منتدى استراحات زايد - ليشّ تتعّمـد تعّـذبنّي ؟..}~* ..

خميس ابتسم ابتسامه تعذب بس كانت بالنسبه لظبيه عادي : مشكـــوره ماقصرتي
ظبيه : العفــووو
عقب ظهرت ظبيه من المطبخ وهيه شوي بتصيــح ليش خميس حرج عليها وتم يصاارخ ويشغلها ماله حق بس طنشت السالفه وتمت عادي
عقب تمت يالسه فالصاله إلين ما الكل نــش ماعدا فطيم وراشد الي ظاربينه رقـــاااد
سـاره : ميثوو سيري وعي اختج طاعي الساعه 2 الحين بعد شوي بنتغدى
ملاك : يعني ماتشوفيني يالسه اكلمهاا انتي سيري انزيين
ساره : اووه هب متفيجه اسير
ظبيه : افففف خلااص سكتوا انا بسيير
سارت ظبيه وركبت الدري وهيه راكبه كانت ميوده مبايلهاا وصلها مسج بطلته وهيه يالسه تقرااه مره وحده دعمت حــد
خميس : شوو عميه ؟
ظبيه : السموحه ماشفتك
خميس : ههههههههههههههه اكتملت عميه وصمخه
ظبيه : انت بلااك عليه شو ماكله حلالك انــاا
خميس : لا تعليين صوتج اقلج
حرجت ظبيه طنشته ومشت تم خميس يظحك عليهاا
عقب سارت ظبيه ووعت فطيم عقب ظهرتلهاا قرون

فالصاله
ميره : ســااروه الا اليوم اي يوم ؟
ساره : ههههههه من اجزنــاا ماقمنا نعرف لا التاريخ ولا الاياام حبوبه اليوم الخميس
ميره : حلللللفي
ساره : والله
ميره : احس الاياام تركض
ساره : هههههه عيل بتتريااج تركضين معاهاا
ميره : سخييفه ، الا تعالي شحالهم الربع ؟
ساره : والله مادري عنهم شي اليوم بتصل ابهم
ميره : ماقالوا متى الشهادات ؟
ساره : اظني الاسبوع اليااي
ميره : زيين تدرون بناات يدوه قالت الاسبوع الياي كله بنتم فالمزرعه يااااي وناااااسه
البنات : اللـــــه ونـــــــااااسه
ظبيه : اقلكم انا ابا ارد بيتنــاا
ساره : افــاا ليش ؟
ظبيه : مب جنه طولنــاا عندكم
ساره : عاادي انزيين
ظبيه : حلفي انتي بــس
ساره : تمي الحيين الا يوميين بس يوميين عقب بنسير المزرعه
ظبيه : امممم ماعرف بشووف
ميره : اصلا نحن اليوم بنرد بيتناا صيفناا عندكم
ساره : سخييييييفه مب ع كيفج بتميين
ميره : سلطوون هزبني البارحه اونه طولتي هنيه وماعرف شوو
ساره : لاا والله يعني حلال عليه وحرام عليج ؟
ميره : يقول انه ريال واني انا بنيه
ساره : مب ع كييفه
سلطان : كح كح كح يقولون انه يالسين يحشون فيه
الكل : هههههههههههههههههههههههه
ميره : خيييييبه كيف سمعت ؟
سلطان : آآآآآآآآي اذني ماقمت اسمع شي
سيف : جذاااب اصلا ماقلناا شي عسب تسمعه
الكل ماعدا سلطان : هههههههههههههههههههههههه
سلطان : يا تيــس اتجذبني ؟
سيف : هيه يا حمـــاار
حصه : ســااروه فديتج سيري شوفي عبيد
ساره : وينـه ؟
حصه : اكييد برع يلعب زقريه ابا ابدله
ساره : انزيين افف قلنا حامل بس لا تتأمرين عليناا
حصه : خخخخخخخخخ
نشت ساره وسارت فالحوي تمت تدرو على عبيد
جـــاان مره وحده تسمع صوت ياهل يعـذب وهو يالس يغني

عبيد :

حلالي ابيك وافكر فيك
واعيش الدنيا دقيقه وثانيه عشان ارضيك
حبيبي اباك ومن يسواك
احبك انت وعمري الباقي بعيشه معاك
قولوا اناني عني اناني
اناني بحبه انا
شوقه وحبه ودقة قلبه كله حلالي انا

وقفت ساره مستغربه وتراقب الوضع بس بدون لا يحسون عبيد ووجدان

عبيد : وجـدان انـا احبـج وااايد
وجدان : انــا ما احبـك واايد ( وظهرت له لسانهاا )
عبيد شد شعرهاا : ماتحبيني هــااه وتم يظربهاا
وجدان وهيه تصيح : اهئ اهئ آآآي يعول ( يعور )
اهئ اهئ خلااااث احبـك احبـك ( خلاث = خلاص )
ساره تمت واقفه وتظحـــــــك بس عالسايلنت
عبيد ودرها : هيه جي ابــااج كويتيه خايسه
وجدان : اهئ اهئ انــاا مو خايثه ( خايسه ) انــاا حلوه
عبيد شاتهاا : جب جب
ساره : عبيدوو يالدب
عبيد : اول شي انا مب دب ثاني شي اسمي الشيخ عبيد
ساره ربعت ايدهاا ورفعت حياتهاا : لا والله احلف مسوي عمرك ريال
عبيد : والله انـا ريال غصبن على الي يرضى والي مايرضى
ساره : تدري اشك انك ياهل
عبيد : الله يخلي خالي سيف وعمي سلطان وعيال الفريج ماقصروا علموني كل شي
ساره : هيه انت بسك لقط من اي حد الشي الشين
عبيد : ساروه تدرين اني بحدر الروضه السنه اليايه مـاابي
ساره : شو هو عكيفك ، انزين نش سير عند امـك تبــااك
عبيد مطنش ساره : وجـدانووو غنيي
وجدان : والله والله ماعلف ماعلف اغني
( ماعلف = ماعرف )
عبيد يشوتها : غنيي اقلج
وجدان : اهئ اهئ ماااااااعلف ثاره ثوفيييه كله يطقني
( ماعلف = ماعرف ، ثاره = ساره ، ثوفيه = جوفيه )
ساره : عبيدووو حرااام عليك هاي يااهل ( سارت وشلت وجدان وتمت تسكتهاا ) حراام عليك ليش جي تسويبهاا
سيــــرر بسرعه عند امـــك ترى والله ياوييلك مني

بس استغربت ساره لما شافت عبيد شــق الحلج مره وحجه وتم يربع لمــاا صدت شافت سلطـان وعبيد لاوي عليه
سلطـان : ليش ماتسير عند امـك
عبيد : سااروه تقلي تم سولف معااي
ساره انصدمــت : شوووو ؟! من زيـن سوالفك الحيين
عبيد كشخ ضروسه : سوالفي احلى عن سوالفج زيين
سلطـان : عيييب بلا قله ادب
عبيد مد البوز شبرين : خلاص خلاص بسير عند امــااايه
( وسـار عنهم )
سلطـان تم واقف يشوف ساره ووجدان
وجدان : ثلطان تعرف عبيد كله يطقني
سلطان : عاشت عاشت الكويتيه تعالي انـا الحيين بطقه
ساره : هههههههههههههههههههههههههههههه
وجدان : ثلطـان طلعني
سلطان : من عيوني كم وجدان عندناا
جان مره وحده يسمعون صوت ملاك
ملاك : وجـدااان ماما تبييج
وجدان : ذين ذين بلووح ( ذين = زين ، بلوح = بروح )
ملاك اطالعت ساره باحتقار ورمست سلطان بدلع مصطنع
ملاك : سلطــاان مبايلي ماعرف اشفيه ممكن تشوف علته
سلطان : امممم راويه سيف هو يحب هالسوالف انـا مو من هواياتي اعدل شي بس اخرب ( وابتسم )
ملاك : زيــن ، شو مابتوديناا السينماا ؟
سلطان : بنودييكم ذليتيني شرايكم اليوم ؟ ( واطالع ساره )
ساره : والله انتوا مخططين كل شي انـا مالي شغل
( وسارت عنهم )
سلطـان حس انها اتضايجت كـان هو الثاني يبا يسير
بس وقفه صوت ملاك لما قالت
ملاك : هــااي بلاهاا ؟
سلطـان : اقلـج اتفقوا انتوا وخبروني يلا بااي
( وسـااار عنهاا )
حدرت ملاك الصاله استغربت ماشافت ساره سألت امها قالتلها انهم ساروا فوق
سارتلهم فـوق حدرت حجرة ساره
ملاك : اقول بنات متى تبون تسيرون السينماا ؟
ميثا : ياااااااااي بنسيير السينمااا
ميره + ظبيه + فاطمه : سينماا ؟!!!!
ملاك : اييه سلطـان واعدني يوديني السينماا قالي توه اتفقوا وشوفوا متى حابيت تروحون
ميثا : ألحيين بدون اي تفكير
ملاك : اي انا بعد جي اقول
فاطمه : اممممممم ماعرف متردده
ميره : هيه انــاا بعد
ظبية : خلونـا نروح نغير جوو طشووونه
ساره : انـا بعد جي اقول والله لاعت جبدي من قعده البيت
ميره : خلاص انـا وافقت
ظبيه : وانــا
ساره : ميي2
فاطمه : خلاص معاكم
ملاك : انزين متى ناويين تروحون ؟
ميثا : ألحيين ألحيين بنلبس وبننزل
فاطمه : وللل انتي ليش جي رزه ؟
الكل ماعدا ميثا : هههههههههههههههههههههههههههههه
ميثا : والله من الملل انزيين
ساره : خلاص يلا تلبسوا وخبري سلطـان ان بعد شوي بنسير
ملاك : خلاص تم
وظهرت ملاك وسارت صوب سلطـان وخبرته
سلطـان تم يحاول ويا سيف تم يتحايل معاه ويتمصلح عسب اي وياهم بس سيف كـان مواعد حمده بطلعه سلطـان انقهر بس خميس قال بيخاويه
وراشد يوم درى هو وعبدالله بعد قرروا يسيرون معاهم
بعد نص ساعه بالضبط كلهم نزلوا
البنات لما شافوا الشباب انصدموا كـانوا كاشخين من خاطر كل واحد احلى عن الثاني

عقب ما البنات استأذنوا من امهاتهم ساروا فـ سيارتين
سياره راشد وسلطـان
سيارة راشد : عبدالله ، خميس ، مايد
سيارة سلطان : ميره ، ساره ، ملاك ، ظبيه ، فاطمه ، ميثا
تحركوا وساروا إمارات مول صوب السينمــاا
عقب ساعتين ونص
ظهروا قوم البنات مع الشباب
ملاك : كــاان فلم عبييييط
ميثا : لا والله حده يظحـك
ميره : انـــاا يوعـــاانه سلطون كمل جميلك واعزمنـا عالعشى
سلطـان : مسـؤول عنكم انــاا
راشد : انــاا بصرق حرمتيه عنكم ( وابتسم لـ فاطمه )
فاطمه استحـــت ونزلت راسهاا
راشد : يلا قلبــوو تعالي نروووح نشرد عنهم نعيش فت جو رومانسي في عالم بعيد بس انــا وانتي نكون فييه
الشباب + البنات تموا يصفقون ويصفرون : يااعييييينيي
فاطمه صدق صدق قفطــت من خـــاااطر : راشد بس عـاد
راشد : ياويلي على الي يستحون اموت فيج انـــاا
خميس : اييه انتوا بس عن الطفاسه معانا ياهاال ترى
ميثا وملاك : لاا والله
خميس : ماقلت انتوا
ملاك : هيه هيه صدقنااك
راشد يود ايد فاطمه وساروا عنهم
امــاا الباقي ساروا صوب المطاعم كل واحد طلب الي يباه وطبعا على حساب سلطـان
عقب ماكلوا وخلصـوا ردوا البيت
فاليوم الثاني
يوم الجمعه كان الكل مقرر اليوم يتيمعون فـ بيت حميد
كلهم ساروا هنــااك عالساعه 10 الصبح
مر الوقت بسرعه اذن الظهر الريايل ساروا المسيد وتموا الحريم والبنات فالبيت
البنات تموا يلعبون فالحوي لان ماكان في حد
ملاك : خلاااص تعبت ماروم اركض زياده
ميثا : هههههههههه دوااج
ملاك : اييه صح نسيت اقلكم انــاا باجر برد البلاد مع ابوي وبنرد عقب يوميين لان عنده شغل قلت بسير معاه جي كشخه ونااسه
فاطمه : صــدق ؟
ملاك : اييه والله
ظبيه : يالله تروحين وتردين بالسلاامه
ملاك : انشالله
ساره وهيه توها يايه صوبهم : آآآآآآه ياقلبي تعبت والله
ظبيه : ههههههههههههههه تستاهليين
عقب حدروا الشباب البيت جان يحدرون البنات الصاله وساروا يلسوا تغدوا كلهم والعصـر
تمعوا البنات فوق ويلسوا يسولفون
ظبيه قالت بترد بيتهم لأن بتشوفهم بالمزرعه
وفاطمه وميثا قالوا هم بعد بيردون العين
وميره اصلا ردت اليوم بيتهم
وملاك بتسافر يومين مع ابوهاا وبترد عقبها للامارات
ساره : خياااانه نذلااات والله
ميره : هييييييييه صح ذكرتيني
ساره : شووو
ميره : اليوم مزون اتصلت فيه وعزمتنا
ساره : فدييتهااا ياربي والله تولهت عليها وعالشله
ملاك : ساره ماراويتيني رفيجتج
ميره : المشكله انج باجر بتسافرين ونحن باجر بنسيرلهم
ملاك : افــاا خساره زيين اتصوروا
ساره : من عيوني كم ملكوه عندنااا
ملاك : وحده وحده
ميثا : وييه صدقت روحهااا
ومر هاليوم بسرعه بدون لا يحسون فيه

فاليوم الثاني
نشت ساره مع ملاك عسب تودعهااا
وبعدين تسير تخبر امها عن روحتهم لبيت مزون
ساعدت ملاك فـ ترتيب شنطتها ماخذت كل شي معاها بس كمن غرض لانها بترد
عقب ودعتهاا وساروا بـ سياره راشد للمطـاار

فبيت محمد
فالصاله
ساره : امــاايه شو قلتي ؟
عوشه : اممم منو هاي مزون
ساره : امــااه هاي الي يتنى البيت الفصل الاول وتمت تسولف معااج وتخبرج عن سوالفنـا فالمدرسه
عوشه : هيه هيه عرفتهاا فديتها هيه عادي سيريلهاا بس مو تتأخريين قبل الساعه 8 تكونين فالبيت
ساره وهيه تحب راس امهاا : من عيوني
سارت ساره فوق جان تشوف باب حجرة سيف
قالت بتسير اتلعوزه شوي
تمت تدق الباب وتغني وحالتهاا حاله
ظهرلهاا سيف بكشته وهو محــرررج عالآخر
سيف : مينونه أنتي
ساره لوت علييه : فدييت ويهك والله غرشوب وانت بهالكشه
سيف دزها : خوزي خوزي الحمدالله والشكر هب صاحيه
ساره : نــش بسك رقااد يدوه تسأل عنك
سيف : فديت عيوزي يلاا ياينهاا بس اسير اتسبح
ساره : اوكيك بروتي الغالي سي يوو
سيف : سي يو 2

وسارت ساره لحجرتهاا وبطلت لابتوبهاا
وحدرت المسن كــاانت من زماان هب حادرتنه
شافت ربيعاتهاا اون يلست ترمسهم وماحست بالوقت
جان تسمع صوت البشكاره تزقرها للغدى
سارت وتغدت عقب يلست تطالع التلفزيون بعدين اتصلت فيها ميره وقالتلهاا بتيها بعد شوي عسب يسيرون ربعاه بيت مزورن
سارت ساره وتلبست وتكشخــت عالآخر
ويتهـاا ميره وعالساعه 5 ونص ساروا رباعه بيت مزون
كــانت الشله كلها متيمعه
( مزون + ميره + ساره + جوري + يثينه )
تموا يسولفون مع بعـض ويتمصخرون واتصوروا
ورقصـوا يعني صدق صدق تخبلوا هاليوم

عقب عالساعه 7 ونص قوم ساره ردوا البيت
طبعـاا مزون تمت تحن عسب يلسون للعشى بس ماطاعواا وكلهم عرفوا ان باجر الشهادات
وساره وميره من عرفوا كانوا واايد متوترين وخايفيين
اول ماردت ساره البيت حدرت المسن وشافت ملاك اون لاين يلست اترمسهاا

ساره : ملــــووكه ولهنـاا عليج
ملاك : انــاا اكثر يالله يايتنكم بعد يومين
ساره : باجر شهاداتنا والله زااايغه
ملاك : صج ؟
ساره : هيه والله
ملاك : سارونه رحتي لرفيجتج مزون ؟
ساره : هيه وناااسه استانسناا واايد والله فااتج
ملاك : زيين دزيلي الصور
ساره : اوكي ويييت انزل الصور واطرشلج اياهم
بس تمسحينهم عقب
ملاك : افــاا تشكيين فيه اكيد امسحهم

سارت ساره ونزلت الصوره عاللاب وطرشتهم لـ ملاك

ساره : شوفي هالصوره عجيييبه
ملاك : اي وحده ؟
ساره : هاي الي انـاا ومزون حاضنين بعض
ملاك : اييه تهبــل
ساره : هههههههه جنها ريلي
ملاك : ههههههههههههههههه اييه اجوفها شكلكم واايد تحبون بعض
ساره : لا بس جي خبــااال
ملاك : ساره منو هاي الي ماسكه ايدج ؟
ساره : هاي بثينه
ملاك : حلووه مشالله عليهاا
ساره : هيه

وتموا يسولفون

مر هاليوم ببطئ على البنات لأنهم كـانوا زايغين
ومتوتريين ويبون يعارفون النتيجه
ناجحين ولا راسبين

فاليوم الي عقبه نشت ساره على صوت سيف
ساره : ابيي ارقد
سيف : نشـــي يا مسوده الوييه فشلتينا جدام العرب
هاي نسبه هااي ؟
ساره من سمعت سيف جي يقول فزت من مكانهاا والدموع فعينهاا
ساره : كم يبت
سيف : ما اتنزل اقول النسبه بعــد
ساره : سيفاااني حبيبي انته قولي كم يبت ؟
سيف يسوي عمره ياهل : مابي مابي عطيني حلاوه بالاول
ساره تضربه عراسه بالخفيف : تستهبل
سيف : زيين جوفي منو بيقلج
ساره : سيفووووووووو
سيف : اختي المصون ساره بنت محمد الـ ...
ساره تقاطعه : كم كم
سيف : يايبه 90.3
ساره : احلـــف ؟
سيف : والله ثم والله ثم والله انج يبتي هالنسبه
نشت ساره وتمت تنااقز عالشبريه : يـــآآآآآآس
سيف : حديقه الحيوان هب هنييه ( وهو يصارخ ) رشووود ألحق في سبــاال فـ بيتنــاا
يالهم راشد وهو يظحــك
راشد : ههههههههههههه مببروك مبروك
ساره لوت عليه : الله يبارك فيكم
ساره : الا ميروه كم يابت ؟
سيف : اممم على ما اظن 95.7
ساره : مشالله ظهرت زلمه
سيف : هيه حتى انتي انا حدي يالله يالله 60 ولا 70
ها زين مني بعــد
ساره + راشد : هههههههههههههههههههههه
ساره : وظبوي كم يابت ؟
سيف : اممم 88.3
ساره : زين والله زيين
راشد : وانت يالس تحفظ نسبهم ؟
سيف : شو نسوي ماورانا شي
الكل : ههههههههههههههههههههه
ونزلت ساره عقب مابدلت
وامها وابوها ويدتها باركوا إلهـاا حتى شيخه اتصلت فيهاا
سيف ماقصر ما خلى حد ماخبرااه
وكل تم يهني ساره و ميره و ظبيه

فـ بيت حميد
فـ الصاله
ميره وهيه تغني : سلطوني يا سلطوني
انت بقر انت ثور
سلطان يرد عليها بنفس اللحن : ميروه يا ميروه
انتي ناقه انتي ديايه
ميره : اييييه لا تسبني
سلطـان : ههههه وانتي بعد لا تسبيني
ميره : وين هديه نجاحي ؟
سلطـان : آمري شبيك لبيك سلطـان بين اديك
اطلبي الي تبينه
ميره : ابا دراجه ناريه
سلطـان : يلا يلا يلا حشى هب بنت ولد
ميره : سلطوووون بليييييز
سلطأن : نو نو نو
ميره : انزيين امممممممم ابـااك توديني بيت خالوه
من زمــااان ماسرتلهم مسويتلهم طــااف محترم
سلطـان : هههههه زين
ميره : لا بعد بطلب وابـااك تعشيني فـ مطعم
سلطـان : ياحبج للخساير
ميره : اسكت ترى بخليك توديني المول واشتري كل الي بخاطري ع حسابك
سلطـان : ذلفي زييين انا لين الحين ما اشتغلت
ميره : هيه على سالفه الشغل متى ناوين تشتغل ؟
سلطـان : والله بما ان نحن بعد خلصنـا دراستناا نتريا الشهاده انا وسيفاني فكرنا نفتح شركه شراكه بيني وبينه بس ابوي وعمي يقولون اشتركوا فـ شركتناا
فـ لين ألحيين مترددين
ميره : احمد وراشد مابيقصرون خل شركه ابويه إلهم وانتوا افتحولكم شركه
سلطـان : شكلنــاا جي بنسوي
ميره : زيين ما سمعت آخر خبر
سلطـان : صرصور طـاح فالمختبر
ميره : وييييييه ماااال اول مال زمـان يدي
سلطـان : ههههههههههه ادري زين يلا قولي يا ام العلوم
ميره : تحريت الرياضيات ( وكشخت ضروسها )
سلطـان : لا دخيلج تعالي قرقطيني ابا اظحـك
ميره : هههههههههههههههههههههههههههههه
زيين تدري ان احمداني دان دان راح السوق وخلاني
يبى يسكن فـ بيت روحه
سلطـان : هيه خبرني ابويه حتى لقاله قطعه الأرض وبدى فالبنـااء وييه خبرج جدييم
سلطـان : زين تدرين انهم عقب كمن شهر بيظهرون من بيتناا
ميره انصدمت : لااا حرااام والله بتوله على عبيد
سلطـان : الا وينه ماله حس اليوم ؟
ميره : احمد وداه الالعـاب
سلطـان : زين يلا نشي لو تبين تسيرين بيت خالوتي بوصلج فـ دربي
ميره : اوكي بسير ابدل
سلطـان : مو تتأخرييين
ميره : زيييين

عقب سار سلطـان صوب سيارته شغلهـاا وسار كشخ
عقب نزل شـاف ميره يالسه فالسياره

ميره : الله الله كل هالكشخه لأموله
سطان طالعها بطرف عينه : شــووو ؟
ميره كشخت ظروسهاا : اقلك كل هالكشخه لأموله ؟
سلطان : تصدقين عااد هيه ( وضربها عراسها بالخفيف ) غبيه انتي ولا غبيه عندي وحده قمر واشوف البقر
هنيه ميره ماتت من الظحـك عيبهاا تعليق اخوهاا

طول الدرب كانوا ساكتين ، سلطـان وصل ميره لبيت خالته شافها حدرت البيت تطمن عقب حرك وسار بيت عمه لأن هو وسيـف بيسيرون ويا الشباب

فبيت محمد
اليده موزه كانت يالسه ويا راشد ولا اتيهم عوشه
عوشه : عموو شفتي راشد ارمسه اليوم اقله حددوا موعد زواجك بس مب طايع
اليده موزه : صدق راشد ؟ اشعنه هب طايع تحدد ؟
راشد : يدوه فطيم لين ألحيين ماخلصت الجامعه هيه هب طايعه وتقول بعدها هب جاهزه
اليده موزه : ألحين الدراسه بشو بتنفعهاا قلي
اونها هب جاهزه الا دلع بنــاات وينهاا عنيه بس خلني اشوفهاا
راشد + عوشه : ههههههههههههههههههههه
الا سيف يطب عليهم
سيف : يعلها دوم هالضحكه ضحكوني معاكم
راشد : افف مشكله الرزه
سيف سار ويلس حذال يدته
سيف : يدوه جوفي رشود شو يقلي اونه انا رزه
راشد : لا دخيلك اقلك اسمي راشد هب رشود
اليده موزه : ههههههههههههه زين يسوي فيك اخوك ها اخوك العود احترمه
سيف : افــاا افــاا صرتي ضدي
اليده موزه : بس فديتكم كلكم عيالي واحبكم
سيف : لا قولي تحبين منو اكثر انا ولا راشد ؟
اليده موزه : كلكم والله
سلطان حدر عليهم : الا قولي تحبيني انــاا
( وسلم عالكل )
اليده موزه : فديتــك يا ولدي
عقب تم سلطان يسولف ويا يدته شوي عقب نشوا هو وسيف وسارواا صوب الشباب
تم راشد يالس ويا يدته إلين مانزلت ساره لأن كان واعدها يطلعهاا ويتحوطون ويتعشون ويردون
عقب ما استأذنوا ظهروا ساروا تايم سكوير
تموا يتحوطون عقب ساره تمت تتشرى لها بديات وتنانير واكسسوارات وجواتي عقب ساروا وتعشوا وردوا البيت

صوب ميره
كـانت يالسه ويا امل
ميره : ويييه صـح باجر بنسير المزرعه ونااسه
امل : صج مزرعه منوو ؟
ميره : مزرعه يدي الله يرحمه
امل : الله يرحمه
ولا تلفون ميره يرن
ميره : اووه سلطـان نسيته والله
اول ما امل سمعت اسم سلطـان قلبها تم يدق
امل : شو يبى منج ؟
ميره : شو يبا بعـد ياحظي اكيد واقف برع
امل : هو الي وصلج ؟
ميره : هيه
وردت ميره عليه وقالها انه واقف برع
ميره سارت لبست عباتها وقالت بتسلم ع خالتهاا وع امل
بس امل ماطاعت قالت بتوصلها لعند الباب
اصلا هيه كانت تبى تشوف سلطـان
عقب ماوصلتهاا سلطأن جاف امل
سلطان : شحالج امل؟
امل ( وااي شحلات اسمي وهو ينطقهاا آآخ يا قلبي اعشقك ياسلطان ) : الحمدالله بخير ، شحالك انت وشخبارك ؟
سلطان : يسرج الحال
عقب ميره سلمت ع امل وحركوا
امل حدرت البيت وهيه طــااايره من الفرح لأنها شافت حبيب قلبهاا إلي دايما تحلم بشوفته

وصلوا ميره وسلطأن البيت فالطريج شرولهم عشى واتصلوا البيت وسألوا جان حد يبى ولا لـكن كانوا متعشين عقب العشى يلسوا شوي وعالساعه 12 الكل توجه لحجرته إلي رقد والي تم مجابل لابه والي تم يفكر والي والي

فاليوم الي عقبه
نشت ميثه من وقت وهيه صدق كـانت مستانسه
لأن اليوم بيسيرون المزرعه وبتمون هناك اسبوع
يعني كلهم بيكونون هنـاك يمعه بنــاات
سارت وجهزت شنطتها إلي بتاخذها معاهاا
وهيه يالسه تحط الثياب سمعت دق عالباب سارت وبطلته شافت امها صبحت عليها وباست راسهاا
مريم : ها فديتج اشوفج واعيه من وقت اليوم ؟
ميثا : هيه فديتج ترى اليوم بنسير المزرعه ولا شو اجلوا ؟
مريم : لا ما اجلوا يلا تعالي تحت اترقي
ميثا : مايد وخميس نشوا ؟
مريم : مايد يالس تحت اما خميس راقد
ميثا : وفطيم ؟
مريم : غريبه تسألين عن اخوانج اليوم لا فطيم واعيه وهيه يالسه تحت ويا مايد
ميثا : زيين ألحييين بلحقكم
وظهرت مريم من حجرة ميثا وميثا نزلت تحت صبحت عليهم ويلست تتريق معاهم
مايد : اقلج فطوم شو السالفه اليوم ميثوو ناشه من وقت ؟
فاطمه : هههههههههههههه والله علمي علمك
ميثا وهيه تقلد مايد : شو السالفه اليوم ميثوو ناشه من وقت ؟ شو مب عايبنكم يعني ؟
مايد : لا بس غريبه
ميثا : عادي مافيها شي
فاطمه : صــــاااح يمكن عشان اليوم ملاك بترد من الكويت مع ابوهاا و بنسير المزرعه يعني بتجابلها 24 ساعه
ميثا : هيييه عفيه علييج شااطره
مايد : اووه عفيه هااه اشوفج مسرع قمتي تتعلمين منها كويتي ، ميثوو اعترفي عسب ملوكه ولا سعيد ؟
ميثا : اووف كيفي بعدين اي سعيد ويييع ليكون ولد خاله ساره
ولا خميس ومريم ياينهم
جــان يسكتون
مريم : بلاكم سكتوا ؟
ميثا : ماشي كانوا يتحرشون فيه يتوا صخوا عني
فاطمه ومايد اطالعوا بعض ويلسوا يظحكون
ميثا عصبت : اففف سخاافه ( ونشت )

صوب عوشه الي يالسه تعاني مع ساره
عوشه : بســج رقــــــاااد نشي
ساره تلف لصوب الثاني وتلحف ويها باللحاف
عوشه : سااارووه ويعه
ساره : ... همممم
عوشه تسحب عنها اللحاف : نشي نشي بسج رقــااد
ساره : خمس دقايق بس
عوشه : شو خمس دقايق نشي اتزهبي
ساره : ......
عوشه : ياربي هاي الي بتذبحني
ولا ايهاا سيف
سيف : امـاايه بلاج ؟
عوشه : اختك ذبحتني هب طايعه تنش افف منهاا
( وسارت )
سيف : سااروه نشي ترى والله اصب عليج ماي باااااارد
ساره من سمعت ماي بارد نشت
ساره : شو شو ذبحتوني ماتخلون الواحد يرقد
سيف : نشي تزهبي بنسير المزرعه عقب نص ساعه
ساره : افففففف زييين
جان ترد وترقد
سيف : حوووووه نشي
ساره حرجت وشوي وبتصييح : زيييييييييييييين
سارت الحمام وتغسلت وبدلت عقب ظهرتلها ثياب وحطتهن فـ الشنطه

عقب ما جهزوا كل شي والكل تجهز كلهم تحركوا وساروا صوب المزرعه عالساعه 11 الظهر
هيه صح نسيت اخبركم يوسف ( بو ملاك ) وملاك وصلوا الإمارات عالساعه 9 الصبح يعني هم بعد تحركوا معاهم

وصلوا المزرعه عالساعه 12 ونص كلهم نزلوا
طبعا عقب مانزلوا كل الاغراض ساروا الشباب كلهم الملعب والبنـات ساروا صوب اليلسه ويلسوا ويا اليده موزه
اما الحريم و الريايل كانوا يالسين داخل

صوب البنـات
ساره : يدوه شو في هنــااك ( وهي تأشر عـ مكان شكله مغلق بالأشجار )
اليده موزه : هااي شرى القعده بس حولينها اشجار مغطيه المكـان
ساره : ايــواا حلوو والله ولا مره تجرأنها نسير هنااك كلنا اخااف
اليده موزه : لا مافي شي عادي بس اشجار
ميره : تعالوا نسير صوب الحوض والله فخاطريه اسبح
ساره : هيه تعالوا بس بنلقي نظره
ظبيه : انا بي معاكم
فاطمه : لالالا انا بيلس عند يدوه فديتهاا
ملاك : ايه ميثا تعالي نروح معاهم
ميثا : لالالا بنسير نتشمى روحنا احس
ملاك : اوكي خلاص

نشن ساره و ميره وظبيه وساروا صوب الحوض
وملاك وميثا ساروا يتمشون

صوب قوم ساره
حدروا صوب الحوض
ميره : ياااااااااي كشخــه والله ثم والله خاطريه اسبح بس اخــااف
ساره : ههههههههه ولا يهمج ماراح اكسر خاطرج
( وعقتها فالحوض )
ميره انصدمت وماكانت متوقعه ان ساره راح تعقها فالحوض وثانيا الحوض كان عميق وميره ماتعرف تسبح
وشيلتها طاحت وساره زااغت وظبيه اكثــرر
فـ ظبيه ربعت بررع سارت صوب الحريم قالت بتخبر ابوها
بعدين قالت لا بيحرجون عليها تمت محتــااره شافت عبدالله اخوها زقرته وسحبته صوب الحوض هو أول ماشاف ميره فالحوض وحالتها حاله ربع ونقز فالحوض وظهرهاا
عبدالله : شو صار ؟
ظبيه وهيه زايغه : مــااشي
عبدالله تم يظهر الماي الي بلعته ميره عقب انتبه انها هب لابسه الشيله تخبـل على شكلها بس سرعان ما انتبه لوجود اخته وبنت خالته ظبيه عقت شلت شيلتها ولبستها ميره
ظبيه : خلاص عبدالله مشكور ماقصرت
عبدالله : بعدين برمسج
وسار عنهم عبدالله
وميره كانت راقده عالكرسي الي جدام الحوض يلست تكح تكح
ساره سارت صوبها وهيه شوي وبتصيح
ساره : انــاا آآسفه والله ماكنت اعرف ان الحوض عميق
ميره وهيه هب رايمه ترمس من كثر ماتكح
ساره : خلاص سكتي ارتااحي
ساره شربت ميره ماي وميره تحسن حالهاا
ميره : ساروه عادي فديتج ادريبج تمزحيين بس اوريج بخبر عليج سلطوني ( وتمت تغايظهاا )
ظبيه : والله خرعتيناا
ميره : منو ظهرني من الحوض ؟
ظبيه و ساره اطالعوا بعض وسكتوا
ميره : بلااكم منوو ؟
ظبيه : عبدالله اخوي
ميره قفطــــــت ويهها احمــــــرر
ميره : سخيفــاات انتوا والله ونشت وسارت حجرتها عسب تبدل عقب مابدلت ثيابها ظهرت من الحجرة شافت عبدالله فـ ويهاا استحت نزلت راسها وكملت طريجها بس وقفها صوت عبدالله
عبدالله : شو ألحيين انشالله احسن
ميره قفطت : مشكور عبدالله ماقصرت
عبدالله : ولوو خل كل يوم يعقونج فالحوض انــاا جاهز ( هنيه تذكر شكلها شقايل كـان بريئ ويخبـل ابتسملها )
ميره انقهرت ( بلااه هااه بعــد بيذلني ويا ويهه والله فشــله ) ردت له الابتساامه وسارت عنه يلست فالصاله شوي ولا ميثه وملاك حدرن
ملاك : إشوفج قاعده هنيه ماقلتي بتسيرين صوب الحوض ؟
ميره اطالعتها بنظره : سرنــاا وردينااا
ملاك : عيل وين ساره و ظبيه ؟
ميره : مــااعرف
نشت ميره وسارت صوب المطبخ عسب تسير وتاخذلها شي تاكله شافت عبدالله فالمطبخ كانت بترد بس صوت عبدالله وقفهاا
عبدالله : شو هالصدف اليوم ؟
ميره ( افف متفيجتلك انــاا ) تمت ساكته وماردت عليه
عبدالله شرب العصير وظهر من المطبخ
ميره حدرت وسوتلهاا خبز وجبن وتمت تــاكل
عقب يوهاا ساره وظبيه وتموا يالسن يسولفون معااهاا
بعدين ظهروا من المطبخ وهم سايرين صوب اليده موزه شافوا الشباب فالدرب
سيف : صوبنـاا صوبنــاا
ساره وهيه تقلد الكويتيين : وييه قطــع
الكل : هههههههههههههههههههههههه
سيف : يقطع ابليسج قولي آمييين
ميره : إلا سارووه يقولون حمدوه مابتي
ساره : وييييييه سكتي ماقلتلج
سيف : حمدوه فعينج اسمها الشيخه حمده
ميره حقرت سيف : شووو
ساره : حمده كـانت مقرره اتي بس سيفاني ماخلاهاا اونه هنيه شباب ويغــاار عليهااا
سيف : ياحبج للفضــاايح
ميره : ههههههه حلفـــي ويه اخوج ظهر هب هين
سيف : عيل شو تتحسبيني
ميره : مالت
سيف : علييج
سلطــان : وييه من الصبح حاقريناا انزين كلمه كلمتيين
ساره : لا ثلاث احسن
ظبيه هينه نقعت من الظحـك
خميس : واايد عيبتج يعني ؟
ظبيه اطالعت خميس بقهر : هيــه
خميس يطنز عليها : زين رقميهااا هههههههه
ظبيه حرجت : سخــاافه
سلطـان : افــاا انزين راضين بالثلاث كلمات
ميره : بلاه هااه ؟
ساره : اشدراني
عبدالله : احم احم ترى انــاا بعد هنيه لا تنسوني راضي حتى ولو بحرف
ساره : وييه ولد خالتي لالالا ماتوقعتك تظهر شراتهم
سلطـان : ليش انشالله بلانـاا ؟
ساره : ههههههههه اكبــر مغازلجيين فالإمارات
سلطــاان : افــاا نحن ؟
ميره : لا انتوا
سيف : ابي اظحـك دخيلك سلطون حاول تظحكني
الكل : هههههههههههههههههههههههههههه
راشد : اففف وين حرمتي ؟
ساره : اي وحده فيهم ؟
خميس : رشوود كم وحده متزوج ؟
راشد : الشرع حلل اربعه وانا متزوج 3 بــس
سلطــان : يالظالم ثلاث وانا ماعندي وحده ( وهنيه اطالع ساره )
ميره : خلك عزابي احسن لـك
عقب تموا يسولفون شوي بعدين البنات ساروا صوب اليده موزه

فـ مكـان مب بعيد عنهم واايد كـان عبيد يالس يلعب ويا وجدان وحصه و خالتها شما يالسين يطالعونهم ويسولفون
حصه : اففف تعبت من الحمل خلاص ابي اولد
شما : هههههههههه تو النــااس اتريي بعـد باقيلج
حصه : بصيــح ترى
شما : ههههههههه حصوو ما احيدج دلوعه
حصه : عبيـــــد عبيـــــد وين ساير ؟
عبيد : بسير عن الشباب
حصه : تعــاال لا تسير مع الكبار
شما : خليه
حصه : لعوزني هالولد 24 ساعه مجابل الكبار ولا مره فـ حياتي شفته مع ياهال لدرجه مرات احسه هو اكبر عني
شما : هههههههههههههه بالعكس ها شي حلوو ولدج يتعلم اشياا بسرعه
حصه : هيه بس مثل ما له ايجابيات أكييد له سلبيات بعـد
شما : الله يعيناا والله ( وهيه اطاله وجدان ) وجـــداان وجــداان وين رايحه ؟
وجـدان : ماما بلوح مع عبيد
شمـا : تعاالي عبيد رايح مع الشباب عيب انتي بنيه
وجدان : مابي مابي بلوح مع عبيد
شمـا : وجدان ترى ما احبج بعدين
وجدان تربع صوب امها : خلاث خلاث تحبيني ؟
حصه : ههههههههه لا ما اتحبج
وجدان : لا اتحبني ( واتظهر إلها لسانهاا )
شما : وجـداان عييب شو هالحركاات
وجدان شوي وبتصيح : أنـاا آثفه
حصه باستها : فديتج يا دبدوبه
وجـان ايونهم ساره وميره وظبيه
ساره : ماذا تفعلون ؟
حصه : لا شيئ نسولف
ميره : هههههههههههه مليليق عليكم مووول
ساره : انــاا يوووعـــااانه
ظبيه : انـــاا بعــد
ميره : انــاا طشوونه
حصه اطالع ساعتهاا : اظني ألحيين بيحطون الغدى يلا قوموا ساعدوهم
البنات : أوكي
وسارن البنـات صوب المطبخ شافوا الحريم يالسين يزهبون الغدى ساروا ساعدوهم ونجبوا الغدى عقب يلسوا وتغدوا معاهم
عقب الغدى الي يلس فالصاله يطالع التلفزيون والي ظهر يتمشى والي يلس يسولف
ومر الوقت بسرعه ومر اليوم بدون لا تصير فيه احداث كثيره فاليوم الي عقبه عقب مانشوا كلهم تريقوا عقب تموا يسولفون ومر الوقت بدون لا بحسون فيه وتغدوا والعصر الشباب قالوا بيتسابقون بس هالمره بالاحصنه
يعني بيسوون سباق الخيل عاد البنات ماصدقوا
الي بيتسابقون كـانوا
( مايد ، خميس ، سيف ، سلطـان ، راشد ، عبدالله )
والبنـات كل وحده تشجع إلهــاا واحد
ظبيه كانت تشجع اخوها عبدالله
ميره وملاك كانوا يشجعون سلطـان
ساره كانت تشجع سيف وعبدالله
ميثا شوي تشجع سلطان وشوي مايد وشوي خميس
فاطمه كانت تشجع راشد ومايد
بدوا السبـاق كل واحد ركب على خيل وتموا يسرعون والبنـات متخبلات والي تصـارخ من الونااسه والي خاطرها تسير معاهم والي خايفه عليهم والي والي
يعني كل وحده كانت فـ حاله احمد كان يشجع مع البنـات
وحصه يالسه تظحك عليهم شوي وتشجع اخوانها شوي
آخر شي عبدالله فاز بالمركز الاول
ومايد بالمركز الثاني
وسلطـان بالثالث
ميره : فشلنــاا من الصبح نشجعه آخر شي الثالث
ساره : هههههههههههههه عبوود فاز عبود فاز ( وتمت تصارخ وظبيه وياهاا )
ميثا وفاطمه : يـــآآآايس ميود الثاني
وكل وحده تمت تعبر بـ فرحتها بطريقتهاا
سيف : مالت عليكن ماتعرفن تشجعن الواحد عدل
كلهم : ههههههههههههههههههههههههههههههههه
عبدالله : بـ هالمناسبه لاني فزت راح اطلعكم واعشيكم على حسابي
الكل : هييه هييه
الشباب : نحن نبى نتعشى فـ جليز
البنـات : لالالالا نحن نبى فرايديز
وتموا على هالحاله إلين ما قرروا يتعشون فـ فرايديز عاد البنـات استانسوا بس قالهم عالساعه 7 كلهم يكونون جاهزين ..
عقب ما اتفقوا ظبيه اقترحت يلعبون اونو نصهم وافقوا ونصهم ماعيبهم الوضع راشد سحب فاطمه وساروا يتمشون
خميس ومايد وعبدالله وسيف وسلطـان وميره وساره ظبيه وملاك و ميثه بيلعبون اونوو
تموا يلعبون واندمجوا باللعبه بسرعه
ساره : لالالالا الشبااب غشاشين مايصيير
سلطان : هههههه عكيفج هوو خلاص خسرتوا لا تحاوليين
ميره : صح رمسه ساروه غشاشيين انتوا
سيف : طاعوا هذييله
عبدالله : يغارون مناا
ظبيه : مايصيــــــرر
خميس : يصيييير
ملاك وميثه نشوا : نحن مانبى نلعب ويا غشاشين
الشباب : احسن
ملاك : سخــاافه
خميس : فيج
وسارن عنهم ملاك وميثه

وقوم ساره ردوا يلعبـون
عبدالله : ميره غشاااااااشه شفتها حطت ورقتيين
ميره تصارخ : ماحطيت ماحطييت
عبدالله : خراااطه انا جفتج
ميره : ما اخرط انــاا
ظبيه : هههههههههه ميروه ليكون غاشه
سلطـان : لالالا اختييه ظاهره عليه مول ماتغش
عبدالله : عيل انا متـأكد انهاا غاشه
الكل : ههههههههههههههههههههههه
ميره : هيه غشيت ( وهيه تطالع عبدالله ) ماترووم تسكت
عبدالله : من الصبـح تغشييين
ساره : شو انت تراقبهااا ؟
عبدالله قفط كشخ ظروسه بإبتسامه
الكل : اوووب اووووب
ميره قفطــت زيااااده
ميره : عن الاستهبــااال
ظبيه : يااعييني لالالا مانروووم
مايد : من وراانااا
ميره : اييييه بلاااكم
خميس : اعترف عبادي شو سالفتك
سلطـان : ماعليييه وانا اخر من يعلم
ميره : اييييه عن العبط بسكم ترى والله بنش
الكل : لالالا خلااص
وكملوا اللعب وكلهم عينهم على عبدالله وميره يراقبونهم
لدرجه ان ميره قفطــت صدق حست ان الكل يعارف عصبت جان تنش
ساره : هههههههههه حرجت
ظبيه : من هذيييله قطعوهاا
ساره : اقلج نشي نشي كلهم شباب بيقطعونا نحن ألحييين
ظبيه : هههههههههههه بنش قبلج ونشت تربع
الشباب استغبروا بلاهن هذيله
خميس : عداال عن تطيحيين علينــاا
ظبيه حقرته وكملت دربهااا
ساره : وانا يالسه شو اسوي معاكم ؟
سلطـان : لا تمي عاادي
سيف : اييه تراني يالس
ساره : باي باي
سيف ظحك بصوت عالي : ههههههااي شـــردت
الكل : هههههههههههههههههههههههههههههه

وعالساعه 7 الكل سار صوب سياره عبدالله وكلهم ظهروا بسيارتين ( سياره عبدالله وسياره راشد ) طبعا بعد ما استأذنوا من اهلهم ساروا لـ مطعم فرايديز وتعشوا عقب قالوا بيسيرون صوب البحر بس بو راشد اتصل وقالهم يردون بسرعه ولا يتأخرون وجـان يردون للمزرعه
تموا يالسين كلهم فاليلسه البنـات يلسوا داخل تموا يطالعون فلم اما الشباب يلسوا ويا الريايل والحريم
عقب ماسولفوا وقرروا انهم مايطولون واايد هنيه لسبب فـ قالوا كلهم راح يردون عقب باجر

فاليوم الي عقبه
نشت ساره من وقت لأنها كانت راقده من وقت
فجافت البنات كلهم راقدين ظهرت ماحصلت حد تريقت وسارت تتمشى روحهاا سارت صوب الحيوانات تطالعهم وهيه سايره كـانت زايغه وتمشي شوي شوي
جــاان مره تشوف ظــل وراها زاغت زيــااااده قلبـهاا تم يدق ويدق ويدق خايفه تصد وخايفه تكمل طريجهاا
ويالسه تفكر انها خلاص راح تموت محد راح يروم يساعدهاا تمت على هالأفكـار الين ماتشجعت وصدت ويهـاا وانصدمــت

كـــــــــــــــــــــــــــــــــاات

وسموحهـ منكمـ خليناكمـ تتريونـ وخاصتا نونو كيوت

والله يوفكمـ بامتحاتناتكمـ وينجحكمـ...:GIF_13.gif: