هلا

انا قاعد الحين اكتب البارت و بحاول انزله اليوم اذا خلصته

مشگۈِۈِرِھِ خيتۈِ ع آڷقصھِ آڷرِۈِعھِ ۈِتسڷم آيدِج
ۈِآڼشآءآڷڷھِ عآدِ يگۈِڼ آڷبآرِت آڷي بتحطيڼھِ طۈِيڷ ھِـع . !
ڼترِيآ آڷبآرِت .. خذِي رِآحتج آڷغڷآ

ان شاء الله .. تيك يور تايم ^_^

هلآ..شحآلڪو..آلمووهم ڪل ويڪ آند بحآول آنزل بآرت..سو لآ تزعلوون

~|~الجــــ 21 ــــزء~|~

عند سيف**

رفع سيف عيونه للبنت الي واقفه قدامه تنح و تم فاتح ثمه و هو يطالعها

منى و هي تحط يدها تحت شفايف سيف وتسكرهن:هههههه**سكر ثمك الي يشوفك يقول مهب شايف خير
سيف و هو يرمش بعيونه بسرعه:احم منو انتي؟
منى:ههههه**ليكون فقدت الذاكره بس
سيف و هو يطالعها من فوق لين تحت من شعرها الي فاكتنه و طايح ع كتوفها و لامتنه بورده حمره صغيره لين فستانها المخصر الي بدون يدين(رمش بسرعه خاف من انها تروح من قدامه فأي لحضه)انتي منى؟
منى و هي تقعد ع الكرسي الي قدامه و تمسك المينيو:هيه
سيف:وين عباتج؟
منى:اممم**خل عنك الأسأله الي مالها داعي و خلنا ف جونا
سيف:ماطلبتي
منى و هي اطالع المينيو:شو بتطلب
سيف و هو حاط يده ع خده:ماريد شي ولا اقول انتي طلبيلي
مني ابتسمة بخبث و طلبت لسيف و طلبتلها يت الطالبيه**استغرب سيف يوم يا الويتر و معاه غرشه بس سواله طاف ورد يطالع منى الي كانت تطالعه و مازالت ابتسامة الخبث مرسومه ع ثغرها
سيف وهو يمسك الكوب عل و عسى يروي عطشه:امم**شو هذا طعمه ايب المرض
منى برتباك:ااا هذا عصير يديد توهم منزلنه و قلت خلنا نجربه
سيف:بس اشوفج انتي مادقيتي كوبج
منى:لا شربت بس ماعيبني طعمه
سيف مايدري ليش بس جذبه طعم العصير وشرب منه مره ثانيه و ثالثه و رابعه**قام سيف و مسك منى من يدها ووقفها و حط يدينه ع خصرها وهي ماصدقة ارتبشة مع الغنيه الي كانوا حاطينها

عند الباب**

يزوي و نورة شهقن مره واحده و تمت كل واحده اطالع البنيه بصدمه ولا حد انتبه لريال الي كان معاها

يزوي بصدمه:اخر شي كنت اتوقعه اني اشوف منى ف باار
نورة:لا ومع واحد بعد
يزوي و هي اطالع الريال:نورة منو هذا الي معاها؟
نورة:ماادري بس شكله مب غريب
يزوي:مالت عليه الي معطنا نص ويهه خليه يلف صوبنا
نورة:يزوي ترنا مصخنها والله لو حد درى ان دخلنا باار لنروح فيها
يزوي و هي اطالع الريال و قلبها يرجف قالة بهمس:ســيــف
نورة الي ماسمعتها من صوت الأغاني:شو؟
يزوي يرت نورة و ظهرن برى
نورة:شو بلاج؟
يزوي بصدمه:سيف
نورة:بلاه سيف؟
يزوي:الريال الي مع منى سيف
نورة طالعتها بصدمه وردت مره ثانيه دخلت البار تريد تتأكد و شافة واحد يترنح وواحده ماسكتنه و تضحك دققت فيه و ظهرت رمسة يزوي صح هذا سيف سيف ماغير خو مريوم

يزوي الي بعدها منصدمه ماقالت شي..نورة نفس حالتها توقعوا كل شي من سيف الا الي شافوه
قعدن عدال مريوم بكل هدوء..مريوم استغربت من حالهن

مريوم:بلاكن صاخات؟
نورة:ها لا ماشي بس يزوي دوخت وردينا
مريوم و هي تلف ع يزوي:يزوي شي يعورج
يزوي اكتفت انها تهز راسها بلا
نورة تغير الموضوع:اقول يلا قومن ترنا تأخرنا

قامن البنات و طلبن تاكسي و بعد دقايق وصل و ردن السكن و كل وحده مشغوله بشي

فـ السكن**

فهد و هو يطالع التلفزون:هههههههههه
سالم:ضحكنا يا بويه معاك
فهد:ههه..انا بضحك بس انته بتصيح
سالم:لــيــش؟
فهد:بعد يومين بيضرب المدينه زلزال
سالم بخوف:صدق عااد؟؟
فهد نقع من الضحك ع شكل سالم:هههههههههههه..هيه..بس لا تخاف بيكوون خفيف
سالم:انته صبر بس كم يوم و الله ماتم مني دقيقه
خالد الي تحولت ملامح وييه للجد:اخبار امك ربها احسن؟
سالم بفرح:بخيير و سهاله يقول حمدان ان ستأصل الورم كله و بس يريد يتأكد انه مابيرد مره ثانيه
خالد:الحمد الله

بآآكر**

دخلت نورة ع يزوي و حصلتها قاعده عند المنظره و تسحي شعرها

نورة اطالعها بصدمه:يزووي
لفت يزوي ببرود:هاا
نورة و هي اطالع شعرها:بلاها كشج تقولين حد مولع فيها شلق!!!
يزوي:ههههه**نورة لا تستسهبلين انتي تعرفين شعريه كيف
نورة:هييه ادري انه ينقع بعد ماتتسبحين و بعدين يرد حرير صرااحه لازم اصوره و اسوي قبل وبعد
يزوي:ههه..يا حماره لا تتمصخرين ع شعرييه و الله انه حرير بس مادري ليش ينقع كذي
نورة بحزن:يزووي ماريد ارووح
يزوي:فدييتج لا تزعليين انا رمست موزوه امس وقالت انهم بيون بعد اسبووع
نورة:خخخ صدق اني ماستحي ع ويهي
يزوي:زيين يوم عرفتي
نورة و هي تفلعها بعلبة الكلينكس:ياحمااااره بس انا اسب عمري
يزوي و هي تربع عن الكلينكس:هههههه..يلا انقلعي البسي عباتج طيارتنا بعد ربع ساعه

فـ المطار**

مريوم:مش كأن هذا رقم رحلتنا؟
يزوي:اظن
بزوي و هي عيونها ع البوابه"ويينك يا حمدان توقعت ان انته اول واحد تكون هني عشان تودعنا"
نورة و هي تأشر قدام و يه يزوي:حوووه وينج؟
يزوي:هنيي
نورة و هي اطالع سالم الي كان يسلم ع خالد:يالبيه والله اني بتوله عليه
يزوي و هي تضربها ع كتفها:استحي ع ويهج
نورة و هي تمسح مكان الظربه:افف منج ماقلت شي لا تستويلي شرات العيايز
يزوي:حشى عليج ماقلتي شي انا الغلطانه
نورة ببرائه:والله ماسويت شي بس قلت بتوله عليه..اممم..انتي مابتتولهين ع بعض الناس؟

تنهدت يزوي و صدت مره ثانيه ع البوابه و شافت واحد طويل و عريض يدخل ابتسمت بفرح و عرفت ان حمدان مستحيل ما يودعهم بس بعد ماقرب الشخص و بانت ملامحه اختفت بسمة يزوي ماكان حمدان "و الله ماهقيتها منك"

راح سيف صوبها بعد ماحس انها ترقب حد:هلا
يزوي بدون ماتصد عليه:اهلين(مسكة تلفونها و اغلقته)
سيف الي كان مصدع من الخاطر:ترقبين حد؟
يزوي لفة عليه و انصدمت من شكله:لا
سيف حس انها منصدمه و ارتبك:اا انا بروح صوب الشباب..وراح
يزوي صدت مره ثانيه صوب الباب "انا ولا مره شفت سيف كذي ويهه اسود و شكله مبهدل و تحت عيونه سواد عمري ماشفته غريبه كل هذا من سبب منى و البار الله ياخذج والله ان ولد عمي كان بخير قبل لا يعرفج انتي و خرابيطج"

فـ المستشفى**

حمدان و هو يطالع ساعته:افففففف(فـ خاطره)"متى بيخلص هذا ماعد ستوى اجتمااع صارله ساعه كامله يرطن مستشفنا و مستشفنا كأن ماحد فتح مستشفى غيره "مسك تلفونه و كتب مسج:

|..لآتسآفر قبل مآشوفڪ
لو دقآيق قبل آلودآعيـے..~

فـ المطار**

مريوم:يزوي يلا عمي دخل جوزاتنا والأوراق
نروة و هي تير يزوي من يدها و بهمس:خلاص يزوي مابي
يزوي و عيونها ع الباب:مااريد اروح
فهد:انتن بتمشن ولا؟
نورة:بنمشي بنمشي بس لا تعصب(بهمس)ويشينك يوم تعصب
فهد الي مانتبه لمريوم:شـــو؟
نورة:ها ماشي ارمس مريوم
فهد لف صوب سيف و شافه يرمس خالد و مندمج لف صوب مريوم بنظرات شوق ووله
فهد بشوق:شحالج؟
مريوم:بخير شحالك انته؟
فهد:اخخ بس اسبووعين ماشفتج و مارمستج وين تنشدين عن احولي
نورة بهمس:خــــريــــط
فهد لف صوب نورة:اقول تراني مهب فاضلج بعدين بتفاهم معاج
نورة:وليتك ماتفضىي
فهد و هو يطالع مريوم:ياليت والله
مريوم مسكة يد نورة و راحت عنهم
فهد انقهر من حركتها :يلا قومي طيرتنا الحين
يزوي بحزن:يلا


عدى الأجتماع ع خير بدون مايذبح حمدان المدير وربع صوب السياره و توه بيفتحها بس انصدم ان المفتاح مب موجود تأفف بقهر وسار صوب مكتبه و حصل المفتاح ع المكتب شله و توجه بأسرع ماعنده صوب السياره

ركبو الطياره و كل واحد قعد ع كرسيه و بعد ثواني اقلعة الطياره متوجهه لمطار بوظبي الدولي

وصل حمدان باركن المطار و نزل و حتى ماسكر السياره ركض صوب الباب و سأل الرسبشن عن رحلة 567 انصدم بالمسؤول يقول ان الرحله تحركت من ربع ساعه ضرب الأرض بقهر و راح و هو يتحرطم بس سمع شي ماتوقع انه يسمعه سمعـ..


ولا اقول خلوه للبارات الثاني:66:..ارقب ردوودكم

مشكوره ياالغلا ع البارت الكشخه و انتظر البارت الياي