منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

.

البارت الـ 143

ناصر يدق الباب : بنااااااااااات . . يا مسودات الويييه نششششن . . الساعه 5 يا حميير . . لا صلاه لا عباده لا ديييين بس فالحات رقاد نشششششششن .. .

يدق الباب ويغني : اركب الحنطووووور . . درقن درقن " يدق الباب بالقو " واتحننننننننطرر " يعلي صوته " درقن درقن . . واعوووووود قدااااااااام . . يا سلام يا سلام واششششد الليييييييييييييييقام

عذاري تفج الباب : بسسسسسسسسسسس . . صدعت براسسسسسسنا

ناصر يحط ايده ع قلبه : بسسسسسسسسسسم الله . . شو هالويه . . اعووووووذ بالله . .

روضة وراه تييه : انته شو عندك دورت براااسسنا

ناصر : يمه شو هالينااانوه . . من وين طالعين انتو ؟ من كهف ؟ شو هالاشكااال . .

مهره : نصصور حبيبي . . " تسير صوبه تحظنه "

ناصر: هييه هاي الاشكال الي الواحد يشوفها . . " يحظنها " فديت اختي . . صح النوم . .

روضة تسويله مالت . .

مهره تقوم : صح بدنك . . " تقرص اذنه بقوه " حق شو هالحششره

عذاري تدحنه بالقووووووو ع جتفه : مردوده . .اعنبوه رقاد عميق واحلام حلوه وانش على صدعتتك . . اف

ناصر : روحي روحي غسسلي ويهج ، الله يعين سلطان يوم بيجابلج وانتي واعيه . . اسميه بيتروع الريال . . سيري اغسسلي ويهج وصلي وانزلي الميلس ريلج يترياج

عذاري فاجه عينها : هاه

ناصر : خلصصصصصصصيني . . .

روضة : وين اليهال

ناصر عاقد حياته : تحت روحي شوفيهم صدعو براس اميه . .

مهره تبتسم : عاشش من شافك

ناصر يبتسم : الله يعيشج . . دشي دشي اباج فكلمه راس . .

مهره : شووو قوول . .

ناصر : اول روحي صلي عقب بقولج . .

مهره : اوكي . .

.

.

.

عذاري راحت بدلت ملابسها وصلت وكشخت شويه ونزلت الميلس . .

سلطان مبتسم : تعالي . .

عذاري : السلام عليكم

سلطان : انا اقول ليش حارق فونج ماتردين . . العيون وارمه من الرقاد هاه

عذاري : معقوله يبين . . مع اني غسلتهن عدل . .

مدت ايدها سلمت عليه . . سلم عليها وقربها منه عشان يبوس خدها . .

عذاري تطالع ويهه ما ارتاحت : فيك شي صح . .

سلطان : شخبارج ؟؟

عذاري : خوفتني . .

سلطان : بلاج انتي كله تخافين . .

عذاري : شو مستوي . .

سلطان يلس . . : ايلسي حذالي . .

عذاري يلست حذاله : شسالفه . .

سلطان مسك ايدها بحنان وتم يمسح على ايدها . .

عذاري ساكته وتبلع ريجها . .

سلطان : ابا اخبرج شي . .

عذاري : خبرني . .

سلطان : انا خايف من ردت فعلج . . لكن الشي بقوله يعني بقوووله . . لاني مستحيل اخبي عليج

عذاري: ارمممس . .

سلطان : اتصلت فيني منال . .

عذاري : منال . .

سلطان : الي كنت على علاقه معاها قبل . .

عذاري يايه تخوز ايدها عنه بس هو رص عليها بالقو . .

سلطان : اتصلت فيني وكانت تصيح وخبرتني انه امها وابوها اغتالوهم

عذاري حطت ايدها الثانيه ع قلبها . .

سلطان : وهيه ماعندها الا ام وابو . . قرايبها كل واحد في مكان . . ماعندها اهل فالبلاد غيرهم . .

عذاري : كمل

سلطان : اتصلت فيني وكانت فالمطار . . وقالتلي بس انه امها وابوها ماتو وانها فالمطار ما تعرف تتصرف

عذاري : وبعدين

سلطان : رحتلها المطار وشفتها اهناك . . وكانت في حاله لا يرثى لها . . " ينزل راسه " انا غلطت لاني عطيتها المجال تحظني . .

عذاري سكرت عينها بقوة . .

سلطان : ادري . .حاس . .لكن شخص مثلها امها وابوها ماتو في نفس اليوم ويت البلاد على طول . . حالتها صعبه مش محتاجه غير شخص يهديها ويواسيها . . وانا بغيت اواسيها لكني بالغت . .

عذاري : . . .

سلطان : دقيقه يمكن ولا دقيقه ونص ووديتها سيارتي وحجزتلها في فندق لمده شهر . . اول ما وصلنا الغرفه دخلت معاها كنت شال اغراضها . . تركتها بروحها ورحت اشتريلها اغراض بسيطه تسدها لين تقوى وتستوعب الي يصير لها وتقدر تعتمد ع نفسها . . رديت لها مره ثانيه وطلبت لها اكل من الفندق . . وتميت شوي لين قامت . . اول ما قامت شكرتني وانا اترخصت عنها وقلتلها اني باخذلها رقم امارات وبيببلها اياه وطلعت . .

عذاري من خلص جملته حظنته على طول . .

سلطان استغرب وانصصصصصصصدم وايد . . ماتوقع . .

عذاري : فدييتك والله . . " تدمع " ياحظي فيك . .

سلطان وخرها عنه شوي : مش زعلانه مني ؟

عذاري : ازعل منك ؟؟؟؟؟ انا ازعل منك ؟؟ انت ياي تصارحني بشي مثل هذا وتبيني ازعل منك ؟ والله اخسي ازعل والله . .

سلطان منصدم : ماتوقعت هالرده فعل ابدا

عذاري : والله كبرت فعيني وايد . . والله العظيم

سلطان : انا مستحيل اخبي عليج شي مثل هذا . . وهالشي وايد كبير انتي محتاجه تعرفينه . . انا ماخنتج ترى . . انا سويت الواجب . . وربي شاهد علي يا عذاري لو عندي اخت جان دقيت لاختي وخليتها تهتم بكل الي انا سويته من غير لا انا اروحح . .

عذاري مبتسمه . .

سلطان : اخاف تعطيني طراق الحين ولا شي

عذاري : ههههههههههههههه . . لا ما بعطيك . . لو ترمس بعد شوي بي ببوسك

سلطان : وخري بعييد يلا . .

عذاري تدق جتفه . .

سلطان مبتسم : ها الي صار غناتيه . .

عذاري تبتسم بحيا . .

سلطان : هبله انتي ؟ ليش مستانسه ؟

عذاري : لان ماشي ريال يسوي الي انت سويته

سلطان : انا اابا ابدى معاج على الصراحه والوضوح . . مابي اخش عنج شي . !!! وكل ريال يحب حرمته " يبتسم " مثلي ! بيسوي الي انا سويته . . وها عباره عن موقف من المواقف الي تمر علي . . لكن الفرق ان هاي شخصيه ممكن تضايقج . .

عذاري : بسألك سؤال . .

سلطان ساكت يطالعها يترياها تسأل . .

عذاري : حسيت بمشاعر " تاشر بصبعها الصغير " حتى لو هالقد صوبها . .

سلطان : ابداَ . . خطفت في بالي كذا ذكرى . . لكن ما حسيت صوبها بأي مشاعر . .

عذاري : اكيد؟

سلطان بهمس : تدرين اني حتى وانا حاظننها اهديها افكر فيج . .

عذاري : جذاب . .

سلطان يبتسم : كيفج . .

عذاري تبتسم بفرحه : والله العظيم احبك . .

سلطان : ههههههه " ابتسم" واانا احبج يا هبله . .

عذاري تحط ايدها ع قلبها : ريحتني . . سبحان الله . . كان قلبي مقبوض الصبح . . واثاري عسبت جي

سلطان ابتسم . .

عذاري : انزيييين وينها الحين ؟

سلطان : منو هي ؟

عذاري : منال . .

سلطان : فالفندق . .

عذاري : بتوديني عندها ؟

سلطان مستغرب : تبين تروحين ؟

عذاري : انت ما قلت لو كان عندك اخت جان خليتها تفازعها ؟ خل حرمتك تفازع وتسوي الواجب . . وانت تقول انه مالها قرايب اهني . . اكيد حالتها صعبه ومحتاجه حد معاها . .

سلطان ابتسم : انا إلي ياحظي فيج . .

عذاري تبتسم : عشان تعرف ان ماشي فالدنيا مثلي اصلا . .

سلطان : انزين يلي ماشي منج . . متى تبين تروحين ؟

عذاري : اليوم اكيد نفسيتها تعبانه وماتبي تتكلم . . خلها باجر ..

سلطان : خلاص تمام . ." يقوم " انا بروح

عذاري : وييييييييييييييين . .ّما شبعت منك توك ياي

سلطان : برووح تعبان والله . .

عذاري بوزت . .

سلطان يلس : اخ منج انتي . .

عذاري : شوي بس لين يأذن المغرب . .

سلطان: انزين . . روحي يييبلي شي اشربه ع الاقل . . صدق ما تستحين

عذاري : اوه نسيت . . احين بقوم . .

سلطان يمسك ايدها ويبتسم : امزح معاج خلج قاعده . .

.

.

.