صبآح اليوم اللي بعده في بيتنآ
عبود يصرخ : اناآ طالعععععع حصصصصصوه تبين شي ؟
آنا : لااا
عبود : تممممام
طلع عبود يلست فتحت التلفزيون وسويت لي عصير ورحت ركضت فوق علشان ابدل لان احس ها اللبس مضايقني ..... فباخذ راحتي فاللبس لان عبود بيرد المغرب ... بطلت التلفزيون وتميت اطالع فجاه انفتح باب الصاله واناااا خخخخفت منو ها اللي بي ؟
سيف : السلام عليج
انا : .......
سيف يا باس راسي انا ماسويت له سالفه ويلس عندالي
سيف : آنا تعبااان
فز قلبي شفيييه بس ابداً ما بينت له ولا عبرته ....
سيف : قسم بالله تعبآن
انا صديت له وحطيت عيني ف عينه !!!!!!
سيف : مهره !.....
انا حست بوزي وابتسمت : ماتروم ترمس بدون طاريها !
سيف : مهره اغتصبوها
انا صرخت : شششششششششوه ؟
سيف " يبتسم بسمة عذاب " : تخيلي طلعت اتسير شقق وترقد ويا شباب
انا مصدومهه : .....
سيف : ولا تخيلي منو اللي اغتصبها ،، ربيعي !!!
انا : .....
سيف : حصوه ياي اتآسف على كل اللي سويته وياها و وياج على ظلمي لج وضربي وكلامي سامحيني الله يخليج والله اناا تعبببببان !
انا :.....
سيف : ......
انا : ....
سيف : قومي وياي الله يخليج والله انا ندمآن والله ندمان على كل شي ... انا كيف كنت احبها او على شوه ودرتج انتي الشريفه عشآنها انا مادري احسسها ساحرتني .... والله حصوه اححبج وانا اسف الحين عرفت قدرج وعرفت ان مهره لوث ...
انا :....
سيف : شو تبين اسويلج عشان ترضين ؟ وقسم بالله راضضضي بكل شي يلا قولي .....
انا : مابي شي !
سيف " حظني وبعدها بدقيقه حظنته وتمينا في حدود الخمس دقايق "
انا : ...
سيف : يلا ايبي شنطتج اترياج انا
صعدت فوق وانا ف داخخخخخخلي نددددمانه ليشششش سمعت كلآااام قلبيييييي و وافقت ؟؟؟؟؟؟ ليششش هو اللي سواه مب ششششوي ... قلل من قدري وفوق هذا كله اروح وياه ...
لملمت بعض الاغراض وطرشت مسج حق عبود كتبتله " عبود انا رديت ويا سيف " ونزلت
سيف : ندمانة ؟
انا : ...
سيف شل الشنطه وحطاها ورا وفتح لي الباب وركبت ... السياره بببببباردةةة و ممممعطره
سيف : بعوضضج عن اللي راح اوعدج بعوضج عن الايام والساعات والثواني اللي كنت بعيد فيهههها عنج ... ططططز فالشغل وابو الشغل انتي الاهم ... انتي آهم من كل شي !!!!!
انا ف خاطري : لا يقص عليج سيف يا حصه هو دوم يقص عليج ويسحرج بكلآمه ... لكن عقب يرد ع طبعه ويرد لمهره ... " انا لازم ما اعبره
سيف : ادري الحين تقولين ف خاطرج اني خريط ودوم اقولج جيه ... لكن خلآص هالمره ججد
انا : .....
سيف : حبيبي
" غمضت عيني " وينها الكلمةةة من زمان وين حبك بدا ينشف ف قلبي خلاص ... على وشك اني ما اكن لك حبب ليش ياسيف جيه سويت ليش ؟ اخخ
سيف : بتسافرين معايه ؟
انا : انا محتاجه فتره اتعود فيها عليك ...
سيف منصدم : تتعوديه عليه ؟
انا صديت عليه : نسسيت نسيت انك كم شهر ماكنت معآي ،، نسيت انك كنت تضربني وعقيت ولدييي نسسيت هذا كله نسيته ... مازعلت على ولدي اللي مات لان قدر الله وماشاءء فعل لكنن انك تقلل من قدري لااآ هذا مب من حقك ، نسيت انك كنت تخوني ويا مهره وتبوسها ومادري شوه ؟ نسيت لما كنت تي البيت وتصرخ تقولي بتترجيني ارجع لج ؟؟ نسسسيت " اصرخ " هاآاااآ كككككله نسسسسسيته ؟ نسسسسسيت ولا اذكرررررك بعدددددد ؟ وايد شايله عليك فقلبي يا سيف وآيد !!!!!!
سيف : مآنسيت والله ما نسيت وكل يوم اتعذب الف مرهه ...
انا اقاطعه : جذاب
سيف يطالعني : لدرججججه اني مره سقت 220 ف شارع الاماآرات وكان زحمه .. عشان بس اتخلص من تانيب الضضضمير اللي فييييه لدرجةة اني اسبوع كامل ف غرفتي مادري بلاني متعذب وماكنت قادر اطلع وما اكل شي واميه تعبت علينا ..... بعدها طلعت والله يا حصوه اني وايد متتتتعذب وتعبان والله وااااييد ، الله يخليج خلينا نصفي النيه ونفتح صفحةة من آول ويديد ... الله يخليج !
انا : مب كل مره سيف مب كل مره !
سيف : متتتتتى كل مرهههه ؟ هاه هاي اول مره اي عندج و اقولج سامحيني ... الله يخليج والله انا وايد تعبان ..
انا " دموعي خارتني وطاحوا دموعي " ..
سيف : انا ااسف " يطالعني بنظره تعبانه بنظره خوفتني عليه ... "
انا " وعيوني مليانه دموع " ابتسمت له علشان ابين له اني رضيت شوي ،،
سيف : امانه ما ابيها بس ابتسامةة مجامله لا ابيج من قلبج تسامحيني ابيج صدق صدق تسامحيني ونفتح صفحه من اول ويديد ... ترى العمر قاعد يمشي والله اعلم كم بنعيش فخلينا نصفي النيه ؟؟؟
انا ابتسمت له وحظنته جد مشتاقه لحظنه مشتاقه ل لعبنا يوم يقرقطني واضربه جددد مشتاقه لها الايآم ...
سيف حرك السيارةة : الحين ردت لي الروح ...
انا ابتسمت
تدرون في شي يمنععني ارد عليه اقوله فديت ها الروح او اقوله مسامحتنك ... ماعرف شو هو ها الشي يمكن مب قناعه ، انا مب مقتنعه بييتي وياه بس انا سمعت كلام قلبي ، قلبي هو اللي قالي روحي وياه .. لكن ماعليه بضغط على عمري وبعطيه فرصه اخيره وبنجوف !!
سيف : خلا نرد البيت نريح .. وجيه وعقبب بنيلس ويا بعض !!
وصلنا الشقه حطيت اغراضي وجفت الشقه تلققق وتلآمع من النظافه .. استغربت منو ها اللي ينظف الشقه ؟ يعني سيف مايعرف يود المخمه
انا : الشقه نظيفه منو اللي نظفها ؟
سيف : ربيعتي !!
انا فجيت عيني " خلاص قمت اتوقع منه كل شي " : اها , جوف من اول يوم !!!!!
سيف : هههه .. لآ استهبل عليج .. عليوه اللي نظفتها ع قولتها بتيب ربيعتي والشقه وصصخهة ؟ وتراها تقولج هي زعلانه ابد ما قمتي ادقين عليها !!!
انا : والله رقمها ممسوح عني .. هي ليش ما ادق ؟
سيف : وانا شدرابني فيها على العموم باجر بنروح لهم .. اساليها
اناا : ....
سيف : بعدج تغارين علي ؟
انا : ...
سيف : قوليلي. .
قلتله : بعدني آغار عليك لان بعدني احبك ... :')
سيف : فديت انا ها القلب الطيب - اشكثر سويت فيج واشكثر ضريتج وبعدج تحبيني وتغارين علي .. الله لا يحرمني منج يا حصوه والله انج انسانه ما في مثلها ♥♥
اقترب سيف وانا قمت ارد ع وراءء وماحسيت بروحي الا وطحت ع الغنفه. . .
سيف : ههه ياج الموت
"Cut"
.
.
عبود " يضرب هرن " : طططططيييييططططط طيييييييط طيططططططط " يسوي بالفتك " شلوللو طخططخ "
منول فالحوي تممشي : منووو ها الحححححيوان اللي حآشرنا من عالصبببح !!!!!!!
نصور طلع من باب الصاله : اوهو بلاآه عبود جيه مايتريا
منول : عبود ؟؟؟
نصور سار عند عبود قاله : اتريا يا ريال بعدني مايبت الهذا مال الفحم ...
عبود : يلا خلص بترول الريال
نصور : يالزطي بنحط بترول بلآك
عبود : لو ياي بالبي ام مالي احسنلي او الرنج مب هاي ....
نصور : اتريا ها
عبود " يستهبل " يضرب هرن : يلايلا يا ريال
نصور سواله علاامه انه بيصمه بكس
عبود : ههههه
منول توايج ممن بعيد
منول : اوه ...
عبود جافها نزل على طول ويا عندها ومنول بكشتها و بلبسها . .
عبود : صباح الحب !
منول صدت مستحيه : صباح النور !!!
عبود لمس كتفها : ليش صديتي ؟
منول : بس جيه بروح
عبود : افا انا الحين نازل ومتعني .. عشان تقوليلي بروح :) ؟
طلع نصور
عبود : اوه يا اخوج العنز واخيرا ...
نصور : العنز انته يلا يلا طووف جدامي ، خل الرومانسيه عقب يا ريآل
عبود : روح روح يلا حط قشارك فالسياره لين ما اي
نصور : بيتنا ويطردني
عبود سحب منول يبا يجوفها تخخخخخخبل شكلها كان حيل حلو وخاصة ً هو اول مره يجوفها بدون جحال وبدون قصه نازله ف تخبل ععلى شكلها.....
عبود : اوه تصدقين حلوه بدون قصه وجحال
منول : اصلا انا حلوه ف كل الاوقآت
نصور يدق هرن ..
عبود : فديت ها الويه انا " باسها ع خشمها وراح "
نصور يزاعج : مابغيت تي يا ريال ؟
عبود : لا حححول نصور بلآك اليوم مستوي شيبه
نصور : ههه مادري !
.
.
انا : ههههههه يالزفت لا
سيف : هههه
انا : هههههههه هدني والله خلاصصصص قام يعور ههههه
سيف : ههه " طاح عندالي " اصلآ ما اعرف اقرقط
انا : دفشش عورتني
سيف : بس ضحكتج ههبله. . ههههههه
انا : هههه جب انزين
سيف خلاني ارقد ف حظنه : مشتآقلج !
انا : انا اكثر
سيف باس رقبتي ..
.
.
منول : انتيي ويينججججج من امسسسس الصبححح طالعةة
مهره : انزين تراني يت !
منول : وليششش شكلج جيه ؟
مهره : مايخصج واصلا انتي منو عشان تساليني !!!؟
منول : انا منوو انا آختج اللي تحبج
مهره : خلي حبج لججج ولـ عبود ، انا مالج خص فيني اوكيه !
منول : مالت عليج من اخت , ولا جنج اختي ، حصوووه احسهآ اختي وانتي لآ ...
مهره : مالت عليج وعلى حبيبةة قلبكم حصوه
منول : مالت عليج يال***
تطلع امهم من الغرفةةة
ام مهره : يال شووووه هاه من جفتيني سكتي لاه ...
منول : ماكملت لانج يتي لا .. ماكملت لاني صدق ما بكمل
ام مهره : من تزوجتي عبود تطاولتي علينا اجوف ؟
منول : عبود الحين شو يخخصه
ام مهره : اكيد يترس راسججج ...
منول : شو يترس راسي ياجفتني ياهل جدآمج ؟
ام مهره : روحي روحي مابي اجوف رقعت ويههج ... ولا تطلعين من الغرفةة .. لو تطلعين من البيت بيكون احسن
منول ابتسمت .. وصعدت فوق تمت تصيح ليش امها جيه كفايه امس لما
>
<
منول تعدل فستآنها : اميه زين شكلي ؟
ام مهره : جنيه والمكيآج مب لايق عليججج ...
منول : هههه اميه عن الاستهبال
ام مهره : وانا من متى استهبل معاج ؟
منول : هه صح لا !
ام مهره دخلتها الميلس : خذها خذها فكنا منها
عبود : هههه افا عموه ليش ؟
ام مهره : كريهه ، صدقني بتكرهك بعيشتك
>
<
منول : امسسس فشلتني واليوم ما تبا تجوف رقعت ويههي ... شششششها الام مليييت انا خلاص ')
تمت تصيح لين ماياهاآ اتصال من نصور ...
نصور : الو
منول " تحاول تعدل صوتها " : هلآ
نصور : اقولج منول حبيبتي اختي
عبود يضرب نصور : لا تقولها حبيبتي , بس انا اقولها
نصور : يالززق تراها اختيي قبل لا تزوججك
عبود : حتتتى لووو
منول : ههه انتوا كله تتناقرون ؟
نصور : ها ريلج يدور مشاكل .....
عبود راح بعيد يصرخ : انزين يا نصور
نصور : بلاآه صوتج ؟
منول : ...
نصور : كنتي تصيحين ؟
منول : واللي يعيش ويا امك يروم يضحك وما يصيح ؟
نصور : كنت حاس ان اميه هي السبب
منول : قاهرتني نصور تخيل شوه قالتلي مابي اجوف رقعت ويههج ... وماتطلعين من الغرفة ولو تطلعين من البيت كامل بيكون احسن
نصور : طااااا هاي انتوووا ....
منول : والله افف
نصور : ماعليه ماعليه ... خليها
منول : شو كنت تبا ؟
نصور : باجر وين قالوا بنتيمع ؟
منول : بيت عمي سعيد
نصور : اوكيه خلاص يلا باي
منول : باي
.
.
الساعةة 8 المغرب نشينا انصصصصدمت فاتتنا صلاآة الظهر والعصر والمغرب ياللهوي ... لها الدرجه كنا تعبانين ، لها الدرجه كنا محتاجين ان نتصالح ؟
آنا : سيف سيف نششش
سيف : عيون سيف ..
آنا : نششش يلاا
سيف : تعبآن ابا ارقد
انا : قوم صل وعقب رد ارقد
سيف " يطالعني ويبتسم " : ان شاء الله
قام وصل ... وعقب قالي انه تعبان ومايروم يسير المسيد ف طلبنا عشا خفيف من المطعم اللبناني اللي تحتنا ... اذن العشا و صلينا بعدها اتعشينا وعلى طول راح هو بيرقد لانه كان ججد تعبان لدرجة آن التعب يبين من ويهه اما انا دقيت لمنول علشان ابشرهاآ ...
منول : قووووووولي والله
آنا : والله !
منول : يعننننني خلآص رديتوا لبعضضضض ؟
انآ ابتسم : هيه
منول : مممممبروك واخيرآ حسسس فيججج ..
انآ ابتسم : ههه انا روحي استغربت ... بس تعرفين هو وايد تعبآن والله . .
منول : ليش ؟
انا : دوم يقولي انا تعبان انا تعبان مادري وحتى ويهه جيه ضايل ومادري كيف
منول : اممم ...
انا : وانتي شو اخبآرج
منول : انآ باجر بخر لج كل الرمسةة ... لان الحين ابا اخليج ويا سيفوه ... هههه ادريبج مشتآقتله !
انا : اييييه لا ... لا تبندين ملانه آنا
منول : اسمعيييي نصووور بيخطبوله شويخخخخ ... :')
انا : قوووووولي والله منو قآل ؟
منول : تخيلي ابويه كلم عمي بو خالد وقاللـه مابنلقى احسن عن بنتكم حرمةة لولدنا مادري شوه ... وشيخه انسانه قد المسؤوليه .. ومن ها الكلآم ، تخيلي ياني يصيح يقولي الله يخليج قوليلها ماتوافق انا احب نوفيه !
انا : ششششت حرآمم .. انتي باجر كلميها ..
منول : اكيد بس اخآفها تضايق . .
انا : على طاري شويخ قالتلي هآ الاسبوع بتعترف جدام الكل ...
منول : تعترف بشو ؟
انا : مادريبهاآ بنعرف باجر :)
منول : يقولج خلود رد من برع ...
انا : هيه ادري
منول : يحليله اللي يحبها متزوجه ...
انا : آ آ
منول : هههههه عبود ياني الصبح
انا : هههه شو قال شو سوا
منول : شو سوا مالج خص
انا : ههههههه استغفر الله
منول : لاالآ ، تعرفين انا الله يعيني على اخوج !!
انا : ليش ؟ بلاه اخويه ؟؟
منول : ع الطالع وع النازل بيبوس وانا انسانه ماحب البوس :')
انا + منول : ههههههههههههه
انا : قالي سيفوه بيسفرني ..
منول : قولي والله .... شكله يبا يبدآ صفحه يديده
انا : ماقالي بس قالي عادي عندج انسافر ؟
منول : انزين
انا : قلتله خلني اتعود عليك
منول : حصصوه لا تعطين الريال فالويهه =) حرام
انا : لالاآ قصدي اتعود ايلس وياه وجيه لاني تدرين مننننن فتتتتره مب يالسه وياه :')
منول : هيه كله من مهره
انا : الله يسامحها ان شاء الله ، اهم شي ان ردينا لبعض !
منول : هيه والله اهم شي رديتوا لبعض ....
انا : الحمدلله ، يلآ انا ببند عنج ، واجوفج باجر
منول : يلا باي
بندت عني منول دخلت عليها مهره
مهره : ردوا لبعض هآه !!
منول : مايخصج " ادزها برع " : لا تدشششين غرفتي يالووصخه مابي اريولج تلمس اراضي غرفتي الطاهره
مهره : هههه مسكين حالج !!!
منول : هيه مسكين حالي يلا يلا روحي عطيني ممقفاج
مهره : كلبه
راحت عنها ودشت منول الغرفه اتكلم عبود ..
3boodA : هلآ ؟
Manool☆. : ملآنه انا .. وينك ؟
3boodA : يالس ويا الشباب
Manool☆. : شو تسون ؟
3boodA : نطالع البنات اللي يرقصون ~
Manool☆. : عبود قول والله ؟
3boodA : هيه بعد هكي وحده مغربيه يآيه عندي !!
Manool☆. : قول الصدق ولا بذبحححك :')
3boodA : ههه آستهبل وياج نلعب ورقه بس نتريا آخوج يتكلم بالفون ..
Manool☆. : على بآلي
3boodA : فديت الغيره انا ♥
Manool☆. : ، يلآ بخليك الحين ♡
3boodA : يلآ حبيبي *fly kiss*
منول : ياربيه ويا ها البوس ههههه
.
.
عدا هاليوم على خير لكن محد يعرف شو اللي يتريآنا فاليوم اللي بعده. . .
طبعا اليوم يوم جمعةة الاهل نشيت انا جفته قآيم يا عندي باس راسي وقالي : يلآ استعيلي حبيبي .. يتريونا ع الغدا
آنا : ان شاء الله !
رحت اتسبحت ع السريع ونشفت شعري بالاستشوار ... مابين اني سابحه ابد الماي كله نشف .... عقب رحت لبست لققنز " مثل التايت بس طويل ومثل الجنز بس يكون استرج " بـ لون التيفاني .. وقميص ابيض ونعال ابيض فيه فيونكه شريطيه بـ لون التيفاني ... واكسوارات بـ لون اليفاني وحطيت روج وردي وجحال اسود وبلشر خفيف وايشدو لبست الدبله ... جيه خطر ف بالي وخذت لي شنطه بيضضاء و رفعت شعري كامل فوق نزلت كم خصله بس تحت ... ونزلت قصتي حطيت مناكير بلون التيفاني مناكير اسلاميه علشان اشلهم بسهوله لما اصلي ولبست عباه مفتوحه سكرت الفصم لين تحت الكراعين وحطيت دهن عود وكريمات واتعطرت وادخنت وطلعت لقيته يتعصم كان لابس كندورة كحليه وعصامه بيضاء ونعال ابيض لانه يعرف اني اتخبل على هاللونين يبتله دهن العود وعطره اللي احبه والمدخن واتعطر وادخن وطلعنا ....
سيف : شكككككلججججج طر يآحرمه ... تغشي اغار عليج والله
انا : عيونك الحلوه
سيف : باكلج ترى والله
انا : ههه
سيف : فددددديتج انا
انا : فدا
.
.
شويخ شو اللبس اليوم ؟؟ ابا اكشخخخ لان اهل ابويه اللي من بعيد شوي بيون اليمعه وعمي بيرد من السفر
طلعت لهآ قميص نيلي صوب اليمين الايد طويله وراص والطرف الثاني بدون كممم .. لبست عليه جنز اسود ونعال نيلي واكسسوارات نيليه وسودا ... حططت قلوز واتعدلت شوي ولبست عباتها وبس ..
.
.
اما منول لبست تايقر صح انه مال اول بس القميص حركته يديده ينزل من ع الكتف ولققنز اسود والقميص كان فيه احمر مع التايقر فلبست معاه نعال احمر ها الغامج حطيت الروج بني لان مايصير احمر بيطلع مب حلو ابد ... ولبست عباه مفتوحه واتعدلت شوي وطلعت ...
.
.
اما نوفيه و اسوم دوم لبسوا كندوره قصيره لين فوق الكراعين .. بيضا اما من ع الصدر ذهبي وكانت كت ولبسوا كله ذهبي ويا جعب فلو شعرهم وتجحلوا وحطوا قلوز وبس ... كانو بسيطات واييد طبعا لبسوا عباه مسكره ،،،
.
.
وصلنا كلنا كنت يالسه روحي ف ميلس الحريم اما ميلس الريايل كان متروسسس ...
منول دخلت : الله الله شها الحلى قلنا رديتي حق ريلج ... بس نحن شلنا تغربلينا بجمالج ؟
انا " ضربتها ع جتفها " : شها الكلام هههههه
اسوم دخلت : هاااآي
نوفيه تدخل وراها : هلآ هلا
شيوخ : احححم انا يييت
اسوم " تعيب ع شويخ " : اححححم انا يت
شويخ : جججب جججب ..... هههه
كلنا : هههه
كلهم فصخوا العبي ...
انا : اسوم ونوفيه لو جافتكم يدوه بتاكلكم هههه
اسوم : هههه ، نوفيه صراحه الكندوره طلعت قصيره ..
نوفيه : عااادي لاه
نوفيه : ابا ايب شنطتييييي ..
شويخ : وينها ؟
نوفيه : فالصاله !!
شويخ : روحي
نوفيه طلعت بدون عباه .. يابت شنطتها وهي راده دخل اللي ماكنت تبا تجوفه "" نصور ""
نصور واقف مذهههههههول من شكلها وشعرها وجسمها منصدم انها جميله تم واقف منصدم من جمالها
نوفيه بحيا : غطط عيونك يالحيوان ...
نصور لف بعمره وغط عيونه وطلععع ...
راح عند عبود وقاله : ججججفتها يا بن عمييي جفتها شقا حلوههه جفتها فاله شعرها وبكندورة فصيره ياخي تعق الطير من السماءء ججججمال ياخي
عبود : منو هي ؟ نوفيه ؟
نصور : هيه
عبود : استغفر الله الحين هي حصلت ذنوب قد شعر راسككك ....
نصور : استغفر الله بس ما رمت اسكر عيوني هههه
عبود : هههه مغازلجي
سيف : هلا
عبود سلم عليه تخاشموا
نصور : انا ساير هاه
عبود : سامحتك ؟
سيف : من طيبةة قلبهآ ..
عبود : دامها سآمحتك انا ليش ما اسامحك ...
سيف : فيك النعم
عبود يتخاشم وياه ...
.
.
انا : وينه ابويه طططول ؟
منول : عبود قالي بعدهم ف السعوديةة بيون المغرب !
.انا : اهآ
يرن تلفون اسوم ...
اسوم : نوفيه منو يدق ؟
نوفيه تجوف : اممم الححححب هههه
اسوم : والله انج ام الزق :')
نوفيه : خليهم يعرفون شو يعني ؟
اسوم : سخيفه
انا : ليشششش شوه ؟
منول : هاه هاه اسوم عندج حب ونحن ماندري
اسوم : قسم بالله .. يعني نحن نرمس عادي لان انتوا تدرون ف عايلةة امي فري كل شي عادي فانا ارمسه عادي لكن نوفيه وعيال خالوه يقولون ان نحن نحب بعض بس نحن لا ....
نوفيه : ههههه اخرط ع اللي ماتعرفه واللي ماتعرفه زيده
كلنا : هههه
اسوم : خلج انتي وحبيبج نصور
نوفيه : ججب
منول : هههه اسوم انا اخته هني يالسه هاه ههه
كلنا : هههه
انا : تعالوا صح هم قالو ان بنتيمع ف بيتكم ... بس ليش ينا هني ؟
اسوم : غيروا رايهمم ع قولتهم علشان اول ما يون قوم يدوه نسلم عليهم !
انا : ايوا
نوفيه : قوموا نيلس ويا قوم رشود وحمود لين مايون قوم يدوه وهايلاك الناس اللي بيون ...
انا : بخبر سواف ان يون الصاله
دقيت له
انا : هلا
سيف : اهلين حبيبي ..
انا : اقولك سواف خل الاولاد يون يلسون داخل
سيف : ليش حبيبي
انا : كل وحده تبا تطالع حبيبها هههه لا آستهبل نحن ملانين تعالوا سلونا !
سيف : ههههههه اوكيه
.
.
سيف : قوموا البنات عازمينكم داخل
نصور : نشوووا نشوووا ....
دخلوا داخل وكان اول واحد نصور وعنداله عبود كانت نوفيه توها طالعةة من الميلس ف جافوها ابتسم نصور وردتله الابتسامهه نوفيه ..
نصور يهمس له : عشان اقولك انها تعق الطير من السما !!!
عبود : بسك ياريال
نصور : خلك خلك ويا منول ههههه جان ما جلعت عينك ماكون نصور ..
عبود : فديتها انزين وينها ؟
نصور : تلقاها فالميلس ماتدري انك هني لو تدري جان يت رككض
عبود : هههه حيوان بخبرها
نصور : عادي .. انا واختي ما يفرقنا عبود ههههههه
عبود : ههههههههه
يلسوا قوم عبود .. يلسنا وياهم نحن اصلا ما نستحي منهم ابدا
نسيت اقولكم ان حمود تعالج ورد وعميه سعيد عرف انه كان مدمن بس ماقاله شي غير " لا تضيع عمرك ياحبيبي مره ثانيه نحن نباك ويانا وبينا " وحمود وعده مايرد وقاله انها كانت لحظةة طيش .. اما محد يعرف من الباقين . .
اشري سيف ان اي وياه وطلعنا سرنا الميلس ..
سيف : كلهم قالولي الحين شكلك مرتاح اكثر .. كلهم قالولي الحين نحسك سيف الاولي اللي يتمصخر ويستهبل
انا : كلهم قالولي الحين حسيناج حصوه المتزوجه :')
سيف باس راسي : محححلوه وقسم بالله خايف تيلسين وياهم وحد ينعجب فيج ..
انا : يلآ عاد مش لها الدرجه :$
سيف : صح مش لها الدرجه الا آككككثر والله انج عسل !
انا : فديتك
سيف : لآ لا جي انا بتهور صراحه
"Cut"
.
.
دخلنا انا وسيفوه
نصور : يلا يلا دق دق ...
عبود نزل صينية الجاي من ع الطاوله .. ودق ع الطاوله ك تجربه لان بنغني
اسوم : يلا عبود لاه ذلييييتنا
منول : يلا عبود !
عبود : هلآ ابووووي بها الصوت ..
كلنا : ههههه
عبود : اول شي نبدا بذووووق خلوود فديت انا خلود شيخ الريايل !
خلود : ياريال انا اباك تغني هايج اللي امس سمعتني اياها
عبود : اوه يلا 1 2 3
الكل : ابشاره قلبي اللي يختاره راح وترك داره وخلاه في ناره بعد .. ماهمني قولوله يتركني ربي بيسعدني ماهو الوحيد بها البلد ...
كانت شويخ طول الاغنيه تطالع نصور لعل وعسى يجوفها لكنه لاه عيونه ع نوفيه. .
عبود : ها شووو ، دقي اوكيه ؟
نصور : هي بن عمي اسسستمر
عبود : يلا بنسوي مال معلايه هههههه يلا ....... وحده وحده وحده " صفقنا كلنا "
نصور صفر : عاشوا عيال عمي ...
كلنا : ههههه
رشود : حمود قوم نرقص نسليهم .. ؟
حمود يطالع شويخ : يلا قوم
قامو رقصوا رقص امريكي ... كاننننن ججججججنان ... كان وووواووووو صراحه مبدعين ..
نوفيه : فديت اخواني
رشود : فديت الكششه " يطالع نوفيه "
الكل : هههههه
نصور " اونه يطنز " : جيه اختكم كشه ؟
نوفيه : ججججججب
اسوم : اذا هاي مب كشه ؟
نصور : هههههه
فجاه الباب انفتح ودخلت اللي ماكنت اباها تدخل ... دشت وهي مبتسمه ابتسامه خبث ~.~
الكل وقف كلامه والضحك انعدم مانباها تيلس ويانا
عبود : قوم لا نصور خل نيلس برع ...
سيف : حبيبي حصوه تعالي وياي فوق غرفةة الضيوف ..
شيوخ : آ اآ
مهره : بلآكم ...
الكل : ...
مهره : صح نسيت ان اذا حضرت الملائكه غابت الشياطين
نصور : العكس حياتي !
نصور طلع ويا عبود وخلود وانا وسيف صعدنا تموا حمود ورشود ونوفيه واسوم ومنوول وشويخ ويا مهره
سيف : لآتحاتين حتى لو يت مايهمني وجودها
انا رفعت رآسي : صدق ؟
سيف ابتسم : صدق . . ,
نزلت معاه هو طلع برع رآح ويا الشباب وانا يلست ويا البنات طبعا كانت هي يالسه مثل العله ع جبدنا ...
نوفيه : بلآه شكلج جيه جنج ذبلانه ؟
مهره : آ آ ولا شي بس تعبانه وبطني يعورني !
