|
السلام عليكم ورحمة الله وبركاته أشحالكم عساكم بخيرر اسمووحه على التأخيرر وهذاا أنا يبت لكم بارت طويل ومشوق وأن شاء الله ينال على أعجابكم تفضلوووووووو يوم الاثنين الساعة 8 الصبح عند وضحىدخل عليها الدكتور وبعد ما سلم د. عبيد : هــاااا جاهزه حق الطلعة ؟ وضحى وهي فرحانه: هيـــه جاهزه يــــــااااربي فرحانه بطلع د. عبيد وهو يتبسم : دوووم أن شاء الله هالفرحه وضحى وهي تتبسم يااويل حــــااالي أنا شو هالكشخــه عبيد هو بداا شوي يخق ويعدل نظارتة بيده : أحـم أحم عجبتج ^_^..^_^ وضحى وهي تكذب : لا بس شكلك صاير غير عن شكلك وأنت بلبس الشغل ( خخخخ أكذب والله أنك تينن من حلاتك ويل حاااالي أنا بطلع معاك اليوم ) . عبيد وهو يضحك : ههههههههه صدقتج وضحى أستحت ونزلت راسها ملاحظــــة : الدكتور عبيد قرر أنه يسوي التمارين لوضحى براا المستشفى عشان تكون مرتاحه نفسيتها وتستقبل العلاج أحسن وطلب من الممرضه أنها تجهزهاا للطلعه . د. عبيد : هااا حتى أنتي اليوم كاشخه للطلعه ( وفي خاطره يقول حسبي الله عليج ياوضيح وش هالحلااا كله تبين تجننيني ) . وضحى وهي تتبسم : هااا ماقلتلي وين بنرووح ؟؟!!! د. عبيد : الله يسلمج باخذج للحديقه المجاوره للمستشفى كبيرة وحلوووه . وضحى : الله حلووووو الممرضة وهي تساعد وضحى عشان تنزل من السرير وتجلسها على الكرسي المتحرك . وضحى وهي تتويع : أه آه شوي شوي عليه عورتيني الممرضه ماريان : سوري ما كان أصدي عبيد وهو خايف عليها ويااصوبها بسرعه : وضاح شو ياج ؟ وضحى وهي تغمض عيونها وتشد عليها بقوة : ألمتلي رجلي حركتها بسرعة . عبيد وهو معصب : ماريان أنا كم مره قلت لج شوي شوي عليها أنا منبه عليج قبل أنج تنتبهين لحركتها وما تخطأين فيهاا . ماريان وهي خايفه : أسفه دكتور والله ما كان أصدي ما أنتبهت عليها . د. عبيد ومازال معصب : عيل أنا لشو يايبنج ومختارنج من بين كل الممرضات مب عشان تهتمين فيها ؟؟ هــــااا جاوبــــــــــــــــــــــــــــي ؟؟!! الممرضه نزلت راسها وهي خايفة . وضحى : عبيد عبيد : لبيـــــه وضحى : خلاص أتركها حصل خيــر د . عبيد : ما شفتيها شو سوت وضحى : ماعليه ألا هو ألم خفيف ويروح . د . عبيد وهو يوجه كلامه للممرضه : وأنتي روحي لشغلج خلاص مابيج تهتمين بوضحى أرسلي الممرضه ريم وقولي لها تنتظرني تحت . الممرضه ولازالت منزله راسها : أن شاء الله . وراحت . طلعت الممرضه برا الغرفه وراحت تنادي الممرضه ريم وقالت لها بكلام الدكتوور وقالت لها أنها أهي أللي راح تهتم بوضحى بعدها راحت لغرفة الممرضات . وحده من الممرضات : شو فيج جذي معصبه كأنه أحد عاطنج كف؟؟!! ماريان وهي معصبه : هذا كله من الدكتور عبيد هزئني قدام وضحى . الممرضه وهي مستغربه : أف أف أف شو سويتي عشان يعصب عليج ؟! ماريان وهي لازالت معصبه : هالدكتور قاهرني كلوو ولا زعل الانسه وضحى كلوو ولا تتعب الانسه وضحى مافي مريضه بحياته كلها أهتم لها كل هالاهتمام أما هاذي رعايه خاصه غرفه خاصه لا وبعد غرفتها قريبه لمكتبه شو هذا كله ؟؟!! وضحـــــى وضحـــــى وضحـــــى أف منه ؟!!!! الممرضه وهي مندهشه : يامجنوونه أسكتي لاحدى يسمعك هاذي وضحى مب أي حدى ولا تجيبين طاريها على لسانك وألا بيوم من الأيام راح تلقين نفسك بالشارع . ماريان وهي مبوزمه : شكلوو بيحبها ؟! الممرضه وهي تطلعها بطرف عينها : وعندك أي شك ؟؟!! تراا كلنا نعرف بأنه يحبهاا. ماريان : أول مره أشوف دكتور يحب مريضته . الممرضه : شو هالكلام أللي تقولينه الدكتور مو من هالنوع أللي أنتي تفكرين فيه الدكتور يعرف وضحى من قبل لا أيبونها للمستشفى . ماريان وهي مندهشه : قولي والله ؟؟!! هواا بيعرفها من قبل ؟!!!! الممرضه : إي يعرفها أول يوم جابوها للمستشفى دخلوها على طول لغرفة العمليات وكان هو أللي مناوب هذاك اليوم ودخل هو يسوي لها العمليه وأنصدم أول ماشافها على طول عرفها . ماريان : أهااا وأنا أشوف أهتمامه الزايد بها . ############################ عند وضحى وعبيد : لحظه ماوصفت لكم أشكالهم وهم متكشخين خلونا نبدا بعبيد : كان لابس كندوره إماراتيه لونها بني وغتره بنيه ولابس هاذيج النظاره الشمسيه ومخفف لحيته وطالع شكله رهيب وكشخه ... وضحى أنغرمت به بس ماحبت تبين له وأما عند وضحى كانت لابسه تنوره جينز وعليها زخرفات وكتابات بلون الوردي وقميص وردي عليه بالوسط ورود صغيره ومسرحه شعرهاا ورافعه نصه والنص الثاني مخلتنه مفتوح نازل على ظهرها . د.عبيد قرب لصوب وضحى وقال لها : هاا الحين تحسين بالوجع وألا خف ؟؟ وضحى : لا خلاص خف الألم . عبيد : الحمدالله وضحى تبسمت . وفي خاطرهااا ( فدييييييييييتك خايف عله يعلني مخلا منك ) . د.عبيد وهو يتبسم : هل تسمحين لي ياطفلتي الصغيره بأن أساعدكِ على الصعود إلى الكرسي . وضحى وهي تضحك : ههههههههه شو هالأستهبال تكلم زيـن . د. عبيد وهو يضحك معها : كيفي جاوبيني هل تسمحيييين ؟؟ وضحى : وإذا ماسمحت ؟؟!! د.عبيد وهو يتصنع البرائه والزعل : بزعــــــــل ... ( وفي خاطره ^_^ هههه أبيها تحن عليه ) . وضحى وهي تضحك : هههههه كله ولا زعلك د.عبيد وهو رجع يبتسم : يعني موافقه ؟؟؟!! وضحى وهي تهز راسها ^_^ : هيه د.عبيد قرب منها وحط أيده اليمين تحت ظهرها وإيده الثانية تحت رجلينهاا . وضحى وهي خايفه تطيح ( ياهي بلشه هالبنت خوااافه الله يعينك ياعبيد على الدلع خخخ^_^) : عبيد أنته قلت بتساعدني أيلس على الكرسي ليش تشيلني ؟؟!! د.عبيد وهو يبتسم : أششششششش ولا كلمه مب أنا دكتورج خلاص عيل لاتقولين شي . وضحى سكتت ولا قالت شي تحرك عبيد يبي يوديها للكرسي وأول ماتحرك صرخت وضحى ولفت أيدينها حلو رقبته وحطت راسهاا على صدره . وضحى وهي خايفه : أهئ أهئ بطيح نزلني حراااام عليك والله خايفه . عبيد أستغرب حركتها بس الريال عجبه الوضع وقرر أنه يطول في السالفه شوي أهو كان متجه للكرسي المتحرك يبي يجلس وضحى عليه بس غير أتجاهه وراح للدريشه ووقف قدامها . د.عبيد وهو يضحك : ههههه شو فيج جذي تصارخين هدي . وضحى وهي شوي وتصيح : حرااااااااااااااام عليك نزلني . عبيد وهو يبتسم : مابنزلج ماريد .... وتم يدووور بهاا حول نفسه بس بحركه خفيفه عشان ماتتأذى . وضحى وهي تترجاه ينزلهاا : عبود حرام عليك نزلني . عبيد وقف ويطالعها بنظرات فيها شويت خبث : تبيـــــن الصراحـــه ؟؟ وضحى وهي تنافخ من كثر الصريخ : شوو ؟؟!! عبيد وهو عينه بعينها : الصراحه أنه عاجبني الوضع . وضحى تمت تتطالع فيه وهو يضحك عليها وضحى وهي تصيح : عبوود حماااااار ماحبك نزلني وتمت تظربه على صدره . عبيد وهو يتظاهر أنه تألم : أه آه عورتيني ...... وراح نزلها وحطهاا على الكرسي وتم ماسك على صدره أونه متعور وطبعاً وضحى ماتقدر تشوف نظراته لوين متجهه من النظاره أللي لبسنها وهو موجه نظره لها ويتصنع الألم . عبيد وهو يتصنع: أأأي صدري يعورني حراام عليج يابنت الناس تسوين فيني جي. كان عبيد يالس قدام وضحى مقابلنها وأهي ياسه على الكرسي . وضحى وهي خايفه عليه ومتلومه : عبود شو فيك والله أسفه ماكان قصدي . عبيد وهو يشيل النظاره من على عيونه ويحطها بمخباه ويرجع يمسك بالأيد الثانيه على صدره . عبيد وهو يشد على عيونه بقوة ويتظاهر أنه ما يقدر يتنفس زين : أه وضحى وهي تصيح ( خخخخ البنت مصدقه ومتأثره) : عبود شو فيك شي يعورك . عبيد وهو يشد على عيونه : آه ياوضحى صدري صدري يعورني . وضحى ودموعها أربع أربع : سلامتك يالغالي . عبيد حب يزودها شوي ويبالغ في التمثيل مسك بيده اليمين على طرف الكرسي وأيده الثانيه على صدره وبحركه خفيفه نزل راسه وحطه على رجلين وضحى وتم يتعصر من الألم ويتأوه . وضحى صرخت صرخه مدويه حتى عبيد تروع من قوه الصرخه بس ماتحرك من مكانه يبي يلعب بأعصابها . وضحى وهي تحط أيدينها الثنتين على ويه عبيد وترفع راسه وتمت تظربه على وخده بالخفيف تبيه يفتح عيونه وضحى وهي تصيح : عبيد قوم ... عبيد قوم أفتح عيونك . عبيد في داخله يبي يضحك بس ماسك نفسه عن الضحك . عبيد وفي خاطره : فدييت أللي يخاف عليه الله لا يحرمني من هالصوت . عبيد وهو يشد على عيونه أكثر ووضحى تناديه ولا هو راضي يتكلم وضحى ودموعها تسيل على خدها : عبيد قوم تكلم قول شي ... ونزلت دمعه حاره من عينها وسالت على خدها الناعم وأستقرت هالدمعه بخد عبيد أللي من حس بالدمعه على خده صابته رعشه حس بمدى حراره هالدمعه وقوة تأثيرهاا عليه فجأه فتح عينه وناظر بوضحى وراسه مازال لين الحين بين أيدينها . عبيد وهو يطالعها ولين الحين راسه على رجولهااا : وضحى . وضحى وهي لين الحين تصيح : ياعيـــوووون وضحى أمر عيوني لك . عبيد وبجراه سألها : تحبينــــي ؟؟؟ وضحى : هيــه أحبـــك ... أحبـــك وأمووووت فيك . عبيد وهو طاير من الفرحه بس ملامح ويهه ما تغيرت مثل ماهي عبيد : وإذا متت شو بتسوين ؟؟ وضحى وبســررعـــه : بسم الله عليك بعيد الشر عنك ... يعله فيني ولا فيك . عبيد وهو متعمد يخفف نبرة صوته ويبين أنه تعبان : وضحى تخافين عليه ؟! وضحى : إذا ما خاف عليك أخاف على منو ؟! عبيد : وضحى حاس بكتمه في صدري . وضحى وهي خايفه : خلني أنادي لك الممرضه . عبيد : لا مابي ممرضه أبيج أنتي ... أنتي ممرضتي وأنتي دواااي وأنتي شفى الجرووح . وضحى وهي ساكته بس تصيح . عبيد : أحبج ... أحبج ياوضحى ... هويتج من أول يوم شفتج فيه . وبعدهاا سكت وغمض أعيونه ولا تحرك من مكانه حتى ويهه ما تنبان عليه أيت ملامح . وضحى وهي تهزه وتصرخ : عبيد قوم تكلم قول شي . عبيد أبد ماتحرك من مكانه ولا تكلم . وضحى من زود الخوف أللي فيها قامت تصارخ تنادي الممرضات . وضحى وهي تنادي على الممرضات فجأه ماتلقى ألا أيد عبيد على فمها . عبيد وهو مرتبك يخاف أحد أيي : أسكتي يابنت فضحتينا بعد ماشافهاا هدت بعد أيده عنهاا . وضحى وببرائه : بس أنته تعبااان ؟!!!! عبيد وهو يضحك : بس كنت أمزح معااج . وضحى : تــ تــ ـتـ ــتمزح معاااي !!!!! عبيد وهو يبتسم : هيــــه . وضحى وبذهول : تمزح معاي كنت بتطلع روحي من مكانها وأنت أسبب . عبيد وهو يبتسم : ألحين تأكدت أنج تحبيني ..^_^.. وضحى وهي منصدمه : يعني كنت تلعب بأعصابي يعني ماكان فيك شي يعني صدرك مايعورك .؟؟!! عبيد وهو يبتسم ويمسح دموعهاا أللي على خدهاا وضحى وهي معصبه وتمسك أيدينه وتبعدهم عنهاا : بعد عني ماحبك عبيد وهو يضحك : أفاااا عصبتي ؟!! وضحى وهي تصيح وتغطي ويهها بإيدينهاا : كيف ماتبيني أعصب وأنت تتلاعب بي وبمشاعري والله حسيت بألم في قلبي من خوفي عليك . عبيد وهو يحط أيدينه الثنتين على ويه وضحى ويرفعه : أنا ما تلاعبت بج أبد أنا بس حبيت أعرف شكثر غلاتي بقلبج . وضحى ولازالت تصيح : أهئ أهئ أهئ و و والحين عرفت وألا تبي تسوي لعبه ثانيه عليه . عبيد وهو يمسح دموووع وضحى : ماعااااش من يلعب عليج ...... سكتو مايقارب الدقيقتين بعدين تكلم عبيد . عبيد : هاااياعمري سامحتيني ؟؟ وألا بعدج زعلانه ؟؟!! وضحى وهي تمسح دموعهاا وتتكلم بدلع وهي تبتسم : سامحتك أمممم بس بشرط. عبيد وهو يبتسم : وشو هو هالشرط يااحلووو ؟؟! وضحى وهي تنزل راسهاا : أنك ... أنك تحملني وتوديني لين الدريشه أبي أطالع الناس منهاا . عبيد وهو مستغرب وفي نفس الوقت عجبه الشرط : تبيني أشيلج ؟؟!!!!!