منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

البارت الـ 144

.

.

.

محمد يطرشلها مسج " بشري شو السياره ؟ "

شافت تناهيد المسج ودقتله ..

محمد : الوو . .

تناهيد : هااااااه . . اشوفك اطرشش مسجات . . ليكون استويت ربيعي وانا مادري ؟ ولا عاد نفسك واحد من الاهل وقمت تسولف وتسأل ..

محمد : اقولج انتي ايه . . صوتج ترا فالطبيعه يلوع الجبد . . وفالفون يلوع الجبد اكثر . . لا تصارخين ترا تستوين لوووووعه اكثر عن جي . . شو تقولين انتي عربي يرحم امج . .

تناهيد : اوهو علينا . .

محمد : خلاصصصص فكيني حق شو متصله

تناهيد : انت حق شو مطرش مسج

محمد : اوكي انا طرشت مسج اطمن ع السياره . . معدلنها بببيزاتي

تناهيد : هيه لانك انته مخربنها تتحمل عاده . . المهم ما يخصك فيني ولا في سيارتي يلااا فارج

محمد : فارجي انتي . .

بند فويهها . .

محمد : بل عليها . . لسان عيوز مرره . .

ردت دقت . .

محمد : هاه شتبيين . .

تناهيد : ليش تبند فويهي هااااااااه .؟؟؟

وبندت فويهه وتم ناقع من الضحك . .

محمد : قسم بالله انها فنتككككككك . . شو هاليااهل من وين طلعت لي . .

شوي وصله مسج

" وحده بوحده "

طرشلها " ألتقعي "

طرشتله " مافهمت "

" يعلج مافهمتي . . يلا بس حشرتيني . "

" اوكي "

ابتسم محمد وقام صوب البلكونه وياه مسج ثاني . . على طول سار صوبه وفتحه وفي باله انها تناهيد لكن طلعت عنود . . مطرشتله " ممممممممم "

من شاف المسج تنهد بضيج وقفل الفون بكبره وفراه . .

محمد : الحين افتكرتي . . " ابتسم باستهزاء " حسافه بس . . إلا انتي يا عنود . . والله ماتوقعت منج

.

.

.

مهره : ها شوه ارمسس . .

ناصر : اباج ترمسين امايا عسبت اخطب " يبتسم " حصيص . .

مهره فاجه عينها : هاه

يتبطل باب الغرفه بكل قوة . .

ناصر ومهره منصدمين يطالعون الباب . .

سيف : ناصر اطلع برا . .

ناصر انصدم من وقاحه سيف واستغرب . .

مهره :سيف بلاك . . لا ترمس اخويه بهالطريقه

سيف يصارخ : سمعتني ناصر ولا لاء ؟

ناصر طلع من الغرفه . . وسكر سيف الباب . .

سيف يتنفس بصعوبه ويروح صوبها : بعدج تحبينه ؟؟

مهره عاقده حياتها : احب منووووو ؟

سيف يتقرب اكثر وهيه واقفه ما تتحرك . . وصل صوبها وبهدوء مصنطع : ميته فيه؟ ماترومين تنسينه ؟ كل ما تشوفينه تتخبلين .؟؟ ماترومين تتحملين ؟؟

مهره : انت شقاعد تقوووووول . .

سيف عطاها طراق طيحها ع السرير . .

مهره انصدمت . . فجت عينها ع وسعهن تطالعه : ليش تضربني . . ليش رديت تضربني

سيف : لانج حقيره . . ما نسيتي حمد . . وبعدج تحبينه !!

مهره فاجه عينها : انته شو يالس تقول . .

سيف : انتي طالق . .

وطلع من الغرفه . .

مهره تنزل دموعها ودخل ناصر على طول . .

ناصر :شو صاار ؟؟ شو السالفه ارمسسسي . .

مهره تطالع ناصر بصدمه : طلقني . . تصورر !! طلقننننننني

ناصر : ليييييشششششش . .

مهره : قااااااالي انتي " سكتت ، ماقدرت تقوله . . اكتفت انها تصيح "

ناصر : كلميني قوليلي . . شو زاخ عليج . .

مهره : مش زاخ علي شي . . " تنوح " والله ما سويت شي غلط والله العظيم . .

ناصر : خبريني السالفه الحين . . ما بطلع الا وانتي رامسه بكل ششششششي . . انطقي

وتمت مهره تخبره كل شششششششي كل شي من البدايه لين النهايه . . خبرته عن كل الي مرت فيه . . عن حمد وعن ميثا . .وعن شكوك سيف . . عن ضرب سيف وووو عن سسسلامه . .

ناصر : شسالفه سلامه بعد . .

مهره تطالعه وتمسح دموعها . .

مهره : كنت توني مخلصه صلاه وخطفت صوب غرفتها بقعد معاها جان اسمعها تصرخ وتقول . .

>

<

>

سلامه : ما راح اييييك اليوم . . انت شفيك !! ريلي اهني ماقدر اطلع . . اففففففف . . يالخايس امس تصورت لك بالملابس الي طرشتلي اياها وطرشتلك 20 صوووووووره وما عطيتني درهم ما تحرطمت لاتخليني اصفي الحساب معاك الحيييييين . .

مهره تبطل الباب : انتي ترمسين منو . .

سلامه انصدمت . .

سارت مهره وشلت الفون عن سلامه بسرعه وتمت تسمع صوت واحد .!!

عبيد : شوفي انا قلتلج الشباب ملوووووووومن صورج التافهة . . تراج ما تنوعين . . ليش اعطيج بيزات ؟ البيزات الي اعطيج اياها من سنين تسسسدج وتخليج تنطمين ما تفجين حلجج . . قلتلج لازم تصورين فيديو الحين . . ماتفرق معاج تراج ***************** . . وانتي بكل الاحوال رايحه وطي يعني كملي المعروف وخلصيني . . وبعدين ترا باقيلج بالضبط سنه و3 شهور . . يا تمشين معاي مثل ما اقولج لين تخلص المده او والله يا سلامه لافضضضضضضحج عند ريلج وعند اهلج . . وحتى فمواقع اليهال بتشوفين صورج . . اليوووووووووووووووووووووووووووم اشوفج شرات وقت البارحه تسمعين ولا لاء ؟ يالله فارجي باي

مهره : انتي شو تسويييييييين . . شو الي سمعته انااااااا شوووووووووووو . .

سلامه تبلع ريجها : انتي فاهمه غلط . .

مهره : انا كيف فاهمه غلططططططططططططططططططط . .

سلامه : مهره هالامور كلها قبل . . انا ودرت كل شي الحين . .

مهره : يالجذاااااااااااااابه يقولي البارحه كييييييييييييف قبل . .انتي كيف تسوييييييين جي . . كيف تبيييييييييييعين جسسسسسسمج وشررررررررفج لشباب كيييييييييييف . . انتي ليش تخونين اخووووووووي وهو ما قصر عليج في شيي يا حقييييييره ليييييش

سلامه : خلاص دخيلج . . دخييييييييييييييييييييييييييييلج استري علي . .بس اليوم بروح وخلاصصص . . سمعتيه . . كله يهدد بيفضضضضضضضضضضحني . . والله بس اليوووووووم بروح وخلاص ..

مهره : ماترووووووووووووووووووووووحين لا اليوووووم ولا الي بعده . .

سلامه : دخيلج ابوس رييييييلج " تصيح " بس اليوم وباجر اانا بدبرها وبخليه يفكني

مهره : انتي ككككككككلبببببببه . . قلتلج لا اليوم ولا الي عقبه . . " تشوف الفون بتاخذ رقمه " انا باخذ رقمه وبتصرف معاه

سلامه تشل الفون عن مهره : لاااااااا . . والله انا بتصصصصصصصرف . . . قلتلج بتصرف خلاص . .

مهره : كيف انخدعنا فيج . . كيييييف . . والله انج مش كفووووو . . عطيني التلفون خليني انا بتصرف من غير ما ادخلج فالموضوع . . بخلي سيف يحل الموضوع من غير ما اقوله انتتتتتتي . . هاااتي

سلامه : سيييييييييف . . لااااااااااااااا . .قلتلج والله العظييييييييم انا بححححححل الموضوع خلاص .. حلفتتتتتتتتت . .

مهره تطالعها ودش منصور ..

منصور: بلاكم ؟

سلامه تمسح دموعها بسرعه : ماشي حبيبي . . كنا نسولف . . تعال بنروح الحوي ابا اقولك سالفه . .

وطلعت سلامه وهيه ساحبه منصور . .

>

<

>

ناصر سكر عينه بالقو : وعقب

مهره : باليوم الثاني على طول طلعته من البيت . . وشوف شقاعده تسوي الحين . . كرهته فينا وما قام يطب بس علشان تخاف اني انا اكلمه واخبره شي . .

ناصر يمسح ع شعرها : اهدي خلاص . . اكيد لها دخل فسالفه سيف

مهره : اكيييييييييييييييييييد . . لاني اليوم انا رمست عنها . . اليووووووم واكيد سيف ما اقتنع بكلامي وراح ناقشها بالموضوع وتتتتتتتتتبلت علي . . انا ما سويت شي غلط قسسسسسسم بالله ما غلطت نصووووور . .

ناصر : خلاص اهدي الحين . . دامج قلتيلي كل شي اهدي . .

انخشت مهره في حظن اخوها وهيه تنوح . . تحس براحه لانها تكلمت باشياء كبيره كان ودها تفضفضها لأخو يكون سند وعون وظهررررر . . علشان محد يزخ عليها شي وماتخاف انها حد يهددها بحمد اكثر عن جيه .. تكلمت وهيه واثقه انه اخوها صدقها بكل حرف قالته . . خلت كل الهم لدموعها . . وتمت تنوح فحظنه وخلت ناصر بافكاره . .

.

.

.