أفاا والله أنا آخر من يعلم ..خخخخ

مشكوور ياخويه على البارتات الرووعه ..

ونتريا التكمله ..

ياحيك غرشوب


وتسلم ع البارت الطررر


والقصه الاروووووع


وجاري انتظار البارت القادم

يسلموا ع البارت الروعه

نتريا البارت الياي باسرع وقت بليييييز عدنا اجازه

نونو كيوت

رووووووووووووعه
نتريااا الباارت اليااي خيـوـو ^^

البارت الـ 30

اما ظبيه الي كانت فعالم ثاني ماتدري شو الي يجذبها فـ هالانسان ويخليها تطالعه
وهو بعـد الثاني انتبه إلها وهيه تطالعه وغمز إلها وابتسم
ظبيه استحت ومارامت تستحمل حست عمرها تخون حبيبها اصلا هيه ماتحبه بس شخصيته يمكن تعيبهاا
على طول نزلت راسها وسارت ويلست اما هو تم يطالعهاا وماكان هامنه حــد
ميــثاا شهقت : شفتوا شفتوا شفتوا ؟!
فاطمه : بسم الله بـلاااج ؟

ميثا : شفتوا خميس يسوي حركات للبنات
هنيه ظبيه قفطت وفاطمه عرفت انها تقصد ظبيه
فاطمه : اييه مب على اخوي لاتظهرين عليه اشاعات
ميثا : زيــن زيــن يمكن كنت غلطانه

عقب ظهروا الشباب وتموا بس البنات
وعالساعه 12ساروا المعاريس الفندق
والكل رد لبيته

وفاليوم الثاني
نشن البنات عالساعه 9 ونص نزلن تحت
سلمن عالموجودين وسارن وتريقن
ظبيه : شرايكم اليوم كلنا نسير المول ربااعه
ساره : يااي وناسه بس ماراح يخلونا روحناا
ميره : هيه والله لازم حد يكون معاناا
فاطمه : هههه هذا اذا وافقوا بعـد
ظبيه : امممممم بنرمسهم وبنشوف
ميره : زيين
فاطمه : بس منو بيسير ؟
ساره : كلنا بنسير
ظبيه : هيــه عيل شوو
ميره : انزيين يلا تعالوا نسير نقردن العيايز
ساره : سكتي سكتي لو سمعوج حتى لو طاعوا مابيخلونا
الكل : هههههههههههههههههههه
عقب سارن البنات صوب الحريم
ظبيه : احم
ميره : امييه فديتج تدرين اني احبج وااايد
ام احمد : خلصيني شو تبين مانبى هالمقدمات
ميره : هيهيهيهي فديتج فاهمتني ، المهم قررنا نحن البنات اليوم العصر نسير المول بس طبعا بعد اذنكم
عوشه : لا والله روحكن اكييد لااا
ام احمد : صح رمسه عوشه ماعنا بنات يسيرن روحهن المول
ساره + ميره : بلييييز
اليده موزه : ابلييس ياخذكن ومايردكن
الكل : هههههههههههههههههههههههههه
ميثا : يدوه بليز بالانجلش يعني ارجوك
ملاك : يا إلهي
ظبيه : ما هذاا
الكل : هههههههههههههههههه
ميره : بلاكن قلبتوا عالفصحى بعد جان زين ترمسونها عدل
ساره : هههههههههههههههههههه صدقج والله
ظبيه : ها شو قلتوا ؟
اليده موزه : انا أقول روحن للسوق روحكن لا لو ويا حد من الشباب زيــن
ميره : يدووووه
ام احمد : صدقها يدتــج
ظبيه : اوكي بنقول للشباب يودونا
ميره : مابيطيعون الا بعد مذله
فاطمه : ماعليه بنتمصلح عليهم
ساره : هييه يلااا
ساروا البنات واتصلوا بـسيف وتموا يتمصلحون معاه
بس الاخ مول ماسوالهم سالفه تموا يحنون ويحنون
بس شاف انهم طولوا رقع التلفون فـ ويهم

ميره اتصلت فـ سلطان وتمت تحن وتقله عشان خاطر الحب ومادري شوو الين ماسلطان اقنع الشباب
وقالوا كلهم بيسيرون ربااعه
سلطان قال لميره ان كلهم وافقوا وكلهم بيودونهم
ميره خبرتهم استانسوا كلهم
ميــره : اففف واخيــراا اقنعناهم
ساره : هييه مب ها الجلب رقع التلفون فويهي
الكل : هههههههههههههه

مر الوقت والشباب كلهم نزلوا ويلسوا تحت يسولفون ويا يدتهم ( اليده موزه )

سيف : يدوه تدرين ان باجر ملجيته يااي والله مستانس
متى يي باجر بسرعه
سلطان : هد يا روحي هد انشالله بي باجر
سيف : اييه لا تقلي روحي حرمتي تغار عليه
سلطان : واايد واثق يعني
الكل : ههههههههههههههه
اليده موزه : فديتها حمده حرمه مشالله عليها من رمستها وشفتها دخلت قلبي
سيف : يدوه اغار ظهريها من قلبج بس خليها فـ قلبي اناا
اليده موزه : سيف عن الخباال
سلطان : الله يعينج يا حمدوه على سيف
سيف ضرب سلطان على راسه
سيف : ليش فديتك هيه اصلاً تتمنى واحد شراتي
اليده موزه + سلطان : مرررررره
الكل : ههههههههههههههههههه
عبدالله : يدوه انا هب ناويه تخطبيلي ؟
اليده موزه : هاي الساعه المباركه انت بس اشر
سلطان : لالالالالا اتريوني انا اخطب عقب
عبدالله : ليش انشالله الشيخ سلطان ؟
خميس : لاااا خلوني انا اخطب قبل
اليده موزه : ينوا عيالي ويلسوا شو بلاكم كلكم تبون تخطبون ؟
الكل : ههههههههههههههههههههههه
فـ هاللحظه نزلن البنات
سلطان : يدوه احبها احبها شو اسوي ؟
اليده موزه : حبتك القراده قول آميين
الكل : هههههههههههههههههههههههه

صوب البنات
ميره تهمس فـ اذن ساروه : يحبها يحبها شو يسوي ؟
ساره : منو هاي الي ماتستحي على ويهاا ؟
ميره : وحده يقولون انها تقربلناا واسمها ساره محمد اتعارفينهاا
ساره قفطــت : جب جب انزيين
ميره نقعت من الظحك
اليده موزه : ظحكتي بلياا ضروس قولي اميين على شو تظحكيين هــآآه ؟
ساره تمت تظحك : دواااج
اليده موزه : شو بلاكم ؟
ميره + ساره : مــااشي
ميره : يدوه عمو شيخه مايت ؟
اليده موزه : لا فديتج شيخه اليوم بتي تتغدى معانا وعالعصريه بتسافر شهر العسل مالهم
ميره : ايــوآآ
عقب يلسن البنات وراشد ماشل عينه عن فاطمه
اليده موزه لاحظتهم
اليده موزه : عيونك عيونك عن اتطييح
راشد قفــط لأن الكل صد صوبه
راشد : يدوه حرمتي
اليده موزه : حرمت عليك العيشه قو آميــن بس البنت استحت وقفطت ونزلت راسها وانت امبحلق فيهاا
سلطان : وااااااك لقط ويهك
سيف : اسااعدك ؟ تراك اخوي العود
وتموا كلهم يظحكون و يسولفون

وعالعصريه سلموا على شيخه وهزاع
وساروا البنات المول مع الشباب
وكانوا مستانسين واايد

وفاليوم الثاني
عقب ملجه سيف
صوب البنات

ساره : مشالله عليها حموده كانت محلــوووه
ميره : هييه اشعليها عسب اتطيح سيفاني فـ غرامهاا
ساره : اكثر عن جييه
فاطمه : بسكن حشش بسير اتسبح
ساره : سيري سيري ولا اقلج وييت رشودي يبا يشوفج بـ كشختج
فاطمه : انجلعــي استحي اظهر جدامه
ميره : علييناا وكل يوم طايحيين فالمطاعم والمولات
فاطمه : يعلكن بريييل جب يلاا بسير
ساره + ميره : ههههههههههههههههههههه
ساره : يووووعــــاااانه
ظبيه : حتى انــااا
ساره : تعالي نسير انيبلناا شي ناكله
ظبيه : خاطريه بـ سلطه
ساره : بسويلج من عنوني بس تعالي معاي
ظبيه : اوكييك
وسارت ظبيه وساره للمطبخ
وكاانن زايغاات لأنهن نزلن المطبخ الرئيسي وفليل
والكل رااقد
تمت ساره تسوي السلطله ظبيه سمعت صوب باب
سارت صوب الباب وهيه ميته من الزياغ واول ما وصلت تمت تصااارخ
وخميس انصــدم ليش تصارخ
خميس : بلااج ؟
ظبيه : بسم الله خرعتوني لابسين اسود فـ اسود المهم شو تسوون ؟
سلطان : يعنا انا وخميس و سيف
ظبيه : انتوا بعـد
سلطان : ليش يايه روحج ؟
ظبيه : سارونه فالمطبخ تسويلي سلطه
سلطان : حلفــي
ظبيه : والله
سلطان : ههههه بسير ازيغهاا
ظبيه : لالالالا تعاال حرام عليك والله
سار سلطان ووقف ورا ساره وتم يسمعها وهيه تدندن
وتغني وحالتها حاله وهو فيه ظحكه بس ميود عمره
سلطان مره وحده : ههههههههههههههههههههههههههه
نقزت ساره من مكانهااا وصدت شافت سلطان
ساره : انت شو تسوي هنيه ؟
سلطان : الشوق يابني لج
ساره : خوز خوز الحين ظبوي بتي
سلطان : انزيين احبــج والله حسي فيه
ساره : سلطان عن الحركاات
سلطان : يعني شو تبيني اسوي رمست اميه عسب تخطبلي ....
ساره انصدمت : تخطـــب !!
سلطان : هييه شو عندج مانع ؟
ساره : لا بس مو جنك استعيلت ؟
سلطان : حلفي انتي بس صبرت والصبر مل مني
ساره : ههههههه صاير شاعر
سلطان : عشانج اصير شاعر اصير طباخ اصير اي شي
ساره : شاعر قلنا اوكي طباخ مره وحده شو يخصه ؟
سلطان : لأني يوعااان ..
وسحب السلطه من ايدها وشرد
ساره تربع وراه وتصاارخ : ماال ظبووي والله
سلطان : خلها تنسااه
ساره : افف منك عنييد وردت المطبخ وشافت خميس و سيف وظبيه
ساره : نعــم ؟
ظبيه : وين سلطتي ؟
ساره : سلطان صرقهاا
ظبيه : ابااا سلطــه
ساره : بسويلج وحده ثانيه
سيف + خميس نحن بعد نباا
ساره : افف منكم انزييين
تمت تسوي السطله إلهم وعطتهم عقب ردت للحجره
وتسبحت ولبست بيجامتهاا ورقدت

فاليوم الي عقبه
بطلت ساره عيونها بصعوبه
وتحس عمرها تعبــااانه وتبى تكمل رقادهاا
بس الحشره الي مسوينهاا ماتساعد
ميره : صح النوم لا كملي رقادج بعده شي وقت
ساره وبكسل : شالسالفه ؟ شو صاير ؟
ميره : ماشي بس الشباب بيسيرون العين ومب طايعين ياخذوناا
ساره فزت من مكانها : بذمتج ؟
ميره : هييه والله
ظبيه : تعالوا انرمس يدوه موزه ونقنعهاا
ساره : هيه بنرمس يدوه واذا مارامت عليهم انا اعرف اشقايل اخلي سيفوه يوديناا ( وتغمز إلهم )
ميره رفعت حياتها : ع شو ناويه اعترفي
ساره : هههه بعدين بتعرفين
ونشت وسارت الحمام وتغسلت وبدلت وظهرت
شافت الحجرة فاااااضيه مافيها حد استغربت ..
اتجحلت ولبست شيلتها وتعطرت وظهرت
اول مابندت الباب حصلت سلطان فويهاا
ساره : بسم الله انت شو تسوي ؟
سلطان : مشتــااق مشتــااق
ساره : سلطان عن الخبال بسير
سلطان : بذمتج بتخليني جي واقف روحي اهون عليج ؟
ساره : انشالله بصفتي شو اتم معاك ولو حد جافنهاا والاهم ما احب اخون اهليه
سلطان : حشى حشى حشى شوي شوي عليه بلاااج
رد للسؤال الاول بصفتج خطيبتي ورد لثاني سؤال محد بي ولو حد يى عادي ورد لثالث سؤال انتي ماتخونين هلج
ساره بطلت عيونها وهيه مصدومه من جرأته
ساره : لين متى يعني خلاص والله ماروم
سلطان : والله مشتـــاااق
صدت ساره عسب تسير بس سلطان وقف فـ ويهاا
ويلس يشل إلهاا وهو يتأملهاا ومتخبل على ويها الطفولي
وعلى حيائهاا الي ماشي منه وعلى تفاصيل ويهاا الي جنها مرسومه <~ سبحــاان الله
طب عليهم سيف
سيف : حوو حووو جنك وايد ماخذ راحتك ؟
قلنا سكتناا عنك بس هب لهاي الدرجه
ساره قفطـــــت وتيبست فـ مكانها مارامت تسوي شي
سيف وسلطان تموا يرمسون بس هيه ما انتبهت للي يقولونه لأن شافت مايد وهو ظاهر من الحجرة وهو يطالعهاا وهيه تطالعه ومتلومه
لأنه هو من بعد ماودرهاا واايد تغير هب شرات قبل سوالف وعبط وظحك اتحسه ثجل شوي و حتى ضعفــاان
وشكله متغير امبين عليه متضايج حست بالذنب
حست انها خانت الشخص الي كانت بترتبط فيه
لو اتربطت فيه شو بيصيبهاا يعني كانت بتحبه
بس سكتت فتره تمت تفكر معقوله هو هامني لهالدرجه ليكون حبيته وسلطــاان اول ماطرى فـ بالهــاا هالاسم نست مايد وطوايفه وحست انها ألحيين هي هب بس تخون سلطان حست انها منافقه بعد تمت تفكر يعني اناا احب منو الحين
صدت صوب سلطـان تمت تطالعه وهو يضارب ويا سيف
وتمت تفكــرر معقوله انا افكر بواحد ثاني غيره
هزت راسها وجنها تبا تمسح هالافكــاار ونزلت تحت
ميره : وينج بطيتي ؟
ساره : ماشي كنت فوق اخوج حاشرني
ميره بخبث : اخووووي ؟!!!
ساره : سكتي سكتي روحي هب متفيجه
ميره : افــآآ بلاج شو قالج ؟
ساره : ماشي ميروه انا مضايجه ومحتاره وضايعه و .. ( وسكتت )
ميره استغربت : ساروه بلاااج ؟
ساره : اقلج تعالي معاي بسير اخذلي شي اكله وبرمسج مابا حد يسمعناا
ميره : يلا نشي
وسارن ساره وميره صوب المطبخ

فالصاله صوب البنات
ملاك : اشفيها هااي بعـد ؟
ميثا : منوو ؟
ملاك : منو غيرهاا بعد سااره !!
ميثا : ملاك انتي بعدج تكرهينا تحريتج خلاص نسيتي سلطان ونسيتي السالفه وعقلتي
ملاك : هههههه دخيلج لا تظحكيني مو ملاك يوسف الـ.. الي تسكت عن هاي الحثاله و تهد حبيبها الي مب حاس فيهاا
ميثاا : حراام عليج انتي شو ناويه تسوين هذيله يحبون بعض ومستحيل يكرهون بعض
ملاك : بنشــووووف
ميثاا : ملاك دخيلج ابتعدي عنهم
ملاك : افف منج زيين يا ام القلب الحنون
بس اشك ان ورى ساره هاي سالفه
ميثا : ملووكه وبعديين ؟
ملاك : افففف زين زين بسير اشرب ماي تبين شي ؟
ميثاا : لااا
ملاك : زيين
شلت مبايلهاا وسارت صوب المطبخ

صوب ساره وميره
ساره : ميروه تعبت مادري شو اسوي بخبرج سالفه صايرتلي
ميره : قولي
ساره : اول شي سالفه مايد مادري بلااه احسه تغير هب شرات قبل هب مايد الي نعرفه ومتعودين عليه
ميره : انزين والسبب معروف انه كان يحبج ويوم عرف عنج انتي وسلطان تخلى عنج عسب سلطان
ساره : بس مادري مراات احس باحساس غريب صوبه
ميره : كيف يعني
ساره : ميره لا تفهميني غلط ولا ابا هالرمسه تظهر لحد
ميره : قولي بلااج ؟
ساره : مراات احس اني حبيته
ميره : ههههههه اتحرى صاير شي لااا فديتج انتي ماتحبينه بس من الي سوالج ايااه وخلاج تختارين وعاملج معامله اوكي وجيي انتي تغيرت نظرتج لـه ويمكن حبيتيه بس هب حب حبيب لحبيبته او بالاصح هب حب زوج لزوجته فالمستقبل يعني ها حب عادي او يسمونه تقدير و يمكن بعـد تحسين بالذنب وتحسين بالشفقه علييه
ساره : هييييييه هااه هو الي ابا اوصلج ايااه
ميره : زيين
ساره : بس احس اني اخون سلطان واحب واحد غيره
ميره : بكفخج ترى شو تحبين واحد غيره ؟
اقلج كم مره بعييد الرمسه تعبت تراني ها تقديير
ساره : فهمت فهمت بس ماعرف
ميره : بلاج ضايعه عادي يابنت
ساره : لازم ايلس روحي وافكر فالرمسه كلهاا
ميره : هيه يالله نشي خل نسير صوب البنات
ساره : اتريي خليني اشرب عصيري
وتمن يظحكن

ملاك : ايــوااا يعني جي السالفه
مايد ترك ساره عسب سلطان ياخذهاا والله وطلعت ريال بس غبي اوريكم
وسكرت التسجييل الي كانت امبطلته يوم سمعت سالفه خطيره بين ساره وميره
للتوضيح :
ترى ملاك وهيه سايره المطبخ سمعت شي خلاها توقف وتفكر واستغلت هالشي وبطلت التسجيل الي بـ تلفونهاا
وتمت تسجل كل الي ينقال بين ساره وميره ..

ظهرن ساره وميره وشافن ملاك واقفه
ميره : بلاج واقفه هنيه ؟
ملاك : هااه لا ماكو شي بس سايره اشرب ماي
ميره : ايواا
وحدرت ملاك المطبخ وتمن ساره وميره يكملون طريجهم
ساره : تصدقين احس ملوكه اتغيرت وصارت للاحسن
ميره : هـــاااي !! احسهاا خراطه بس جي حركات ام ويهين
ساره : حراام عليج واايد متغيره
ميره : هيه هيه صـح مرره

وحدرن الصاله
اليده موزه : عنلاتكن وينكن انتن ؟
ميره : كنا فالمطبخ ساروه مسويه الغدى اليوم
صدت صوب ساره وظحكت بخبث
اليده موزه : فديتهاا بنيتي اصيلـــه هالشي هب غريب عليهاا ربت بيت مشالله عليهاا
ساره تهمس فـأذن ميروه : يالعنز شو هالورطه ؟
ميره : ههههههههههه يدوه قولي شو مسويه حزري فزري ؟
اليده موزه : اشو هاي حز وفز ؟
ساره + ميره : هههههههههههه
ميره : لالا حزري وفزري يعني خمني .. هيهيهي
اليده موزه : اكيييد مسويه مجبوس صح ؟
ميره : هيه مجبوس دياي بعـد
ساره : لااااا يدووه
وقاطعوها سلطان وسيف وخميس
اليده موزه : مرحباا بعياالي عندي لكم خبر حلوو
سيف : قولي قولي فرحيناا
اليده موزه : اليوم ساره مسويتلناا مجبوس ديااي
ساره انصدمت وميره تمت تظحــــك
سيف : عز الله اليوم كنا طاحين فالمستشفى
خميس : لالالا يدوه انا ابا عمرييه مافيه اتسمم
سلطان : احـم انا بجرب ياخي الحياه تجارب بس خايف
ميره : هههههههههههههههههههههههههههه
ساره : بس يدووه مـ ...
ميره تقاطعهاا : ههههههههه حتى مسويتلكم عصير ليمون بالنعناع ترتوووب
خميس : الله شهيتيني فييه بس اخااف بطني يعورني
سيف : سارونه نبى سلطه بعـد هــااه
ميره : افــاا عليكم
وسحبت ساره وتوجهوا صوب المطبخ وهيه ميته من الظحك وساره بعدها تحت تأثير الصدمه
ساره : يالعنــزز انتي بشو ورطتيني ؟
الحين شو اسوي ؟
ميره : عادي سوي مجبوس دياي + سلطه + عصير ليمون
ساره عصبت : تستهبليين ما اعرف اسوي
ميره : اممممم شرايج نطلب ونقص عليهم
ساره : شكلناا جي بنسوي بس انشالله لحد يشوفناا
ميره : انشالله
وسارت ساره وقالت للدريول ايبلهم مجبوس دياي من المطعم و قالتله لحد يشوفه يهربه إلهم
عقب حدرت المطبخ وتمت تسوي السلطه + عصير ليمون بالنعناع بمساعده ميره طبعــاا
وعالساعه 2 وصل المجبوس + خصلوا السلطه والعصير
زقروا البشاكير عسب ينجبون
وساروا فوق يتسبحون + يبدلون
عقب نزلوا شافوا الكل متيمع عند الغدى وتم قلب ساره يرقع من الخوف <~ انها تنكشف يعني
وميره ميته من الظحك ومب راييمه تيود عمرهاا
الكل تم ياكل ومستانس
سيف : اوووب اختيه ظهرت طباخه لدرجه ان طباخهاا شرى طباخ مطعم ....
سلطان : هههه اشك انها طالبه منه
ساره اطالعت ميره وهنيه ميره مارامت تيود روحهاا
وتمت تظحــــك الكل صد صوبهاا
اليده موزه : ميرووه تخبلتي
ميره : هههههههههههههههههههههه لاا بس اتذكرت نكته تموت من الظحك
سلطان : شو هالنكته ؟
ميره اتوهقت : كريم اتزوج كريمه يابوا ولد وعطوه لليراان
سلطان رفع حياته : الحيين هاي النكته الي مخلتنج جي سيري لاا ماعندج سالفه جدييمه هاي
الكل : هههههههههههههههههههههههههههههه

عقب ماخلصوا الغدى
كلهم ساروا ويلسوا فالصاله
سيف : يلا شباب سيروا اتزهبوا واتكشخوا عسب نسير
سلطان : وين ؟
سيف : بلاااك نسيت
ميره : العيـــــــن ؟!!
ساره : نحن بعد بني
سيف : ماشي عيب كلنا شباب
ساره : يدووووه قوليلهم انتوا بعد تعالوا ومعانااا
اليده موزه : هيه انا خاطريه اسير العين
سيف : انزين بس بنشل يدوه
ساره : طاعوا النذاااله سيفاااني حرام عليك حمدوه بعد بتي معاانااا
سيف : صدق لو جي من عيوني يلا سيروا تلبسوا
الكل : هههههههههههههههههههههههههه
ميره : بنوتااات نشوا بسرعه قبل لا يغيرون رايهم
عوشه : نحن مابني انتوا سيروا وعموه موزه بتي معاكم
عمو ديري بالج عليهم
اليده موزه : انشالله انشالله
وساروا البنات يتلبسون ونزلوا
وساره اتصلت فـ حمده وخبرتهاا انهم بيسيرون العين
وخلها تتزهب بيمرون عليها
عقب تزهبوا الشباب وكانوا كوول كل واحد احلى عن الثاني البنات تخبلوا عليهم
المهم كلهم ساروا بـ 4 سياير
سياره سلطان ، وسياره سيف ، وسياره احمد ، وسياره راشد
سياره سيف ، كانت حمده وميره وساره وظبيه
وسياره سلطان ، اليده موزه و عبدالرحمن ومايد وخميس
وسياره احمد، ملاك وميثا و حصه وعبيد
وسياره راشد ، عبدالله و سعيد

وتحركوا كلهم من دبي للعيـن

وطول الدرب سيف يحط اغاني اهداء لحمده وحمده قافطه والبنات يعلقون ويظحكون ويلعوزونهاا وهيه محمــــــررره
ميره : شوي شوي عن تذوب البنت
سيف : كيفي حرمتي
ساره : طاعوا هذا ترى ألحيين بتصل فـ يدوه تلفون واحد هااه
سيف : ســااارووه عن النذاله
ميره و ساره وظبيه : ههههههههههههههههههههههه
ساره : سيافني ودناا الشيشه
سيف : يلايلايلا هب متفيج إلكم
ميره : عيل متفيج لـ حمدوه هــااه ( وهيه ترقص حياتهاا )
سيف : هههههههههههه هيه فديتــهاا
حمده بحياا : سيفـــااني
سيف : عيون سيفاني
ساره : ودنـــــــــاااا الشيشه حمدوه قوليله بليز
سيف : نو نو نو
ساره + ميره + ظبيه يصارخون : شيشه شيشه هي هي شيشه شيشه هيه هيه
سيف : شششش صمختوني بـــس يالحشره
ساره : ودنا الشيشه حرااااام حمدوه قوليله
حمده : ودهم كسروا خاطريه
سيف : من عيوووني كم حمده عندناا
ساره وميره : طاااعوا هـــااه
ساره : من الصبح احن علييه هب طايع اول ماقالتله حمده طــآآع
سيف وحمده : هههههههههههههههههه
ظبيه : اصصص انتوا حشششره خلوني اركز عـ كلمات الاغنيه
ميره : طــاالعوا المتفيجه
سيف : بــس بــس سكتوا حبيبتي اتصلت فيه
حمده انصدمــت فجت عينهاا : شــوو
سيف بمكر : ششششششششششش
ورد عالتلفون
سيف : هلا بحياتي هلا بروحي ، هيه فديتج ، شو ، ههههههههههه دواج ، لوول فديتهااا يبيها صوبي ، هيه انتي وينج الحين ؟ ، هييه هييه فهمتيهاا هااه ، هههههههه
حمده حرجت : سيفوو وقف وقف
سيف وهو يرمس بالتلفون : ويت ويت حبيبي ( وهو يرمس حمده ) شو حبيبي شو تبين ؟
حمده منصدمه : وقـــف اقلك
هنيه ساره وميره وظبيه تموا مصدومات مايعرفون شو يسون لأن سيف صدق غلطاان يرمس وحده جدامهاا
سيف : ليش اوقف ؟
حمده تصاارخ وهيه فيها صيحه بس ميوده روحهاا : اقلك وقـــف مابا اتم ويا واااحد خــااين للأسف يا سيف انخدعت فيك وقــف خلني انزل ( وهيه تظرب عالباب بكل قوتهاا )
سيف : حمدوه شوي شوي عالباب بينكسر ( ووقف السياره )
نزلت حمده ولحقها سيف وفر التلفون فالسياره
سيف : حبيبي بلااج والله آســف آســف
حمده وهيه ميته من الصيااح : سيــر رمسهاا افاا والله افـاا يا سيف ماتوقعتك جي
سيف : والله فاهمه السالفه غلط والله

الصوب الثاني
فالسياره صوب ساره استغلت اللحظه الي سيف ودر الفون ونزل شلت تلفونه وجافت بعدها هاي الي يرمسها عالخط
ساره وهيه محرجه : انتي شوو ماتستحين ع ويهج ؟
الرياال البارحه مالج شو انتي مالج مذهب ترمسيين شباب ؟ ، ترااه مايحبج يحب إلي ملج عليها وهو يقردنج اصلا ، انتي شو من البشر رمسي قولي شي بلااج ساكته
... :......
ساره حرجت زيااده وتمت تصارخ : رمســـي اقلج يالخايسه والله لو عرفت انج داقه مره ثانيه ع اخويه ماتلومين إلا نفسج
... : حلفي انتي بــس
هنييه انصدمـــت سااره ماتوقعت جي
حتى من كثــر الصدمه سكرت التلفون فويه الي سيف كان يرمسهاا
ميره : بسم الله ساروه بلااج ؟
ظبيه : ساره منو كان عالخط ؟
ساره : هههههههههههههههههههه
ميره + ظبيه : ســااروه فيج شي ؟

صوب سيف وحمده
حمده : انزين شو الدليل ؟
سيف : افــاا يعني شاكه فيه ؟
حمده ابتسمت وهيه تمسح دموعهاا : لاا بس صدمتني والله
سيف : افــآآ والله وانــاا اروم اخونج انا شو سويت عسب اخذج اخر شي جي اسوي
حمده : هههه وانا اقول بعــد
سيف : يلا حياتي تعالي نسير السياره ترى تشوفينهم امبطلين راداراتهم ألحيين
حمده : هههههههههههههههههه
سيف : فديت هالظحكه انــاا ، يعلها دايمه

وعقب ساروا وركبوا السياره
ميره : سيف ألــحق
سيف : شوو ؟
ميره + ظبيه : ساااره ينت
سيف صد صوب ساره وشافها ميته من الظحك استغرب
سيف : بلااهاا ؟
ظبيه : شلت تلفونك تمت تهزب البنيه مادري شو قالتلها البنيه تمت منصدمه بعديين تظحك
حمده وسيف : ههههههههههههههههههههههههههه
ظبيه و ميره : اوووه دوركم الحين شو السالفه قولواا
ظبيه : والله تحمست للسالفه
حمده : ههههههه سيفاني اقول
سيف : اممممم
ميره : يلاا عـــااد
سيف : قولي عنوني قولي
حمده : الي كـــاانت عالخط هييه ....