منتدى استراحات زايد - • رواية : (( أخبرتك . . أن لا تحاول الاقتراب منهُم )) بقلميَ ،

البارت الثالث :

الحقيقة أننا تجاهلنا الكثير ، لتستمر الحياة !
بعض من حولنا ، لا نستطيع أن نعلم بماذا يفكر !
لأن كل منا يعيش حياة مختلفه ، وله تفكير مختلف ..

أم راشد بخييير !!
أكييد بخيير ،
إن شاء الله .. ي ربي خايفه !!
لاتحاتين كل شي بيكون أوكيه خلينا نصبر لين حد يتصل !!
بس أكييد من حقي أخااف ..
زيين خلااص عاد انتهي اهدي ولا تحاتين ..

في المستشفى :

كان علاوي معصب وين راحت العنود يلس يدورها في المستشفى ،
علاوي : وييين ساارت عنوودوه أنا أقول هالبنت كل الي برأسها اتسويه ..

لمحت العنود من بعيد وافقه مع الدكتور مثل ماتوقعت هاي الي جانيه على نفسها رحت طالعت الدكتور
وطالعهاا هيه انصدمت يوم شافنتي ، مسكتهاا من أيدها بقو وسحبتهاا : انتيي شو الي يايبنج هنيه هااا !!!
الدكتور مد أيده يسلم : هلا علي شحالك ؟
رديت : بخير مره ثانيه مابي أشوفك واقف مع اختي بروحكم ..

العنود : شو بلااك كان سوينا شي غلط ،
سحبتها وقلت : في امان الله ،

تحركناا وعقب وقفت وصرخت عليها : انتي يايييه عسب امج ف المستشفى ولاا علشاان الدكتوور !!!!
العنود وتعدل شيلتهاا : اضربني بعدد شرايك !!!
كنت اطالعها وهيه عينها قويه اطالعني بكل برود ،
علاوي : هيه داااام أخووج رشووود متبري منكم مب معناته تاخذين رااحتج ،
عنود وترد : لااا والله وبعدييين كنت أكلم ولد عمي بس سألني شوو يايبنكم هنيه ماا قلناا شي ثاااني والله ..
مسكتها من أيدها بقوو والله لو مب في مكان عام جان عرفت كيف أتعامل معاهاا : امشيييي جداااامييي ولا حرف زياده ،

شفت علاوي وعنود من بعيد وعلاوي شكله معصب وغير جيه شكلهم ملفت وايد كأن صاير شي !!!
رحت صوبهم منصدمه : شو فيكم !!!!
علاوي : بعددد شو غير هاي الي ماخذه راحتهااا واسولف مع الحبيب ،
رديت : شو منوو !!!!
العنود : لااا تكبر السالفه ولد عمي خالد سألني شو تسوون هنيه وردييت عليه ..

علاوي ويطالع العنود حسيت الموضوع بيكبر زياده قلت : امج بخير قال الدكتور مافيها شي الحمدلله بس ضغطها نزل ،
العنوود وتحظني : الحممممدلله .. بتصل اطمممن مريووومه ، .. عقب رااحت على صوب تكلم مريم ،
طالعت علاوي : علي هدي، التخلي الشيطان يلعب بمخك ،
علاوي : اذا تمينا ساكتين العنود بتتحرى محد بيحاسبها ..
رديت : ولو مب ب هالطريقة ..

* * *

في البيت ،

مريوم ارتاحت لما عرفت ان أمها بخير ومافيها لا كل خير ،
غاليه كانت بعد تحاتي معاها ولما اطمأنت حمد الله ان مافيها شي ..

مريومه : اوووف والله خففت
غاليه وتبتسم : يالله ماعلي ، اهم شي انها بخير ماتشوف شر ..
مريومه : خالد هنيه ؟؟!

غاليه : هيه فوق مع عمي .. يمكن يطمنه ..
مريومه : ويييييه مدري أكلم رشووود وأقوله !؟؟
غاليه لا تعليق !!
مريومه : غاليه أكلمج شرايج أكلم رشود ؟
غاليه : هاا هيه مدري على راحتج انا بروح اشوف خالد يمكن يبي شي ..
مريومه حست بشي بس خذ الامور بعفويه : اوكييييه انا بتصل له ..

تحرك غاليه وهيه تفكر ، شو بيصير الحين معقولة في حد يدري ، لاا لااا ما اظن محد يدري غير خالد واناا ،
وبعدين خالد وعدني بان مايتكلم .. أصلا انا ليش جيه افكر واتضايق .. بروح اشوف خالد وعمي ... عقب تحرك
راحت الحجره عندهم ..

أكلمه ولاا أكلمه ولااا أحس ما بيرد علي راشد ما يحب يتكلم معاي ، دوم يعصب مني ليش اتصل وهو مشغول
انا ما اعرف كم الوقت عندهم ولا اعرف متى يكون مشغول من يوم تركنا صار مايتواصل في البدايه كان يتصل
ويهتم بس فجأه بعد كم شهر تغير كان يقول خلاص مابيكم بعيش حياتي هناك ومابي حد يتصل او يحاتي !!!

تميييت اطالع الفون محتااره ، أخرتها قلت بتصل ...

* * *

في اليوم الثانيَ ، الصبح في لندن :
أجواء صباحية جميلة ، وكان الجو بارد جداََ ..

يلست أدورر الكوت الاحمرر وييينه ، وانا ادور حصلت الجوتي الي من كم يوم ادوره ... قلت : يوووم ادوره ما احصصصله
يووم مابيييه يطلع جداامي ، فرييته من القهرر .. واخيراا حصلت لبست الكوت وعدلت شعري محتار اقصه ولا اخليه جيه
ييه في بالي. ،،، خلله جييه بررد الجو هههههه .. شلييت الشنطه والكتب عسب اراجع للامتحاان ..

شليت فوني شفت فهد مطرش " راشد لا تتاخر "
شفت الوقت لا هالمرره مستحيييل اتاخرر ، وطللعت ارككض عسب الحق عالمحضارت ..
ظهرت من الفندق وزعت ابتساماات للي يشتغلون ،

عقب يلست امشي دربي المعتاد للجامعه ،
وكالعاده البنت الصغيره موجوده ، هذي ابي افهم ليش كل مره تنتظرني !!!!
مب معقوله معجبه فيني ههههه رحت صوبها هاي !! ، مدت لي كيس صغير وفيه بسكوت اظن !!!

*الحوار مترجم*

رديت : ما هذا ؟
ردت علي وهي مستانسه : بسكويت ، أمي صنعته في هذا الصباح وأحببتُ أن نتشاركه ..
استغربت ليش اناا تحديداََ ، شكرتها وخليتها الحق عالمحاضره ...

دخلت ساحة الجامعة ، كان العدد قليل شكلهم كلهم يدرسون شادين حيلهم ..
رحت دخلت القاعه عند الدكتور العيوز عدوي اللدوود هههه ، أول ما دخلت كان ازعاج شكله للحين مابدأ ،
قلت بصوت عالي : السلاااام علييييككككممم ..
بعضهم رد : وعليكم السلام ورحمة الله ..

طالعت الدكتور وعطيته هذيك النظره ان شووف تراني ياي من وقت هههه
عقب سرت يلست كان صوبي عاليمين فهد والصوب الثاني جولي ..
فهد : زين عبالي بتتأخر ..
رديت : لا هالمره كنت مصمم أييه من وقت ، شحالك ؟
فهد : الحمدلله ماشي الحال ، أنتظر متى نخلص وارد البلاد عند اهلي ..
قلت : الله يعيين ..

التفت عند جولي اشوفها اليوم غير مسويه لي طاف بمعنى الكلمه !!!
فهد : شو بلاك اتطالع البنيه ؟!
رديت وانا مستغرب : غريبه ساكته اليوم ، كل يوم تحشرني ماتخليني فحالي ..

فهد : ويعني برايها ليش مضايق ..
رديت : هههه شو اسوي تعودت كل يوم ترمسني احس في شي !!
فهد : خلك في دراستك أحسن لك لا تخلي هالامور تشغلك ..
طلعت كيس البسكوت. : شوف عطوني هديه جرب طعمه وايد حلو قبل لا ادخل كليت وحده ..
فهد خذاا له وحده ويلس ياكل ، أنا : هاا ؟؟
فهد : هيه حلو طعمه ،.

فجأه يظهر لنا حمود : هلاااا والله ياكلون ومايعزمون ..
رديت : حيااك
حمود : من غير ماتقول ، منو مسونه مستحيل رشود .... اذا هو بنتحررررر
ضحكت : ههههه لهدرجه مستهين فيني تراني أعرف أطبخ بس هالمره بسكوت من صديقه ..

حمود : صدييقه علييينااا هالحركاات منوو "التفت صوب جولي" جولي !!
رديت : لاااه ..
حمود : اوووه بعد تعررف غيرهاا ..
ضربت راسه بالكتاب : اقووول اكل وانت ساكت شو عبالك انا مثلللك ..

* * *

في البيت ؛
علاوي وخالد في المسيد .. والبنات خلصوا صلاه ويالسات في الصاله ..
العنود : والله تخيلللييييي انا للحين مصدوومه من والله بيندممم عاللحظه الي عصب علي وشك فيني ..
مريومه : ايييييه لا تكبرين السالفه !!!!!!
العنود : لييش ما اكبرهاا عيل يستقوى علي ويحسسني ان أخوي العود وهو بعده أصغر عني !!!

مريومه : يالله كيييفكمممم ..

رن الجرسسس !!
العنود فتحت الباب كانت عهود بنت جيرانهم واربيعة ميره ..
العنود : هلا شحالج ..
عهود : الحمدلله السموحه ادري أني يايه في وقت مب مناسب بس ميره طلبت مني هالشيء ،
انتبهت ع عنود وعهود رحت اسالمو: اهلييين عهوود حياااج ،
عقب دخلناا وسكرت الباب ،

عهود واطالع مريوم : هلا مريووم شحالج !؟
مريوم : بخير ..،
مسكت ايدهاا : يالله نروح حجرتي ..
عهود : اوك ..

تحرك انا وعهود لحجرتي ، وسمرت الباب هيه يلست عالسرير وانا عدالهااا ،
عهود : ابددد مب حلوه امر عندكم الظهرر !!
رديت : شووو عاادي حيااج اي وقت بروحه انا الي قللت لجج بسالج سجلتي في أي جامعه ؟؟؟
عهود : والله بصراحه أبوي مب موافق ..
انصدمت : ليييش !!!
عهود : يباني اهتم في خواني ، تدرين ماعندهم غيري وانا الي اهتم في البيت ..

رديت بحزن : حليلج يعني بتتخلين عن مستقبلج علشان ابوج وخوانج ..
عهود وتبتسم : عادي عقب بكمل
قلت : يالله ، الله كرييم ..
عهود : حلوه غرفتج ، عمري مادخلتها الي وهي منظمه ومرتبه ..
رديت : ههه هيه انا الوحيدهه الي في البيت احب ارتب وانظم ،
عهود ومنصدمه : والله !!
ضحكت ؛ هيه ههههه ..

عهود : الله يعين بعد انتو ماعندكم خدامه ،
رديت : على طاري الخدامه ابوي يفكر اييب لناا ..
عهود : هيه احسن لكم ، كلمتي البناات ندى وعواش ؟!!

رديت : هيه ندى قالت سجلت في جامعة زايد وعواش تقنيه ، مدري أحس خلاص من بعد المدرسه كان علاقتناا
كل يوم تتلاشى والحين كل وحده بتدرس في مكان يعني مابنشوف بعض وايد ..
عهود وبحزن : هيه ترا جيه من كم يوم تقول لي ندى أدري أن اذا ابتعدنا محد بتفكر تسال عن الثانيه صدمتني ،
رديت : والله !!!!!
عهود : هيه تخيلي .. بس ابد مايخصصه يعني نحن ربيعات من زمانن !!
قلت : والله انا كان حساسي يقول أنها جيه بيتفكر ، يالله يصصصير خيير ..

* * *

في الجهة الثانيه ؛
دخل خالد وعلاوي الصاله ..
خالد : السلام عليكم ،
مريومه وغاليه : وعليكم السلام ورحمة الله وبركااته .،
خالد : غاليه تعالي .. عقب تحركوا فوق وتم علاوي ومريومه ..

علاوي : ويينهاا عنوودووه !!!
مريومه : في حجرتتهاا أظننن !!
علاوي ويفكرر : أوكك .. عقب تحرك وراح حجرتها : عنوودوووه بطلي البااب ..
عنود بطلت الباب كانت معصبه بعدها : شوو تبي !!
علاوي ويضحك : هههههههه شو مسويه في شععرررج !! وشو هاا الي في ويهج
عنود : ماايخصك سوالف بناات شو تبي !!

علاوي : تعاالي بنلعبب ..
عنود : ماابي العب مشغووله دوررر حد ثااانييي !!
علاوي مسكهاا وسحبهاا من ايدهاا للصاله ويلسهاا : تلعبيين يعني تلعبيين مابي العب بروحي ،
عنود معصبه وتتافف . . صح علاوي اصغر عنها بس ماتقدر عليه !

علاوي ركب السوني ويلسوا يلعبون ،
وعنود معصبه لان شكلها غلط حاطه زيت في شعرها وقناع على ويهاا ..
شوي وتدخل ميره وعهوود ،،

ميره : عنوود !!!!
عنود التفت يوم شافت عهود : ويييييييييههه فشششللله ،،، وركضضض لييين حجرتهاا وهيه مغطيه ويهههااا !!
علاوي ومريوم : هههههههههههههههههههههههههههههههههههههههههههه
ميره : هههه شو منزلنهاا الصاله جييه !!
عهود : حليلها تفشلت يمكن عشاني ،،

علاوي : هههههههههه تستاااهل عسب مره ثانيه ماتستهين فيني ..
قلت مستغرربه ؛ علاوي انت شعرفك ان عهوود هنيه !!!
علاوي : ههههه مريت صوب حجرتكم وسمعتكم تسوولفون ، انا اصلا كان نيتي نلعب ماكنت ادري الموضوع يفشل هههه
رديت : هههههه حرام عليك اكيد بتزعل ،.
علاوي : برايهاا ،

عهود : يالله انا لازم أرد البيت . . مع السلامه ،
ميره ؛ اوك الله وياج ..
علاوي : منو بيوصلهاا !!
رديت : لا بيتهم قريب تروح وترد مشي ،.

علاوي انصدم حسيت جيه من ملامحه الي تغيرت ..
عقب قال : ولو بيتهم قريب المفروض ماتتطلع وترد بروحها ماعندها حد !!
رديت حسيت عهود بتتضايق : هيه ماعندها غير خواتها البنات صغار ..
علاوي : زين خلاص خليها تروح وانا بوقف برع لين ما توصل البيت ..
عهود استغربت !!!

قلت : خلاص عهود ماعلي تقدرين اتروحين ..
حسيت عهود مستغربه : انزين ،، مع السلامه وظهرت ..
قلت لعلاوي : ليش جيه تقوول !!
علاوي : صج أقول يعني لو كان عندها اخو أكيد مابيرضى ..
رديت : زين كيفك ، " عقب ظهر ووقف يترى عهود توصل البيت "

مريومه : شو السالفه !!!!
رديت : مدري والله ، شو هالاهتمام هههه

* * *

والحييين برييك ، برووح أصلي ،
شفت فهد وقلت له : يعني ليي متى !!
فهد : والله شو تبيني أقولك !!
رديت : كلللمه ترى حمود واايد اشوفه مقصر في صلاته هالايام ، والصلاه اهم ،
فهد : عاد أنا كل يوم أقوله تعبت وأنا أنصصح ..
رديت : لا حول هو بس فالح يهايط يعني عرفنا نحن مب فبلادنا بس الدين موجود سواء كنت في البيت ولا لا ..
فهد : والحل !!
قلت : وينه ألحيين !!
فهد ويفكر : ممممم هو فالعاده في البريك ما احصصله يختفي يمكن يروح مع ربعه !
رديت : هههه يالله برايه عقب برمسه خلناا نروح نصلي ..

عقب تحرك انا وفهد صليناا فرضناا وعقب خليت فهد كان يقرا قران ظهرت ادور حموود ؟!
مدري وينه تعبت يلست على واحد من الكراسي ،
شفت الدكتور العيوز هههه شافني وشال في ايده كوبين كوفي ،
مد لي واحد وقال خذ أنا استغربت شو يبي مني هشا خذيته ويلس عني تمينا ساكتين ،
وهو أبدد مارمس ، تمييت اطالعه وسرحت في عيونه رماديه ماشاء الله ، صح كبير في العمر
لكن في جمال مميز ..

مر الوقت عقب وقف ، تم ساكت وراح !!
أنا مليون علامة تعجب شو يبي وليش يلس وتم ساكت !
المهم برايه ، فتحت الانستقرام ويلست انزل صور ، حصلت وايد تعليقات ..
ولايكات على صوري استانست ع هالشي ، كنت محطي اسمي مجهول ومب كاتب أي معلومه عني ،
أغلب الأسئلة كانت من وين انت ؟ وشو نوع الكميرا ، بس فضلت أني ما أرد ..

نزلت كم صوره وعقب رحت عندي محاضره ثانيه وبعدها امتحان ،

بعد مرووور الوقت انتهى دوامي ،
وييه الوقت انسحححب وارد الفندق ارتاح شوي ، رجععت الفندق تسبحت وبعدهاا انسدحت عالسرير وفتح الجامعه
غمضت عيوني ياربي هلكااان ، أرييد أرقد بس صدااع ، خذييت فوني شفت وايد مكالمات لم يرد عليها اووف مب متفيج
ارمسس حد نهائيا ََ ،

يلست أتذكر بمواقف قديييمه ، وبعدهاا ماحسيت الا وأنا راقد !!

* * *

(( في الجههة الثانية )) في بيت عهوود ..

طالعت أبوي : ابووووي أنااا مستحييل مستحييل أوافق تتزوج ،
طالعتني بصدمه : ليش انتي ماتبين اتكملين دراستج ؟ لي متى بتمين تعانين مع خواتج أنا ابي مصلحتكم ،ي
رديت : عاادي أنا راضيه بهتم في خواني ماعندي مانع ، وبعدين خلاص انا بوقف دراستي ،
أبوي : عهود إنتي عاقل وأنا أدري هالشي بس لما بتزوج بتكون الحرمه مثل امكم تهتم فيكم ،

رديت بعناد : وأنا مابي أنا راضيه أني أهتم في خواتي ..
آبوي : لا حول ولا قوة إلا بالله ..
عقب راح حجرته ،

إنزين ليش جيه أنا مب مضايقه لاني اهتم في شيخه وساره ، وساره بتكمل عشر سنوات يعني بروحها ماشاء
الله تعرف تهتم بعمرها ودومها تعتمد على نفسها وشويخ صح بعدها صغيره بس بعد ماشاء الله تعرف كل شيء ،

تحترك من مكاني ، وانا افكر مابي ابوي يتزوج ألحين عقب أنا راضيه بس ألحين مقدر أتقبل هالشيء ..
دخلت عند شيخه وساره : هاا منو بيساعدني اسوي كيك ،
شويخ وساره : أنااااا !!
قلت : يالله نروح المطبخ ،

عقب تحرك أنا والبنات للمطبخ ويلسنا نسوي كيك كان أبوي يراقبنا ومستانس عليناا ،
صحيح اميه توفت من زمان الله يرحمها لكن الحمدلله قدرنا نعتمد على نفسنا وهذا تحدى الدنيا ..
وأكيد أنا أحاول قد ما اقدر ما أحسس خواتي في النقص ،

بعد ما خلصناا يلسناا ناكل ونطالع تلفزيون ،
أبوي : خالتكم بتمر عندنا اليوم ..
رديت : غريببه !!
أبوي : تبي تطمن عليكم ، وعلى الصغار ..
قلت : تسوي خير ..

أبوي : يالله خلج مع خواتج أنا عندي شغله بروح وراد لكم المغرب زين ..
قلت : زين ان شاء الله ، الله وياك ،

عقب ظهر أبوي من البيت .. شوي ويرن فوني كانت ندى ، رديت عليها : هلا ،
ندى : أهليين عهوودوووه تعالي اليوم بيتناا ..
عهود : ندى السموحه مقدر ..
ندى : ليييييش ولا مره قلت لج تعالي وييتي ، بس يوم ميرووه عادي تروحين لهاا !!!
أنا : والله ما أقدر ..
ندى : أصلا أنا أدري كنت حااسه جيه انتي أصلا ماتبين إتيين عندي ، قولي أنج ماتبيين مب لازم تطلعين كل مره عذر ..
انصمت كيف جيه تقول وتحكم على موقفي على كيفها : ندى شو اتقووليين !!!!

ندى وبعصبيه : أقووول الصج ادري إنتي ماتبيين إتمرين عندي كل مره أكلمج تعتذرين شو معنى هالشيء ،
رديت : ندى بلاج ، انتي مب فاهمه يعني أنا بالعكس لو فإيدي كنت بمر عندج ،
ندى : خلااص بااي ،
رديت : ندى !!! .... سكرت ،
انصدمت يعني هيه ربيعتي وجيه تفكر !!! ، الله يسامحج بس ،
يلست مضايجه ، لين ماسمعت صوت الباب ،

رحت اشوف منو كانت خالتي ، فتحت الباب سلمت عليها : هلا خالوه شحالج ؟
خالتي ؛ بخييير حبيبتي شحالكم انتو وين الصغاريه ،
قلت : في الصاله حياج ،

عقب دخلنا الصالهه ، يلست تسولف مع ساره وشيخه ،
قلت في بالي معقووله أبوي يفكرر يتزوج خالتي !!
كيف يتزوج اخت حرمته المتوفيه لاا لاا ماأضن أكيد في وحده ثانيه ،

كات وعذرا عالتاخير ،