|
×?°البارت 15×?° دخلو وراحو يشوفون شي حقهم وهم يتحوطون لقو محل يبيع جلابيات كويتيهـ فدخلوهـ: داخل المحل: حمدوهـ:ساروهـ شوفي شرايج فهال جلابيهـ..؟ سارهـ:نآآيس .. حمدوهـ:ولا هآذي ..؟ سارهـ:اثنينتهم حلوآت حمدوهـ:همم شو آخذ.؟ سلمى:انا اشوف هآي احلى حمدو:شراجي ميرا..؟ ميرا:هي الي قالت عنهـ سلمو حلوهـ حمدو:همم يعني اوكي حق باجر ..؟ سارو:هي اوكي حمدو:همم انزين بآخذها سارهـ:هم شرايكم فهاي ..؟ ميرا:حلوه سلامي:كشخهـ ساره:ها حمدو حلوهـ..؟ حمدوه:هي غاويهـ ساره:انزين بآخذها ..انتو الأثنين ماتبون تاخذون شي ..؟ سلامي:همم لا انا باجر بلبس تنورهـ ميرا:ههه نفسي سلامي:قلادهـ ميرا:هههه وعقب حاسبو وطلعو حمدو كانت شاريهـ جلابيهـ كويتهـ كانت بنوتيهـ لونها تركوازي وبيج وكان الكلر مثل الصنين وعلى الجلابيهـ حركات وهال سوالف ..وكان الجلابيهـ روعهـ^_* سارهـ كانت شاريهـ جلابيهـ لونها برتقالي وبيج وسكري وكان الكلر غير عن حمدو ماعرف كيف شكلهـ بس كان حلو وصوب الايدين كان شويهـ طويل وعلى الجلابيه حراكت ... وكانت الجلابيه اتليق على سارهـ وهم يتمشون مرو عند الصالهـ البليارد حمدوه:اقولكم شو رايكم انروح نلعب بليارد>>تستعبط ميرا:اوكي ..بس تعرفين تلعبين ..؟ سلمى:هههه هاي ماتعرف اتيود العصا ميرا:هههههه حمدوه:انتي تعرفين ..؟ ميرا:هي عنا فبيتنا حمدو:اونهـ.. ميرا:والله ليش..؟ حمدو:كسخهـ ..منو فبيتكم يعرف يلعب..؟ ميرا:كلنا حمدو:اللهـ كشخهـ منوع لمج ..؟ ميرا:اخواني حمدو:ياحظج ميرا:خلاص يوم بتاخذين احمد خليه يعلمج حمدو:بدون ماتقولين سارهـ:خلاص انا بخلي احمدوا حين يعلمني حمدو:انتي خلي حبيبج يعلمج ساره:جب جب سلمى:هذاك مايعرف شو بليارد ميرا:مسكين مال عصر الحجري حمدو:هههه مايعرف شي غير كرة قدم وبس سلمى:ههه اسماعيل مطر حمدو:هه لا فيصل خليل ميرا:منو هاذيلا.؟ حمدو:ههه لاعبين كرهـ قدم ميرا:ههه لا رونالدو ساره: اي انتو اشوكم طايحين فخطيبي طنازة ترا انا مارظة عليه ميرا:ههههه ان شالله ماما ساره:ماما فعينج ميرا:جب يلاجب ساره:ميرراا مميرا:ويعآآ ساره:ههههه حمدو:اقولكم قومو ندخل هال محل كلهم:يلا ودخلو وسلمى قلت لها فستان هاادي وخفيف اما حمدو وسارو اشترو نفس الشي فستان بس قطعتين يعني تنورة وقميص لون الفستان بني وعسلي القطعهـ الاولى ((القميص)) بدون يد والقميص ويكون متدرج يعني اول شي قطعـ بنيه عقب عسليه بعدين بنيهـ ..الخ.. وعليه خرز وفولك وهال اشياء وينرط من الرقبهـ والقطعهـ الثانيه((التنورة)) نفس القميص متدرج وعليه خرز وهال سوالف ومن جدام لين تحت الركب وعقب عليه قطع بس شفاف لين نص الريول وعقب ومن ورا يكون طويل وعقب طلعو راحو ستي سنتر دبي فالسيارهـ: ساره:آآه يووعآآآنهـ ميرا:انزين اتري شوي وبتاكلين ساره:محمود اسرع محمود:كيف يسرع وزحمه تبي انا يدعم بعدين بابا عود وفهوود وميوود سوي جنجآآل حق انا سارة:خلاص امش على 20 كلتني حشى حمدو:هههههه وعقب ربع ساعه وصلو ستي وراحو واتعشو وعقب راحو ومحل وحمددو وساره اشترو تراجي حق فستانهم وطلعو من ستي وردو حمدو وسلمو بيتهم وساره وميرا ردو البيت فبيت بو فهد ساعهـ 10:30 فصالهـ. فهد:اميه مو جنى العنزتين اتأخرو ..؟ وجان سارة وميرا يدخلون ساره مرتبشهـ: عرفنا الحب وأسرارهـ .. كتبنا اجمل اشعارهـ .. وغنينا على اوتارهـ فهد:بلاج .. يالعاشقهـ..؟ ساارهـ:مابلايهـ شي ام عبدالله:توه كانو يحشوون فيكم ميرا: منو ..؟ فهد:احم احم ميرا:حسيت واللهـ فهد:ليش يعني ميرا:مادري ينبان من ويهك فهد :خخخخ ساره:شو كنتو اتقولون .؟ ام فهد :كان يقول متى هال عنزتين بيون .؟ وجان اتون ميرا:شووو نحن عنزتين يا الثوور فهد:افا ... انا ثور..؟! ميرا:هي انت وولدك فهد:هههه انزين ولدي ولدج ميرا قفطت : جب جب جب ..اقول ساروه انا بروح انام لاني تعبانهـ ساره:اوكي انا براويهم شو اشتريت عقب بي فوق ميرا:اوكي وميرا وهي رايحهـ فهد:نوم العوافي ميرا فخاطرها اتقول :فديته والله وراحت فوق سارة:انزين شوفو ,انا وحمدو اشترينا نفس الشي وتمت اتراويهم ام عبدالله:حلو ام فهد :انزين انا عندي عقد يليق على الفستان ساره:صج .. وينه .؟ ام فهد:فالغرفهـ باجر بطلعهـ لج ساره:انزين انا احين بروح انام ياللهـ تصبحون على خير كلهم:وانتي من اهله ساره:هي صح وين البقيه ..؟ مالهم حس ام مانع:رقود ساره:غريبه نايمين من وقت ام فهد:مساكين تعبو ونامو سارة:همم منو نايم بيتنه .؟ ام مانع:انا وعيالي بس مانع فبي عمج خالد وطارق وسالم وعيال خالتج بدريه ومحسن سارة:زين ويدي ويدتي وين نايمين .؟ ام فهد :فبيت عمج خالد سارة:ايوا ,انزين يلا بنوي وراحت فوق اتنام يوم الثاني ولي هي يوم خطبه (( حمدة + احمد و سارة + راشد )) ساعهـ 4 فصالة سارهـ:يالله نحن نبسير ام فهد:انزين ساره:اشوكم اهناك خخخ ميرا:يالله طوفي خلينا انسير ساره:يلا بباي كلهم:باي وميرا وسارة طلعو راحو ويا دريول بيت بو راشد عند الباب البيت داخل السيارة سارة:بتصل فحمدو بخليها تطلع ميرا:انزين ترن ترن ترن حمدو:هلاو لله سارة:اهلين .. وينج .؟ حمدو:داخل .فصاله انتي وينج .؟ سارة:برع حمدو:برع .. انزين نزلي تعالي داخل سارة:منو داخل حمدو:امي وانا وسلامي سارة:مافي حد ثاني حمدو:ههههه مافي سارة:انزين يالله باي وسكرت ونزلو ودقو الباب ودخلو فصاله: ميرا+سارة= سلام عليكم ام راشد وحمدو وسلمى:وعليكم السلام وسلمو على بعظ حمدو:ماما ابيج اتكشخينا ام راشد:افا عليج انتي سيرو لبسو وانا بكشخكم سارة:مشكوورة خاالو ام راشد:العفو حمدو:انتو الثلاثهـ تعالو فوق ام راشد:وانا ..؟ حمدو:انتي اتين بدون عزيمهـ اصلاً ام راشد:ههه يلا قومو نسير فوق وراحو فوق غرفه حمدو فغرفة حمدو ام راشد:اول شي بنستشور شعوركم وعقب لبسو ملابسكم وبعدين بحط لكم مكياج وبنعدلكم حمدو:انا مابي مكيآج ام راشد:لاو الله احين كلهم بيحطون الا انتي لا وانتي المخطبوهـ ,,يعني لازم انتي اتحطين حمدو:امي مابي والله مب زين حق البشرة انا بعدني صغيرة ام راشد:هي صح صغيرة وبتزوج حمدو:بعد سنتين مادري ثلاث بتزوج ام راشد:انزين بس شوي حمدو:ولا نص ام راشد:مب على كيفج بتحطين يعني بتحطين حمدو:امي مابي وراشد كان تو ياي من برع فسمع صوت صريخ راح صوب غرفة حمدو دق دق دق حمدو:منو.؟ راشد :انا بعد منو ويوم ياي يبطل الباب شافه مقفوول راشد:ليش قافلتهـ ام راشد:سارة وميرا داخل راشد فرح:وشتسون داخل ام راشد:انت شو يخصك راشد:انزين ليش اتصارخون ام راشد:اختك ماتبي اتحط مكياج وعقب راحت وبطلت الباب راشد باس امهـ على راسها ام راشد:شوف اختك بتخبنلي حمدو:رشود شوفا مي تبي اتحط لي هال خرابيط على ويهي راشد:لا تحطين عقب ويها يخترب واصلاً حلاته جمال الرباني سارة اتقول فخاطرها :واااي على جمال الرباني انا ام راشد:فوم اطلع برع قلت بيصير لي عون جان اتصير فرعون راشد:هههههه يالله باي انا بطلع سلمى:بعد!! راشد:يعني شو تبيني اسوي فالبيت اجابل ويهج سلمى:جب جب يلا اطلع وفكان راشد:حمارة ..يالله مع سلامهـ وقبل لايروح التفت على سارة وابتسم وراح سارة قفطت لان كلهم شافوه يوم يشوفها ام راشد:يالله حمدوو حمدو:ولاطشهـ ام راشد:خلاص خلاص بكيفج اف ذبحتيني حمدو:خلاص حطيلي بس على خفييف يعني ماينبان سملى:عيل ليش حاطهـ حمدو:اشدراني خخخ ام راشد:في حد فيكم يعرف يحط مكياج سارة:خالو ميرا تعرف ام راشد:عيل انتي بتساعديني ميرا:خلاص ماعليج وحمدو وسارة يلسمو وسملى وميرا تمو يستشورون شعرهم وام راشد راحت تحت اتشوف شو يسون ميرا:سارة اطربينا سارة: سلام العشق وأعماقة يضم القلب وأشواقة تجيك الروح مشتاقة تهديك القصيد ألوان حمدو: على درب الهوى جينا من أول ما تلاقينا تغير كل ما فينا عشنا فرحة اللأزمان سلمى: عرفنا الحب وأسراره كتبنا أجمل أشعاره وغنينا على أوتاره وطبنا بالغرام الحال ميرا: نسينا كل مواجعنا بقن أثنين ما معنا سوى الأشواق تجمعنا بلا هجر وبلاحرمان سارة: ألا يا حب السامي لقيتك بأول أيامي تعال وجدد أحلامي ترى قلب الهوى سهران سلمى: شربت الحب من كاسك طعم الورد بأنفاسك كنك عذب باحساسك وأنا مغرم بك ولهان حمدو: حبيبي كان ما تدري ترى حبك بدى يسري كني وإنت يا عمري سكنت بداخل الشريان ميرا: قطعن الحب ودروبه وصرنا روعة اسلوبة حكاية عشق مكتوبة وصرنا للهوى عنوان سارة:واايد فديت ريلي الوسمي حمدو:هي صح الوسمي خلى يسمعج راشد بيطرج عندهـ سارة:هههه ودخلت ام راشد ها خلصتو.؟ ميرا:انا خلصت حق سارو ام راشد:انزين بنبدأ فسارة .. سارو روحي لبسي سارة:ان شالله وام راشد تمت اتحط مكياج حق سارة وميرا اتساعدها وعقب سو حق حمدو بس سوله خفيف مب واايد بس ينبان وهم يالسين يسولها سارة اتغني : حبيبي كان ما تدري ترى حبك بدى يسري كني وإنت يا عمري سكنت بداخل الشريان ام راشد:ماشالله صوتج غآوي سارة استحت:ثآآنكس ام راشد:ولكم سارة:هعهه وبعدين بعد ماخلصو ميرا:سارو شعرج طالع غااوي سارة:اصلاً انا بكاملي غاوية فديتني والله حمدو:بس انا احلى ام راشد:اثنينتكم حلوات خلاص لاتظاربون حمدو:ساعة كم .؟ سلمى:همم 7 حمدو:بل..! مر الوكت ببسرعه سارة:هي والله ام راشد :انا بروح اتلبس وسلم ويلا روحي لبسي سلمى:اوكي وباج اتحطيلي مكياج ام راشد:انزين بسرعة وراحت سلمو وتلبست و عقب امها حطت لها مكياج ساعه 7 ونص فبيت بو فهد احمد:متى بنسير ..؟ بو عبدالله:بعدة اتري شويه بلاك انت جي احمد:انزين يمكن نتأخر فهد:لاتخاف بيتهم فدبي مو فخور فكان احمد:انزين يمكن يكون زحمة فهد:ياخي بيتهم ورا بيتنا دقيقة وبنشوصل احمد:اذا جريب قومو نسير احين مايد:احمدو قسم بالله بتنظرب احمد:ياخي ملل يو فهد:اف اف قومو نسير حسبي الله عليك من ولد يبت لي الظغط وسكر وعقب راحو بيت بو راشد وكلهم نزلو ماعاده احمد وفهد فهد:شو تتريه انزل يلا احمد:استحي فهد:احمدو قسم بالله بظربك عن المصاخة توك اتحن على راسنا ابي اسيرابي اسير احين كلهم دخلو وانت بعدك واتقول شو اتسحي احمد:والله عيل شو اتشوفني جيكر فهد:جيكر يشلك ان شالله قول آمين احمد:انزين انت انزل وقول احمد مصخن راح المستشفى فهد:لاو الله احلف انت بس احمد:اولله فهد:شوف انا بنزل اذا انت تبي تنزل انزل واذا ماتبي برايك احمد:لاتخليني بروحي فهد:وابويه عليك اقولك يالله فمان الله احمد:خلاص خلاص بنزل ونزلو ودخللو وسلمو ويلسو بو فهد يصاصر فهد بو فهد:ليش اتأخرتو.؟ فهد:الشيخ احمد يقول انا استحي بو فهد:توة يالس يحن على رسنا يبي اي احين يستحي فقته فهد:ههه اونه شو قولهم ان احمد مصخن وراح المستشفى بو فهد:هههه اهبل , وعقب الريال تمو يتكلمون عن السالفه الخطبة وجي عند الحريم: كانو كلهم ياين سارة:خالو نوال شحالج .؟ نوال:تمآم سارو كبرتي وبتصيرين عروس سارة استحت وتمو يسولفون وجي عند الريايل: بو راشد:انا موافق ماعندي مشكلة بس بنشوف البنت شو بتقول بس في عندي شرط بو جاسم ( اليد):آمر بو راشد:مآ يآمر عليك عدو ,بس انا مابي احين العرس بو عبدالله:متى تبيه ..؟ بوراشد:بعد ما البنيه تكبر شوي يعني بعد سنتين او ثلاث بو عبدالله:ها شرايك يا احمد .؟ احمد :همم الي تشوفونة ((اونه مؤدب)) بوراشد:ها بو فهد شو قلت ((قصدة عن خطبة راشد وسارة)) بوفهد:والله انا ماعندي مانع بس اشوف البنت اول شي بو راشد:خذو راحتكم وبعدني اتعشو وعقب ردو البيت فبيت بو فهد: فالميلس: بو فهد:شو قالو الحريم .؟ ام فهد:ماقالو شي بس رمسنا عن الخطبة وجي وانتوشو صار عندكم .؟ احمد:يقول ابوها ان مابتزوج احين ام عبدالله:عيل متى .؟ احمد:بعد سنتين او ثلاث ام عبدالله:انزين انتو شوقلتو.؟ فهد:ههه خالو اول مرة اشوف ولدج جي مؤدب قال الي تشوفوونة عبود:ههه شكلة يظحك كان احمد:جب جب ,,مادري شو بتسوي اذا رحت تخطب عبود:جب مالك خص فهد:ههه بقولكم احمد شو سوى اهناك عواش:شو سوى .؟ فهد:هههه احمدوا قول محسن:قول يلا ((على فكرة الثلاثي المرح ماراحو وياهم راحو صحارى خخخ )) احمد:جب جب بس شغال حق الفظايح فهد:بقول ابيهم يظحكون عليك ,,شوفو يوم رحنا اهناك كلهم دخلوا لا انا وهو تتوقعون ليش .؟ عواش:لييش.؟ فهد:يقولي فهد انا استحي ((اونه يقلدة )) كلهم :هههههههههههههههه احمد:لاو الله شو اتشوفوني نكتة حمد:هي عيل شو ,اونه استحي احمد:جب يلا جب ميرا:اقول سارو قومي نسير فروق سارة:يلا وراحو فوق وعقب بوفهد غمز حق ام فهد ((عشان اتروح عند سارة)) فهي فهمتها وراحت فوق فغرفة سارة: دق دق دق سارة:ادخل ام فهد:شو تسون .؟ سارة:ماشي يالسين ام فهد:ها امي سارة شرايج .؟ سارة:فشو .؟ ام فهد:بعد فشو .؟ فراشد سارة :ها ماعرف ام فهد:شو ماعرف انتي موافقة ولا سارة:امي عطيني كم(ن) يوم افكر ام فهد:انزين متى بتردين على خبر ؟.؟ سارة:إن شاء الله جريب ام فهد:انزين انا بخليكم وطلعت من الغرفة ميرا:شو بتوافقين.؟ سارة:خالو سهية قالت لي صلي اسبوع كامل صلاة الستسخار ميرا:انزين انتي احين كم يوم باجيلج .؟ سارة:تقريباً اربعة ايام ميرا:انزين فهال ايام شو كنتي تحسين .؟ سارة:مادريو الله ميرا:شو ماتدرين .؟ سارة:احس اني بوافق ميرا:وانا ابصم على العشرة انج بتوافقين سارة:هههه بعد يومين ملجتج شو مستعدة .؟ ميرا:يس باجر بنسير نتحنى سارة:وع ميرا:انا امووت فالحنى سارة:اخ لا لاتلوعين بجبدي ميرا:عداال جب جب سارة:اقول نامي باجر بتنشين من الصبح ميرا:صدقج يلا بونوي سارة:بونوي ونامو يوم الاثنين الصبح ساعة 9 ونص فصالهـ: ام عبدالله:يالله انروح .؟ ام فهد:انا جاهزة ام عبدالله:انزين احين منو بي ميرا:همم انا وعليا و مريوم مريوم:وخالو نادية ((ام مانع)) .. وخالو سهيلة((ام سالم)) وو خالو خولة((ام سعود)) وو منو بعد بي همم هي صح وعمو نوال وروظة ويدتي ام عبدالله:هم بيون بروحهم صح مريوم:هي ام عبدالله:عيل يلا مشينا وركبو ويا دريول وراحو الصالون ومناك تلاقوا واتحنو ووبعد ماتحنو كلهم راحو بيت بو فهد فبيت بو فهد كانو البنات يالسات فغرفة عواش والاولاد بعضهم فغرفة التلفزيون وبعضهم فغرفة مايد والحريم فصاله الي فوق والريايل فالميلس فغرفة عواش: سارة:ميرا شو شعورج .؟ ميرا:مستااانسهـ سارة:انا الي بعدي بس خطوبة ميت خووف رن تلفون مشاعل ترن ترن ترن مشاعل:هذا سعود وجان اترد مشاعل:الو سعود:هلا مشاعل:اهلين سعود:اقولج شعول تعالي تحت مشاعل:وين.؟ سعود:تعالي فسيارتي بسرعة مشاعل:اوكي وسكرو الخط هنادي:بلاه سعود.؟ مشاعل:يباني فسيارته..اكيد بنطلع يلا باي وجان تلبس عبايتها وشيلتها وراحت تحت يوم مرت تحت فصاله صالح:عفين .؟ مشاعل:ع حمر عين صالح:هههه صج وين بتسيرين لابسه عايبتج ومتكشخة مشاعل:اي متكشخة بس سعود يباني برع صالح:انا اقول ليش يوم رن تلفونه طلع مشاعل رفعت حياتها:اكدي في شي خلني اسير اطالعه وعقب طلعت وراحت صوب سيارة سعود وركبتها مشاعل:ها شوفي .؟ سعود:همم اقول مبرووك ولا اسكت .؟ مشاعل:ليش.؟ سعود:اخاف هال شي الي اقوللج اياه تظايقين بس نحن كلنا بنفر حاما انتي ماعرف مشاعل:اذا بيفرحكم اكيد بيفرحني سعود قام وباس مشاعل على خدها مشاعل:هههه بلاك سعود.؟ سعود:عطاها ظرف مشاعل:شو ها سعود:ورقة افتحيها وشوفي .؟ مشاعل كان قلبها يدق بسرعه يوم بطلع الورقة وقرتها صرخت مشاعل:وااااااااااااي مااصدق تطلقت سعود:بلاج مشاعل:تمت اتصيح سعود خاف:بلاج انتي ماقلتي ابي الطلاق منه ..ها هو سو الي تبينه وطلقج مشاعل:م وجي ياسعود انا خايفة من كلام الناس احين شو بيقولون عني سعود:اقولج انتي مو اول وحدة ولا اخر وحدة تتطلق مشاعل:ادري بس الله يستر على الياي شكلي بكون علج فحلوج الناس سعود:مشاعل ليش اتقولين جي انتي بعدج صغيرة وفي اميت واحد يتمناج مشاعل:يتمنون وحدة مطلقة سعود:لاتيلسين اتقولين كل ساعة مطلقة ومطلقه اشفيها المطلقة وانتي بس ملجتي عليه يعني ماصار بينكم شي مشاعل:انزين قلت حق ابوي سعود:لا بغيتج اول وحدة تعرف مشاعل:منو عطاك هال ورقة سعود:اتصل فيا هالي مايتسمى عمر وقلت له اي اهني وعطاني الظرف وراح مشاعل: بعد له اعين ايه هني مالت عليه سعود:خليه يولي مشاعل:انزين انا بروح داخل سعود:انزين وامسحي دموعج ولاتبين لهم انج تصيحين مشاعل:بتغشى سعود:اوكي ويوم بتروحين فوق نادي اماية وقوليلها وانا بقول حق ابويه مشاعل:ان شالله (( وكانت ادمع)) واتغشت ونزلت من السيارة يوم دخلت داخل كنت تمشي بسرعة عشان محد يرمسها بس صالح رمسها صالح:بلاج متغشية ..؟ مشاعل:ماشي ماشي ((وكان صوتها متغير )) وعلى طول راحت فوق صالح:بلاها عبود حس ان السالفة تخص عمر قال : لايكون مارظا يطلقها والله بروح اجتله هاا مانع:وين سرحت؟ عبود:ماشي وتم ساكت يفكر فالسالفة فوق: او ماصعدت مشاعل فوق قالت حق امها مشاعل:امي تعالي غرفة مريوم بسرعة وراحت على طول غرفة مريوم وامها لحقتها فغرفة مريوم: خولة دخلت شافت مشاعل ادمع خولة:مشاعل فديتج اشفيج ..؟ مشاعل على طول راحت فحظنا مها خولة خاافت وايد عليها خولة:بس امي اتعوذي من الشيطان ..شفيج شعوله.؟ شعول:امي ع ع ممرر طلققننني خولة:صج ..؟! شعول:هي وفهال ظرف ورقة طلاقي خولة:الحمد الله افتكينا منة ومن مشاكلة وانتي ليش احين امعورة قلبج واتصيحين.؟ مشاعل:امي صرت مطلقة .. احين كيف بروح الجامعة وبشوف ربيعاتي او هلي والله ماروم احط عيني فعينهم خولة:ليش المطلقة اشفيها ..؟ مشاعل:فيها كل شي خولة :ليش فيها كل شي .؟ مشاعل:الناس احين بيقولون اكيد طلقها لان سمع عنها شي مب زين او لان فيها شي او ايشي اتوقعي اي شي خوله:الله يهداج انتي وين يروح تفكيرج وفنس الوقت فالميلس: سعود دخل سعود:سلام عليك كلهم:وعليكم السلام سعود:بغيت اخبركم بشي سلطان:خير سعود شوفي ..؟ سعود:كل خير بس بغيت اقولكم ان عمر طلق مشاعل خالد:صج ومتى .؟ سعود:هي وتوة يه وعاطني الورقة خالد:انزين وين الورقة.؟ سعود:عند مشاعل.؟ جاسم:خبرتها ..؟ سعود:هي خالد:اكيد فرحت سعود:اي فرحت سوت لي فلم هندي خالد:اعرفها مشاعل اكيد احين يالسة فوق واتصيح حساسة بنتي سلطان:انزين سير لها خالد:ان شالله وطلع من الميلس وناد بأعلى بصوته: مشاااعل مشاااااعل مشاعل سمعت فنزلت هي وامها تحت والبقية يراقبون الوضع من فوق الدري مشاعل اول ماشافت ابوها راحت فحظنة وبتمت اتصيح خالد:ليش هال دموع.؟ مشاعل تمت اتصيح خالد:بس يبى باجر بيلج واحد احسن عنه صالح تجدم وقال صالح:يبى اشفيها .؟ خالد:ماعرفت.؟ صالح:ليش شوفي.؟ مشاعل قالت بصوت عالي:تطلقت يصالح تطلقت اختك صارت امطلقة الكل بطل عيونه واستانسو لان اتفكو من هالي مايتسمى عمر صالح:انزين انتي ليش احين اتصيحين لازم تستانسين لان اتفكيتي من هال بلوة و ثاني شي اشفيها المطلقة انتي مب اول وحدة ولا اخر وحدة تطلق سعود:قلت لها ..وميت بنيه اتطلقت وعقب يا نصيبها واتزوجت وتعالي شوفيها يايبة درزن عيال مشاعل قالت بألم:بس ..((تمت ساكتةشوي عقب كملت)) منو بيرظة ياخذني .؟؟ هني عبود مارام يستحمل فقام وقال عبود:انا باخذج ((ههههه فلم هندي .؟)) مشاعل:تطنز حظرتك عبود:والله ارمس جد انا اباج كلهم امبطلين عيونهم ومشاعل محمرة من الخاطر فهال موقف محد قدر ينطق أ لانهم مايعرفون شو يقولون بس اليد رمس سلطان: عيل اذا انت تباها انا انا موافق وهي من وين بتلقى واحد مثلك مشاعل هني امطله عيونها بو عبدالله:ها عبود .؟ عبود:شو ها .؟ بو عبدالله:انا الي توة سمعته صح . انك تبا مشاعل عبود:هي اذا ماعندك مانع بو عبدالله:اكيد ماعندي مانع من ويت بتلقة حرمة مثل مشاعل بو سعود:اوانا عن نفسي موافق مشاعل ترمس فداخلها واتقول :معقوله اتفقو بدون مايشاوروني لهلدرجة صرت لهم عاار>>فهمت الموضوع خطأ صالح:بلاج ساكتة رمسي قولي شي مشاعل:شو تباني اقول ..لهل درجة تبون الفكة مني سعود:نبي الفكة منج ليش .؟ مشاعل:عشاني مطلقة وخفتو اكون عاار عليك سعود من كثر ماهو مفول صفع مشاعل صفعه خلتها تطير صوب الثاني وعبود خلوه صوب صارخ وقال:مشآآآآآآآآآآآآآآعل وعقب شاف سعود بنظرة وعقب طلع برع البيت |
[grade="00008B FF6347 008000 4B0082"] مرحبـــــا الســــــــــــــاع [/grade]شحالج اختي غرشوبة قطر القصه طرررررررررررررر وما عليها كلام ونتريااا الباااااااااااااااارت |
تمام خيو اخبارك انت؟؟ والبارت بحطه بس ابي الردود^^ |
تسلمين ع البااارت الرووعة ونتريا الياااي |
يسلموو ع البارت |
| الساعة الآن 07:44 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir