منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

.

البارت الـ 145

في صبآآح اليؤؤم آلثآني . . الكل رآقد بحكم آنه الجمعه ومآشي دوآم . .

سلامه فجت عينه على حشره امها ويا الشغاله . . شافت الوقت واتصلت له . .

منصور بتعب : ألو

سلامه : انته وينك . .

منصور بصوت واطي: في بيت ربيعي . .

سلامه : ما قلتلي انك بتروح

منصور يصحصح شوي: ما عبيت رصيد والله ، وامس مناوب فالدوام طول اليوم قلتلج ترى . . ماقدرت اسوق مول . . خطفت بيت ربيعي قريب من الدوام ونمت عنده . .

سلامه : ما بتي البيت

منصور : والله مشتااقلج خاطري اي الحين . . " يتثاوب " بس الربع قايلين ببيروحون صوب عوافي بيلسون فالعزبه اليوم وبيجتمعوون وسوالف وورقه وخرابيط تعرفين الجو حلوو ما يتفوت

سلامه : لا خلك ويا ربعك غيير جو وانا لاحق علي حبيبي

منصور : انتي اطلعي بعد غيري جو . . بس مجابله المطاوعه والدكاتره . . شلي عنود وسيرو السينما . .

سلامه : عنود بتطلع عند ربيعتها . . وانا بششوفّ لو وحده من ربيعاتي فاضيه بروحلها

منصور : زين حياتي . .

سلامه: يالله فديتك باي

منصور : باي حبيبي . .

.

.

.

على الساعه 10 . .

شوق اطرشله مسج فاضي

على طول دقلها . .

حمد : صباح الخييير . .

شوق : . .

حمد : وينج انتي هالكثر ؟؟؟ شصارلج ؟

شوق تصيح : . .

حمد : شفيج شوووق . . شصااااااير ؟؟؟

شوق تمسح دموعها : طلقني . .

حمد : طلقج . . .

شوق تصيح . .

حمد : ريلج ليش طلللللقج ؟؟؟؟؟

شوق تصيح بهدوء : ولده كان ياي بيتنا وشاف تلفوني وقرا المسجات الي بينا وخبر ريلي . . وطلقني على طول 3 طللللقات . . وطلعوني من البيت . .

حمد : كيييييييييييييييييييييييف . .

شوق : . ....

حمد : وييييييييينج الحييييييييييييييييييين؟؟؟؟؟؟؟؟

شوق : في شقه مهره . . " تصيح "

حمد : في شقتها ؟

شوق : هيه . . " تصيح " خبرت مهره اول ما طلقني السالفه وقالتلي اروح لرامي واخذ مفتاح شقتها . . وانا تامه اهني

حمد مصدوم : شو قلتي لمهره

شوق : كل شي . .

حمد عاقد حياته : شو كل شي . .

شوق : شو الي كل شي . .. قلتلها عننننننك . . قلتلها كانت بينا سوالف عاديه ومادري كيف بدينا نتواصل انا وانت وكثرت سوالفنا . .

حمد : وشقالت مهره ؟

شوق: الحييييييييين انا في مصيبتي وتقووووووولي مهره

حمد يتنهد . . : حقج علي . .

شوق : شسوي الحين . . شسوي

حمد : اطلعي من شقه مهره . . وبخلي رامي يعطيج مفتاح شقتي . . يمكن سيف ييي بأي وقت ما يصير اتمين اهني !!!!!

شوق تمسح دموعها . .

حمد : خلاص اهدي ..

شوق : انا من اول مش محتاجتنه ولا مسويلي شي غير انه يصرف علي وساتر علي . . شوو وضعي الحين شوووو وضضضعي ؟؟؟

حمد : لاتحاتين شي . . الشقه لج بكبرها . . وانا كل شششهر راح انزل لج مبلغ ومن تحتاجييين شي ماراح اقصر فيج والله " يغمض عينه " انا اسف . .انا وايد متلوم والله . .

شوق : انا على اي اساس اكلمك حمد ؟؟؟

حمد انصدم من كلامها . .

شوق : ليش تكلمني ؟وانا لييييييش اكلمك . . ليش جنيت على عمممممري انا ليش

حمد : . .

شوق بندت فويهه وفرت الفون وتمت تصيح . . اما حمد اتنهد بضج واتصل برامي وخبره . .

.

.

.

مهره تتصل فيه . .

محمد : ياويل حالي . . امري الشيخه . . ؟

مهره : هههه " تبتسم بحزن " السلام عليكم

محمد حس من نبره صوتها في شي : عليكم السلام . .

مهره : محمد فاضي ؟

محمد : امممري . . عسى ماشر . .

مهره : خبرني اول انت فاضي ولا . . تقدر تمر بيتنا . .

محمد يشوف الساعه : هيه الحين 10 . . وباقي وقت على صلاه الجمعه . . بمر عليكم الحين

مهره : خلاص اترياك فالميلس الي برا . . من توصل ادخل على طول

محمد باستغراب : ان شاء الله . . الحين بطلع انا . .

مهره : خلاص اترياك . .

وبندت عنه . . سارت توصي الخدامات يسوون خفايف . .

.

.

.