|
........................................ ظبية: يلا يما حارب.. سيروا جناحكم عسب ترتاحون.. انقبض قلب سارة.. لا ما أبي أقعد بروحي وياه..مرة ثانية بس هب مشكلة.. ليش زايغة؟ أنا اتفقت ويا حارب.. يعني خلاص.. هو مستحيل يجبرني على شي ما أبيه.. حارب بعد ما باس ظبية على راسها: تصبحين على خير ظبية: وأنت من أهل الخير يا ولدي سارة وهي تجرب من ظبية وتبوسها: تصبحين على خير خالوه ظبية وهي تبتسم: وانتي من أهل الخير يا حبيبتي.. |
................................................ ... جناح حارب وسارة... حتى الفندق اللي سكنوا فيه حارب وسارة ما يسوى شي مقارنة بجناهم.. كان ولا أروع.. يهبل... خلوني أوصفه لكم شوي وأنتوا احكموا.. في ركن مدخل الجناح الرئيسي لوحة تشكيلية بإطار مذهب محفور بالإيد فوق حامل من الخشب المذهب الصالون الرئيسي في صالة الاستقبال من طراز " النيوكلاسيك" مكون من كنبتين ومقعدين بمفروشات مخملية دافئة تمزج بين اللونين البني والبيج يتوسط المكان طاولة رائعة من الخشب المحفور باليد ستائر بخطوط بسيطة قماشها غني غرفة جلوس تعلوها التحف وعلى الجانب مقعدان من الطراز الفرنسي بقماش من المخمل المطبوع بالزهور ركن الطعام يضم طاولة صغيرة على قدهم ومقاعد أنيقة من الطراز الإنجليزي بحفر ناعم يعلوه مرآه ومجموعة من التحف الفضية.. وأخيرا.. ..الغرفة النوم الرئيسية.. طرازها كلاسيكي أنيق ومفروشات من الساتان اللي يمتزج بين الزيتي والبيج.. تتناغم بجمال فريد مع الجدران والستائر.. " إن شاء الله قدرتوا تتخيلون الجناح بالصورة اللي رسمتها لكم" سارة وهي مبهته: الجناح يخبل.. روووعة شوية عليه حارب وهو يعق سفرته ويحطها على جتفه: أهم شي أنه عيبج؟ سارة: وايـــــــــــــــــــــــــــــــــد حارب: المهم.. هذي رح تكون غرفتج صدت سارة صوب حارب... حارب وهو يبتسم: بلاج؟ سارة: امممممممم حارب: لا تقولين شي.. والا نسيتي اللي اتفقنا عليه؟ وقبل لا يظهر.. سارة: حارب وقف حارب ..ومن دون ما يصد سارة: و...وأنت.. وين بترقد؟ حارب: وايد يهمج يعني؟ ردت بسرعة: لا طبعا.. بس يعني عسب خالــ.... قاطعها حارب وجابلها: ما عليج، برقد في الصالة سارة: ولين متى يعني؟ حارب: ألين ما............كان بقول شي بس غير رايه...ألين ما يفرجها ربج خذ راحتك صبـــري على بعدك كبير ... لا تنزعج مني أبـــد دنياك عاشـرها وســير لا تتعب أفكارك معاي أنا مجرد ذكريات ... راحت مع أحلام السنين هذا المقدر والمصير ...خذ راحتك عيش الهنا عيش الوفا مع من تريد ... عسى الليالي تسعدك وتهنى مع الجو الجديد.. وغلاك عندي ما حسدك ما دامك إنته المستفيد ... لكن ما خبي عليك ما عود لك مهما يصير" وظهر عنها.. كان باين عليه أنه تعبان.. فصخت سارة العباة وهي هب مصدقة.. وأخيرا خلصت من حارب.. على طول بدلت ثيابها ولبست بيجامتها الحمرا وغطت في سبات عميــــــــــــــــــــــــــــــــــــــــــق أما حارب.. فكان تعبان شوي.. حتى ما واحاه يبدل من زود ما كان مصدع انسدح عالقنفة ومن زود ما هو تعبان حيل.. غفل بسرعة ولا حس بعمره.. ............................................... |
اليوم الثاني.. في بيت ام سهيل.. أم سهيل مسوية عزيمة بسيطة على شرف حارب وسارة.. صوب الرياييل.. أبو سهيل وأبوعلي وثاني وأحمد وسهيل وسيف وعلي..والربع.." نادر وسلطان وهزاع " من صوب الحريم.. أم سهيل وأم ثاني وحصة والبنات " ميسون وعليا وشيما " وأكيد شهودة وشميم اللي كانن يلعبن في الحوش.. الكل كان في انتظار المعاريس ... حارب وسارة.... بعد نص ساعة تقريبا.. وصلوا حارب وسارة والخالة ظبية.. أول ما دخلوا البيت.. انتبهن شهد وشمة حقهم وربعوا صوب حارب وسارة.. حارب بعد ما باس شمة وشهد على خدهم: فديت هالحلوين والله شمة + شهد : يضحكون ببراءة وبعدها سلموا على سارة اللي كانت ولهانه عليهم عاللآخر.. وبعد ما سلموا على ظبية دخلوا داخل.. حارب سار صوب الرياييل أما سارة وظبية صوب الحريم ........................................ |
أول ما دخل حارب الميلس الكل وقف يسلم عليه.. وبعد ما سلم على أبو سهيل وعمه أبو علي.. سارو صوب الشباب.. وسلم عليهم سهيل وهو يخاشمه: هـــــــــــــــــــــــــــــــــــــــــلااااااا اااااااااااااااااااا ، شحال المعرس؟ حارب وهو يبتسم: بخير يعلك الخير.. يعز مقدارك وبعد ما سلم عليهم كلهم وباركوا له قعدوا يسولفون.. وعقبها انحط الغدى وتغدوا .. صوب الحريم ... بعد ما سلمت سارة على الموجودين.. قعدت ويا ربعها يسولفون لحالهن.. عليا: ساروه؟ يلعن كيف محلوة.. كل هذا بسبة حارب سارة وهي تبتسم وبدلع: اصلا أنا من دومي حللللللللللوة ميسون: يا ربي الحين منو بسكتها هذي سارة: هههههههه.. وتصد صوب شيما.. سارة: شحالج شيوم؟ والله إني مستانسة إني شفتج.. شيما: وأنا أكثر فديتج حصة: ساروه؟ سارة: هلأ... حصة: أحمد وسهيل برع يبون يسلمون عليج.. سارة : أوكي الحين بظهر.. ظهرت سارة وأول ما شافت أحمد ربعت صوبه.. أحمد وهو يبوسها على خدها: هلا والله بالعروس احمرن خدود سارة.. أحمد: لا لا ما أصدق ساروه تستحي؟ لا لا هب مصدق سارة وهي تضربه على جتفه: جب انزين أحمد: ايواااااااا.. هذي ساروة اللي نعرفها.. سارة: سخيف وربي.. عيل وينه سهيل؟ أحمد وهو يستهبل: منو؟ حارب؟ شو تبين فيه؟ سارة : تسهبل حضرتك؟ أنا متى قلت حارب؟ أحمد: توج. قلتي وينه.. سارة: وينه<<<<<<<<<< أقصد سهيـــــــــــــــــــــــــــل.. سمعت عدل سهيل اللي كان ويا حارب توه يسمع سارة ويربع يسلم عليها.. على طول ربع من وراها وحط ايده على عيونها ومن غير ما يرمس.. سارة وهي تحط ايدها على ايده عسب تتأكد: سهيــــــــــــــــــــــــل وأول ما فجت عينها على طول لفت عسب تحضنه لكن سهيل انخش ورى حارب اللي صار في حضن سارة.. "..فجأه اختفى كل الكلام وتاهت حروفي في الظلام اللي سكن في عينها كل الاماني وقتها ردت لقلبي اشتقتها ومدري المحبه ضيعتني والا انا ضيعتها لو سنين عمري تضيع..والزهور تنسى الربيع ماانساه ابد لو يصير الشوق دمي او سواد الليل همي ماادور احد ويش ادور بعدها لونساني وعدها مدري المحبه ضيعتني والا انا ضيعتها"" تخيـــــــــــــــــــــــــــــــــــــــــــــــ ــــــــــــــلوا............؟؟؟؟؟؟؟؟ .................................................. .......... كــــــــــــــــــــــــــــــــــــأأأأأأأأت شو تتوقعون رده فعل سارة بعد هذا الموقف؟؟ وحارب و بيسوي في سهيل ؟؟ ( اوعدج انه هذا الوضع ما يطول ) هذي الجملة حارب قالها لسارة هل كان يقصد الطلاق ولا شوو؟؟ وشو رايكم في البارت؟؟ |
في انتظاركم |
| الساعة الآن 04:44 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir