|
اهىء اهىء يحليييلك ياا حااارب يغمضني والله وهااي سااروه :1::1::1: تسلمييين عالبااااااارت والسموووحه :84::84::84: .. |
:1::1::1::1::1::84::84: |
ثواني و البارت عندكم بس بليز لا تزعلووون مني |
حارب قد ما سحرته سارة بجمالها قد ما طعنته بسيوف كبرياءها.. قد ما جرحته برمستها ووموقفها.. يعني معقولة كل هذي الكشخة بس عسب استانست أني ما رح ...........؟؟؟ "....مادريت انك بتنخدعني وتتسلف فؤادي..و ابتديت اكشف هواك...بعد ما قلبي هواك.." آااااااااااااااااه يا سارة...آه ................................................ الساعة 10,8 مساء.. حارب وسارة توهم يوصلون.. سارة: أشوفك يبتنا بيتكم؟ حارب: قصدج بيتنــــــــا سارة وهي تتهرب: بس.. حارب: انزلي.. طبعا سارة كانت حاطة في بالها أنهم بسيرون بيتها هي بالأول.. نزلت من السيارة ورفعت راسها وهي تطالع الفيلا الكبيرة... خلاص من اليوم وساير رح يكون هذا بيتها.. لأ.. بس أنا اتفقت ويا حارب أن رح نكون متزوجين بالاسم وبس.. مشى حارب ومشت سارة وراه.. فتح حارب باب الحوي بواحد من المفاتيح الي كانت عنده ...دشوا بيتهم.. الحوي ابصراحه وايد عود و مليان زراعه روعه..تمت سارة اطالع يمين و شمال عايبنها الورد الي كان منتشر في الحوي... زخها حارب من ايدها: عيبج؟؟ ... حاولت سارة تير ايدها منه بس ما طاع يهدها سارة وهي معصبة: هي ..هدني.. همس: جب.. وفج باب الصاله..دشينااا...طاحت عيوني ع مجموعه كانوا يالسين بوسط الصاله..الوسيعه.. |
.................................................. ........................ .................................................. ........................ لاااااااااااااااااااااا.. هب مصدقة.. أمي وخالوه ظبية وخالتي أم ثاني.. وحصة.. وشمة وشهد.. يعني كانوا يدرون أن نحن بنرد.. أكيد هذا حارب خبرهم.. ياحليلي وأنا كنت أقول إني بسويلهم مفاجأة.. وفجأة تذكرت اتفاقنا أنا وحارب عسب جذه رصيت ع ايد حارب اللي انتبه لحركتي وابتسم ... حارب: السلام عليكم... الكل:عليكم السلام.. تجدمت خالوه ظبية وربع حارب صوبها ..وبعد ما سلمت على حارب تجربت منها وسلمت عليها بعد ما باركت لي عقبها ربعت سارة صوب أمها وقعدت تصيح في حضنها.. أم سهيل: بلاج أمي؟ سارة: ولهت عليج.. ولهت عليكم كلكم حصة: شحالها حرمة اخوي.. سارة.. هاي ترمسني !! و الله ما انتبهت حرمة اخوي يديده هاي ..ابتسمت سارة ولوت عليها: الحمدلله..شحالج انتي ..؟؟؟ حصة : ابخير..الله الله.. شو هالحلاة.. ظاهرة قمــــر.. تهبلين؟ أم ثاني: والله تغيرتي يا سارة وصرتي ربة بيت.. ظبية: الله يرزقكم إن شاء الله بالذرية الصالحة.. احمرن خدود سارة ونزلت راسها وخاصة وعيون حارب طول الوقت عليها.. لاحظت سارة أنها للحين زاخه ايد حارب فيرت ايدها عنه .. .طالعها و ابتسم : ها ارتحتي الحينه..؟؟ وصد صوب عمته وخالته: حشرتنا ولهت عليهم وولهت عليهم.. حشى..تصدقون حتى يوم بنيي نرقد ما ارتاح... تقعد كل شوي تصيح الكل: ههههههههههههه سارة وتقول في خاطرها.. الخام.. فضحني جدامهم.. .. ردت بابتسامه ما عرفت شو تقول من زود الفشيلة.. ... حصة: بس مو جنكم رديتوا بسرعة.؟؟ حارب: أقولكم حشرتني.. متى بنرد؟ ومتى بنرد؟ وسارة وهي تتصنع الابتسامة وحارب ياحليله متقن الدور.. عقبها قعدوا كلهم وتعشوا سوا.. وسارة طول الوقت قاعدة عند أمها لاوية عليها.. أم سهيل وهي تصد صوب حصة: يلا يما.. تأخرنا؟ سارة: وين توا الناس؟؟ أم ثاني: شو توا الناس؟ قعدنا وسولفنا وتعشينا والحمد الله.. وبعد ما نبي نثقل عليكم..توكم يايين من طريج.. وتصد صوب شمة وشهد: حتى هالمفاعيص رقدوا من زود التعب سارة وتقرب منهن وتبوسهم: فديتهن والله.. حتى ما لحقت أقعد وياهن حصة: باجر إن شاء الله بتتغدون ويانا سارة وهي متشققه: أكيد.. وسلمي حق أحمد يالله إني متولهه حقه وحق سهول وهالمفعوص الثاني سيفاني أم سهيل: يالله يالله.. اللي يقول من سنة هب شايفتنهم الكل: ههههههههههه حصة وهي تغمز: لا تنسين انج توج عروس يديدة.. سارة وهي تضرب حصة على جتفها: وربي سخيفة.. كل هذا قاعد يصير وحارب في عالم ثاني.. جدامه أهلها سارة وحدة ثانية غير عن سارة اللي تكون بروحها وياه إنزين ليش تكرهني.....؟؟؟ أنا عمري ما ضريتها بشي عسب تكرهني... وبعدين خلاص الحينه صارت حليلتي وللحين هب راضية تفهم هالشي.. صحيح إني كنت رافض فكرة الزواج منها بالذات.. بس عسب كنت اتحراها هب مناسبة لي.. يمكن لإني أحسها صغيرة عليه بس عادي.. اتأقلمت ويا هالشي بس هي شو سالفتها؟؟؟؟؟ .. وقعد سرحان وهو يفكر بسارة وحياتهم.. وبعد ما قاموا وسلمت سارة عليهم على أساس باجر من الصبح بتنش وبتسير لهم.. |
| الساعة الآن 07:40 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir