|
بحاول انزل لكم بارت جريب,, انا كتبت البارت بس بعده مب كامل بكمله باجر ان شاء الله ..:169: مبرووك عليكم يوم عرفة ..:kk_ed: |
البارت السابع.. مهرة:ظظظلم والله ظظلم راوية:اذا فازوا بكسر راسهم هند:مايستوي جي يعني عيني عينك مقلدينا في كل شي (قامت من على الكرسي)نشوا يلا نسير نضارب سحبتها:قعدي انتي وين تضاربين بيطلعونا من المسابقة بعدين فاطمة:قوموا نرمس ابلة حصة مهرة:يلا نشوا قمنا كلنا متوجهين غرفة معلمات الدين <<مثل ماشفتوا الصف كله معصب لان مسابقة الحج الي مسوينها صف تاسع3 مقلدينهم في كل شي و هم معصبين اذا فازوا بيسوون ضرابة >>بنشوف شو بيصير فتحنا باب الغرفة مهرة:ابلة ظللم كككيف جي يسوون و انتو ساكتين عنهم ؟؟ راوية:ابلة والله اذا خسرنا بصيح ابلة حصة:شفيكم حبايبي والله لو بايدي بفوزكم بس نحن برع الحسبة كل شي في اوراق التقييم مهرة:ابلة فكرة ان نسوي موفي ميكر عن الخطوات فكرتي انا و فكرة التراب و الحصا فكرة راوية و فكرة التمثيل فكرة زينب و فكرة التصوير فكرتي انا و بكل بساطة يروحون و سوون مثلنا ؟؟! ابلة نحن قايلين اذا فازوا بنسوي ضرابة ! ابلة حصة:شو ضرابة انتو بعد !! شيخة:ابلة صج بعد شووه !! ما ماقالو مابنسوي شي مثلكم و كل شي نفسنا ابلة حصة:المدرسة كلها ترمس عن عرضكم و تمدح فيكم و الكل يقول تاسع 3 ماسوا مثل تاسع 2 مهرة:ابلة والله حتى لو تاسع 1 فازوا بنفرح لهم بس تاسع 3 لا والف لاء بعد ددقق الجررس ابلة حصة:يلا طلعوا خلونا نشوف النتيجة كلنا طلعنا الساحة و الكل على اعصابه يتريا النتيجة تواسع كلهم متجمعين في نص الساحة : ابلة بثينة تتكلم واايد و نحن على اعصابنا بغا يغمى عليه من التوتر الي قاعد يصيبني ابلة بثينة:صف تاسع 3 صف تاسع 3 تموا يصارخونو حالة و نحن كلنا منصدمين !!! كيف جي كل الاشياء الي سوينها هم سووها و فوق كل ها ما كان مالهم حلو و يفوزون !!! واااايد انقهرنا و من القهر<<صح بتضحكون بس ماعليه >> صحنا و طبعا بما انه الخميس و بعده اجازة العيد فمعظم البنات غياب البنات الي كانو موجودين في صفي صاااحوا و انا ما اسحملت صحت وياهم تمينا على هذي الحالة في نص الساحة نتحرطم على المعلمات الي الظلمات فطووم ما سكتت و تمت ترمس و روعة تهدي فينا و بنات تاسع 1 ويانا فطوم ي : مهوور خلاااص بسس لا تصيحين مهرة:قههر والله !! عقب شفنا معلمات الدين عند غرفتهم مهرة:بناات يلاا بنرووح عن ابلة ححصة !! كلنا رحنا عندها واقفين عند باب الغرفة و نصيييييح و الابلوات يهدون فينا و بنات تاسع 1 بعد .. كنا كارهين تاسع3 وااااايد ابلة حصة:بس بنات تاسع 2 يدخلون الغرفة ابلة فاطمة و ابلة ايمان<<معلمات الدين رااحوا و كل بنت مب في صفنا راحت تمينا بس نحن اول وحدة انا دخلت على طول قعدت على الارض و الكل من بعدي قعد و تمينا انصييح ابلة حصة:لو تبوني انا بوديكم رحلة مب لازم تفوزون اهم شي ان الكل عيبه عرضكم مهرة:ابلة نحن والله مانبا الرحلة لو انتم في المدرسة طوول السنة عاادي بس على الاقل يعني تعبنا ما يروح ابلة انتي ماتعرفين من 3 اسابيع و نحن نشتغل حتى صرت ما اقعد مع اهلي بس اشتغل حق هذا العرض و اخر شي جي يسوون فينا تاسع3 شو سووا !! غير ان قلدونا !! ابلة حصة: والله اعرف انكم اشتغلتوا و شغلكم ما بيروح كله بالدرجات و غير جي انا بروحي بوديكم رحلة و بكرمكم بعد خلهم هم يستانسون زينب : و انتو بسكم تصيحون والله بتصيحوني !! خلاص بنات خل عندكم روح رياضية و تمت تهدينا لين مادق جرس الحصة الاخيرة و نحن بعدنا قاعدين نصيح نحن مانصيح على الرحلة و على التكريم و على ان خسرنا نحن نصيح لان هم قلدونا في كل شي و بعد مالنا كان احلى بس كيف فازوا مانعرف !! هذا الشي صار نفس صف ثامن بعد ظلمونا و نحن سكتنا هذي المرة ما استحملنا جان انصيح كل من يشوفنا يقول عنا يهال و ليش يصيحون و مسابقة و حالة بس نحن فينا قهرر نحن نصيح من القهر الي فينا... و بعدين رحنا مصادر الموسيقا و نحن منهد حيلنا خلاص كاان اسبووع و لا اروع كنا نشتغل و نغني و نتصور و كنا نطلع من الحصص و نتمشى و الامتحانات ما كنا نذاكر و كنا واايد مستانسين في هذا الاسبوع لين ماخرب علينا هذا الخبر .. من الصبح و نحن فاتحين جلسة و يايبين كرتونين بطاطس عمان و 10 ربطات صمون و 3 غرشات جبن و كن ناكل و نسوي للكل و كنااا وااايد مستانسين بس الله يسامح من خرب علينا فرحتنا بعد مادق الجرس على البيت عند الباصات الكل يودع الثاني مابنشوفهم اسبوع << بنشتاق لهم مهرة:وااااي بشتاق لكم واايد خلاص لا تزعلون بنشقهم في العيد الوطني و الكل ركب باصه و في الباص بعد سوالف و جي بس اليوم ماكان لي بارض اسولف معاهم تميت افككر في الي بيصير يوم بنسير بوظبي في ثالث يوم العيد شو بيصير و شو بلبس و من هذي الامور وصلت البيت دخلته شفت امي بست راسها و قلت لها ان خسرنا و تميت اصيح و هي تهديني و تقول بتعوضون و جي بعدين سكت شليت شنطتي و ركبت الدري رحت غرفتي فريت الشنطة غيرت ملابسي و فريت عمري على السرير و رقددت .. فاطمة:مهرة !! مهرة !! نشي يلا حمده و روضة بيون بيتنا مهرة:افففف ساعة كم ؟ فاطمة:4 و نص مهرة:خليتيني انام نص ساعة يا الظالمة فاطمة:بسرررعة !! و راحت نشيت تغسلت و طلعت غيرت لبسي على السريع لبست برمودا و قميص كت و فوقه جاكيت خفيف و لبست نظارتي الطبية و قعدت اترياهم فتحت فوني لقيت البنات مرمسيني ما فتحت المحادثات بس اطالع وقت عند محادثة ساروه شفتها كاتبه لي يا السبالة رددي !! فتحت المحادثة هاي يوم تسب يعني صاير شي :هاا!! كنت راقدة سارة:جان مارديتي بعد انا:بسرررعة قوم حمدووه بيون !! سارة:سمععي !! انا:اسمعجج سارة:اليوم بشوفه انا:يتشوفين منو !! ساروه: J بشوف ريلج تدرين انا:هههههه اووه حسون شرف!! ساروه:بيون اليوم انا:بس هو ؟ ساروه:ويا امه و اخته و جي انا:خبريني شو بيصير ساروه:بكتب في القروب ! انا:اوك << في القروب انا و ميمو و سارووه بسس فتحت محادثة حمد حمد:مهوور ويينج!! حمد:مارجعتي ؟؟ حمد:ترا مابوصل حمده و روضة بيتكم!! مهرة:بتذلنا يعني !! حمد:كنت اترياج تردين بس ,, بلاج معصبة !! مهرة:مو معصبة! حمد:هي بااين ,, شو صار في المدرسة ؟ مهرة:ما صار شي بس ..................<< و خبرته __ و بعد كم من شهر اتفقت مع حمد اتفاق من ذاك اليوم و انا ما ارمسه بين فترة و فترة نتلاقى عسب جمعات الاهل بس ما ارمسه .. بعد اربعة سنين .. :واااحد اثنين ثلااااااااث و كلنا فرينا كاب التخرج .. نعلن عن تخرجنا من الثانوية انا و ربيعاتي عشنا ايام حلوة مع بعض ما نقدر ننساها و على مشاكلنا و ضرايبنا الي ماتخلص .. صح بنفتك من الكرف لفترة .. بس بعد المدرسة شي غغغييير عن الجااامعة .. نحن مولل ما كنا انفكر في الجامعة بس انفكر ان نخلص المدرسة .. بتكون حياتنا غير .. ان شاء الله نتأقلم وياهم .. صار عمري 18 سنة .. مرت اربع سنين بغمضت عين ما صدقت اتخرج .. و بتلحقني السنة الياية رويض ... بال4 سنين انا ما رمست حمد.. بس سلام ما اعطيه مجال يرمسني .. في ال4 سنين رويض بدت تحب ميود الي كانت بس معجبة فيه بعدين رمسته من kik بعدين شوي شوي على البيبي الين الفون و بين فترة و فترة يتشاوفون بس من بعيد لان روضة تخااف .. في ال4 سنين حمده و سلوم كانو متعلقين في بعض بشكل كبيير بس الصح حمده الي متعلقه فيه بس و لا حتى سالم ؟؟ في ال4 سنين فاطمة انخطبت .. طبعا حماده الي خطبها .. فاطمة بس بقت لها سنتين و بتخلص فقالت ماتبا تملج الحين .. خلوها على راحتها .. في ال4 سنين كنا في السنة مرتين بس انشوف اهل ابوي مب كلهم بس اعمامي و عماتي .. عيالهم الصغار بس كنا نشوفها قوم مروان و فيصل و عبدالله ماكنا نشوفهم .. هل هذا الشي بيتغير و لا لاء؟؟ >> بعد ماخلصت من حفلة التخرج الي في المدرسة .. رحت البيت بعد كانو مسوين لي حفلة على نسبتي الحلوة .. 97.8 اتوقع هذي النسبة ادخلنا ابو الجامعة الي اباها .. الحمدلله .. و انا ادخل البيت شفت كل العايلة و لأول مرة بعد 8 سنين اقابلهم!! عبدالله+فيصل+مروان.. انا اطالعهم و انا منصدمة :السلام عليكم الكل:و عليكم السلام و الكل يا عندي يهنيني و يعطيني هدايا على النسبة و من هذي الاشياء .. و انا بعدني منصدمة من الي شفته .. :مبروك التخرج و على النسبة رفعت راسي اطالعته.. و اتذكرت شي من 4 سنين .. مهرة:حمد انا بقى لي 4 سنين !! حمد:على شو ؟ مهرة:على اني اتخرج من الثانوية ,, و لين ذاك الوقت انا مابي اخون ثقة اهلي .. حمد:اممم!! مهرة:هذي اخر مرة ارمسك فيها .. حمد:مهرة!! تستهبلين انا ما صدقت اني اكلمج بعد تبين تبتعدين مهرة:حمد .. انا مابي ابدأ غلط !! ,, و اصلا كل اسبوع نحن نشوف !! ,, و انت تسأل روضة .. مايحتاي بعد انك ترمسني .. جي نحن نسوي شي حرام! حمد:و اذا انا قلت لاء؟ و عيني ادمع:انا الي بحذفك و بغير رقمي و البيبي بعد .. حمد منصدم:كل ها عسب ماترمسيني ؟؟ مهرة:مايخصه يا حمد مايخصه .. انا ارمس عن الحرام ! اذا بدينا غلط الله ما بيوفقنا.. حمد ساكت.. مهرة:مع السلامة .. و سكرت الخط و فريت الفون و تميييت اصييح .... >> و اناا الحين اتذكر جان اتي حبيبة قلبي :عمووووه!! التفت عليها مهرة:فطوووووووووووووووووووووووووم حبيبتي !!! و حضنتها >> هاي هي بنت اخوي محمد .. فطووم عمرها 4 سنين .. و عنده بنت ثانية اسمها زينب عمرها سنتين و الحين حرمته حامل بعد .. مهرة:فديت بنت اخووي انا!! عمو عائشة يت عندي < ام عبدالله:شحالج مهرة مهرة:تمام عمو عمو:مبروك التخرج و عقبال الزواج مهرة:هههه الله يبارك فيج ,, ان شاءالله بعد ما سلمت عليهم رحت غرفة يدو فاطمة اول مافتحت الباب نزلت دمعتي و انا اذكر قبل 3 سنين كيف توفت ............. امي:مهرة انتي بتروحين البيت مع ابوج !! مهرة:ماما مابي اروح ابا اتم عند يدوه!! خالو شيخة:مهرة خلاص باجر بنيبج روحي انتي التفت على فاطمة خالو شيخة:فاطمة بتم .. مهرة:افففف قلنا اني اصغر وحده بس مو تعاملوني جني ياهل !! خالو شيخة:مهرة !! روحي بروحها يدج مريضة مهرة:انززين !! اففف ركبت السيارة و انا اصيح .. << يدو فاطمة كان فيها السرطان من 3سنين و الحين خلاص حطوا لها الاكسجين و مال القلب.. و رحت رقدت في غرفة امي و ابوي مع ابوي << لاني اخاف ارقد بروحي و الكل في المستشفى .. الساعة 12 و على الساعة 2 .. توقف قلب يدوه ----------------------------- على الساعة 3 امي دخلت و يت اتقومني لان ابوي كان ناش .. امي تصيح:مهرة يلا نشي بنروح المستشفى .. يدتج اتوفت انا بعدني ما استوعبت .. توني ناشة من الرقاد و امي عطتني الخبر على طول .. نشيت و رحت فوق دخلت غرفتي شفت فاطمة تصيح و هي تمشي تدخل الحمام .. شليت ي فوطة انا بعد و دخلت الحمام و انا في الحمام استوعبت الي صار .. طلعت على طوول لبست ملابسي و لبست عباتي و خذت تلفوناتي و على طول نزلت تحت .. شفتهم يصيحون و يتريوني .. امي تصيح : يلا بنصلي الفجر في المصلى الي في المستشفى .. يوم شفت الكل يصيح اتأكدت .. في البداية انصدمت بعدين شوي شوي صرت افكر كيف بتصير حياتنا بدونها ؟! هي الي كانت تصرخ علينا و تغطي علينا عسب امي ماتعصب و دايما ادافع عنا !! كيف حياتي بدونها ؟؟ وصلنا المستشفى و ريلي توديني عندها على طول ماكنت اوقف و لا اسمع حد بس امشي رايحة غرفتها !! 3 سنين و نحن بس نروح و نرد على هذي المستشفى عسب يدوتي حفظنا كل الممرضات الي في قسم الاورام !! و كل المرضى نعرفهم و يعرفونا دخلت عندها و انا اشوفها و دموعي تنزل .. لين ما الكل خلص صلاته يت مرت خالي (معصومة) و يودت ايدي و طلعتني .. و دوني المصلى عسب اصلي دخلت اصلي و اصيح.. مووول ماكنت اتخيل حياتي بدونها !! وصلنا البيت على الساعة 10 الصبح تقريبا .. و مرت ايام العزاء ثقيلة واااايد علينا !! << |
روووووووووعه الرواية في انتظار البارت الياي ❤❤❤ |
اقتباس:
هذا من ذوقج حبيبتي .. و ان شاء الله البارتات الياية تكون خفيفة عليكم .. |
يوم الثلاآث بكتب البآرت, لآن الوورد خربآن.. "آسسفةة على آلتأخخير" |
| الساعة الآن 12:59 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir