|
بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم ; . . . http://6p6b.net/uploads/5bf201e444.gif اتمنى لو تقدرون تردون تقرون الجزء الي فات علشان تقدرون تكملون هاذا ================================================== حمد وهو يناضر المرايه ويضبط الشماغ قدامهم : اشوف ويانا ضيوف اليوم ياهلا ام شهد بعصبيه : اقول ناضر قدامك مالك خص بالبنات حمد وهو يخشن صوته علبن رجولي : شدعوه خاله هم الحين من اهلي صح هيونه ولا انا غلطان هيونه : اي صح هاذي ميثا اخت حسين وهذي سلامه اخت سعيد وزي ماقلت هذول زي خواتك حمد بلع العافيه : يهلا والله تو مانورت السياره , الا وين تبوني اوديكم بدور : نبغا ( ..... ) علشان فيه سنما بس الله يخليك استعجل شوي لان مابقا الا نص ساعه ويبدا الفلم تكفى استعجل حمد : ها بنات امشي ولا ( البنات عطوه الموافقه ومشى وكل شوي علني يعدل المرايه ويناضرهن استانس على اشكالهن بس اكيد مايتجرء .... ( كملو طريقهم ولما وصلو , هيونه وميثا وبدور راحو السنما ,ومي وبشاير وتوفي وسلامه راحو يتشرون للجامعه ) ( وبعد تقرريباً ساعتين ونص خلص الفلم وطلعو البنات ياله يمشون من كثر ماضحكوووو , اتصلو على موبايل توفي وتواعدو فستار بكس , دقايق ووصلو كل البنات , تقهوو عالسريع لان هيونه مقدرت تقعد اكثر من كذا بالها مو معاها...... ( _ . فالكفي . _ ) ... هيونه : يلا بنات انا تاخرت كثير ابي ارد البيت مي : تو الناس وين تبين تطيرينا من الحين ماطولنا كلها 3 ساعات هيونه : مالومك ماتحاتين الجني والعطبه الي عندي فالبيت من طلعت ونا قلبي يعورني لتركهم بروحهم لطيفه : ههههههههه وشو جني وعطبه ومنهم بالخير الجني والعطبه ( لا مي ولا لطيفه ولا وحده من البنات يدرون ان نواف موجود بالأمارات وعلى حد علمهم انه سافر برى يدرس وماتوقعو رد هيوونه .....) هيونه : نواف وسيف لان عارفه ان سيف مرح يطول برجعه ونواف مرح يطول بنومه لانه نام وشكله متضايق ويمكن يكون صحا الحين طول ماهيونه تتكلم والبنات فاتحين عيونهم وفمهم عالخر : وشووووو عيدي شقلتي نـــــــــــــــــــــــــــــواف هيونه وهي عارفه انها غـلطت لانها ماخـبرتهم : اووو ماعلمتكم سوري بس ماحصلت مناسـبه اتكلم فسالـفه ( البنات بدورهم خذوحقهم منها وسيده وبدون طول سالفه لمو اكياسهم وراحو للفله وميثا وسلامه ضايعين بطوشه مايدرون شسالفه . ( سيف وحسين وصلو من ساعه وباقي الشباب لاحقينهم لان العشا تاجل ليوم ثاني وحبو يخلونها قعده شبابيه بدون عجايز. ( ساعه ووصلو البنات للفله ودخلو واكثر وحده كانت اعصابها مشدوده اهي هيونه لانها توقعت ترد تلقا البيت شاب حريقه... هيونه وهي داخله ومتفاجاه بمنضر الشباب وهم شوي بتطلع عيونهم وهم ينطرونهم : السلام حسين وهو للحين مانتبه للي ورا هيونه : وعليكم السلام والرحمه وينكم ساعتين ونحن نترياكم متنا يوع ناصر : بنات ولقو سوق تبغاهم يتركونه ويجون يقابلون خشتك انت وجهك هيونه تتلفت تدور سيف او نواف : وين سيف حسين ببروود : راح فوق يصحي نواف ناصروحمد وسعد وخالد الي ماستوعبو الي قاله حسين : وشووووووووووووووووو نواف ( لفو على هيونه وعلا وجيهم الي امتلت علامات تعجب !!!!!!!!!!!!!!!!!!! كثيره مو مستوعبين شي . ( هيونه ماجاوبتهم وراحت تركظ فوق تلحق عليهم ولحقها سعد لانه مرح يصبر لين ترد وتقوله السالفه... ( تركب الدرج وقلبها تزيد دقاته ، ولما وصلت راحت لغرفه الي نام فيها نواف ودخلت وهي تتلفت تدورهم ولما لفت عالسريرشافتهم قاعدين تفقدتهم بعيونه وماحصلت اي اثار جت سليمه هالمره , نرسمت على شفاتها ابتسامه من دون ما تحس فيها وقربت منـهم .... سيف : هـلا حيـاتي رديـتي مـن الـسـوق هيونه وهي خجلانه من الطريقه الي دخلت فيها لان وجها قام يعطي الوان من الخرعه: ايه ,الشباب تحت ينطرونكم ليش قاعدين هنا سيف حس ان البنت معاد هي بخير وقف وقرب منها وباسها على خدها : شفيج ياروحي تعبانه هيونه انقلب وجها اصفر لعنابي من الفشله والمصيبه قدام سعد ونواف بعد , هيونه وصوتها رايح : لا لا بس .. انقذها سعد : ونا صارلي ساعه واقف محد معبرني نواافوه متى وصل ( نواف وقف علشان يسلم على سعد ) ( سيف لما شافهم اندمجو بسوالف مسك يد هيونه وطلعو برا قبل لاينتبهون لهم طلعو برا وشال لها الاكياس الي على الباب وراحو لغرفتهم اول مادخلو سيف حط الاكياس على الكنبه وجا عند ها ومسك يدها وناضر الساعه : اف 4 ساعات وربي وايد ماشتقتيلي هيونه مو عارفه اهي شلون واقفه للحين على رجيلها حاولت تصرف عمرها وهي تاشر عالباب : الببببــ ـنات ينــ ـ طـ ـروني تحــ ـ سيف وهو يموت فشكلها وهي خجلانه كذا : وذا البنات ينطرون والا مايهون عليج تنطرينهم . ونا صارلي 3 شهور انطرج ومو معبرتني صح ولا انا غلطانه .... اهو كان يلف ويدور علشان يجيب طاري الموضوع وزين جات منها بعد ... هيونه فكت يدها وراحت لحقها ومسكها من كتوفها وقربها عنده...... سيف : فديت روحج لاتزعلين يقلبي ( وضمها لصدره ) بس سمعي نوم بر هالغرفه مافي اوك لا بدور ولا غيرها استانسي وياهم على قد ماتقدرين بس لخلصتي غرفتج تستناج وما يحتاي تنامين فصاله ولا فغرفه من الغرف الباقيه ok ( هيونه تمت ساكته لان لو بيدها مازعلته بس مو بيدها كان القدر واقف ضدها... ( مشتت قدامه وراحت تحت وسيف وراها , كان الكل تحت ينطرهم اول مانزلو هيون سيده وبدون كلاام راحت للبنات لصاله الثانيه نواف لاحض انها متضايقه وعفس وجهه قرب سيف وقعد يم نواف.. ( نواف ( بعد حالي ) اعتفس وجهه وهو يشوفها متضايقه وبعد خمس دقايق بالضبط وصل صبره للخط الحمر ... ميل عمره وهو متردد : سيف ( لف عليه سيف !!! ) هيونه شفيها زعلانه ؟ ( نواف ماقدر يصبر علشان يساله ) سيف !! وهو مستغرب من سؤال : لا مالقت الشغله الي كانت رايحه علشانه ( سكت نواف بعد مارتاح ضميره , نواف صحيح كان متضايق بالول بس بعدها انسجم عالخر ويا الشباب لان الجمعه الحلوه تنسي الشخص حتا نفسه وخصوصا لما يكون طيب , اما سلطان قلبه بصاله الثانيه موعنده .... ( هيونه خذت لطوف وقامو للمطبخ علشان يجهزون الشاي والفطاير لشباب لانهم خلصو من القهوى , طلعو من الصاله الداخليه مارين على الصاله الي فيها الشباب , حسين كان يسولف ويا ناصر ولما لمح ذاك الزول الي يمشي ويا هيونه بول الصاله ضاع فخرايطها ترك ناصر وقعد يطالعها وهي رايحه , ناصر لف يشوف من يطالع هاذا ولما شاف لطيفه ولف وجهه حسين بقوه والشرار بعيونه ناصر : شعندك تناضرها كذا في شي حسين من الخرعه : لالا شفيك بس اول مره اشوفها ويا هيونه لاتفهمني غلط وربي انها زي اختي ميثا والله ( ناصر مابغا يكبرها طالعه بنضره ذوبته بثيابه ولف عنه .... ................................................. ( الساعه ... 10 باليل ... ( تعشو وريحو شوي الشباب حبو يهضمون الكل الي كلوه فالمسبح اما البنات بالسوالف فوق , وهيونه طول القعده عيونها عالدريشه ودها تقوم تكحل عيونها فيه وهو يسبح لانها ولا مره شافته بهالوضع حاولت تطلع اعذار بس كلها فشلت وسيف طول ماهو يسبح يستعرض كان يضن انها واقفه بس للاسف راحت بلاش , هيونه ماقدره تصبر وقفت وراحت للبلكونه ميثا وهي متاكده من الي تفكر فيه : هيونه وين رايحه هيونه وجها قام يعطي الوان : لا اتطمن عليهم بس ، الا شرايكم ننزل كلنا ونجهزلهم العشى احسن من يدين الخدم شرايكم سلامه : ونا وربي مشتهيه اطبخ من اخر مره طبخت ويا يدتي وبعدها ماجست المطبخ هيونه : ok ( قامو البنات وبعد المعاناه قامو كلهم ونزلو قبل هيونه لانها حطت عذرها انها بتلحقهم بالغراض ( مكشوفه بس سكتو عنها ماحبو يحرجونها. ( نزلو البنات , وهي بعد ماكحلت عيونها فيه وهو يسبح لحقتهم علشان مايشكون فيها لان لو بيدها ما تحركت من مكانها لين يخلص. ============================================== ( قطر الساعه ... 11 باليل فبيت ابو نواف ... ( فالصاله ابو نواف وماجد قاعدين عالتلفزيون وام نواف تحضر العشا .... ابو نواف : ماجد ماجد : لبيه يبا ابو نواف : لبيت فمكه اتصل على اخوك والله اني فاقده ومشتاق لصوته ماجد ترك الرموت وتغيرت ملامحه : هاا لا الحين موعد محاضراته الساعه 2 الضهر عندهم الحين ابو نواف : معليه دق محاضراته مو ابدا من ابوه ماجد ضاعه ملامحه : جوالي مدري وينه يمكن نسيته فالسياره بقوم اجيبه ( ماجد كان ناوي يروح لسياره ويركبها ويهج ولا يحط عمره بهالموقف ) ابو نواف : ليش تطولها وهي قصيره هاذا جوالي كلم فيه والحين يلا اشوف ماجد معاد لقا له فرصه ينحاش منها ورضخ للامر الواقع وخذا الجوال ودق , نواف كان ويا الشباب يسبح وتارك جواله داخل دق الجوال دقه كامله ولا احد رد عليه ارتسمت ابتسامه خبث على شفاه ماجد من الفرحه... ماجد بنضره خبث : مايرد اكيد مشغول ماقلتلك يبو نواف علشان مره ثانيه ماتكذبني ابو نواف ماياس : اقول لايكثر و دق مر ثانيه يمكن ماسمعه ( ماجد دق مر ثانيه وهو واثق متوقع ان نواف مرح يراد عليه زي المره الولى ......... ********************************* ( دق الجوال سمته مي وهي فالمطبخ لان صوته عالي ونغمته مميزه... مي : في جوال يدق البنات بلحضه صمت ...... هيونه : الا والله هاذا جوال نواف اكيد فالصاله بدور : انا بروح اجيبه خليج انتي ( طلعت بدور وراحت للمكان الي كان جالس فيه نواف وخذت الجوال وشافت المتصل ) ( * المتصل : ضوى روحي * ) بدور : ايا الملعون تكلم من ورانا ها ( وردت عليه لقافه ) الو ماجد دقايق وبعدها استوعب الصوت : الو هلا بدور : هلا مين ماجد وهو فاتح عيونه على الخر منصدم ومستانس انه سمع صوتها : انا ماجد منو بدور بدور : هلا اي انا بدور سوري رديت بس نواف برا ويا الشباب فالمسبح ماجد : وشو اي شباب اي مسبح اي نيله انتو رديتو الرياض بدور بضحكه : هههه وشو انتي شكلك مو صاحي تحط روحك مو عارف احنا بالامارات ونواف عندنا وبتحديد بتحديد بيت هيونه ماجد وقف قلبه : وشووووو فبيت سيف ماغيره لاااا عن المزح الي ماله داعي بدور لاتلعبين بعصابي ابو نواف : انت شبلاك شجيب بدور لجوال نواف ليكون مغلط برقم ماجد وهو حالط يده عالجوال علشان ماتسمعه بدور : يبا مو وقتك بعدين اقولك كل شي ( وشال يده ) بدور بدور بدلع : هلا ماجد : انا عندي كارثه خلي جوالك وياك لاني ابلي اكلمك اوك بدور : اوك باي ماجد : باي ----------------------------------------------- ( سكر ماجد بعد ماردتله روحه , وبدور كانت الارض مو شايلتها بعد ماسمعت صوته وراحت للبنات المطبخ وعلمتهم الي صار , طبعا ماخذو بالهم لسالفه لانهم ما درو اصلا شصار ..... ( طلعو الشباب من المسبح وراحو داخل نواف وسيف راحو يبدلون فوق والشباب دخلو الحمام بدُور واحد واحد بعد ماغسلو جسمهم وتنشفو وطلعو وراحو لصاله الي فوق نواف تسبح ونشف جسمه ولبس ثوبه وطلع لهم ... ( البنات بعد ماخلصو من العشا الفنتك اهي يسمونها سندوج دجاج مع المايونيز بس الي اهم يشوفونه غير كذا تشهدو وتوكلو على ربهم وكلوها بس الحمد لله طلعت حلوه وبعد العشا والسوالف وصلت الساعه 3 الفجر الشباب البنات راحو ينامووون من التعب مابقا الا سيف وحسين وسلطان وهيونه وانوار قعدو عالتلفزيون لين ما حسين غفا على الكنبه وسيف بدا يتثاوب سيف : يلا حياتي ماودج تنامين انا حدي وصلت هيونه تغير لونها : لالا ما فيني نوم بتم وياهم شوي انت بس صح حسين خله يروح داخل ينام الكنبه بتعور ضهره سيف وهو قاعد تعيجز ليقوم وحذف عليه علبه الكلينكس وبوووم فوجهه هيونه ماستوعبه الموقف وحطت يدها عل فمها حسين رفع راسه بسرعه : أأأأأأأأأأأ من الحمار الخرى الي حذفها سيف بكل برود : سلطانوه يالدعله انت ماتستحي تمد ايدك عالي اكبر عنك علبالك اني مو معلمنه حسين قبل لاينطق سلطان اي كلمه جت النعله ففمه : حمار انت سلطان وهو متخرع ومتعور فنس الوقت : والله اني مــ.. قاطعه سيف : انتا روح نام بعدين اضربه على كيفك روح ( قام حسين معصب وهو مار رفسه بقوه وراح وسيف ميت على شكل سلطان من الضحك وسلطان مو قادر يتكلم من الفشله من انوار .. هيونه وهي تمسح على راس سلطان : معليك منه وسيف انا اراويك فيه سلطان : لا معليه متعود مردك محتاجلي سيفوه انا وياك والزمن طويل ( سيف يرفع حاجبه لسلطان علشان يغيضه ) هيونه : خلاص سيف حرام عليك , انوار سلطان انتو فيكم النوم انوار وهي تناضر سلطان : لا مافيني نوم سلطان وخدوده ولعت : لا مافيني كني نايم سنه لا تحاتين سيف وهو قايم : اه مو لــ لله للي خبري خبرك ها هههههههه هيونه لاتتاخرين بنطرج مرح انام لين تجين زين ( وراح لغرفته .. سلطان ضاعت علومه من الفشله وهيونه اكثر منه ... هيونه : اوكي مابقا شي وياذن الفجر صلو ولبغيتو روحو برا ساعدو حكيم عند الصطبل لانه الساعه اربع يكون موجود انوار : اي والله هاذي احلا فكره سلطان الرض مو شايلته من الفرحه : ok ونا بعد من مده ماركبت خيل جبتيها عالجرح هيونه : بس على شرط مو تنسون الصلاه صلو وبعدها روحو اوكي ونا بخبر سيف اذا كان واعي يروح وياك المسجد ok سلطان وانوار : ok ( راحت هيونه للغرفه وهي كل ماقربت دعت زياده انه يكون نايم وفتحت الباب بشويش ودخلت وسكرت الباب وشافته متمدد عالسرير تنفست بصعوبه حست بحمل طاح منها وراحت وبدلت ملابسها ولبست بيجاما لونها فوشي بلوزه علاق ستان مع برموده بنفس اللون بس طالعه كيووت فيها , وقربت منه وكان مسكر عيونه ومتمدد على ضهره مو عادته ينام كذا بس اهي مانتبهت فتحت الفراش ودخلت بشويش علشان مايحس وتمددت تقلب سيف وصار وجهه قبالها عفست وجها من الخرعه وبعدت عنه بشويش علشان مايحس فيها , فتح عيونه وناضرها : ليش تبعدين هيونه سكتت شوي تلقط نفسها من الخرعه اختفا صوتها وقالت بشويش : لالا بس مابغيت ازعجك سيف : لا ما ازعجتيني بس انا مافيني النوم علشان كذا ناديتج و لزمت اتجين قبل لا انام هيونه وهي فاهمه كل شي ونست عمرها لما نزلت دمعتها : تكفا سيف وربي مو وقته ( حست بحجر على مخها ماقدرت تفكر قالت هالكلمتين من الخرعه مو عارفه شلون تتصرف ..... ) سيف بكل برود يمسح دمعتها وقرب منها ولف يده عليها: لا تبكين يقلبي هالخوف راح يزول صدقيني بس انتي ساعديني هيونه اول شي طرا على بالها كلام بدور ونزلت دمعتها وماقدرت توقفها وخرت يدينه وقامت من فراشها وقام وراها ومسك يدها وقعدها سيف : لا صدقيني الهروب مو حل , هيونه انا انسان وصبر الانسان محدود وربي اني احبج وماصبرت الا لاني احبج ونتي عارفه هشي لا تفكرين بالماضي انتي الحين متزوجه ومتزوجه اكثر شخص فهالعالم يحبج حياتي فديت روحج طاوعيني ولو مره فكري فيني انا ابا اكون زوج زي اي زوج فالعالم وربي طول هاليام ونا احس روحي ناقص رجولتي ناقصه ونا تام ساكت جي وصابر لمتا اابي اثبت لروحي على القل اني ريال ولا تجبريني لشي انا من اول ليله معاهد عمري ماسويه طيعيني ولا تخافين , يلا.... ( هيونه تمت ساكته من الفكار الي صارت تدور براسها ودمعتها على خدها يدها كانت ترجف وهو ماسكها كان حاس برجفتها بس سكت علشان مايوترها زياده , قرب منها وضمها احتواها على صدره علشان يحسسها بامان ويبعد هالخوف عنها .... ( هيونه مكانت تتمنى هالموقف بس سيف كان يتمناه من فتره بس لو محاول هالمره مرح يحصله فالمره الجايه .... هيونه وهي دموعها غرقت خدها كان كل ماضيها يمر عليها مثل الشريط وكانت رجفتها تزيد ..... ------------------------------------------------ ( الضهر الساعه 12 ..... ( قام سيف من النوم والبسمه على شفاف حاس بروحه بيطير من الفرحه لف عليها وشافها غرقانه فنوم ومو حاسه بالي حولها قام وخذا ورده من الباقه الي عطاوله وحطها يم مخدتها وما حب يزعجها وخذا شور وبدل ملابسه وطلع من دون اي صوت.. ( لقا الشباب تحت فالصاله وقعد وياهم .... حسين : شعندك البتسامه شاقه حلجك شك سيف ببتسامه : مو شغلك ( ويغمزله ) سلطان قوم صب لي قهوه حسبن فهمها من اول مادخل بس حب يستعبط عليه ابتسمله : اقول شرايك تخليهم يحطون الغدا لاني الجوع ذابحني ناصر : اي والله حتا انا انتضر بتصل على هيونه علشان تقولهم ينكبونه سيف نسا روحه : لالا لا انا قولها ناصر وهو مستغرب : ok براحتك ( سيف انتبه لروحه وقف وراح المطبخ وخبر الخدم يجهزون الغدا ويقعدون البنات . ألا هيونه طبعا وحرص على هالشي .) ( قامو البنات وتغدو فوق اما الشباب تغدو تحت وبعد ماخلصو اجتمعو تحت .... ( فالصاله الساعه 2 الضهر .............. حمد : شدعوه هيونه للحين نايمه بدور : انا بروح اقعدها تورط سيف لانه حاب انها تقوم من نفسها : لالا خلج انتي انا بسير اقعدها وقف قبل لاتقوم بدور ( الكل استغرب منه اليوم مو طبيعي ................... ( سيف راح فوق وهو حده متضايق كان وده انها تقوم من نفسها ومو لازم حد يزعجها ويقعدها من نومها ولما وصل للغرفه وفكر شوي شلون يتصرف وما لقا الا انه يتم عالبلكونه لين تقوم اهي من نفسها ...... ----------------------------------------------------------------------------- ( هيونه كانت غرقانه فنوم ومو حاسه بالي حولها وعت وبالويل فتحت عيونها , رفعت راسها وقعدت شوي تستوعب الي اهي فيه الحين مانتبهت للورده لانها كانت متخرعه من حالتها وراحت للحمام ( ونتو الكرامه ) وخذت شور وهي حاسه بروحها ترجف تحت الماي وبعد ساعتين انتبهت لعمرها انها طولت وطلعت ونشفت عمرها ولفت الفوطه عليها وطلعت الموزع تبدل وهي ياله تمشي على رجيلها مو قادره توازن عمرها حاسه انها مو اهي نفسها هيونه الي كانت تعرفها دخل سيف لما حس انها طولت وتخرع عليها ودخل ومالقاها عالسرير دخل الموزع وهي كانت ملقيته ضهرها وما نتبهت له ابتسم وقرب منها وضمها , اهي زادت رجفتها ومو عارفه شلون تتصرف وزياده على كذا خجلانه من شكلها بالفوطه .... سيف : صح النوم حياتي هيونه : .................. سيف مسكها وقعدها عالكرسي وقعد عند رجيلها وهي منزله راسها ومغطيه شعرها المبلول وكانت متوتره وكل شوي تعدل الفوطه سيف : ليش ساكته حياتي البنات والشباب فاقدينج من اليوم وهم يسالون عنج ومابغيت حد يقومج حبيت تقومين من نفسج بس قلبي مايطاوعتي خفت عليج لانج طولتي فالنوم هيونه تمت ساكته وبعدت شعرها عن وجها ونزلت دمعتها سيف رفع عمره : افااا ليش يقلبي شو بلاج انتي تعبانه ( هيونه هزت راسها بشويش ) طيب ليش تبكين , اوك حياتي انا بنطرج بس مو طالع برا الغرفه بتم عالكنبه الي بصاله الغرفه ok حياتي ( وطلع من الموزع وتم بصاله الغرفه ينطرها , هيونه وهي متثيقله روحها مو عارفه شتسوي خذت ملابسها ودخلت الحمام وبدلت ولمت شعرها بربطه وطلعت من الحمام وتمت بالموزع مو عارفه شتسوي سيف لما سمع صوت باب الحمام وقف وجا عندها وهو عارف ومتاكد ليش ماطلعتله ومسك يدها وقومها ... سيف : يلا حياتي الكل ينطرج تحت يلا ( ومشت وياها ونزلو تحت الكل كان مستغرب من هيونه من نزلت وهي ساكته وما تكلمت تسرح ومو وياهم وسيف مو عارف شلون يتصرف ماتوقع ان راح يصير كذا فيها .... ------------------------------------------------------------------------------- ( ابو شهد وزوجته وابو بدر وزوجته طالعين يتمشون من الساعه 9 الصبح وقررو بعد مايردون يمرون هيونه , جت الساعه 3 العصر ووصلو بيت هيونه فتحلهم البواب الباب ودخلو وقف ابو بدر السياره عند باب الفله ونزلو , دخلو واول ماشافتهم انوار راحت تركض تضم ابوها لانها مو متعوده تنام من دون لا تبوسه ودخلو وسلمو على بعض هيونه سلمت على امها وابوها وعمها , وراحت لصاله الداخليه وطلعت من بابها ماحبت تقعد وياهم وراحت يم المسبح وضمت رجيلها وقعدت على طرف ............... ( سيف استنا لين يقعدون وقعد يم عمه وكلمه فذنه .... سيف : عمي ولا عليك امر ابيك بكلمه راس ابو شهد : خير انشاله في شي صاير سيف : الخير بوجهك بس شرايك نروح لصاله الثانيه لان الموضوع حساس شوي ابو شهد نغزه قلبه ووقف ومشا قبل سيف وتبعه سيف وراحو لصاله الثانيه ................. ( لما دخلو قعد ابو شهد وقعد وراه سيف وهو مو عارف شلون راح يبدا بالموضوع بس هاذا هو الحل الوحيد ...... ابو شهد : هلا يولدي فخاطرك شي تبي تقوله سيف وهو منزل راسه : اي والله يعمي تذكر السالفه الي كلمتني فيها اول يوم فعرسي ابو شهد نغزه قلبه : اي يولدي شفيها سيف : يعمي لاتفهمني غلط انا اخسر روحي ولا اخسر هيونه انا من غيرها ما اسوا شي بس ابو شهد ببتسامه : بس شنو يولدي انا فاهمك سيف : وربي يعمي ماتتقبلني مهما اقرب منها تضل تصدني ماعطتني كل الي اباه ابو شهد : شوف يولدي انا راح اعطيك رقم دكتورها ونت اساله عن اي شي تبغاه ومرح يبخل عليك اذا كنت محتاجه بس اهم شي هيونه ماتدري مابغا يرجعلها الي مرت فيه والي مرت فيه مو هين يسيف مو هين ولو درت انت الي راح تخسرها سيف : ولا يهمك يعمي ( ابو شهد مكان يهمه كثر ماتهمه راحت بنته وما عوره قلبها الا على الجرح الي لو صار شي راح تنجرح منه ...... ( قام ابو شهد وراح لصاله الرئيسه ويا الشباب والبنات , اما سيف ماستنا ولا لحضه وكلم الدكتور على طول وساله عن كل شي اهو يبغا يعرفه وطبعا ماقصر الدكتور ................ سيف : طيب دكتور انا ابا اعرف اهي ما تكلمني تمت ساكته حاولت اكلمها بس تم ساكته الدكتور : انت اصبر هاي اشيا عاديه راح تزول مع الايام بس الحمد لله العلاج قبل جاب نتيجه معها فالمستأبل سيف : مشكور دكتور عذبتك وياي وخذت من وقتك سوري الدكتور : لا ولا يهمك هيونه متل بنتي واكتر سيف : تسلم ...... ( سكر سيف منه وراح لهم بصاله وخلا روحه طبيعي دور هيونه بينهم بس مالقاها ...... سيف : بدور ولا عليج امر هيونه وينها بدور : مادري والله يمكن فغرفتها او برا سيف : ok عن اذنكم شوي ( وراح لغرفته ودورها بس ماحصلها وباله بدا ينشغل عليها ونزل تحت وطلع برا وشافها من بعيد قاعده على طرف المسبح خذا نفس وقرب منها .... سيف وهو يجلس جنبها : ليش يالسه هني هيونه :............. سيف معاد فيه صبر : هيونه ليش تعامليني جي الي يقول اني مرتكب جريمه هذا هو الشي الي المفروض يستو من زمان بس ( هيونه ضمت رجيلها حيل ونزلت راسها , سيف كانت اعصابه بتتلف مو عارف شلون يتصرف لو سكت بتضل ساكته ولو تحرك بتزعل زياده مو عارف شلون يرضيها لانها لو تبي يفرشلها الارض بصاط من ذهب ماقال لا ..... http://6p6b.net/uploads/92d2883f9e.gif . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه |
تسلمين على التكملة والبارت وااايد حلو ... ولكن لا تتأخرين ف البارت الياي.... تحياتي لج.... :02::02: |
اقتباس:
; . . . http://6p6b.net/uploads/5bf201e444.gif يسلموو عالمرور حياتي ولا تحرمينا من طلتج http://6p6b.net/uploads/92d2883f9e.gif . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه |
ثااااانكس مجنونه عالبارت الحلو وننتظر الباقي |
ثانكس مجنونه على البارت تسلم ايدج ونتريا الاحداث اليايه على احر من الجمر |
| الساعة الآن 04:57 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir