منتدى استراحات زايد - ليشّ تتعّمـد تعّـذبنّي ؟..}~* ..

احم السموحه عـ التأخير
غرشووب عنده امتحانات عسب جي مانزل وانا كنت في العين وما خذيت اللب عسب انزل البارتاات ...

البارت الـ 31

كانوا يسولفون ويظحون ويتمصخرون جان مره وحده ميره تذكر شي
ميره : اوييييييييييييييييييييييه
الكل صد صوبها وتم يطالعهااا : بلااااج ؟ميره : ويــــــن فطيــم ؟
راشد انصدم وعرف الي ناقصه وتم يدور بعينه عليهاا
ميثه : اووووووووووبس قالتلي اتريوني 10 دقايق وبي
بس نسيت اقول لأحمد يترياهاا
راشد وقف : ورااســج !! ، يلااا تامروني بشي بسير ايبهاا
اليده موزه : هيييهاااا ايلس يالله ايلس شو هيه لعبه ساير ورااد تستااهل مسودة الويه تأخرناا
راشد : يدووه حراام عليج هاي حرمتي
سيف : حرمتي وحرمتي شو يعني محد عنده حرمه غيرك ؟
كلهم صدوا صوب سيف وتموا يظحكوووون
سلطان : طــاااعوا منوو يرمـــس آآآخ يابطني آآآآآخ
سيف :اوووه مبروك فـ اي شهر
كلهم نقعوا من الظحك سلطان حرج ع سيف نش عسب يضربه بس سيف تم يركض وسلطان ورااه ونشن البنات نصهن يشجعن سلطان ونصهن سيف
تقريبا كل الي كانوا فـ المبزره تموا يطالعونهم
اخــر شي سلطــان تعب ومارام يوصله
سيف تم يظحك علييه ويغايظه ويظهرله لسانه
سيف : ويوووو مارمت توصلي ويووو
سلطان حرج تم يلتفت يمين يسار جنه يدور شي
جان يحصل غرشه ماي فاضيه شلها وفرهاا على راس سيف وتم يظحــــك وسيف قفــــط رد وشل الغرشه على اسااس يفرها على سلطان بس فرها بعييد عنه وسلطان تم يعلــق علييه

صوب اليده موزه وراشد
راشد : يدووه الله يخلييج ويطول بعمرج
عبدالله : هههههههههه بدى شغل الشحااته ياخيي لهالدرجه الحب جي يسوي
اليده موزه : لالالالا رده لدبي الحييين مااشي
راشد : الله يخلييج الله يخلييج
اليده موزه : يخلي اليمييع انشالله
راشد : يـــدوووه
اليده موزه : ها راشــد
راشد : بي بسرعه والله
اليده موزه : لالالالا تبى تسرع لالالا فديتك مافينا عالمصايب
عبدالله : هييه مب زيين
غيض راشد ونش من مكانه وتم يمشي ويمشي ومايدري وين ساير بالضبط بس المهم يبتعد عنهم
ظهر تلفونه من مخبااه ودق على فاطمه
راشد : مرحبــاا
فاطمه : مرحبتيــن
راشد : شو وينج ؟
فاطمه : فبيتكم يعني وين ؟
راشد : سوري حبيبي يدوه هب طايعه تخليني ايي واخذج
فاطمه : .... لا عادي
راشد : عيوني بلااج ؟
فاطمه : راااشد انا مضايجه
فـ هاللحظه راشد سمع صوت عبدالله صد ورا عسب يشوف ويتأكد اول ماصد دعم وحده وطاح المبايل من ايده
راشد : اووبس السموحه الشيخه
البنت : مسموح غلاي ( وابتسمت )
راشح رفع حياته وانصدم من وقاحه هالبنيه وشل تلفونه الي طاح
راشد : فطييم
فاطمه : لا والله تقلك غلاي وتسكت عنهاا سير سير عندهاا ( وسكرت التلفون ف ويهه )
عصـــب راشد من حركه فاطمه تم يتصل فيها بس هيه ماترد حرج زيااده طرش إلهاا مسـج

( حبيبي والله انا مالي خص والله ما انتبهت إلهاا
سمعت صوت واحد تحريته عبدالله
بس ظهر هب هوو يعني شو ذنبي انـاا
حياتي والله احبـج انتي بــس )

تم يتريااهاا ترد بس ماردت قال بيتصل فيها
اتصل حصل مبايلهاا مغلق
عصب وشل تلفونه وفرااه بكل قوته
حس بإيد تربت على جتفه صد وجااف خميس
خميس : هـد اعصابك بلااك ؟
راشد تنهــد تنهيده من خــااطر : خميس اختك عنييده واايد
خميس : من يومهاا توك تدري
راشد : الحيين انا شو ذنبي ( وصارخ بكل حرقه فـ قلبه ) شو ذنبــــــــــي ؟
خميس : شو صاير انزين شو السالفه
راشد كان مرحج : مــااشي مــااشي ( وساار)
خميس تم محتــاار شو السالفه الي تخلي راشد جييه محرج من خــااطر شو سوتله فطيم شاف تلفون راشد طايح و متكسر شلااه وسار صوبهم

وعالساعه 6 ونص الكل نـش وركب سيارته عسب يتحرك
الا راشد الي ماكان لـه خاطر يرد البيت
اليده موزه : يلا رشوود اركب خلنا نتحرك ربااعه
راشد : يدوه انا يمكن اتم هنييه عقب بيكم
اليده موزه : انزييين بس مب اطول
راشد : انشالله
خميس قبل لا يركب السياره سار صوب راشد
وعطااه تلفونه
خميس : يمكن تحتااجه
راشد : مشكــوور ماقصرت
خميس : العفــوو تباني اتم معــااك
راشد : لا مشكــوور والله
خميس : براايك
كلهم ساروا حتى عبدالله حاول ايتم ويا راشد بس راشد ماطااع وخلااه يرد
تم راشد روحه فالمبزره <~ طبعـا غير الناس الي كانوا موجودين هنـااك
تم سرحــاان يتذكر كل المواقف الي صارت بينه وبين فطيم كل الطلعات الي طلعوهاا وكل المطاعم الي
تريقوا / ولا تغدوا / ولا تعشوا فيهاا
وتم يذكــر ملامح ويهـاا الطفولي وحركاتهاا الي مرات تكون هبله و حركاات يهاال و سوالفهاا الي تسويهاا عسب محد يشوف راشد غيرهاا
بين هالافكــاار وهالمواقف ارتسمت ابتساامه تعـذب على شفايف راشد وإلي كانت واقفه جدامه متخبله على وسامته ورجولته وحركااته كانت تدري انه سرحــاان ويفكر لأن باين عليــه انه فـ عالم ثاااااني
راشد انتبه عليها انها واقفه تطالعه
راشد : خيــر الشيخه تامرين بشي ؟
البنت قفطــت : لاا .. الـ .. سـ .. سمـ..وحه
راشد نش من مكانه : مسموحه
وسار تم يتمشــى

فـ بيت محمد ( بو راشد )
كلهم وصلوا بالسلامه
الا قوم سيف الي مروا عالشيشه وساروا ووصلوا حمده
وعقب ردوا البيت
عوشه : الا وين راشد ؟
اليده موزه : قال بيتم هنــااك عقب بيلحقناا
عوشه : زيين في حد تم معاه ؟
اليده موزه : لااا
عوشه : هــااه انشالله استانستواا ؟
اليده موزه : هيييه والله خبلوبناا الشبااب
عوشه : يالله زيــن
اليده موزه : عندي لكم شور
محمد : آمري امييه
اليده موزه : شرايكم الاسبوع الياي نسير المزرعه وانتم هناك اسبوع
محمد : والله شورج ياا فـ وقته كنا انا وعوشه نقرر نخبرج
اليده موزه : زيين يالله بسير حجرتييه بستريح شوي

سارت اليده موزه حجرتهاا والبنات ساروا فوق فـ حجرة ساره
اول ماحدروا شافوا فطيم منسدحه عالشبريه وشكلها تفكــر سارت ميثه صوبهاا
ميثه : فطيـــم سوووري والله نسيت اقول لـ احمد يترياا
فاطمه : لا عــاادي
ميثه : تدريين والله راشد كان بس اشلج بس يدوه ماخلته كان شوي وبيموت عسب اييج
فاطمه : زيــن
ساره شكت ان صاير شي بين فطيم وراشد لأن راشد محرج وشكله مضايج وفطييم بعــد
ساره : فطيم شو بلااج ؟
فاطمه : مــااشي
ميثه : خراااطه طاعي شكلج اشقاايل ( وهيه تقلدهاا ) اونه ماشي
فاطمه : ميثوه هب متفيجه لاستهباالج
ميره : والله حـــاااله فطيم من صوب ورشود من صوب ليكون بس متضاربين لا سمح الله
نشت فاطمه من عالشبريه وجنها تشرد عنهم
فاطمه : يووووعــــاانه حدي
ساره : تعالي بنسير المطبخ نسويلج شي
فاطمه : يــلااا
وهم فالدرب سايريين المطبخ خميس شاف فاطمه وقال بيرمسهاا شوي وسارت فاطمه معااه وساره قالت بتسير اتسويلهاا شي إلين ما اتي

صوب خميس وفاطمه
خميس : فطيم اظن انج وحده عاجل هب ياهل وخبله
فاطمه : انزيين
خميس : شو صاير بينج وبين راشد ؟
فاطمه : مــااشي
خميس : فطيم هب علييه
فاطمه : اقلك مااشي
خميس : هيه صح بااين راشد محرج ومايرمس حد ومضــاايج لدرجه انه ماطاع ايرد معاناا بعده فالعيين وانتي مالج نفس ترمسيين وشكله هب عايبني واشكره ينبان انج مضايجه
فاطمه : راشد مارد ؟
خميس : هيه
فاطمه : عن الخرط
خميس : والله
فاطمه : منو تم معااه
خميس : محد كــاان واايد مضايج قلت بتم معاه بس ماطاع و عبدالله حاول وياه بعد ماطاع
فاطمه : امممم انزيين بسير اتصل فييه
خميس : لا تحاولييين كاسر تلفونه
فاطمه انصدمت : شــوو تام روحه فالعين ومب معااه التلفوون
خميس : هيه ياحلوه ، وها كله هب صاير شي هــااه وفوق هااه يوم سألته بلاك قالي اختك معذبتني
فاطمه : لااا والله الحيين انا الي اعذبه هــااه
خميس : لا حول ولا قوة الا بالله ، بتقولين شو السالفه ولا شوو
فاطمه : بقول بقول
وتمت تقله السالفه كلهاا
خميس : هههههههههههههههههه حلفي ان هاي السالفه
فاطمه وهيه مستغربه : والله ليش ؟
خميس : انتي يااهل ؟ الحين رشود شو يخصه والله انتي خبله البنت دعمته بالغلط ورشود كان يرمسج وما انتبه إلهاا
فاطمه : ليش سكت عنها لما قالتله غلااي ؟
خميس : لا والله يعني شو يسويبهاا يغسل شراعهاا ؟
فاطمه : هييه
خميس : شكله كان منصدم وكان يبا يرمسج لأن طول الوقت يترجاا يدوه عسب تخلييه اي وياخذج للعيين لو تشوفينه شقاايل الشباب يعلقون عليه يقولون له طــراار
فاطمه انصدمت : صــدق ؟
خميس : والله العظيم حتى سألي البنات
فاطمه : فديته والله خموس قوم ودني له العين
خميس : والله انتي مينونه + هب صاحيه
فاطمه : الله يخلييييييييييك
خميس : اسمحيلي والله مارووم
فاطمه : حرااااااااااام
خميس : المهم انا رمستج وفهمتج اترييه اي اكييد بي ماراح يبات برع البيت اترييه هيه صح قالي اختك عنييده
قلتله من يومهاا
فاطمه : خاايس والله
خميس : ادري ان رشود خايس
فاطمه : مب رشوود انت
خميس : هههههه انا خايس هااه يلا بااي
فاطمه: خميس خموووووس
بعـد ما فقدت الامل ان خميس يوديها العين لـ راشد
سارت المطبخ شافت ساره حليلها يالسه تسويلهاا سندويج وعصير
فاطمه : سوووري والله تعبنااج
ساره : لاا افــاا عليج تعبج راحه مرت اخوي
فاطمه : ....
ساره : بسـألج انتي ورشود متضاربين ؟
فاطمه : ..... اممم مب متضاربين بس سوء تفاهم
ساره : ايـواا اشوفه محرج ومضايج
فاطمه : رااسي يعورني
ساره : سلااماات يالله خلصت يودي كلي وانا باكل يلا جــااو
وسارت ساره عنهاا
تمت فاطمه يالسه عالكرسي والسندويج والعصير جدامهاا وهيه سرحـــاانه تفكر فـ شخص واحد بس الشخص الي ملك عقلهاا وقلبهاا
( راشــــــــــــد )

حدر مايد المطبخ وشافهاا جيه
مايد : حووو فطيم بلااج ؟
فاطمه وهيه توها تنتبه : انته من متى هنيه ؟
مايد : من شوي
فاطمه : ايــواا ، زين انا بسير
يودها من ايدهاا
مايد : وين وين ؟
كلي بعدين سيري
فاطمه : اووه اكلي والله مالي نفس اكله بدالي
مايد : بلاج ؟
فاطمه : ماشي بس احس اني تعباانه
مايد : مع اني شاك بس يالله ماعلييه سامحناج بس عسب الاكل الي تبرعتيلي ايااه
فاطمه : هههههه بالعافيه
ظهرت فاطمه من المطبخ وسارت الصاله شافت اليده موزه سارت حبتها عراسهاا ويلست وياها شوي وتمت تسولف وياها شوي عقب سارت فوق وهيه سايره صوب حجرة ساره مرت عـ حجرة راشد تمت واقفه وتتأمل بااب الحجره وجــاان تتذكر انه لين الحيين مارد والفون هب ويااه
تمت خايفــه عليه وتحاتييه سارت حجرة ساره وسكرت الباب وانسدحت عالشبريه
ساره : كلتي ؟
فاطمه :....
ميره : ولللل سرحاانه حبوبه الي ماخذ عقلج يتهنى بـه
فاطمه :.....
ميره تصارخ : فطيــــــم
فاطمه : شوو ؟
ميره : فـ منو سرحانه اعترفي
فاطمه ارتسمت على شفايفها ابتسامه بس ابتسامه حزن
ساره : اوووف مبايله مغلق مادري بلااه ولين الحيين مارد البيت
ميره : منوو ؟
ساره : راشـــد ، اخاف يسوي بروحه شي والله اخااف عليه
فاطمه : سااروه لا تزيغيني روحه الي فيني يكفيني
ملاك : والله نــااس فاضيه اقلج بسير اسويلي عصير برتقال بتين ؟
ميثا : لا ثــاانكس
ملاك : ولكم فديتج
وظهرت ملاك ونزلت تحت وسارت المطبخ وشافت مايد يالس يدح
ملاك : هلا مايد
مايد : اهليين
ملاك : امممم الا بسألك
مايد : آمريي
ملاك : مايامر عليك لا عدو ولا ظالم ، انت تخليت عن ساره عشا سلطان
نش مايد من مكانه
مايد : اليااهاال مالهم خص بسوالف الكبـااار وبعدين لا تدخلين عصج بشي مايخصج
وســاار عنهاا
تمت ملاااك مقهووره من اسلوبه ماتوقعت انه جي بيسويبها اتوقعت انه بيساعدهاا فـ خطتهاا
سارت وسوتلهاا العصير وهيه سايره للصاله شافت سلطان
ملاك : سلطــاان سلطــاان
سلطان : آمري
ملاك : شلونك تولهت عليك
سلطان : اممم لو ني مثل ماتشوفينه
ملاك بدلع : سلطــوون
سلطان : اقلج انا مشغول اسمحيلي اشوفكم بعدين بااي
ملاك : بــااي
وسارت حجرة قوم ساره وتمت يالسه هنااك

مر الوقت بسرعه ولا صار شي يديد
وعدت هالليله على خير
الي رقـد وهو مرتاح وإلي تم يفكــر طول الوقت وسرحان
والي عيونه ماذاقت طعم النوم والي سهران ويا الربع

فاليوم الثاني
نزلت فاطمه وهيه حاسه بتعـــب وصــداع فظييع
سارت اتشوف منو صاحي ماحصلت حــد حتى استغربت يدتها موزه هب صاحيه
سارت وسوتلهاا نسكافيه وخذتلها بسكويت وظهرت خاري يلست فالقعده وتمت تشرب النسكافيه وهيه سرحـــاانه بس انتبهت ان في سياره توها حدرت البيت
استغربت ربعت صوب السياره شافت راشد نازل منهاا
سارت صوبها شكلــه كان تعباان
ابتسم إلهــاا وكان بيمشي لأن شكله كــاان مسطل عالآخر بس وقفه صوت فاطمه
فاطمه : ليــش تأخرت كنت اترياااك البارحه
راشد وهو معطيها ظهره : الحركه الي سويتيهاا واايد حلوه ترى
فاطمه : والله آآسفه شو اسوي اغـــاار والله..
صد راشد صوبهاا
راشد : اشعنه ناشه من وقت ؟
فاطمه : اصلا انا رمت ارقد ؟
راشد رفع حياته : الاخت مواصله ؟
فاطمه : هييه والله ( وظربته عـ صدره ) ليش تكسر تلفونك شقايل برمسك الحيين
راشد : لا ترمسيني عسب عقب ماتسمعين صوت وحده وترقعين التلفون فـ ويهي
فاطمه تمت تصييح وتشاهق من كثــر الصيااح
فاطمه : والله .... خفت ... علـ .. ـليك ... تأخرت ... وين كنــ...ـت ,رقــ..دت ولا ؟
راشد حظن ويهاا بإيده وتم يمسح دموعهاا
راشد : خلاص حبيبي لا تصيحين عشااني دموعج غاليه علييه خلااص
وظمهــاا لحضنه
فاطمه من حضنها راشد حست انها هــدت وتطمنت علييه ابتعدت عنه شوي ورفعت راسه عسب تطالعه
فاطمه وعيونهاا ممزوره دموع : رقــدت ولا ؟
راشد : لا مارقــدت
فاطمه : وين كنت خبرني ؟
راشد : والله كنت فالعين اتسكع من شارع لـ شارع ومن فريج لـ فريج ماشي شغله
فاطمه : انزيين سير ريح ألحيــن
راشد : افــاا ألحيين انا راد يوعان لا متعشي ولا متريق اباا ريووق شو انتي حرمتي عالفاضي
ابتسمت لـه فاطمه : من عيوني احلى ريوق لـ رشود
راشد : رشود اونه انزيين ابا الريوق من ايدج هب البشكاره تسوييه
فاطمه : انزيــن
سارت فاطمه المطبخ وتمت تسوي الريوق لـ راشد تأخرت شوي عقب سارت لليلسه شافت راشد يالس وحاط راسه عالطاوله ومغطي ويهه بإيده
فاطمه : رااشد
راشد :...
فاطمه : رشود حبيبي
راشد : هممم
فاطمه : اويـــه ليكون رقدت نش أكل سويتلك الريوق
راشد : والله تعبــاان ابا ارقد
فاطمه : مااباا نش اكل عقب ارقد نـــش
رفع راشد راسه بكسل وحس عمره منتهي عالآآخر
تم ياكل ويوم حــس انه شبع رد وحط راسه عالطاوله
سارت فاطمه صوبه
فاطمه : سير حجرتك
راشد : هب متفيج امشي
فاطمه : رشوووود نــش انزين سير فالصاله او فـ حجرة يدوه اي مكاان
راشد : ياربي منج مزعجه ماتخلين الواحد يرقد
ورد راسه عالطاوله تمت فاطمه تظحك عليه وعلى شكله شقايل
فاطمه : بتم روحك هنيه ؟
راشد :....
فاطمه بدلع : رشـــوووود
راشد : بسير بسير
ونش من مكانه وسار صوب حجرته عسب يرقد
تمت فاطمه يالسه روحها ولمحت ظبيه
فاطمه : ظبووي ؟!
ظبيه : عيون ظبوي
فاطمه : اشعنه ناشه من وقت ؟
ظبيه : اممم لأن يا ذكيه رقدت من وقت وانتي ؟
فاطمه : اصلا انا مارقد شكلي ألحيين بسير ارقد
ظبيه بخبث : مــاا ألومج توج كنتي يالسه ويا منوو ؟
فاطمه انصدمت : ظبــوووي من متى وانتي هنييه ؟
ظبيه : ههههههههههههه من يوم كنتي تحنين على راشد يسير يرقد
فاطمه : زيين يلا بسير ارقد طشوونه والله تعبت
ظبيه : نوم العوافي
وسارت فاطمه ترقد ويلست ظبيه تسويلها شي تاكله
ولا تسمع حس حد حدر المطبخ
ظبيه : شو مايالج رقاد لهالدرجه رشود اثـر عليج ؟
.... : .....
ظبيه استغربت ان ماسمعت تعليق فطيم صدت جان تشوف خميس يالس عالكرسي حست بقلبها شوي وبيظهر من مكاانه
خميس : بلاااج جي تطالعيني ؟
ظبيه وهيه مرتبكه : زيغتني
خميس رفع حياته : لهالدرجه شكلي يزييغ ؟
ظبيه : لا هب جي بــس
خميس قاطعها : زين زين مايهمني سويلي شي آكله مييت من اليوع
ظبيه انصدمت من وقاحته : شووو ؟
خميس : شو صمخه ماتسمعيين يوعــاان ابا اكــل سويلي شي
ظبيه فخاطرها ( مـــاالت عليك يعلك تموووت يووع شو مسؤوله عنك انــاا ) : خل البشاكير يسولك
خميس حرج : اقلج انتي الحيين هنيه سويلي اي شي اكله بس شي ينوكل مب خربطــاان تقولين البشكاير ومادري شوو
ظبيه حرجت : زيين لا تصااارخ مب اصغر عياالك
خميس : افف ماصارخت
ظبيه فخاطرهاا ( حيوااان نــذل كريييه ألحيين عرف شو من المشاعر الي كنت احس فيها صوبه مشااعر الكره )
خميس : حـــووو يلا انــاا يوعاان الاخت سرحانه
ظبيه زاغت : زين زين
تمت تسويله خبز وجبن وعصير برتقال
ظبيه : تفضــل