|
روعه وأحسن شي ذئاب خبر أمه روضضه غمضضضضضتنننني لا تخلينهههاااا تأخذ القطريييييي حرامممم :( |
اقتباس:
آنتي آلآروع فديتج بطلتج على الروآيةة بتشوفي عآد كيف مسير الروآية بيمشي يمكن مع القطري تكون حيآتهآ آحسن ؟ مآندري وربج كريم . . + آعتذر ححيل آني للحين مآنزلت البآرت لاني للحين مآخلصته حآليآآآآ فآتحه الورد وقاعده آكملهه مآجذب عليكم مآبآقيلي وآيد واول مآخلصه بدقق ف آلآخطآء وعلى طول بنزلهه ان شاء الله حتى لو اضطريت اسهر . . تقربوني :45: |
آلبآرت الحآدي عشر .. بسرعهه صآر الصبح , حسيت جسمي بكبره متكسر من كثر مآنمت .. لهالدرجه كنت تعبآنة آو الصيآح خلآني اتعب اكثر ؟ , رحت وسبحت على السريع وبدلت وصليت عقب نزلت تحت جفت الكل متجمع حتى روضة بس يبين ان عيونها شوي وارمه انا متاكده انها كانت تصيح طول الليل , آلله يهديهم بس , صبحت عليهم بطريقه بآرده عسب اشفي غليلي .. آبوي يقرآ جريدته : مب من عآدتج جي تصبحي علينآ .. تميت سآكته قمت وصبيت لي شآي ورديت مكآني آبوي فر آلجريده : انتي فيج شي ؟ شي يعورج ! : مآفيني شي آبوي : عيل اكيد شي يعورج ؟ آمي : يآ علي خل البنت في حالها يعني شو بيكون فيها يمكن متكدره او جسمها يعورها من كثر الرقاد آبوي : بنتج فيها شي انا اعرفها قلبي حاس مررت نظري على الباقين موزة ومايد وعبدالله وروضة سحبت الشآي مآلي وطلعت من غرفة الطعآم , رحت قعدت برع بالقعده , حسيت اني مخنوقه وانا قاعده معاهم , جي ولا جي جريب بيون هذيلآك وبيآخذون روضة من البيت , جريب وآيد , سنتين ؟ صح سنتين وآيد بالنسبه للكل بس بالنسبه لي بتكون سريعه وخفيفه وممله , اكيد روضة عقبها بتروح قطر ومآبترد , الله يهديك يا ابوي شو قاعد تسوي فينآآ .. رن تلفون البيت وآمي رآحت ترد عليه .. آمي : آلو آم ذيآب : صبحج الله بالخير آمي مستغربه : صبحج الله بالنور والسرور , السموحه الغاليه مآعرفتج آم ذيآب : آنآ آم ذياب فديتج .. آمي استآنست : وييه شويخ وينج مآلج حسس , قطعتينا فجآه عسآج بخير آم ذيآب : وآلله انتي وحشتيني اكثر يبالنا قعده طويله يآ خيتي آمي : على هالخشم انتي تعالي اي وقت بيتنآ آم ذيآب : زين ان شاء الله بي اليوم بس انا داقه طآلبتنج آمي : عيني توصلج آمريني آم ذيآب : تعرفين ذيآب كبر الحين وهو خآطره يعرس آمي استآنست : هي وآلله فديته ذياب ماعليه شر انا مربتنه واعرف اخلاقه زين آم ذيآب ابتسمت اكثر : ولانج مربتنه وانا اعرفج عدل عسب جي اتصلت فيج , بصرآحة انا خآطري الهنوف بنتج تكون لذيآب آمي مصدومه ومستآسة بنفس الوقت : تصدقين يآ شويخ اني استآنست , بنتي مآبتلآقي احسن من ولدج وبعدين ذياب ماعليه كلآم بيحطها في عيونه ولو عمي عرف اكيد مآبيعآرض آم ذيآب : خلآص آنتي خبري علي وشآوري البنت , وخبريها ان نحن مب مستعيلين على الزوآج لو هي تبا تكمل دراستها , ذيآب قال بيخليها على راحتها وهو بيبدآ يكمل شغل ويضغط على عمرهه عسب يكون نفسه اكثر من جي ويعيشيها براحه آمي عينهآ تدمع : فديتكم يآ شويخ , ونستوني من الصبح , خلآص بشآور علي وعمي وبرد عليج خبر " تذكرت " ترى مآنسيت اليوم بتريآج في بيتي آم ذيآب : من عيوني بيج العصر فديتج آمي : تسلم عنونج , يلآ عيل اشوفج بعدين , مع السلآمة آم ذيآب : مع السلآمةة " وبندت " آمي راحت المطبخ وهي مستآنسة : بشآرة خييير الكل عينه متعلقه على امي , انا خلصت الشآي وكآن خآطري بآكثر ف سيده رحت المطبخ وكآنت توهآ آمي ترمس وآنآ وآقفه وراها بس مآحد انتبه لي لآن الكل كآن مندمج ويبون يعرفون الكلآم اللي آمي رآح تقوله .. آمي : آم ذيآب توهآ متصله وتقووول انهم يبون الهنوف ل ذيآب آنننصصصصب مآي باررررد على جسممممممي , آممممي شو تققققوللل ؟ ذيآآآآب وآننننآ , طآححح آلكوب اللي فايدي وآنكسسررر وانا مصدومه بس اطالع آمي , او بالاحرى ظهر امي لانها كانت مجابله اخواني وآبوي , مصدووممممممهه , كلهم لفوآ يطآلعوني ومستآنسييييين .. علي : بنتنآ غاليه وذياب يستآهلهآ .. آنآ موآفق عبدالله ومآيد بنفس الوقت وبسرعه : نحن بعد موآفقين آنآ مصدومه هذيل شو يخربطون ؟ ورآي آنآ وييييييييين !!!! مآيد مستآنس : الهنوف صلي استخآرة وخبرينآ لو ارتحتي , صرآحة ذياب ريال يعتمد عليه عبدالله يكمل : هي وطيوب وآيد ومعانا دوم يعني ماعليج خوف يوم بتكوني عنده موزة تكمل : وبعدين كل العايله تعرفه يعني بتكونين معانا دوم روضة ابتسمت : بيحطج ف عيونه وبتعيشين مرتآحححه آمي حضنتني : آنتي صلي استخآرة يآ بتني هاليومين عسب نرد عليهم خبر لو انتي موآفقه ولالا , ونحن بنشاور يدج بعد لازم هو يقول رايه .. قمت من حضن امي وانا معصبه : يددي ! , ليش بتشاوروآ يدي , ليش مآتغصبوني مثل مآغصبتوآ روضة ؟ ليش بس انا تبون تشاورون يدي بزوآجي وبزوآج روضة ماتبون يدي يعرف الا لمن الشي يصير رسمي .. مآيد تنهد قلت وانآ مب مهتمه للعوآقب : يآ يدي يعرف عن زوآجنآ نحن الثنتين , يآ بلآش هالزوآج من الاساس ! عبدالله : آبوي صدقهآ , لازم تشآورون يدي بزواجهم اثنيناتهم , يعني يدي لازم يعرف عن روضة والقطري وعن ذياب والهنوف .. آبوي : تجهزوآ بنروح بيت ابوي " وقآم عنآ بدون لآ يقول آي كلمه ثآنية " روضة تطآلعني وسحبتني من ايدي ورحنآ فوق واول مآدخلنآ حجرتي حضنتني وصآحت : شكرآ وآيد لآنج دوم آدآفعين عني وتوقفين وياي حتى لو كآن بويهه آبوي , انا احبج وصدقيني انا راضيه باللي يصير حتى لو خذت القطري بتمي في قلبي وبتواصل وياج دوم .. خوزتها عن حضني وجآبلتها ومسحت دموعهآ وقلت : لو وآقفتي على خآلد من البدآية جآن مآصآر كل هذآ روضة ابتسمت ودموعهآ تطيح : لو , خآلد خلآص مجروح مني ماشفتي كيف البارح يطآلعني , كنت اشوف الصدق ف عيونه كان يتهرب بس عشان ماشوف ضيقته " مسحت دموعهآ " الدنيآ نصيب يالهنوف , مب كل شي تتمنآه آنفسنآ بيصير ! ابتسمت لهآ : روحي تلبسي عسب مآنتآخر روضة : آوكي " وطلعت من الحجره " رحت وبطلت الكبت آول شي طآحت عيني عليه آلمخورة السودة سيده سحبتها ونزلت تحت وكويتها بروحي وكويت شيلتي وعبايتي وصعدت وانا شاله اغراضي عقب لبست وتعطرت وشليت فوناتي وعلى طول نزلت تحت اترياهم .. شوي ونزل مآيد عقبه بشوي نزل عبدالله عقب موزة وقعدوا ف الصاله يسولفون كنت وياهم لكن عقلي وقلبي مب وياي , قلبي يدق بقوه , يعني ذياب ماكان يلعب .. يعني ذياب صدق يحبني , احس الفرحه مآوآسعتني ماعرف شو اسوي او كيف اعبر عن ونآستي .. شوي وسمعت ! موزة : شفيج متوترة ؟ قلت وانا اتنفس بصعوبة : مآفيني شي عبدالله : كل هذا لان ذياب خطببج ههآآآ هههههههههههههه اطالعته بنظرآت مستحى : جب سخيف ! مآيد : طآلع شكلهآ عيل والله انه هذا السبب .. اطالعتهم ويتني الصيحه : عن السخافه خلوني بحآلي موزة : خلوآ عروستنآ بحآلهآ آطآلعت موزة واحمريت زيآدة : آيييه شو ها ماصرت عروس وعن هالكلآممم ! عبدالله : ههههههههههههههههههههههههههههههههههههه والله هالبنآت مآصخآت بصرآحةة آطآلعته : عيل بنجوف يوم بتخطب كيف بتكون خطيبتك عبدالله ابتسم وكآنه وآثق : بتكون آجمل الجميلآت وجريئه بعد ! آطآلعته وابتسمت عاد ماجاف الا مثآيل تكون جريئه ؟ : آنزين آوكي يالوآثق أنته مآيد : انا خلاص خذت ملكه جمآل العآلم ومكتفي موزة استحت انا وعبدالله نطآلع بعض عقب ضحكنآآآ من قلب : هههههههههههههههههههههههههههههههههههههههههههههه مآيد يحك راسه : بس جب عن تذوب حرمتي الحين جدآمكم عبدالله : عيل ليش تغازلها جدآمنآ .. نزلت روضة وكلنا لفينآ لمآ قالت روضة : آبوي يقول نسبقه بالسيآرة بي هو وآمي بروحهم .. آطآلعت روضة وانا مصدومه , كيف يتها الجراه تتعدل ؟!!!!!! عبدالله مبطل عيونه : آويه روآض محلوه يخرب بيتتتتتج مآيد يطآلع موزة : سوي نفسها اذا المكيآج بيخليج حلوة موزة رفعت حياتها : بخصوصصصصصصصصصصصصصصصصصك !!!!! : هههههههههههههههههههههههههههههههههههههه عساس توك مآخذ ملكه جمال العالم والحين تباها تحط مكيآج عبدالله : هههههههه يآخي ميود انت يآ زفت الططططين اتحرك بسيارتك انت ومرتك وانا بشل البنات وياي يلآ طلعوآ مآيد وموزة بسيآرتهم , وانا وروضة ركبنآ مع عبدآلله وكنآ نسولف بس روضة كانت هآديه , انا ادري هي ليش حطت مكيآج ماتبا يدوه تشوف ان عيونها مورمه وويهآ بكبره محمر من الصيآحح , آختي وحآفظتنهآ عدل , تنهدت عقب قعدت اسولف مع عبدالله رغم ان دقات قلبي كل مالها تتزايد كل ماتذكرت ان ذياب بيكون لي وآنآ له , مآقدرت استحمل حسيتني بصيح من الونآسة طرشت مسج لغايه [ غايه تعالي ضروري بيت يدي الموضوع مآيتآجل ] ونفس المسج لمهره بس غيرت الاسم ! كنت اباهم يمبي كنت لازم اطلع آلطآقة المخزونه ف قلبي من زممممآننننن , اذا حيآتي بتكون مع ذياب مابي دراسه ولا ابي شي بس يكفيني ذياب وقربه ونبضه وصوته وحنآنه وكل شي يخص ذياب , شعور جميل ان كل شي يخص ذياب بيكون يخصني ف المستقبل .. آآآه متى اوصل بيت يدي واسمع راي يدي بالموضوع , الدرب طويل آفففف !!!! . . فهد يمسح على لحيته وهو يرمس بالفون ويقول : آمييه نوف مآصحت كيف تبيني اتخلى عنهآ وآي عندج ! آمه : ببس آنت لآزم ترجع خل علآجهآ يكون هني يمكن تصير آحسن بفضل دكآترة دبي " بخبث " يمكن انا اعرف مستشفى بيساعدهآ وآيد .. فهد بآمل : قولي ! آمه : شو رآيك تحطهآ بمستشفى الامل احسهم وآيد يعطون الامل ل مرضآهم ويسآعدونهم .. فهد عصب : مآبوديهآ هالمستشفى حرمتي مب مينونه ! , آمآية انا ببند بروح اشوف ولدي عقب بشوف حرمتي اخليج آمه بعصبيه : عيل تبعد عني عشان حرمتك فهد : حرممممتي مريضه متى بتقدري هالشي اول مابترجع لها ذاكرتها , بنرجع كلنآ وبنتم عندج آمه : زين يلآ بآي " وبندت ف ويهه " فهد تنهد : استغفر الله العظييييييييييييييييييييييييييييييييييييييييم قآم فهد تلبس وبدل لبس ولده وطلعوا بثنينهم عقب مر وشرا لولده حلآوة عقب على طول رآح المستشفى ودخل على غرفه نوف وجآفهآ منطوية على نفسهآ .. فهد : نوف نوف رفعت راسها وردت على ورى بخوف عقب لمست شعرها وجافت انها مب لابسه شيله على طول انخشت تحت اللحاف فهد قعد على الكرسي اللي حذال الشبريه عقب على طول دخلت عذاري .. عذاري : آوه فهد انت هني ؟ ماكنت اعرف فهد تنهد : مب مشكله حيآج دكتورة عذآري تطآلع ملف نوف وضحكت لما جافتها منخشه تحت اللحاف وتقول نوف : آبيييه دكتورة انقذيني انا ماعرف هذا دش عندي الحجره وانا مب لابسه شيله عذاري : طلعي من اللحاف وبخبرج نوف طلعت ايدهآ وهي تاشر ب لآ : حرآم يشوف شعري عذآري رآحت وبطلت الكبت ويابت لها شيله وتحجبت تحت اللحاف وغطت جسمهآ لان الشمد كآن وآيد كبير وطلعت وهي تطالع الدكتورة .. عذآري : انا باخذ عنكم اليآهل وبروح وانتوا خذوآ رآحتكم نوف : لحظة , منو هذآ بالاول ؟ عذآري : ريلج " شلت الولد وطلعت " نوف تطالعه بخوف : أنت شو تبا مني كل يوم يت تزورني انا ماعرفك .. فهد طلع من بنطلونه صوره ومدهآ لهآ : شوفي عقب احكمي انا منو نوف بطلت الصورة وانصدمت لما جافت نفسهآ في فستآن آبيض وحذالهآ فهد قلبت الصورة وكأن مكتوب عليها تاريخ زوآجهم ومكتوب اول حرفين من اساميهم .. وسمآيل فيس هي كانت رآسمتنه .. نوف : آآ .. شوهذآآ .. مآصدق .. لآلآ انا ماعرففك " صرخت " مآعرفك هالصورة مركبه .. !!!! فهد تنهد وقال بفقدآن آمل : خلآص عطيني الصورة نوف قطعت الصورة وفهد يطآلعهآ وهو مصدوم : هذي فيها صورتي وانا جسمي مبين وشعري كله طآلع حرام انت تشوفهآ فهد تنهد وحس لو تم زيآدة بيختنق ف على طول طلع من الغرفه وشل ولده من عند عذآري وروح .. عذآري يت الغرفه ويوم جافت الصورة انصدمت كيف موزعه على السرير ومفتته كلهآ : نوف شو سويتي ! نوف تصيح : دكتورة هذا جذاب مركب صورتي وانا لابسه فستآن ابيض وشعري وجسمي وكتوفي طآلعين انا باخذ اثم من ورى هالصورة , دكتورة طلعيني دخيلج دخيلج مابا حد يزورني هالريال يخوفني اخاف اي فليل ويسويلي شي دخيلجج .. عذآري : تمي هالفترة هني ف المستشفى لين مآلآقي بيئه تلآئم حآلتج عقب بوديج مكان فيه بنآت من عمرج وبحطج عندهم آوعدج كل شي بيتغير جريب بس انتي صبري هالفترة انزين ! نوف تمسح دموعهآ : خلآص عشانج دكتورة بتحمل هالفترة وهالريال عقب بطلع وبتعرف على بنات وابا اعيش معاهم مابا شي ثاني عذآري ابتسمت بتعب وطلعت من الغرفهه رآحت فصخت اللآبكوت مآلهآ وتحجبت عدل وحطت كل الملفات على طرف وطلعت من المستشفى بكبره متوجهه لشقتها .. وهي تمشي بالدرب تذكرت البارح شو صار معاها هي وحمد وتمت مستآنسة , مآتوقعت ان " غدآ " بيغير وايد اشياء في حياتها , حمد بالنسبه لها شي عظيم , شي مستحيل تعيش بدونه , وهي وايد مرتآحه معاه خاصه انهم متفاهمين وهو مقدر شغلهآ ووضعهآ ويسآعدهآ ودوم يكون وياها وهي قررت انها دوم تسآنده وتعآونه مهمآ يسوي فيها بتم تعشقه للآخير .. . . شمسه تصيح ومن البارح مآ نآمت وسعيد قآعد حذالهآ ويهديهآ .. سعيد : خلآص حبيبي آليوم بوديج عندهم بس لآ تقعدين جي تسوين في نفسج شمسه تصيح : يآههل هذآآ كيف صآر له الربو كان بيموت البارح دخيلك ابا اسير اجوف اخوي اترجاك سعيد تنهد بتعب : خلآص بوديج بس لآ تصيحين شمسه تقوم وتطلع شنطه : يلآ روح آحجز لازم اشوف اخوي اخاف يروح منا وانا ماجفته ! سعيد قآم وحضنهآ من ورى : حبيبي هدي اعصابج والله بروح بس انتي لا تقعدي تصيحين شمسه قامت من حضنه ولفت وخشت راسها ف صدره وقعدت تصيح : انا اسفه ماخليتك تنام بس خرعوني فليل اتصلوا لي و قعدوا يقولون لي على اساس انه كان بيموت خلاص وبيروح منا وانا ماجفتتتته سعيييد , صعب اني اخسر اخوي دخيلك سعيد آفهمني سعيد يمسح على ظهرهآ : خلآص حبيبي وعد اليوم اروح احجز بآول طيآرة لآسترآليآ عشان تشوفين آهلج جي زين شمسه بعدهآ خاشه راسها في صدره : آنزين , سوري البارح مآخليتك تنآم احسك تعبآن نآم شوي " قآمت عنه " روح نام يلآ سعيد : لآ بتم ويآج شمسه : مآعلي خوف سعيد سحبهآ : عيل بنام مع بعض شمسه ابتسمت ورآحوآ ومن كثر التعب وصيآح شمسه نآموآ على طول .. . . مهره : ريموهه , يالزفته ليش مآيتتتتتي ! ريموهه : هئئئئئئئئ مهآري والله العظيم كنت بالملجه انا وآمي مهره : ليش مآيتي تسلمي علي عيل ريموهه : استحيت فشلة مهره : سيري لآه من شو تستحين بعد ومن متى ؟ ريموهه : خيرها بغيرها يالدبه بس بيني وبينج ريلج طررر يآخخخييي مهره مآخذت الكلآم بمحمل الجد : عآدي مرته طرر هههه ريموهه : مآلت عليييج يالدبهه , صرآححة حظج قآم , آول مرة اعرف ان حظج حلو مهره : احم احم من يومي , ويت ريومه وصلني مسج " قرت المسج وقالت " هذيل اهلي يبوني اروح بيت يدي بكلمج من ارد انزين ريموهه : آنزين وديري بالج على نفسج .. مهره : وآنتي بعد , يلآ مع السلآمة ريموهه : مع السلآمة " وبندت عنهآ " . . لطيفة فتحت الباب على غايه وجافتها شو قاعده تسوي عقب لقتها تتعدل قالت لها : بسم الله , شو تسوين من الصبح على وين ان شاء الله ؟ غايه شوي شوي ترمس لان اسنآنهآ بعدهآ تعورهآ : بيت يدي لطيفة : آوكي بروح ويآجج " وطلعت عسب تجهز " آففففف وين رآحوآ وين حطيتهم " تذكرت " بالملحق " نست آن ظآهر ف الملحق وعلى طول ركضت الملحق وفتحته ودخلت وتذكرت ان ظآهر هني كنت تبا تطلع لكن مستعيله تبا تدور اساورها وجآفت منظر ظآهر وهو راقد وفوقه الياهل وكآنوآ لابسين ابيض كآن شكلهم كيوت تمت تتأملهم شوي بس لمآ حست بحركه من ظآهر على طول راحت وخذت اساورها وشردت برع قبل لا حد يجوفهآ " آففف زين مآرحت وطي ! غايه تدورها ولقتها توها داخله من الباب : يلآ لطوف تفكر في منظر ظآهر والياهل وتمنت لو كآنت شاله كآمهآ عسب تصورهم : صبري ببدل على السريع وبيج راحت فوق وبدلت وعلى طول ونزلت تحت ورآحوآ مع بعض بيت يدهم .. . . مثآيل تلعب بفونهآ ومن الملل طرشت مسج لعبدالله ( يعني معقولة يآ غآلي كل هذآ ومآحشتك ؟ ) عبدالله ابتسم على المسج ورد عليهآ ( وحشتيني لكن آكآبر ) مثآيل ( مابسافر صدقني بس لا تقعد جي تسوي فيني ) عبدالله ( بنتفاهم عقب , تعآلي بيت يدي وبنرمس هنآك .. ) مثآيل ( تخبلت عن حد يجوفنآ ) عبدالله بعنآد ( مآعلينآ من حد , ومآيهمني حد , بتريآج هنآك عسب نرمس بهالموضوع مطولآ ) . . ذيآب كآن يرمس بالفون : عآمر هب نآوي ترد ؟ عآمر : لآ مستقر مع الحرمه هني وعيالي بعد يدرسون مآفيني اخرب النظآم عليهم , عاد مادري لو عقب برد يصير خير ! ذيآب : ومآفكرت فآمي اللي مآجآفت عيآلك للحين ؟ عآمر : ذيآب بني جريب لكن انا ماقدر اهد شغلي وبيتي واستقر عندكم ؟ , بنيكم زيآرة جريبة انا والحرمه والعيال لا تحآتي ذيآب : آتمنى هالزيآرة تكون بآقرب وقت ممكن لآن حتى سعيد رجع مع مرته عآمر : ههههه سعيد سوآهآ فآمي عيل هآآ , وآمي الحين شو متقبله الاوضاع ومتقبله مرته ولآ ؟ ذيآب : هي الكل متقبلنهآ وحبهآ , آلمهم آخليك الحين وسلم على مرتك وبوس لي حبآيب عمهم آوك عآمر : آوك وآنت سلم على امي وابوي والاهل كلهم , يلآ مع السلآمة ذيآب : مع السلآمة .. . . دخلنآ بيت يدي وآنآ قلبي يدق , بعدهآ ب شوي وصلوآ آمي وآبوي وكلنآ قعدنآ فالصآلة ويآ يدي بعد فترة , آوردي يدوه اول مادخلنا كانت موجوده وتقرب فينآ وتسولف ويآنآ .. كنت احس قلبي ف كفت ايدي , احسه في نبضآته , اسمع نبضآتي من آذني , حسيت كل جسمي ينبض وقتها , يدي شو بيقول عن ذيآب , يالله تعينآ برحمتك ! يدي : خير ابويه ياين من الصبح اليوم شي صاير ؟ آبوي : تعال ابوي ابا اشاورك في شي يدي قعد حذآل ابوي : تنطق يآ علي شو صاير .. ابوي : بنآتي كبروآ , وتقدموآ لهم ريآيل وابا اشاورك يدي يطآلعني انا وروضة ونحن نتمنى الارض تنشق وتبلعنآ , يآخخخي ليش نحن جي يصير لنآ ؟ ليش مايقولون بروحهم ليش نحن لازم نكون بالموضوع ؟ هه مآكآني انا اللي اقترحت هالموضوع ! آبوي : منو اللي تقدم لروضة ! آبوي : عرب قطرييين ولد الـ ***** ولد ربيعي اللي انت تعرفهه يدي ابتسم وكآن علآمه رضآ على ويهه وقآل : والهنوف ؟ ابوي ابتسم : ذيآب ! يدي لف بسرعه صوب ابوي ومصدوم : ذيآآآآآآآآآآآآآآآآب !! آبوي : هي ذياب يدي : بصرآحة انا موآفق على ذيآب آنآ آطآلع يدي مصدومه .. يدي : هي ابويه لا تطآلعيني جي , ذيآب انا مربنه واعرف اخلاقه ولو آدري آنه مآبيسعدج جان مآعطيتج اياه هذا ريال وينشد فيه الظهر وبعدين هو تربيت يدج يعني ماعليه خوف .. ابتسمت ونزلت راسي وقلت : شورك وهدآيه الله آبوي استآنس : وشو عن روضة .. يدي : بفكر بموضوع روضة تريوآ علي شوي ! يدوهه قآلت : وينه خآلد ؟ بعده رآقد يدي : هي راقد فوق آستغغغرببببت شو اللي يايب خآلد عند يددديي , , شوي وخآلد نآزل ويبين من عيونه آن فيه شي سلم علينآ وقال ليدي انه بيروح عقب بيرد له وسيده طلع .. حتى آبوي لآحظ آن خآلد فيه شي .. آبوي : ابويه خآلد شوفيه ؟ هالولد اليوم مش طبيعي يبين عليه يدي : مافيه شي الولد لآ تفآلي عليه يآ علي ! آبوي يطآلع يدي وهو متاكد ان يدي يعرف شو فيه خالد لكن مايبا يخبرنا وسكت وسوا طاف للموضوع وقال : لآ تنسى تفكر بموضوع روضة لان العرب يبونآ نرد عليهم خبر .. يدي : آن شاء الله آبوي وامي قاموآ وقال ابوي : نحن بنروح المزرعه .. " ورآحوآ " عبدالله يطآلع يدي : شفيه خلود ! يدي : قلت لكم الولد مافيه شي لا تقعدوا تتخبروا عنه يدوهه سكتت .. مآكآنت تتكلم , , من متى يدوهه مآتقول شي !! موزة قآمت : يلآ انا بروح عند الدكتورة تآمرني ب شي يدي ؟ يدي : شحقه دكتورة عسا ماشر يابنتي موزة : ترى بسافر معاكم ولازم تعطيني ابره تثبيت حمل ف بروح من اليوم لان الاسبوع الياي بنسافر ولا نسيتوا ؟ روضة شهقت : الاسبوع الياااااااااااااااي انا ماشرييييييييييييييييييييييييييييت شيييييييي عبدالله : عقب بوديكم عن الصدعه قلبي مآكآن ويآآآآآآآآآآآآآآآآآي يآآآآآآآآ عآلممممممم انا ملككك ذيآآآآآآآآآآآآآآآآب وذيآآآآآآآآآآآب بيصصصصير ملككككي , الشي اكبر من آن عقلي يستوعبهه الحين , يآربيييه الله يديم علي هالوننآسسسه .. عبدالله ضربني على راسي قعدت امسح عليه : آففففففففففففففففففف شو تبا عبدالله : لآحقه تفكري بذيآب لا شعوريآ حطيت ايدي على حلجي وقلت : شو درآكككك !!!!! عبدالله رفع حياته : يعني تفكرين فيه افتشلت : لآلآ طبعآ افكر باللي بيصير على جدآآآممم مآيد : برخصتكم عيل " سلم على يدي هو وموزة ورآحوآ " يدي : وشو عليه لو فكرت بريلها انت شو يخصك يلآ انت شد حيلك واخطب بعد فرح ابوك عبدالله : لآ مابا لآحق ابا اكون نفسي اول يدوهه قامت وكان يبين عليها ان متضايجه سيده قمت وراها يدي : على وين ؟ : بروح عند يدوه شوي ويايه .. " وسيدة رحت دورتها كآنت ف حجرتها واول مادخلت لقيتها تمسح دموعهآ " يدوهه يدوهه تمسح دموعها بسرعه عسب مالاحظهن : دخلي يا بنتي رحت صوبهآ وقعدت : شفيج يدوهه مب من عوآيدج جي تكونين ؟ يدوهه : مافيني شي يا بنتي قلبي يعورني على اخوج استغربت : آخوي ! يدوهه : آطري خآلد شفيج انتي ماتستوعبين سرعه يتني الضحكه حتى وهي متضايجه لازم تهزبنآ : آنزين شفيه يدوهه سكتت : خبريني يدوه صدقيني مآبخبر حد يدوهه تكآبر : وشعنه انتي لازم تعرفين سوالف الكبار , انا ادريبكن انتن مآتيودن لسآنكن بتخبرين المهره وغايه ومثايل : انزين انا بقولج وانتي قوليلي اذا هي ولالا يدوهه : سمعيني : كآن متضايج لآن روضة بياخذها القطري صح ! يدوهه مصدومه : وآنتي كيف تعرفين ؟ نزلت راسي : يدوهه هو يحبهآ وانا اعرف , حتى غايه تعرف , قال لغايه مرة ان روضة في خاطره , وانا ماكنت متوقعه انه بي عندكم وبيخبركم .. يدوهه تصيح : هو مآخبرنننآ , سمعنننآه يهآذي بها وهو رآقد وكآنت آنفآسه مب طبيعيه .. آلحمدآلله انه يا ينام عندنا مادري لو راح بيتهم شو بيصير فيه : يدوه الدنيا قسمه ونصيب |
يدوهه تمسح على كف ايدي : ادري يا بنتي بس بعد القلب ومآيهوآ : يدوهه تتوقعين يدي بيرفض القطري , عشان روضة تكون لخآلد ؟ يدوهه : خلاص سكري هالموضوع عن حد اي ويسمعنآ , اللي الله كآتبنه بيصير ابتسمت : وآلنعم بالله .. انزين يدوهه ايب لج غايه يدوه يودت راسها وقالت : لآ دخيلج الا هالبنت غايه بطلت الباب بهدوء ودخلت وكان نص ويها شوي منتفخ بسبب آسنآنهآ والمخدر ومادري شو ودخلت وسلمت على يدي وهذيل وخبروهم ان نحن فوق ويوم صعدت يدوهه مصدومه من شكلهآ وسيده قامت صوبهآ خيفآنه تتحسب شي صابها وهي مآتدري .. يدوهه تيود خدهآ الثاني : بسم الله عليج آميه شو صابجج , شي يعورجج غايه بتعب : م..آشي : يدوه البارح اسنان غايه عورتها ف ودوها المستشفى والحين تعورها يعني مابترمسج وآيد يدوه صآحت : علني ماخلى من هالبنت عله فيني ولا فيييج يآ نظر عيني انا اطالع يدوه مصدومه شفيها اليوم تصيح ؟ توها ماتبا غايه وقبل كله تضاربها وتسبها والحين كل هالخوف , سبحآن الله رغم عصبيتها علينآ وهزابها الزآيد الا اني احس انها اكثر وحده تخاف علينآ وتحبنآ سكتت .. مهره دخلت عقب غايه وسلمت على يدوه ويدوه نزلت وخلتنا نسولف ف غرفتها .. مهره وغايه يطالعوني وقالت مهره : يلآ تنطقي شو صاير .. خذت نفس عميق وحسيتني متوترة وقلت : ذيآب تقدم لي والكل موافق عليه غايه بطلت حلجهآ وطلعت القطنه وصرخت : شوووووووووووووه ! مهره مصدومممه : آحححححللللللللللللللللللللفيييييييي خذت نفس : هي والله تقدم لي ويدي وابوي موآفقين وانا وافقت .. غايه يات تقعد حذآلي : ليش نحن مب اول ناس نعرف : لان ماكان الشي رسمي وقالوا اول شي بيشاورون يدي ف لو يدي ماطاع يعني مآشي بيصير ف قلت يصير كل شي رسمي عقب اققولكممم غايه ومهره عفدوا علي وحضنوني وتموآ يبآركوآ لي وانا احس ويهي محترق من الفشلة .. مهره : آكيد مستآنسة عآد غآيه : انا اللي مستآنسه يبوج هالبنت تستآهههلل نزلت راسي وقلت : غايه شفتي خآلد ؟ غايه بخوف : لآ شي فيه ! : حسيته متضايج كان نايم عند يدي غايه : آممم خلاص نغير الموضوع يعني شو بيكون غير هذاك الشي ! مهره : شو هذاك الشي مآفهمت آطآلعت مهره وقلت : روضة آختي مهره : هو للحين يباها يعني .. آنآ وغايه قلنآ بنفس الوقت: ترآهه يحبهههآ بعد شو ! مهره فآجه حلجهآ : يالكلبآت وليش انا اخر وحده تعرف , المهم يلآ شدوآ حيلكم وقربوهم من بعض او سوا خطتكم القبليه انكم تغصبونهم على بعض ههههه غايه : انا ماقدر اسوي جي اخاف يدوهه تعصب علي وبعدين خلود لو عرف بيآكلني ! ابتسمت : خلآص خلوآ الموضوع علي انا بعبي راس يدي وبخليه يخلي روضة لخآلد غايه فجت حلجهآ بونآسة : حلفي حلفي , والله لو سويتيها ببوس راسج جدامهم كلهم خقيت : آووويه آوكييي ههههه اححلى تحدي مهره تلعب باصآبعهآ : محمد اليوم بيسآفر , آفففففففففف حتى مآجفته : طآعوآ هاي على اساس قبل الملجه بتموتي من المستحى ! مهره : آنتوآ جب راعيات مشآكل محمد دخل بيت يدي وسلم على اللي تحت وقآلوآ ل روضة تي تنآدينآ .. روضة ركضت فوق وبطلت علينآ الباب بدفاشه وقالت روضة : محمد تحت يبا يسلم عليكم قبل لا يروح يلآلآلآ مهره فزت : هآآآآ روضة : عن الغباء يلآ هو تحت سرعه يدي يقولكم ! نزلت غايه عقب انا اخر شي مهره وسلمنآ عليه وكانت يايه معاه مثايل دخلت عقبه لانها كانت ترمس ربيعتها منار بآلفون , سلمت علينآ وقعدت , عقب مهره ومحمد طلعوآ برع .. محمد : ديري بالج على نفسج وبحآول ادق على صالح وآكلمج مهره بضيج : آنزين دير بالك على حآلك وكل عدل ولا تقطعنآ الله يخليك محمد : آن شاء الله " باسها على راسها " يلآ مع السلآمة مهره : مع السلآمة .. محمد شوي شوي اختفى عن عينهآ , تضايجت دمعت عينهآ شوي بس مسحت دموعهآ وتمت تدعي له في خآطرهآ آن الله يحفظه وان مآيصيبه شي عقب دخلت عند البنآت .. مثآيل : انا بروح وبرد " وطلعت " عبدالله رن تلفونه وطلع عسب يرد عليه بس يوم جآف مثآيل جدآمه تم سآكت .. مثآيل لفت لما سمعت تلفون حد يرن وانصدمت آنه عبدالله وافتشلت وآيد : عبدالله تلفونك ! عبدالله بنده وحطه بالمخبى : تعآلي بنتكلم مثايل : دخيلك لآ , وآلله اخاف بيآكلونآ لو جآفونآ مع بعض عبدآلله قال : مآعلينآ خوف بنرمس شوي وبتروحي مثآيل نزلت راسها وتمت تمسح ايدهآ بالكلينكس : آمر عبدالله : آمممم آذآ تبين تسآفرين سآفري خلآص عادي عندي مثايل رفعت عينهآ مصدومه .. عبدالله : بشرط مآتتآخرين هنآك وتطمنيني عنج مب تغيرج الغربهه مثايل مستآنسه : لآ وآلله مآبقطعك وبكلمك كل يوم بعد , مستحيل اتغير عليك عبدالله ابتسم : خلآص هذا اللي كنت بقوله لو تبين تروحي روحي .. مثآيل ابتسمت ابتسآمه حلوة : شكرآ وآيد عبدالله عبدالله : آلعفو مثآيل ركضت داخل وقبل لآ تدخل عندنا الصآله انقلبت كلنآ ضحكنآ عليهآ حتى يدي ضحك .. يدي : شو عآيلننننج يا بنتتت مهره : هههههههههههههه آختي المسلمه مستآنسه ونسينآ ويآجج يآخي مثآيل تمسح يبهتها : جب جب ااه يعور وآلله , الله يغربل دفآشتي عبدالله شاف الموقف وتم يضحك عقب دخل وراها بشوي وقعدنآ نسولف كلنآ .. لطيفة : يدددديي , ليش مآتروح معانا تآيلند ؟ بتسوي فحوصآت وبنطمن عليك وآلله يدي : المرة اليايه ان شاء الله .. لطيفة : آن شاء الله مهره : يبالنا نروح هالفترة نشتري اغراض للسفر وحلآوة وهالشغلآت لان عقب مآحد بيطلعنآ عبدالله : خلآص بوديكم عقب مهره : خلآص بنروح بسيآرتيين احسنن , انا ومثايل وغايه والهنوف ولو لطوف بتي والباقين معاك عبدالله : خلآص تمام مثآيل تلعب بتلفونهآ وتضحك يدي : يآ بنتي شو اللي يضحكج مثآيل : يدي شوف هالفيديو , ربيعتي مصورة ولد اختها شو يسوي ف اخته " فتحت الفيديو ويلست ترآوي يدي " يدي ضحك : هههههه حرآم عليييه مثآيل : وآلله آن اليهال كتله جمممآل فديتهم يدي : عقبال ماتخلفين لنا واحد مثايل افتشلت : آن شآء الله .. . . برع البلآد .. حطت آيدهآ على فالرف العلوي تبا تدور سماعاتها عسب تشغل القران وتقعد تسمعه , لكنهآ بالغلط فرت الابجورة من فوق وآنكسرت .. تكورت على نفسهآ وبدت تصيح .. ابوهآ دق الباب عقب دخل ويوم جآف ان الابجورة انكسرت وان هي متكورة على نفسهآ وتصيح : مريوم حبيبتي مريوم تصيح : لآتكلموني عن عمآي , انا ادري اني دفشه لكن انا المفروض اكون متعودة " صرخت " انا اتآآآلمممم لكن متصبره آمهآ من ورى البآب كآنت تسمع وتصيح , مآتعرف شو تسوي عسب بنتهآ تصير آحسن ومآتضآيج ولآ آي شي .. آبوهآ تجدم صوبها وقعد يلقط زجاج الابجورة اللي متناثر فالارض عسب لا يجرح حد : انا قلت لج بسوي لج العملية مريوم تنهدت وتحس بضيج : قلت لكم مابا هالعملية نحن ماعندنا ميزآنية كيف بتسونهآ ؟ آمهآ دخلت : بندبر حالنآ يا بنتي ولآ آنج جي تكونين .. مريوم : لآ , انا بعتمد على نفسي , بروحي بسوي لي العمليه مابي يكفي انكم مب مقصرين معاي في شي وفوق ها انتوا للحين تربون اخواني الصغار اما عن الكبار فكل واحد منهم يعتمد على نفسه واتمنى ان يتطوعوا لو مرة يسآعدونكم آمهآ : نحن مانبا مساعده من حد " شلت بنتها وحطتها على السرير وقعدت تمسح على راسها " ربج فوق وربج كريم مريوم : وألنعم بالله اميه آبوهآ : شو كنتي تبين من هني ؟ مريوم : كنت ادور السمآعآت عسب اشغل قران واسمعه وانام ابوهآ فتح المسجل وحط لها على اذاعه القران وتمت تسمع وهي تدمع لكن هم طلعوآ عنهآ .. آمهآ دمعت : لي متى جي بتم بنتي .. ابوهآ يربت على كتف آمهآ : جريب بنتنهي هالمعآنآه صبري فرجهآ عند ربج قريب باذنه , آلله يشآفي بنتنا ويعافيها يارب آمهآ دمعت : يآآآآآآىرب . . سيف : حمدآن نش فونك انحرق من كثر مآ يررررن اففف منك جد جد مخيسه رقآد عنبوك زآد حمدآن لف على يساره وشل التلفون ورد : آلو غالية : حمدآن شخبارك , وحشتني طمني عنك حمدآن : بخير , انا راقد بكلمكم بعدين غاليه : آويه عيل سوري آزعجتك , آميه تسلم عليك , يلآ مع السلآمة " وبندت " سيف : حمدآن قووم خل نحآوط شوي اليوم فليل بنرد لندن يلآ نش حمدآن : تصدق اني عفت لندن اففف " قآم ورآح الحمام تغسل وطلع " وين تبانا نروح ؟ سيف : مآعرفك , ندق لذيآب ؟ حمدآن : دق له شوف لو بيطلع ويانا ولا لا , لو مآبيطلع ويآنآ بنطلع بروحنا بتكسي سيف يود تلفونه ودق لذيآب ورد عليه على طول : آلو ذيآب يبين من نبرته آنه مستآنس : آلو سيف : له له ياريال شو مونسك على بكره الصبح هيك ؟ ذيآب : كح كح خطبت سيف : شتتتتتتتتتتتتت آحححححححللللللللففففففففف !!!!! ذيآب : وآلله حمدآن بفضول : شو صار خبرني سيف : ذيآبو خطب .. حمدآن : حيوووآننننن شو خون فيييننننآ ع اساس عزآبيه لين مآنصك الثلآثين , المهم خل نطلع نحتفل فيه عيل سيف : هي وآلله , آقول ذياب خل نطلع نحتفل فيك وبمآ آنه آخر يوم لنآ هني ذيآب : خلآص آوكي , خلكم جآهزين , بمركم على الساعه 11 .. سيف : آوك يلآ مع السلآمة ذيآب : مع السلآمة " بند " سيف : فز يلآ ذيآب بيمر يآخذنآ الساعه 11 .. حمدآن : تممآممم .. " شل تلفونه وطلع من الحجره عسب يكلم اهله اما سيف راح يسبح " . . منآر كآنت تآشر على العطور وكل ساعه يبون لها وآحد وتشمه اخر شي اختارت كذآ عطر ودفعت عنهم وطلعت وراحت عند خواتها الكبار كانوا ف محل ثاني كانت هآديه وآيد , يعني هم يشترون وجي ف ماحبت تزعجهم .. طريفه : منآر حبيبتي مآتبين شي ؟ منآر : لآلآ شو وين عندنا يهال بالبيت , انتوا اشتروآ لعيآلكم , انا ما وراي شي " فكرت " آممممم انا بروح هني محل داماس جريب منكم اوكي اذا بغيتوا شي اتصلوآ .. سحر : منآر عن تضيعين , دقي طمنينآ اوك منآر : مآبتآخر آختي لا تحآتي " وطلعت عنهم ورآحت محل الذهب وتمت تطآلع عقب شآفت حيول " اللي هي اسوآرة الذهب " وخذت كذآ وحده لآمهآ وطلعت من المحل وهي مستآنسه وردت لخوآتهآ .. طريفة : تعبت نروح ؟ سحر : لآ يوعآنه طريفه : وين البآقيآت ؟ اختفن مرة وحده !! سحر : مآدريبهم خلاص نحن نروح نآكل لنا شي عقب بنتصل فيهم .. طريفه : يلآ ورآحوآ آلمطعم وتموآ قآعدين ويسولفون مع منآر لان يعرفون آنهم بيشتآقون لهآ لمآ بتسافر عنهم وبتروح لندن عسب تكمل دراستها منآر : هي والله خوآتي متحمسسسه على الاخر سحر : ي بختتتج ابوي ماسوالنا جي ههههه يمكن لانج اخر العنقود مدلعنج منآر : يآ حظظظي عيل طريفه : آلله يسهل امورج منآر : آمين , اشتقت لعيآلكم ليش مآيبتوهم ويانا طريفه : ماعليه بنيبهم مرة ثانية بس نحن ياين نشتري لهم اغراض تعرفين عاد مافينا على صدعتهم منآر : هي صح بعد .. وطلبوآ لهم خفآيف يآكلونهآ , وكملوآ سوآلفهم , وبعد مآخلصوآ تجمعوآ كلهم عند البوآبة الرئيسيه وروحوآ آلبيت .. . . يوسف لبس على السريع ورآح بيت يدي لمآ عرف آن البنآت هنآك , رآح وسلم على يدي ويدوهه عقب تم يدور بعيونه روضة بين البنآت ومآلقآهآ ف قآل يطلع برع ويجوفهآ ولمآ طلع , جآفهآ قآعده على الكرآسي اللي موجوده ورى البيت .. يوسف : روضة ! روضة : نعم يوسف : لآ توآفقين عليه روضة : مآلك خص ولا تتدخل فيني يوسف : وحبج ! روضة : كنت غبيه يوسف : بهالسهوله بتتخلين عني ؟ روضة : ههههههههه آتخخخخلى عنك ؟ ترى هذي وآيد كبيرة عليك ! يوسف عصب : شو تقصدين .. روضة : اللي اقصدهه , من الاخر جي انت شو تبا مني ؟ يوسف : لآ توآفقين ماباج تآخذينه روضة تحس مشاعرهآ متضآربه هذا اللي تحبه الحين وآقف جدآمهآ ويكلمهآ . . مسحت كل هالاشياء من بالها لما تذكرت هو شو سوآ فيها وكيف كان يحرجهآ جدآم آهلهآ , وقررت تعتبره من اليوم ولد عمهآ وك آخ لآ آكثر ولآ آقل . . روضة : يوسف , انا كنت غبيه لما تعلقت في واحد مثلك وبعدين هالشي كآن مجرد نزوهه مرت في حيآتي " وقفت وجآبلته وقالت " انا لو وافقت على القطري بروح معاه وهذي دنيآ وهذآ يسمونه نصيب , اما لو مآوآفقت عليه ف لآتحلم ارجع احبك نفس قبل " ابتسمت " خل نكون اهل , وماتكون بينآ عدآوه , عيال عم لآ آكثر ولآ آقل , اذا تبا تكون اخوي حيآك الله واذا ماتبا هذا شي راجع لك يوسف : وحبج لي .. روضة ابتسمت : انا حبيتك صدق بس انت مآحبيتني , انت بس حبيت تتنتقم من الهنوف لانها رفضتك صح , وآلحين لمآ عرفت آن ذيآب بيآخذهآ يت لي يوسف عصب : نعععععععععععم , ذيآب بيآخذهآ .. يخخخخسسسي الا هههووو روضةة ابتسمت اكثر عسب تقهره : الشور مب بايدك وابوي ويدي موآفقين , يعني انت و قرارك مش مهمين آوك ! يوسف ينحرق من داخل بس دام ان ابو الهنوف ويده موافقين هو مآبيقدر يدخل ابد .. روضة : شفت كيف ؟ خسرت بنت عمك واختها بوقت وآحد ,, " رآحت من جدآمه " يوسف : آففففففففففففففففففففففففففففففففففففففففففففففف طلع سويج السيآرة من مخبآه ورآح .. . . ظآهر قآم على حركه الياهل , كآن الياهل محطي ايده على شفاه ظاهر , ابتسم وهو يجوف اليآهل وكيف بدآ يتآقلم ويآه , كآن خآطره يكون معرس وهالولد يكون ولده , جد جد جد وقتها تمنى يكون آبو ويسآعد مرته ويعتني في ولده مثل مآيعتني في هالياهل الغريب , قآم وحطه في طرف وتغسل وسبح عقب بدل عقب دخل اليآهل وسبحه ولبسه , مآحط له كريمآت ولآ اي شي عسب لا يسوي نفس حركه البودره ويبالغ بالشي والكل يضحك عليه , رن تلفونه ف رآح رد عليه واستغرب وآيد لآن بالعاده مآحد يعرف رقمه ولآ حد يتصل له Kait : Mr daher im in London , can you bring the baby to me ? Daher : but im not in London im in UAE , I will come after 2 day and I will bring him to you when I arrive there . Kait : ok thank you very much , I will call you later , bye Daher : bye بند وتنهد , يحس آنه تعلق باليآهل وآيد ومآيعرف كيف بيفآرقه , بس تذكر بالنهآيه آن اصلا هو مآله اي حقوق على هالياهل يعني هو مب من مسوؤليته تنهد وطلع برع وشل اليآهل ويآه عسب يتمشون .. . . آمي : علي اخبر شويخ ان نحن وآفقنآ ولآ ؟ آبوي : خبريهآ البنت قالت جدام يدها شورنا وهدايه الله آمي دقت لآم ذيآب , ورن كذا رنه عقب ردت : السلآم عليكم والرحمه آم ذيآب : وعليكم السلآم ورحمةة الله وبركآتهه آمي : شخبارج شويييخ , لآيكون نسيتي موعدنآ .. آم ذيآب : لآ مآنسيته بيييج ان شاء الله آمي مآحبت تقول لهم ان موآفقين بعد مآفكرت بالموضوع قالت بتحس انهم تسرعوآ وانهم بيقولوآ آن نحن مآشآيفين خير لان بسرعه بنرد عليهم خبر ف يوم !! ف سكتت وقالت : خلآص تمام حبيت آآكد عليج , بتريآج عيل , يلآ مع السلآمة آم ذيآب : مع السلآمة فديتج .. . . شمسه انتبهت للوقت وتحس بصدآع فضييييع هزت سعيد من كتفه : سعييييييد , سسعييييد .. سعيد انتبهه لهآ وقآم : هلآ حبيبي شي يعورج ؟ شمسه تيود راسها : عطني بندول مب قادره استحمل سعيد : الله يهديج اكيد هذآ كله من الصيآح الزآيد اللي صحتيه .. شمسه : مب وقت هالكلام دخيلك وآلله رآسي وآيد يعورني سعيد رآح وطلع لها من الثلآجه مآي وياب لها حبه وعطاها وشربته ومن التعب ردت نآمت , اما هو دخل تسبح عقب نزل عسب يقعد يسولف مع آهله شوي .. . . هو : بس آنآ مآبيييهآ انا ماقلت لكم خطبووولي اياها عسب جذا مودينآ آلآمآرآت , عشان تبلوني في وحده آنآ مآعرفهآ !!! آمه : وآن شاء الله تبينآ نزوجك وحده تكلمها 24 ساعه بالتلفون وبعدين هالنآس معروفين وآيآويد وآنآ آعرفهم هو : وآنتي شلون تعرفينهممم ؟ آمه عصبت : شنو نسيت آني من الامآرآت هو : آففففففففففف آلله يهديييييج انا مابيها ليش غصبتيني عليها يمكن انا احب وحده واباها آمه : مو على كيفك بتاخذها يعني بتاخذها وبعدين البنت جميله انت مآجفتها هو : آنآ كآرهنهآ قبل لآ آشوفهآ , تحملي النتآيج اللي بتصير لي ولها على جدآم " وآختفى من جدآم آمه " آمه : آلله يهديه ويرضى عليه من ولد .. . . بشآير قآمت ونآدت آمهآ تسآعدهآ وتغسلت وصلت لانها نشت متآخر وتلبست ونزلت تحت بمسآعده آمهآ : آمم صآلح ! صآلح : خير بشآير في خآطرهآ ( اعوذ بالله من هالنفسيه ) : قوم ودني بيت يدي صآلح : مب خدآمج آنآ , هاي مب مشكلتي لمآ مآتقدري تمشي بروحج لبيت يدي آمهآ عصبت : صآآآآآآلح بشآير دمعت وخوزت امها من ورى الكرسي وقآمت آدز عمرهآ ورآحت صوب تلفون البيت ودقت لمهره وهي تصيح مهره خافت : شفيييج .. بشاير : انا قلت لج انه كلبببببببببببب يعايرننننني اني مامممشششي تعالي خذيني ابا اشوففف يدي مهره : خلآص يايه الحين .. بشآير بندت ونادت الخدامه تيب لها شيلتها لان اوردي كانت لابسه مخورة فماحبت تلبس عبايه ف لبست شمد وخلت الخدامه اتنزل تلفوناتها عقب خلتها اطلعها برع , عشان يتريون مهره .. صآلح طلع قبلهآ وسوآ لهآ طآف , ويوم طلع شاف مهره وآقفه برع رآح صوبهآ ودق الجآمه سوت له طاف ولا فتحت له .. عقب يوم دق ف راسها تنزل نزلت .. صالح معصب : شهالحركآت , مب آونج عرستي تتكبرين علينآ طرآق وآحد على بوزج فاهمه ولآ ! مهره : جرب " آطآلعته بنظره تحدي " عسب تعرف عقبها شو بيصير صآلح : آميييه خفت , بتخبرين محمد .. مهره : لآ بخبر آبوي ويدي صآلح يطآلعهآ مهره : مثلآ عن آخت مصعب ! صآلح فتحح حلجهه مهره رصت ع اسنآنهآ : من جي خلك بعيد عني وعن بشاير يا حيوآآآنن على اساس انك سندنآ , تفو على هالسند " ورآحت من جدآمه وسحبت بشاير وبشاير دمعت عينهآ لمآ جآفت آخوهآ بعده وآقف " بشآير بضيج : مهور شو صار مهره : لآ تهتمي , آدبته لج عسب يصطلب ومآيقول هالكلآم مرة ثآنية بشآير صآحت : انا قلت لج آني عآجز من قبل واني مابا اشوف البنآت انتي اللي خليتيني اتعود اني اروح هناك مهره تربت على ايد اختها : حبيبتي انتي انا اعرف شو قلت وبعدين انتي مستآنسه مع البنآت ولآ تنكرين هالشي , ثآني شي انتي بتتعآلجين ومآفي شي آسمه عجز تراج انتي قدهآ آوكيه !! بشاير مسحت دموعهآ وابتسمت بآمل : آوك .. . . غايه تمسح على راسي , يآني النوآد وهي تمسح وكآنت تغني اغنيه توينكل توينكل ليتل ستآر , رغم آنهآ تعبآنه واسنآنهآ وآيد تعورهآ الا آنهآ كآنت مستآنسه لونآستي , هالانسآنه مستحيل اتخلى عنهآ لو شو مآغلطططت لو شو مآسوت , حتى لو رآحت برع البلآد بتم هي الاغلى .. غايه بتعب : تخيلي لو افترقنآ .. : آششش مآبنفترق غايه : لو آفترقتي انتي وذيآب ؟ قمت من حضنهآ وفصيتها ف ايدهآ : لآ تفآلي علينآ دخيلج مابا اتخيل حياتي بدونه , يآحيآتي بوجود ذيآب يآ مآلآزم اعيش ! غايه ابتسمت : لهالدرجه تحبينه ؟ طحححت على ريلهآ : وبعد آكثثر كثثثييير غايه : ههههههههه ماشاء الله للآغآني فآلحه صح ؟ : آحبه غايوه احبه , تعرفين مرة يآ في بالي ان ذياب يلعب علي لكن بسرعهه تغيرت وجهه نظري لما عرفت انه خطبني غايه : يمكن خاف يخسرج : يمكن , " تنهدت " تصدقين اني يوم كلمته كنت اصيح كنت خيفآنه آخسره وهو كآن متضايج وآيد ودي اكلمه الحين لكن استحي غايه : لآ تكلمينه خلاص لين تصيرين حلآله : آمممم آوكي .. غايه : خآطري آجرب هالشعور .. : آي شعور ؟ غايه : آني آحب , آنه يحبني , يحآفظ علي يخلص لي نكون لبعض بالحلآل اخر شي مثلج ومثل ذياب .. : آآآه وآلله ودي اصصصصآرخ غايه : صآآآآآآآرخخخخي : استححي غايه : صرخي صرخي مآعليج عبري عن ونآستج يلآ .. قعدت آطآلع غايه ويوم حست اني صدق بصرخ غطت اذنهآ صرخخخت صصصرخخخخخه طووويييييلهه وعقبها قعدت آكح وآكح آحمريييييت واللي كآنوآ تحت كلهم يوآ عنددديييي .. يدي بخوف : شفييييييييييييييييييييييج ؟ غايه : ولآ شي يدي تعبر عن ونآستهآ انها بتتزوج يدي ابتسم : الله يهديج صرتي مينونه احيدج عاقل يا بنت علي افتشششششششششششششششششششششششلتتتتت ابا اصصصصصرخ بعدد , بعععععععععععععد حسسسوآ فيني ي عآآآآآآآآآآآآآلم ذيآآآآب ليييي ها شي كبيييير بالنسبهه لي , يآلله , يالله شو هالوننآسسسه الكبيرةة اللي احسسسسهآ , قمت ورحت صوب يدي ويودت ايدهه وحطيتهآ على قلبي وتميت سآكته ويدي يوم سمع نبضآتي ابتسم يدي : لهالدرجه ذيآب مخبل فيج ؟ : آآآآ . . لآلآ يدي مآيخصه آلبآقين يوم عرفوآ آن السالفهه تآفهه آسترخصوآ ونزلوآ تحت مرة ثآنية .. يدوهه يات صوب غآيه وحضنتهآ وقالت : آنتي آهون الحين ؟ غايه استحت : هي يدوهه بخير لآتحآتيني يدي يطآلعني بنظرآت استحيت منهآ وقال : الله يتمم لج على خير يا حبيبه يدج نزلت راسي وقلت : آمممينن .. يدوهه دمعت : عقبال غاييه فوآدي مآيهآ وآحد ويصونهآ غايه : فديتج يدوهه .. " باستها على راسهآ " ربي يخليج لنآ ويطول لعمرج يدي يطآلعني وصدمني بسؤاله لمآ قال : آنتي تحبين ذياب وهو يحبج صح !! . . |
روووووووووووووووووعه البارت تسلم يمناأأأأأأأأاج الهنوف : فديتها تستاهل ذياب استانست لها بس ابا اعرف شو بترد على يدها اليد ههههههه خطير والله اكيييد كان يعرف ,, واحس بيرفض القطري عسب خالد روضه احس عين العقل الكلام اللي قالته ليوسف واحسسها بدات تحب خالد العايله القطريه يقههرون يوم ولدهم مايبا روضه ليش يزوجونها ويبلونها >< مثايل وعبدالله حلوو التفاهم بين الثنين بحيث انه كل واحد يرضى الثاني ويتنازل عن رايه او رفضه او موافقته اليده وااايد حنونه ربي يطول بعمر كل يد ويده عايشين ويرحم كل من مات من يد ويده وجودهم فالبيت نعمه غايه نعم الصديقه اللي توقف ويا الهنوف في وناستها وفي حزنها محمد ما اتمنى انه يصير فييه شي :( ظاهر احسه عقب بياخذ لطيفه وبيربون الياهل سوى كنت اتريا موقف يجمع الهنوف وذياب في هذا البارت عقب ما خطبها سواء اتصال او شوفها وقفتي عند النقطة المشوقه بانتضار البارت الياي |
| الساعة الآن 02:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir