منتدى استراحات زايد - انتـِﮧ تقول انآ آخر انسآن تغليـِـِﮧ ۈانآ اقول انتـِـِﮧ اۈل انسآن احبـِـِـﮧ ~*

البارت الـــســآبـع

مياري : لاا ماابااا ..
ميود(مستغرب ): اميه تدرون اني انا اباها .. كيف توافقون على ولد عمها ؟..
خالوو صدق هالكلام والا يالسه تتمصخرين ؟؟

ام حمدان : يا مايد صدق هالكلام .. وميره لولد عمها سعيد ..

مياري ( ماسكه صيحتها ) : مابااااااه ماباااه ..

ام مايد : يا بنتي ما يصير .. هم خلاص وافقو عليه ..

ميود( معصب ) :امييه شوو خلااص انتو تستهبلوون .. مياري حقي انا .. انا احبها وهي تحبني .. ونحن حق بعض .. وخالو كيف توافقين ..!! اصلا بو حمدان يدري اني اباها وهو موافق .. شو اللي غير رايه ؟؟..

مياري ( تصييح ) : ميوود قوولهم مابااه ,, مابااه ..
مايد مسح دموعها وقالها : حبيبي انتي حقي انا وبس .. وانا بتفاهم وياهم بعدين .. لا تخافين مدامني ويااج .. محد يقدر يغصبج على شي انتي ما تبينه ..
بس حبيبي لا تصيحين تره دموعج غاليه ..
مياري ابتسمتلهـ ..بس بعدها تصيح ..وسارت عند شمامي ..

مياري افتحت باب غرفتها وسارت تصيح ف حضنها ..
شمامي : بلاااج ميرووه ليش تصيحيين ؟

ميااري : ... قالتلها السالفهـ ........

شمامي ( مستغربه وحاسه انه السالفه فيها ان ) : كييف جييه .. هم يستهبلون ؟
مياري ( تصيح): شمووه ماباا سعييد مابااه ..

بعرفكم على سعيد ..: سعيد يدرس ف كليه الشرطه في بوظبي اول سنهـ عمره 18 سنهـ ..
وهو ما شا الله عليه حليييو يعني غرشوووب والبنات يتخبلون عليه .. وهو وايد يحب مياري
لانه من يوم صغار يلعبون ويا بعض .. بس مياري تعتبره شرات اخوها .. لانها تحب مايد وما تحس
بأي شعور اتجاه سعيد .. وهو ما فكر ف يوم انه يخطبها .. << بس لييش خطبها ؟؟

المووهييم نرحع لموضووعناا ..

وصل الخبر عند فطامي اللي هي بدورها طارت من الفرحهـ ,,
فطامي ( فخاطرها ) : ياااي ونااسه واخييييرا .. بفتك من مياري .. وبياخذها ولد عمها ..
الله يا ميوود يعني انته حقي الحيين ..!! هب مصدقهـ .. ونااسه ,, خاطري اشوف ميرووه وهي تصيح ما تباه ويزوجونها سعييد غصب ..

نرجع عند مايد اللي كان ع البحر :..
آآه ياا زمن ليش جيه يصيير .. يعني نحن كنا واثقين انه نحن لبعض وعمي موافق ( بو حمدان ) وخالو تعرف .. ليش جيه يسوون ,,
يبعدونا عن بعض .. والله حرام .. ياا ربي يا ميااري والله احبج والله امووووت امووت فيييج .. مااقدر ابتعد عنج .. انا مادري كيف بتحمل هالموقف واشوفها مع غيري !!
لاا ماا اقدر انا لاازم اسوي شي .. ميرووه لازم ما توافق ,, هيه لازم ما توافق .. وينه الفوون ؟؟..

اتصل حق مياري ..

مياري ( بصوت مبحوح ): الووو
مايد : هلا حبيبي
مياري( من سمعت صووته ردت تصيح ) : اهـ ..لـ..يـ..يـن
مايد : حبيبي لا تصيحين انتي لي انا بس ..وانتي لا توافقين .. دخيلج ميرووه لا توافقين .. عشاني ..
مياري ( زاد صياحها ) : حبيبي انا مابااه .. وما بوافق بس اخاف يغصبوني عليه .. انا ها اللي اخاف منهـ ,,
مايد( فخاطره..فديتج مياري ماقدر اشوفج تصيحين!! ): حياتي لا اتمين تسوين جيه ..انتي اللي عليج انج ما توافقين .. والباقي خليه علي ..اوكيه ؟
مياري : اوكييه
مايد : يلا عيل اخليج انا الحين لاني برمس عمي بو حمدان ويوم بسكر عنه برمسج اوكييه !!
مياري : اوكييه ..
مايد : يلا عيل جااو حااو
مياري : انته تضحكني يوم تقول جااو جااو هه
مايد : فديتج والله .. يلا عيل بااي
مياري : بايات

تحدوه البشر وصارو ضده بالهوى
ولا همه حبيبي
حبيبي ومهما صارو الناس ضده
تحداهم وحط ايدي بيده
ابيك وما ابيهم ولا غيره سكن قلبي وعيني
حبيبي عود ليه
وجودك عندي بالدنيا يا غالي
ورسمك ساكن بقلبي وخيالي
ولا غيرك حبيبي

مايد ( انتي حقي اناا .. والله بتحدااهم كلهم وبيشوفون ميره لمنوو ؟!!
يحلموووون يااخذوووونها عني ..

يحلمون اللي فيك يفكرون
ياخذونك انته مني والله لو يتجننون
ياخذو قلبك مكاني
او ينسونك حناني
قلهم هذي اماني والا هم ما يقدرون
لو يغيرونك عليه او تجاملهم شويه
خلي بالك انته ليه غيرك انته يدورون
ما احد يقدر يحبك والا ياخذ مني حبك
لو يشوفو شويه قلبك فيه اسمي يلمحون
يكتبونك يرسمونك والا هم يتخيلونك
لا حشى ما يلمسونك .. فيك لا يحاولون
لو يمدولك يديهم ضحكتك راحت عليهم
وحتى لو انته تبيهم .. انته معهم تحلمون ..

نسير صوب بيت بو سيف ونشوف احوالهم من زمان ما سرنا صوبهم هع

بو سيف : ام سيييييييييف .. ياا ام سيييييييف
ام سيف : لبيييه ..
بو سييف : تعااالي وينج انتي من متى ازقرج ؟
ام سيف : اسمحلي كنت ف المطبخ .. آآمر ؟
بو سيف : شوفي .. ازقريلي سيف واخوه .. اباهم ف سالفهـ ؟
ام سيف : ان شا الله ..

سارت اول شي صوب غرفة عزووز .. تعالو نشوف شو يالس يسوي ف الغرفه .. نشوف الفضاايح هع

........: عزووووزي عاااااااد ؟
عزووز : هاا عزوووزي شو تبيين ؟
........: اباا بووووووثـهـ ؟
عزووز : امممموااااح
... وشوي .. ام سيف تفتح الباااب .. وعزوز توهق ماعرف شو يسوي .. جان يسكر ف ويه .......... ,,
ام سيف حست انه كان يسوي شي : عزوووز شو كنت تسوي ؟
عزووز ( متوهق الريال خخ ) : مااشي كنت ارمس ربيعي وجان يخلص الرصيد .. خير امييه في شي ؟
ام سيف : قوم ابووك يبااكـ تحت .. سيرلهـ ..
عزوز فخاطره ( اوهوو شو يباا هاا بعد .. أسمييه الشيبه متفيج ) : ان شا الله امييه ثواني وبنزل ...

وساارت جدا غرفة سيف .. افتحت الباب ..

ما لقتهـ ..

ويين ساار ؟؟..

يمكن ف الحماام ؟؟..

لاا محد ؟؟..

في صوت ف الحجرهـ .!!

لا لا يمكن اتخيل ..!!

وفجآآآهـ ..!!

بووووووووووووووووووووووه ..

ام سييف : حسسبي الله ع بلييييييييسك من ولد .. واايه قلبيييه .. شو انته تباا تجتلني !!!
سييف ( مييت من الضحكـ ) :هههههههههههههه ويييييو هههههههههه آآآي بطني بموت بموت من الضحكـ انتي شفتي شكلج ههههه ,,
ام سييف ( عصبت ) : بس عااد ..واابوويه عليك اناا .. شو هالحركاات هاي .. اصطلب .. وقووم ابوك يبااك تحت انته واخووك ..

سيف : شوو يباا ؟
ام سيف : مادرييبهـ ,., سير شوفهـ ..

نرد صووب ماايد ..

مايد : اوكييه عمي ,, ان شا الله ,,
بو حمدان : يا ولدي شو نسوي ,, تره هذا النصيب ,, وان شا الله بتلقى غيرها ..
مايد : بس عمييه انا ابااهاا ,, تعرف شو يعني ابااهاا .. انا مستعد اضحي بكل شي ,, عشانهاا..
بو حمدان ( متلوم ) : انزين ماعلي ولدي ,, انا برد عليك خبر ,,
مايد : اوكييه خلاص .. ما بطول عليك ,, يلا مع السلامهـ
بو حمدان : بس ياا مـ ,,,,

طوووط طووط سكر ,,

بو حمدان فخاطره ( اففف كله من هالحريم هذييل .. لوااته فيهم .. حراام نسوي فيهم جييه .. الحين اخاف مايد ,, يتصل حق سعييد ويسويله سالفه ,, والسالفهـ كله جذب ,, هاا كله من ام مايد وام حمداان يبون يسوولهم مقلب ,, افف انا لازم ادق حق ام حمدان واخليها تقولهم .. )

ام حمدان : الووو
بو حمدان : الوو هلاا فطييم ,, شحالج ؟..
ام حمدان : بخير يسرك حالي ..
بو حمدان : اقوول فطييم خلاص قولوا لمايد ومياري انهـ مقلب ,, حراام .. غمضني وحليله مايد قبل شوي رمسني ولو سمعتي شو قال ....................................... وقالها السالفهـ ,,
ام حمدان : وحليييلهـ ,, الحين برمس ام مايد ,, يلا عيل شي فخاطرك ؟
بو حمدان : لا سلامتج فديتج ..
ام حمدان : مع السلامهـ
بو حمدان : مع السلامهـ

ام مايد .. ام حمدان .. قررووا ايمعوون العايلهـ ,, ع العشا وبيقولولهم انه كاان مقلبـ ...

وع العشاا .. كاانوو يالسيين كالتاالي خخ

ام مايد وام حمدان مجابلات بعض ,,
مايد وميره حذا بعض ..
شمامي وشواخي مجابلات بعض ..
والــــــــــــــخـ ................................هع

المووهييم نشووف شو استوى ؟

ام مايد : ماايد ؟؟
مايد : لبييه الغاليهـ ؟
ام حمدان : ميره ؟؟
مياري : آآمري امييه ؟
ام حمدان وام مايد : تره حبينا نقولكم انهـ ميره ما انخطبت ولاشي ونحن اللي سوينا هالسالفهـ كلها .. وانه كان مقلب. . صاااادووووووه ,, تعيشون
وتاكلون غيرها ,,,, <<< وربي نذااااااااله هع

مايد ومياري ( مستغربين ويطالعون بعض ) : لاااااااااااااااااااااا وااااااااااالله !!
مايد : وياااا رااسكمـ ليش جييه تسوون ؟
مياري : والله لييش جييه تسوون ,, زين ما سوينا شي نحن .. بس مااعلي مردووودهـ والا شو رايك ميوود ؟ هع
ماايد : هآآع افاا علييييج ,, مردوودهـ ونص ..

وتموو ياكلوون ويسوولفوون وينكتوون ويطنزوون وووووو........اوكيه خخ

فطامي يوم سمعت انهـ السالفهـ مقلبـ وهب صدق .. انقهرت من الخاطر
وكان خاطرها تسير و تزغد مياري ومايد وياها هع ,,

بو سيف : هلا بعيالي ,, تعال ابويه سيف يلس حذاي وانته بعد عبدالعزيز ..
سيف و عزوز : مشكووور ابويه ,, خير شو مستوي ؟
بو سيف : الخير ف ويهكمـ ,, انا قررتـ ........................؟

Sto0o0o0o0o0o0o0o0o0o0o0oP

هع هع شو رايكم بالباارت .. لا تقولون هب شي ,, خخ

شو بيستوي ف البارت الياي ,, يعني توقعو ,, شغلي مخكمـ ,,
تخيلووو ,, هع

مياري ومايد .. شو بيصير من بينهمـ ,, وهل حبهمـ بيستمر ؟
فطامي هاي شو مشكلتها ف الحيااه خخخ ,, يعني شو تتوقعون تسوي ؟
وبو سيف شو قرر .. وشو يبا من سيف وعزووز ؟

وبثـ .. ترقبوو البااارت الياااي ^.^