نوفيه : هيييييه " ماصدقتها "
تذكرت نوفيه لما سمعتها الاسبوع اللي طاف
<
>
مهره : الوه ؟ ، انا اي شقتك ؟ ، اوكيه الاسبوع الياي ع بدايته اوكيه ؟ ، جاسممم اوكيه. . لبس ابيض قصير حيل. ؟ اوكيه ، باي باي '
>
<
منول : اقولج حصوه تعالي بنيلس برع ع الميرحانه بنسولف ...
انا : يلا
نشيت وياها كنا نجوف الاولاد يالسين يسلمون على واحد , انا ومنول ماعرفنا منو هو ها الشخص معنا كنا فضولين ونبا نعرف لكن ماعرفناه وحاد وسسسسسيم جميل ماشاء الله عليه ابيضاني طويل خشمه يوصل لين الكويت عرفنا ان اسمه سعود وكان متغتر. . ماعطيناه ذاك الاهتمام ورحنا يلسنا على الميرحانه علشان نسولف ونطلع اللي استوالنا ها الاسبوع . . .
انا : يعني هو يحب نوفيه ويا يخطبها ؟
منول : هيه تخيلي والله غمضني تم يصيح يقولي الله يخليج الله يخليج ... وقالله ابويه تتزوجها غصبن عنك. . ياخي والله اخويه يغممممض
انا : حرام ياخي :')
منول : انزين اقولج ... ليش تعطين سيفوه فالويهه =)) ؟
انا : مب اني اعطيه فالويهه لاءء ، انا اقوله الصدق !
منول : هههه حرام بس يغمض .. لكن تعرفين الحين يبين عليه انه فرحآآآن _
انا : هيه قالي ان الكل قاله جيه
منول : حصوه
انا : هلا
منول : ساعديني آخلص زهبةة العرس انتي تعرفين العرس عقب العيد بكم يوم ورمضان ورا باجر يمكن او باجر .. وانا مب شاريه ولا خوصه وانتي تدرين ماعندي اخت تساعدني او ام :')
انا : افآ عليج من باجر بنبدا ..
منول : لالا وقت ما تبين
انا : انزين ابا باجر !!! منه اساعدج ومنه انا اتشرا ومنه اتسلى واقضي ع الملل
منول : فديتج والله
انا : اقولج منول ، اختج ليش جيه شكلها جنهاااا ذبلآنه ....
منول : مادري عنها ومالي خص فيها خ تولي !!!!
انا : يالله متى. . بيمر الوقت مشتاقه حق ابويه
منول : ويدوه ولسانها ههههه
انا : هيه والله ههههه
منول : يوعانه
عبود " اللي انصدمنا من وجوده " : شو تبين امري ؟
انا : من متى انته هني ؟
عبود : بسم الله توني بس مار ، ليششش شو كنتوا تقولون
انا : ولا شي
عبود : منول يوعانه ؟
منول " بحيا " : لا
عبود : عن الخرط توني سآمعنج ...
انا رحت عنهم
منول : اففف صراحه هيييه
عبود : ههههه قولي من البدايه جيه ويا ويههج ... " سحب ايدهاآ "
منول : وين عن الآستهبال
عبود : ماكدونالز ها الحل السريع
منول : عبود مب لآزم
عبود : لان قلتي اسمي بلسانج الحلو لازم . . .
منول " بحيا فظيع " : حبيبي
عبود " صرخ " : والله عشششششان كلمةةة حبيبي بسيرر
منول : ماشي امل
عبود : يلا ركبي
ركب وحرك على طول طلب حقنا كله وجبهه ماك جكن على قولته هذا حدنا ههههه وعلى طول ردااهآ
عبود : يلا نزلي وشلي ها الكيس الباقي انا بشله
منول : لآ خله
عبود : شو اخليه
منول : مادري
عبود : مخج وين
منول : عند حبيبي
عبود : اي حبيب يالحلوةة انتي ؟
منول : اسمه محمد
عبود : هيه سلمي عليه
منول : لا استهبل. انا ماعندي غير حبيب وآحد وهكوه وياي ...
عبود : فديتج
منول : هههه يلا باي
عبود " باس خشمهاآ " : باي
راحت عنه ودخلت علينا بالآكل هههه كنا جد يوعانين فكلنا كلنا يلسنا فالميلس دائره بدون عبي وجدامنا الاكل وناكل ونحش ونسولف ونضحك ... ونلعوز كل دقيقه وحده ومهره وقتها راحت قالت بتي عقب ف تغير مزاجنا للاحسن ....
انا : بس والله ماروم اكمل
اسوم : حصوه انتي حدج هابي ميل
الكل : ههههه
انا : هههه جب انزين
قمنا مر الوقت ع السريع كنا نرمس عن كل واحد وحبيبها هههه وعن عرس منول وزهبتها وقسمنا : انا الزهبه ، منول الكوشه + الباقه ، اسوم ونوفيه راعيه الصالون اللي بتي تسوي كل شي لمنول ، شويخ اللي بتمكيج منول وبتسويلها التسريحه و انا بعد علي النعال والذهب ... والباقي كله على منول ! وسوالف الثانويه وسوالف نوفيه واسوم كيف تعلموا هاالاشياءء و حش وسوالف بنات وهيك لين ما مر الوقت الساعه 8 المغرب دقوا الشباب الباب علينا وكان نصور
نشت منول و فتحت له الباب : هااآه
نصور : تعالوا يلا قوم يدوه قريبين ...
كلنا لبسنا العبي واتريناهم .. على ططططول دش ابويه ركضت ما اهتميت الشباب هني ولا منو يكون حظنته وبدت دموعي بدون حاسيه تنزل ..
حظنته بالقوو
ابويه : حصه ابويه
هديته : عيوني ابويه ؟
ابويه : اشحالج شخبارج ؟
انا : تمام بسلم ع يدوه وبرمسك
يدوه : فديت العيال فديتهم عيل وين امهاتكم وابهاتكم
شويخ : قالوا بيون الساعه 10 :)
يدوه : هيه
سلمنا عليهم بسناهم حظناآهم بعدها دخلنا انا وابويه وعبود الميلس ...
ابويه : ورديتي له
انا : هيه. . ترا قلتلك ابويه يا عندي واتاسف وكان ندمان وانا الحين الحمدلله فرحانه
ابويه : خير ماسويتي حبيبتي ... بس اهم شي مرتاحه ؟
انا : الحمدلله
ابويه : وانته عبود ؟
عبود : انا ولا شي ابويه مرتاح الحمدلله
ابويه : منول ؟ مرتاحه وياهآ
عبود : هيه وابا اتزوجها الحين قبل باجججر
ابويه : هههه ياريال استهدى بالله
انا +عبود : هههه
ابويه : الله يحفظكم
انا : ويحفظك ابويه
ابويه : انا بديت ف بنايه المسيد علشان روح الغاليه ..
انا ابتسمت
ابويه : ها قالوا رمضان باجر ولا ؟
انا : لا ماقالو الساعه 8 ونص بيقولون
ابويه " جاف الساعه " : الحين يعني , يلا قوموا نسير الصاله
اسوم : يا سسسسسسسسسلام بدا رمضضضضضضان يهووووو
رشود : يالهبله يلسي
يدوه : الحمدلله يلا عيل رايحه اسوي السحور
منول : لالالاا يدوه ليش بنطلب من برع ...
كلنا : هيه من برع من برع
يدوه : خلاص براحتكم
كلنا فرححححنا ان باجر رمضان ويوا امهاتهم :') الآ امي الله يرحمها ... طبعا دخلوا وسلمنا عليهم وجيه ودخلت مهره ويا امها ...
ام مهره : السلام عليكم يا عرب
يدوه : اهلا
مهره تطالع سيف وتسوي له حركات لكن سيف مطنشنها اخر التطنيششش كان يكلم منول وشويخ وكل حد الا هيه
ام خالد : خبرنا بو عبدالله كيف السفر ، زحمه ؟
ابويه : لا والله يا ام خالد مش زحمه نفس كل سنه ...
سيف : احيد السنه اللي طافت من كثر الزحمه بندوا المطار الداخلي ..
ابويه : هيه
يدوه : انا ناويه احج هالسنه عالاقل اختم حياتي بشي زين وبدون ذنووب !
كلنا : الله يحفظج ويطول بعمرج
سيف " يقول يدوه وعمي لكل حد صح انه مايقرب لنا بس رابي ويانا ومن يوم. . يومه عادي جنه يقرب لنا ..
" : عاد المره اليايه كلنا بنروح . .
يدوه : الله يكتب لنا العمر يا ولدي وبنسير ليش لا !!
ام مهره : عاد انا مخططه الصيف الياي اروح ماليزيا ف ان شاء الله اللي بعده العمره
انا : لااآ والله الناس اول شي تروح بيت ربهآ .. شلي يضمن لج انج بتعيشين لين الصيف اللي بعده .. هاه وبعدين الهياته لاحقه عليها والعمره كم يوم بس
ابويه : حصه حبيبتي خلاص خليهم ع راحتهم
يدوه : هيه والله صدقها حصيص
شويخ " وقفت وعيونها دموع " : بقولكم شي ابا اعترف لكم ابا اريح ضميري ... ابا اتخلص من ها العذاااب .
الكل منصدم بلاه شويخ وشو ها الشي
شويخ : تذكرون يوم مهره راوت سيف الصصصصوره ؟
الكل : هيه
شويخ : لما قالت ان حصوه تخون سيف ...
الكل : هيه
مهره : شييييييخخخخخه يلسسسسسسسي
شويخ : مابيلسسسسس واسمعوني " تصيح "
شويخ : انا اللي سويت الصوره هي يابت لي صوره وقالتلي اللعبي فيهآ بس انا والله ماكنت ادري انه هاي حصوه وان هاسيف لان ورا الصوره مكتوب مريم&سلطان وشعر البنيه اسود اما حصوه شعرها بني ولعبت فيها لان مهره قالتلي هاي اربيعتها واربيعتها عاطتنها الصوره عشان انا العب فيها يبون يسون اللبوم ... وبسبتيييي افترقوا سييييف وحصصصصصوه سامحوني " انهارت "
الكل منصصصصصصصدم من وقاحةةةة مهره وكيف هي واطيةة
انا نشيت برع بسرعه بدون لا اقول ولا كلمةة رحت برع نزلت دموعي ... ماعرف ليش صحت مفروض الوم مهره مفروض اعصب اصرخ ... لكني ما رمت اتحمل ... والله اني مظلومه تمت دموعي لين ماطلعت منول وحظنتني تميت اصيح بحظنهآ . .
منول : ششششششهاي الآخت ؟
شيخه " طلعت والكل طلع وراها تموا يجوفون الموقف بصمت " : حصصصصوه سامحيني والله ماككككنت ادرييييي " تصيح "
انا " حظنتها " : مسآمحتنج .. وانتي مالومج . . ألـ لوم كله ع مهره الله ياخذها !
شويخ تمت تصيح
نزل عبود : اييييه لاه خلاص عاد دموعكم غاليه نحن هب قادرين نجوفكم جيه قلبنا يتقطع وهاي مهره الله ياخدها وشويخ ترا حصوه سامحتج وكل شي يلا فكونا عاد يوعان انا وباجر رمضان
نصور : ههههههههه هيه والله .. الله ياخدها ها عبود ياخدها
كلنا : هههههه
اسوم : نططططط العرج المصري ها عبود
الكل : ههههه
عبود : هههه لا بنت عمي من الحماس نسيت النقطه
الكل : هههه
دخلنا داخل مهره بعدهآ يالسه ولا جنها مسويه شي وابوها " عمي " وامها ما قاللولها شيي عادي عندهم ...
انا : من وين بنتعشى اليوم ؟
نوفيه : خاطري من بيزارووو ...
نصور : بابو. . نوف باجر رمضان بتعطشين ...
نوفيه " حست باهتمامه " : بطلب شي مايعطش ؛)
عبود : خآطري اكل منننن جليز
نصور : هههه انا بعد يا ريال
اسوم : ابااااا اروووح شكسبير ...
يدوه : لالا شها الخرابيط جلبيز وبيلزارو
اسوم : هههه حياتي يدوه جليز و بيزارو
يدوه : اللي هووو ،
انا : يدوه اول ليله بنتسحر من برع ....
يدوه : عشان خاطري حصاني بس
ابتسمت ابتسامةةة نصر
خلود : اقولكم الحل عندي نروح دبي مول كلنا وكل واحد يروح وين ما يبا شكسبير ولا اي مكان ثاني ...
انا : صحح
اسوم : خلاص موافقييين ؟
الكل : هييه
سيف : بنطلع الساعه 11
الكل : اوكيه يعني عقب ساعه
نصور : عبود كيس الحححب و الورقهه وين ؟
عبود : ف غرفةة يدوه
نصور راح يابهم ويَ
نصور : قوموا لاه بنلعب قيممم بته
انا : انا ما بلعب
منول : انا بلعب
عبود : تمم الساع ...
ابتسمت يدوه اما ام مهره حاست بوزها
اسوم : انا بلعب ...
خلود : يلا انا بلعب
سيف : لز لز يا ريال خ نكسر راسكم ...
يلسوا دائره وانا سرت عند يدوه وتمت تسالني و " كيف رديتي لسيف " وقالتلي لا تضايقين بعمرج وتمت تنصحني وهيك ومن ها السوالف ويت شويخ ويلست عندنا اما الحريم كانو يسولفون عن الحريم والعيال ومنو تزوج ومنو ربا وتعرفون حجاويهم وقعدنا وياهم انا نوفيه وشويخ ....
الريايل طلعوا راحوا الميلس لان ريايل من اهل ابويه بيونهم ...
اما قوم سيفوه يالسين ف نص الصاله دائره ياكلون حححب واللي يشرب ببسي الا اسوم تاكل لبان وتسوي نفاخه وتنازعها يدوه والكل يضحك كانو يصرخون وكله نسمع نصور يقول " اصلا انتوا غشاشين "
عبود : شو ها يا ولد عمي مخلني ويا البنات ...
اسوم : هاااااااااا , ماتبانا اونك هاااا " تفجر بالونه باللبان "
يدوه : بسس يا اسما بس عيب عليج
اسوم " تحط ايدها على حلجها " : اوكي يدوه اوكي اخر مره !
الكل : ههههه
كانوا يلعبون " عبود - منول - اسوم (( فريق )) و سيفوه - وخلود - ونصور (( فريق )) "
مرت عميه ام خلود : مهره تعالي ابا ارمسج شويه
مهره : اففففف ان شاء الله
نشت راحوا غرفةة يدوه سوا
ام خالد :لو سممممحتي يابنت الناسسسسسس افعالجججج الشرسه خليها بعيده عن بنتي مب تقصين عليها ... يعني ماعرف شقول عنج واطططططيه ليش تفرقين امبينهم شو غايتج من ها الموضوع ؟
مهره : لو سمممحتي يعني لا تغلطين علي ... وانا ما سويت شي غلطططططط !
ام خالد : ابببببد ماسويتي شي غلطططططططط
مهره : اوووووف " طلعت عنها "
ام خالد : قلةة احترام وذوق
في الصاله :-
عبود : نصصصصصصور ججججفتك تقول حقققق خلوددد سبيييت مايستووووي
نصور : عبود لاه ولد عمك آنا
عبود : ولد عمي برع اللعب ...
نصور : بللل بآيعنا هذا
الكل : هههه
اسوم " تنقع البالون " : يلا عاد الحين منو بيسير
نصور : انا بسير سته سبيت
عبود : بنزل خسسسسارةة لانك غشيت سير غير السبيت ...
نصور : هاس
عبود ابتسم ابتسامةةة نصر ...
خلصوا لعب وطبعا اللي فازوا قوم عبود ...
اسوم : جفت يا عبود ان لعبنا احن البنات احسن عن لعبهم . .
عبود : وانشهد بنت عمي وانشهد
خلود : قوموا يلا صارت الساعه 11
نشينا نحن البنات انعدل مكياجنا وجيه ويدوه لبست عباتها بالغصب رضت تي والريايل قالوا ما بيروحون والحريم بيون ... طلعنا باربع سيارات اول سياره سيارة عبود البي ام ركبوا عبود ومنول بس والسيارة الثانيه انا وسيفوه والثالثه سيارة خلود ركبوا خلود ونصور واسوم ونوفيه وشويخ والرابعه الحريم كلهن يعني مرت عمي ام خلود وام حمود ويدوه ويا الدريوله .. اما حمود ورشود كانوا يالسين ويا عمي سعيد لان عمي قاللهم وهم ابدا ما يرفضون كلام عمي ... رحنا متوجهين لدبي مول ..
عبود : اححححلى شي يوم انا وياج روححححنا
منول بحيا : ....
عبود : هني ينزل لي الخبثث كله هههه
منول : ججب
عبود : ودي اكلج يا انسانه ياخي انتي شو مسسسسويه فيني ؟
منول : ههه
عبود : اضحكي اضحكي ..
وقفوا عند الاشاره
عبود استغل الفرصه و......
اسوم تطالع ورا سيارةة عبود ومنول : اللي مايستحييي عبود ..
شويخ : بلاآه
اسوم : لححححد يصد ورا
الكل : ههههه
.
.
سيف : مآعرف كيف آعوضج عن اللي راح ؟
انا : وجودك يكفيني . .
سيف : اخخ اذوب آنا ع ها الكلام !
انا : امم سيف آنا الحين مستعده اسافر ويآك
سيف : تممم ، بس المشكله الحين رمضان شو الترتيب عادي عندج . .
انا : لا خل السفرة عقب عرس منول لآني بساعدها ف الزهبه ، ثانياً ما احب اسافر ف رمضان ابداً . . .
سيف : اللي تبينه حيآتي ..
انا : ...
سيف : الله لايفرقني عنج وربي احبج ... مادري كيف كنت رآيم اعيش بدونج ، احسني كنت مسحور :') والله اني احبج يا بنت الناس احبج . .
انا : اعشقك انآ ♥
سيف " باس ايدي اللي ميودنهآ " : الله يرزقنا بالذريه الصآلحه ... وانسافر ويا عيالنا ..
انا قاطعته : ان شاء الله قريب ، واللي فيه الخير بيصير
سيف : فديتج انا
انا : افداك







لآ تخافون مب النهايه لا ... ورانا كم بارت وعقب بخلصها لان جد الظروف ماتسمحح ... ادعوا لمريم #مرض_السرطان .. اترقب رايكم عن البآرت " انتقاد او تعليق او اي شي " ماراح نسوي مشكلةةة واذا عندكم اي شي توآصلوا معاي ع الخاص .. ومع السلامه. .