مبتسم : يالله رقدي ..... تعبان بعدني .........

مهاري بخوف : مافيني رقاد .......

ذياب : قلتلج ما بسويلج شي ما تبينه ....... يلا تعالي رقدي فحظني بس .....

ابتسمت له .......

وكملت رقادها ......... في حظنه ......

كاان يلعب بشعرها الطووييييل .. ويدخل ايده دااخل داخل شعرها مستااانس عليه واايد ... رقدت وهو تم واعي ...... ساعاات وكمل رقاده وياها .................

...........................

عـ الساعه 8 الصبح .....

ذياب نش ... متغصص شويه .... كانت مهاري حاطه صبعها بنص شفايفه ...

ذياب خوز ايدها وحااول يبعدها شوي عن حظنه عسبت ينششها ........

ذياب بحناان يلعب بشعرها .... ويكششها عسبت تحس له ...

مهاري تخوز ايده ...

ذياب يرد يكششها .......

مهاري : بسسسسس ....

ذياب : يلا قومي ..... بسج رقااد ..... عفنتي !!

مهاري تصد الصوب الثاني .....

ذياب : مهووووور ... اشتقتلج يالله قومي ........

ماسوت له سالفه ........

ذياب يخوز اللحاف عنها و يقرقطها بخفيف ع خصرها ..

مهاري تضحك بتعب : هههههههههه ذياب فج عني ......

ذياب بخبث : يعني تغااااااااارين !! هههههههه زين براويج .....

ياي بيحط ايده مره ثانيه نشت بسرعه .. ضحك ع شكلها .... تم منسدح ويضحك ... لانها نشت متروعه لا يقرقطها ...... وهو مكشش شعرها ..

مهاري تعدل شعرها : دب ...

ذياب مبتسم : يحبج هالدب ...

مهاري سكتت ويلست تتمدد ...... وهو يحط ايده جريب باطها يقرقطها وهيه تخوز ايده ..

مهاري :ذيااااااااااااااااااب .....

ذياب : عيونه .. تبين تذوبيني من الصبح انتي ... اتخبل يوم تزقريني تدرين ولا ..

مهاري مبتسمه بتعب : ادري ...

ذياب : هههههههه يالله انزين قوومي ....

قامت بتنزل من ع السرير مسكها : لحظه .....

مهاري تطالعه ......

ذياب يرد يسحبها لفووق ....

مهاري :آآآآآآآآي ايدي .....

ذياب : احم احم " ياشر ع خده " .......

مهاري مبتسمه : شفييك ...

ذياب : احم " ويرد يأشر " ... وين بوسه الصبح ؟ ولا شي كلمه صباح الخير بعد !!

مهاري تبوس خده برواق : صباح الخير ...

ذياب شاق الحلج : صباح النور والاحساااس والطيبه .. صباح ما يليق الا لمهاري ...

مهاري : هههههه زين يالله قوم تغسل انت بعد ..

ذياب يرفع حاايبه : ليدز فيرست ......

قامت عنه ... خذت من شنطتها فوطه صغيره ودخلت الحمام ...... اما هو فسار الحمام الثاني ياخذ له شاور لين تخلص .........

بعد ساعه ونص ...... اتيمعو فالصاله كل واحد يطالع الثاني ......

مهاري لابسه جيينز وااسع ... و قميص احمر هاي نك ..... مخرز بفصووص نااعمة ... ومرتب ع جسمها ..
ولامه شعرها الطويله ببروش خفييف لاامع ... متجحله بجحاال اسود .... وحطت لها روج احمر ...

كانت سااحره من الجمال ....... وخاصه انها طويله شوي ... فطالعه انيقه من الخاطر ...

اما ذياب يدور بشورته والفانيله فالصاله .....

ذياب مبتسم : تخبلين بي كل يوم تراج ... ليش انا دومي مبهدل ؟؟

مهاري بمكر : مش مبتهدل انته تتعمد تبهدل روحك ...

ذياب : عسبت تحسين ع دمج وتعدليني لكن مامنج فايده لازم بالقوووول .. يالله تعالي كشخييني عشان ننزل نتريق .......

دخلو الحجره .... يايه بطلع ثيابه كلها بس زخهن عنها .....

ذياب : مش وقتج ليكون بترتبين ..... انا الحين بزقرهم ينظفون .. وانا ميت يوع ابا آآكل .. خليه لين نرجع ..

مهاري : امممم بتلبس جينز ؟؟

ذياب : بلبس شراتج يالله ظهريلي جينز و دوريلي تيشرت احمر .......

يلست ادور لين حصلت الي قاله ...... هالمره ما لبس البنطلون يلس ع الكرسي ومسولها طاف ..

مهاري عاقده حياتها : يلااااا عااد قوم البس روحك ......

ذياب مطنش : اسف ..

مهاري : ياااااربيه ع البزاا ......

ويلست جريبه منه .. لبسته البنطلون والقميص ... الفرق ان قميصه واسع شوي .. بس باارز جسمه العريض ..

جافت كااب احمر .. طلعته بعد ... وخلته يلبسه ......

لبس سااعته وشل بوكه .... وزخها من ايييدها ووقفو عند الجامه ...

ذياب : تصدقين اني احلى عنج ؟؟

مهاري : هههههههههه لا والله !!

ذياب : جد جد انا احلى عنج بوااايد ......

مهاري مبتسمه : انزيين ...

ذياب ياشر عليها من الجامه : تعرفين هذي ......

مهاري : لا والله اكيد اعرفها .......

ذياب :منو ؟

مهاري : انا بعد منو ....

ذياب يطنش الجامه ويجاابلها ويبوسها ع راسها : لا .. هذي حبيبت قلبي الله يخليها لي ...

ابتسمت له بحيا ....... ورن تلفونها .......

سارت صوبه تربع .. اكيد وحده من خواتها ........

مهاري : الووه ؟؟

الود : مهاااااااااااااااااااااااري ........

مهاري : وداااااااوي اخباااااارج .......؟

الود : تمااااام وحشتيييييييينا ........

مهاري : انتو اكثر والله ........ ان شاء الله كلكم بخيييير ؟. شحاااااال شهوووود وايد في بالي ..

الود : والله تمااااام ... الحين الصبح عندكم لاه ؟؟

مهاري : هيييه .....

الود : خلاص غلايه ما بخلي ذياب يدعي عليه من لصبح هههههه تحملي ع روحج وسلمي عليه .. انا بس حبيييت اطمن عليج واسمع صوتج ... ومن صوتج مرتاااااحه ........ يالله الغاليه سلمي سلمي

مهاري مبتسمه : يوووصل حبيبتي ... الله يحفظج وسلمي عليهن كلهن ...

الود : من عيوووووووني .... مع السلامه .....

وبندت وهيه تنطق بـ : آآآه ...

يتقرب منها ذياب بكل حناان وييلس ع السرير حذالها وييرها في حظنه : شفييج .. ليش هالاآآه !!

مهاري : وحشووني ....

ذياب : اردج ؟؟ اوديج لهم ؟؟

قامت من حظنه و اطالعته بدون لا تقول شي .... وهو ملامحه جااااامده يعرف يغصص بها عدل ...

مهاري : يعت انا ..

ذياب : اردج ..؟؟

مهاري : لااء ..

ذياب ابتسم ابتسامه عريضه : اتحرا ... وحتى لو تبين حلمج اردج ...

ابتسمت له : يالله انزين .... قوم يلست ع عباتي ....

ذياب : ناويه تلبسين عبايا ان شاء الله ؟

مهاري : عيل !!

ذياب : لا غلاتي ... البسي جاكيت طوييل ...

مهاري : تبا تخربنييه انته ..

ذياب : شووه اخربج ... محتشمه بكبرج بس لبسي جااكييت طوييل .. وويايه محد بيتعرض لج .. يالله سمعي الكلام .......

< مهاري... ياااربيه حتى وهو يآآمرني يخبل .......

ذياب : سمعتج ....

صدت له برعب : شوه ؟

ذياب مبتسم : الي قلتيه في خاطرج سمعته ........

تمت ساااااااااااااكته ......... اويه ها ساحر .. قلنا دكتور نفسي عااد مش يعرف شوه قلت ....

< ذياب .. ان ما خبلت بج .. اخ بس ... عذبتيني ماتوقعت لهدرجه بهوااااج والله اني هويتج ... ماقادر ع بعدها ياناااس .. متلذذ بشوفتها وحركتها وكل شي فيها ...... فراشه كل شويه في مكان ... عسل وربي ....

ذياب : بتمين تطاعيني جيه !! يالله لبسي جاكيتج خلينا نسير ......

مهاري : وانت ما بتلبس .....

ذياب : انا محد يخاف عليه ويقولي الجو بارد حبيبي البس شي يدفيك ......

ابتسمت له .. وسارت صوب شنطته طلعت له جااكيت اسود طوييل .. ومدتله اياه ......

حطاه ع ايده وهيه لبست جاكيتها .. ولبست سكاارف احمرر ... وتشابكت اياديهم وظهرو .......

نزلو تحت ...... رمس ذياب شوي الرسبشن .. ومن عقبها ظهرو يتمشوون ......

الجو كااااان خباااال بمعنى الكلمه ........ البرد قااااااااااارص يدخل في الجسم ... عااد يايين من حر مش متعودين ع الجو هذا ...... حظنها اكثر عسبت يدفيها ملاحظ انها برداانه وايد ........

مهاري وهيه تمشي : وين المطعم بس ابا ادفى .......

ذياب مبتسم : وصلنا حبيبي ...... جريب بس .....

وصلو galleria vittorio emanuele ...... اهنيه طبعا كيف اشرحلكم .. امممممممم هذا روااق طوييييل يربط بين مكاانيين ..... فيه محلات تجاااريه عالميه ... ومطااعم فخمه ومكتبات ...

دخلو اول مطعم ..... كاان دااافي .... رحبووبهم ..... ودورولهم مكاان ويلسو .......

يابولهم المنيو ... وعقب دقاايق ياهم الكرسون ...

ذياب : شوه تحبين تاكلين ....

مهاري : امم .. " تجوف المنيو وترفع عينها ع ذياب " ماعيبنيه شي ....

ذياب يرمس الريال : she not like any thing

مهاري تلومت : اييييه شوه تقوله انته بيحقد عليه . عن يحط لي شي باكليه ..

قالهم الكرسون ان في بووفيه جان يبون يجوفون .....

نشو اثنيينهم .. وهو كل شوي يغلس عليييها .........

طبعا البوفيه وايد ارحم من المنيو الي جافوه ......

حطو لهم بيض وكراواسوون ... وخياار وقشطاات واجبان ... واشياء خفيفه ....

وكلو من الخاطر لانهم من امس مش ماكلين شي ........

بعد ماخلصو اكل ..... طلبو لهم نسكاافيه يعدل رااسهم ..........

ذياب مبتسم : هاا شبعتي ؟

مهاري : الحمدلله ......

ذياب : نمشي .؟؟

مهاري : هيه ........

دفعو الحسااب وكملو مشيهم ..... مهاري متخبله ع المكااان وع الجووو .....

مهاري : مشكور ذياب .......

ذياب يصد لها : ع شوه مشكور ؟

مهاري : مم ع كل شي ...

ذياب يمسك ايدها بقو : شو الي كل شي !! شوه سويت انا ؟؟

مهاري : معاملتك الطيبه ....... اسلوبك الراقي ويايه ... و انك سكت عني ذيج الليله .. واتحملت يهالتي .. وو ..

ذياب : اشششش سكتي مابا اسمع منج هالكلام مره ثانيه ..... لو ماحبج ماسويت كل ها .. وبعدين هذا ولا شي في حقج .. انتي " ياشر على عيونه " تستاهلين عيوني والله ....... ولا تردين تكررين هالكلام سمعتي ......

ماعلقت .......

حظنها بقو وهو يمشي ...........

....................

في بيت بو احمد ....

راشد بصوت رقاد : الووووه .....

.... : رشووووووووووود حيااااااااتي .......

راشد : وعثره !! امنووو !!

... : اناااااااا مريووووم ...

راشد : يا اميييييه انا راااااقد الحين حد يتصل هالوقت شوووووه عندج .....

مريم : انزييين ماسرت الدواام ..؟؟

راشد : أي دواام ياحرمه .. ماعليه كلاااسات الحين بندي فكينا من حشرتج ......

وبند فويهها .......

ورد لحف ويهه ..........

5 دقايق ورد رن تلفونه .......

راشد معصب : يلعنهااااا من حاااله الواحد مااااايرقد يعني ............. الوووووه ؟؟

................ : راشد .....

راشد يقوم من ع السرير بسرعه : احمد !!!!!!!!!!

احمد : شحالك ؟؟ شحال الوالد والوااالده ....

راشد يمسح ع عينها : ياااااللله يا احمد الحين تسال عن الوالد والوالده .. الحااااال يسر العدوو .. تعال يا احمد .. امك ما تقدر ع فرااقك .........

احمد : ماقدر ..... رااشد ... تسير بيت عمي ؟؟؟

راشد : بس عااااد خلاص ...... مابطريلك شي ... تبا تعرف تعال اهنه .. ماعندي كلام غير .....

احمد يصارخ : ليش تكلمني بهالاسلووب ...... انا شوه غلطتي شوه الي سويته حراام عليكم !! احبها .. وهاا اكبر ذنب سويته في حياتي ..... حبها اكبر غلطه غلطتها والكل يعاتبني عليها ...... محد يحس والله محد يحس ........