|
اقتباس:
اصلا انا مااحب الا غيثووهه هههه ان شاء الله بستمر تحياتي دانه |
اقتباس:
مشكوره وايد على الرد اللي اطراني والحين انا مجهزه بارت كامل وبنزله تحياتي دانه |
وأنتِ يا سيدتي ، بدون ريب ، جميلةٌ جداً.. العيون الكحيلة دون كحل.. القوام الذي ينتصب كنخلة مراهقة مغرورة.. الشعر الذي ينحدر كمهرجان في الليل الملامح السمراء الودود .. الشفاه التي تقول دون أن تتكلم .. تدري وش آقسى شي ممكن تعآنيه واسوأ مرآحل وحدتك فٍ ححيآتك هو إنتظآرك شخص يمكن تلآقيه ! ويمكن يغيب ولآ درى عن طرآتك بس آلشعور آللي من آلصعب تخفيه إنك تحبه رغم كسسره لذآتك.. للمرحوم: غازي القصيبي البارت الخامس: . وصلت الشاليه نزلت ومشت بسرعه وهي تطالع محد عدال البحر دخلت شاليهم حست بحد يمسك اييدها بقوه كانت بتصرخ لفت بقووه وفتحت عيونها وزفرت بالقو:منوي منوي بإستغراب ويها مورم من البكي:هي ....بلاج ميشو من وين يايه ميثه تراقب:تعالي الغرفه وبخبرج دخلوا الغرفه ميثه فرت عمرها على كرفايتها وهي تفر شيلتها والعبايه:منوي مصيبه منوي منوي بخوف:بلاج ميثه شو اللي صاير ميثه تمسك اييد منوي:تعرفين ان سلطان مات منوي بصدمه:شوو انت تتكلمين جد ولا شوو ميثه رصت على شفايفها:هي اتكلم جد سلطان مات يامنوي سلطان مات منوي مسكت راسها بقووه:حمد ميثه رصت على شفايفها وانطرن من الدم ماتبي تظهر مشاعرها:حمد ههههه حمد بيطلع منها كأن شعره فعجينه منوي تطالعها وهي محتاره:ميثه مافهتمت عليج ميثه ضحكت بإستهزاء:ههه تعرفين ماخبروج اخر خبر بصير جاريت مايد منصور ال............... منوي وهي مصدومه:شوو جاريه...جاريه شو يعني جاريه؟؟ ميثه:يعني بصير مثل العبدهه لهه يقول شي تم وحاظر وغصبن عني ماقول لاء عادي اصير انسانه قذرهه اشبع غرائزه اذا طلبني وماقول لاء منوي تضحك بصدمه:ههههههههه ميثه من صدقج ميثه بجديه:عمره هالمواضيع تكون فيها مصخره منوي:مافي حل ثاني ميثه:لاء وهي تلف وتطالع برع: ياموت حمد....يا اصير جاريه وتنهدت منوي مسكت راسها بصدمهه وتحس الصدمات تطيح عليهم وحده ورى الثانيه ماتبي تتخلى عن ربيعتها ولا ولد عمها حمد طالعت ميثه بحيره ميثه سرحانه وتطالع برع كان واقف جدام البحر وسرحانه تنهدت وقالت:كل انسان فهذا الوجود له اسرار تذبح القلب والله تذبح منوي بسرحان:صح كلامج ياميثه ميثه تغير الموضوع:ها شو قلتي عن موضوع هزاع منوي دمعت عينها وتنهدت بألم:اه ميثه يلست ومسكت اييدها:بلاج حبيبتي منوي خبرتها السالفه كلها ميثه مصدومه وتطالع نظرات منوي الحزينه:تبغني اخلي يتخلى عنج منوي:يكفي اللي فيج ياميثه ميثه تنهدت بألم:انا بروح اتسبح انتي روح رقدي وربج بيساعدج حياتي ضحكت منوي بلا حياه:كيف ارقد وانا الهموم تارس راسي ميثه طالعتها بإسى وخذت بجامه دخلت تتسبح ومنوي راحت غرفتها . هذا اليوم مر على ابطالنا والكل لم ينم الا بعدما زرف دموع ألم دموع قهر دموع عشاق دموع قلوب منجرحه في اليوم الثاني : يزين نور الشمس و عيونك الحور ويزين صباحي عند شوفتك صاحي إنت صباح الخير و الورد و النور وانت الصباح اللي يجمل صباحي . قامت بتعب على صراخ ابوها:منــــــــــــــــــــــــاير قومي بسرعه ورنا مشاوير لازم نخلصها قامت وهي تتنهد وتمسح الدمع الباقي على خدودها تطالع ابوها ومستغرب تغيرهه المفاجأ كان ابوها يحبها يعشقها يسوي لها كل شي درسها فإحسن المدارس والحين جامعه الإمريكيه فدبي بس طلعني بس عشان البدوي بو مناير بنرفزه:مطوله وصرخ منـــــــــــــــــور وصمخ يشلج فزت:ها...هلا ابويه بومناير بغضب:قومي بسرعه تسبحي وتسنعي وخلي الخدامه تخلص اغراضج احنا بنخلص ملجت الرياييل وبزقرج تقولين ردج وتوقعين وبتهديد واياني وياج ماتوفقين مناير وهي مغتبنه:ان شاء الله ابوي طلع بومناير وهو اعصابهه فل مناير نزلت دمعه من عينها ليش ابوها يعاملها بالهطريقه وقفت دخلت تسبحت وضحكت على نفسها وهي تختار ملابس:اتخيل شكلي لابسه فستان بيقولي وتقلد البداوه انف عليج يالخمام شوو هالمنكر ستري سيقانجج ضحكت بصوت عالي وهي تطمش نفسها بالسوالف لبست فستان ناعم بس طويل دريس وفوقهه جاكيت وتمكيجت على الخفيف ضحكت:بيذوب هالمكياجج الحين بشتمني اني مالابسه برقع ضحكت على واقعها بمراره وطلعت برع ويلست عند امها اللي ساكته ومتلومه منها امها عيبها شخصيتها ضعيفه ويمشيها ريلها تنهدت من حال هالعايله سمعت صوت ابوها الجهوري:مناير مناير وقفت وطلعت وهي متغشيه:هلا الوالد بو مناير وهو يطالع بنته نظرهه طويله بعدين لف وقال:يالله الحين بتسمعين الشيخخ وردي عليه على قد السؤال مناير تنهدت:ان شاء الله بابا دخل بو مناير سمعت صوت الشيخ:مناير بنت عبدالله ال............. هل تقبلين ب سهيل محمد ال................... زوجن لك مناير بهدوء:اقبل الشيخ:لو ماعليك كلافه يا بومناير عطى بنتك توقع طلع بومناير ومد لها ومسكته وبإرتجاف خفيف وقعت ودمعه يتيمه نزلت من عينها حست حد يمسحها شافت ابوها حظنت بقووه وإجهشت بالبكاء:بابا عادي بتزوجه بس انت لاتزعل مني حبيبي انت انت حياتي كلها بومناير بعذاب:وانت كل عمري يابنتي انا مازوجتج سهيل الا وانا واثق منه يابنتي سهيل ريال ينشد فيه الظهر راعي فزعه ومثله مابتحصلين مناير هزت راسها:بابا انا اعرف انا سهيل ريال زين بس بالطريقه اللي انت سويتها لي انا صريت على اني ماتزوجه حظنها بحنان:يابنتي انا ماسويت جي الا ابا اشوفج مرتاحه ويا ريلج ابي حد يشووفج ويسندج يابنتي هالدنيا مالها امان من بعدي تنهدت:مسموح يباه الله يسهل عليك وعلينا ابتسم بحب لبنته ودخل وبنته راحت يلست وامها حظنتها وهي تقول بصياح:سامحني يابنتي سامحني ماقدر مااقول شي سكتت مناير وهي تحظن امها وقالت:مسموحه يالوالدهه دخل بومناير:يالله مناير مناير قامت بهدوء غير عن العاصفه اللي بداخلها طلعت وركبت الريال اللي كان صدق بدوي اسمراني بس عليه جمال يذبحح لحيته المرتبهه غترته وعقاله الطويل اللي جديم اللي جنه معقص ولابس ثوب وسيع وعريض ومجتف خشمه سيوفي عيونه وساع لونهن اسود غامق ورموشه كثاف شفايفه توت سمراته سمارت بدوي وعليه عرض يخوف قال بصوت ثجيل:شحالج مناير مناير وهي قرفانه:الحمدالله طالعها بطرف عينه:مالنا سلام ولا مستحيه احنا بدو ماعندنا مستحى من بين حرمه وريلها واحنا حريمينا عن الف ريال مناير بقرف سكتت وتقول بخاطره (الله يعين) ساق وصلوا لطريق الذيد صوب الرمله راح ودخلوا فالرمله ومناير منفجعه كيف بتعيش فرملهه ماحسبت لهشي حساب ولا السياره اللي مركبنها تيوته بيكب فشلها وهي بنت عز وفلوس طالعته بقرف (كيف ابوي وافق عليك بروحي مادري بس ناقص ريحتك تصير مثل البوش وخلاص بروح فيها انا) تدعي بسرها ان الله يستر عليها وان يطلع هناك بس يقضون شهر عسل <<الله يعينج منور مسكينه على قد حالج هههه . صوب ميثه ومنوي . سمعوا صوت صراخ وصياح ميثه ومنوي فزوا من الرقاد منوي:رحنا فيها ياميثه ميثه:بسرعه نركض بنحل الأمور ركضوا وهم يلبسون شمد الصلاه ونزلوا تحت وحمد واقف ومرتبك وبوهزاع يطالعه بصدمه وعجز ميثه ركضت:رجيتك يالوالد الغفران يالوالد ترى صدقني ولدك مااغلط ترها هي زله وربك الكاتب بوهزاع:انتي تعرفين ميثه تنزل راسها:هي يالوالد اعرف من زمان بس سترنا على الموضوع وقلنا ان شاء الله بيقوم سلطان بس قدر الله ومشاء فعل بوهزاع:تعرفينه انهم يبون رقاب ميثه:لا تخاف يالوالد بومايد خويك ومن زمان اكيد بيلقى حل ثاني يالوالد اغفر لولدك ترى ولدك والله مابخاطئ بوهزاع طالعها بشتات:شو دارج مب خاطئ روحين للمحكمه وقولي هالكلام بيقولون عندج دليل ياميثه الريال يبي رقبت ولدي انا بسلمه سمعوا صوت هز الصاله:لاء منو قال التفتوا وشافوا يدخل وهي يمشي برشاقه وعظلاته المفتوله البارزه من قميصه:في حل يابوحمد وانا بقولك الحل بس على انفراد بوحمد:مايد مايد:هي نعم ياعمي عندي شرط واحد يا ولدك نذبحه يا الشرط ثاني اذا قبلته بوحمد:بثنين في خساره ابتسم على طرف وهو يشوف ميثه وملامحها البارده:يمكن بوحمد تنهد بتعب ويحس بضيج ودخلوا الغرفه يلسوا الكل ومنصدمين ميثه يلست عدال حمد اللي رص على اييدها وشهق بالبكاء فحظنها وهي تمسح عليه وتحس بالموت فجوفها وتطالعه بحزن(ياخوي بترقد مرتاح وانا ماعرف وين بيكون مصيري) سمعوا صوت صرخه ركضوا الكل داخل الا الأب يتهاوى على الأرض مايد وقف ببرود وطالع ميثه بنظرات ناريه وهمس:انتي لي ...مب لغيري وطلع ميثه صرخت وهي تدزهه بقوه:روح الله لايوفقك وعيونها مثل الجمر والله اذا صار شي لين ابوي بتشووف شي ماشفتهه ودخلت مايد ضحك بإستهزاء بس من داخله نيران تحترق دز محمد اللي معصب منه وطلع من البيت ركضوا شلوا بوهزاع وصبوا على ويه شويت ماي ماقام يابوو عطر وقاموا يخلونه يشم قعد ودموعه تنزل :ابي ميثه...ابي ميثه ميثه تقربت منه وحظنته بقووه وهو يصيح بحظنها بألم بتعب وحمد شرد غرفته يبي يختلي بنفسه . صوب البدوي الغاوي <<ههههه . وصلوا لمنطقه صحراويه حلووهه كان الجو حلوو وبارد وفيه خيمم كبيرهه وجنها بيوت لونهن احمر وشافت حرمه عيوز وشيبه يالسين برع ومسوين قعده والقهوه جدامهم الرطب نزلوا من البيكب سهيل بصوت ثجيل وحاد:اسمعني تروحين تبووسين راس يدتي ويدي وخلج مرهه سنعه وعن الهياته مناير طالعته بقرف:هذا اللي ناقص سهيل مسكها من اييدها ورص عليها وهو راص على اسنانه:والله اذا ماسمعتي الكلام بتشوفين مناير دزته:اوفف دفش زين زين وراحت صوبهم وحبتهم على راس:شحالج يدوهه ويدي اليد واليده يطالعوها مستغربين مناير بداخلها (بلاهم الشواب) سهيل يا صوبهم:السلام عليكم شحالكم اليده واليد يطالعوها مستغربي مناير (بلاهم الشواب) سهيل:شحالك ابوي شحالج ابوي عساكم بخير لاهنتوا اليده واليد:بخير الحمدالله شخبارك انت ياوليدي سهيل:بخير الحمدالله اليده وهي لابسه برقع:اقربوا اقربوا تتقهون وان شاء الله بيخلص الغدى بعد شويه سهيل بهدوء:دخلي وافصخين عباتج وتعالي يلسي دخلت وهي تتأفف من التراب والقذارهه ونزلت عباتها وطلعت وشافت نظرات سهيل القويه عليها جنه متفصخهه طالعت نفسها بدريس البسيط والناعم حلوو كان وفوقه جاكيت طويل لين الصدر سهيل بصوت ثقيل:شو هاللبس تحسبينا فإمريكا بصوت حاد انقلعي ولبسي لج لبس محترمم بنغزه يالبدويه طالعته بقهر وقالت بعصبيه:حقير ودخلت ركض وراها قالت بخاطرها(اليوم بدفني هني) مسكها بقوه وهمس فإذنها بفحيح افعى:والله ثم والله ياصبيحه اذا شفتج قليتي ادبج وياي ولا سويتي حركاتج الا ماتعيبني بدفنج هني وبنغير موقع سكنا مناير ضحكت بغرور:اقوول يالبدوي يالمعفن احترم نفسك تحسب ماعندي اهل ,,شوو صبيحهه الله يقرفك اسمي مناير اووف ماتعرف تنطق الأسم اتكى سهيل على الحديده اللي تثبت الخيمه:هه اهلج ...بابا ابوج باعجج برخيص ياالحظريه مناير وهي معصبه منه:شوفيها الحظريه ذوق ودارسه وفاهمه الدنيا وهي تخزهه مب بدوي سهيل بإستهزاء:والله بدوي ريال وينشد فيه الظهر واذا ماعيبنج دقي راسجج بالهحدايد وطلع وهو يقول بنات اخر زمن مناير خلاص وااصلهه حدها منه وقامت تظرب كل شي وهي تصيح بقهر على حظها اللي ابوها رماها فيه . بوهزاع:الكل يطلع برع الكل قام وطلع برع والتسؤلات على ويهم شو اللي صار وشو مستوي وليش بوهزاع صرخ وقام ينادي على ميثه !!! بوهزاع طالع عيون ميثه الهاديه وهي تمسح دموعه بوهزاع:ميثه وبلع ريقه ميثه:امر يالوالد بوهزاع وهو يرجف:تدري شو طلب مني ميثه تمثل الإستغراب وهي ميت من داخلها:لاء؟؟ بوهزاع:يبغيج وارتجف فكهه ج جاريه ميثه مثلت الصدمه:شــــــــــــــــــــــــو كيف يعني جاريه ولين متى بوهزاع رفع عيونه وفيها نظره مؤلمه:ألين مايموت هو او انتي بعيد الشر عنكم ميثه تنفست بقوه وجنها الحين تلقت صفعه وذكرها باللي صار سمعوا صوت صراخ ركضت ميثه وبوهزاع معاها ويشووفون حمد شال سكين مثل المجنون يصارخ:والله العظــــــــــــــــــــــيم ماسويت شي بقتل نفسي وبريحكم مني ميثه بهدوء وهي تحاول تظبط اعصاب حمد:حمد لقينا الحل ونحن ندري انك ماقتلت حمد يصارخ مثل المجنون:جذابه انا قتلته انا قتلته بعدين حس على نفسه لاء لاء انا ماقتلته وقام يصيح بسرعه ميثه سحبت السكين وخذته بحظنها وهي تندب حظها وحظ اخوها المسكين . وقفت بصدمه وهو يرمي عليها الخبر:من صدقك مايد مايد ببرود وهو محطي ريل على ريل:هي خلها تي وتنفعنا ميره بغموض:انت تعرف ان اخوك مايرضى مايد بقسى:اخوي مات وخلاص ميره:حرام عليك يامايد ماتوقعت جاسي لهدرجه ابوي قال انه بيتنازل ليش جي تعرف انا يوم اشوف الألم بعيونها يمر علي كل شي لقاها بمنصور ولقاها بسلطان انت تعرف ولا واحد رحمها مايد ببرود وقف:انتي مالج خص وخلي شغلج بنفسج اخوج ومات وسلطان مات بعد وبحقد تفهمين وطلع من الغرفه تنهدت ميره ونزلت دمعه:الله يعينج ياميثه والله مالها ذنب والله . انتهى البارت (5) امشي بحالي ما تبعت الاسامي املك فكر يوم البشر تملك عقول ماني بحاجة شخص يسمع كلامي انا بحاجة شخص يفهم وش اقول شوقصت منصور وسلطان وميثه شو يخصها فيهم؟ ركوزوا فالباراتت القبليه وبتعرفون شوقصت هالثلاثه.. سهيل ليش قاسي جي على مناير معنه ماعرفنها؟؟ ميثه ومايد:ليش ماايد حاقد عليها لهدرجه؟؟ اراكم تسعدني وقولي لي شورايكم بشخصيات . تحياتي دااانه غير |
بااااارت يجنننن حرررام ليش جي مايد قاسي 😭 بذبحهههههه حيوااااان بليييز كملي ابا اعرف شو بيصير يعني ليش كل ها يصير ف ميثو برد اقرا روايه ابا اعرف سالفتهم ذبحي مايد 😭 |
اقتباس:
ههههههه حرام مسكين ميود كيف اقتله وهو البطل كلهم اقتلهم خخخخخ اصلا ميود بعدين ميثه بترويه الأدب |
| الساعة الآن 07:50 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir