|
ويـــــــــــــــــــــــــــــــــــــــن البارت؟؟؟؟؟؟؟؟؟؟؟؟؟؟؟؟؟؟؟؟ |
امممم ,, عادي اقولكم ان (راقي الذوق ) غيرت رايها وما بيكون هالبارت هو الاخير >> على قولتها تحس انها بعدها ما خلصت القصه والسموحه لاني انا صدق نسيت انزل البارت الاخير .. ومره نزلته اصلا بس ما نزل لان قالي اصبر لان كنت راده على الموضوع قبل المهم ,, زين اني ما نزلت البارت الاخير .. وهالبارت بيكون17 وان شا الله ما بطي عليكم بالباقي .. انا الحين فاضيه وما عندي شي عشان انسى والا اتاخر عليكم .. اول ما يوصلني بنزله .. واللحين بنزل البارت 17 .. |
البارت 17 .. عقب كلام سالم صعب التفكير عند راشد ولا قدر يرمس سالم بالموضوع اللي كان يباه عشانه اصلا .. راشد كان يبا يخبر سالم بالسالفه كلها ويطلب منه حل ومساعده في انه يرضى روضه وينهي الموضوع ع خير ,, لانه عقب ما راجع افكاره ويا عمره عرف انه غلطان .. بس بعد فوات الاوان عند روضه سالم رد البيت لانه مواعد البنات يغديهن وراشد بعد رد البيت بس رد لغرفته وداوامته اللي عق عمره فيها بعد ما استأذنت ميره من امها بس طبعا ما قالت منو بيوديهن ,, وام سلطان تتحرى روضه بتوديها عشان جيه طاعت ,, طلعن البنات ويا سالم ع الساعه 1 وشوي .. استانسو وايد بهالطلعه وغيروا جوو .. مرن يومين وراشد على حالته .. وعقب يومين .. نش راشد الساعه 8 وراح الشركه وخلص اوراقه المهم وخلص كمن شغله عنده ,, وع الساعه 10 ونص طلع من الشركه وسار صوب الجامعه واتصل بروضه .. روضه كانت توها طالعه من الكلاس وترمس ويا ربيعاتها وبتسير صوب الكانتين عند ميره .. ورن تيلفونها وردت بدون ما تشوف الرقم وهي عبالها ميره المتصله روضه: يايتنج غناتي ,, توني ظاهره من الكلاس راشد: مرحبا رويض انصدمت يوم سمعت صوت راشد ووقفت مكانها راشد: الووو ,,, رويض !! وينج ؟! روضه: .... امم .. الـ ..ـووو راشد: مرحبا وسهلا ,, شحالج غناتي (دمعت عين روضه ولا رامت ترمس ) ادري اني ما استحي ع ويهي وان المفروض ما اتصل بس رويض انا محتاجنج ولازم نرمس وننهي هالموضوع ع خير روضه : بالنسبه لي انا كل شي منتهي راشد: اسمعيني لو للمره الاخيره ,, لو سمحتي رويض لا ترديني روضه : شي بعد تام ما قلته يابوسنيده راشد: انا عند باب الجامعه اترياج ,, وارجوج ما ترديني ..لو المره الاخيره اللي اطلب فيها منج شي (روضه ساكته وتفكر ,, تطلع تسمع شو عنده والا لا ؟! ) ان كان باقي لي بقلبج ذره غلا يا رويض ارجوج انج تظهريلي روضه تمت ساكته وعيونها تدمع وفي هاللحظه طلعت ميره من كلاسها اللي كان عدال روضه وشافتها ولا انتبهت ان فيها شي ويتها وهي كوول وتضحك وضربتها على جتفها تنبها انها وراها ميره: يلا رويض نروح ,, خلاص السير كنسل الكلاس الثاني يعني بظهر وياج وروضه ما ترد على ميره وتسمع صوت نفس راشد وهو يتريا رد روضه ,, انتبهت ميره ان روضه فيها شي لان وحده من البنات اشرت لميره ,, ويوم شافت ويها عرفت ان شي جايد مستوي وهي ماسكه التيلفون ,, زقرتها مره ومرتين وروضه ما ترد بس تطالعها ودموعها تنزل على خدها ,, سحبت ميره التيلفون من يد روضه لانها ماتت من الزياغ ,, تحرت شي مستوي ومخبرين روضه وعشان جيه هي تصيح ومنجلب مودها .. ميره بلهفه وخوف : الووو راشد (وخانقتنه العبره) : هلا ميره ميره: بسم الله الرحمن الرحيم ,, بلاكم؟! راشد: مياري انا عند الجامعه اتريا روضه برع ,,دخيلج اقنعيها تي عندي ابا ارمسها ,, خلاص تعبت ما اروم اتحمل اكثر عن جيه ..انا خبل وما اعرف افكر ولا عندي سالفه يوم قلت اني بودرها ,, دخيلج خليها تي ابا ارمسها ,,دخيييييييلج ميره: زين زين خلاص يلا باي سكرت عنه ميره وسحبت روضه من يدها وسارن صوب الحمام ,, خلتها تغسل ويهها وتمسح دموعها وعقب سحبتها للباب وهنيه وقفت روضه وكانها من الصبح تمشي مب بارادتها روضه: ميره (ولفت ميره صوبها) ما بطلع له ميره: روضه ,, لا تقسين يا روضه عليه .. روحه متندم روضه: اقسى عليه !!!!!! اناااااا اقسى عليه يا ميره !! ميره(حست انها قالت شي غلط وان روضه مسكينه ما سوتبه شي ولا قالت شي من بدت هالسالفه):سوري رويض ما قصدت ,, بس اقصد انه سمعيه ويمكن تكون هاي اخر مره ,,اصلا اعتقد ا نهاي اول مره ترمسون فيها من صارت بينكم هالسالفه .. سمعي مبرراته واعتذاراته ويمكن تقتنعين باللي يقوله .. انا معاج انه غلطان ,,بس معاه لانه عرف غلطه وياي يصلح الموقف .. ارجوج روضه لا تنهين سعادتكم بسبب عناد او حفظ كرامه ترا هاا كله بدون الحب ما يسوى شي روضه: خلصتي كلامج !! (ميره تطالعها وعيونها تغرغر ) ,, طلعت اللحين انا الغلطانه لاني ما ابا اسمعه .. بس هو مب غلطان لانه ابتعد بدون سبب ولا مبرر ,, انا الغلطانه لاني تريت شهر واثنين وثلاثه وهو ولا هامنه ,, غلطانه لانه لي كرامه !! والا غلطانه لان ها اخوج !! والا غلطانه عشان شو ؟!! ميره: عطيه الفرصه الاخير يا روضه ,, وما بتخسرين شي (ولفت ميره بتروح عنها .. بس تذكر شي ) بس تذكري كل لحظه حلوه ويا راشد وكل كلمه وكل موقف دار بينكم وتذكري محاسنه يمكن تشفعله هالزله .. انا بسير الكانتين وباتصل بالدريول ايي ياخذني واتمنى يوم اتصلج عقب اني القاج عنده ( وروحت عنها ) روحت ميره وروضه تطالعه وهي مجفيه وتفكر .. تسمع كلام قلبها والا عقلها ؟! والا شو تسوي ؟! وقطع حبل افكارها صوت التيلفون و ردت عليه راشد: انا اترياج رويض لبى قلبها ندا راشد ومشت ريلها صوب الباب : يايتنك (وسكرت عنه) |
طااااااااااااااااااااااااااااااااااااار راشد من الفرحه وعدل سفرته وطلع العطر اللي تحبه روضه عليه وتسبحبه وجدم السياره يوم شافها طالعه من الباب وتتلفت تدور السياره .. وركبت روضه سكرت الباب وحطت اغراضها على المسند اللي بينها وبين راشد ( الثلاجه) وعدلت شيلتها ,, شكلها عاااااااادي ولا تبتسم وملامحها ما تغيرت وكانها راكبه مع دريول مب مع حبيب قلبها راشد .. وراشد مفتر صوبها ويطالعها ( الحمدلله اني ياي الأس أل والا جان ركبت عني ورا) وعقب فتره لفت عليه روضه: انت ما بتمشي !!(وهو سرحااااااان فيها ) رااااشد ( ودقته على جتفه وانتبه) ما بتمشي ؟! راشد: هاا .. لا يلا بحرك حرك راشد السياره وما يدري لوين يسير بس يحوط فالشوارع ويضيع وقت ويطول طريج ونص ساعه على هالحاله ولا واحد منهم رمس .. وهم مشغلين الاف ام وكل واحد صاد الصوب الثاني .. يت اغنيه عبدالمجيد اللي روضه تموت عليها ويوم سمعها راشد طوول (يعني اهداء ) يا اغلى من روحي علي .. يا اغلى شي واحلى شي .. ان قلت احبك شفتها .. هالكلمه في حقك شوي وفجأه بندت روضه الراديو وصاحت ,, وقف راشد ع اليمين ولف صوبها تم يطالعها ومب عارف شو يقول والاشو يسوي عشان يسكتها ,, وهي تصيح وحاطه يدها على ويهها .. راشد: رويض فديت روحج ما تصيحين ,, ادري عورتج الاغنيه وادري اني انا مااستحي والا اخيل منج اعذبج ويايه .. بس الله يخليج خلاص عاد روضه ولا كانها تسمعه بالعكس زادت صياح ,, مسكها راشد وخوز يديها عن ويها ولوى عليها .. هي ذابت بحضنه وتمت تصيح وهو يلوى عليها اكثر واكثر عشان يخوز الوله اللي فيه ويحاول يسكتها ,, ويمكن حظنه يختصر عليه كلام وااااااايد .. وعقب دقايق هدت روضه وبعدت عن حظن راشد مع ان ما كان ودها لانها حست بحبها له يتجدد ومشاعر يديده تتضارب في داخلها .. تساندت على الكرسي وعدلت شيلتها ومسحت دموعها وبصوت مبحوح قالت : ردني البيت راشد ما فتح حلجه ولا قال شي .. حرك ولكن في خاطره بيطول الدرب عقب بيوديها البيت .. اذن الظهر وقالها انه بيخطف المسيد عن تفوته الصلاه لين يوصلها البيت .. حصلوا مسيد على دربهم ونزلو كلهم ..لانه اصر عليها تصلي فالمسيد مع انها كانت تبا ترد البيت وبتصلي هناك .. بس استسلمت لطلبه ونزلت وياه .. دخلت مصلى النساء وتمسحت وصلت ويا الامام وكان فالمسيد مجموعه حرمات بس مب وايد (طبعا الصوت ناقلينه عندهم ) .. وهي في سجودها كانت تدعي ربها انه يسرلها امورها وتنحل سالفتها ويا راشد على خير .. وان الله يهديها على الراي الصواب ( تصر على رايها بالطلاق والا تسمعه وتعطيه فرصه) وعقب الصلاه ظهرت ولقته يترياها عند السياره .. حرك بس ما سار صوب البيت ,, روضه: انت وين ساير ؟ ما رد عليها واتصل بسالم وساله وين هو وكانو قراب من الشركه وسالم هناك ,, كان بطلع اصلا بس راشد قاله يترياه وعقب اتصل بمندوب الشركه وقاله يترياه برع عند سالم في الباركات .. وصل عندهم وقف السياره عدال سياره سالم وروضه تطالعه مستغربه ( ها شوي سوي !! ) راشد : وين سويج سيارتج ؟ روضه : شو تباه ؟! راشد: ووينه ؟ روضه: شو تباه ؟! ردني عند سيارتي وانا بسير بها البيت هز راشد راسه وشل شنطتها وهي تطالعه ,, خذ منها السويج ونزل من السياره وسار صوب سالم والمندوب يوم شافه سار صوبه عند سياره سالم .. قال لسالم انه شال روضه وسيارتها عند الجامعه وعلى دربه يودي المندوب الجامعه ياخذ السياره ويوديها البيت عقب يرد روحه .. سالم استغرب ,, روضه ويا راشد !! سالم: رويييض ويااك ؟ راشد: هيه سالم: تراضيتوو ؟ راشد: نتراضى سالم : هههه زين زين ,, الله يهديكم راشد : آمين ,, زين عيل يلا لا تعطلونا ولا نعطلكم سالم: الله يحفظك روح راشد عنهم وركب سيارته وشاف روضه تلعب بفونها ,, خذه من يدها واغلقه .. طبعا احتشرت عليه بس ما سوالها سالفه .. هو ما رام يغلق فونه لانه بزنس مان بس عقب حشره روضه وشمعنى انا وشمعنى انته ,, اغلقه وسار صوب دبي روضه يوم شافت الفه احتشرت عليه روضه: راااااشد حرام عليك والله تعبانه مافيه لطريج دبي وكانها ترمسها روحها ولا حد يسمعها ,, بالعكس يعطي السياره ريس وهي تمت تتحرطم عقب ملت لانه مووول ما يرد عليها .. بطلت السده وقعدت تدور شي من السيديات بتشغله .. اختارت اي واحد منهم لان كل السيديات مكتوب عليهن منوعات 1 و2 والخ .. اول اغنيه اشتغلت ( راضي بتعذيبي اذا كان ,, انتو عن التعذيب راضين ,, غالين ولكم قدر وشان ,,عنكم نحن ماهو بسالين ) روضه اول ما سمعت الاغنيه لفت اتطالع راشد وهو بعد لف ويت عينه بعيونها وكانه فهم روضه شو تقصد بهالنظره وبسرعه نزت رويض نظرها عنه وهو رد يطالع دربه ,, ع الساعه 2 الا ربع وصلو جماعتنا دبي ( الستي سنتر بالتحديد ) نزل راشد وروضه بطلت الباب بتنزل وحست نفزه بقلبها ويودت صدرها راشد كان واقف جدام السياره وشافها وياها بسرعه ,, راشد: حبيبي شو بلاج ؟! روضه وهي ميوده قلبها : ما اعرف ,, بس حسيت بنغزه في صدري حط راشد يده مكان ما روضه حاطه يدها : يمكن افتريتي غلط روضه تاخذ نفس بصعوبه : يمكن اونه يساعدها تعدل عمرها .. ويساندلها السيت : ايلسي شوي استريحي (وعطاها السويج) شغلي السياره وفتحي المكيف بسير بسرعه باخذلج ماي وبرد .. انتي ارتاحي روضه: لا حبيبي عادي مافيه شي بس نغزه بسيطه وخلاص بتخوز راشد يوم سمع حبيبي تلخبط زين ما طاح غشيان ,, روضه من مده ما قالتها وبعدين هي زعلانه يعني مستحيل تقوله لكنها طلعت عفويه من قلبها .. فدييييييتج يا رويض والله اني سخيف وما استحي اعذبج ويايه نزلت روضه وراشد بعده واقف جدامها ,, قفلت السياره ومشت وهو واقف .. لفت عليه ودقته على جتفه وفز روضه(بابتسامه): بلااااك !! بسم الله عليك راشد: هاا .. لا ماشي (وتوه انتبه) ليشن زلتي ,, ارتاحي شوي ضحكت عليه ومشت عنه ولحقها ,, يود يدها بس هي سحبت يدها من يده لف يطالعها بس هي ولا عليها ولا كانه تشوفه .. قالها راشد انهم اول شي بيتغدون ومشو بيسيرون فوق وروضه كل شوي تيود صدرها ويبين من ملامحه ويها انه شي يعورها لانها كل ما تمسك مكان الويع تتغير ملامح ويها .. وهم ع الدري كانت ماسكه قلبها وتتويع وكان واقف وراهم شابين الشاب الاول: سلامت قلبج يا قلبي الشاب الثاني: يعله فيه ولا فيج راشد عصب حده ولفلهم ودغشهم من حلوجهم: انتو ما تستحون على ويهكم روضه: رااشد ,, الله يهديك ..شوي شوي بالتفاهم (وفجت ايديه عنهم) خلهم يولون عنك الشاب الاول: افاا يا بوسنيده ,, تدغشني من حلجي طالعت روضه هاللي يتكلم ويوم شافت ضحكت : فهوووود فهد: هيه فهوود ,, عقب شو عاد عقب ما قطعلنا هالدفش حلوجنا روضه: هههههه ماعليه امسحها فويهي (ولفت ع الثاني) هلاا حمد شحالك حمد: حالي يرثى له عقب دغشت ريلج يوم انتبه راشد منو هم وركز فويهم تم يضحك من الخاطر فهد: هيه اضحك ,, شعليك انته وتوايهو .. راشد: اسمحولي والله اني ما انتبهتلكم ,, اتحراكم من هاذيل اللي مضيعين المذهب حمد: ونحن لو ندري انك انت اللي وياها جان ما استهبلنا روضه: يعني بكون مع منو مثلا!! فهد: ما توقعناج معاه ,, قلنا يمكن سالم ..اللي سمعناه انكم متطلقين تغيرت ملامح روضه وراشد وتمو يطالعون بعض وفهد حس بالاحراج ومسك يد اخوه حمد: السموحه منكم .. قاطعه راشد: افاا عليك حصل خير ,, يصير سوء الفهم مرات (وحط يده حول روضه ويرها صوبها) انشا الله ما يفرقنا غير موتنا .. بس كنا متزاعلين شوي ..واللحين خلاص اتوقع انشا الله انه طاح الحطب روضه مااااتت من هالحركه وحست بالاحراج اكثر (ليش يجذب عليهم ,, زعلنا مب بسيط ومنو قاله اني رضيت والا بردله اصلا) بس ماحبت تحرجه جدامهم .. نسيت اعرفكم على فهد وحمد .. فهد وحمد عيال صالح خال ام روضه ..حمد 25 سنه ويشتغل فالعقارات وكان يبا روضه ويحبها بس سبقه راشد وخطبها وهو خطب وحده من معارفهم حليوه وحبوبه بعد وانشا الله عقب شهر تقريبا عرسه وفهد 19 سنه واول سنه في كليه الطيران >>>> نرجع لروضه وراشد عزمهم راشد ع الغدا بس اعتذروا لانهم اصلا مواعدين الشباب وسايرين صوبهم بيتغدون وياهم ,, ساروا روضه وراشد فوق صوب المطاعم .. ودشوا اول واحد ( اونو ) ها مطعم رهيب واكلاته تجنن وفي نفس مستوى جيليز بس ها اكله تقريبا ألذ>> ما اسوي دعايه تراني بس صدق يعيبني .. قعدوا ويابولهم المينيو ,, واختاروا ويتريون الاكل .. طلع راشد فونه مخباه وفتحه ,, جان ترفع روضه حاجبها : مب قلنا انه مغلق ابتسم راشد : فديت روحج والله ,, كل ما فيج يذبحني روضه: مب موضوعنا .. ليش فتحت فونك ؟! عيل حتى انا بفتحه راشد: هههه فتحته اجيك بس اذا حد اتصل من الشركه ,,بس طلع اخوج حارق التيلفون روضه: انزين اتصله شوفه شو في خاطره راشد: توج واجعتيني يوم فتحته وتبيني ارد اغلقه اللحين عادي اتصل لاخوج روضه: ها بوغنيم مب اي حد راشد: والنعم الساع من بوغنيم ( زاخ راشد الفون بيتصل بسالم جان يتصل به سالم ) لا طاري حد غير سالم: سود ويهك يا الخايس ,, منو غيري معثور تبا يتصلبك راشد: هههههههههه شو في خاطرك ليش متصل الف مره سالم: ما عليه يا الزفت ,, بنتلاقى ترانا ان الله احيانا ,, وين ختيه ؟ راشد: ختك عندي ,, شو تبابها ؟! سالم: وليش مغلقين تيلفوناتكم ؟! راشد: كيفنا سالم: واااااااااااايه ,, انزين قولها ترمس ابويه لانه يتخبر عنها راشد: ااسف سالم: روويشد لا تحلفني الله ايك لين عندك وادوس في بطنك راشد: هههههههههههه عوذبالله بلاك لابق اليوم ,, نسولف ياخي سالم: مالي بارض عالسوالف ,, وقول للطمطمه اللي عندك ما عليه والله براويها راشد: ايه ايه شو تقول انته,, اونه يهدد .. الله لا يخليني ان خليتك تقولها شي سالم: عليه منك والا منها ,, يلا يلا باي سكر راشد وهو هلكاااااااان ضحك ع سالم روضه: بلاه سالم!! راشد: ههه شدرانيبه ,, مغيض ويتحلفلج ويقول ابوج يتخبر عنج اتصليله خذت شنطتها وفتحتها بتطلع فونها بس مالقته: خليته فالسياره؟ راشد يرفع كتوفه (ما ادري) ردت تدور عدل بس ما لقته : عطني فونك مدلها اياه واتصلت بابوها سالها وين هي وقالتله انها ويا راشد فدبي استغرب ابوها وقالتله يوم بترد بتفهمه ,, المهم هو كان يبا يسألها عن السياره بس قالها خلاص يوم بتردين بنرمس سكرت عن ابوها ووصل الاكل وقعدوا يتغدون ويسولوغ ويضحكون وللحظات روضه نست انها زعلانه من راشد لانه غرقها حب وغزل ونساها كلل شي وطبعا اتعذرلها ورمسها بكل صدق وهي حست الصدق في كلامه وفي عيونه عشان جيه سامحته ونست كل شي وفتحت صفحه يديده ووعدها بانه يبقى لها وتبقاله باذن الله وان ما يفرقهم سوا موتهم .. خلصوا غدا وقاموا والابتسامه تنور ويهم هم الاثنين .. |
البارت 18 ابتسامه فرح ,, ابتسامه سعاده ,, ابتسامه حب .. ابتسامه أمل كملوا حواطه ودخلها باريس غاليري وخذلها الي تباه وزود >> رضوه ,, وعقب ما صلوا العصر طلعوا في السياره ,, راشد ماسك يد روضه وهو يسوق وكل شوي يبوسها وروضه ميته منه .. راشد: مابا ارد العين .. بنزلج البيت وبتم روحي والله يعلم متى بشوفج مره ثانيه روضه: ههه عن المكر عاد راشد: حرام عليج والله اني ما امل شوفج ولا اشبع منه روضه: رااااااااااااشد راشد: عيونه روضه: بس عاد ( وسحبت يدها من يده) وبسوالف وضحك وغزل ونسيان للماضي قبضوا درب العين .. وعند شيشه البترول وقف راشد بيعبي السياره بترول ونزل ياخله رد بول ولروضه فيتمنسي .. ويوم رد بيركب شاف روضه قاعده مكانه طالعته تترجاه يخليها هي تسوق وما قالها شي .. ابتسم ودار وركب عدالها شوي ويأذن المغرب وصلوا جماعتنا العين راشد كان متروع وتام على اعصابه من سواقه روضه لان السياره سريعه وهي ما تروم تتحكم بها وايد بس شوي يسوي ما يروم يرد طلبها يوم بغت تسوق بوخلفان طار من وناسته يوم شافهم نازلين من السياره وهم يضحكون بس هم ما شافوه انه موجود نزل راشد ودار صوب روضه وهي نزلت وتساندت عالسياره راشد: تزهبي ترا العرس عقب العيد روضه: شوووو؟ راشد: اللي سمعتيه .. رمضان عقب اممم.. حوالي شهر والعرس عقب رمضان باسبوع يعني عندج حوالي شهرين روضه: لا انته مب صاحي ,, شو شهرين؟ خوزها عن باب السياره وركب ونزل الجامه ,, وهي واقفه تطالعه وحاطه يديها في خواصرها راشد ( وهو يريوس): انا قلت اللي عندي ,, ويوم الرمسه تستوي رمسه ريايل خلاص الحرمات مالهن شور روضه: لا والله راشد: نتفاهم بعدين ,, عمي بيخبرج بكل شي .. اللحين انا هيداني اتسبح والحق ع الصلاه وروح بوسنيده وهي دخلت البيت تتحرطم عليه ,, شافت ابوها وهي داخله ووايهته وسارت فوق تسبحت وصلت المغرب وعقدت عمرها على الشبريه ورقدت لين الساعه 2 فليل .. دخل عليها سالم ويوم لقاها راقده طلع لكنها سمعت صوت الباب ويوم شافت الساعه قامت بسرعه لانها ما صلت العشا ,, وعقب ما صلت سارت غرفه سالم لانها توقعت انه هو اللي كان ياينها سالم : حي الله العروس باست اخوها وقعدت عداله : الله يحيك سالم: هههه يعني خبرج روضه: خبرني ,, بس مب على كيفه سالم : تبين نصيحتيه !! (طالعته روضه باهتمام وجنها تقول هيه) لا تطولين المده اكثر ,, اللي صارلج مع راشد ممكن ياثر تراه واذا كان العرس قريب ما بتهتمون بالموضوع وبتنسونه وها الاحسن وبتبدون من يديد ,, لكن اذا كانت عندكم مده اكبر بتمون تعيدون وتزيدون فاللي صار وبيتيددن الجروح ويمكن يصير غير جيه حست روضه ان كلام اخوها صح ,, نزلت راسها وتنهدت وحط يده حولها وضمها لصدره وصاح فون روضه ويوم شافت الرقم ابتسمت وطالعت سالم .. شل الفون من يدها ورد هو عليه ميره : يا الهواامه يا السخيفه ليش ما تردين عليه ,, حرقت فونج وحرقتيلي دمي ابا اعرف سالم: وليش اللقافه سكتت ميره وحاولت تركز على اللي رد عليها سالم: اخبارج يا ام علوم ميره : ههه تمام ,, ليش ترد على فونها يمكن كنت بقول شي مابا حد يعرفه غيرها سالم: لاااه ,,وانتي ما تعرفين تيودين لسانج لين تعرفين منو اللي راد عليج ميره: انا متصله على فون روضه يعني شي طبيعي ان روضه اللي ترد عليه بس عاد اللقافه تصير مرات وحد غيرها يرد سالم: بس بس بس ,, الله يعيني على هاللسان استحت ميره وروضه هلكت ضحك عليهم وعطاها سالم الفون روضه: ههه هلا مياري ميره: سخييييييييييييييييييييييييييييييييييف احرجني روضه: هههههههههههه ماعليه حصل خير ميره: خلينا منه اللحين ,, اخبارج انتي !! شو صار !! روضه: هههههههههههههههههههههههههههههههههههههههههه ميره: روووووووووووويض روضه: ههههه ما اروم ميروه ميره: يا الله منج ,, بموت ابا اعرف روضه: برمسج عقب ميره: هب راقده لين ترمسيني تراني روضه: ههه اوكي سكرن عن ميره ويلست تسولف شوي مع سالم وعقب راحت حجرتها .. نست ان ميره تترياها .. فتحت لابها ويوم شافت انم يره اون لاين ذكرت ودقتلها .. طبعا عقب ما هزبتها ميره شوي قالتلها رويض اللي صار بينهم هي وراشد ,, وتمن يسولفن لين اذن الفجر وعقب كل وحده سكرت وقامت تصلي وردن يرقدن .. |
الصبح الساعه 10 وشوي روضه نشت ونزلت تحت .. لقت ابوها يالس يطالع التلفزيون ويجلب الجرايد ,, وايهته وصبتلها حليب ويلست عداله تجلب الجرايد وياه .. وعقب شوي ,, بوخلفان: امايه روضه روضه: امرني الغالي بوخلفان : مابطول عليج السالفه ,, انتي ترمسين راشد وضني انه خبرج انه يبا العرس عقب العيد روضه بمستحى : هيه ابويه خبرني بوخلفان: وشو رايج روضه: والله يابويه ما ادري ,, بس انا اشوفه وايد قريب وانا ما بيواحيلي اخلص شي بوخلفان: بس هو من زمان مالج عليج ومن قبلهات عاطينج عشان تتزهبين .. روضه: لكن انت تدري ان كل شي توقف فتره بوخلفان: بعد يا بنتي مب زين اتمين هالكثر خاطبه وعقب مالجه وتأخرين العرس بعد سكتت روضه للحظات وعقب ردت على ابوها : خلاص ابويه اللي تشوفنه يوالمكم سوه بوخلفان: مب اللي يوالمني انا ,, مب انا اللي بعرس ,, انتي يا بنتي اللي بتعرسين ( سكتت عنه وتموا للحظات ساكتين) خلاص عيل ,, انا بقوله يأجله لين عقب العيد العود .. واكثر عن جيه ماشي روضه: تبا الفكاك مني يعني بوخلفان: ابا الفكاك من هالحيره اللي حاطيني فيها من فتره ,, تراني مب ما افهم ,, وملاحظ ان الاجواء مب طبيعيه ابتسمت روضه ونزلت راسها وافقت روضه على العرس بعد ما اقتنعت بكلام اخوها وابوها .. مرت الايام وروضه مسكينه تراكض تخلص زهابها .. ما تطيع ترمس راشد وراشد مستخف يبا يرمسها بس هي مب راضيه لين العرس .. مر رمضان واليوم العيد وعشان خاطر ابوها وافقت روضه انها تطلع وتسلم على راشد بس ما كان بروحها وياه طلعت وسلمت على عمها وراشد كان واقف عدال ابوها .. بوسلطان: حي الله الشيووووخ روضه: ههه الله يحيك يا عمي بوسلطان: شحالج يا بنتي روضه: بخير الحمدلله ,, مباركن عيدك بوسلطان: عساج من العايدين والسالمين وراشد بياكلها بنظراته .. متووووووووله عليها من حوالي شهرين ما شافها ولاسمع صوتها .. لفت روضه بتروح جان يزخها سالم من يدها .. سالم: ريلج .. ما سلمتي عليه ماااااااااااااااااااااااااااااااااااااااااااااتت روضه وراشد شق الحلج .. طالعته ونزلت راسها روضه: اووووه .. هلا راشد .. مباركن عيدك راشد: مباركن عيدك من بعيد كفخه خلفان على جتفه : استح على ويهك وحشم الكل ضحك الا روضه اللي تمنت الارض تنشق وتبلعها .. فجت يدها من سالم وروحت ولحقها راشد وهو يرمس عمه: اسمحلي عمي ( وظهر من الميل سوراها) لحقها وزخها من يدها وهي تفاجأت به تحرته سالم روضه: راااشد!! راشد: اول مره تشوفيني روضه: ههه لا بس تحريت سالم ,, ما توقعتك بتلحقني راشد: لااااااااه !! روضه: هههه والله راشد: وين حبتيه طالعته روضه ورفعتله حاجبها راشد: لا تحاولين تخوفيني ,, ما عليه منج .. درتي عليهم وحبيتيهم الا انها .. اوونه اووه نسيت روضه: هههههههه انا ما ابا راشد: لا تغايضيني وانتي تعرفين اني ما اتقاشر روضه: شو بتسوي يعني ؟!! طالعه راشد بنظره تحدي : شو بسوي ؟! روضه: ههههههههههه خلاص خلاص ,, دخيلك قرب منها راشد وهي حضنته وباسته بالقوو وروحت عنه وهو تم واقف ومستااااااااااااانس منها .. دخلت البيت وهي اصلا بتطير من الوناسه لانها هي بعد متولهه عليه وايد وحس بهالشي اكثر في حظنه مر الاسبوع ع روضه مثل البرق ولكنه مر عن ميه سنه ع راشد .. |
البارت 19 يـــــــــــــــــــــــــــــــــــــــــــــــــ ــــــــوم العرس .. راشد من نش ( ها اذا رقد اصلا ) وهو متوتر وكله يفاتن ويواجع على اي شي .. زعل لطيفه وميره وطفر امه من كثر ما يواجع ويزاعج .. اما روضه متوتره وشعورها متضارب وشما واقفه وياها من الصبح واصلا ما خلتها ولايوم .. عقب صلاه المغرب ميره ولطيفه خلصن مكياج وردن البيت يلبسن فساتينهن عقب بيسيرن عند روضه وعقب القاعه ,, شما تمكيجت مع روضه وتمت معاها تصادي راعيه المكياج والشعر .. من اذن العشا شما لبست فستانها وقالت لروضه انها بتيها كل شوي بس لازم اللحين تنزل للقاعه توقف مع امها وعمتها ,, تمت ميره قاعده عندها ولطيفه نزلت مع شما .. عقبها بدا وقت التصوير .. روضه هلكت من هالمصوره اللي تخبلت على روضه وجمالها ,, خلتها تسوي حركات رووعه وتصور ورويض خلاص طفرت .. الفستان ثجيل ولاعت جبدها على قولتها منه ,, وميره قاعده عندها وتضحك عليها .. ميروه كل شوي تنزل وترد بس ما تتاخر على روضه .. طلعت ميره تشوف الاوضاع على قولتها فالقاعه وهي طالعه شافت سالم بس ما وقفت له ومشت بسرعه وما كانت تدري لوين رايح وهي راحت القاعه وردت عقب عند روضه .. اول ما دخلت ميره فرت الشيله والعباه وهي تمشي ومب منتبه على اللي جدامها ميره: فدددديت من لاقيت وانا سايره شق الحلج سالم : يعله يفداج روضه والمصووره ضحكن (طبعا المصوره بس جيه ضحكت ,, حشرن مع الناس عيد ) تصنمت ميره جدامه وهو الصراحه اللي تصنم من اللي يشوفه جدامه سالم: يااويييييل حالي والله اني ما اروم انتبهت ميره على عمرها وشلت شيلتها وعباتها في يدها وشرد وهو لحقها بسرعه ,, حاولت روضه تزخه من ايده بس سوالفها طاف وركض ورى ميره .. ميره تمشي بسرعه فالممر وتلبس عباتها وهي تنتفض .. مشى بخطوات سريعه وراها وهي سمعت صوت الكندوره وهو يمشي ولفت وراها تشوف ولقته .. سرع خطواته ووقف عدالها .. هي خلاص بتمووت من المستحى ولا تروم تشرد وقف جدامها وهو يبتسم ابتسامه تذبح ويطالعها بنظرات تذبح وهمس لها بصوت يذووبها : احبــج زين ما طاحت ميره من طولها ,, غمضت عينها وخذت نفس وفتحت عيونها شوي شوي وعيونها بعين سالم اللي يطالعها ويبتسم تبادولوا كلام وايد بهالنظرات اللي ما كملت ثواني لان ميره اول ما انتبهت لعمرها شردت بسرعه من جدامه وهو تم واقف مكانه يضحك وعقب روح لقاعه الريايل وهو شاق الحلج تقول اليوم عرسه مب عرس راشد الدقايق تجري بسرعه على روضه وتعدي كنها سنه على راشد ,, يا الوقت اللي لازم تطلع فيه روضه للقاعه .. طبعا ما اخبركم عن الارتباك اللي فيها والشعور اللي حس به طلعت روضة للقاعه وكنه القمر طالع ع الناس ,, كل الناس تطالع وتصلي ع النبي من الجمال اللي يشوفونه يمشي قدامهم ...... مشت روضه وهي تبتسم وبربكه لين وصلت للكوشه وشما ما خلت اي حد يساعدها ما تبا حد يخرب عليها ولا يخلي العرب تشوفه .. وصلت للكوشه وبعد دارت ع الكوشه وطبعا ها كله بتوجيهات شما اللي تطالعها وتأشرلها ,, وعقب ركبتلها ميره وساعدتها وقعدت .. وشوي وقامن يسلمن عليها وين البنات وربايعها يتصورن معاها ,, وعقبها قالوا ان راشد بيدخل ,, وهني روضه كنها اول مره بتشوفه ,, ارتبكت ودور بعيونها حد ايها بس ميره ابتسمتلها ولا سوتلها سالفه .. دخل راشد ومعاه ابوه وعمه بوخلفان وخلفان وسالم ,, سالم كان يمشي قدامهم وايول ومرتبش عقب مسك يد خلفان ورجوا ورا راشد وابوهم وعمهم وعطوها يااااابس ,, وصار التشجيع عاد .. وصلوا ع الكوشه واونه اصطلب شوي سالم لان خلفان قاله بس هد الريس شوي .. المهم هو راشد ,, اللي انا نسيته وقعدت اخبركم عن سالم المخترش .. راشد كان صوت دقات قلبه ما تخليه يسمع اي شي عداله>> حشى هو العروس ,, ونظراته تطير صوب روضه ولا يقدر يشوف حد في هاللحظه غيرها اما روضه من دخلوا وقفت وهي منزله راسها ونظرها في الارض بس يوم سمعت ان العرب نرتبشه ويصفقون لحد رفعت نظرها وشافت سالم وابتسم لخبال اخوها .. ويت عينها بعين راشد وبسرعه نزلت راسها وراشد ماااااااااااات من هالنظره .. وقف راشد قدامها وحبها على راسها وباركلها وهي ذاااااااااااااااااااااابت ولا رامت ترد ,, زين منها انها بعدها واقفه على طولها اصلا .. وقف راشد عدالها ,, مسكها ابوها ولوى عليها وباركلها ودمعت عينها راشد: ها ها ها ها ,, ما نبا صياح ابتسمت وعيونها انرست دموع .. وحتى ابوها بعد عيونه غرغرت ,, بنته الوحيد طبعا بيزعل لفراقها مع انها ما بتسير مكان الا بيت اخوه لكن بعد يحس ان الوضع بيتغير عليه وعقب وايها عمها واخوانها واتصورا وياها ,, بو سلطان وبوخلفان يبون يظهرون خلاص لكن سالم ما خلاهم الريال مرتبش ويباغم ويضحك ويحلف الا انكم تيولون ويايه .. نط من الكوشه عند راعيه الدي جيه والبنات تخبلن نط صوبهن .. رمسها وقالها تحط اغنيه ترتوب يرتبشون عليها .. وهو بيركب الكوشه مره ثانيه بس مب من الدري ,, من وين ما نط ,, يعني بيتعلق وبيركب ,, يته ميره ووقفت عداله وهي تفور من الغيض .. ميره: خلهن ينفعنك اللي تستعرض جدامهن وقفت وشكلها بتطلع من القاعه بكبرها ,, وقف سالم وعيونه تلحقها وماعرف شو يسوي ,, الاغنيه بدت وخلفان زخه من يده وهو ييول بس سالم مب مركز ابد ولا ايول اصلا خلفان: بلاك ياريال ,, ربشتنا وانت اسهيت سالم: ميره غيضت خلفان: ههههههههههههه ما عليك منها ,, حركات بنات سالم: وين شما ؟! لف خلفان يدور عليها بعيونه وغمزلها (يعني تعالي) ,, وقفت شما عدال الكوشه وهم نزلوا اونه يابس خلفان: لحقي ختج يا شما شما: بسم الله بلاها سالم: ميروه غيضت عليه وطلعت شما: لا يمكن راسها يعورها ,, ما تغيض عليك سالم: فتنت عليه شما: شووو ؟! هههههههههه خلفان: سيري طالعيها ,, وقوليلها عن الخبال ,, هو يشوف ولا يشوف غيرج ,, وها كله حقج .. لا تخربين على عمرج العرض اللي يسويلج اياه .. تراج عقب بتتمنينه شما: ياسلاااام سالم: دخيلج شماني سيريلها ,, وانا اللحين بظهر ,,بس اتأكد انها ردت ومب مغيضه شما: ههه اسميكم سالفه انتو بعد نشوا عنها وكفخ خلفان سالم بالخفيف وقصده استعيد حماس واربشنا مره ثانيه وجنه من الغيض على ميره ,, سالم يال يوله رهييييييبه ..ما كد يالها وهو مروق .. وصار التصفيق والتشجيع وعقب اغنيه اغنيه وعقب يابس يابس غيره .. لين ما ركبت عمته على الكوشه ويودته من كتوفه وسحبته وياها لين راعيه الدي جيه وخذت المايك من عندها .. العمه : اذكروا الله وصلوا على النبي المصطفى وانته يابوغنيم ما قصرت عرضت عرض طيب واربشتنا بس يلا عاد خل الحرمات ياخذن راحتهن ,, وحتى انته يا بومحمد يلا بعد ..ويا اخوك وسالم يتبسم ويحبها على راسها وخلفان يأشر لها من بعيد ان ماله خص والكل صلى على خير البشر (عليه الصلاه والسلام) وسالم اشر لراعيه الدي جي تشغل بعد اغنيه ترتوب عشان ايويل وهو طالع وما صدقت خبر لانها اصلا تخبلت عليه .. معرسنا بعده على الكوشه .. ماصار شي ولا دار حديث بينهم لانهمك انو مرتبشين ويا سالم اصلا وخلفان كان عدال راشد وراشد كان اذا بيعلق ولا بيقول شي يقوله لخلفان .. وعقب ما طلعوا الشباب بشوي وركبن الحرمات اللي يقربونلهم واهلهم على الكوشه يسلمون بوسنيده مسك يده حرمته ووقف بيطلعها .. |
توكلوا معارسنا على الله وطلعوا من القاعه ولا حد درابهن الا عقب اسبوع او اكثر اتصل راشد بسالم وسالم كان قاعد في الصاله مع امه وشما ويلعب محمد ولد خلفان استغرب سالم الرقم بس رد: الوو راشد: الوو مرحبا سالم: خس الله هالويه ,, شو تبا متصل اللحين !! جان كملت شهر !! راشد: هههههههههههههههههههههه بلاك ,, كيفنا ,, بنشوفك انته سالم: لا انا اعرف المذهب هب ظاهر وورايه عرب يحاتون وما اقولهم وين ارضي من سمايه راشد: الله ؟! انا معرس وكيفي عاد ويا حرمتيه سالم: مالت عليك وعليها بعد ام خلفان وشما يطالعونه ومستغربات منه ( ها بلاه هداد ع العرب ) عقب انتبهت شما شما: ها راشد ؟! سالم: هيه ها البطيخ راشد راشد: سويلم اسطلب تراني بسجلها لك وبتشوف يوم برد سالم:اتروع منك راشد: يلا يلا عطني ختيه خلك عنك الرمسه الفاضيه سالم: اول انته عطني ختيه راشد: ختك محد سالم: وين سارت؟! راشد: راقده سالم: هاي بعد مذهبها اخس عن مذهبك ,,دوك شما شما: الوو راشد: مرحبا هلا شما: مرحبتين ,, وين يا اسود الويه راشد: ههههههه بلاكم علينا ,, خلونا نستانس شما: استانسوا ما قلنا شي ,, بس بعد ما فيها شي ان طمنتونا .. مب تسرون بليلكم ولاحد يدريبكم اكثر من اسبوع راشد: ههه ادري غلطنا بس بعد ,, نبا نأكشن شوي قي حياتنا شما: لا اسميكم اكشنتونا .. المهم ,, شحالك انته وشحال العروس ؟! راشد: طيبين ولا نشكي باس .. والعروس راقده .. خذتلها اول ثلاث ايام ما ترقد مستحيه عقب طاحت طيحه واستوت ترقد رقااااااد شما: هههه حليلها .. انزين يوم بتنش رد اتصل عيل , ولا تنسى تكلم قوم ابويه لانهم يحاتنكوم بعد راشد: عمتيه عندج ؟ شما: هيه .. اكيه ها (وناولت عمتها التلفون) عمتيه راشد بيرمسج ام خلفان : مرحبا ابويه راشد: هلا مرحبتين عمتيه ,, شحالج ام خلفان: طيبه طاب حالك ,, انتش حالك ,, ورويض شحالها راشد: الحمدلله كلنا بخير وسهاله ا مخلفان: يا حيكم .. وين رويض عنك؟ راشد: رويض راقده ام خلفان هب رقاد ها ,, بس بس وعها راشد: لا برايها على راحتها ,, يوم بتنش بخليها ترمسكم ام خلفان: زين فديتك .. رد السلام عليها راشد: الله يسلمج ,, يلا في امان الله سكر عنها راشد ودخل الحجره على روضه ولقاها طالعه من الحمام متسبحه وشعرها خرسان ولابسه نفنوف احمر,. يوم شافته استحت وهو سار صوبها ومسكها من خواصرها راشد: انتي على شو ناويه !! (استحت اكثر ونزلت راسها ) والله انج تجننين (وتقرب اكثر وقالها بصوت يذبح) أحبــج ذااااااااااااااابت روضه وضكت عنه بسرعه وخذت الفوده وطلعت عنه الصاله وهو تم يطالعها ويضحك عقت بعمرها على الكرسي وخذت نفس بالقوو كأن راشد كان موقف عنها الاكسجين عقب ربع ساعه سارت روضه الحجره بتشل مشط تسحي كشتها ويوم دخلت شافته منسدح على الشبريه وتحرته راقد وايقت عليه شوي شوي وشافته راقد .. خذت اللحاف ولحفته لكنه نقز بسرعه لوى عليها وهو يضحك وهي ماتت من الزياغ روضه: رااااااشد فجني راشد: ليش تشردين عني كل ما زخيتج ,, جاني ما هقيت اخذج ماتت روضه من المستحى ولا عرفت كيف بترد عليه : اووه دخيلك فجني راشد: مابا قولي احبك عقب بفجج روضه بدلع : راااااااشد راشد: ااااااااااااااااااه يا ويل راشد روضه: بس عاد فديتك ,, فجني راشد: اول بوسيني روضه تطالعه وكانها تترجاه بعيونها وتقول لا راشد: بوووووووووووووووسييييني طبعا ماشي مجال ولافكه من راشد .. باسته وقامت عنه بسرعه مرت الأيام احلى من العسل على معاريسنا ,, ثنينتهم مستانسين مع بعض .. وعاشوا احلى ايام حياتهم .. وحان وقت العوده الى ارض الوطن .. روضه مب قادره تتريا اكثر وكل شوي تسال راشد كم باقي من الوقت لين ما طفر منها لانه يبا يرقد وهي موول مب مخلتنه راشد: روووووويض بس عاد ,, طفرتيبي روضه (اونها مسكينه وتطالعه بنظره مكسوره): ليش تزاعج عليه ابتسم راشد وحضنها : اااسف حيااتي ,, (باسها وبعدها عنه) ابا ارقد وانتي مب مخلتني روضه: لا تتأسف , انا اللي اسفه .. بس والله ما اروم متووولهه راشد: انزين خلاص بس ,, (وطالع ساعته) اممم باقي تقريبا ثلاث ساعات روضه: انزين خلاص ارقد ,, عقب ساعتين بوعيك راشد: اشك انها عقب دقيقتين روضه: هههههه لا بس عاد استطلبت راشد: بنشوف وحط راشد راسه على كتف روضه وغمض عيونه ورقد وروضه شغلت فلم وقعدت تطالع تبا تمشي الوقت عقب ساعتين وشوي نادى الكابتن بقربهم من مطار دبي .. الوناسه مب مكفيه روضه من كثر وناستها .. وعت راشد واستعدوا للهبوط وصلوا على ارض الدوله بسلامه وردتهم مثل سيرتهم محد يدريبها ,, عشان جيه محد كان في استقبالهم خلص راشد الشنط وطلب تكسي وردوا العين ,, وطول الدرب وروضه متشوقه لردت فعل اهلها وخصوصا سالم لانها متولهه عليه حب راشد يغايضها جان يقولها: اول بننزل بيتنا بس روضه خذت الموضوع عادي : اوكي عادي راشد: هههههه اوني عاد ابا اغايضج شوي ,, ادريبج متولهه على هلج روضه: وليش انت مب متولهه بعد على هلك !! بنسلم عليهم وبنروح عند هليه راشد: فديييت العاقله روضه: تفدااك وصلوا معاريسنا العين وكان وقت المغرب اللي العده الكل يكون قاعد في الخيمه مع ابوهم ,, دخل راشد ووراه روضه راشد : السلااااااام عليكم الكل طالع صوب الباب وباستغراب .. نقزت ميره ولوت على اخوها وفجته بسرعه ولوت على روضه الكل وقف وتوايهوا وحصلولهم هزبه من الكل ,, عقب السوالف والضحك قاموا معاريسنا وساروا حجرتهم ووصوهم ما يخبرون هل روضه لانهم بيسونلهم مفاجاه بعد ,, ساروا قسمهم بيتسبحون وبيريحون عقب بيسيرون |
يتبع ,, قريبا |
البارت 20 دخل راشد يتسبح وطلعتله روضه ثيابه ودخلت عقبه تتسبح ,, راشد عقب ما تسبح ولبس طاح على الشبريه خلصت روضه وطلعت من الحمام ( وانتو بكرامه) وشافت راشد منسدح وخت عليه وفتحت عقمه كندورته الاولى ولحفته ولفت بتسير وزقرها وردت تلتفت روضه: انت ما رقدت ؟ راشد: لا ,, يلا بنسير عند هلج روضه: مب لازم اللحين ,, خلاص دامك تعبان ريح وبعدين بنسير والا حتى باجر مش مشكله راشد: لا لا ما يصير ,, بنسير اليوم لو حتى خمس دقايق .. بنوايهم وبنطلع روضه: خلها لباجر ,, انت تعبان وحتى انا تعبانه اللحين نش راشد من على الشبريه ووقف قدامها وحبها على راسها: فديت العاقل اللي تقدر ,, عاد اللحين لو ما اروم بوديج .. انا بنزل قبلج لبسي عباتج ولحقيني نزل راشد وطلع شغل سيارته وروضه لبست بسرعه ونزلت وراه ,, ترخصت من عمتها وطلعت روضه تمشي صوب السياره وتبتسم لراشد .. بطلت الباب وركبت : تاخرت عليك راشد شل يدها وباسها : لا ,, بس تولهت عليج ضحك روضه وريوس راشد وراحوا بيت بوخلفان .. وهم داخلين كان سالم داخل قبلهم .. يوم شاف السياره اللي وراه بطل الباب بسرعه ونزل وروضه نفس الشي .. سالم: ياااااا الخيااااااااس ,, كله خش دس عندكم روضه: هههههههههههه عشان نشوف غلانا نزل راشد من السياره : ممكن تفج حرمتيه لاني بديت اغار ,, انا ما جد لوت عليه جيه استحت روضه وضحكوا راشد وسالم ,, فج سالم روضه عنه بس مب لان راشد غار عليها ,, لكن عشان يوايه راشد سالم : الحمدلله عـ السلامه راشد: الله يسلمك ويسلم غاليك قربهم سالم ودخلو الصاله ومحد الا شما كان قاعده فيها ,, يوم شافت روضه نقزت وسارت صوبها شما: روووويض ,, فديتج والله تولهت عليج ,, الحمدلله عـ السلامه لوت عليها روضه: فدييييتج وانا اكثر,,الله يسلمج راشد: هي ختج هب انا اللي اخوج ولازم توايهيني قبل روضه: يا الغياار شما: فديتها عاد رويض ما تعودت على فراقها ,, انت صح اخويه ,, بس هي عاد اللي اكثر ويايه (ووايهته ولوت عليه ) الحمد لله على السلامه يا المعرس الغيار سالم: وانا اشهد انه غيار روضه: هههه بس عااد ,, حران عليكم يسوي سوالف شما: لااااااا ,, قمنا ندافع عنه مسك يدها راشد وباسها : مب ريلها ,, لازم تدافع عني سالم: اييييييه ارحموا مشاعريه ,, انا بعدني ما عرست الكل ضحك على سالم ,, روضه: عيل وين امايه وابويه وخلفان ؟! شما: ابوج وخلفان سايرين العزبه والحين على وصول ,, وامج هنيه في حجرتها وما كملت شما جملتها الا وام خلفان طالعه من حجرتها .. ام خلفان : يعلها مديمه هالضحكه يا ام محمد ,, عاد منوع ندج تضحكين وياه ركضت روضه صوب امها اللي ما كانت منتبهتلها ام خلفان: وااااايه فديت هالويه ,, روووووويض (ولوت عليها) فدييييتج يا الغاليه ,, متى يتي؟! روضه: قبل شوي ياين ,, تولهت عليييييييييج ماماتي ام خلفان : فديت روحج يا امايه ,, حتى نحن تولهنا عليج وقعدوا شوي روضه وراشد ويا ام خلفان وسالم وشما يسولفون ,, وروضه كل شوي تلتفت لراشد تشوفه مبين على ويهه التعب بس يسولف ويضحك معاهم عشان روضه .. روضه كانت قاعده عدال امها قامت ويلست عدال راشد اللي مان يسولف مع سالم عشان تقول ايروحون ,, وقبل ما ترمس صاح تلفونه ويوم شاف الرقم جان يسترخص منهم ويطلع برع يرمس ,, شوي ولحقته روضه سالم تحراها غارت بس قالتلها انها تبا ترمسه .. بطلت الباب وشافته في السياره ويرمس ولفت بتدخل هو يوم شافها صيح لها هرن واشرلها تي سارت صوبه ووقفت عدال جامته وهو كان يرمس ,, شوي وسكر راشد: امري غناتي روضه: منوه الشخص المهم اللي طلعت عنا عشان ترمسه !! راشد: ها واحد من الربع روضه: واحد من الربع يركبك سيارتك عشان ترمسه راشد: رويض حياتي الله يهديج ,, وقفت برع وانه حر ويلست في السياره ما فيها شي روضه: زين ,, يلا نسير البيت راشد: تو الناس ,, ما يا ابوج روضه: ما عليه بنوايهه مره ثانيه ,, انا تعبانه وابا اسير راشد: ع راحتج ونزل من السياره عشان يسترخص منهم ويروحون ,, دخل هو وروضه وشلت شنطتها ووايهتهم وطلعوا حاولوا يقنهونهم يتمون بس ما طاعوا ووعدوهم بييه ثانيه ,, وهم طالعين بوخلفان وولده كانوا داخلين .. توايهوا وياهم واسترخصوا من بوخلفان وساروا .. ووصلوا البيت .. راشد: انا شوي بوصل الربع وبرد .. هب مبطي انشا الله روضه: انا راده من عند هليه لانك تعبان راشد: قلتلج عادي نتم انتي اللي ما طعتي روضه: عشانك ,, لاني ادريبك تقاوم راشد: لا كان عادي عندي روضه: غلطتيه لاني ابا راحتك راشد: انا ما قلتلج ان تعبان روضه: ع راحتك ونزلت من السياره ودخلت ولحسن حظها ما لقت حد في الصاله وعلى طول سارت فوق حجرتها دخلت ,, عقت شيلتها وعباتها وقعدت ع الكرسي اللي في الصاله وان راشد داخل وراها ,, يوم شافته قامت بتدخل الحجره راشد: روووووضه وقفت بس بدون ما تلف صوبه راشد:غناتي شو يااج روضه: ما شي راشد: ليش غيضتي ,, الموضوع وايد عادي روضه: ما غيضت راشد: انزين خلاص هب ساير عند حد ,, بتم عندج روضه: على راحتك ومشت بتدخل ومسكها من خواصرها ولوى عليها و ... يتبع |
:861::861::861::861::10: |
ور ار يو بليز كمليها لانها وايد فنتك :GIF_13.gif::GIF_13.gif::GIF_13.gif: |
كنا في انتظارج و انتظار البارت |
21 روضة : ممكن (ودزته عنها ودخلت) انقهر راشد من هالحركه واايد وطلع مب بس من الغرفه ,, الا من البيت بكبره وشوي واتصله ربيعه اللي كان يرمسه في بيت عمه وقاله راشد انه بيمر عليهم ,, سار راشد عند ربعه سولف وضحك وياهم وعقب انسدح على الكرسي ورقد وهم يلعبون ورقه ,, محد منهم وعاه لانهم يدروبه انه اليوم راد من السفر واكيد تعبان ويبا يرقد .. اتأخر راشد وروضه تحاتيه ,, حاولت تمنع نفسها انها ما تتصله بس ما رامت مره ,, مرتين ,, خمس ,,, عشر مرات بس راشد ما يرد .. حطت روضه في بالها انه اكيد زعل من تصرفها اللي ما له داعي ,, فرت التلفون وانسدجت على الكرسي تطالع التلفزون .. ربع راشد يوم شافوا ان تلفون راشد ما سكت قام واحد منهم ووعا راشد لانهم توهم افتكروا ان الريال معرس ولازم يرد البيت .. نش راشد من ازعاج سعيد لين استوعب هو وين والساعه كم .. نقز وطلع بسرعه ومسكين نسى ان روضه زعلانه وانه مغيض عليها .. طاار للبيت ويوم دخل وقفت روضه بتدخل الحجره عنه بس يوم شافت شكله استغربت ( عقم الكندوره مبطلات والصفره على الجتف والعيون حمر ) روضه: وين كنت ؟! راشد: فديتج والله اني ما حسيت بعمري ورقدت في الميلس ولا دريت الا يوم حشرني سعيد روضه: ما قدرت تحس قبل الساعه 4 الفجر ان فيه وحده تترياك فالبيت راشد: اقولج تعبان ولا دريت بعمري ,, اووووووه انا نسيت اني اصلا ظاهر مغيض عليج ( دخل الحجره) خلاص خلاص فضيها سيره .. بتين ترقدين حياج نزلت دمعه من عين روضه بس منو درابها ؟! راشد كان مقفي وعاطنها ظهره ودخل حجرته مسحتها روضه بيدها ودخلت وراه وانسدحت على الشبريه عداله ,, بس عيونها ما قدرت تسكر مثل ما قدرت عيونه لين اذن الفجر وقامت روضه وصلت وردت عقبها ترقد وراشد بعده ولا يدري عن الدنيا .. وع الساعه 9 نش راشد وقرقع الكبت والباب وكل شي لين نشت روضه وبدلت ولحقته تحت .. ما يندرى ليش روضه مستويه وايد حساسه ,, يعني بدون ما يسوي شي راشد تضيق وتصيح وتزعل تعب معاها ولا عرفق كيف يتصرف والا بشو يرضيها .. مرن اسبوعين ع هالحاله .. وفي يوم من الايام كانوا قوم بوخلفان وبوسلطان مجتمعين كلهم في عزبه بوخلفان .. سوالف وضحك ومزح ولعب .. راشد وسالم وخلفان ركبوا الخيول وكان يتحوطون بهن .. يا راشد عند روضه ونط من على الخيل راشد: حبيبي بتركبين ؟! استانست روضه ونقزت : طبعاا ,, انا اصلا متوله على " رسلان" مسكها من يدها بيركبها وزقرتها ام سلطان : روويض روضه: نعم خالوه ام سلطان: وين تبين فديتج تركبين الخيل ؟! روضه: عادي خالووه ,, مب اول مره ام خلفان : ضاريه بنت محمد عــ الخيل (همست ام سلطان لام خلفان ) هيه ,, لا عيل روييض ماشي خيل ,, ردي وصكي الدعنه راشد( يهمس لروضه) : بلاهن العيايز ,, شو عندهن عليج ؟! روضه(زعلت وعيونها غرغرت ) ماادري لوى عليها راشد: انزين بس حبيبي لاتصيحين ,, عن خاطرهن اللحين يلسي وبركبج عقب لوت عليه بالقوو وصاحت يا سالم صوبهم : يااااااااااااويلي ,, عن هالافلام الهنديه قدامنا (وسمع روضه تصيح) فديت رويض ,, راشد يا السبال شو قلتلها ميره: اييييييه اخويه هب سبال ,, السبال يعرف عمره منو .. ما سوابها شي مسكين سالم :ول ول ول ,, كلتني .. منو اللي اييه ,, انتي ليش ما تتعلمين ترمسين عدل الكل ضحك ع ميره وسالم ميره: ارمس عدل ,, بس هب ساكته عنك وانته تسب اخويه سالم: ااااااااه ياويلي على مزر ثمج تراب بوسلطان: عندك اياها ام لسانين سالم: ما اروملها وهم يسولفون دزت روضه راشد وفاجأت الكل: انت اصلا ما تبى تركبني ,, وانك مسولهن شور راشد يطالعها مثله مثل الباقين ومستغربين من تصرفاتها نط خلفان من الخيل معصب ع روضه ويودها من يدها بالقوو وصرخ عليها : عن البزااا مسكه راشد وفج روضه من يده : خلها خلها ,, برايها خلفان: لا هب برايها ,, شو فيج ؟! ليش هالبزا والدلع .. قالولج لا يعني لا روضه تطالعه وتصيح ,, سحبها راشد وساربها حجرتهم سالم: الله يهديك يا بومحمد شعندك عليها بوخلفان: صدقه يا بوغنيم ,, وايد غدت بزياا ام سلطان اشرت لام خلفان وقامن عنهم ا مخلفان: خير يا ام سلطان ام سلطان : الخير بويهج ,, انا ظني ان روضه حامل ام خلفان : حامل ؟! ام سلطان: ومتأكده من هالشي بعد ,, هي وايد متغيره على راشد ومستويه وايد حساسه .. وانا سمعت ان في حد يوم يحمل يستوي وايد حساس وما يقهر شي ا مخلفان: والله ما يندرى يا ام سلطان ,, كله بيبين عقب ما وحالهن يكملن رمستهن الا وراشد طالع يركض ويزقر على سالم ,, والكل التفت صوبهم سالم: عوونك بوسنيده راشد: هات السياره بسرعه ,, روضه طاحت الكل ركض صوب راشد وسالم طار بسرعه صوب السياره ويابها لين الباب ,, شل راشد روضه وام خلفان لبست عباتها بسرعه وركبت عندهم ,, وطاربهم سالم للمستشفى وراشد وام خلفان يحاولون يقومون روضه .. وصلوا المستشفى ودخلوها الطواري بسرعه .. ش, فيها روضه .. حامل والا لا ؟! في البارت الياي .. |
تسلمين ختيه ونرقب البارت الياي |
تسلمين أختي ع البارت رووووووووعه ربي يعطيك العافية و بنتظار يديدك |
ويين البااارت؟؟ |
القصة طررررررررررر من الخاطر هههههههه هههاي يسلمووووووووو على القصة:141::141: |
سلمت يمناج على البارتات الطررر واتمنى انج ما تبطين علينا بالبارتات اليايه |
نترياا البارت اللي عقبه :169: |
تسلمين الغاليه على البارت وبانتظار البارت الياي |
؟؟؟؟؟؟؟؟؟؟؟؟؟؟؟؟؟؟؟ وين الباارت :0088: :0088: :0088: :0088: :0088: |
بركان وين البارت طولتي |
ابدعتي <<< يسلم يمناج ع القصه >>> طرطبيشن:6500.gif::6500.gif: |
:: 22 :: نقلوا روضه للمستشفى وعقب الفحص طلعت الدكتوره لهم ,, ام خلفان وسالم كانوا قاعدين على الكراسي وراشد رايح وراد في الممر ,, ويم شاف الكتوره راح صوبها بخطوات سريع هوام خلفان قامت وسارت صوبهم هي وسالم ,, الدكتوره : انت زوجها ؟! راشد: هيه نعم الدكتوره : مبروك ,, المدام حامل (وردت دخلت ) لف راشد صوب ام خلفان وحبها على راسها :سمعتي يا عمتيه ,, رويض حاامل ام خلفان: مبرووك فديتك سالم: مبروك يا بوسنيده راشد: الله يبارك فيك (ولوى عليه ) ام خلفان: الله يفرحك يا ولديه ويزق الذريه الصالحه راشد وسالم: آآآمين طلعت الدكتوره مره ثانيه بتروح غرفه ثانيه ولحقها راشد راشد: عادي ادخل عند حرمتيه الدكتوره: اسمحلي يا خويه لازم يشوفها الدكتور قبل عقب بيقولك اذا عادي تدخل والا لا ,, انت تريا شوي راشد: ليش بعد دكتور؟! الدكتوره: الصراحه المدام شكلها وايد زعلانه وها الشي ابد مب زين لها لان اعصابها وايد منهاره وما نقدر نعطيها اي دوى لين يشوفها الدكتور والاحسن محد يدخل عندها اللحين راشد: اهاا ,, اوكي ,, مشكوره دكتوره الدكتوره: العفوو عيني نحن بالخدمه ( عراقه الدكتوره) رد راشد عن ام خلفان وسالم وقالهم اللي قالتله اياه الدكتوره ,, وشوي وان الدكتور والدكتوره داخلين عند روضه ,, شافها الدكتور وتطمن عليها وقالهم انها ما تحتاي لدوى بس تحتاج لراحه وطلع عند اهلها ,, الدكتوره : لو سمحت يا خويه ( ترمس راشد) تفضل ويانا شوي قام راشد وسار وياهم لغرفه الدكتور ,, الدكتور: اول شي مبروك راشد: الله يبارك فيك الدكتور: وثاني واهم شي ,, احب اطمن حظرتك ان المدام مافيهاش حاقه بس شويه دلع راشد: الا قول وايد يا دكتور الدكتور:ههههههه ماعليش ,, فتره وهتعدي .. انت كنت متخانأ مع المدام قبل ما توأع راشد: لا الدكتور: هي كانت زعلانه من حاقه ؟! راشد: هي كانت تبا تركب الخيل وامها قالتلها لا ,, اعتقد ان امها شاكه انها حامل عشان جيه ما خلتها ,, عاد هيه زعلت الدكتور: يبأ معاك حق ,, دي مش دلوعه شوي راشد: هههههه شون سوي الدكتوره: هي كانت عصبيه بالفتره الاخير ؟! راشد: لا مش عصبيه ,, بس زعوله وايد يعني وايد حساسه وتزعل على اقل شي الدكتوره : نفس ما توقعت يا دكتور الدكتور: ايوووه ,, شوف يا بش مهندس ,, المدام صار عندها اختلاف في الهرموناات العصبيه بسبب الحمل الدكتوره: كل وحده تختلف في طريقه النسام او الوحام على قولتكم راشد: اهاا الدكتور: يعني لازم تطول بالك عليها كتير ,, وتحاول ما تزعلهاش وانته شكلك ولد طيووب وحبوب وبتسمع الكلمه راشد: هههههههه انشا الله يا دكتور الدكتوره: الزعل والعصبيه ترا ابدا مب زينه لا لها ولا للجنين راشد: انشا الله الدكتور: دلوأتي تقدر تروح تشوفها بس دير بالك عليها راشد: في عيوني ما يحتاي توصي الدكتور: الله يخليكوو لبعض راشد والدكتوره: آآمين وطلع عنهم راشد وسار صوب حرمته ودخلوا وياه سالم وام خلفان لانه زقرهم اتطمنوا عليها وقعدوا عندها لين رخصها الدكتور عقب ربع ساعه وردوا البيت لان الجماعه عقبهم كلن شغل سيارته وحرك ورد البيت .. بو سلطان كان ياي مع راشد وهو اللي رد بسيارته .. خطف سالم بيتهم قبل ونزل امه ونزلت روضه تطمن ابوها انها بخير لانه وايد تم يحاتيها وعقب ساروا صوب بيت بوسلطان .. وصلوا بيت بوسلطان نزلوا كلهم حتى سالم ,, دخلوا الصاله وام سلطان وبوسلطان كانوا فيها ,, بوسلطان : حي الله الشيووخ (وفتح يده لروضه عشان تلوي عليه) فديييييتج يا بتي ,, ما تشوفين شر روضه: الشر ما ايك ام سلطان : ها بوسنيده ,, شو بلاها روضه استحت روضه وراشد شق الحلج: ما بلاها شر ام سلطان ؟! فهموها الشواب واستانسوا من الخاطر ولوى بوسلطان عليها : فديت يا بنتي مبرووك روضه: الله يبارك فيك عمي ميره نازله عـ الدري وسمعت مبروك والله يبارك فيك جان تركض وتزاعج قبل ما توصل ميره: وااااااااااااااالله كنت حاااااااااااسه ,, الحرمه مب طبيعيه ,, كلولولولولولولولوش ( وصلت الصاله وانصدمت بـ سالم واقف جدامها ) سالم:مب مفكره تعقلين اخت ميره ؟! الكل ضحك وميره قاااااااااااافطه ومب عارفه كيف تشرد راشد: الصراحه بتفكنا من حشرتها يوم بتاخذها سالم: وببتليبها انا هنيه عاد ميره ما رامت اتم وطلعت من الصاله وهم يضحكون وطلعت الحوي طلعت وراها روضه ,, وشافتها يالسه على الكرسي وسارت صوبها وقفت ميره ولوت عليها : مبرووك غنااتي روضه: هههه الله يبارك فيج ,, امم .. ميروه زعلتي ؟ ميره: لا ما زعلت .. ادري انه يسولف ويبا يحرجني روضه: هههههههه زين ,, فديت العاقل وطلع بوسلطان وام سلطان من البيت وسارت صوبهم ميره وروضه ميره: وين على الله ام سلطان : بيت عمتج ميره: منو عمتيه ؟ بوسلطان: سايرين عند عرب ,, نزور مريض.. شو في خاطرج؟ ميره: حشى ,, بلاكم عليه اليوم كل حد يقفطني من صوب بوسلطان : من لقافتج روضه: ههههههه الله يحفظكم (ويودت ميره من يدها ) يلا نحن بندخل ميره: لا انا بيلس شوي هنيه ركبوا الشواب السياره وتوكلوا ,, ميره وروضه ردن ييلسن عـ الكراسي برع في الحوي ميره: رويض حياتي برايج دشي داخل روضه: لا عادي بيلس اسولف وياج ( وصاح فونها ) هلا حبيبي ,, برع عند ميروه ,, ليش يعني ؟! ,, هههههههه فرصه ,, اوكي انشا الله ,, يلا يايتنك (سكرت عنه وقامت بتدخل) مياري عيوني راشد يباني شوي وبردلج ميره: خذي راحتج حياتي دخلت روضه عند راشد وسالم راشد: تعالي حبيبي عدالي سالم: آآآآآآه راشد: بلااااك ,, قلتلك سيرلها خاري .. زقرت حرمتيه عشان يفضالك الجو فياها سالم: ما اعرف ارمس فياها راشد يغمز لروضه: تبانا نعلم؟! روضه: هههههههه سالم: والله انك سباال راشد: انت وين بتحصل واحد شراتي ,, اقولك سير ايلس ويا ختيه ,, رمسها ,, لكن انت ثور ما تعرف تستغل الفرص .. اذا ما لعبت عليها اللحين وضبطتها عيل متى بتضبط روضه: يلعب عليها ؟! لي شانت لاعب علي ومضبطني راشد: هههههههههههه تقريبا روضه( دفرته): خووز عني ,, مابااك راشد(يلوي عليها) : هههههه خلاص انتي مضبطه من زمان ,, ما ترومين ما تبيني وهم يسولفون سالم تشجع وطلع لـ ميره سار صوبها وهي يوم حست ان حد ياي صوبها رفعت راسها تطالع منو ,, يوم شافت سالم لفت ويها الصوب الثاني ووقفت بتروح .. سالم: افاا ,, لهـ الدرجه عايفتني ميره: مابا ابليك بالقعده ويايه سالم: أحلى بلاا وحياتج مشت عنه : خل عنك هالكلام اللي لا ايب ولا يودي لحقها ووقف قدامها ,, حطت يدها في خواصرها وطالعته بنظرته تحدي وهو يطالعها بنظره حب .. وبكل احساس قالها: احبج غمضت ميره وخذت نفس ولفت بتمشي عنه من الصوب الثاني ويودها ولفها صوبها سالم: احبج ( عاد هالمره اشد عن اللي قبلها ,, قالها باسلووب ذوبها ) ميره : ...... >> خلوها للبارت الياي |
تسلمين ختيه ونرقب البارت الياي |
يسلمو خيتو على البارت |
يسلموووووو خيتوووو |
يلا وين البارت بطيتي ؟؟؟؟:007: |
يلا البارت |
يلاااااااااااااااااااا :\38.gif: والله انا ابا اقراها كلها مرة وحدة مب جيييه مقطعة |
بركان وينج وايد طولتي علينا عسى ماشر |
[align=center]نتــريى الباااارت الياااااي ع أحــــــــــــــــر من الـــــــــــــــيمـــــــــــر,,[/align] |
وينج وايد عيبتني هالقصه ارجوج:183: تنزلين البارت تسلمين اختي على هالقصه الغاويه متشوقه ابا اعرف شو بيستوي :ف0: |
الغلا وينج واااايد طولتي علينا |
جااااااااااااااااااااااااااري انتظار التكمله |
[align=center]وينج وايد عيبتني هالقصه ارجوج تنزلين البارت تسلمين اختي على هالقصه الغاويه متشوقه ابا اعرف شو بيستوي [/align] |
يلااااااا الصراااحة واااايد طررر ونبا نكملها >>>قبل الامتحانات هع هع |
الغلا القصه وااااااااايد حلوه نتريا البارت 23 لا تتأخرين علينا :ف: |
يلاا نبــا التكمله ^_* |
| الساعة الآن 11:48 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir