منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

.

.

البارت الـ 142

على الساعه 4 العصر . .

حمد يدقلها مره ومرتين وعشر وعشرين وماترد . . يبي يطمن عليها ! بند عنها الصبح على اساس انها ادقله وتخبره شو قالولها فالعياده . . ومادقت ولا طرشت مسجات . ! عسى المانع خيير . .

شوي وصله مسج . .

" لا تتصل بي هالفتره . . بكلمك في اقرب وقت "

استغرب وايد وتضايق وفر الفون وطاح حاول يرقد وعقب يا محمد في باله ودقله . .

محمد : هلا ابن عممي

حمد مبتسم لانه يعرف محمد ما يشيل فقلبه وينسى بسرعه ولا جنه شي صار الصبح : شحالك

محمد : بخير يسرك الحال . .

حمد : وينك ؟ ما يييت ترقد عدالي عيل . .

محمد : ههههههه . . استوحشتني هاه

حمد : اكيد حرمتي كيف ما اشتاقلك

محمد : عنلاتك يالهرررم . .

حمد : ههههههه خبرني وينك

محمد : في فندق

حمد عاقد حياته : شووووه

محمد : في فنننننندق . . .تغار علي شوه . . ليكون عشت الجو اني حرمتك صدق. .

حمد : يااالـ ***** . . لا تستهبل . .

محمد : والله فالفندق

حمد : شعندك

محمد : حاجزلي اهني ابا اريح . .

حمد : لا والله . .انزين اذا حظرتك مضارب ويا حرمتك عندك ترا الملحق بيتك . . حق شو متعني حاجز في فندق

محمد : يا رياال مليت من البيت قلت بنووع . .

حمد : يمكن امررك عيل . .

محمد : متى ما تبغي مرني . .

حمد : يلا خلاص فارج برقد

محمد : اوكي . . باي ..

حمد : باي

.

.

.

سلامه : ليش ما يييت ؟

منصور : شسوي بناوب مكان ربيعي . . مع اني تعبان والله بس هو مستوتله ظروف وطلع ولازم اتم مكانه لين يرد

سلامه :أففففففف . .

منصور : ماعليه حياتي ترا دوم اترخص اانا هو يغطي مكاني . . ولا مره هو طلع لازم عاد اغطي عليه

سلامه : انزين . . انا بطلع عيل

منصور : وين بتروحين ؟

سلامه : بمر بيت المطوعه عشان اخذ شنطتي نسيتها عندهم

منصور : خلاص حبيبتي . . تحملي على روحج . . منو بيوديج ؟

سلامه : الدريول . .

منصور : خلاص فديتج . . يوم بدقلج ردي عاد

سلامه : ان شاء الله . .

منصور : فمان الله . .

سلامه : فمان الله . .

.

.

.

منال تفتح عيونها : سلطان . .

سلطان يصد يطالعها . .

منال : بعدك اهني . .

سلطان : شوه تحسين الحين ؟

منال : الحمدلله . . " تحط ايدها ع راسها " بس مصدعه وايد . .

سلطان يقوم : عندي فالسياره بندول . . بروح بييب لج وبرجع

منال : لااا سلطان ماله داعي .. عندي في شنطتي . .

سلطان : طلبت لج اكل . . موجود فالصاله . . بس اكيد بررد ، حرييه وكلي .

منال تهز راسه بمعنى اوكي . .

سلطان يقوم : خلاص عيل انا بقوم بروح . . حجزت لج اهني حق شهر وحطيت لج مبلغ يمكن تحتاجينه ولو احتجي اكثر بس دقيلي . . " ياشر لها " خذتلج اغراض بسيطه بعد من السوبرماركت لين ما تتقوين وتقدرين تاخذيلج الي تبينه . . " يتنهد " لو عندي اخت جان خليتها تقعد معاج . . ماقدر اتم معاج اكثر عن جيه اعذريني . .

منال تنزل راسها : ماقصرت . . سويت الي محد يسويه . .

سلطان : انا مضطر اروح الحين . .

منال تطالعه . .

سلطان : تبين شي ؟

منال : سلامتك . .

سلطان : لو بغيتي شي كلمييني اي وقت . . دقيلي من تلفون الفندق لين ما اخذلج باجر بطاقه

منال : لا تحاتيني خلاص رووح سلطان

سلطان : انا ما احاتيج . . انا اسوي الي واجب علي اسويه . .

منال : هذا مش واجب عليك . . لاني ما اعنيلك شي الحين خلاص . .مش مضطر تسويلي كل هذا

سلطان : بواجب العشره الي كانت امبينأ . . بواجب اني كنت بكون زوج في يوم من الايام وماصار نصيب .. بواجب اني اقدرج وكنت اكنلج مشاعر . .

منال : كنت . .

سلطان : منال انا بعرس عقب كم شهر . . وبنت الحلال ما تستاهل اني اخونها . . " يبتسم " تغار وايد لو عرفت اني اهني بتسويلج سالفه . .

منال : . .

سلطان : انا ببروح الحين . . تامرين على شي ؟

منال : الله وياك . .

سلطان : فمان الله . .

منال : الله يحفظك . .

.

.

.

عنود : امايا محمد ما يا ؟

سلامه تطالع عنود . .

ام خالد : لا ما شفته . . .

سلامه : زعلان منج ؟

عنود : خلاف بسيط وبينحل ان شاء الله . .

ام خالد : عن الدلع لا تزعلون رياايييلكم وعقب لو طارو توني تصيحووون

عنود تحس بدوخه وتقعد ع الغنفه : متعبني هالحمال امايا وايد . .

ام خالد تقوم تسير صوبها : بسم الله عليج . . ماعليه اميه فتره ان شاء الله وبتعدي . . ايلسسي اهني ارتاحي بقوم بسويلج شي تاكلينه . . مول ما تاكلين انتي . . " تطالع سلامه " تبين انتي اميه تاكلين شي؟

سلامه تقوم : لا اميه انا بطلع . .

ام خالد تطالع بطن سلامه : انتي ليش مافيج كرشه للحين

سلامه تبلع ريجها : بعدني اميه فالثالث . .

ام خالد عاقده حياتها : هكي اختج فالثالث وبعد فيها بطن . . انتي مول مافيج . .

سلامه تقوم : ششششو ابغي فالكرشه . .ان شاء الله ما تطلع لي . . يالله بروح بلبس . .

سيف ينزل من فوق : ليش تلبسين وين بتروحين . .

سلامه : بروح عند ربيعتي . . نسيت شغله عندها

سيف : دشي سلامه الغرفه اباج فرمسه . .

ارتبكت سلامه ولحقته لـ وين ما يروح . .

سيف دخل غرفه امه وابوه ويلس ع السرير . . وسلامه قعدت ع الكرسي الي مجابلنه . .

سيف : ليش طلعتي من البيت ؟

سلامه : اي بيت ؟

سيف :بييت ريلج

سلامه : هاه . .

سيف : شوه هاه . . ارمسسسي خبريني .!!!!!

سلامه : مابا ارمس

سيف: اتكلمممممممي اقولج . . " يقبض ايده بقوه "

سلامه : ليش تسألني هالسؤاااال

سيف : جاوبيني وخلاص

سلامه : ما ارتحت اهناك

سيف : وليش ما ارتحتي

سلامه : ما يححححححححبوني . . ما يعاملووووووني عددددددل . .

سيف : لا والله . . يعني رضو فيج وانتي عاجززز مع انهم يقدررون يمنعون منصور وعاملوج احسن معامله . . ويوم قمتي تمشين كرهوج وما قامو يعاملونج عدل

سلامه : اصلا من قببببببل ما يعاملوني عدل

سيف عاقد حياته :

سلامه : اككككككل اكل يطرشولي اياه فوق علشان ما اقعد معاهم . . . ويحطولي فيه طعم خااايس تلوع جبدي ما اقدر اكله حتىىىىىىى . . ثيابي الخدامه تتعمد تحرقهم . . اشمعنى انا يعني ؟؟؟؟؟؟؟ من انزل واقعد معاهم يسكتون ويتمون وارمييييييين لين ارد اصعد يتصقعون ضحك . . مادري شوه مسوتلهم انا " تصيح " ويترسون راس منننننصور علي . . يكبرون راسسه واونه يطلعون عني رمسسه . . ماعرف ليش جي يسووون فيني . .

سيف : كلام يديد ..

سلامه : ادري ما بتصدقنننننني . . انا استغرب كيف يعاملونك انت بحب وانا بكره وبلووعه ويحقدون علي

سيف : شو بينج وبين مهره

سلامه ماتت . .

سيف : شوه ؟

سلامه : مابغي ارمس . . ليش هي قالتلك شي ؟

سيف : ما قالتلي شي بس حسيت ان في شي . .

سلامه : الله يستر عليها مابغي ارمس . .

سيف عاقد حياته : شووووه . . ارممممممسي اقولج " يقوم ويقومها " اتكلمي

سلامه : شوه فيك سيف ليش معصب جي

سيف : ارمسي خلصيني

سلامه : ياربيه انا ماكنت ابا ارمممممس

سيف : خلصيني

سلامه : كنت ماره نازله وسمعتها تكلم عذاري اختها فالصاله ويسولفون عن حمد وتقول حق عذاري انا ماقدر اتحمل يوم اشوف حمد قلبي يدق واتخبل واحاول امسك عمري ما اقدررر امنع نفسي اخاف اتهور ومادري شوه وتمت تقول انها بعدها تحبه وبعدها قلبها يدق يوم يمر ويوم يكلمها ويزقرها

سيف انصعق . .

سلامه : انا مالي خصصصص سيف في شي . . من عقبها مهره شافتني اني سمعت .. وقلتلها حرام عليج شوه ذنننننب اخوي؟؟؟؟ ليش تامه مع سيف دامج تبين حمد . . صارخت علي وقالتلي انتي تتصنتين علينا واطلعي من بيتنا وما نباج . . وعقب كلهم زاد حقدهم علي لين ما طفشوني من البييييييييت . . حتى منصور كرههم من معاملتهم لييييي !! كان يستغرب ليش يعاملوني بكررررررررره وقطع صلته فيهم من كثر ما هم كانو يسوووووووون فييييييييييني وحتى عمري ما شوهت سمعت اهله ولا قلتله عن كلام مهره ولا عن امه وخواته شو يسوووووون فيني . .

سيف : خلاصص بس . .

وطلع سيف من الغرفه من غير ما يشوف ششي غير الباب !!! وطلع من البيت بكبره . .

.

.

.