^_^!!! وضحى وهي تتكلم بدلع وبصوت واطي وهي بعدهاا منزله راسهاا : أيواا شيلني . عبيد ماصدق أللي يسمعه وضحى تطلب منه ها الشي على طول حملهاا ووضحى أحم أحم هههه كح كح ^_^ ماقصرت لفت أيدينهاا حول رقبته وحطت راسهاا عصدره وغمضت عيونهاا ... عبيد رااح بها لين الدريشه ووقف . عبيد : وضحى طالعي ... طالعي الناس كيف يمشون والسياير رايحه وراده . بس وضحى سكتت وماسمع منها أي صوت . عبيد وهو يطالعهاا وهي مغمضه عيونهاا : وضحى شو فيج ؟؟ وضحى وهي تتكلم بصوت واطي : أنا أحبـــك ... أحبــــك ... أحبـــك ... ونزلت دمعه من عينها ورجعت تكمل كلامها : عبيد لا تتركني أنا تعلقت فيك وبدأ أسمك ينحفر بقلبي ... وكمل وهي تصيح : أنا مالي أحد بهدنيا ألجئ له غيرك أمي وأبوي كبيرين في السن ما أقدر أضايقهم بمشاكلي أو أني أزعجهم بشي ... ولا عندي أخو ولا أخت يونسوني ويشاركوني حياتي ... أنت الوحيد أللي سمعتني وأهتميت فيني مأ أدري شو صابني هذاك اليوم .. يوم شفتك في المول ولما مسكت إيدي وصبيت عليها الماي تمنيتك ماتفكهاا أبد ... فكت أيدينها من حول رقبته ولفتهم حول جسمه وحضنته بقوه مثل الياهل أللي خايف أنه هذا الشي أللي عنده يضيع منه ... ورجعت تكمل كلامهاا : لا تتركني يا عبيد لا تتركني أنا أبيـــك ... أبيــك قربي أخاف أطلع من المستشفى وتتركني وتنساني .. ويلست تصيح . عبيد تم ساكت شوي بعدها تكلم . عبيد وهو يطالعهاا وهي دافنه ويهها الصغير في حضنه : شو هالكلام أللي تقولينه يا وضحى أنا مستحيل أتركج وألا أنساج أنتي عمري وأنتي حياتي أنا بدونج ما أعرف شسوي ... أنتي أللي مليتي عليه دنيتي كنت أحس بفرااغ قبل لا أشوفج ومن شفتج بدت حياتي تزدهر حسيت أنه للحياة قيمه ومعنى . وضحى : بس أيي اليوم أللي تتركني فيه . عبيد : صدقيني ماراح أتركج لو شو ما صار . تمو ساكتين مايقارب الخمس دقايق بعدهاا تحرك عبيد وحط وضحى على الكرسي المتحرك . عبيد وهو يبتسم لها : يلا ننزل تحت ريم تنتظرنا . وضحى : أوكي . ونزلو عبيد ووضحى تحت وحصلوو ريم تنتظرهم عند البوابة وراحوو هم الثلاثة للحديقة المجاورة للمستشفى . |
مشكوره يا الغلا ع البارت الكشخه بس البارت صغير و كلا يتكلم عن وضحي و عبيد انتظر البارت الياي و ان شاء الله يوم اكثر عن هذا ولا طولين علينا مثل كل مره |
يسلموو ع البااارت |
يسلموووووووووووووووووووو ع البارت |
السلاام علييييج .. اشحاااالج سلاامي ؟؟ اخبااارج ؟؟ ابصرااااااحهـ البااااااااارت طررررررررر ^^ تسلم يمنااج عـ هيييييك باااارت هعع ^^ فـ اتظااار البااارت اليااااي .. لااتبطييين عليييينا ^^ السمووحهـ .. |
| الساعة الآن 02:25 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir