منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.
.
.

البارت الـ 137
محمد : هلا منصور . .
منصور : شخبارك . .
محمد : والله تمام فديتك . .
منصور : شو فالبيت ؟
محمد : هييه توني ناش . . متاخر يا ريال بروح اسبح وبلحق ع الدوام
منصور : اقول محمد شفت سلامه ؟ اتصلبها كله تلفونها مبند . .
محمد : لا والله ما شفتها . .
منصور : بعبل عليك عيل شويه
محمد : عبل بعد شو بسوي فيك . . قول ابتلشت فيكم
منصور بنبره جديه : كلم عنود خل تروحلها الغرفه تشوفها واطمني . . انا وايد احاتيها وقلبي منقبض
محمد : تمم . . بشوفلك الموضوع وبرد عليك . .
منصور : اترياك . .
محمد : تمام . .
بند محمد ودق الباب ع عنود وفتحت له على طول وحظنته . .
محمد : بلاااج . .
عنود تحظنه بقوة وما تتحرك
محمد : زيغيتيني . .ارمسي شوه فيج
عنود ماسكه خشمها : خلني احظنك بس . . والله مشتاقتلك . .
محمد يبتسم : ياويل حالي انا . . يخرب بيت السالفه . . واي ياحلات هالصبببببببببببببببببح . . قومي قومي بدق راسي فاليدار . .
عنود وخرت عنه وهيه تتنهد : اشتقت لك . . " ترد تمسك خشمها "
محمد يطالعها : والله انا اشتقتلج اكثر . .
عنود تسير بعيد عنه وتخوز ايدها عن خشمها : ما حاب الحال هذا صح . .
محمد : قلتلج حياتي فتره ان شاء الله وكل شي بيرد عادي . . بعد بتحملج شووه بسوي . .
عنود تبتسم : اتعرف اني مواصله من البارحه
محمد : ليش . . " يبتسم " من الشوق هاه . .
عنود : هيه والله
محمد يدق راسه بخفيف ع الباب
عنود : هههههههههههههههههههههه يالخبل . .
محمد : هالكلام اسمعه وما تبيني استوي خبل بعد . . " تذكر " اوه عنود . . منصور يحاتي اختج تلفونها كله مبند ومتصل بي وقالي اخبرج اتجيكين عليها عشان يطمن . . يترياني روحي شوفيها
عنود : ليش سلامه مش معاه ؟
محمد : لاء . .
عنود : نعمممممم ؟
محمد : شفيج . .
عنود : امس اتصلت فيها فليل وقلتلها وينج اتاخرتي وقالتلي انها مع منصور وبندت عني بسرعه !
محمد غمض عينه بقوه . .
عنود : لا تخبره شي . .
محمد يطالع عنود : ترى اختج " يعض ع شفايفه "
عنود : شفيها اختي . .
منصور يتصل . .
محمد : هكو ريلها يتصل . شقوله الحين ؟
عنود : قوله اني قلتلك انها راقده
محمد يمدلها الفون : اسمحيلي . . ماقدر اجذب عليه . . رمسيه انتي . .
عنود شلت الفون وردت
منصور : الو ؟
عنود : هلا منصور . .
منصور : طمنيني . .
عنود : آآآ . . سلامه نايمه منصور . . . امس كانت تعبانه شويه ويادوب رقدت قبل شوي
منصور : ريحتيني الله يريحج . . " يحط ايده ع قلبه ويحس قلبه بعده مقبوض " انا بمر اطمن عليها
عنود : لالالا . . انا راقده معاها لا تحاتي . .
منصور : متى ردت من المطوعه امس ؟
عنود : مطوعه ؟
منصور : ما خبرتج ؟
عنود بارتباك : هييه بلاخبرتني . . مادري ما شفت الوقت الصراحه
منصور : خلاص عنود . . انا جريب وبوصل الدوام بس دخيلج بدقلج كل شوي طمنيني عليها . .
عنود : ان شاء الله
منصور : واول ما اخلص بمر عليها . .
عنود : اوكي منصور . .
منصور : اسمحيلي تعبتج . .
عنود : لا عادي افا عليك . .
منصور :فمان الله . .
عنود : مع السلامه . .
حمود : اختج وين . .؟؟؟
عنود :حمود شفيك والله مادري . .
حمود : استغفر الله . . " بصوت واطي " خرى عليها الخايسه . . خرى عليها الوصخه . . من نظراتها عرفت ان وراها سوايا . .
عنود : شو قلت "؟
حمود : ماشي . . " يشل فوطته ويروح الحمام يسبح والف فكره فراسه . . "
.
.
.
وصلو مهره وسيف البيت . .
مهره : تحس بتعب ؟
سيف يفتح عينه : لا حبيبي ما احس بتعب . .
مهره تقرصه . .
سيف : شوه فيج
مهره بصوت واطي : لا تقول حبيبي جدام اميه وابويه وعذوووور . .
عذاري ابتسمت . .
سيف بصوت عالي : حبيبي قومي نروح الغرفه نريح اهناك . .
اما مهره افتشششششششلت وانجلب لونها . .
ام عبدالله : هيه اميه روحي ارتاحي . .
بو عبدالله يقوم : يالله ام عبدالله تامرين على شي . . .
ام عبدالله : سلامتك . . تحمل على روحك
بو عبدالله : ان شاء الله .. .
وطلع من البيت وقامت ام عبدالله وراه رايحه المطبخ . .
سيف : عذور ما ناويه تكملين دراسه
عذاري : والله سلطان يقول لي دشي الكليه وانا كنت بدش . . لكن خلاص ما ابي ما اقدر . .
مهره : قولي انج ما تبين لا تقولين انج ما تقدرين
عذاري : ما ابا وما اقدر . . انا اتريا العرسسس بسسس
سيف يطالع مهره : مستخفه هاي . .
مهره فاجه عينها : مستخفه لانها تبا تعرس . . .
سيف : عاد جذه . .
مهره : لا والله . . تحبه ياخي
سيف يبتسم : عيل انتي ما ظنتي كنتي تسوين جي فالملجه . .
مهره : ليش يا حسره رمستك فالملجه اصلا انا . . ما سويت لي انت سالفه . .
سيف يقرص خدها : الي يسمع فتره الملجه يقول مررره عاد . . إلا شهرين انزين
مهره : انزين وفهالشهرين تراك ما وصلتني ولا عبرتني
عذاري من شافتهم اندمجو بالرمسه انسحبت بهدوء . .
سيف : عاد انتي تدرين حزتها كنت غبي وماعرفج ولا احبج . .
مهره : عيل لا تحكم ع عذور بانها مستخفه . . بس لانها تحبه . . وانا لو حبيتك فالملجه جان قلت نفس الشي . .
سيف : بل بل . . كلتيني . . اسف خلاص . . كنت امزح ع فكره
مهره : ادري انك تمزح ! بس انا اقولك جيه عششان يتم في بالك . . ع الاقل عندهم شي حلو يذكرونه فالملجه " تبوز "
سيف : ياربيه . .انتي التبوز عندج ببلاش ترى . .
مهره : صدق كلامي ولا لاء ؟
سيف بنبره حنان : مش كافي اني معاج الحين . . ما تشوفيني يالس اعوض عن كل شي ؟ قولييلي . . والله لو مش كافي خبريني بس وانا ما بقصر . . بعوضج عن كل الاشياء الي حرمتج منها . .
مهره تطالعه بحنان وتحب خده : امزح معاك . .
سيف ينزل راسه . .
مهره : يلا عاد . . احين انت بتبوز يعني
سيف : انا اعرف اني حرمتج من اشياء حلوه . . بس كاني قاعد اعوض . .
مهره : والله اعرف انزين بس ألعوزك شويه . .
ناصر : عادي اقطع هالحوار الرومانسي . .
مهره تغمض عينها : اوبس . .
سيف يبتسم ويقوم يسلم ع ناصر . .
ناصر : الحمممدلله على السلامه . .
سيف : الله يسلمك ياربيه . . .
ناصر يطالع مهره ويعرف انها مستحيه : انتي ما بتين تسلمين علي . . لا تحاتين ترا ماسمعت شي . .
مهره تنش : خااايس . . " تسلم عليه وتبوسه "
ناصر يبتسم : والله تو ما نور البيت . .
سيف : منور بهله . .
ناصر : عاد اسمحولي كان ودي ايلس وياكم بس الوقت غلط . . عندي مقابله . .
سيف : مقابله في شو ؟
ناصر :حصلت لي وظيفه محترمه بدال الوظايف السخيفه الي جربتها . . واليوم المقابله عشان القبول
مهره :الله يوفقك ان شاء الله
ناصر : قولي ان شاء الله انننقبل ويصير الي في بالي
مهره تبتسم : ان شاء الله تنقبل ويصير الي في بالك . .
ناصر مبتسم ابتسامه عريضه . . : يالله استودعكم الله . .
مهره : الله يحفظك حبيبي . .
وراح ناصر . .
سيف : لو سايرين دبي مش احسن .؟ كل شوي حد قاطعنا . .
مهره تطالعه . .
سيف :والله العظيم اسولف . .بل اشفيج انتي . . دقني بنقع ؟
مهره : ماتشووف روحك ترى . .
سيف : ابا اسولف معاج براااااحه وكل شوي حد طب . . احين حد بيطب . . صبري انتتي بس
روضة : مهووووووووووور
سيف يبتسم : شفتي . .
مهره : ههههههههههههههه . . .
روضة : بلاج تضحكين . .
مهره تسير صوب روضة وتسلم عليها : ماشي حبيبتي . . شخبارج
روضة : انا زينه انتي الي شخبارج . . . ؟ والله كنت بطلع ويا فهد بنروح مكان وكنت ناويه امر عليج
مهره : ياا الله انا سهلت لج الموضوع ويييت عندج . .
روضة : لين متى بتمين ؟
سيف من بعيد : باجر رادين . .
مهره : جب جب . . ماعليج منه . . بطول شوي . .
سيف : هيه تمي برووووووحج
مهره تبتسم : وين رايحه ماشاء الله
روضة : بخبرج يوم برد عسب تكون مفاجاه . .
مهره : فهد برع ؟
روضه : هيه يترياني . . توه واصل
مهره : انزين خل ينزل بنسلم عليه
روضة : واحنا رادين بخليه ينزل . .
مهره : خلاص حبيبتي . . الله وياج
وتطلع روضه . .
سيف يي صوبها : امشي امشي . .
مهره تطالعه : وييييين . .
سيف : بنطلع احنا بعد
مهره : استريح انته بروحك تعبان وين تروم تسوق ان شاء الله . .
سيف : ماعليج بروم . .
مهره : حبيبي كيف بنروح ؟
سيف سكت وتم يفكر شوي انه اصلا سيارته مش موجوده اهني . .
مهره تحط ايدها ع راسه : شفت انك مسخن . .
سيف : اوف . . " يتثاوب "
مهره تبتسم : يالله تعال بنروح نرييح شوي
سيف : لا مااا برقد اصلا مافيني رقاد " يتثاوب مره ثانية "
مهره : باين فديتك . .
سحبته من ايده وصعدو فوق . .
.
.
.

سلطان : بصفعج كفف
عذاري : انزيييييييين عادي انا مابا لا عرسسس ولا خرابيط خل نعرسسس جيييه ماا اقدر اتريا
سلطان بصوت واطي : انا فالدوام ماروم ارمس الحين
عذاري : ابا اقعد معاك في بيتنا شرات مهور وسواف وكل شوي حد ينشب لهم . . ويسولفون ومستانسين ومرتاحين
سلطان : قريب ان شاء الله عذووور . . خلاص يالله بندي الحين . . اذا تفنشت ماشي عرس
عذاري : خلاص خلاص اوكي باي . .
سلطان مبتسم : باي . .
عذاري : لحظه سلطووووووون
سلطان : هاه
عذاري : احبك . .
سلطان مبتسم " احبج اكثر " : ويا راسج . . انا بعد انا بعد يا الله !
عذاري : اففففففف باي .
حطا فونه على جنب على الهزاز ورد هز مره ثانية . . انتبه للمتصل رقم غريب مألوف !!
سلطان : ألو . .
:: مرحبا سلطان . .
سلطان انصدم . . .
:: شحالك ؟
سلطان : ليش متصله . .
:: عرفتني يعني . .
سلطان سكر عينه بحسره . .

وش اللي جابني في بالك
ماصـدقت انــا انســــاك
حسبتـك رحـت في حــالك
وطـويت في دنيتـي ذكــراك
وش اللـي ذكــرك فينــي
بعـد ماكنـت ناسينــي
غريبــه أنـت هـذا أنــت
تجـي وتمـد لـي يمنـــاك
جيتنـي شـايل احـزانـك
وهـم الدنــيا في عيونـــك
مـدري الوقـت هـو خانــك
ولا اللــي يحبونـــــــك
روح ابعـد وخلينـــي
تـرى مافينـي يكفينـي
انـا مانــي علـى خبـــرك
ولا قلبــــي تحت امـرك
هـذاك اول تمنيتــك
تجينــي وافــرح بشوفــك
صحيــح انـي ترجيتــك
وتعــذرت انـت بظــــروفـــــك
لا مـابـي انا قـربــك
ولا امشــي ابد دربــك
ابـي تبعــد وتنســاني
ولا ترجــع ابـد ثانــي
وش اللــي ذكــرك فينـــي
بعــد ماكنـت ناسينــي
غريبــه انـت هـذا انـت
تجــي وتمـد لـي يمنـاك
وش اللـي جابنـي فـي بــالك؟
.
.