.

.

.

البارت الـ 141

دقت عذاري الباب . .

عذاري : مهور واعيه ؟

مهره : هيييه دشي . .

عذاري تدخل : بلاه ريلج طالع معصب ؟

مهره : ااااه يا عذاري شوه اقولج . .

عذاري : قووولي قولي " تقعد ع السرير "

مهره يرن فونها . .

مهره : محمد ؟ غريبه . . . " ترد ع الفون " ألووو . .

محمد : مرحبا مهور . . شحالج

مهره : الحمدلله بخير ربي يعافيك انت شحالك ؟

محمد : تمام الحمدلله . . الحمدلله ع السلامه . . .

مهره : الله يسلمك . .

محمد : انتي في البيت صح ؟ انا خمنت انج فالبيت . .

مهره : هيه فالبيت . .

محمد : شوه صحتج الحينه ان شاء الله تمام ؟

مهره : الحمدلله . . حمود قول . .ادري وراك رمسه . .

محمد : سيف وياج ؟

مهره : لا سيف محد . . راح بيتهم . .

محمد : ايوووا .. خلاص انا بخلص دوام الساعه بمر بيتكم 2 . . ابا ارمسج فموضوع . .

مهره : خير محمد خوفتني . ..

محمد : كل خير ان شاء الله لا تحاتين . . يوم بمر بخبرج . .

مهره : خلاص تمام . .

محمد : فمان الله

مهره : مع السلامه . .

عذاري تحط ايدها ع قلبها . .

مهره : بلاج انتي الثانيه ؟

عذاري : قلبي مقبوض والله . .

مهره : من شو بسم الله عليج ؟

عذاري : مادري . . . كل يوم اكلم سلطان الصبح واسمع صوته وارقد . . اليوم ماقدرت ارقد ماعرف شفيني

مهره : تعوذي من ابليس وحطي راسج . .

عذاري : تعالي طيحي اهني " تأشر ع الصوب الثاني من السرير "

مهره : ليش ان شاء الله

عذاري : ريلج كان راقد اهني بعد شوه . .

مهره تبتسم : انزيين . .

تحركت مهره شوي وسارت صوب المكان الي كان راقد فيه سيف . .

عذاري انسدحت وطاحت في جهة مهره : يالله خبريني . .

روضة تدق الباب : مهوور ؟ عادي ادش ؟

مهره : تعالي دشي . .

روضه تدش وتسكر الباب . .

مهره : بلاهم الخوات اليوم مجتمعات عندي

روضة تبتسم : حنيت حق ايام قبل ما تعرسين . . كنا كله نجتمع اهنيه . .

عذاري : هيه والله ايام . .

روضة : جب جب انتي كنتي كله مطيحه ويا منصور . . نادرا ما تييين . .

عذاري : جذابه والله كنت امركم بعد بالذات المواضيع المهمه لازم نجتمع اهني ..

مهره تبتسم : الله يرحم ايام منصور معاج يا عذور . . انجلب مره وحده

عذاري : هيه والله الله يرحم .. تتحروني ما احن له ؟ ما احن لمشاكلنا وضرابتنا مع بعض ؟ قسم بالله قلبي يعورني للحييين واشتاق له مووووووت . . لكن . . ما باليد حيله . .

روضة : الله كريم . . يمكن في يوم يحس ع دمه . .

مهره تبتسم بحيره . .

روضة : تعالي انتي وين ريلج ؟

مهره : راح بيت عموه . . "

روضة : كيف راح وانتو طالعين من المستشفى ويايين مع قوم ابوي . . ماعندكم سياره

مهره : مادريبه . . راح بتاكسي يمكن . .

روضة : كل وحده فيكم عندها رمسه اليوم . . طلعو طلعو . . .شرات قبل لا نعرس . .

مهره : ااااااااه . . قبل لا نعرس كانت همومنا ع قدنا . .

عذاري : لا تعقدوووووووووووووني بعدني مالجه . .

مهره تبتسم . . : حلو العرس بس المشاكل ماتدرين من وين تطلع لج . . لو ما طلعت من الريل طلعت من اهله ولو ما طلعت من اهله تطلع من طرف ثالث ولو ولو ولو . .

روضه : صدقتي والله

عذاري : ابدي روضوه خبرينا . .

روضة تحط ايدها ع بطنها : انا يمكن ما اقدر ايييب عيال . .

عذاري + مهره :شووووووووه

روضة : انا وفهد رحنا نفحص اليوم . . وقالتلي عندي مشاكل فالرحم . . بتعطيني ادويه مؤقت وبنشوف لو يابت نتيجه وتشافيت بقدر احمل ولو ماتشافيت . . ماظن اييب عيال . .

عذاري تحظن روضه : حبيبتي روضوه . .

روضة : الحمدلله ع كل حال . . وخلاص . . من هالفحص اكتشفت ان فهد يحبني . . " تبتسم " يعني رب ضرة نافعه . .

عذاري : ليش انتي ماكنتي تدرين انه يحبج ؟

روضة : لا . . ماحسيت بحبه . . حسيت انه بينا ألفه وموده واحترام ومعزه . . لكن ما حسيته يحبننني . .

مهره : انزززززززين ؟

روضة : اليوم عرفت " تبتسم "

مهره تبتسم :ياويلي انا . . وانتي ؟ تحبينه روضوه ؟

روضة : هييه " تبتسم بحيا "

عذاري تضرب روضوه بدفاشه ع جتفها : ابووووووووي انا . .

روضة : اخخخخخخخخخخ . . ياحماره شوي شوي . .

مهره : ههههههههههه . .

عذاري : انزين دورج مهور قولي . .

مهره : ممممممم . . ماعرف شقولكم . . لكن باختصار . .سلامه بتعقني في مصايب عوده

روضه : يا شيييييييييييين ما طريتي

عذاري : ووووووووعووووووه . . لا بارك الله في الساعه الي عرفناها فيها . . ليش " عاقده حياتها " انا براويج فيها . .

مهره : ماقدر ارمس ولا اقولكم شي والله . . الله يستر عليها لكنها بتوهقني معاها وانا ماباها تضرني . .خل تكفي خيرها شرها . .

روضة : ماقدر افهمج . .

عذاري : ولا انا . .

مهره : ولا انا اقدر ارمس . .اذا الله يستر على عبده . . انا ليش افضح ؟

روضة تبتسم : صدقج والله . . " تطالع عذاري " وانتي ؟ بلااج ؟

عذاري : اااااااه . . انا ابا اعرسسسسسس . . ابا احظن سلطان . . ووامسك ايده ووووووووو

مهره تضربها :ايه ايه . . تحمستي اشوف

عذاري + روضه : ههههههههههههههه . .

عذاري : احبه والله العظيم اموت فيه . . ما تتصورون شكثر هالانسان ساحرنننني . .

روضه : يالله هانت ما باقي شي . . شهرين وبتعرسسسين

عذاري : وين شهرييين . . شهرين واسبوع بعد . .

مهره : تهون تهون ان شاء الله . . بس ليش قلتيلي اول ما دخلتي عندي انه قلبج مقبوض ؟

عذاري : مادري . . . يمكن لان سلطان اليوم ما سولف وياي زياده . .

روضة : واي منج . .

عذاري تبتسم : شسوي احبه . . ابيه كل وقت معاي . .

مهره : الله يهنيكم حبيبتي يااارب . .

روضة : امييين

روضة : انا خليت الخدامه تهتم في اليهال . . وفهود ع اساس بيتم معانا لكن اتصلوبه الدوام وراح . . فـ مهور لزززي شوي منااك خليني انسدح . .

عذاري تتلحف : ونخليها رقده جمااعيه . .

روضة : هييييييييه . .

لزت مهور واتيمعن الخوات في سرير واحد . .

روضة : مهور صصصكي الليت . .

مهره : انتو الي يايات المفروض انتو تسكرون . .

نشت مهره بتسكر الليت . .

مهره : بروح وبرد . .

سكرت الليتات وطلعت من الغرفه . .

مشت شوي ومرت على غرفه منصور . . دشت الغرفه وتمت تشوفها . .

مهره : والله لك وحشه يا منصور . .كيف تودر خواتك جيه مره وحده ولا تسال عنهم . .! هانو عليك . .

قعدت ع السرير . . وبطلت السدات بهدوء . . انتبهت لـ كيس شفاف محطوط فيه تحليل حمل . . انصدمت !

شلت التحليل وشافته سالب . .

مهره :شووووه .. يعني سلامه مش حاااااامل !!!!!!!!

سكتت وشوي وتمت فصدمه . . .

مهره : يمكن هالتحليل من زمان . . . استغفر الله .. شلي قاعده تسوينه يا سلامه شوه . . انا لو في شي مصبرني ترا ولد اخوي الي في بطنج . . لكن لو طلعتي اصلا مش حامل ما بسكت عن سوالفج ما بسكت . .

ردت التحليل مكانه وسكرت السده وطلعت من الغرفه وردت غرفتها وقفلت الباب وانسدحت حذال خواتها . .

شلت فونها وطرشت مسج لـ محمد

" محمد يوم بتوصل بيتنا خلهم يواعوني "

طرشلها " خلاص مهره ما بي "

" ليش ؟؟؟ خلاص ما برقد ترى انا بس قلت بطيييح وخفت اغفل وانت تتلوم اذا عرفت اني راقده وما تخليهم يواعوني "

" لا والله خلاص صارتلي شغله ضروريه . . بنأجل الموضوع . . لا تحاتين والله تعرفيني لوح ما استحي . . "

" خلاص تمام . "

.

.

.

محمد : يا بنت الناس خلصيني . .

تناهيد : لا والله " تحط ايدها ع خصرها" كفايه انته الي داعمني لا تيلس تتفلسف على راسي ..

محمد يطلع شيك ويكتبلها مبلغ: انا مش متفيج حق صدعه يهال . .

وعطاها الشيك ومشى . . وما حس الا بألم فراسه : اخخخخخخخخ . .

صدالها بعصببيه : حيوانه انتي غبيه ؟

تناهيد : محد غبي غييييييييرك . . لا تقول عني ياهل . . ولا تطيح الميانه وياي وتقولي غبيه . . وبعدين انا مش شحاته علششششان تفر علي فلوس وتروح . . تم اوقف اهني لان شوي وبـ تعتدل سيارتي ويييي البنقالي وانت حاسبه وفكني رووح . . مابا بيزاتك وااااااالله . . .

محمد مصدوم ويمشي صوبها بعصبيه : انتي ايه . . بصمج ببوكس بطيرج صوب الشارع . .

تناهيد : يالله لو فيك خيير راوني . .

:: ماما . . سياره خلاسس

تناهيد تطالع البنقالي الي يا في وقته . .

محمد : كم فلوووووس ؟؟؟

دخل محمد داخل وحاسب وطلع . .تم يتصدد يمين ويسار ما حصلها . .

محمد : فكه . . فكتنا من صدعتها . .

تناهيد : منو هي .؟؟؟؟؟

محمد نقزززززززز : اعوذ بالله

تناهيد : من مجابل ويهك اعوووووووذ بالله

محمد : من صوتج . . اخيييه في بنت صوتها جذه

تناهيد : لا الله يخليك انعجب في صوتي

محمد : يلا روحي مناك . .

تناهيد تمد له : اندوك الشيك . . حسستني انك وزير . .

شلت محمد الشيك عنها وطره . . : شوه تبين الحين بعد ؟

تناهيد : مابا شي ّ!!! يالله روح

محمد : روحي انتي . .

تناهيد : بروح حسبالك بترياك !!!

وراحت ركبت السياره . .

وسار عقبها وركب سيارته بعد . . اول ماحركت جان تضرب له هرنات . .

محمد : ههههههههههه هاي من اي قبيله يايه . . . والله فنتك . ." يبتسم" ضحكتني وانا مالي خاطر اضحك . .

وحرك السياره وراح . .

.

.

.

ههه .. الباااارت طر ..
تسلمين الغلاا ع البارت ..
الله يعطيج العافية ..
نتريااج ..