.

.

.

البارت الـ 146

عبدالله : صباح الخيير . .

مهره : الحمدلله على السلامه

عبدالله :ليش منو قالج اني مسافر ؟

مهره : ما شفتك البارحه قلت اكيد سافرت

عبدالله يبتسم : لا كنت فالبلاد . . " عاقد حياته " بلاها عيونج وارمه ؟

ناصر : امس انا مسهرنها سوالف . . ما خليتها ترقد من وقت ..

عبدالله يطالع ناصر : هيه انا اقول . . محد يسهرها غيرك . . " يطالعها " وين ريلج ؟ ليش مش معاج ؟

ناصر : سارعند اهله مشتاقلهم . .من متى فالمستشفى تام . . اشتاقلهم

عبدالله : انت بلاك ترد عنها . .

ناصر : أوفر على اوخيتي . .

مهره تبتسم . .

عبدالله ييلس ع طاوله الطعام ويقعد ناصر حذاله . . مجابلين مهره . . تمو يتريقون . . شوي اندق الجرس ..

مهره تقوم : هذا اكيد محمد وصل . .

ناصر + عبدالله : محمد ؟

مهره : ولد عم سيف . .

ناصر : شو يسوي اهني . .؟

مهره : انا بغيته في سالفه . . سيرو دخلوه . . قلتله ادخل بس ادريبه يستحي ما بيدخل

عبدالله : قوم نصصور . . انا مافيني حيل انش

مهره تشوف الجامه : لا خلاص دخلل . . " تطالع ناصر " خلك قاعد . .

ناصر : انزين بسلم على الريال . .

مهره : لا مش وقته . .

وتشل الشيله البيضا الي ع الغنفه . .لبستها وراحت الميلس . .

محمد : السلام عليكم . .

مهره : حياك . . وعليكم السلام . .

محمد يوم شاف ويهها ما اطمن ابد . .

مهره : ايلس . .

محمد يلس قريب منها . . : عسى ماشر مهور . .شسالفه ؟ شو مستوي . .

مهره تنزل راسها : ماعرف كيف ابدا معاك . .

محمد : ابدي . . ارمسي برياحيه عادي . . قولي الي تبين تقولينه

مهره ترفع راسها : ليش دقيت لي هاك اليوم وكنت تبيني في موضوع وغيرت رايك عقب ؟

محمد : هاه " صد الصوب الثاني "

مهره : محمد ارمس . . خبرني عشان اقدر اخبرك . .

محمد : تخبريني بشوه

مهره : المشكله الي اواجهها . . احس انك تواجهها شراتي . .

" يندق جرس البيت "

محمد : سلامه ؟

مهره تبتسم : بالضبط . . نفس الي توقعته . . يعني انت تعرف كل شي

محمد : مع الاسف ..

مهره : شلي تعرفه ؟

محمد :انتي شلي تعرفينه

مهره : ابي اعرف الي تعرفه بالاول . .

محمد : وحده ما ترقد فالبيت ؟ وترد اليوم الثاني ومحد يعرف السبب ؟ وماتغيب الا لو ريلها ما كان موجود ؟ وحده تقول بروح العرس لـ ريلها . . ويوم هو يروح تطلع بشيله وعباه بدون ما يبين مظهرها انها رايحه عرس اصلا .!!!

مهره : منصور يعرف بشي . .

محمد : ششششششعلي من منصور . . هاي بنت عمي ما بتريا منصور انا عشان يصلبها . .لو ابا والله بطراق بصلبها لكنها الحيوانه " يعض شفايفه بقو " شاطره بالفتتتتتتتتن . . وما ينفع هي تفتن وانا اقول الي اعرفه . . لانه محد راح يصدقني بدون ادله . . اكتفيت اني اسكت . . " يطالع مهره " تخيلي عنود شرشحتني انا واتخلت عننننننننني عشان هالسوسسسسه . .

مهره : من حقها عنود . . تبقى اختها . .

محمد : وانا ؟؟؟ طرطوووووووور ؟ انا رييييييييلها .. عالاقل تحترم راااييييي . . تحتررررررم رده فعلي وانا معصصصصصصب . . ما تقدرررني مهور ماتقدرني . . انا متحملنها شهور هيه وحمالها ومارقد فنفس الغرفه ولا اقعد في مكان هيه فيه . . شهور هاجرين بعض احنا مانعرف عن بعض شي وانا متحمل . .وهي فلحظة عشان اختها ترضى انها تخليني اطلع من البيت معصصصب ؟؟؟؟ لا وتقوووولي بعد " يغمض عينه بحرقه وهويتذكر حرف حرف "

>

<

عنود : ارمس عن اختي باحتتتتتتتتتتتتتتتتتتتتتترام " تصارخ " انا ما ارضى عليها . . ولا اطلع من هالبييييييت . . البيت الي انت ما تحترم الي فيه والاهل الي عزوك فيه يتعععععععذذذذرك . .



>

<

مهره : حسبي الله ونعم الوكيل . .



محمد : سلامه داهيه ماعرف البلاوي الي تسويها شوه . . ولا اعرف شناويه تسوي وتفرق منو غيري انا وعنود . .

مهره تبتسم وتنزل دمعتها . .

محمد انصدم : انتي !

مهره : طلقني سيف

محمد : شووووووووووووووووووووووووووووووه ؟؟ " فاج عينه " طلققققققققج

مهره : طلقني

محمد : لييييييييشششش ؟

مهره : طلقني لان سلامه شوهت سمعتي . . قالتله اني انا بعدددني حمد واخون سيف معاه ّ!! تخيييل تخيييل بس وقااااااااااااااحتها " تتنزل دموعها بهدوء " محمد انت الوحيد تعرف علاقتي ف حمد كيف كانت . . عمرها ماتجاوزت الحححد . .طلعتني خاينه وطلعتني اني اخون سيف بحبي له . . ومستحيل بس هالشي الي قالته لان سيف تم يعق علي كلام يجررررررح ويعووووور . . مادري ترست راسه بأي كلاااام وشقااالت

محمد : حسبي الله ونعم الوكيييييييييييييييل . . الله ياخذها ويفكنا منها . . يا عساها الموت . .

مهره تمسح دموعها : قبل لا تفرقني عن سيف ، فرقتك عن عنود وقبل لا تفرقك عن عنود فرقت مننصور اخوي عنا وعن امي . .امي الي دموعها لييييييييل ونهار على ضناها الي كان نور عينها وخيب ظنها . . دموعها على ولدها الي جحدت قلبه حرمته وكرهته فينا وفي امممي . . قطعنا مره وحده ولا قام يمر ولا يسال ولا حتى يعبببببببببر ويخطف البيت بالغلط . . دمرت عايييييييييييييله . . فرقت عوايل . . فرقت اثنين يعشقون بعض " تغمض عينها وتنزل دموعها " يعل حوبتي ما تعداها . .

منصور يبلع ريجه : مهره عن منو ترمسين . .

مهره ومحمد انصدمو ووقفو . .

منصور يتقرب بهدوء . : عن منو كنتي تتكلمين قبل شويه ؟ "يطالع محمد " شوه اتكلم شو كنت تقول

مهره : انت من متى اهني

منصور : مننن . . " يسكر عينه ويرد يفتحها ويحس راسه يدور وفجاه يقعد ع الغنفه بمساعده مهره " من زمان . . من زمااان . . " عاقد حياته " في سلامه غير حرمتي ؟

مهره تبلع ريجها : منصور انت فاهم غلللط . .

محمد : مهره .!!!!!!! خليه .. خليه يعرررف . . لين متى تبين اخوج معماي لين متى ؟ لازم يعرررررف . . هيه منصور .. كنا نرمس عن حرمتك . . حرمتك الي شوي شوي بدت تشتتنا واحد ورى واحد . .

منصور فاج عينه بذهول : لا مستحيل . . " يطالعه " انت شقاعد تقول محمد . ؟ " يقوم " منو الي تقص على ريلها وتقوله بروح العرس وتروح مكان ثاني؟ منوو الي ما ترقد فالبيت وتي الصبح منو ؟ عن منو كنت ترمسس . . مش مستوعب . . " يطالع مهره " منو الي ترس راس سيف وقاله انج تحبين حمد !! " يبتسم " اووب . . نفس الشخص الي ترس راسي وقال لي انج تحبينه وعلى علاقه فيه . . " يبتسم اكثر " نفس الشخصصصص . .

مهره باستغراب : شوووه ؟؟؟

منصور : ههههههههههههههههههههههههه . . لالالا . . لحظه لحظه لحظه . . " يقعد مره ثانيه " اسكتي شوي اسكتي .. .

تمر في باله افكار وذكريآت حيييييييييييييييييييييل جديمه ويتم متفاجىء وبس فاتح عينه ع وسعهن بذهوول وهو يتذذذذكر . .

>

<

>



سلامه تكح : . .

منصور يعطيها ماي : بسم الله عليج حياتييي . . اششربي . .

سلامه : ششششششو هذا منصور شو هذا . . كيف تاكلون انتو اكل جذي كيف . .

وقامت . .

سلامه : طلعه برررى مش طايقه ريحته . .

منصور : استغفري ربج . . نعمة الله . . ما يستوي تنقــــــمينها . .

سلامه : اهلك يتعمدوووووون يسوون لي الاكل شين . . م ـا تلاحظ ؟؟ كل لقمه وشوووووف . .

منصور مد ايدها بياكل وعق اللقمه على طول . .

سلامه : شفففففففت كيف ؟ هاا اكل ينأكل ؟؟؟؟

منصور شل الصينيه ونزل تحت وشاف امه ومهره يالسين . .

منصور : امايا لو ما تبوني انا وحرمتي ناكل عندكم ما فيها احراج ولا شي . . بس عطيني خبر وانا بطللب من برررررررع ولا بنسير بيت عمتي ناكل . .

" حطا الصينيه بقوه ع الطاوله ورد يصعد فوق "

>

<

>

منصور : بدت القصه " يبتسم " بتشويش بسييييط . . " يطالع مهره " بدتها في اكله !! " يرد ينزل راسه يتذكر . . "

>

<

>



سلامه : تسمع امك تسسسمعها ؟

منصور : حبيبي ماعليج منها . . اهدي ليش معصبه انتي الحين

سلامه معصبه : مابا اتم اهني مابا . . " تحط ايدها ع بطنها " آآآي . .

منصور : الله يخليج اهدي حياتي مش زين عشان الي فبطنننننج . . ان شاء اللله بنطلع من اهني بس انتي اهدي اول . .

سلامه : قلتلك مااااااابهدا لين اطلع من اهني . . مابا اشووووووفهم . .

منصور : حرام عليج سلامه ليش تقولين هالكلام ؟

سلامه : اهلك ما يحبووووووووني . . محد فيهم يحبني . .

منصور : الله يسامحج كيف تقولين هالكلام . . ؟ كلهم كانو واقفين وياي يوم كنت اساعدج تمشين . . وكلهم يشجعوني ويقولون لي تستاهل سلامه ومش خسارة تعبك فيها

سلامه : هذاك اول . . لانهم كانو يشوفوني بنظرة الشششششششفقه . . الحين يوم شافوني صاحيه ومافيني شي يبون يستقوون علي وكارهيييني . .

منصور يتنهد . . .

سلامه : لاتطالعني جيه ولا تتأففف فويهي .. اولهم اختتتتتك مهره . . عشان اخوي مسولهاااااا طاف وعشان اخوي مش مفتكر فيها قامت تكبر راسها علي واطلع حرتها فيني ..

منصور : مهره عاد ! مهره وحليلها فقيره ما تطلع من غرفتها والي فيها مكفنها وين لها حييل بعد تطلع فيج حررره . . واصلا من يت بيتنا صارت هااااااديه ومالها حسس . .

سلامه : هذا جدددددددددددااااااااااامك مس . . انت يوم تروح الدوام كلهم يصيرون ضدي ويسوون حزب ويعقون علي رمسسسسه لكني ساكته عششانك " وتمسح دموعها "

منصور: خلاص حبيبي . . خلاص فديتج . . زهبي اغراضج بنطلع من اهني . .

سلامه تطالعه : بنروح بيت ابوي

منصور : فشله يا سلامه كيف تبيني اقعد اهناك

سلامه : بيتنا فاضي مافييه حد الا عنود وحمود واصلا كل وقتهم ف محلقهم ما يون داخل الا وقت الاكل . .

منصور متردد . .

سلامه تسحب ايده صوب بطنها : عشان الي اهني

منصور يبتسم : عيوووووووووني فدوة للـ اهني .. ان شاء الله حبيبتي . . الي تامرين فيه . .

>

<

>

منصور يبتسم: قصصت علي بكلام حلو . . ههههههههههه شكثر غبي انااا . . معقوله صدقت ؟؟؟ معقوووووووووله . . .؟؟ " يطالع مهره " شمعنى انتي الي تحاول تكرهني فيج . . بدتها صصصصصصح . . . ذكييييييه

>

<

>

منصور يتجلب ف رقاده يمين ويسار . . وبنفس الوقت سلامه كانت واعيه . .

سلامه : شفيك حبيبي ؟ ما احسك مرتاح

منصور يطالعها وبعيون حايره : لا مرتاح فديتج . .

سلامه : مش علي . . خبرني شو فيك . .

منصور يطالعها بتمعن : مستغرب من اهلي . . محد دق لي ولا حد حاول وياي اتم في البيت وما اطلع

سلامه : شفت كيف ؟ عششان تعرف انهم مش مهتمين فيك . . ولا يبونك . .

منصور عاقد حياته : سلامه ! شو هالكلام

سلامه بتردد : آآآ . . آقصد يعني مآ يدآنوني آنآ . . وحاقدين علي . . علشان جي قامو يتغيرون عليك

منصور : محد له حايه يكرهج . . " عاقد حياته " ليش مسويه شي انتي عشان حد يكرهج ؟

سلامه تبلع ريجها وتقوم : لا . . شو بسوي الله يهديك

منصور ينزل راسه : قسيت عليهم . . وانا ما تعودت على جي " يقوم " بسير اخذ بخاطر امايا

سلامه عاقده حياتها : الحيييييييين ؟ ها الوقت ؟ شوف الساعه كممم ؟ احين بيأذن الفييييير

منصور : بصلي فالمسيد . . وبروحلها على طول . .

سلامه تعض ع شفايفها بقهر وشوي صرخت وحطت ايدها ع بطنها . .

منصور يي صوبها بسرعه : شفيييييييج ؟ خبريني وين يعورج

سلامه : آآآآآآآآآه مآقدر اتحمل . . عوق فظييييع

منصور : ويين خبريني وين

سلامه تحط ايدها ع بطنها : اهني

منصور يحط ايده مكان العوار : بسم الله عليج " وتم يقرا عليها المعوذات "

مثلت سلامه انها رقدت ع جتفه . . ومن حس انها رقدت وهدت يا بيقوم بس مسكت ايده بقوة

سلامه : لا تخليني . . اخاف ارد اتعب . .

منصور : ما بخليج حبيبي . . بصلي وبردلج . .

سلامه تبتسم بنصر وتغمض عينها . .

>

<

>

منصور : وبدت كل يوم . . تزيييد إلي فيني . . تجححححد قلبي . . تقسسسي قلبي . . تقسسيني اناااا . . تكرهني فلحمي ودمي . . سوتها بطريقه دبلوماسيه فظيعه . . والله ذكية . .

>

<

>

سلامه تسير صوبه : شفيك ؟

منصور يطالعها : مش مرتاح سلامه . . اول مره امي تزعل علي . . انا ماتعودت ازعلها

سلامه : احنا شـ قلنا امسسس . ؟ احين انا ما اسدك ؟

منصور : محد قال انج ما تسديني . . بس هاي اميييييييي

سلامه تتصنع دموعها . : روحلهممم روح . .

منصور : ليش ليش الصياح حبيبي ليش . . " يتقرب منها "

سلامه تدزه : لا تلمممممممسني . . روحلهم . . الحين انا اقولك هم سفلو فيني ووانت على طول جي بتروحلهم . ؟؟ على الاققققققل ازعل شوي . . اتغلى عشان يحسون ع دمهم . . انت اذا رحتلهم بيكبر راسهم وبيبطرون علي اكثر واكثر . . " تسوي روحها تمسح دموعها "

منصور : صدقج . . الي تشوفينه حياتي . . اهم شي انتي . .



>

<

>

منصور فاج عينه : قسست قلبي على جنتي وناري . . كيف حرمه تكرهني في امي وأثق فيها لهدالدرجه .؟؟؟ كيفف " مصدوم " والله اني مصدوووووووم . . مصدوم . . ماعرف شقولكم . . .

>

<

>



محمد : ها منصور شو رايك ؟

منصور : والله مادري يا ريال . . بشوف سلامه وبخبرك . .

محمد : احنا بنسير يومين بس وبنرد . . يعني حتى لو فالوكيند مش لازم تاخذ اجازه . .

سلامه تيهم : شسالفه ؟

منصور يبتسم : ولد عمج يبانا نروح وياهم دبي هالويكند . . بيحجزون ف جميرا بيتش . . شرايج ؟

سلامه : هاه . . " ترتبك " لا ماقدر هالويكند عرس ربيعتي . .

محمد لاحظ ارتباك سلامه بس ما قال شي . .

منصور : ضروري تروحين !

سلامه : هيييييييه ضرروري . . هاي وايد ربيعتي وما اقدر ما اروح . .

منصور : ممم . . " يطالع محمد " خلاص روحو انتو برايكم استانسو . . مره ثانيه ان شاء الله . .

>

<

>

منصور يطالع محمد : كنت ارفض مع انه فخاطري وايد امور عشانها !! وتقولي عرس " يطالع محمد " اي عرس هذا الي ما يخلص . . اي عرس الي كل اسبؤؤؤؤؤؤع ؟؟؟ اي عرس إلي وايد ضروري . . اصلا وين ربعها الي تقول ربعي وربعي . . وينهم ؟؟؟ لا يدقون ؟ لا يزورون !! بس فالاعراس ربع . .

>

<

>